ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனபஞ்சாஶஸ்ஸர்க:³ ।
ஸீதாயா வசனம் ஶ்ருத்வா த³ஶக்³ரீவ: ப்ரதாபவாம் ।
ஹஸ்தே ஹஸ்தம் ஸமாஹத்ய சகார ஸுமஹத்³வபு: ॥ 1 ॥
ஸ மைதி²லீம் புனர்வாக்யம் ப³பா⁴ஷே ச ததோ ப்⁴ருஶம் ।
நோன்மத்தயா ஶ்ருதௌ மன்யே மம வீர்யபராக்ரமௌ ॥ 2 ॥
உத்³வஹேயம் பு⁴ஜாப்⁴யாம் து மேதி³னீமம்ப³ரே ஸ்தி²த: ।
ஆபிபே³யம் ஸமுத்³ரம் ச ஹன்யாம் ம்ருத்யும் ரணே ஸ்தி²த: ॥ 3 ॥
அர்கம் துந்த்³யாம் ஶரை: தீக்ஷ்ணைர் விபி⁴ந்த்³யாம் ஹி மஹீதலம் ।
காம ரூபிணம் உன்மத்தே பஶ்ய மாம் காமத³ம் பதிம் ॥ 4 ॥
ஏவமுக்தவதஸ்தஸ்ய ஸூர்யகல்பே ஶிகி²ப்ரபே⁴ ।
க்ருத்³த⁴ஸ்ய ஹரிபர்யந்தே ரக்தே நேத்ரே ப³பூ⁴வது: ॥ 5 ॥
ஸத்³யஸ்ஸௌம்யம் பரித்யஜ்ய பி⁴க்ஷுரூபம் ஸ ராவண: ।
ஸ்வம் ரூபம் காலரூபாப⁴ம் பே⁴ஜே வைஶ்ரவணானுஜ: ॥ 6 ॥
ஸம்ரக்தனயனஶ்ஶ்ரீமாம்ஸ்தப்தகாஞ்சனபூ⁴ஷண: ।
க்ரோதே⁴ன மஹதாவிஷ்டோ நீலஜீமூதஸன்னிப:⁴ ॥ 7 ॥
த³ஶாஸ்ய: கார்முகீ பா³ணீ ப³பூ⁴வ க்ஷணதா³சர: ।
ஸ பரிவ்ராஜகச்ச²த்³ம மஹாகாயோ விஹாய தத் ॥ 8 ॥
ப்ரதிபத்³ய ஸ்வகம் ரூபம் ராவணோ ராக்ஷஸாதி⁴ப: ।
ஸம்ரக்தனயன: க்ரோதா⁴ஜ்ஜீமூதனிசயப்ரப:⁴ ॥ 9 ॥
ரக்தாம்ப³ரத⁴ரஸ்தஸ்தௌ² ஸ்த்ரீரத்னம் ப்ரேக்ஷ்ய மைதி²லீம் ।
ஸ தாமஸிதகேஶாந்தாம் பா⁴ஸ்கரஸ்ய ப்ரபா⁴மிவ ॥ 1௦ ॥
வஸனாப⁴ரணோபேதாம் மைதி²லீம் ராவணோப்³ரவீத் ।
த்ரிஷு லோகேஷு விக்²யாதம் யதி³ ப⁴ர்தாரமிச்ச²ஸி ॥ 11 ॥
மாமாஶ்ரய வராரோஹே தவாஹம் ஸத்³ருஶ: பதி: ।
மாம் பஜ⁴ஸ்வ சிராய த்வமஹம் ஶ்லாக்⁴ய: ப்ரியஸ்தவ ॥ 12 ॥
நைவ சாஹம் க்வசித்³ப⁴த்³ரே கரிஷ்யே தவ விப்ரியம் ।
த்யஜ்யதாம் மானுஷே பா⁴வோ மயி பா⁴வ: ப்ரணீயதாம் ॥ 13 ॥
ராஜ்யாச்ச்யுதமஸித்³தா⁴ர்த²ம் ராமம் பரிமிதாயுஷம் ।
கைர்கு³ணைரனுரக்தாஸி மூடே⁴ பண்டி³தமானினி ॥ 14 ॥
ய: ஸ்த்ரியா வசனாத்³ராஜ்யம் விஹாய ஸஸுஹ்ருஜ்ஜனம் ।
அஸ்மின்வ்யாலானுசரிதே வனே வஸதி து³ர்மதி: ॥ 15 ॥
இத்யுக்த்வா மைதி²லீம் வாக்யம் ப்ரியார்ஹாம் ப்ரியவாதி³னீம் ।
அபி⁴க³ம்ய ஸுது³ஷ்டாத்மா ராக்ஷஸ: காமமோஹித: ॥ 16 ॥
ஜக்³ராஹ ராவணஸ்ஸீதாம் பு³த:⁴ கே² ரோஹிணீமிவ ।
வாமேன ஸீதாம் பத்³மாக்ஷீம் மூர்தஜ⁴ேஷு கரேண ஸ: ॥ 17 ॥
ஊர்வோஸ்து த³க்ஷிணேனைவ பரிஜக்³ராஹ பாணினா ।
தம் த்³ருஷ்ட்வா ம்ருத்யுஸங்காஶம் தீக்ஷ்ணத³ம்ஷ்ட்ரம் மஹாபு⁴ஜம் ॥ 18 ॥
ப்ராத்³ரவன்கி³ரிஸங்காஶம் ப⁴யார்தா வனதே³வதா: ।
ஸ ச மாயாமயோ தி³வ்ய: க²ரயுக்த: க²ரஸ்வன: ॥ 19 ॥
ப்ரத்யத்³ருஶ்யத ஹேமாங்கோ³ ராவணஸ்ய மஹாரத:² ।
ததஸ்தாம் பருஷைர்வாக்யைர்ப⁴ர்த்ஸயன்ஸ மஹாஸ்வன: ॥ 2௦ ॥
