𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌮𑌸𑍍𑌸𑌰𑍍𑌗𑌃 ।
𑌰𑌾𑌮𑌸𑍍𑌤𑍁 𑌸𑌹𑌿𑌤𑍋 𑌭𑍍𑌰𑌾𑌤𑍍𑌰𑌾 𑌸𑍀𑌤𑌯𑌾 𑌚 𑌪𑌰𑌂𑌤𑌪𑌃 ।
𑌸𑍁𑌤𑍀𑌕𑍍𑌷𑍍𑌣𑌸𑍍𑌯𑌾𑌶𑍍𑌰𑌮𑌪𑌦𑌂 𑌜𑌗𑌾𑌮 𑌸𑌹 𑌤𑍈𑌰𑍍𑌦𑍍𑌵𑌿𑌜𑍈𑌃 ॥ 1 ॥
𑌸 𑌗𑌤𑍍𑌵𑌾 𑌦𑍀𑌰𑍍𑌘𑌮𑌧𑍍𑌵𑌾𑌨𑌂 𑌨𑌦𑍀𑌸𑍍𑌤𑍀𑌰𑍍𑌤𑍍𑌵𑌾 𑌬𑌹𑍂𑌦𑌕𑌾𑌃 ।
𑌦𑌦𑌰𑍍𑌶 𑌵𑌿𑌮𑌲𑌂 𑌶𑍈𑌲𑌂 𑌮𑌹𑌾𑌮𑍇𑌘𑌮𑌿𑌵𑍋𑌨𑍍𑌨𑌤𑌮𑍍 ॥ 2 ॥
𑌤𑌤 𑌸𑍍𑌤𑌦𑌿𑌕𑍍𑌷𑍍𑌵𑌾𑌕𑍁𑌵𑌰𑍌 𑌸𑌂𑌤𑌤𑌂 𑌵𑌿𑌵𑌿𑌧𑍈𑌰𑍍𑌦𑍍𑌰𑍁𑌮𑍈𑌃 ।
𑌕𑌾𑌨𑌨𑌂 𑌤𑍌 𑌵𑌿𑌵𑌿𑌶𑌤𑍁𑌸𑍍𑌸𑍀𑌤𑌯𑌾 𑌸𑌹 𑌰𑌾𑌘𑌵𑍌 ॥ 3 ॥
𑌪𑍍𑌰𑌵𑌿𑌷𑍍𑌟𑌸𑍍𑌤𑍁 𑌵𑌨𑌂 𑌘𑍋𑌰𑌂 𑌬𑌹𑍁𑌪𑍁𑌷𑍍𑌪𑌫𑌲𑌦𑍍𑌰𑍁𑌮𑌮𑍍 ।
𑌦𑌦𑌰𑍍𑌶𑌾𑌶𑍍𑌰𑌮𑌮𑍇𑌕𑌾𑌂𑌤𑍇 𑌚𑍀𑌰𑌮𑌾𑌲𑌾𑌪𑌰𑌿𑌷𑍍𑌕𑍃𑌤𑌮𑍍 ॥ 4 ॥
𑌤𑌤𑍍𑌰 𑌤𑌾𑌪𑌸𑌮𑌾𑌸𑍀𑌨𑌂 𑌮𑌲𑌪𑌂𑌕𑌜𑌟𑌾𑌧𑌰𑌮𑍍 ।
𑌰𑌾𑌮𑌸𑍍𑌸𑍁𑌤𑍀𑌕𑍍𑌷𑍍𑌣𑌂 𑌵𑌿𑌧𑌿𑌵𑌤𑍍𑌤𑌪𑍋𑌵𑍃𑌦𑍍𑌧𑌮𑌭𑌾𑌷𑌤 ॥ 5 ॥
𑌰𑌾𑌮𑍋𑌽𑌹𑌮𑌸𑍍𑌮𑌿 𑌭𑌗𑌵𑌨𑍍𑌭𑌵𑌂𑌤𑌂 𑌦𑍍𑌰𑌷𑍍𑌟𑍁𑌮𑌾𑌗𑌤𑌃 ।
𑌤𑍍𑌵𑌂 𑌮𑌾𑌭𑌿𑌵𑌦 𑌧𑌰𑍍𑌮𑌜𑍍𑌞 𑌮𑌹𑌰𑍍𑌷𑍇 𑌸𑌤𑍍𑌯𑌵𑌿𑌕𑍍𑌰𑌮 ॥ 6 ॥
𑌸 𑌨𑌿𑌰𑍀𑌕𑍍𑌷𑍍𑌯 𑌤𑌤𑍋 𑌧𑍀𑌰𑍋 𑌰𑌾𑌮𑌂 𑌧𑌰𑍍𑌮𑌭𑍃𑌤𑌾𑌂 𑌵𑌰𑌮𑍍 ।
