ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகோனபஞ்சாஶஸ்ஸர்க:³ ।
ததஸ்ஸ கர்மணா தஸ்ய விஸ்மிதோ பீ⁴மவிக்ரம: ।
ஹனுமான்ரோஷதாம்ராக்ஷோ ரக்ஷோதி⁴பமவைக்ஷத ॥ 1 ॥
ப்⁴ராஜமானம் மஹார்ஹேண காஞ்சனேன விராஜதா ।
முக்தாஜாலாவ்ருதேனாத² மகுடேன மஹாத்³யுதிம் ॥ 2 ॥
வஜ்ரஸம்யோக³ஸம்யுக்தைர்மஹார்ஹமணிவிக்³ரஹை: ।
ஹைமைராப⁴ரணைஶ்சித்ரைர்மனஸேவ ப்ரகல்பிதை: ॥ 3 ॥
மஹார்ஹக்ஷௌமஸம்வீதம் ரக்தசந்த³னரூஷிதம் ।
ஸ்வானுலிப்தம் விசித்ராபி⁴ர்விவிதா⁴பி⁴ஶ்ச ப⁴க்திபி⁴: ॥ 4 ॥
விசித்ரைர்த³ர்ஶனீயைஶ்ச ரக்தாக்ஷைர்பீ⁴மத³ர்ஶனை: ।
தீ³ப்ததீக்ஷ்ணமஹாத³ம்ஷ்ட்ரை: ப்ரலம்ப³த³ஶனச்ச²தை³: ॥ 5 ॥
ஶிரோபி⁴ர்த³ஶபி⁴ர்வீரம் ப்⁴ராஜமானம் மஹௌஜஸம் ।
நானாவ்யாலஸமாகீர்ணைஶ்ஶிக²ரைரிவ மந்த³ரம் ॥ 6 ॥
நீலாஞ்ஜனசயப்ரக்²யம் ஹாரேணோரஸி ராஜதா ।
பூர்ணசந்த்³ராப⁴வக்த்ரேண ஸப³லாகமிவாம்பு³த³ம் ॥ 7 ॥
பா³ஹுபி⁴ர்ப³த்³த⁴கேயூரைஶ்சந்த³னோத்தமரூஷிதை: ।
ப்⁴ராஜமானாங்க³தை³: பீனை: பஞ்சஶீர்ஷைரிவோரகை³: ॥ 8 ॥
மஹதிஸ்பா²டிகே சித்ரே ரத்னஸம்யோக³ஸம்ஸ்க்ருதே ।
உத்தமாஸ்தரணாஸ்தீர்ணே ஸூபவிஷ்டம் வராஸனே ॥ 9 ॥
அலங்க்ருதாபி⁴ரத்யர்த²ம் ப்ரமதா³பி⁴: ஸமந்தத: ।
வாலவ்யஜனஹஸ்தாபி⁴ராராத்ஸமுபஸேவிதம் ॥ 1௦ ॥
து³ர்த⁴ரேண ப்ரஹஸ்தேன மஹாபார்ஶ்வேன ரக்ஷஸா ।
மந்த்ரிபி⁴ர்மந்த்ரதத்த்வஜ்ஞைர்னிகும்பே⁴ன ச மந்த்ரிணா ॥ 11 ॥
ஸுகோ²பவிஷ்டம் ரக்ஷோபி⁴ஶ்சதுர்பி⁴ர்ப³லத³ர்பிதை: ।
க்ருத்ஸ்னம் பரிவ்ருதம் லோகம் சதுர்பி⁴ரிவ ஸாக³ரை: ॥ 12 ॥
மந்த்ரிபி⁴ர்மந்த்ரதத்த்வஜ்ஞைரன்யைஶ்ச ஶுப⁴பு³த்³தி⁴பி⁴: ।
அன்வாஸ்யமானம் ரக்ஷோபி⁴: ஸுரைரிவ ஸுரேஶ்வரம் ॥ 13 ॥
அபஶ்யத்³ராக்ஷஸபதிம் ஹனுமானதிதேஜஸம் ।
விஷ்டி²தம் மேருஶிக²ரே ஸதோயமிவ தோயத³ம் ॥ 14 ॥
ஸ தைஸ்ஸம்பீட்³யமானோபி ரக்ஷோபி⁴ர்பீ⁴மவிக்ரமை: ।
விஸ்மயம் பரமம் க³த்வா ரக்ஷோதி⁴பமவைக்ஷத ॥ 15 ॥
ப்⁴ராஜமானம் ததோ த்³ருஷ்ட்வா ஹனுமான்ராக்ஷஸேஶ்வரம் ।
மனஸா சிந்தயாமாஸ தேஜஸா தஸ்ய மோஹித: ॥ 16 ॥
அஹோ ரூபமஹோ தை⁴ர்யமஹோ ஸத்த்வமஹோ த்³யுதி: ।
அஹோ ராக்ஷஸராஜஸ்ய ஸர்வலக்ஷணயுக்ததா ॥ 17 ॥
யத்³யத⁴ர்மோ ந ப³லவான் ஸ்யாத³யம் ராக்ஷஸேஶ்வர: ।
ஸ்யாத³யம் ஸுரலோகஸ்ய ஸஶக்ரஸ்யாபி ரக்ஷிதா ॥ 18 ॥
அஸ்ய க்ரூரைர்ன்ருஶம்ஸைஶ்ச கர்மபி⁴ர்லோககுத்ஸிதை: ।
ஸர்வே பி³ப்⁴யதி க²ல்வஸ்மால்லோகாஸ்ஸாமரதா³னவா: ॥ 19 ॥
அயம் ஹ்யுத்ஸஹதே க்ருத்³த:⁴ கர்துமேகார்ணவம் ஜக³த் ।
இதி சிந்தாம் ப³ஹுவிதா⁴மகரோன்மதிமான் ஹரி: ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகோனபஞ்சாஶஸ்ஸர்க:³ ॥
