ശ്രീമദ്വാല്മീകീയ രാമായണേ യുദ്ധകാംഡമ് ।
അഥ സപ്തമസ്സര്ഗഃ ।
ഇത്യുക്താരാക്ഷസേംദ്രേണരാക്ഷസാസ്തേമഹാബലാഃ ।
ഊചുഃപ്രാന്ജലയഃസർവേരാവണംരാക്ഷസേശ്വരമ് ॥ 1 ॥
ദ്വിഷത്പക്ഷമവിജ്ഞായനീതിബാഹ്യാസ്ത്വബുദ്ധയഃ ।
രാജന്പരിഘശക്ത്യൃഷ്ടിശൂലപട്ടിശകുംതലമ് ॥ 2 ॥
ഇത്യുക്താരാക്ഷസേംദ്രേണരാക്ഷസാസ്തേമഹാബലാഃ ।
ഊചുഃപ്രാന്ജലയഃസർവേരാവണംരാക്ഷസേശ്വരമ് ॥ 3 ॥
ദ്വിഷത്പക്ഷമവിജ്ഞായനീതിബാഹ്യാസ്ത്വബുദ്ധയഃ ।
രാജന്പരിഘശക്ത്യൃഷ്ടിശൂലപട്ടിശകുംതലമ് ॥ 4 ॥
സുമഹന്നോബലംകസ്മാദ്വിഷാദംഭജതേഭവാന് ।
ത്വയാഭോഗവതീംഗത്വാനിര്ജിതാഃപന്നഗായുധി ॥ 5 ॥
കൈലാസശിഖരാവാസീയക്ഷൈര്ബഹുഭിരാവൃതഃ ।
സുമഹത്കദനംകൃത്വാവശ്യസ്തേധനദഃകൃതഃ ॥ 6 ॥
സമഹേശ്വരസഖ്യേനശ്ലാഘമാനസ്ത്വയാവിഭോ ।
നിര്ജിതഃസമരേരോഷാല്ലോകപാലോമഹാബലഃ ॥ 7 ॥
വിനിഹത്യചയക്ഷൌഘാന്വിക്ഷോഭ്യചവിനിഗൃഹ്യച ।
ത്വയാകൈലാസശിഖരാദ്വിമാനമിദമാഹൃതമ് ॥ 8 ॥
മയേനദാനവേംദ്രേണത്വദ്ഭയാത്സഖ്യമിച്ഛതാ ।
ദുഹിതാതവഭാര്യാര്ഥേദത്താരാക്ഷസപുംഗവ ॥ 9 ॥
ദാനവേംദ്രോമധുര്നാമവീര്യോത്സിക്തോദുരാസദഃ ।
വിഗൃഹ്യവശമാനീതഃകുംഭീനസ്യാഃസുഖാവഹഃ ॥ 10 ॥
നിര്ജിതാസ്തേമഹാബാഹോനാഗാഗത്വാരസാതലമ് ।
വാസുകിസ്തക്ഷകഃശങഖോജടീചവശമാഹൃതാഃ ॥ 11 ॥
അക്ഷയാബലവംതശ്ചശൂരാലബ്ധവരാഃപുനഃ ।
ത്വയാസംവത്സരംയുദ്ധ്വാസമരേദാനവാവിഭോ ॥ 12 ॥
സ്വബലംസമുപാശ്രിത്യനീതാവശമരിംദമ ।
മായാശ്ചാധിഗതാസ്തത്രബഹ്വ്യോവൈരാക്ഷസാധിപ ॥ 13 ॥
ശൂരാശ്ചബലവംതശ്ചവരുണസ്യസുതാരണേ ।
നിര്ജിതാസ്തേമഹാഭാഗചതുർവിധബലാനുഗാഃ ॥ 14 ॥
മൃത്യുദംഡമഹാഗ്രാഹംശാല്മലിദ്രുമമംഡിതമ് ।
കാലപാശമഹാവീചിംയമകിംകരപന്നഗമ് ॥ 15 ॥
മഹാജ്വരേണദുര്ധര്ഷംയമലോകമഹാര്ണവമ് ।
അവഗാഹ്യത്വയാരാജന്യമസ്യബലസാഗരമ് ॥ 16 ॥
ജയശ്ചവിപുലഃപ്രാപ്തോമൃത്യുശ്ചപ്രതിഷേധിതഃ ।
സുയുദ്ധേനചതേസർവേലോകാസ്തത്രസുതോഷിതാഃ ॥ 17 ॥
ക്ഷത്രിയൈര്ബഹുഭിർവീരൈഃശക്രതുല്യപരാക്രമൈഃ ।
ആസീദ്വസുമതീപൂര്ണാമഹദ്ഭിരിവപാദപൈഃ ॥ 18 ॥
തേഷാംവീര്യഗുണോത്സാഹൈര്നസമോരാഘവോരണേ ।
പ്രസഹ്യതേത്വയാരാജന്ഹതാഃസമരദുര്ജയാഃ ॥ 19 ॥
തിഷ്ഠവാകിംമഹാരാജശ്രമേ ണതവവാനരാന് ।
അയമേകോമഹാബാഹുരിംദ്രജിത്ക്ഷപയിഷ്യതി ॥ 20 ॥
അനേനഹിമഹാരാജമഹേശ്വരമനുത്തമമ് ।
ഇഷ്ട്വായജ്ഞംവരോലബ്ധോലോകേപരമദുര്ലഭഃ ॥ 21 ॥
ശക്തിതോമരമീനംചവിനികീര്ണാംത്രശൈവലമ് ।
ഗജകഛപസംബാധമശ്വമംഡൂകസംകുലമ് ॥ 22 ॥
രുദ്രാദിത്യമഹാഗ്രാഹംമരുദ്വസുമഹോരഗമ് ।
രഥശ്വഗജതോയൌഘംപദാതിപുലിനംമഹത് ॥ 23 ॥
അനേനഹിസമാസാദ്യദേവാനാംബലസാഗരമ് ।
ഗൃഹീതോദൈവതപതിര്ലംകാംചാപിപ്രവേശിതഃ ॥ 24 ॥
പിതാമഹനിയോഗാച്ചമുക്തഃശംബരവൃത്രഹാ ।
ഗതസ്ത്രിവിഷ്ടപമ്രാജന്സർവദേവനമസ്കൃതഃ ॥ 25 ॥
തമേവത്വംമഹാരാജവിസൃജേംദ്രജിതംസുതമ് ।
യാവദ്വാനരസേനാംതാംസരാമാംനയതിക്ഷയമ് ॥ 26 ॥
രാജന്നാപദയുക്തേയമാഗതാപ്രാകൃതാജ്ജനാത് ।
ഹൃദിനൈവത്വയാകാര്യാത്വംവധിഷ്യസിരാഘവമ് ॥ 27 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ സപ്തമസ്സര്ഗഃ ॥
