VR 5.8 Sundara Kanda - Sarga 8 - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

5.8 సుందరకాండ - అష్టమ సర్గః

శ్రీమద్వాల్మీకీయ రామాయణే సుందరకాండమ్ ।
అథ అష్టమస్సర్గః ।

స తస్య మధ్యే భవనస్య సంస్థితం మహద్విమానం మణివజ్రచిత్రితమ్ ।
ప్రతప్తజాంబూనదజాలకృత్రిమం దదర్శ వీరః పవనాత్మజః కపిః ॥ 1 ॥

తదప్రమేయాప్రతికారకృత్రిమం కృతం స్వయం సాధ్వితి విశ్వకర్మణా ।
దివం గతం వాయుపథప్రతిష్ఠితం వ్యరాజతాదిత్యపథస్య లక్ష్మవత్ ॥ 2 ॥

న తత్ర కించిన్న కృతం ప్రయత్నతో న తత్ర కించిన్న మహార్హరత్నవత్ ।
న తే విశేషా నియతాః సురేష్వపి న తత్ర కించిన్న మహావిశేషవత్ ॥ 3 ॥

తపః సమాధానపరాక్రమార్జితం మనః సమాధానవిచారచారిణమ్ ।
అనేకసంస్థానవిశేషనిర్మితం తతస్తతస్తుల్యవిశేషదర్శనమ్ ॥ 4 ॥

విశేషమాలంబ్య విశేషసంస్థితం విచిత్రకూటం బహుకూటమండితమ్ ।
మనోఽభిరామం శరదిందునిర్మలం విచిత్రకూటం శిఖరం గిరేర్యథా ॥ 5 ॥

వహంతి యం కుండలశోభితాననాః మహాశనా వ్యోమచరా నిశాచరాః ।
వివృత్తవిధ్వస్తవిశాలలోచనాః మహాజవా భూతగణాః సహస్రశః ॥ 6 ॥

వసంతపుష్పోత్కరచారుదర్శనం వసంతమాసాదపి కాంతదర్శనమ్ ।
స పుష్పకం తత్ర విమానముత్తమం దదర్శ తద్వానరవీరసత్తమః ॥ 7 ॥

ఇత్యార్షే శ్రీమద్రామాయణే వాల్మీకీయ ఆదికావ్యే సుందరకాండే అష్టమస్సర్గః ॥

Browse Related Categories: