ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட³ஶீதிதமஸ்ஸர்க:³ ।
ஆசசக்ஷேத² ஸத்³பா⁴வம் லக்ஷ்மணஸ்ய மஹாத்மன: ।
ப⁴ரதாயாப்ரமேயாய கு³ஹோ க³ஹனகோ³சர: ॥ 1 ॥
தம் ஜாக்³ரதம் கு³ணைர்யுக்தம் ஶரசாபாஸிதா⁴ரிணம் ।
ப்⁴ராத்ருகு³ப்த்யர்த²மத்யந்தமஹம் லக்ஷ்மணமப்³ருவம் ॥ 2 ॥
இயம் தாத ஸுகா² ஶய்யா த்வத³ர்த²முபகல்பிதா ।
ப்ரத்யாஶ்வஸிஹி ஶேஷ்வாஸ்யாம் ஸுக²ம் ராக⁴வனந்த³ன ॥ 3 ॥
உசிதோயம் ஜனஸ்ஸர்வோ து³:கா²னாம் த்வம் ஸுகோ²சித: ।
த⁴ர்மாத்மம்ஸ்தஸ்ய கு³ப்த்யர்த²ம் ஜாக³ரிஷ்யாமஹே வயம் ॥ 4 ॥
நஹி ராமாத்ப்ரியதரோ மமாஸ்தி பு⁴வி கஶ்சன ।
மோத்ஸுகோபூ⁴ர்ப்³ரவீம்யேதத³ப்யஸத்யம் தவாக்³ரத: ॥ 5 ॥
அஸ்ய ப்ரஸாதா³தா³ஶம்ஸே லோகேஸ்மின் ஸுமஹத்³யஶ: ।
த⁴ர்மாவாப்திம் ச விபுலாமர்த²காமௌ ச கேவலம் ॥ 6 ॥
ஸோஹம் ப்ரியஸக²ம் ராமம் ஶயானம் ஸஹ ஸீதயா ।
ரக்ஷிஷ்யாமி த⁴னுஷ்பாணி ஸ்ஸர்வை ஸ்ஸ்வைர்ஜ்ஞாதிபி⁴ஸ்ஸஹ ॥ 7 ॥
ந ஹி மேவிதி³தம் கிஞ்சித்³வனேஸ்மிம்ஶ்சரத ஸ்ஸதா³ ।
சதுரங்க³ம் ஹ்யபி ப³லம் ப்ரஸஹேம வயம் யுதி⁴ ॥ 8 ॥
ஏவமஸ்மாபி⁴ருக்தேன லக்ஷ்மணேன மஹாத்மனா ।
அனுனீதா வயம் ஸர்வே த⁴ர்மமேவானுபஶ்யதா ॥ 9 ॥
கத²ம் தா³ஶரதௌ² பூ⁴மௌ ஶயானே ஸஹ ஸீதயா ।
ஶக்யா நித்³ரா மயா லப்³து⁴ம் ஜீவிதம் வா ஸுகா²னி வா ॥ 1௦ ॥
யோ ந தே³வாஸுரைஸ்ஸர்வைஶ்ஶக்ய: ப்ரஸஹிதும் யுதி⁴ ।
தம் பஶ்ய கு³ஹ ஸம்விஷ்டம் த்ருணேஷு ஸஹ ஸீதயா ॥ 11 ॥
மஹதா தபஸா லப்³தோ⁴ விவிதை⁴ஶ்ச பரிஶ்ரமை: ।
ஏகோ த³ஶரத²ஸ்யைஷ புத்ரஸ்ஸத்³ருஶலக்ஷண: ॥ 12 ॥
அஸ்மின்ப்ரவ்ராஜிதே ராஜா ந சிரம் வர்தயிஷ்யதி ।
வித⁴வா மேதி³னீ நூனம் க்ஷிப்ரமேவ ப⁴விஷ்யதி ॥ 13 ॥
வினத்³ய ஸுமஹானாத³ம் ஶ்ரமேணோபரதா: ஸ்த்ரிய: ।
நிர்கோ⁴ஷோ விரதோ நூனமத்⁴ய ராஜனிவேஶனே ॥ 14 ॥
கௌஸல்யா சைவ ராஜா ச ததை²வ ஜனநீ மம ।
நாஶம்ஸே யதி³ ஜீவேயுஸ்ஸர்வே தே ஶர்வரீமிமாம் ॥ 15 ॥
ஜீவேத³பி ச மே மாதா ஶத்ருக்⁴னஸ்யான்வவேக்ஷயா ।
து³:கி²தா யா து கௌஸல்யா வீரஸூர்வினஶிஷ்யதி ॥ 16 ॥
அதிக்ராந்தமதிக்ராந்தமனவாப்ய மனோரத²ம் ।
ராஜ்யே ராமமனிக்ஷிப்ய பிதா மே வினஶிஷ்யதி ॥ 17 ॥
ஸித்³தா⁴ர்தா²: பிதரம் வ்ருத்தம் தஸ்மின்காலே ஹ்யுபஸ்தி²தே ।
ப்ரேதகார்யேஷு ஸர்வேஷு ஸம்ஸ்கரிஷ்யந்தி பூ⁴மிபம் ॥ 18 ॥
ரம்யசத்வரஸம்ஸ்தா²னாம் ஸுவிப⁴க்தமஹாபதா²ம் ।
ஹர்ம்யப்ராஸாத³ம்பன்னாம் ஸர்வரத்னவிபூ⁴ஷிதாம் ॥ 19 ॥
கஜ³ாஶ்வரத²ஸம்பா³தா⁴ம் தூர்யனாத³வினாதி³தாம் ।
ஸர்வகல்யாணஸம்பூர்ணாம் ஹ்ருஷ்டபுஷ்டஜனாகுலாம் ॥ 2௦ ॥
ஆராமோத்³யானஸம்பூர்ணாம் ஸமாஜோத்ஸவஶாலினீம் ।
ஸுகி²தா விசரிஷ்யந்தி ராஜதா⁴னீம் பிதுர்மம ॥ 21 ॥
அபிஸத்யப்ரதிஜ்ஞேன ஸார்த⁴ம் குஶலினா வயம் ।
நிவ்ருத்தே ஸமயே ஹ்யஸ்மின் ஸுகி²தா: ப்ரவிஶேமஹி ॥ 22 ॥
பரிதே³வயமானஸ்ய தஸ்யைவம் ஸுமஹாத்மன: ।
திஷ்ட²தோ ராஜபுத்ரஸ்ய ஶர்வரீ ஸாத்யவர்தத ॥ 23 ॥
ப்ரபா⁴தே விமலே ஸூர்யே காரயித்வா ஜடா உபௌ⁴ ।
அஸ்மின் பா⁴கீ³ரதீ²தீரே ஸுக²ம் ஸந்தாரிதௌ மயா ॥ 24 ॥
ஜடாத⁴ரௌ தௌ த்³ருமசீரவாஸஸௌ மஹாப³லௌ குஞ்ஜரயூத²போபமௌ ।
வரேஷுசாபாஸித⁴ரௌ பரந்தபௌ வ்யபேக்ஷமாணௌ ஸஹ ஸீதயா க³தௌ ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட³ஶீதிதமஸ்ஸர்க:³ ॥
