𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌪𑍍𑌯𑌮𑌾𑌨𑍇 𑌤𑌪𑍋 𑌦𑍇𑌵𑍇 𑌦𑍇𑌵𑌾𑌃 𑌸𑌰𑍍𑌷𑌿𑌗𑌣𑌾𑌃 𑌪𑍁𑌰𑌾 ।
𑌸𑍇𑌨𑌾𑌪𑌤𑌿𑌮𑌭𑍀𑌪𑍍𑌸𑌂𑌤𑌃 𑌪𑌿𑌤𑌾𑌮𑌹𑌮𑍁𑌪𑌾𑌗𑌮𑌨𑍍 ॥ 1 ॥
𑌤𑌤𑍋𑌽𑌬𑍍𑌰𑍁𑌵𑌨𑍍 𑌸𑍁𑌰𑌾𑌸𑍍𑌸𑌰𑍍𑌵𑍇 𑌭𑌗𑌵𑌂𑌤𑌂 𑌪𑌿𑌤𑌾𑌮𑌹𑌮𑍍 ।
𑌪𑍍𑌰𑌣𑌿𑌪𑌤𑍍𑌯 𑌸𑍁𑌰𑌾𑌸𑍍𑌸𑌰𑍍𑌵𑍇 𑌸𑍇𑌂𑌦𑍍𑌰𑌾𑌸𑍍𑌸𑌾𑌗𑍍𑌨𑌿𑌪𑍁𑌰𑍋𑌗𑌮𑌾𑌃 ॥ 2 ॥
𑌯𑍋 𑌨 𑌸𑍍𑌸𑍇𑌨𑌾𑌪𑌤𑌿𑌰𑍍𑌦𑍇𑌵 𑌦𑌤𑍍𑌤𑍋 𑌭𑌗𑌵𑌤𑌾 𑌪𑍁𑌰𑌾 ।
𑌤𑌪𑌃 𑌪𑌰𑌮𑌮𑌾𑌸𑍍𑌥𑌾𑌯 𑌤𑌪𑍍𑌯𑌤𑍇 𑌸𑍍𑌮 𑌸𑌹𑍋𑌮𑌯𑌾 ॥ 3 ॥
𑌯𑌦𑌤𑍍𑌰𑌾𑌨𑌂𑌤𑌰𑌂 𑌕𑌾𑌰𑍍𑌯𑌂 𑌲𑍋𑌕𑌾𑌨𑌾𑌂 𑌹𑌿𑌤𑌕𑌾𑌮𑍍𑌯𑌯𑌾 ।
𑌸𑌂𑌵𑌿𑌧𑌤𑍍𑌸𑍍𑌵 𑌵𑌿𑌧𑌾𑌨𑌜𑍍𑌞 𑌤𑍍𑌵𑌂 𑌹𑌿 𑌨𑌃 𑌪𑌰𑌮𑌾 𑌗𑌤𑌿𑌃 ॥ 4 ॥
𑌦𑍇𑌵𑌤𑌾𑌨𑌾𑌂 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌸𑌰𑍍𑌵𑌲𑍋𑌕𑌪𑌿𑌤𑌾𑌮𑌹𑌃 ।
𑌸𑌾𑌂𑌤𑍍𑌵𑌯𑌨𑍍𑌮𑌧𑍁𑌰𑍈𑌰𑍍𑌵𑌾𑌕𑍍𑌯𑍈𑌸𑍍𑌤𑍍𑌰𑌿𑌦𑌶𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ॥ 5 ॥
