ශ්රීමද්වාල්මීකීය රාමායණේ බාලකාංඩම් ।
අථ ත්රිපංචාශස්සර්ගඃ ।
ඒවමුක්තා වසිෂ්ඨේන ශබලා ශත්රුසූදන ।
විදධේ කාමධුක්කාමාන්යස්ය යස්ය යථේප්සිතම් ॥ 1 ॥
ඉක්ෂූන්මධූං ස්තථා ලාජාන්මෛරේයාංශ්ච වරාසනාන් ।
පානානි ච මහාර්හාණි භක්ෂ්යාංශ්චෝච්චාවචාං ස්තථා ॥ 2 ॥
උෂ්ණාඪ්යස්යෝදනස්යාත්ර රාශයඃ පර්වතෝපමාඃ ।
මෘෂ්ටාන්නානි ච සූපාශ්ච දධිකුල්යාස්තථෛව ච ॥ 3 ॥
නානාස්වාදුරසානාං ච ෂාඩබානාං තථෛව ච ।
භාජනානි සුපූර්ණානි ගෞඩානි ච සහස්රශඃ ॥ 4 ॥
සර්වමාසීත්සුසංතුෂ්ඨං හෘෂ්ටපුෂ්ටජනායුතම් ।
විශ්වාමිත්රබලං රාම වසිෂ්ඨේනාභිතර්පිතම් ॥ 5 ॥
විශ්වාමිත්රෝऽපි රාජර්ෂිර්හෘෂ්ටඃ පුෂ්ටස්තදාභවත් ।
සාංතඃපුරවරෝ රාජා සබ්රාහ්මණපුරෝහිතඃ ॥ 6 ॥
සාමාත්යෝ මංත්රිසහිතස්සභෘත්යඃ පූජිතස්තදා ।
යුක්තඃ පරමහර්ෂේණ වසිෂ්ඨමිදමබ්රවීත් ॥ 7 ॥
පූජිතෝऽහං ත්වයා බ්රහ්මන් පූජාර්හේණ සුසත්කෘතඃ ।
ශ්රූයතාමභිධාස්යාමි වාක්යං වාක්යවිශාරද ॥ 8 ॥
ගවාං ශතසහස්රේණ දීයතාං ශබලා මම ।
රත්නං හි භගවන්නේතද්රත්නහාරී ච ප්රාර්ථිවඃ ॥ 9 ॥
තස්මාන්මේ ශබලාං දේහි මමෛෂා ධර්මතෝ ද්විජ ।
ඒවමුක්තස්තු භගවාන්වසිෂ්ඨෝ මුනිසත්තමඃ ।
විශ්වාමිත්රේණ ධර්මාත්මා ප්රත්යුවාච මහීපතිම් ॥ 10 ॥
නාහං ශතසහස්රේණ නාපි කෝටිශතෛර්ගවාම් ।
රාජන් දාස්යාමි ශබලාං රාශිභී රජතස්ය ච ॥ 11 ॥
න පරිත්යාගමර්හේයං මත්සකාශාදරිංදම ।
ශාශ්වතී ශබලා මහ්යං කීර්තිරාත්මවතෝ යථා ॥ 12 ॥
අස්යාං හව්යං ච කව්යං ච ප්රාණයාත්රා තථෛව ච ।
ආයත්තමග්නිහෝත්රං ච බලිර්හෝමස්තථෛව ච ॥ 13 ॥
ස්වාහාකාරවෂට්කාරෞ විද්යාශ්ච විවිධා ස්තථා ।
ආයත්තමත්ර රාජර්ෂේ සර්වමේතන්න සංශයඃ ॥ 14 ॥
සර්වස්වමේතත්සත්යේන මම තුෂ්ටිකරී සදා ।
කාරණෛර්බහුභී රාජන්න දාස්යේ ශබලාං තව ॥ 15 ॥
වසිෂ්ඨේනෛවමුක්තස්තු විශ්වාමිත්රෝऽබ්රවීත්තතඃ ।
සංරබ්ධතරමත්යර්ථං වාක්යං වාක්යවිශාරදඃ ॥ 16 ॥
හෛරණ්යකක්ෂ්යාග්රෛවේයාන් සුවර්ණාංකුශභූෂිතාන් ।
දදාමි කුංජරාංස්තේෂාං සහස්රාණි චතුර්දශ ॥ 17 ॥
හෛරණ්යානාං රථානාං ච ශ්වේතාශ්වානාං චතුර්යුජාම් ।
දදාමි තේ ශතාන්යෂ්ටෞ කිංකිණීකවිභූෂිතාන් ॥ 18 ॥
හයානාං දේශජාතානාං කුලජානාං මහෞජසාම් ।
සහස්රමේකං දශ ච දදාමි තව සුව්රත ॥ 19 ॥
නානාවර්ණවිභක්තානාං වයස්ස්ථානාං තථෛව ච ।
දදාම්යේකාං ගවාං කෝටිං ශබලා දීයතාං මම ॥ 20 ॥
යාවදිච්ඡසි රත්නං වා හිරණ්යං වා ද්විජෝත්තම ।
තාවද්දදාමි තත්සර්වං ශබලා දීයතාං මම ॥ 21 ॥
ඒවමුක්තස්තු භගවාන් විශ්වාමිත්රේණ ධීමතා ।
න දාස්යාමීති ශබලාං ප්රාහ රාජන් කථංචන ॥ 22 ॥
ඒතදේව හි මේ රත්නමේතදේව හි මේ ධනම් ।
ඒතදේව හි සර්වස්වමේතදේව හි ජීවිතම් ॥ 23 ॥
දර්ශශ්ච පූර්ණමාසශ්ච යජ්ඤාශ්චෛවාප්තදක්ෂිණාඃ ।
ඒතදේව හි මේ රාජන් විවිධාශ්ච ක්රියාස්තථා ॥ 24 ॥
අදෝමූලාඃ ක්රියාස්සර්වා මම රාජන්න සංශයඃ ।
බහුනා කිං ප්රලාපේන න දාස්යේ කාමදෝහිනීම් ॥ 25 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ත්රිපංචාශස්සර්ගඃ ॥
