Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.6𑍮 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌅𑌷𑍍𑌟𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑍇𑌷𑌾𑌂 𑌹𑌿 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌵𑌸𑌿𑌷𑍍𑌠𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌮𑌿𑌤𑍍𑌰𑌾𑌮𑌾𑌤𑍍𑌯𑌗𑌣𑌾𑌨𑍍𑌸𑌰𑍍𑌵𑌾𑌨𑍍𑌬𑍍𑌰𑌾𑌹𑍍𑌮𑌣𑌾𑌂𑌸𑍍𑌤𑌾𑌨𑌿𑌦𑌂 𑌵𑌚𑌃 ॥ 1 ॥

𑌯𑌦𑌸𑍌 𑌮𑌾𑌤𑍁𑌲𑌕𑍁𑌲𑍇 𑌦𑌤𑍍𑌤𑌰𑌾𑌜𑍍𑌯𑌂 𑌪𑌰𑌂 𑌸𑍁𑌖𑍀 ।
𑌭𑌰𑌤𑍋 𑌵𑌸𑌤𑌿 𑌭𑍍𑌰𑌾𑌤𑍍𑌰𑌾 𑌶𑌤𑍍𑌰𑍁𑌘𑍍𑌨𑍇𑌨 𑌸𑌮𑌨𑍍𑌵𑌿𑌤𑌃 ॥ 2 ॥

𑌤𑌚𑍍𑌛𑍀𑌘𑍍𑌰𑌂 𑌜𑌵𑌨𑌾 𑌦𑍂𑌤𑌾 𑌗𑌚𑍍𑌛𑌂𑌤𑍁 𑌤𑍍𑌵𑌰𑌿𑌤𑍈𑌰𑍍𑌹𑌯𑍈𑌃 ।
𑌆𑌨𑍇𑌤𑍁𑌂 𑌭𑍍𑌰𑌾𑌤𑌰𑍌 𑌵𑍀𑌰𑍌 𑌕𑌿𑌂 𑌸𑌮𑍀𑌕𑍍𑌷𑌾𑌮𑌹𑍇 𑌵𑌯𑌮𑍍 ॥ 3 ॥

𑌗𑌚𑍍𑌛𑌂𑌤𑍍𑌵𑌿𑌤𑌿 𑌤𑌤 𑌸𑍍𑌸𑌰𑍍𑌵𑍇 𑌵𑌸𑌿𑌷𑍍𑌠𑌂 𑌵𑌾𑌕𑍍𑌯𑌮𑌬𑍍𑌰𑍁𑌵𑌨𑍍 ।
𑌤𑍇𑌷𑌾𑌂 𑌤𑌦𑍍𑌵𑌚𑌨𑌂 𑌶𑍍𑌰𑍂𑌤𑍍𑌵𑌾 𑌵𑌸𑌿𑌷𑍍𑌠𑍋 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 4 ॥

𑌏𑌹𑌿 𑌸𑌿𑌦𑍍𑌧𑌾𑌰𑍍𑌥 𑌵𑌿𑌜𑌯 𑌜𑌯𑌂𑌤𑌾𑌶𑍋𑌕 𑌨𑌂𑌦𑌨 ।
𑌶𑍍𑌰𑍂𑌯𑌤𑌾𑌮𑌿𑌤𑌿 𑌕𑌰𑍍𑌤𑌵𑍍𑌯𑌂 𑌸𑌰𑍍𑌵𑌾𑌨𑍇𑌵 𑌬𑍍𑌰𑌵𑍀𑌮𑌿 𑌵𑌃 ॥ 5 ॥

𑌪𑍁𑌰𑌂 𑌰𑌾𑌜𑌗𑍃𑌹𑌂 𑌗𑌤𑍍𑌵𑌾 𑌶𑍀𑌘𑍍𑌰𑌂 𑌶𑍀𑌘𑍍𑌰𑌜𑌵𑍈 𑌰𑍍𑌹𑌯𑍈𑌃 ।
𑌤𑍍𑌯𑌕𑍍𑌤𑌶𑍋𑌕𑍈𑌰𑌿𑌦𑌂 𑌵𑌾𑌚𑍍𑌯 𑌶𑍍𑌶𑌾𑌸𑌨𑌾𑌦𑍍𑌭𑌰𑌤𑍋 𑌮𑌮 ॥ 6 ॥