𑌸𑌮𑌾𑌶𑍍𑌲𑌿𑌷𑍍𑌯 𑌚 𑌬𑌾𑌹𑍁𑌭𑍍𑌯𑌾𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ ॥
𑌸𑍍𑌵𑌾𑌗𑌤𑌂 𑌤𑍇 𑌰𑌘𑍁𑌶𑍍𑌰𑍇𑌷𑍍𑌠 𑌰𑌾𑌮 𑌸𑌤𑍍𑌯𑌭𑍃𑌤𑌾𑌂 𑌵𑌰 ।
𑌆𑌶𑍍𑌰𑌮𑍋𑌽𑌯𑌂 𑌤𑍍𑌵𑌯𑌾𑌕𑍍𑌰𑌾𑌂𑌤𑌸𑍍𑌸𑌨𑌾𑌥 𑌇𑌵 𑌸𑌾𑌂𑌪𑍍𑌰𑌤𑌮𑍍 ॥ ॥
𑌪𑍍𑌰𑌤𑍀𑌕𑍍𑌷𑌮𑌾𑌣𑌸𑍍𑌤𑍍𑌵𑌾𑌮𑍇𑌵 𑌨𑌾𑌰𑍋𑌹𑍇𑌽𑌹𑌂 𑌮𑌹𑌾𑌯𑌶𑌃 ।
𑌦𑍇𑌵𑌲𑍋𑌕𑌮𑌿𑌤𑍋 𑌵𑍀𑌰 𑌦𑍇𑌹𑌂 𑌤𑍍𑌯𑌕𑍍𑌤𑍍𑌵𑌾 𑌮𑌹𑍀𑌤𑌲𑍇 ।
𑌚𑌿𑌤𑍍𑌰𑌕𑍂𑌟𑌮𑍁𑌪𑌾𑌦𑌾𑌯 𑌰𑌾𑌜𑍍𑌯𑌭𑍍𑌰𑌷𑍍𑌟𑍋𑌽𑌸𑌿 𑌮𑍇 𑌶𑍍𑌰𑍁𑌤𑌃 ॥ ॥
𑌇𑌹𑍋𑌪𑌯𑌾𑌤𑌃 𑌕𑌾𑌕𑍁𑌤𑍍𑌥𑍍𑌸 𑌦𑍇𑌵𑌰𑌾𑌜𑌶𑍍𑌶𑌤𑌕𑍍𑌰𑌤𑍁𑌃 ॥ 10 ॥
𑌉𑌪𑌾𑌗𑌮𑍍𑌯 𑌚 𑌮𑍇 𑌦𑍇𑌵𑍋 𑌮𑌹𑌾𑌦𑍇𑌵𑌸𑍍𑌸𑍁𑌰𑍇𑌶𑍍𑌵𑌰𑌃 ।
𑌸𑌰𑍍𑌵𑌾𑌨𑍍 𑌲𑍋𑌕𑌾𑌂𑌜𑌿𑌤𑌾𑌨𑌾𑌹 𑌮𑌮 𑌪𑍁𑌣𑍍𑌯𑍇𑌨 𑌕𑌰𑍍𑌮𑌣𑌾 ॥ 11 ॥
𑌤𑍇𑌷𑍁 𑌦𑍇𑌵𑌰𑍍𑌷𑌿𑌜𑍁𑌷𑍍𑌟𑍇𑌷𑍁 𑌜𑌿𑌤𑍇𑌷𑍁 𑌤𑌪𑌸𑌾 𑌮𑌯𑌾 ।
𑌮𑌤𑍍𑌪𑍍𑌰𑌸𑌾𑌦𑌾𑌤𑍍𑌸𑌭𑌾𑌰𑍍𑌯𑌸𑍍𑌤𑍍𑌵𑌂 𑌵𑌿𑌹𑌰𑌸𑍍𑌵 𑌸𑌲𑌕𑍍𑌷𑍍𑌮𑌣𑌃 ॥ 12 ॥
𑌤𑌮𑍁𑌗𑍍𑌰𑌤𑌪𑌸𑌾𑌯𑍁𑌕𑍍𑌤𑌂 𑌮𑌹𑌰𑍍𑌷𑌿𑌂 𑌸𑌤𑍍𑌯𑌵𑌾𑌦𑌿𑌨𑌮𑍍 ।
𑌪𑍍𑌰𑌤𑍍𑌯𑍁𑌵𑌾𑌚𑌾𑌤𑍍𑌮𑌵𑌾𑌨𑍍𑌰𑌾𑌮𑍋 𑌬𑍍𑌰𑌹𑍍𑌮𑌾𑌣𑌮𑌿𑌵 𑌕𑌾𑌶𑍍𑌯𑌪𑌃 ॥ 13 ॥
