শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তবিংশস্সর্গঃ ।
এবমুক্তা তু বৈদেহী প্রিয়ার্হা প্রিযবাদিনী ।
প্রণয়াদেব সংক্রুদ্ধা ভর্তারমিদমব্রবীত্ ॥ 1 ॥
কিমিদং ভাষসে রাম বাক্য়ং লঘুতয়া ধ্রুবম্ ।
ত্বয়া যদপহাস্য়ং মে শ্রুত্বা নরবরাত্মজ ॥ 2 ॥
আর্যপুত্র পিতা মাতা ভ্রাতা পুত্রস্তথা স্নুষা ।
স্বানি পুণ্য়ানি ভুংজানাঃ স্বং স্বং ভাগ্যমুপাসতে ॥ 3 ॥
ভর্তুর্ভাগ্য়ং তু ভার্য়ৈকা প্রাপ্নোতি পুরুষর্ষভ ।
অতশ্চৈবাহমাদিষ্টা বনে বস্তব্যমিত্যপি ॥ 4 ॥
ন পিতা নাত্মজো নাত্মা ন মাতা ন সখীজনঃ ।
ইহ প্রেত্য় চ নারীণাং পতিরেকো গতিস্সদা ॥ 5 ॥
যদি ত্বং প্রস্থিতো দুর্গং বনমদ্য়ৈব রাঘব ।
অগ্রতস্তে গমিষ্য়ামি মৃদ্নংতী কুশকংটকান্ ॥ 6 ॥
ঈর্ষ্য়ারোষৌ বহিষ্কৃত্য় ভুক্তশেষমিবোদকম্ ।
নয় মাং বীর বিস্রব্ধঃ পাপং ময়ি ন বিদ্যতে ॥ 7 ॥
প্রাসাদাগ্রৈর্বিমানৈর্বা বৈহাযসগতেন বা ।
সর্বাবস্থাগতা ভর্তুঃ পাদচ্ছায়া বিশিষ্যতে ॥ 8 ॥
অনুশিষ্টাঽস্মি মাত্রা চ পিত্রা চ বিবিধাশ্রযম্ ।
নাঽস্মি সংপ্রতি বক্তব্য়া বর্তিতব্য়ং যথা ময়া ॥ 9 ॥
অহং দুর্গং গমিষ্য়ামি বনং পুরুষবর্জিতম্ ।
নানামৃগগণাকীর্ণং শার্দূলবৃকসেবিতম্ ॥ 10 ॥
সুখং বনে নিবত্স্য়ামি যথৈব ভবনে পিতুঃ ।
অচিংতয়ংতী ত্রীন্লোকাংশ্চ্চিংতয়ংতী পতিব্রতম্ ॥ 11 ॥
শুশ্রূষমাণা তে নিত্য়ং নিযতা ব্রহ্মচারিণী ।
সহ রংস্য়ে ত্বয়া বীর বনেষু মধুগংধিষু ॥ 12 ॥
ত্বং হি শক্তো বনে কর্তুং রাম সংপরিপালনম্ ।
অন্যস্য়াপি জনস্য়েহ কিং পুনর্মম মানদ ॥ 13 ॥
সহ ত্বয়া গমিষ্য়ামি বনমদ্য় ন সংশয়ঃ ।
নাহং শক্য়া মহাভাগ নিবর্তয়িতুমুদ্যতা ॥ 14 ॥
ফলমূলাশনা নিত্য়ং ভবিষ্য়ামি ন সংশয়ঃ ।
ন তে দুঃখং করিষ্য়ামি নিবসংতী সহ ত্বয়া ॥ 15 ॥
ইচ্ছামি সরিতশ্শৈলান্পল্বলানি বনানি চ ।
দ্রষ্টুং সর্বত্র নির্ভীতা ত্বয়া নাথেন ধীমতা ॥ 16 ॥
হংসকারংডবাকীর্ণাঃ পদ্মিনীস্সাধুপুষ্পিতাঃ ।
ইচ্ছেয়ং সুখিনী দ্রষ্টুং ত্বয়া বীরেণ সংগতা ॥ 17 ॥
অভিষেকং করিষ্য়ামি তাসু নিত্য়ং যতব্রতা ।
সহ ত্বয়া বিশালাক্ষ রংস্য়ে পরমনংদিনী ॥ 18 ॥
এবং বর্ষসহস্রাণাং শতং বাঽহং ত্বয়া সহ ।
ব্যতিক্রমং ন বেত্স্য়ামি স্বর্গোঽপি ন হি মে মতঃ ॥ 19 ॥
স্বর্গেঽপি চ বিনা বাসো ভবিতা যদি রাঘব ।
ত্বয়া মম নরব্য়াঘ্র নাহং তমপি রোচয়ে ॥ 20 ॥
অহং গমিষ্য়ামি বনং সুদুর্গমং মৃগায়ুতং বানরবারণৈর্য়ুতম্ ।
বনে নিবত্স্য়ামি যথা পিতুর্গৃহে তবৈব পাদাবুপগৃহ্য় সংযতা ॥ 21 ॥
অনন্যভাবামনুরক্তচেতসং ত্বয়া বিয়ুক্তাং মরণাযনিশ্চিতাম্ ।
নযস্ব মাং সাধু কুরুষ্ব যাচনাং ন তে ময়াঽতো গুরুতা ভবিষ্যতি ॥ 22 ॥
তথা ব্রুবাণামপি ধর্মবত্সলো ন চ স্ম সীতাং নৃবরো নিনীষতি ।
উবাচ চৈনাং বহু সন্নিবর্তনে বনে নিবাসস্য় চ দুঃখিতাং প্রতি ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তবিংশস্সর্গঃ ॥