𑌪𑍁𑌰𑍋𑌹𑌿𑌤 𑌸𑍍𑌤𑍍𑌵𑌾𑌂 𑌕𑍁𑌶𑌲𑌂 𑌪𑍍𑌰𑌾𑌹 𑌸𑌰𑍍𑌵𑍇 𑌚 𑌮𑌂𑌤𑍍𑌰𑌿𑌣𑌃 ।
𑌤𑍍𑌵𑌰𑌮𑌾𑌣𑌶𑍍𑌚 𑌨𑌿𑌰𑍍𑌯𑌾𑌹𑌿 𑌕𑍃𑌤𑍍𑌯𑌮𑌾𑌤𑍍𑌯𑌯𑌿𑌕𑌂 𑌤𑍍𑌵𑌯𑌾 ॥ 𑍭 ॥

𑌮𑌾 𑌚𑌾𑌸𑍍𑌮𑍈 𑌪𑍍𑌰𑍋𑌷𑌿𑌤𑌂 𑌰𑌾𑌮𑌂 𑌮𑌾 𑌚𑌾𑌸𑍍𑌮𑍈 𑌪𑌿𑌤𑌰𑌂 𑌮𑍃𑌤𑌮𑍍 ।
𑌭𑌵𑌂𑌤 𑌶𑍍𑌶𑌂𑌸𑌿𑌷𑍁𑌰𑍍𑌗𑌤𑍍𑌵𑌾 𑌰𑌾𑌘𑌵𑌾𑌣𑌾𑌮𑌿𑌮𑌂 𑌕𑍍𑌷𑌯𑌮𑍍 ॥ 𑍮 ॥

𑌕𑍌𑌶𑍇𑌯𑌾𑌨𑌿 𑌚 𑌵𑌸𑍍𑌤𑍍𑌰𑌾𑌣𑌿 𑌭𑍂𑌷𑌣𑌾𑌨𑌿 𑌵𑌰𑌾𑌣𑌿 𑌚 ।
𑌕𑍍𑌷𑌿𑌪𑍍𑌰𑌮𑌾𑌦𑌯 𑌰𑌾𑌜𑍍𑌞𑌶𑍍𑌚 𑌭𑌰𑌤𑌸𑍍𑌯 𑌚 𑌗𑌚𑍍𑌛𑌤 ॥ 𑍯 ॥

𑌦𑌤𑍍𑌤𑌪𑌥𑍍𑌯𑌶𑌨𑌾 𑌦𑍂𑌤𑌾 𑌜𑌗𑍍𑌮𑍁𑌸𑍍𑌸𑍍𑌵𑌂 𑌸𑍍𑌵𑌂 𑌨𑌿𑌵𑍇𑌶𑌨𑌮𑍍 ।
𑌕𑍇𑌕𑌯𑌾𑌂 𑌸𑍍𑌤𑍇 𑌗𑌮𑌿𑌷𑍍𑌯𑌂𑌤𑍋 𑌹𑌯𑌾𑌨𑌾𑌰𑍁𑌹𑍍𑌯 𑌸𑌂𑌮𑌤𑌾𑌨𑍍 ॥ 10 ॥

𑌤𑌤𑌃 𑌪𑍍𑌰𑌾𑌸𑍍𑌥𑌾𑌨𑌿𑌕𑌂 𑌕𑍃𑌤𑍍𑌵𑌾 𑌕𑌾𑌰𑍍𑌯𑌶𑍇𑌷𑌮𑌨𑌂𑌤𑌰𑌮𑍍 ।
𑌵𑌸𑌿𑌷𑍍𑌠𑍇𑌨𑌾𑌭𑍍𑌯𑌨𑍁𑌜𑍍𑌞𑌾𑌤𑌾 𑌦𑍂𑌤𑌾 𑌸𑍍𑌸𑌂𑌤𑍍𑌵𑌰𑌿𑌤𑌾 𑌯𑌯𑍁𑌃 ॥ 11 ॥

