ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਂਡਮ੍ ।
ਅਥ ਸਪ੍ਤਤ੍ਰਿਂਸ਼ਸ੍ਸਰ੍ਗਃ ।
ਤਪ੍ਯਮਾਨੇ ਤਪੋ ਦੇਵੇ ਦੇਵਾਃ ਸਰ੍ਸ਼ਿਗਣਾਃ ਪੁਰਾ ।
ਸੇਨਾਪਤਿਮਭੀਪ੍ਸਂਤਃ ਪਿਤਾਮਹਮੁਪਾਗਮਨ੍ ॥ 1 ॥
ਤਤੋਬ੍ਰੁਵਨ੍ ਸੁਰਾਸ੍ਸਰ੍ਵੇ ਭਗਵਂਤਂ ਪਿਤਾਮਹਮ੍ ।
ਪ੍ਰਣਿਪਤ੍ਯ ਸੁਰਾਸ੍ਸਰ੍ਵੇ ਸੇਂਦ੍ਰਾਸ੍ਸਾਗ੍ਨਿਪੁਰੋਗਮਾਃ ॥ 2 ॥
ਯੋ ਨ ਸ੍ਸੇਨਾਪਤਿਰ੍ਦੇਵ ਦਤ੍ਤੋ ਭਗਵਤਾ ਪੁਰਾ ।
ਤਪਃ ਪਰਮਮਾਸ੍ਥਾਯ ਤਪ੍ਯਤੇ ਸ੍ਮ ਸਹੋਮਯਾ ॥ 3 ॥
ਯਦਤ੍ਰਾਨਂਤਰਂ ਕਾਰ੍ਯਂ ਲੋਕਾਨਾਂ ਹਿਤਕਾਮ੍ਯਯਾ ।
ਸਂਵਿਧਤ੍ਸ੍ਵ ਵਿਧਾਨਜ੍ਞ ਤ੍ਵਂ ਹਿ ਨਃ ਪਰਮਾ ਗਤਿਃ ॥ 4 ॥
ਦੇਵਤਾਨਾਂ ਵਚਸ਼੍ਸ਼੍ਰੁਤ੍ਵਾ ਸਰ੍ਵਲੋਕਪਿਤਾਮਹਃ ।
ਸਾਂਤ੍ਵਯਨ੍ਮਧੁਰੈਰ੍ਵਾਕ੍ਯੈਸ੍ਤ੍ਰਿਦਸ਼ਾਨਿਦਮਬ੍ਰਵੀਤ੍ ॥ 5 ॥
ਸ਼ੈਲ ਪੁਤ੍ਰ੍ਯਾ ਯਦੁਕ੍ਤਂ ਤਨ੍ਨ ਪ੍ਰਜਾਸ੍ਯਥ ਪਤ੍ਨਿਸ਼ੁ ।
ਤਸ੍ਯਾ ਵਚਨਮਕ੍ਲਿਸ਼੍ਟਂ ਸਤ੍ਯਮੇਤਨ੍ਨ ਸਂਸ਼ਯਃ ॥ 6 ॥
ਇਯਮਾਕਾਸ਼ਗਾ ਗਂਗਾ ਯਸ੍ਯਾਂ ਪੁਤ੍ਰਂ ਹੁਤਾਸ਼ਨਃ ।
ਜਨਯਿਸ਼੍ਯਤਿ ਦੇਵਾਨਾਂ ਸੇਨਾਪਤਿਮਰਿਂਦਮਮ੍ ॥ 7 ॥
ਜ੍ਯੇਸ਼੍ਠਾ ਸ਼ੈਲੇਂਦ੍ਰਦੁਹਿਤਾ ਮਾਨਯਿਸ਼੍ਯਤਿ ਤਤ੍ਸੁਤਮ੍ ।
ਉਮਾਯਾਸ੍ਤਦ੍ਬਹੁਮਤਂ ਭਵਿਸ਼੍ਯਤਿ ਨ ਸਂਸ਼ਯਃ ॥ 8 ॥