𑌶𑍈𑌲 𑌪𑍁𑌤𑍍𑌰𑍍𑌯𑌾 𑌯𑌦𑍁𑌕𑍍𑌤𑌂 𑌤𑌨𑍍𑌨 𑌪𑍍𑌰𑌜𑌾𑌸𑍍𑌯𑌥 𑌪𑌤𑍍𑌨𑌿𑌷𑍁 ।
𑌤𑌸𑍍𑌯𑌾 𑌵𑌚𑌨𑌮𑌕𑍍𑌲𑌿𑌷𑍍𑌟𑌂 𑌸𑌤𑍍𑌯𑌮𑍇𑌤𑌨𑍍𑌨 𑌸𑌂𑌶𑌯𑌃 ॥ 6 ॥
𑌇𑌯𑌮𑌾𑌕𑌾𑌶𑌗𑌾 𑌗𑌂𑌗𑌾 𑌯𑌸𑍍𑌯𑌾𑌂 𑌪𑍁𑌤𑍍𑌰𑌂 𑌹𑍁𑌤𑌾𑌶𑌨𑌃 ।
𑌜𑌨𑌯𑌿𑌷𑍍𑌯𑌤𑌿 𑌦𑍇𑌵𑌾𑌨𑌾𑌂 𑌸𑍇𑌨𑌾𑌪𑌤𑌿𑌮𑌰𑌿𑌂𑌦𑌮𑌮𑍍 ॥ ॥
𑌜𑍍𑌯𑍇𑌷𑍍𑌠𑌾 𑌶𑍈𑌲𑍇𑌂𑌦𑍍𑌰𑌦𑍁𑌹𑌿𑌤𑌾 𑌮𑌾𑌨𑌯𑌿𑌷𑍍𑌯𑌤𑌿 𑌤𑌤𑍍𑌸𑍁𑌤𑌮𑍍 ।
𑌉𑌮𑌾𑌯𑌾𑌸𑍍𑌤𑌦𑍍𑌬𑌹𑍁𑌮𑌤𑌂 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ॥ ॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌨𑌂 𑌤𑌸𑍍𑌯 𑌕𑍃𑌤𑌾𑌰𑍍𑌥𑌾 𑌰𑌘𑍁𑌨𑌂𑌦𑌨 ।
𑌪𑍍𑌰𑌣𑌿𑌪𑌤𑍍𑌯 𑌸𑍁𑌰𑌾𑌸𑍍𑌸𑌰𑍍𑌵𑍇 𑌪𑌿𑌤𑌾𑌮𑌹𑌮𑌪𑍂𑌜𑌯𑌨𑍍 ॥ ॥
𑌤𑍇 𑌗𑌤𑍍𑌵𑌾 𑌪𑌰𑍍𑌵𑌤𑌂 𑌰𑌾𑌮 𑌕𑍈𑌲𑌾𑌸𑌂 𑌧𑌾𑌤𑍁𑌮𑌂𑌡𑌿𑌤𑌮𑍍 ।
𑌅𑌗𑍍𑌨𑌿𑌂 𑌨𑌿𑌯𑍋𑌜𑌯𑌾𑌮𑌾𑌸𑍁𑌃 𑌪𑍁𑌤𑍍𑌰𑌾𑌰𑍍𑌥𑌂 𑌸𑌰𑍍𑌵𑌦𑍇𑌵𑌤𑌾𑌃 ॥ 10 ॥
𑌦𑍇𑌵𑌕𑌾𑌰𑍍𑌯𑌮𑌿𑌦𑌂 𑌦𑍇𑌵 𑌸𑌂𑌵𑌿𑌧𑌤𑍍𑌸𑍍𑌵 𑌹𑍁𑌤𑌾𑌶𑌨 ।
