ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தத்ரிம்ஶஸ்ஸர்க:³ ।
தப்யமானே தபோ தே³வே தே³வா: ஸர்ஷிக³ணா: புரா ।
ஸேனாபதிமபீ⁴ப்ஸந்த: பிதாமஹமுபாக³மன் ॥ 1 ॥
ததோப்³ருவன் ஸுராஸ்ஸர்வே ப⁴க³வந்தம் பிதாமஹம் ।
ப்ரணிபத்ய ஸுராஸ்ஸர்வே ஸேந்த்³ராஸ்ஸாக்³னிபுரோக³மா: ॥ 2 ॥
யோ ந ஸ்ஸேனாபதிர்தே³வ த³த்தோ ப⁴க³வதா புரா ।
தப: பரமமாஸ்தா²ய தப்யதே ஸ்ம ஸஹோமயா ॥ 3 ॥
யத³த்ரானந்தரம் கார்யம் லோகானாம் ஹிதகாம்யயா ।
ஸம்வித⁴த்ஸ்வ விதா⁴னஜ்ஞ த்வம் ஹி ந: பரமா க³தி: ॥ 4 ॥
தே³வதானாம் வசஶ்ஶ்ருத்வா ஸர்வலோகபிதாமஹ: ।
ஸாந்த்வயன்மது⁴ரைர்வாக்யைஸ்த்ரித³ஶானித³மப்³ரவீத் ॥ 5 ॥
ஶைல புத்ர்யா யது³க்தம் தன்ன ப்ரஜாஸ்யத² பத்னிஷு ।
தஸ்யா வசனமக்லிஷ்டம் ஸத்யமேதன்ன ஸம்ஶய: ॥ 6 ॥
இயமாகாஶகா³ க³ங்கா³ யஸ்யாம் புத்ரம் ஹுதாஶன: ।
ஜனயிஷ்யதி தே³வானாம் ஸேனாபதிமரிந்த³மம் ॥ 7 ॥
ஜ்யேஷ்டா² ஶைலேந்த்³ரது³ஹிதா மானயிஷ்யதி தத்ஸுதம் ।
உமாயாஸ்தத்³ப³ஹுமதம் ப⁴விஷ்யதி ந ஸம்ஶய: ॥ 8 ॥
தச்ச்²ருத்வா வசனம் தஸ்ய க்ருதார்தா² ரகு⁴னந்த³ன ।
ப்ரணிபத்ய ஸுராஸ்ஸர்வே பிதாமஹமபூஜயன் ॥ 9 ॥
தே க³த்வா பர்வதம் ராம கைலாஸம் தா⁴துமண்டி³தம் ।
அக்³னிம் நியோஜயாமாஸு: புத்ரார்த²ம் ஸர்வதே³வதா: ॥ 1௦ ॥
தே³வகார்யமித³ம் தே³வ ஸம்வித⁴த்ஸ்வ ஹுதாஶன ।
ஶைலபுத்ர்யாம் மஹாதேஜோ க³ங்கா³யாம் தேஜ உத்ஸ்ருஜ ॥ 11 ॥
தே³வதானாம் ப்ரதிஜ்ஞாய க³ங்கா³மப்⁴யேத்ய பாவக: ।
க³ர்ப⁴ம் தா⁴ரய வை தே³வி தே³வதானாமித³ம் ப்ரியம் ॥ 12 ॥
தஸ்ய தத்³வசனம் ஶ்ருத்வா தி³வ்யம் ரூபமதா⁴ரயத் ।
த்³ருஷ்ட்வா தன்மஹிமானம் ஸ ஸமந்தாத³வகீர்யத ॥ 13 ॥
ஸமந்ததஸ்ததா³ தே³வீமப்⁴யஷிஞ்சத பாவக: ।
ஸர்வஸ்ரோதாம்ஸி பூர்ணானி க³ங்கா³யா ரகு⁴னந்த³ன ॥ 14 ॥
தமுவாச ததோ க³ங்கா³ ஸர்வதே³வபுரோஹிதம் ।
அஶக்தா தா⁴ரணே தே³வ தவ தேஜ ஸ்ஸமுத்³த⁴தம் ।
த³ஹ்யமானாக்³னினா தேன ஸம்ப்ரவ்யதி²தசேதனா ॥ 15 ॥
அதா²ப்³ரவீதி³த³ம் க³ங்கா³ம் ஸர்வதே³வஹுதாஶன: ।
இஹ ஹைமவதீ பாதே³ க³ர்போ⁴யம் ஸன்னிவேஶ்யதாம் ॥ 16 ॥