ਤਚ੍ਛ੍ਰੁਤ੍ਵਾ ਵਚਨਂ ਤਸ੍ਯ ਕ੍ਰੁਰੁਇਤਾਰ੍ਥਾ ਰਘੁਨਂਦਨ ।
ਪ੍ਰਣਿਪਤ੍ਯ ਸੁਰਾਸ੍ਸਰ੍ਵੇ ਪਿਤਾਮਹਮਪੂਜਯਨ੍ ॥ 9 ॥
ਤੇ ਗਤ੍ਵਾ ਪਰ੍ਵਤਂ ਰਾਮ ਕੈਲਾਸਂ ਧਾਤੁਮਂਡਿਤਮ੍ ।
ਅਗ੍ਨਿਂ ਨਿਯੋਜਯਾਮਾਸੁਃ ਪੁਤ੍ਰਾਰ੍ਥਂ ਸਰ੍ਵਦੇਵਤਾਃ ॥ 10 ॥
ਦੇਵਕਾਰ੍ਯਮਿਦਂ ਦੇਵ ਸਂਵਿਧਤ੍ਸ੍ਵ ਹੁਤਾਸ਼ਨ ।
ਸ਼ੈਲਪੁਤ੍ਰ੍ਯਾਂ ਮਹਾਤੇਜੋ ਗਂਗਾਯਾਂ ਤੇਜ ਉਤ੍ਸ੍ਰੁਰੁਇਜ ॥ 11 ॥
ਦੇਵਤਾਨਾਂ ਪ੍ਰਤਿਜ੍ਞਾਯ ਗਂਗਾਮਭ੍ਯੇਤ੍ਯ ਪਾਵਕਃ ।
ਗਰ੍ਭਂ ਧਾਰਯ ਵੈ ਦੇਵਿ ਦੇਵਤਾਨਾਮਿਦਂ ਪ੍ਰਿਯਮ੍ ॥ 12 ॥
ਤਸ੍ਯ ਤਦ੍ਵਚਨਂ ਸ਼੍ਰੁਤ੍ਵਾ ਦਿਵ੍ਯਂ ਰੂਪਮਧਾਰਯਤ੍ ।
ਦ੍ਰੁਰੁਇਸ਼੍ਟ੍ਵਾ ਤਨ੍ਮਹਿਮਾਨਂ ਸ ਸਮਂਤਾਦਵਕੀਰ੍ਯਤ ॥ 13 ॥
ਸਮਂਤਤਸ੍ਤਦਾ ਦੇਵੀਮਭ੍ਯਸ਼ਿਂਚਤ ਪਾਵਕਃ ।
ਸਰ੍ਵਸ੍ਰੋਤਾਂਸਿ ਪੂਰ੍ਣਾਨਿ ਗਂਗਾਯਾ ਰਘੁਨਂਦਨ ॥ 14 ॥
ਤਮੁਵਾਚ ਤਤੋ ਗਂਗਾ ਸਰ੍ਵਦੇਵਪੁਰੋਹਿਤਮ੍ ।
ਅਸ਼ਕ੍ਤਾ ਧਾਰਣੇ ਦੇਵ ਤਵ ਤੇਜ ਸ੍ਸਮੁਦ੍ਧਤਮ੍ ।
ਦਹ੍ਯਮਾਨਾਗ੍ਨਿਨਾ ਤੇਨ ਸਂਪ੍ਰਵ੍ਯਥਿਤਚੇਤਨਾ ॥ 15 ॥
ਅਥਾਬ੍ਰਵੀਦਿਦਂ ਗਂਗਾਂ ਸਰ੍ਵਦੇਵਹੁਤਾਸ਼ਨਃ ।
ਇਹ ਹੈਮਵਤੀ ਪਾਦੇ ਗਰ੍ਭੋਯਂ ਸਨ੍ਨਿਵੇਸ਼੍ਯਤਾਮ੍ ॥ 16 ॥
ਸ਼੍ਰੁਤ੍ਵਾ ਤ੍ਵਗ੍ਨਿਵਚੋ ਗਙਗਾ ਤਂ ਗਰ੍ਭਮਤਿਭਾਸ੍ਵਰਮ੍ ।
