ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஸப்தமஸ்ஸர்க:³ ।
ராமஸ்து ஸஹிதோ ப்⁴ராத்ரா ஸீதயா ச பரந்தப: ।
ஸுதீக்ஷ்ணஸ்யாஶ்ரமபத³ம் ஜகா³ம ஸஹ தைர்த்³விஜை: ॥ 1 ॥
ஸ க³த்வா தீ³ர்க⁴மத்⁴வானம் நதீ³ஸ்தீர்த்வா ப³ஹூத³கா: ।
த³த³ர்ஶ விமலம் ஶைலம் மஹாமேக⁴மிவோன்னதம் ॥ 2 ॥
தத ஸ்ததி³க்ஷ்வாகுவரௌ ஸந்ததம் விவிதை⁴ர்த்³ருமை: ।
கானநம் தௌ விவிஶதுஸ்ஸீதயா ஸஹ ராக⁴வௌ ॥ 3 ॥
ப்ரவிஷ்டஸ்து வனம் கோ⁴ரம் ப³ஹுபுஷ்பப²லத்³ருமம் ।
த³த³ர்ஶாஶ்ரமமேகாந்தே சீரமாலாபரிஷ்க்ருதம் ॥ 4 ॥
தத்ர தாபஸமாஸீனம் மலபங்கஜடாத⁴ரம் ।
ராமஸ்ஸுதீக்ஷ்ணம் விதி⁴வத்தபோவ்ருத்³த⁴மபா⁴ஷத ॥ 5 ॥
ராமோஹமஸ்மி ப⁴க³வன்ப⁴வந்தம் த்³ரஷ்டுமாக³த: ।
த்வம் மாபி⁴வத³ த⁴ர்மஜ்ஞ மஹர்ஷே ஸத்யவிக்ரம ॥ 6 ॥
ஸ நிரீக்ஷ்ய ததோ தீ⁴ரோ ராமம் த⁴ர்மப்⁴ருதாம் வரம் ।
ஸமாஶ்லிஷ்ய ச பா³ஹுப்⁴யாமித³ம் வசனமப்³ரவீத் ॥ 7 ॥
ஸ்வாக³தம் தே ரகு⁴ஶ்ரேஷ்ட² ராம ஸத்யப்⁴ருதாம் வர ।
ஆஶ்ரமோயம் த்வயாக்ராந்தஸ்ஸனாத² இவ ஸாம்ப்ரதம் ॥ 8 ॥
ப்ரதீக்ஷமாணஸ்த்வாமேவ நாரோஹேஹம் மஹாயஶ: ।
தே³வலோகமிதோ வீர தே³ஹம் த்யக்த்வா மஹீதலே ।
சித்ரகூடமுபாதா³ய ராஜ்யப்⁴ரஷ்டோஸி மே ஶ்ருத: ॥ 9 ॥
இஹோபயாத: காகுத்த்²ஸ தே³வராஜஶ்ஶதக்ரது: ॥ 1௦ ॥
உபாக³ம்ய ச மே தே³வோ மஹாதே³வஸ்ஸுரேஶ்வர: ।
ஸர்வான் லோகாஞ்ஜிதானாஹ மம புண்யேன கர்மணா ॥ 11 ॥
தேஷு தே³வர்ஷிஜுஷ்டேஷு ஜிதேஷு தபஸா மயா ।
மத்ப்ரஸாதா³த்ஸபா⁴ர்யஸ்த்வம் விஹரஸ்வ ஸலக்ஷ்மண: ॥ 12 ॥
தமுக்³ரதபஸாயுக்தம் மஹர்ஷிம் ஸத்யவாதி³னம் ।
ப்ரத்யுவாசாத்மவான்ராமோ ப்³ரஹ்மாணமிவ காஶ்யப: ॥ 13 ॥
அஹமேவாஹரிஷ்யாமி ஸர்வான் லோகான்மஹாமுனே ।
ஆவாஸம் த்வஹமிச்சா²மி ப்ரதி³ஷ்டமிஹ கானநே ॥ 14 ॥
ப⁴வான்ஸர்வத்ர குஶலஸ்ஸர்வபூ⁴தஹிதே ரத: ।
ஆக்²யாதஶ்ஶரப⁴ங்கே³ண கௌ³தமேன மஹாத்மனா ॥ 15 ॥
ஏவமுக்தஸ்து ராமேண மஹர்ஷிர்லோகவிஶ்ருத: ।
அப்³ரவீன்மது⁴ரம் வாக்யம் ஹர்ஷேண மஹதாப்லுத: ॥ 16 ॥
அயமேவாஶ்ரமோ ராம கு³ணவான்ரம்யதாமிஹ ।
ருஷிஸங்கா⁴னுசரிதஸ்ஸதா³ மூலப²லைர்யுத: ॥ 17 ॥
இமமாஶ்ரமமாக³ம்ய ம்ருக³ஸங்கா⁴ மஹாயஶ: ।
அஹத்வா ப்ரதிக³ச்ச²ந்தி லோப⁴யித்வாகுதோப⁴யா: ॥ 18 ॥
நான்யத்³தோ⁴ஷம் ப⁴வேத³த்ர ம்ருகே³ப்⁴யோன்யத்ர வித்³தி⁴ வை ।
தச்ச்²ருத்வா வசனம் தஸ்ய மஹர்ஷேர்லக்ஷ்மணாக்³ரஜ: ॥ 19 ॥
உவாச வசனம் தீ⁴ரோ விக்ருஷ்ய ஸஶரம் த⁴னு: ।
தானஹம் ஸுமஹாபா⁴க³ ம்ருக³ஸங்கா⁴ன்ஸமாக³தான் ॥ 2௦ ॥
ஹன்யாம் நிஶிததா⁴ரேண ஶரேணாஶனிவர்சஸா ।
ப⁴வாம்ஸ்தத்ராபி⁴ஷஜ்யேத கிம்ஸ்யாத்க்ருச்ச்²ரதரம் தத: ॥ 21 ॥
ஏதஸ்மின்னாஶ்ரமே வாஸம் சிரம் து ந ஸமர்த²யே ।
தமேவமுக்த்வோபரமம் ராமஸ்ஸந்த்⁴யாமுபாக³மத் ॥ 22 ॥
அன்வாஸ்ய பஶ்சிமாம் ஸ்னத்⁴யாம் தத்ர வாஸமகல்பயத் ।
ஸுதீக்ஷ்ணஸ்யாஶ்ரமே ரம்யே ஸீதயா லக்ஷ்மணேன ச ॥ 23 ॥
தமேவமுக்த்வோபரமம் ராமஸ்ஸந்த்⁴யாமுபாக³மத் ॥ 24 ॥
அன்வாஸ்ய பஶ்சிமாம் ஸம்ந்த்⁴யாம் தத்ர வாஸமகல்பயத் ।
ஸுதீக்ஷ்ணஸ்யாஶ்ரமே ரம்யே ஸீதயா லக்ஷ்மணேன ச ॥ 25 ॥
ததஶ்ஶுப⁴ம் தாபஸபோ⁴ஜ்யமன்னம் ஸ்வயம் ஸுதீக்ஷ்ண: புருஷர்ஷபா⁴ப்⁴யாம் ।
தாப்⁴யாம் ஸுஸத்க்ருத்ய த³தௌ³ மஹாத்மா ஸந்த்⁴யானிவ்ருத்தௌ ரஜனீம் மவேக்ஷ்ய ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஸப்தமஸ்ஸர்க:³ ॥