ஶ்ருத்வா த்வக்³னிவசோ க³ஙகா³ தம் க³ர்ப⁴மதிபா⁴ஸ்வரம் ।
உத்ஸஸர்ஜ மஹாதேஜ ஸ்ஸ்ரோதோப்⁴யோ ஹி ததா³னக⁴ ॥ 17 ॥
யத³ஸ்யா நிர்க³தம் தஸ்மாத்தப்தஜாம்பூ³னத³ப்ரப⁴ம் ।
காஞ்சனம் த⁴ரணீம் ப்ராப்தம் ஹிரண்யமமலம் ஶுப⁴ம் ॥ 18 ॥
தாம்ரம் கார்ஷ்ணாயஸம் சைவ தைக்ஷ்ண்யாதே³வாப்⁴யஜாயத ॥ 19 ॥
மலம் தஸ்யாப⁴வத்தத்ர த்ரபு ஸீஸகமேவ ச ।
ததே³தத்³த⁴ரணீம் ப்ராப்ய நானாதா⁴துரவர்த⁴த ॥ 2௦ ॥
நிக்ஷிப்தமாத்ரே க³ர்பே⁴ து தேஜோபி⁴ரபி⁴ரஞ்ஜிதம் ।
ஸர்வம் பர்வதஸன்னத்³த⁴ம் ஸௌவர்ணமப⁴வத்³வனம் ॥ 21 ॥
ஜாதரூபமிதி க்²யாதம் ததா³ ப்ரப்⁴ருதி ராக⁴வ ।
ஸுவர்ணம் புருஷவ்யாக்⁴ர ஹுதாஶனஸமப்ரப⁴ம் ॥ 22 ॥
த்ருணவ்ருக்ஷலதாகு³ல்மம் ஸர்வம் ப⁴வதி காஞ்சனம் ।
தம் குமாரம் ததோ ஜாதம் ஸேந்த்³ராஸ்ஸஹ மருத்³க³ணா: ॥ 23 ॥
க்ஷீரஸம்பா⁴வனார்தா²ய க்ருத்திகாஸ்ஸமயோஜன் ।
தா: க்ஷீரம் ஜாதமாத்ரஸ்ய க்ருத்வா ஸமயமுத்தமம் ॥ 24 ॥
த³து³: புத்ரோயமஸ்மாகம் ஸர்வாஸாமிதி நிஶ்சிதா: ।
ததஸ்து தே³வதா ஸ்ஸர்வா: கார்திகேய இதி ப்³ருவன் ॥ 25 ॥
புத்ரஸ்த்ரைலோக்யவிக்²யாதோ ப⁴விஷ்யதி ந ஸம்ஶய: ।
4 தேஷாம் தத்³வசனம் ஶ்ருத்வா ஸ்கன்னம் க³ர்ப⁴பரிஸ்ரவே ॥ 26 ॥
ஸ்னாபயன் பரயா லக்ஷ்ம்யா தீ³ப்யமானம் யதா²னலம் ।
ஸ்கந்த³ இத்யப்³ருவன் தே³வா: ஸ்கன்னம் க³ர்ப⁴பரிஸ்ரவாத் ॥ 27 ॥
கார்திகேயம் மஹாபா⁴க³ம் காகுத்ஸ்த² ஜ்வலனோபமம் ।
ப்ராது³ர்பூ⁴தம் தத: க்ஷீரம் க்ருத்திகானாமனுத்தமம் ॥ 28 ॥
ஷண்ணாம் ஷடா³னநோ பூ⁴த்வா ஜக்³ராஹ ஸ்தனஜம் பய: ।
க்³ருஹீத்வா க்ஷீரமேகாஹ்னா ஸுகுமாரவபுஸ்ததா³ ॥ 29 ॥
அஜயத்ஸ்வேன வீர்யேண தை³த்யஸேனாக³ணான் விபு⁴: ।
ஸுரஸேனாக³ணபதிம் ததஸ்தமதுலத்³யுதிம் ॥ 3௦ ॥
அப்⁴யஷிஞ்சன் ஸுரக³ணா ஸ்ஸமேத்யாக்³னிபுரோக³மா: ।
ஏஷ தே ராம க³ங்கா³யா விஸ்தரோபி⁴ஹிதோ மயா ॥ 31 ॥
குமாரஸம்ப⁴வஶ்சைவ த⁴ன்ய: புண்யஸ்ததை²வ ச ।
ப⁴க்தஶ்ச ய: கார்திகேயே காகுத்ஸ்த² பு⁴வி மானவ: ।
ஆயுஷ்மான் புத்ரபௌத்ரைஶ்ச ஸ்கந்த³ஸாலோக்யதாம் வ்ரஜேத் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தத்ரிம்ஶஸ்ஸர்க:³ ॥