𑌶𑍈𑌲𑌪𑍁𑌤𑍍𑌰𑍍𑌯𑌾𑌂 𑌮𑌹𑌾𑌤𑍇𑌜𑍋 𑌗𑌂𑌗𑌾𑌯𑌾𑌂 𑌤𑍇𑌜 𑌉𑌤𑍍𑌸𑍃𑌜 ॥ 11 ॥
𑌦𑍇𑌵𑌤𑌾𑌨𑌾𑌂 𑌪𑍍𑌰𑌤𑌿𑌜𑍍𑌞𑌾𑌯 𑌗𑌂𑌗𑌾𑌮𑌭𑍍𑌯𑍇𑌤𑍍𑌯 𑌪𑌾𑌵𑌕𑌃 ।
𑌗𑌰𑍍𑌭𑌂 𑌧𑌾𑌰𑌯 𑌵𑍈 𑌦𑍇𑌵𑌿 𑌦𑍇𑌵𑌤𑌾𑌨𑌾𑌮𑌿𑌦𑌂 𑌪𑍍𑌰𑌿𑌯𑌮𑍍 ॥ 12 ॥
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌦𑌿𑌵𑍍𑌯𑌂 𑌰𑍂𑌪𑌮𑌧𑌾𑌰𑌯𑌤𑍍 ।
𑌦𑍃𑌷𑍍𑌟𑍍𑌵𑌾 𑌤𑌨𑍍𑌮𑌹𑌿𑌮𑌾𑌨𑌂 𑌸 𑌸𑌮𑌂𑌤𑌾𑌦𑌵𑌕𑍀𑌰𑍍𑌯𑌤 ॥ 13 ॥
𑌸𑌮𑌂𑌤𑌤𑌸𑍍𑌤𑌦𑌾 𑌦𑍇𑌵𑍀𑌮𑌭𑍍𑌯𑌷𑌿𑌂𑌚𑌤 𑌪𑌾𑌵𑌕𑌃 ।
𑌸𑌰𑍍𑌵𑌸𑍍𑌰𑍋𑌤𑌾𑌂𑌸𑌿 𑌪𑍂𑌰𑍍𑌣𑌾𑌨𑌿 𑌗𑌂𑌗𑌾𑌯𑌾 𑌰𑌘𑍁𑌨𑌂𑌦𑌨 ॥ 14 ॥
𑌤𑌮𑍁𑌵𑌾𑌚 𑌤𑌤𑍋 𑌗𑌂𑌗𑌾 𑌸𑌰𑍍𑌵𑌦𑍇𑌵𑌪𑍁𑌰𑍋𑌹𑌿𑌤𑌮𑍍 ।
𑌅𑌶𑌕𑍍𑌤𑌾 𑌧𑌾𑌰𑌣𑍇 𑌦𑍇𑌵 𑌤𑌵 𑌤𑍇𑌜 𑌸𑍍𑌸𑌮𑍁𑌦𑍍𑌧𑌤𑌮𑍍 ।
𑌦𑌹𑍍𑌯𑌮𑌾𑌨𑌾𑌗𑍍𑌨𑌿𑌨𑌾 𑌤𑍇𑌨 𑌸𑌂𑌪𑍍𑌰𑌵𑍍𑌯𑌥𑌿𑌤𑌚𑍇𑌤𑌨𑌾 ॥ 15 ॥
𑌅𑌥𑌾𑌬𑍍𑌰𑌵𑍀𑌦𑌿𑌦𑌂 𑌗𑌂𑌗𑌾𑌂 𑌸𑌰𑍍𑌵𑌦𑍇𑌵𑌹𑍁𑌤𑌾𑌶𑌨𑌃 ।
𑌇𑌹 𑌹𑍈𑌮𑌵𑌤𑍀 𑌪𑌾𑌦𑍇 𑌗𑌰𑍍𑌭𑍋𑌽𑌯𑌂 𑌸𑌨𑍍𑌨𑌿𑌵𑍇𑌶𑍍𑌯𑌤𑌾𑌮𑍍 ॥ 16 ॥
