ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரிபஞ்சாஶஸ்ஸர்க:³ ।
ஏவமுக்தா வஸிஷ்டே²ன ஶப³லா ஶத்ருஸூத³ன ।
வித³தே⁴ காமது⁴க்காமான்யஸ்ய யஸ்ய யதே²ப்ஸிதம் ॥ 1 ॥
இக்ஷூன்மதூ⁴ம் ஸ்ததா² லாஜான்மைரேயாம்ஶ்ச வராஸனான் ।
பானானி ச மஹார்ஹாணி ப⁴க்ஷ்யாம்ஶ்சோச்சாவசாம் ஸ்ததா² ॥ 2 ॥
உஷ்ணாட்⁴யஸ்யோத³னஸ்யாத்ர ராஶய: பர்வதோபமா: ।
ம்ருஷ்டான்னானி ச ஸூபாஶ்ச த³தி⁴குல்யாஸ்ததை²வ ச ॥ 3 ॥
நானாஸ்வாது³ரஸானாம் ச ஷாட³பா³னாம் ததை²வ ச ।
பா⁴ஜனானி ஸுபூர்ணானி கௌ³டா³னி ச ஸஹஸ்ரஶ: ॥ 4 ॥
ஸர்வமாஸீத்ஸுஸந்துஷ்ட²ம் ஹ்ருஷ்டபுஷ்டஜனாயுதம் ।
விஶ்வாமித்ரப³லம் ராம வஸிஷ்டே²னாபி⁴தர்பிதம் ॥ 5 ॥
விஶ்வாமித்ரோபி ராஜர்ஷிர்ஹ்ருஷ்ட: புஷ்டஸ்ததா³ப⁴வத் ।
ஸாந்த:புரவரோ ராஜா ஸப்³ராஹ்மணபுரோஹித: ॥ 6 ॥
ஸாமாத்யோ மந்த்ரிஸஹிதஸ்ஸப்⁴ருத்ய: பூஜிதஸ்ததா³ ।
யுக்த: பரமஹர்ஷேண வஸிஷ்ட²மித³மப்³ரவீத் ॥ 7 ॥
பூஜிதோஹம் த்வயா ப்³ரஹ்மன் பூஜார்ஹேண ஸுஸத்க்ருத: ।
ஶ்ரூயதாமபி⁴தா⁴ஸ்யாமி வாக்யம் வாக்யவிஶாரத³ ॥ 8 ॥
க³வாம் ஶதஸஹஸ்ரேண தீ³யதாம் ஶப³லா மம ।
ரத்னம் ஹி ப⁴க³வன்னேதத்³ரத்னஹாரீ ச ப்ரார்தி²வ: ॥ 9 ॥
தஸ்மான்மே ஶப³லாம் தே³ஹி மமைஷா த⁴ர்மதோ த்³விஜ ।
ஏவமுக்தஸ்து ப⁴க³வான்வஸிஷ்டோ² முனிஸத்தம: ।
விஶ்வாமித்ரேண த⁴ர்மாத்மா ப்ரத்யுவாச மஹீபதிம் ॥ 1௦ ॥
நாஹம் ஶதஸஹஸ்ரேண நாபி கோடிஶதைர்க³வாம் ।
ராஜன் தா³ஸ்யாமி ஶப³லாம் ராஶிபீ⁴ ரஜதஸ்ய ச ॥ 11 ॥
ந பரித்யாக³மர்ஹேயம் மத்ஸகாஶாத³ரிந்த³ம ।
ஶாஶ்வதீ ஶப³லா மஹ்யம் கீர்திராத்மவதோ யதா² ॥ 12 ॥
அஸ்யாம் ஹவ்யம் ச கவ்யம் ச ப்ராணயாத்ரா ததை²வ ச ।
ஆயத்தமக்³னிஹோத்ரம் ச ப³லிர்ஹோமஸ்ததை²வ ச ॥ 13 ॥
ஸ்வாஹாகாரவஷட்காரௌ வித்³யாஶ்ச விவிதா⁴ ஸ்ததா² ।
ஆயத்தமத்ர ராஜர்ஷே ஸர்வமேதன்ன ஸம்ஶய: ॥ 14 ॥
ஸர்வஸ்வமேதத்ஸத்யேன மம துஷ்டிகரீ ஸதா³ ।
காரணைர்ப³ஹுபீ⁴ ராஜன்ன தா³ஸ்யே ஶப³லாம் தவ ॥ 15 ॥
வஸிஷ்டே²னைவமுக்தஸ்து விஶ்வாமித்ரோப்³ரவீத்தத: ।
ஸம்ரப்³த⁴தரமத்யர்த²ம் வாக்யம் வாக்யவிஶாரத:³ ॥ 16 ॥
ஹைரண்யகக்ஷ்யாக்³ரைவேயான் ஸுவர்ணாங்குஶபூ⁴ஷிதான் ।
த³தா³மி குஞ்ஜராம்ஸ்தேஷாம் ஸஹஸ்ராணி சதுர்த³ஶ ॥ 17 ॥
ஹைரண்யானாம் ரதா²னாம் ச ஶ்வேதாஶ்வானாம் சதுர்யுஜாம் ।
த³தா³மி தே ஶதான்யஷ்டௌ கிங்கிணீகவிபூ⁴ஷிதான் ॥ 18 ॥
ஹயானாம் தே³ஶஜாதானாம் குலஜானாம் மஹௌஜஸாம் ।
ஸஹஸ்ரமேகம் த³ஶ ச த³தா³மி தவ ஸுவ்ரத ॥ 19 ॥
நானாவர்ணவிப⁴க்தானாம் வயஸ்ஸ்தா²னாம் ததை²வ ச ।
த³தா³ம்யேகாம் க³வாம் கோடிம் ஶப³லா தீ³யதாம் மம ॥ 2௦ ॥
யாவதி³ச்ச²ஸி ரத்னம் வா ஹிரண்யம் வா த்³விஜோத்தம ।
தாவத்³த³தா³மி தத்ஸர்வம் ஶப³லா தீ³யதாம் மம ॥ 21 ॥
ஏவமுக்தஸ்து ப⁴க³வான் விஶ்வாமித்ரேண தீ⁴மதா ।
ந தா³ஸ்யாமீதி ஶப³லாம் ப்ராஹ ராஜன் கத²ஞ்சன ॥ 22 ॥
ஏததே³வ ஹி மே ரத்னமேததே³வ ஹி மே த⁴னம் ।
ஏததே³வ ஹி ஸர்வஸ்வமேததே³வ ஹி ஜீவிதம் ॥ 23 ॥
த³ர்ஶஶ்ச பூர்ணமாஸஶ்ச யஜ்ஞாஶ்சைவாப்தத³க்ஷிணா: ।
ஏததே³வ ஹி மே ராஜன் விவிதா⁴ஶ்ச க்ரியாஸ்ததா² ॥ 24 ॥
அதோ³மூலா: க்ரியாஸ்ஸர்வா மம ராஜன்ன ஸம்ஶய: ।
ப³ஹுனா கிம் ப்ரலாபேன ந தா³ஸ்யே காமதோ³ஹினீம் ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரிபஞ்சாஶஸ்ஸர்க:³ ॥
