শ্রীমদ্বাল্মীকীয় রামাযণে অরণ্যকাংডম্ ।
অথ একোনপংচাশস্সর্গঃ ।
সীতায়া বচনং শ্রুত্বা দশগ্রীবঃ প্রতাপবাম্ ।
হস্তে হস্তং সমাহত্য় চকার সুমহদ্বপুঃ ॥ 1 ॥
স মৈথিলীং পুনর্বাক্য়ং বভাষে চ ততো ভৃশম্ ।
নোন্মত্তয়া শ্রুতৌ মন্য়ে মম বীর্যপরাক্রমৌ ॥ 2 ॥
উদ্বহেয়ং ভুজাভ্য়াং তু মেদিনীমংবরে স্থিতঃ ।
আপিবেয়ং সমুদ্রং চ হন্য়াং মৃত্য়ুং রণে স্থিতঃ ॥ 3 ॥
অর্কং তুংদ্য়াং শরৈঃ তীক্ষ্ণৈর্ বিভিংদ্য়াং হি মহীতলম্ ।
কাম রূপিণং উন্মত্তে পশ্য় মাং কামদং পতিম্ ॥ 4 ॥
এবমুক্তবতস্তস্য় সূর্যকল্পে শিখিপ্রভে ।
ক্রুদ্ধস্য় হরিপর্য়ংতে রক্তে নেত্রে বভূবতুঃ ॥ 5 ॥
সদ্যস্সৌম্য়ং পরিত্যজ্য় ভিক্ষুরূপং স রাবণঃ ।
স্বং রূপং কালরূপাভং ভেজে বৈশ্রবণানুজঃ ॥ 6 ॥
সংরক্তনযনশ্শ্রীমাংস্তপ্তকাংচনভূষণঃ ।
ক্রোধেন মহতাবিষ্টো নীলজীমূতসন্নিভঃ ॥ 7 ॥
দশাস্য়ঃ কার্মুকী বাণী বভূব ক্ষণদাচরঃ ।
স পরিব্রাজকচ্ছদ্ম মহাকায়ো বিহায় তত্ ॥ 8 ॥
প্রতিপদ্য় স্বকং রূপং রাবণো রাক্ষসাধিপঃ ।
সংরক্তনযনঃ ক্রোধাজ্জীমূতনিচযপ্রভঃ ॥ 9 ॥
রক্তাংবরধরস্তস্থৌ স্ত্রীরত্নং প্রেক্ষ্য় মৈথিলীম্ ।
স তামসিতকেশাংতাং ভাস্করস্য় প্রভামিব ॥ 10 ॥
বসনাভরণোপেতাং মৈথিলীং রাবণোঽব্রবীত্ ।
ত্রিষু লোকেষু বিখ্য়াতং যদি ভর্তারমিচ্ছসি ॥ 11 ॥
মামাশ্রয় বরারোহে তবাহং সদৃশঃ পতিঃ ।
মাং ভজস্ব চিরায় ত্বমহং শ্লাঘ্য়ঃ প্রিযস্তব ॥ 12 ॥
নৈব চাহং ক্বচিদ্ভদ্রে করিষ্য়ে তব বিপ্রিযম্ ।
ত্যজ্যতাং মানুষে ভাবো ময়ি ভাবঃ প্রণীযতাম্ ॥ 13 ॥
রাজ্য়াচ্চ্য়ুতমসিদ্ধার্থং রামং পরিমিতায়ুষম্ ।
কৈর্গুণৈরনুরক্তাসি মূঢে পংডিতমানিনি ॥ 14 ॥
যঃ স্ত্রিয়া বচনাদ্রাজ্য়ং বিহায় সসুহৃজ্জনম্ ।
অস্মিন্ব্য়ালানুচরিতে বনে বসতি দুর্মতিঃ ॥ 15 ॥
ইত্য়ুক্ত্বা মৈথিলীং বাক্য়ং প্রিয়ার্হাং প্রিযবাদিনীম্ ।
অভিগম্য় সুদুষ্টাত্মা রাক্ষসঃ কামমোহিতঃ ॥ 16 ॥
জগ্রাহ রাবণস্সীতাং বুধঃ খে রোহিণীমিব ।
বামেন সীতাং পদ্মাক্ষীং মূর্ধজেষু করেণ সঃ ॥ 17 ॥
ঊর্বোস্তু দক্ষিণেনৈব পরিজগ্রাহ পাণিনা ।
তং দৃষ্ট্বা মৃত্য়ুসংকাশং তীক্ষ্ণদংষ্ট্রং মহাভুজম্ ॥ 18 ॥
প্রাদ্রবন্গিরিসংকাশং ভয়ার্তা বনদেবতাঃ ।
স চ মায়াময়ো দিব্য়ঃ খরয়ুক্তঃ খরস্বনঃ ॥ 19 ॥
প্রত্যদৃশ্যত হেমাংগো রাবণস্য় মহারথঃ ।
ততস্তাং পরুষৈর্বাক্য়ৈর্ভর্ত্সযন্স মহাস্বনঃ ॥ 20 ॥