𑌶𑍍𑌰𑍁𑌤𑍍𑌵𑌾 𑌤𑍍𑌵𑌗𑍍𑌨𑌿𑌵𑌚𑍋 𑌗𑌙𑌗𑌾 𑌤𑌂 𑌗𑌰𑍍𑌭𑌮𑌤𑌿𑌭𑌾𑌸𑍍𑌵𑌰𑌮𑍍 ।
𑌉𑌤𑍍𑌸𑌸𑌰𑍍𑌜 𑌮𑌹𑌾𑌤𑍇𑌜 𑌸𑍍𑌸𑍍𑌰𑍋𑌤𑍋𑌭𑍍𑌯𑍋 𑌹𑌿 𑌤𑌦𑌾𑌨𑌘 ॥ 1 ॥
𑌯𑌦𑌸𑍍𑌯𑌾 𑌨𑌿𑌰𑍍𑌗𑌤𑌂 𑌤𑌸𑍍𑌮𑌾𑌤𑍍𑌤𑌪𑍍𑌤𑌜𑌾𑌂𑌬𑍂𑌨𑌦𑌪𑍍𑌰𑌭𑌮𑍍 ।
𑌕𑌾𑌂𑌚𑌨𑌂 𑌧𑌰𑌣𑍀𑌂 𑌪𑍍𑌰𑌾𑌪𑍍𑌤𑌂 𑌹𑌿𑌰𑌣𑍍𑌯𑌮𑌮𑌲𑌂 𑌶𑍁𑌭𑌮𑍍 ॥ 1 ॥
𑌤𑌾𑌮𑍍𑌰𑌂 𑌕𑌾𑌰𑍍𑌷𑍍𑌣𑌾𑌯𑌸𑌂 𑌚𑍈𑌵 𑌤𑍈𑌕𑍍𑌷𑍍𑌣𑍍𑌯𑌾𑌦𑍇𑌵𑌾𑌭𑍍𑌯𑌜𑌾𑌯𑌤 ॥ 1 ॥
𑌮𑌲𑌂 𑌤𑌸𑍍𑌯𑌾𑌭𑌵𑌤𑍍𑌤𑌤𑍍𑌰 𑌤𑍍𑌰𑌪𑍁 𑌸𑍀𑌸𑌕𑌮𑍇𑌵 𑌚 ।
𑌤𑌦𑍇𑌤𑌦𑍍𑌧𑌰𑌣𑍀𑌂 𑌪𑍍𑌰𑌾𑌪𑍍𑌯 𑌨𑌾𑌨𑌾𑌧𑌾𑌤𑍁𑌰𑌵𑌰𑍍𑌧𑌤 ॥ 20 ॥
𑌨𑌿𑌕𑍍𑌷𑌿𑌪𑍍𑌤𑌮𑌾𑌤𑍍𑌰𑍇 𑌗𑌰𑍍𑌭𑍇 𑌤𑍁 𑌤𑍇𑌜𑍋𑌭𑌿𑌰𑌭𑌿𑌰𑌂𑌜𑌿𑌤𑌮𑍍 ।
𑌸𑌰𑍍𑌵𑌂 𑌪𑌰𑍍𑌵𑌤𑌸𑌨𑍍𑌨𑌦𑍍𑌧𑌂 𑌸𑍌𑌵𑌰𑍍𑌣𑌮𑌭𑌵𑌦𑍍𑌵𑌨𑌮𑍍 ॥ 21 ॥
𑌜𑌾𑌤𑌰𑍂𑌪𑌮𑌿𑌤𑌿 𑌖𑍍𑌯𑌾𑌤𑌂 𑌤𑌦𑌾 𑌪𑍍𑌰𑌭𑍃𑌤𑌿 𑌰𑌾𑌘𑌵 ।
𑌸𑍁𑌵𑌰𑍍𑌣𑌂 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌹𑍁𑌤𑌾𑌶𑌨𑌸𑌮𑌪𑍍𑌰𑌭𑌮𑍍 ॥ 22 ॥
𑌤𑍃𑌣𑌵𑍃𑌕𑍍𑌷𑌲𑌤𑌾𑌗𑍁𑌲𑍍𑌮𑌂 𑌸𑌰𑍍𑌵𑌂 𑌭𑌵𑌤𑌿 𑌕𑌾𑌂𑌚𑌨𑌮𑍍 ।
