শ্রীমদ্বাল্মীকীয় রামাযণে অরণ্যকাংডম্ ।
অথ সপ্তমস্সর্গঃ ।
রামস্তু সহিতো ভ্রাত্রা সীতয়া চ পরংতপঃ ।
সুতীক্ষ্ণস্য়াশ্রমপদং জগাম সহ তৈর্দ্বিজৈঃ ॥ 1 ॥
স গত্বা দীর্ঘমধ্বানং নদীস্তীর্ত্বা বহূদকাঃ ।
দদর্শ বিমলং শৈলং মহামেঘমিবোন্নতম্ ॥ 2 ॥
তত স্তদিক্ষ্বাকুবরৌ সংততং বিবিধৈর্দ্রুমৈঃ ।
কাননং তৌ বিবিশতুস্সীতয়া সহ রাঘবৌ ॥ 3 ॥
প্রবিষ্টস্তু বনং ঘোরং বহুপুষ্পফলদ্রুমম্ ।
দদর্শাশ্রমমেকাংতে চীরমালাপরিষ্কৃতম্ ॥ 4 ॥
তত্র তাপসমাসীনং মলপংকজটাধরম্ ।
রামস্সুতীক্ষ্ণং বিধিবত্তপোবৃদ্ধমভাষত ॥ 5 ॥
রামোঽহমস্মি ভগবন্ভবংতং দ্রষ্টুমাগতঃ ।
ত্বং মাভিবদ ধর্মজ্ঞ মহর্ষে সত্যবিক্রম ॥ 6 ॥
স নিরীক্ষ্য় ততো ধীরো রামং ধর্মভৃতাং বরম্ ।
সমাশ্লিষ্য় চ বাহুভ্য়ামিদং বচনমব্রবীত্ ॥ 7 ॥
স্বাগতং তে রঘুশ্রেষ্ঠ রাম সত্যভৃতাং বর ।
আশ্রমোঽয়ং ত্বয়াক্রাংতস্সনাথ ইব সাংপ্রতম্ ॥ 8 ॥
প্রতীক্ষমাণস্ত্বামেব নারোহেঽহং মহাযশঃ ।
দেবলোকমিতো বীর দেহং ত্যক্ত্বা মহীতলে ।
চিত্রকূটমুপাদায় রাজ্যভ্রষ্টোঽসি মে শ্রুতঃ ॥ 9 ॥
ইহোপয়াতঃ কাকুত্থ্স দেবরাজশ্শতক্রতুঃ ॥ 10 ॥
উপাগম্য় চ মে দেবো মহাদেবস্সুরেশ্বরঃ ।
সর্বান্ লোকাংজিতানাহ মম পুণ্য়েন কর্মণা ॥ 11 ॥
তেষু দেবর্ষিজুষ্টেষু জিতেষু তপসা ময়া ।
মত্প্রসাদাত্সভার্যস্ত্বং বিহরস্ব সলক্ষ্মণঃ ॥ 12 ॥
তমুগ্রতপসায়ুক্তং মহর্ষিং সত্যবাদিনম্ ।
প্রত্য়ুবাচাত্মবান্রামো ব্রহ্মাণমিব কাশ্যপঃ ॥ 13 ॥
অহমেবাহরিষ্য়ামি সর্বান্ লোকান্মহামুনে ।
আবাসং ত্বহমিচ্ছামি প্রদিষ্টমিহ কাননে ॥ 14 ॥
ভবান্সর্বত্র কুশলস্সর্বভূতহিতে রতঃ ।
আখ্য়াতশ্শরভংগেণ গৌতমেন মহাত্মনা ॥ 15 ॥
এবমুক্তস্তু রামেণ মহর্ষির্লোকবিশ্রুতঃ ।
অব্রবীন্মধুরং বাক্য়ং হর্ষেণ মহতাঽপ্লুতঃ ॥ 16 ॥
অযমেবাশ্রমো রাম গুণবান্রম্যতামিহ ।
ঋষিসংঘানুচরিতস্সদা মূলফলৈর্য়ুতঃ ॥ 17 ॥
ইমমাশ্রমমাগম্য় মৃগসংঘা মহাযশঃ ।
অহত্বা প্রতিগচ্ছংতি লোভয়িত্বাঽকুতোভয়াঃ ॥ 18 ॥
নান্যদ্ধোষং ভবেদত্র মৃগেভ্য়োঽন্যত্র বিদ্ধি বৈ ।
তচ্ছৃত্বা বচনং তস্য় মহর্ষের্লক্ষ্মণাগ্রজঃ ॥ 19 ॥
উবাচ বচনং ধীরো বিকৃষ্য় সশরং ধনুঃ ।
তানহং সুমহাভাগ মৃগসংঘান্সমাগতান্ ॥ 20 ॥
হন্য়াং নিশিতধারেণ শরেণাশনিবর্চসা ।
ভবাংস্তত্রাভিষজ্য়েত কিংস্য়াত্কৃচ্ছ্রতরং ততঃ ॥ 21 ॥
এতস্মিন্নাশ্রমে বাসং চিরং তু ন সমর্থয়ে ।
তমেবমুক্ত্বোপরমং রামস্সংধ্য়ামুপাগমত্ ॥ 22 ॥
অন্বাস্য় পশ্চিমাং স্নধ্য়াং তত্র বাসমকল্পযত্ ।
সুতীক্ষ্ণস্য়াঽশ্রমে রম্য়ে সীতয়া লক্ষ্মণেন চ ॥ 23 ॥
তমেবমুক্ত্বোপরমং রামস্সংধ্য়ামুপাগমত্ ॥ 24 ॥
অন্বাস্য় পশ্চিমাং সংংধ্য়াং তত্র বাসমকল্পযত্ ।
সুতীক্ষ্ণস্য়াশ্রমে রম্য়ে সীতয়া লক্ষ্মণেন চ ॥ 25 ॥
ততশ্শুভং তাপসভোজ্যমন্নং স্বয়ং সুতীক্ষ্ণঃ পুরুষর্ষভাভ্য়াম্ ।
তাভ্য়াং সুসত্কৃত্য় দদৌ মহাত্মা সংধ্য়ানিবৃত্তৌ রজনীং মবেক্ষ্য় ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে সপ্তমস্সর্গঃ ॥