ਉਤ੍ਸਸਰ੍ਜ ਮਹਾਤੇਜ ਸ੍ਸ੍ਰੋਤੋਭ੍ਯੋ ਹਿ ਤਦਾਨਘ ॥ 17 ॥
ਯਦਸ੍ਯਾ ਨਿਰ੍ਗਤਂ ਤਸ੍ਮਾਤ੍ਤਪ੍ਤਜਾਂਬੂਨਦਪ੍ਰਭਮ੍ ।
ਕਾਂਚਨਂ ਧਰਣੀਂ ਪ੍ਰਾਪ੍ਤਂ ਹਿਰਣ੍ਯਮਮਲਂ ਸ਼ੁਭਮ੍ ॥ 18 ॥
ਤਾਮ੍ਰਂ ਕਾਰ੍ਸ਼੍ਣਾਯਸਂ ਚੈਵ ਤੈਕ੍ਸ਼੍ਣ੍ਯਾਦੇਵਾਭ੍ਯਜਾਯਤ ॥ 19 ॥
ਮਲਂ ਤਸ੍ਯਾਭਵਤ੍ਤਤ੍ਰ ਤ੍ਰਪੁ ਸੀਸਕਮੇਵ ਚ ।
ਤਦੇਤਦ੍ਧਰਣੀਂ ਪ੍ਰਾਪ੍ਯ ਨਾਨਾਧਾਤੁਰਵਰ੍ਧਤ ॥ 20 ॥
ਨਿਕ੍ਸ਼ਿਪ੍ਤਮਾਤ੍ਰੇ ਗਰ੍ਭੇ ਤੁ ਤੇਜੋਭਿਰਭਿਰਂਜਿਤਮ੍ ।
ਸਰ੍ਵਂ ਪਰ੍ਵਤਸਨ੍ਨਦ੍ਧਂ ਸੌਵਰ੍ਣਮਭਵਦ੍ਵਨਮ੍ ॥ 21 ॥
ਜਾਤਰੂਪਮਿਤਿ ਖ੍ਯਾਤਂ ਤਦਾ ਪ੍ਰਭ੍ਰੁਰੁਇਤਿ ਰਾਘਵ ।
ਸੁਵਰ੍ਣਂ ਪੁਰੁਸ਼ਵ੍ਯਾਘ੍ਰ ਹੁਤਾਸ਼ਨਸਮਪ੍ਰਭਮ੍ ॥ 22 ॥
ਤ੍ਰੁਰੁਇਣਵ੍ਰੁਰੁਇਕ੍ਸ਼ਲਤਾਗੁਲ੍ਮਂ ਸਰ੍ਵਂ ਭਵਤਿ ਕਾਂਚਨਮ੍ ।
ਤਂ ਕੁਮਾਰਂ ਤਤੋ ਜਾਤਂ ਸੇਂਦ੍ਰਾਸ੍ਸਹ ਮਰੁਦ੍ਗਣਾਃ ॥ 23 ॥
ਕ੍ਸ਼ੀਰਸਂਭਾਵਨਾਰ੍ਥਾਯ ਕ੍ਰੁਰੁਇਤ੍ਤਿਕਾਸ੍ਸਮਯੋਜਨ੍ ।
ਤਾਃ ਕ੍ਸ਼ੀਰਂ ਜਾਤਮਾਤ੍ਰਸ੍ਯ ਕ੍ਰੁਰੁਇਤ੍ਵਾ ਸਮਯਮੁਤ੍ਤਮਮ੍ ॥ 24 ॥
ਦਦੁਃ ਪੁਤ੍ਰੋਯਮਸ੍ਮਾਕਂ ਸਰ੍ਵਾਸਾਮਿਤਿ ਨਿਸ਼੍ਚਿਤਾਃ ।
ਤਤਸ੍ਤੁ ਦੇਵਤਾ ਸ੍ਸਰ੍ਵਾਃ ਕਾਰ੍ਤਿਕੇਯ ਇਤਿ ਬ੍ਰੁਵਨ੍ ॥ 25 ॥
