শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষডশীতিতমস্সর্গঃ ।
আচচক্ষেঽথ সদ্ভাবং লক্ষ্মণস্য় মহাত্মনঃ ।
ভরতায়াপ্রমেয়ায় গুহো গহনগোচরঃ ॥ 1 ॥
তং জাগ্রতং গুণৈর্য়ুক্তং শরচাপাসিধারিণম্ ।
ভ্রাতৃগুপ্ত্যর্থমত্য়ংতমহং লক্ষ্মণমবৃবম্ ॥ 2 ॥
ইয়ং তাত সুখা শয়্য়া ত্বদর্থমুপকল্পিতা ।
প্রত্য়াশ্বসিহি শেষ্বাস্য়াং সুখং রাঘবনংদন ॥ 3 ॥
উচিতোঽয়ং জনস্সর্বো দুঃখানাং ত্বং সুখোচিতঃ ।
ধর্মাত্মংস্তস্য় গুপ্ত্যর্থং জাগরিষ্য়ামহে বযম্ ॥ 4 ॥
নহি রামাত্প্রিযতরো মমাস্তি ভুবি কশ্চন ।
মোত্সুকোঽভূর্ব্রবীম্য়েতদপ্যসত্য়ং তবাগ্রতঃ ॥ 5 ॥
অস্য় প্রসাদাদাশংসে লোকেঽস্মিন্ সুমহদ্যশঃ ।
ধর্মাবাপ্তিং চ বিপুলামর্থকামৌ চ কেবলম্ ॥ 6 ॥
সোঽহং প্রিযসখং রামং শয়ানং সহ সীতয়া ।
রক্ষিষ্য়ামি ধনুষ্পাণি স্সর্বৈ স্স্বৈর্জ্ঞাতিভিস্সহ ॥ 7 ॥
ন হি মেঽবিদিতং কিংচিদ্বনেঽস্মিংশ্চরত স্সদা ।
চতুরংগং হ্যপি বলং প্রসহেম বয়ং যুধি ॥ 8 ॥
এবমস্মাভিরুক্তেন লক্ষ্মণেন মহাত্মনা ।
অনুনীতা বয়ং সর্বে ধর্মমেবানুপশ্যতা ॥ 9 ॥
কথং দাশরথৌ ভূমৌ শয়ানে সহ সীতয়া ।
শক্য়া নিদ্রা ময়া লব্ধুং জীবিতং বা সুখানি বা ॥ 10 ॥
যো ন দেবাসুরৈস্সর্বৈশ্শক্য়ঃ প্রসহিতুং যুধি ।
তং পশ্য় গুহ সংবিষ্টং তৃণেষু সহ সীতয়া ॥ 11 ॥
মহতা তপসা লব্ধো বিবিধৈশ্চ পরিশ্রমৈঃ ।
একো দশরথস্য়ৈষ পুত্রস্সদৃশলক্ষণঃ ॥ 12 ॥
অস্মিন্প্রব্রাজিতে রাজা ন চিরং বর্তয়িষ্যতি ।
বিধবা মেদিনী নূনং ক্ষিপ্রমেব ভবিষ্যতি ॥ 13 ॥
বিনদ্য় সুমহানাদং শ্রমেণোপরতাঃ স্ত্রিয়ঃ ।
নির্ঘোষো বিরতো নূনমধ্য় রাজনিবেশনে ॥ 14 ॥
কৌসল্য়া চৈব রাজা চ তথৈব জননী মম ।
নাশংসে যদি জীবেয়ুস্সর্বে তে শর্বরীমিমাম্ ॥ 15 ॥
জীবেদপি চ মে মাতা শত্রুঘ্নস্য়ান্ববেক্ষয়া ।
দুঃখিতা যা তু কৌসল্য়া বীরসূর্বিনশিষ্যতি ॥ 16 ॥
অতিক্রাংতমতিক্রাংতমনবাপ্য় মনোরথম্ ।
রাজ্য়ে রামমনিক্ষিপ্য় পিতা মে বিনশিষ্যতি ॥ 17 ॥
সিদ্ধার্থাঃ পিতরং বৃত্তং তস্মিন্কালে হ্য়ুপস্থিতে ।
প্রেতকার্য়েষু সর্বেষু সংস্করিষ্য়ংতি ভূমিপম্ ॥ 18 ॥
রম্যচত্বরসংস্থানাং সুবিভক্তমহাপথাম্ ।
হর্ম্যপ্রাসাদংপন্নাং সর্বরত্নবিভূষিতাম্ ॥ 19 ॥
গজাশ্বরথসংবাধাং তূর্যনাদবিনাদিতাম্ ।
সর্বকল্য়াণসংপূর্ণাং হৃষ্টপুষ্টজনাকুলাম্ ॥ 20 ॥
আরামোদ্য়ানসংপূর্ণাং সমাজোত্সবশালিনীম্ ।
সুখিতা বিচরিষ্য়ংতি রাজধানীং পিতুর্মম ॥ 21 ॥
অপিসত্যপ্রতিজ্ঞেন সার্ধং কুশলিনা বযম্ ।
নিবৃত্তে সময়ে হ্যস্মিন্ সুখিতাঃ প্রবিশেমহি ॥ 22 ॥
পরিদেবযমানস্য় তস্য়ৈবং সুমহাত্মনঃ ।
তিষ্ঠতো রাজপুত্রস্য় শর্বরী সাঽত্যবর্তত ॥ 23 ॥
প্রভাতে বিমলে সূর্য়ে কারয়িত্বা জটা উভৌ ।
অস্মিন্ ভাগীরথীতীরে সুখং সংতারিতৌ ময়া ॥ 24 ॥
জটাধরৌ তৌ দ্রুমচীরবাসসৌ মহাবলৌ কুংজরয়ূথপোপমৌ ।
বরেষুচাপাসিধরৌ পরংতপৌ ব্যপেক্ষমাণৌ সহ সীতয়া গতৌ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষডশীতিতমস্সর্গঃ ॥
