ශ්රීමද්වාල්මීකීය රාමායණේ අයෝධ්යාකාංඩම් ।
අථ සප්තවිංශස්සර්ගඃ ।
ඒවමුක්තා තු වෛදේහී ප්රියාර්හා ප්රියවාදිනී ।
ප්රණයාදේව සංක්රුද්ධා භර්තාරමිදමබ්රවීත් ॥ 1 ॥
කිමිදං භාෂසේ රාම වාක්යං ලඝුතයා ධ්රුවම් ।
ත්වයා යදපහාස්යං මේ ශ්රුත්වා නරවරාත්මජ ॥ 2 ॥
ආර්යපුත්ර පිතා මාතා භ්රාතා පුත්රස්තථා ස්නුෂා ।
ස්වානි පුණ්යානි භුංජානාඃ ස්වං ස්වං භාග්යමුපාසතේ ॥ 3 ॥
භර්තුර්භාග්යං තු භාර්යෛකා ප්රාප්නෝති පුරුෂර්ෂභ ।
අතශ්චෛවාහමාදිෂ්ටා වනේ වස්තව්යමිත්යපි ॥ 4 ॥
න පිතා නාත්මජෝ නාත්මා න මාතා න සඛීජනඃ ।
ඉහ ප්රේත්ය ච නාරීණාං පතිරේකෝ ගතිස්සදා ॥ 5 ॥
යදි ත්වං ප්රස්ථිතෝ දුර්ගං වනමද්යෛව රාඝව ।
අග්රතස්තේ ගමිෂ්යාමි මෘද්නංතී කුශකංටකාන් ॥ 6 ॥
ඊර්ෂ්යාරෝෂෞ බහිෂ්කෘත්ය භුක්තශේෂමිවෝදකම් ।
නය මාං වීර විස්රබ්ධඃ පාපං මයි න විද්යතේ ॥ 7 ॥
ප්රාසාදාග්රෛර්විමානෛර්වා වෛහායසගතේන වා ।
සර්වාවස්ථාගතා භර්තුඃ පාදච්ඡායා විශිෂ්යතේ ॥ 8 ॥
අනුශිෂ්ටාऽස්මි මාත්රා ච පිත්රා ච විවිධාශ්රයම් ।
නාऽස්මි සංප්රති වක්තව්යා වර්තිතව්යං යථා මයා ॥ 9 ॥
අහං දුර්ගං ගමිෂ්යාමි වනං පුරුෂවර්ජිතම් ।
නානාමෘගගණාකීර්ණං ශාර්දූලවෘකසේවිතම් ॥ 10 ॥
සුඛං වනේ නිවත්ස්යාමි යථෛව භවනේ පිතුඃ ।
අචිංතයංතී ත්රීන්ලෝකාංශ්ච්චිංතයංතී පතිව්රතම් ॥ 11 ॥
ශුශ්රූෂමාණා තේ නිත්යං නියතා බ්රහ්මචාරිණී ।
සහ රංස්යේ ත්වයා වීර වනේෂු මධුගංධිෂු ॥ 12 ॥
ත්වං හි ශක්තෝ වනේ කර්තුං රාම සංපරිපාලනම් ।
අන්යස්යාපි ජනස්යේහ කිං පුනර්මම මානද ॥ 13 ॥
සහ ත්වයා ගමිෂ්යාමි වනමද්ය න සංශයඃ ।
නාහං ශක්යා මහාභාග නිවර්තයිතුමුද්යතා ॥ 14 ॥
ඵලමූලාශනා නිත්යං භවිෂ්යාමි න සංශයඃ ।
න තේ දුඃඛං කරිෂ්යාමි නිවසංතී සහ ත්වයා ॥ 15 ॥
ඉච්ඡාමි සරිතශ්ශෛලාන්පල්වලානි වනානි ච ।
ද්රෂ්ටුං සර්වත්ර නිර්භීතා ත්වයා නාථේන ධීමතා ॥ 16 ॥
හංසකාරංඩවාකීර්ණාඃ පද්මිනීස්සාධුපුෂ්පිතාඃ ।
ඉච්ඡේයං සුඛිනී ද්රෂ්ටුං ත්වයා වීරේණ සංගතා ॥ 17 ॥
අභිෂේකං කරිෂ්යාමි තාසු නිත්යං යතව්රතා ।
සහ ත්වයා විශාලාක්ෂ රංස්යේ පරමනංදිනී ॥ 18 ॥
ඒවං වර්ෂසහස්රාණාං ශතං වාऽහං ත්වයා සහ ।
ව්යතික්රමං න වේත්ස්යාමි ස්වර්ගෝऽපි න හි මේ මතඃ ॥ 19 ॥
ස්වර්ගේऽපි ච විනා වාසෝ භවිතා යදි රාඝව ।
ත්වයා මම නරව්යාඝ්ර නාහං තමපි රෝචයේ ॥ 20 ॥
අහං ගමිෂ්යාමි වනං සුදුර්ගමං මෘගායුතං වානරවාරණෛර්යුතම් ।
වනේ නිවත්ස්යාමි යථා පිතුර්ගෘහේ තවෛව පාදාවුපගෘහ්ය සංයතා ॥ 21 ॥
අනන්යභාවාමනුරක්තචේතසං ත්වයා වියුක්තාං මරණායනිශ්චිතාම් ।
නයස්ව මාං සාධු කුරුෂ්ව යාචනාං න තේ මයාऽතෝ ගුරුතා භවිෂ්යති ॥ 22 ॥
තථා බ්රුවාණාමපි ධර්මවත්සලෝ න ච ස්ම සීතාං නෘවරෝ නිනීෂති ।
උවාච චෛනාං බහු සන්නිවර්තනේ වනේ නිවාසස්ය ච දුඃඛිතාං ප්රති ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ සප්තවිංශස්සර්ගඃ ॥
