ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தசத்வாரிம்ஶஸ்ஸர்க:³ ।
ஸேனாபதீன்பஞ்ச ஸ து ப்ரமாபிதான் ஹனூமதா ஸானுசரான்ஸவாஹனான் ।
ஸமீக்ஷ்ய ராஜா ஸமரோத்³த⁴தோன்முக²ம் குமாரமக்ஷம் ப்ரஸமைக்ஷதாக்³ரத: ॥ 1 ॥
ஸ தஸ்ய த்³ருஷ்ட்யர்பணஸம்ப்ரசோதி³த: ப்ரதாபவான்காஞ்சனசித்ரகார்முக: ।
ஸமுத்பபாதாத² ஸத³ஸ்யுதீ³ரிதோ த்³விஜாதிமுக்²யைர்ஹவிஷேவ பாவக: ॥ 2 ॥
ததோ மஹத்³பா³லதி³வாகரப்ரப⁴ம் ப்ரதப்தஜாம்பூ³னதஜ³ாலஸந்ததம் ।
ரத²ம் ஸமாஸ்தா²ய யயௌ ஸ வீர்யவான்மஹாஹரிம் தம் ப்ரதி நைர்ருதர்ஷப:⁴ ॥ 3 ॥
ததஸ்தபஸ்ஸங்க்³ரஹஸஞ்சயார்ஜிதம் ப்ரதப்தஜாம்பூ³னதஜ³ாலஶோபி⁴தம் ।
பதாகினம் ரத்னவிபூ⁴ஷிதத்⁴வஜம் மனோஜவாஷ்டாஶ்வவரை: ஸுயோஜிதம் ॥ 4 ॥
ஸுராஸுராத்⁴ருஷ்யமஸங்க³சாரிணம் ரவிப்ரப⁴ம் வ்யோமசரம் ஸமாஹிதம் ।
ஸதூணமஷ்டாஸினிப³த்³த⁴ப³ந்து⁴ரம் யதா²க்ரமாவேஶிதஶக்திதோமரம் ॥ 5 ॥
விராஜமானம் ப்ரதிபூர்ணவஸ்துனா ஸஹேமதா³ம்னா ஶஶிஸூர்யவர்சஸா ।
தி³வாகராப⁴ம் ரத²மாஸ்தி²தஸ்ததஸ்ஸ நிர்ஜகா³மாமரதுல்யவிக்ரம: ॥ 6 ॥
ஸ பூரயன்க²ம் ச மஹீம் ச ஸாசலாம் துரங்க³மாதங்க³மஹாரத²ஸ்வனை: ।
ப³லைஸ்ஸமேதைஸ்ஸஹி தோரணஸ்தி²தம் ஸமர்த²மாஸீனமுபாக³மத்கபிம் ॥ 7 ॥
ஸ தம் ஸமாஸாத்³ய ஹரிம் ஹரீக்ஷணோ யுகா³ந்தகாலாக்³னிமிவ ப்ரஜாக்ஷயே ।
அவஸ்தி²தம் விஸ்மிதஜாதஸம்ப்⁴ரம ஸ்ஸமைக்ஷதாக்ஷோ ப³ஹுமானசக்ஷுஷா ॥ 8 ॥
ஸ தஸ்ய வேக³ம் ச கபேர்மஹாத்மன: பராக்ரமம் சாரிஷு பார்தி²வாத்மஜ: ।
விசாரயன்ஸ்வம் ச ப³லம் மஹாப³லோ ஹிமக்ஷயே ஸூர்ய இவாபி⁴வர்த⁴தே ॥ 9 ॥
ஸ ஜாதமன்யு: ப்ரஸமீக்ஷ்ய விக்ரமம் ஸ்தி²ரம் ஸ்தி²ரஸ்ஸம்யதி து³ர்னிவாரணம் ।
ஸமாஹிதாத்மா ஹனுமந்தமாஹவே ப்ரசோத³யாமாஸ ஶரைஸ்த்ரிபி⁴ ஶ்ஶிதை: ॥ 1௦ ॥
தத: கபிம் தம் ப்ரஸமீக்ஷ்ய க³ர்விதம் ஜிதஶ்ரமம் ஶத்ருபராஜயோர்ஜிதம் ।
அவைக்ஷதாக்ஷஸ்ஸமுதீ³ர்ணமானஸஸ்ஸபா³ணபாணி: ப்ரக்³ருஹீதகார்முக: ॥ 11 ॥
ஸ ஹேமனிஷ்காங்க³த³சாருகுண்ட³ல ஸ்ஸமாஸஸாதா³ஶுபராக்ரம: கபிம் ।
தயோர்ப³பூ⁴வாப்ரதிமஸ்ஸமாக³ம ஸ்ஸுராஸுராணாமபி ஸம்ப்⁴ரமப்ரத:³ ॥ 12 ॥
ரராஸ பூ⁴மிர்ன ததாப பா⁴னுமா ந்வனௌ ந வாயு: ப்ரசாசல சாசல: ।