ਪੁਤ੍ਰਸ੍ਤ੍ਰੈਲੋਕ੍ਯਵਿਖ੍ਯਾਤੋ ਭਵਿਸ਼੍ਯਤਿ ਨ ਸਂਸ਼ਯਃ ।
4 ਤੇਸ਼ਾਂ ਤਦ੍ਵਚਨਂ ਸ਼੍ਰੁਤ੍ਵਾ ਸ੍ਕਨ੍ਨਂ ਗਰ੍ਭਪਰਿਸ੍ਰਵੇ ॥ 26 ॥
ਸ੍ਨਾਪਯਨ੍ ਪਰਯਾ ਲਕ੍ਸ਼੍ਮ੍ਯਾ ਦੀਪ੍ਯਮਾਨਂ ਯਥਾਨਲਮ੍ ।
ਸ੍ਕਂਦ ਇਤ੍ਯਬ੍ਰੁਵਨ੍ ਦੇਵਾਃ ਸ੍ਕਨ੍ਨਂ ਗਰ੍ਭਪਰਿਸ੍ਰਵਾਤ੍ ॥ 27 ॥
ਕਾਰ੍ਤਿਕੇਯਂ ਮਹਾਭਾਗਂ ਕਾਕੁਤ੍ਸ੍ਥ ਜ੍ਵਲਨੋਪਮਮ੍ ।
ਪ੍ਰਾਦੁਰ੍ਭੂਤਂ ਤਤਃ ਕ੍ਸ਼ੀਰਂ ਕ੍ਰੁਰੁਇਤ੍ਤਿਕਾਨਾਮਨੁਤ੍ਤਮਮ੍ ॥ 28 ॥
ਸ਼ਣ੍ਣਾਂ ਸ਼ਡਾਨਨੋ ਭੂਤ੍ਵਾ ਜਗ੍ਰਾਹ ਸ੍ਤਨਜਂ ਪਯਃ ।
ਗ੍ਰੁਰੁਇਹੀਤ੍ਵਾ ਕ੍ਸ਼ੀਰਮੇਕਾਹ੍ਨਾ ਸੁਕੁਮਾਰਵਪੁਸ੍ਤਦਾ ॥ 29 ॥
ਅਜਯਤ੍ਸ੍ਵੇਨ ਵੀਰ੍ਯੇਣ ਦੈਤ੍ਯਸੇਨਾਗਣਾਨ੍ ਵਿਭੁਃ ।
ਸੁਰਸੇਨਾਗਣਪਤਿਂ ਤਤਸ੍ਤਮਤੁਲਦ੍ਯੁਤਿਮ੍ ॥ 30 ॥
ਅਭ੍ਯਸ਼ਿਂਚਨ੍ ਸੁਰਗਣਾ ਸ੍ਸਮੇਤ੍ਯਾਗ੍ਨਿਪੁਰੋਗਮਾਃ ।
ਏਸ਼ ਤੇ ਰਾਮ ਗਂਗਾਯਾ ਵਿਸ੍ਤਰੋਭਿਹਿਤੋ ਮਯਾ ॥ 31 ॥
ਕੁਮਾਰਸਂਭਵਸ਼੍ਚੈਵ ਧਨ੍ਯਃ ਪੁਣ੍ਯਸ੍ਤਥੈਵ ਚ ।
ਭਕ੍ਤਸ਼੍ਚ ਯਃ ਕਾਰ੍ਤਿਕੇਯੇ ਕਾਕੁਤ੍ਸ੍ਥ ਭੁਵਿ ਮਾਨਵਃ ।
ਆਯੁਸ਼੍ਮਾਨ੍ ਪੁਤ੍ਰਪੌਤ੍ਰੈਸ਼੍ਚ ਸ੍ਕਂਦਸਾਲੋਕ੍ਯਤਾਂ ਵ੍ਰਜੇਤ੍ ॥ 32 ॥
ਇਤ੍ਯਾਰ੍ਸ਼ੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਂਡੇ ਸਪ੍ਤਤ੍ਰਿਂਸ਼ਸ੍ਸਰ੍ਗਃ ॥
