ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତମସ୍ସର୍ଗଃ ।
ଇତ୍ୟୁକ୍ତାରାକ୍ଷସେଂଦ୍ରେଣରାକ୍ଷସାସ୍ତେମହାବଲାଃ ।
ଊଚୁଃପ୍ରାନ୍ଜଲୟଃସର୍ଵେରାଵଣଂରାକ୍ଷସେଶ୍ଵରମ୍ ॥ 1 ॥
ଦ୍ଵିଷତ୍ପକ୍ଷମଵିଜ୍ଞାୟନୀତିବାହ୍ୟାସ୍ତ୍ଵବୁଦ୍ଧୟଃ ।
ରାଜନ୍ପରିଘଶକ୍ତ୍ୟୃଷ୍ଟିଶୂଲପଟ୍ଟିଶକୁଂତଲମ୍ ॥ 2 ॥
ଇତ୍ୟୁକ୍ତାରାକ୍ଷସେଂଦ୍ରେଣରାକ୍ଷସାସ୍ତେମହାବଲାଃ ।
ଊଚୁଃପ୍ରାନ୍ଜଲୟଃସର୍ଵେରାଵଣଂରାକ୍ଷସେଶ୍ଵରମ୍ ॥ 3 ॥
ଦ୍ଵିଷତ୍ପକ୍ଷମଵିଜ୍ଞାୟନୀତିବାହ୍ୟାସ୍ତ୍ଵବୁଦ୍ଧୟଃ ।
ରାଜନ୍ପରିଘଶକ୍ତ୍ୟୃଷ୍ଟିଶୂଲପଟ୍ଟିଶକୁଂତଲମ୍ ॥ 4 ॥
ସୁମହନ୍ନୋବଲଂକସ୍ମାଦ୍ଵିଷାଦଂଭଜତେଭଵାନ୍ ।
ତ୍ଵୟାଭୋଗଵତୀଂଗତ୍ଵାନିର୍ଜିତାଃପନ୍ନଗାୟୁଧି ॥ 5 ॥
କୈଲାସଶିଖରାଵାସୀୟକ୍ଷୈର୍ବହୁଭିରାଵୃତଃ ।
ସୁମହତ୍କଦନଂକୃତ୍ଵାଵଶ୍ୟସ୍ତେଧନଦଃକୃତଃ ॥ 6 ॥
ସମହେଶ୍ଵରସଖ୍ୟେନଶ୍ଲାଘମାନସ୍ତ୍ଵୟାଵିଭୋ ।
ନିର୍ଜିତଃସମରେରୋଷାଲ୍ଲୋକପାଲୋମହାବଲଃ ॥ 7 ॥
ଵିନିହତ୍ୟଚୟକ୍ଷୌଘାନ୍ଵିକ୍ଷୋଭ୍ୟଚଵିନିଗୃହ୍ୟଚ ।
ତ୍ଵୟାକୈଲାସଶିଖରାଦ୍ଵିମାନମିଦମାହୃତମ୍ ॥ 8 ॥
ମୟେନଦାନଵେଂଦ୍ରେଣତ୍ଵଦ୍ଭୟାତ୍ସଖ୍ୟମିଚ୍ଛତା ।
ଦୁହିତାତଵଭାର୍ୟାର୍ଥେଦତ୍ତାରାକ୍ଷସପୁଂଗଵ ॥ 9 ॥
ଦାନଵେଂଦ୍ରୋମଧୁର୍ନାମଵୀର୍ୟୋତ୍ସିକ୍ତୋଦୁରାସଦଃ ।
ଵିଗୃହ୍ୟଵଶମାନୀତଃକୁଂଭୀନସ୍ୟାଃସୁଖାଵହଃ ॥ 10 ॥
ନିର୍ଜିତାସ୍ତେମହାବାହୋନାଗାଗତ୍ଵାରସାତଲମ୍ ।
ଵାସୁକିସ୍ତକ୍ଷକଃଶଙଖୋଜଟୀଚଵଶମାହୃତାଃ ॥ 11 ॥
ଅକ୍ଷୟାବଲଵଂତଶ୍ଚଶୂରାଲବ୍ଧଵରାଃପୁନଃ ।
ତ୍ଵୟାସଂଵତ୍ସରଂୟୁଦ୍ଧ୍ଵାସମରେଦାନଵାଵିଭୋ ॥ 12 ॥
ସ୍ଵବଲଂସମୁପାଶ୍ରିତ୍ୟନୀତାଵଶମରିଂଦମ ।
ମାୟାଶ୍ଚାଧିଗତାସ୍ତତ୍ରବହ୍ଵ୍ୟୋଵୈରାକ୍ଷସାଧିପ ॥ 13 ॥