கபே: குமாரஸ்ய ச வீக்ஷ்ய ஸம்யுக³ம் நனாத³ ச த்³யௌருத³தி⁴ஶ்ச சுக்ஷுபே⁴ ॥ 13 ॥
ததஸ்ஸ வீரஸ்ஸுமுகா²ன் பதத்ரிணஸ்ஸுவர்ணபுங்கா²ன்ஸவிஷானிவோரகா³ன் ।
ஸமாதி⁴ஸம்யோக³விமோக்ஷதத்த்வவிச்ச²ரானத² த்ரீன்கபிமூர்த்⁴ன்யபாதயத் ॥ 14 ॥
ஸ தை ஶ்ஶரைர்மூர்த்⁴னி ஸமம் நிபாதிதை: க்ஷரன்னஸ்ருக்³தி³க்³த⁴விவ்ருத்தலோசன: ।
நவோதி³தாதி³த்யனிப⁴ ஶ்ஶராம்ஶுமான் வ்யராஜதாதி³த்ய இவாம்ஶுமாலிக: ॥ 15 ॥
ததஸ்ஸ பிங்கா³தி⁴பமந்த்ரிஸத்தம: ஸமீக்ஷ்ய தம் ராஜவராத்மஜம் ரணே ।
உத³க்³ரசித்ராயுத⁴சித்ரகார்முகம் ஜஹர்ஷ சாபூர்யத சாஹவோன்முக:² ॥ 16 ॥
ஸ மந்த³ராக்³ரஸ்த² இவாம்ஶுமாலிகோ விவ்ருத்³த⁴கோபோ ப³லவீர்யஸம்யுத: ।
குமாரமக்ஷம் ஸப³லம் ஸவாஹனம் த³தா³ஹ நேத்ராக்³னிமரீசிபி⁴ஸ்ததா³ ॥ 17 ॥
ததஸ்ஸ பா³ணாஸனசித்ரகார்முக ஶ்ஶரப்ரவர்ஷோ யுதி⁴ ராக்ஷஸாம்பு³த:³ ।
ஶரான்முமோசாஶு ஹரீஶ்வராசலே வலாஹகோ வ்ருஷ்டிமிவாசலோத்தமே ॥ 18 ॥
தத: கபிஸ்தம் ரணசண்ட³விக்ரமம் விவ்ருத்³த⁴தேஜோப³லவீர்யஸம்யுதம் ।
குமாரமக்ஷம் ப்ரஸமீக்ஷ்ய ஸம்யுகே³ நனாத³ ஹர்ஷாத்³ க⁴னதுல்யவிக்ரமம் ॥ 19 ॥
ஸ பா³லபா⁴வாத்³யுதி⁴ வீர்யத³ர்பித: ப்ரவ்ருத்³த⁴மன்யு: க்ஷதஜோபமேக்ஷண: ।
ஸமாஸஸாதா³ப்ரதிமம் கபிம் ரணே கஜ³ோ மஹாகூபமிவாவ்ருதம் த்ருணை: ॥ 2௦ ॥
ஸ தேன பா³ணை: ப்ரஸப⁴ம் நிபாதிதைஶ்சகார நாத³ம் க⁴னநாத³னிஸ்ஸ்வன: ।
ஸமுத்பபாதாஶு நப⁴ஸ்ஸ மாருதிர்பு⁴ஜோருவிக்ஷேபணகோ⁴ரத³ர்ஶன: ॥ 21 ॥
ஸமுத்பதந்தம் ஸமபி⁴த்³ரவத்³ப³லீ ஸ ராக்ஷஸானாம் ப்ரவர: ப்ரதாபவான் ।
ரதீ² ரதி²ஶ்ரேஷ்ட²தம: கிரன்ஶரை: பயோத⁴ரஶ்ஶைலமிவாஶ்மவ்ருஷ்டிபி⁴: ॥ 22 ॥
ஸ தான்ஶராம்ஸ்தஸ்ய ஹரிர்விமோக்ஷயம்ஶ்சசார வீர: பதி² வாயுஸேவிதே ।
ஶராந்தரே மாருதவத்³வினிஷ்பதன்மனோஜவஸ்ஸம்யதி சண்ட³விக்ரம: ॥ 23 ॥
தமாத்தபா³ணாஸனமாஹவோன்முக²ம் க²மாஸ்த்ருணந்தம் விஶிகை²ஶ்ஶரோத்தமை: ।
அவைக்ஷதாக்ஷம் ப³ஹுமானசக்ஷுஷா ஜகா³ம சிந்தாம் ச ஸ மாருதாத்மஜ: ॥ 24 ॥
ததஶ்ஶரைர்பி⁴ன்னபு⁴ஜாந்தர: கபி: குமாரவீரேண மஹாத்மனா நத³ன் ।
மஹாபு⁴ஜ: கர்மவிஶேஷதத்த்வவி த்³விசிந்தயாமாஸ ரணே பராக்ரமம் ॥ 25 ॥
அபா³லவத்³பா³லதி³வாகரப்ரப:⁴ கரோத்யயம் கர்ம மஹன்மஹாப³ல: ।
ந சாஸ்ய ஸர்வாஹவகர்மஶோபி⁴ன: ப்ரமாபணே மே மதிரத்ர ஜாயதே ॥ 26 ॥