𑌤𑌂 𑌕𑍁𑌮𑌾𑌰𑌂 𑌤𑌤𑍋 𑌜𑌾𑌤𑌂 𑌸𑍇𑌂𑌦𑍍𑌰𑌾𑌸𑍍𑌸𑌹 𑌮𑌰𑍁𑌦𑍍𑌗𑌣𑌾𑌃 ॥ 23 ॥
𑌕𑍍𑌷𑍀𑌰𑌸𑌂𑌭𑌾𑌵𑌨𑌾𑌰𑍍𑌥𑌾𑌯 𑌕𑍃𑌤𑍍𑌤𑌿𑌕𑌾𑌸𑍍𑌸𑌮𑌯𑍋𑌜𑌨𑍍 ।
𑌤𑌾𑌃 𑌕𑍍𑌷𑍀𑌰𑌂 𑌜𑌾𑌤𑌮𑌾𑌤𑍍𑌰𑌸𑍍𑌯 𑌕𑍃𑌤𑍍𑌵𑌾 𑌸𑌮𑌯𑌮𑍁𑌤𑍍𑌤𑌮𑌮𑍍 ॥ 24 ॥
𑌦𑌦𑍁𑌃 𑌪𑍁𑌤𑍍𑌰𑍋𑌽𑌯𑌮𑌸𑍍𑌮𑌾𑌕𑌂 𑌸𑌰𑍍𑌵𑌾𑌸𑌾𑌮𑌿𑌤𑌿 𑌨𑌿𑌶𑍍𑌚𑌿𑌤𑌾𑌃 ।
𑌤𑌤𑌸𑍍𑌤𑍁 𑌦𑍇𑌵𑌤𑌾 𑌸𑍍𑌸𑌰𑍍𑌵𑌾𑌃 𑌕𑌾𑌰𑍍𑌤𑌿𑌕𑍇𑌯 𑌇𑌤𑌿 𑌬𑍍𑌰𑍁𑌵𑌨𑍍 ॥ 25 ॥
𑌪𑍁𑌤𑍍𑌰𑌸𑍍𑌤𑍍𑌰𑍈𑌲𑍋𑌕𑍍𑌯𑌵𑌿𑌖𑍍𑌯𑌾𑌤𑍋 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ।
4 𑌤𑍇𑌷𑌾𑌂 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑍍𑌕𑌨𑍍𑌨𑌂 𑌗𑌰𑍍𑌭𑌪𑌰𑌿𑌸𑍍𑌰𑌵𑍇 ॥ 26 ॥
𑌸𑍍𑌨𑌾𑌪𑌯𑌨𑍍 𑌪𑌰𑌯𑌾 𑌲𑌕𑍍𑌷𑍍𑌮𑍍𑌯𑌾 𑌦𑍀𑌪𑍍𑌯𑌮𑌾𑌨𑌂 𑌯𑌥𑌾𑌨𑌲𑌮𑍍 ।
𑌸𑍍𑌕𑌂𑌦 𑌇𑌤𑍍𑌯𑌬𑍍𑌰𑍁𑌵𑌨𑍍 𑌦𑍇𑌵𑌾𑌃 𑌸𑍍𑌕𑌨𑍍𑌨𑌂 𑌗𑌰𑍍𑌭𑌪𑌰𑌿𑌸𑍍𑌰𑌵𑌾𑌤𑍍 ॥ 2 ॥
𑌕𑌾𑌰𑍍𑌤𑌿𑌕𑍇𑌯𑌂 𑌮𑌹𑌾𑌭𑌾𑌗𑌂 𑌕𑌾𑌕𑍁𑌤𑍍𑌸𑍍𑌥 𑌜𑍍𑌵𑌲𑌨𑍋𑌪𑌮𑌮𑍍 ।