অংকেনাদায় বৈদেহীং রথমারোপযত্তদা ।
সা গৃহীতা বিচুক্রোশ রাবণেন যশস্স্বিনী ॥ 21 ॥
রামেতি সীতা দুঃখার্তা রামং দূরগতংবনে ।
তামকামাং স কামার্তঃ পন্নগেংদ্রবধূমিব ॥ 22 ॥
বিবেষ্টমানামাদায় উত্পপাতাথ রাবণঃ ।
ততস্সা রাক্ষসেংদ্রেণ হ্রিযমাণা বিহাযসা ॥ 23 ॥
ভৃশং চুক্রোশ মত্তেব ভ্রাংতচিত্তা যথাঽঽতুরা ।
হা লক্ষ্মণ মহাবাহো গুরুচিত্তপ্রসাদক ॥ 24 ॥
হ্রিযমাণাং ন জানীষে রক্ষসা মামমর্ষিণা ।
জীবিতং সুখমর্থাংশ্চ ধর্মহেতোঃ পরিত্যজন্ ॥ 25 ॥
হ্রিযমাণামধর্মেণ মাং রাঘব ন পশ্যসি ।
ননু নামাবিনীতানাং বিনেতাসি পরংতপ ॥ 26 ॥
কথমেবংবিধং পাপং ন ত্বং শাসি হি রাবণম্ ।
ননু সদ্য়োঽবিনীতস্য় দৃশ্যতে কর্মণঃফলম্ ॥ 27 ॥
কালোঽপ্য়ংগীভবত্যত্র সস্য়ানামিব পক্তয়ে ।
ত্বং কর্ম কৃতবানেতত্কালোপহতচেতনঃ ॥ 28 ॥
জীবিতাংতকরং ঘোরং রামাদ্ব্যসনমাপ্নুহি ।
হংতেদানীং সকামাস্তু কৈকেয়ী সহ বাংধবৈঃ ॥ 29 ॥
হ্রিয়ে যদ্ধর্মকামস্য় ধর্মপত্নী যশস্বিনঃ ।
আমংত্রয়ে জনস্থানে কর্ণিকারান্সুপুষ্পিতান্ ॥ 30 ॥
ক্ষিপ্রং রামায় শংসধ্বং সীতাং হরতি রাবণঃ ।
মাল্যবংতং শিখরিণং বংদে প্রস্রবণং গিরিম্ ॥ 31 ॥
ক্ষিপ্রং রামায় শংস ত্বং সীতাং হরতি রাবণঃ ।
হংসকারংডবাকীর্ণাং বংদে গোদাবরীং নদীম্ ॥ 32 ॥
ক্ষিপ্রং রামায় শংস ত্বং সীতাং হরতি রাবণঃ ।
দৈবতানি চ যান্যস্মিন্বনে বিবিধপাদপে ॥ 33 ॥
নমস্করোম্যহং তেভ্য়োভর্তুশ্শংসত মাং হৃতাম্ ।
যানি কানি চিদপ্যত্র সত্ত্বানি নিবসংত্য়ুত ॥ 34 ॥
সর্বাণি শরণং যামি মৃগপক্ষিগণানপি ।
হ্রিযমাণাং প্রিয়াং ভর্তুঃ প্রাণেভ্য়োঽপি গরীযসীম্ ॥ 35 ॥
বিবশাঽপহৃতা সীতা রাবণেনেতি শংসত ।
বিদিত্বা মাং মহাবাহুরমুত্রাপি মহাবলঃ ॥ 36 ॥
আনেষ্যতি পরাক্রম্য় বৈবস্বতহৃতামপি ।
সা তদা করুণা বাচো বিলপংতী সুদুঃখিতা ॥ 37 ॥
বনস্পতিগতং গৃধ্রং দদর্শাঽযতলোচনা ।
সা তমুদ্বীক্ষ্য় সুশ্রোণী রাবণস্য় বশং গতা ॥ 38 ॥
সমাক্রংদদ্ভযপরা দুঃখোপহতয়া গিরা ।
জটায়ো পশ্য় মামদ্য় হ্রিযমাণামনাথবত্ ॥ 39 ॥
অনেন রাক্ষসেংদ্রেণ করুণং পাপকর্মণা ।
নৈষ বারয়িতুং শক্যস্তব ক্রূরো নিশাচরঃ ॥ 40 ॥
সত্ত্বাংজিতকাশী চ সায়ুধশ্চৈব দুর্মতিঃ ।
রামায় তু যথাতত্ত্বং জটায়ো হরণং মম ॥ 41 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একোনপংচাশস্সর্গঃ ॥