அயம் மஹாத்மா ச மஹாம்ஶ்ச வீர்யத ஸ்ஸமாஹிதஶ்சாதிஸஹஶ்ச ஸம்யுகே³ ।
அஸம்ஶயம் கர்மகு³ணோத³யாத³யம் ஸனாக³யக்ஷைர்முனிபி⁴ஶ்ச பூஜித: ॥ 27 ॥
பராக்ரமோத்ஸாஹவிவ்ருத்³த⁴மானஸ ஸ்ஸமீக்ஷதே மாம் ப்ரமுகா²க்³ரத:ஸ்தி²த: ।
பராக்ரமோ ஹ்யஸ்ய மனாம்ஸி கம்பயேத்ஸுராஸுராணாமபி ஶீக்⁴ரகா³மின: ॥ 28 ॥
ந க²ல்வயம் நாபி⁴ப⁴வேது³பேக்ஷித: பராக்ரமோ ஹ்யஸ்ய ரணே விவர்த⁴தே ।
ப்ரமாபணம் த்வேவ மமாத்³ய ரோசதே ந வர்த⁴மானோக்³னிருபேக்ஷிதும் க்ஷம: ॥ 29 ॥
இதி ப்ரவேக³ம் து பரஸ்ய சிந்தயன்ஸ்வகர்மயோக³ம் ச விதா⁴ய வீர்யவான் ।
சகார வேக³ம் து மஹாப³லஸ்ததா³ மதிம் ச சக்ரேஸ்ய வதே⁴ மஹாகபி: ॥ 3௦ ॥
ஸ தஸ்ய தானஷ்டஹயான்மஹாஜவான் ஸமாஹிதான்பா⁴ரஸஹான்விவர்தனே ।
ஜகா⁴ன வீர: பதி² வாயுஸேவிதே தலப்ரஹாரை: பவனாத்மஜ: கபி: ॥ 31 ॥
ததஸ்தலேனாபி⁴ஹதோ மஹாரத² ஸ்ஸ தஸ்ய பிங்கா³தி⁴பமந்த்ரினிர்ஜித: ।
ப்ரப⁴க்³னநீட:³ பரிமுக்தகூப³ர: பபாத பூ⁴மௌ ஹதவாஜிரம்ப³ராத் ॥ 32 ॥
ஸ தம் பரித்யஜ்ய மஹாரதோ² ரத²ம் ஸகார்முக: க²ங்க³த⁴ர: க²முத்பதன் ।
தபோபி⁴யோகா³த்³ருஷிருக்³ரவீர்யவான்விஹாய தே³ஹம் மருதாமிவாலயம் ॥ 33 ॥
தத: கபிஸ்தம் விசரந்தமம்ப³ரே பதத்ரிராஜானிலஸித்³த⁴ஸேவிதே ।
ஸமேத்ய தம் மாருததுல்யவிக்ரம: க்ரமேண ஜக்³ராஹ ஸ பாத³யோர்த்³ருட⁴ம் ॥ 34 ॥
ஸ தம் ஸமாவித்⁴ய ஸஹஸ்ரஶ: கபிர்மஹோரக³ம் க்³ருஹ்ய இவாண்டஜ³ேஶ்வர: ।
முமோச வேகா³த்பித்ருதுல்யவிக்ரமோ மஹீதலே ஸம்யதி வானரோத்தம: ॥ 35 ॥
ஸ ப⁴க்³னபா³ஹூருகடீஶிரோத⁴ர: க்ஷரன்னஸ்ருஙினர்மதி²தாஸ்தி²லோசன: ।
ஸம்ப⁴க்³னஸந்தி⁴: ப்ரவிகீர்ணப³ந்த⁴னோ ஹத: க்ஷிதௌ வாயுஸுதேன ராக்ஷஸ: ॥ 36 ॥
மஹாகபிர்பூ⁴மிதலே நிபீட்³ய தம் சகார ரக்ஷோதி⁴பதேர்மஹத்³ப⁴யம் ।
மஹர்ஷிபி⁴ஶ்சக்ரசரைர்மஹாவ்ரதை ஸ்ஸமேத்ய பூ⁴தைஶ்ச ஸயக்ஷபன்னகை³: ॥ 37 ॥
ஸுரைஶ்ச ஸேந்த்³ரைர்ப்⁴ருஶஜாதவிஸ்மயை ர்ஹதே குமாரே ஸ கபிர்னிரீக்ஷித: ।
நிஹத்ய தம் வஜ்ரிஸுதோபமப்ரப⁴ம் குமாரமக்ஷம் க்ஷதஜோபமேக்ஷணம் ।
தமேவ வீரோபி⁴ஜகா³ம தோரணம் க்ருதக்ஷண: கால இவ ப்ரஜாக்ஷயே ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தசத்வாரிம்ஶஸ்ஸர்க:³ ॥