𑌅𑌹𑌮𑍇𑌵𑌾𑌹𑌰𑌿𑌷𑍍𑌯𑌾𑌮𑌿 𑌸𑌰𑍍𑌵𑌾𑌨𑍍 𑌲𑍋𑌕𑌾𑌨𑍍𑌮𑌹𑌾𑌮𑍁𑌨𑍇 ।
𑌆𑌵𑌾𑌸𑌂 𑌤𑍍𑌵𑌹𑌮𑌿𑌚𑍍𑌛𑌾𑌮𑌿 𑌪𑍍𑌰𑌦𑌿𑌷𑍍𑌟𑌮𑌿𑌹 𑌕𑌾𑌨𑌨𑍇 ॥ 14 ॥
𑌭𑌵𑌾𑌨𑍍𑌸𑌰𑍍𑌵𑌤𑍍𑌰 𑌕𑍁𑌶𑌲𑌸𑍍𑌸𑌰𑍍𑌵𑌭𑍂𑌤𑌹𑌿𑌤𑍇 𑌰𑌤𑌃 ।
𑌆𑌖𑍍𑌯𑌾𑌤𑌶𑍍𑌶𑌰𑌭𑌂𑌗𑍇𑌣 𑌗𑍌𑌤𑌮𑍇𑌨 𑌮𑌹𑌾𑌤𑍍𑌮𑌨𑌾 ॥ 15 ॥
𑌏𑌵𑌮𑍁𑌕𑍍𑌤𑌸𑍍𑌤𑍁 𑌰𑌾𑌮𑍇𑌣 𑌮𑌹𑌰𑍍𑌷𑌿𑌰𑍍𑌲𑍋𑌕𑌵𑌿𑌶𑍍𑌰𑍁𑌤𑌃 ।
𑌅𑌬𑍍𑌰𑌵𑍀𑌨𑍍𑌮𑌧𑍁𑌰𑌂 𑌵𑌾𑌕𑍍𑌯𑌂 𑌹𑌰𑍍𑌷𑍇𑌣 𑌮𑌹𑌤𑌾𑌽𑌪𑍍𑌲𑍁𑌤𑌃 ॥ 16 ॥
𑌅𑌯𑌮𑍇𑌵𑌾𑌶𑍍𑌰𑌮𑍋 𑌰𑌾𑌮 𑌗𑍁𑌣𑌵𑌾𑌨𑍍𑌰𑌮𑍍𑌯𑌤𑌾𑌮𑌿𑌹 ।
𑌋𑌷𑌿𑌸𑌂𑌘𑌾𑌨𑍁𑌚𑌰𑌿𑌤𑌸𑍍𑌸𑌦𑌾 𑌮𑍂𑌲𑌫𑌲𑍈𑌰𑍍𑌯𑍁𑌤𑌃 ॥ 1 ॥
𑌇𑌮𑌮𑌾𑌶𑍍𑌰𑌮𑌮𑌾𑌗𑌮𑍍𑌯 𑌮𑍃𑌗𑌸𑌂𑌘𑌾 𑌮𑌹𑌾𑌯𑌶𑌃 ।
𑌅𑌹𑌤𑍍𑌵𑌾 𑌪𑍍𑌰𑌤𑌿𑌗𑌚𑍍𑌛𑌂𑌤𑌿 𑌲𑍋𑌭𑌯𑌿𑌤𑍍𑌵𑌾𑌽𑌕𑍁𑌤𑍋𑌭𑌯𑌾𑌃 ॥ 1 ॥
𑌨𑌾𑌨𑍍𑌯𑌦𑍍𑌧𑍋𑌷𑌂 𑌭𑌵𑍇𑌦𑌤𑍍𑌰 𑌮𑍃𑌗𑍇𑌭𑍍𑌯𑍋𑌽𑌨𑍍𑌯𑌤𑍍𑌰 𑌵𑌿𑌦𑍍𑌧𑌿 𑌵𑍈 ।
𑌤𑌚𑍍𑌛𑍃𑌤𑍍𑌵𑌾 𑌵𑌚𑌨𑌂 𑌤𑌸𑍍𑌯 𑌮𑌹𑌰𑍍𑌷𑍇𑌰𑍍𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌃 ॥ 1 ॥
𑌉𑌵𑌾𑌚 𑌵𑌚𑌨𑌂 𑌧𑍀𑌰𑍋 𑌵𑌿𑌕𑍃𑌷𑍍𑌯 𑌸𑌶𑌰𑌂 𑌧𑌨𑍁𑌃 ।
𑌤𑌾𑌨𑌹𑌂 𑌸𑍁𑌮𑌹𑌾𑌭𑌾𑌗 𑌮𑍃𑌗𑌸𑌂𑌘𑌾𑌨𑍍𑌸𑌮𑌾𑌗𑌤𑌾𑌨𑍍 ॥ 20 ॥
