ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டமஸ்ஸர்க:³ ।
ஸ தஸ்ய மத்⁴யே ப⁴வனஸ்ய ஸம்ஸ்தி²தம் மஹத்³விமானம் மணிவஜ்ரசித்ரிதம் ।
ப்ரதப்தஜாம்பூ³னதஜ³ாலக்ருத்ரிமம் த³த³ர்ஶ வீர: பவனாத்மஜ: கபி: ॥ 1 ॥
தத³ப்ரமேயாப்ரதிகாரக்ருத்ரிமம் க்ருதம் ஸ்வயம் ஸாத்⁴விதி விஶ்வகர்மணா ।
தி³வம் க³தம் வாயுபத²ப்ரதிஷ்டி²தம் வ்யராஜதாதி³த்யபத²ஸ்ய லக்ஷ்மவத் ॥ 2 ॥
ந தத்ர கிஞ்சின்ன க்ருதம் ப்ரயத்னதோ ந தத்ர கிஞ்சின்ன மஹார்ஹரத்னவத் ।
ந தே விஶேஷா நியதா: ஸுரேஷ்வபி ந தத்ர கிஞ்சின்ன மஹாவிஶேஷவத் ॥ 3 ॥
தப: ஸமாதா⁴னபராக்ரமார்ஜிதம் மன: ஸமாதா⁴னவிசாரசாரிணம் ।
அனேகஸம்ஸ்தா²னவிஶேஷனிர்மிதம் ததஸ்ததஸ்துல்யவிஶேஷத³ர்ஶனம் ॥ 4 ॥
விஶேஷமாலம்ப்³ய விஶேஷஸம்ஸ்தி²தம் விசித்ரகூடம் ப³ஹுகூடமண்டி³தம் ।
மனோபி⁴ராமம் ஶரதி³ந்து³னிர்மலம் விசித்ரகூடம் ஶிக²ரம் கி³ரேர்யதா² ॥ 5 ॥
வஹந்தி யம் குண்ட³லஶோபி⁴தானநா: மஹாஶனா வ்யோமசரா நிஶாசரா: ।
விவ்ருத்தவித்⁴வஸ்தவிஶாலலோசனா: மஹாஜவா பூ⁴தக³ணா: ஸஹஸ்ரஶ: ॥ 6 ॥
வஸந்தபுஷ்போத்கரசாருத³ர்ஶனம் வஸந்தமாஸாத³பி காந்தத³ர்ஶனம் ।
ஸ புஷ்பகம் தத்ர விமானமுத்தமம் த³த³ர்ஶ தத்³வானரவீரஸத்தம: ॥ 7 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டமஸ்ஸர்க:³ ॥