𑌪𑍍𑌰𑌾𑌦𑍁𑌰𑍍𑌭𑍂𑌤𑌂 𑌤𑌤𑌃 𑌕𑍍𑌷𑍀𑌰𑌂 𑌕𑍃𑌤𑍍𑌤𑌿𑌕𑌾𑌨𑌾𑌮𑌨𑍁𑌤𑍍𑌤𑌮𑌮𑍍 ॥ 2 ॥
𑌷𑌣𑍍𑌣𑌾𑌂 𑌷𑌡𑌾𑌨𑌨𑍋 𑌭𑍂𑌤𑍍𑌵𑌾 𑌜𑌗𑍍𑌰𑌾𑌹 𑌸𑍍𑌤𑌨𑌜𑌂 𑌪𑌯𑌃 ।
𑌗𑍃𑌹𑍀𑌤𑍍𑌵𑌾 𑌕𑍍𑌷𑍀𑌰𑌮𑍇𑌕𑌾𑌹𑍍𑌨𑌾 𑌸𑍁𑌕𑍁𑌮𑌾𑌰𑌵𑌪𑍁𑌸𑍍𑌤𑌦𑌾 ॥ 2 ॥
𑌅𑌜𑌯𑌤𑍍𑌸𑍍𑌵𑍇𑌨 𑌵𑍀𑌰𑍍𑌯𑍇𑌣 𑌦𑍈𑌤𑍍𑌯𑌸𑍇𑌨𑌾𑌗𑌣𑌾𑌨𑍍 𑌵𑌿𑌭𑍁𑌃 ।
𑌸𑍁𑌰𑌸𑍇𑌨𑌾𑌗𑌣𑌪𑌤𑌿𑌂 𑌤𑌤𑌸𑍍𑌤𑌮𑌤𑍁𑌲𑌦𑍍𑌯𑍁𑌤𑌿𑌮𑍍 ॥ 30 ॥
𑌅𑌭𑍍𑌯𑌷𑌿𑌂𑌚𑌨𑍍 𑌸𑍁𑌰𑌗𑌣𑌾 𑌸𑍍𑌸𑌮𑍇𑌤𑍍𑌯𑌾𑌗𑍍𑌨𑌿𑌪𑍁𑌰𑍋𑌗𑌮𑌾𑌃 ।
𑌏𑌷 𑌤𑍇 𑌰𑌾𑌮 𑌗𑌂𑌗𑌾𑌯𑌾 𑌵𑌿𑌸𑍍𑌤𑌰𑍋𑌽𑌭𑌿𑌹𑌿𑌤𑍋 𑌮𑌯𑌾 ॥ 31 ॥
𑌕𑍁𑌮𑌾𑌰𑌸𑌂𑌭𑌵𑌶𑍍𑌚𑍈𑌵 𑌧𑌨𑍍𑌯𑌃 𑌪𑍁𑌣𑍍𑌯𑌸𑍍𑌤𑌥𑍈𑌵 𑌚 ।
𑌭𑌕𑍍𑌤𑌶𑍍𑌚 𑌯𑌃 𑌕𑌾𑌰𑍍𑌤𑌿𑌕𑍇𑌯𑍇 𑌕𑌾𑌕𑍁𑌤𑍍𑌸𑍍𑌥 𑌭𑍁𑌵𑌿 𑌮𑌾𑌨𑌵𑌃 ।
𑌆𑌯𑍁𑌷𑍍𑌮𑌾𑌨𑍍 𑌪𑍁𑌤𑍍𑌰𑌪𑍌𑌤𑍍𑌰𑍈𑌶𑍍𑌚 𑌸𑍍𑌕𑌂𑌦𑌸𑌾𑌲𑍋𑌕𑍍𑌯𑌤𑌾𑌂 𑌵𑍍𑌰𑌜𑍇𑌤𑍍 ॥ 32 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌸𑌪𑍍𑌤𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