𑌹𑌨𑍍𑌯𑌾𑌂 𑌨𑌿𑌶𑌿𑌤𑌧𑌾𑌰𑍇𑌣 𑌶𑌰𑍇𑌣𑌾𑌶𑌨𑌿𑌵𑌰𑍍𑌚𑌸𑌾 ।
𑌭𑌵𑌾𑌂𑌸𑍍𑌤𑌤𑍍𑌰𑌾𑌭𑌿𑌷𑌜𑍍𑌯𑍇𑌤 𑌕𑌿𑌂𑌸𑍍𑌯𑌾𑌤𑍍𑌕𑍃𑌚𑍍𑌛𑍍𑌰𑌤𑌰𑌂 𑌤𑌤𑌃 ॥ 21 ॥
𑌏𑌤𑌸𑍍𑌮𑌿𑌨𑍍𑌨𑌾𑌶𑍍𑌰𑌮𑍇 𑌵𑌾𑌸𑌂 𑌚𑌿𑌰𑌂 𑌤𑍁 𑌨 𑌸𑌮𑌰𑍍𑌥𑌯𑍇 ।
𑌤𑌮𑍇𑌵𑌮𑍁𑌕𑍍𑌤𑍍𑌵𑍋𑌪𑌰𑌮𑌂 𑌰𑌾𑌮𑌸𑍍𑌸𑌂𑌧𑍍𑌯𑌾𑌮𑍁𑌪𑌾𑌗𑌮𑌤𑍍 ॥ 22 ॥
𑌅𑌨𑍍𑌵𑌾𑌸𑍍𑌯 𑌪𑌶𑍍𑌚𑌿𑌮𑌾𑌂 𑌸𑍍𑌨𑌧𑍍𑌯𑌾𑌂 𑌤𑌤𑍍𑌰 𑌵𑌾𑌸𑌮𑌕𑌲𑍍𑌪𑌯𑌤𑍍 ।
𑌸𑍁𑌤𑍀𑌕𑍍𑌷𑍍𑌣𑌸𑍍𑌯𑌾𑌽𑌶𑍍𑌰𑌮𑍇 𑌰𑌮𑍍𑌯𑍇 𑌸𑍀𑌤𑌯𑌾 𑌲𑌕𑍍𑌷𑍍𑌮𑌣𑍇𑌨 𑌚 ॥ 23 ॥
𑌤𑌮𑍇𑌵𑌮𑍁𑌕𑍍𑌤𑍍𑌵𑍋𑌪𑌰𑌮𑌂 𑌰𑌾𑌮𑌸𑍍𑌸𑌂𑌧𑍍𑌯𑌾𑌮𑍁𑌪𑌾𑌗𑌮𑌤𑍍 ॥ 24 ॥
𑌅𑌨𑍍𑌵𑌾𑌸𑍍𑌯 𑌪𑌶𑍍𑌚𑌿𑌮𑌾𑌂 𑌸𑌂𑌂𑌧𑍍𑌯𑌾𑌂 𑌤𑌤𑍍𑌰 𑌵𑌾𑌸𑌮𑌕𑌲𑍍𑌪𑌯𑌤𑍍 ।
𑌸𑍁𑌤𑍀𑌕𑍍𑌷𑍍𑌣𑌸𑍍𑌯𑌾𑌶𑍍𑌰𑌮𑍇 𑌰𑌮𑍍𑌯𑍇 𑌸𑍀𑌤𑌯𑌾 𑌲𑌕𑍍𑌷𑍍𑌮𑌣𑍇𑌨 𑌚 ॥ 25 ॥
𑌤𑌤𑌶𑍍𑌶𑍁𑌭𑌂 𑌤𑌾𑌪𑌸𑌭𑍋𑌜𑍍𑌯𑌮𑌨𑍍𑌨𑌂 𑌸𑍍𑌵𑌯𑌂 𑌸𑍁𑌤𑍀𑌕𑍍𑌷𑍍𑌣𑌃 𑌪𑍁𑌰𑍁𑌷𑌰𑍍𑌷𑌭𑌾𑌭𑍍𑌯𑌾𑌮𑍍 ।
𑌤𑌾𑌭𑍍𑌯𑌾𑌂 𑌸𑍁𑌸𑌤𑍍𑌕𑍃𑌤𑍍𑌯 𑌦𑌦𑍌 𑌮𑌹𑌾𑌤𑍍𑌮𑌾 𑌸𑌂𑌧𑍍𑌯𑌾𑌨𑌿𑌵𑍃𑌤𑍍𑌤𑍌 𑌰𑌜𑌨𑍀𑌂 𑌮𑌵𑍇𑌕𑍍𑌷𑍍𑌯 ॥ 26 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌸𑌪𑍍𑌤𑌮𑌸𑍍𑌸𑌰𑍍𑌗𑌃 ॥