ଶୂରାଶ୍ଚବଲଵଂତଶ୍ଚଵରୁଣସ୍ୟସୁତାରଣେ ।
ନିର୍ଜିତାସ୍ତେମହାଭାଗଚତୁର୍ଵିଧବଲାନୁଗାଃ ॥ 14 ॥
ମୃତ୍ୟୁଦଂଡମହାଗ୍ରାହଂଶାଲ୍ମଲିଦ୍ରୁମମଂଡିତମ୍ ।
କାଲପାଶମହାଵୀଚିଂୟମକିଂକରପନ୍ନଗମ୍ ॥ 15 ॥
ମହାଜ୍ଵରେଣଦୁର୍ଧର୍ଷଂୟମଲୋକମହାର୍ଣଵମ୍ ।
ଅଵଗାହ୍ୟତ୍ଵୟାରାଜନ୍ୟମସ୍ୟବଲସାଗରମ୍ ॥ 16 ॥
ଜୟଶ୍ଚଵିପୁଲଃପ୍ରାପ୍ତୋମୃତ୍ୟୁଶ୍ଚପ୍ରତିଷେଧିତଃ ।
ସୁୟୁଦ୍ଧେନଚତେସର୍ଵେଲୋକାସ୍ତତ୍ରସୁତୋଷିତାଃ ॥ 17 ॥
କ୍ଷତ୍ରିୟୈର୍ବହୁଭିର୍ଵୀରୈଃଶକ୍ରତୁଲ୍ୟପରାକ୍ରମୈଃ ।
ଆସୀଦ୍ଵସୁମତୀପୂର୍ଣାମହଦ୍ଭିରିଵପାଦପୈଃ ॥ 18 ॥
ତେଷାଂଵୀର୍ୟଗୁଣୋତ୍ସାହୈର୍ନସମୋରାଘଵୋରଣେ ।
ପ୍ରସହ୍ୟତେତ୍ଵୟାରାଜନ୍ହତାଃସମରଦୁର୍ଜୟାଃ ॥ 19 ॥
ତିଷ୍ଠଵାକିଂମହାରାଜଶ୍ରମେ ଣତଵଵାନରାନ୍ ।
ଅୟମେକୋମହାବାହୁରିଂଦ୍ରଜିତ୍କ୍ଷପୟିଷ୍ୟତି ॥ 20 ॥
ଅନେନହିମହାରାଜମହେଶ୍ଵରମନୁତ୍ତମମ୍ ।
ଇଷ୍ଟ୍ଵାୟଜ୍ଞଂଵରୋଲବ୍ଧୋଲୋକେପରମଦୁର୍ଲଭଃ ॥ 21 ॥
ଶକ୍ତିତୋମରମୀନଂଚଵିନିକୀର୍ଣାଂତ୍ରଶୈଵଲମ୍ ।
ଗଜକଛପସଂବାଧମଶ୍ଵମଂଡୂକସଂକୁଲମ୍ ॥ 22 ॥
ରୁଦ୍ରାଦିତ୍ୟମହାଗ୍ରାହଂମରୁଦ୍ଵସୁମହୋରଗମ୍ ।
ରଥଶ୍ଵଗଜତୋୟୌଘଂପଦାତିପୁଲିନଂମହତ୍ ॥ 23 ॥
ଅନେନହିସମାସାଦ୍ୟଦେଵାନାଂବଲସାଗରମ୍ ।
ଗୃହୀତୋଦୈଵତପତିର୍ଲଂକାଂଚାପିପ୍ରଵେଶିତଃ ॥ 24 ॥
ପିତାମହନିୟୋଗାଚ୍ଚମୁକ୍ତଃଶଂବରଵୃତ୍ରହା ।
ଗତସ୍ତ୍ରିଵିଷ୍ଟପମ୍ରାଜନ୍ସର୍ଵଦେଵନମସ୍କୃତଃ ॥ 25 ॥
ତମେଵତ୍ଵଂମହାରାଜଵିସୃଜେଂଦ୍ରଜିତଂସୁତମ୍ ।
ୟାଵଦ୍ଵାନରସେନାଂତାଂସରାମାଂନୟତିକ୍ଷୟମ୍ ॥ 26 ॥
ରାଜନ୍ନାପଦୟୁକ୍ତେୟମାଗତାପ୍ରାକୃତାଜ୍ଜନାତ୍ ।
ହୃଦିନୈଵତ୍ଵୟାକାର୍ୟାତ୍ଵଂଵଧିଷ୍ୟସିରାଘଵମ୍ ॥ 27 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତମସ୍ସର୍ଗଃ ॥