அங்கேனாதா³ய வைதே³ஹீம் ரத²மாரோபயத்ததா³ ।
ஸா க்³ருஹீதா விசுக்ரோஶ ராவணேன யஶஸ்ஸ்வினீ ॥ 21 ॥
ராமேதி ஸீதா து³:கா²ர்தா ராமம் தூ³ரக³தம்வனே ।
தாமகாமாம் ஸ காமார்த: பன்னகே³ந்த்³ரவதூ⁴மிவ ॥ 22 ॥
விவேஷ்டமானாமாதா³ய உத்பபாதாத² ராவண: ।
ததஸ்ஸா ராக்ஷஸேந்த்³ரேண ஹ்ரியமாணா விஹாயஸா ॥ 23 ॥
ப்⁴ருஶம் சுக்ரோஶ மத்தேவ ப்⁴ராந்தசித்தா யதா²துரா ।
ஹா லக்ஷ்மண மஹாபா³ஹோ கு³ருசித்தப்ரஸாத³க ॥ 24 ॥
ஹ்ரியமாணாம் ந ஜானீஷே ரக்ஷஸா மாமமர்ஷிணா ।
ஜீவிதம் ஸுக²மர்தா²ம்ஶ்ச த⁴ர்மஹேதோ: பரித்யஜன் ॥ 25 ॥
ஹ்ரியமாணாமத⁴ர்மேண மாம் ராக⁴வ ந பஶ்யஸி ।
நனு நாமாவினீதானாம் வினேதாஸி பரந்தப ॥ 26 ॥
கத²மேவம்வித⁴ம் பாபம் ந த்வம் ஶாஸி ஹி ராவணம் ।
நனு ஸத்³யோவினீதஸ்ய த்³ருஶ்யதே கர்மண:ப²லம் ॥ 27 ॥
காலோப்யங்கீ³ப⁴வத்யத்ர ஸஸ்யானாமிவ பக்தயே ।
த்வம் கர்ம க்ருதவானேதத்காலோபஹதசேதன: ॥ 28 ॥
ஜீவிதாந்தகரம் கோ⁴ரம் ராமாத்³வ்யஸனமாப்னுஹி ।
ஹந்தேதா³னீம் ஸகாமாஸ்து கைகேயீ ஸஹ பா³ந்த⁴வை: ॥ 29 ॥
ஹ்ரியே யத்³த⁴ர்மகாமஸ்ய த⁴ர்மபத்னீ யஶஸ்வின: ।
ஆமந்த்ரயே ஜனஸ்தா²னே கர்ணிகாரான்ஸுபுஷ்பிதான் ॥ 3௦ ॥
க்ஷிப்ரம் ராமாய ஶம்ஸத்⁴வம் ஸீதாம் ஹரதி ராவண: ।
மால்யவந்தம் ஶிக²ரிணம் வந்தே³ ப்ரஸ்ரவணம் கி³ரிம் ॥ 31 ॥
க்ஷிப்ரம் ராமாய ஶம்ஸ த்வம் ஸீதாம் ஹரதி ராவண: ।
ஹம்ஸகாரண்ட³வாகீர்ணாம் வந்தே³ கோ³தா³வரீம் நதீ³ம் ॥ 32 ॥
க்ஷிப்ரம் ராமாய ஶம்ஸ த்வம் ஸீதாம் ஹரதி ராவண: ।
தை³வதானி ச யான்யஸ்மின்வனே விவித⁴பாத³பே ॥ 33 ॥
நமஸ்கரோம்யஹம் தேப்⁴யோப⁴ர்துஶ்ஶம்ஸத மாம் ஹ்ருதாம் ।
யானி கானி சித³ப்யத்ர ஸத்த்வானி நிவஸந்த்யுத ॥ 34 ॥
ஸர்வாணி ஶரணம் யாமி ம்ருக³பக்ஷிக³ணானபி ।
ஹ்ரியமாணாம் ப்ரியாம் ப⁴ர்து: ப்ராணேப்⁴யோபி க³ரீயஸீம் ॥ 35 ॥
விவஶாபஹ்ருதா ஸீதா ராவணேனேதி ஶம்ஸத ।
விதி³த்வா மாம் மஹாபா³ஹுரமுத்ராபி மஹாப³ல: ॥ 36 ॥
ஆனேஷ்யதி பராக்ரம்ய வைவஸ்வதஹ்ருதாமபி ।
ஸா ததா³ கருணா வாசோ விலபந்தீ ஸுது³:கி²தா ॥ 37 ॥
வனஸ்பதிக³தம் க்³ருத்⁴ரம் த³த³ர்ஶாயதலோசனா ।
ஸா தமுத்³வீக்ஷ்ய ஸுஶ்ரோணீ ராவணஸ்ய வஶம் க³தா ॥ 38 ॥
ஸமாக்ரந்த³த்³ப⁴யபரா து³:கோ²பஹதயா கி³ரா ।
ஜடாயோ பஶ்ய மாமத்³ய ஹ்ரியமாணாமனாத²வத் ॥ 39 ॥
அனேன ராக்ஷஸேந்த்³ரேண கருணம் பாபகர்மணா ।
நைஷ வாரயிதும் ஶக்யஸ்தவ க்ரூரோ நிஶாசர: ॥ 4௦ ॥
ஸத்த்வாஞ்ஜிதகாஶீ ச ஸாயுத⁴ஶ்சைவ து³ர்மதி: ।
ராமாய து யதா²தத்த்வம் ஜடாயோ ஹரணம் மம ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனபஞ்சாஶஸ்ஸர்க:³ ॥