𑌨𑍍𑌯𑌂𑌤𑍇𑌨𑌾𑌪𑌰𑌤𑌾𑌲𑌸𑍍𑌯 𑌪𑍍𑌰𑌲𑌂𑌬𑌸𑍍𑌯𑍋𑌤𑍍𑌤𑌰𑌂 𑌪𑍍𑌰𑌤𑌿 ।
𑌨𑌿𑌷𑍇𑌵𑌮𑌾𑌣𑌾 𑌸𑍍𑌤𑍇 𑌜𑌗𑍍𑌮𑍁𑌰𑍍𑌨𑌦𑍀𑌂 𑌮𑌧𑍍𑌯𑍇𑌨 𑌮𑌾𑌲𑌿𑌨𑍀𑌮𑍍 ॥ 12 ॥

𑌤𑍇 𑌹𑌸𑍍𑌤𑌿𑌨𑌾𑌪𑍁𑌰𑍇 𑌗𑌂𑌗𑌾𑌂 𑌤𑍀𑌰𑍍𑌤𑍍𑌵𑌾 𑌪𑍍𑌰𑌤𑍍𑌯𑌙𑍍𑌮𑍁𑌖𑌾 𑌯𑌯𑍁𑌃 ।
𑌪𑌾𑌂𑌚𑌾𑌲𑌦𑍇𑌶𑌮𑌾𑌸𑌾𑌦𑍍𑌯 𑌮𑌧𑍍𑌯𑍇𑌨 𑌕𑍁𑌰𑍁𑌜𑌾𑌂𑌗𑌲𑌮𑍍 ॥ 13 ॥

𑌸𑌰𑌾𑌂𑌸𑌿 𑌚 𑌸𑍁𑌪𑍂𑌰𑍍𑌣𑌾𑌨𑌿 𑌨𑌦𑍀𑌶𑍍𑌚 𑌵𑌿𑌮𑌲𑍋𑌦𑌕𑌾𑌃 ।
𑌨𑌿𑌰𑍀𑌕𑍍𑌷𑌮𑌾𑌣𑌾 𑌸𑍍𑌤𑍇 𑌜𑌗𑍍𑌮𑍁𑌰𑍍𑌦𑍂𑌤𑌾𑌃 𑌕𑌾𑌰𑍍𑌯𑌵𑌶𑌾𑌦𑍍𑌦𑍍𑌰𑍁𑌤𑌮𑍍 ॥ 14 ॥

𑌤𑍇 𑌪𑍍𑌰𑌸𑌨𑍍𑌨𑍋𑌦𑌕𑌾𑌂 𑌦𑌿𑌵𑍍𑌯𑌾𑌂 𑌨𑌾𑌨𑌾𑌵𑌿𑌹𑌗𑌸𑍇𑌵𑌿𑌤𑌾𑌮𑍍 ।
𑌉𑌪𑌾𑌤𑌿𑌜𑌗𑍍𑌮𑍁𑌰𑍍𑌵𑍇𑌗𑍇𑌨 𑌶𑌰𑌦𑌂𑌡𑌾𑌂 𑌜𑌨𑌾𑌕𑍁𑌲𑌾𑌮𑍍 ॥ 15 ॥

𑌨𑌿𑌕𑍂𑌲𑌵𑍃𑌕𑍍𑌷𑌮𑌾𑌸𑌾𑌦𑍍𑌯 𑌦𑌿𑌵𑍍𑌯𑌂 𑌸𑌤𑍍𑌯𑍋𑌪𑌯𑌾𑌚𑌨𑌮𑍍 ।
𑌅𑌭𑌿𑌗𑌮𑍍𑌯𑌾𑌭𑌿𑌵𑌾𑌦𑍍𑌯𑌂 𑌤𑌂 𑌕𑍁𑌲𑌿𑌂𑌗𑌾𑌂 𑌪𑍍𑌰𑌾𑌵𑌿𑌶𑌨𑍍𑌪𑍁𑌰𑍀𑌮𑍍 ॥ 16 ॥

𑌆𑌭𑌿𑌕𑌾𑌲𑌂 𑌤𑌤𑌃 𑌪𑍍𑌰𑌾𑌪𑍍𑌯 𑌤𑍇 𑌬𑍋𑌧𑌿𑌭𑌵𑌨𑌾𑌚𑍍𑌚𑍍𑌯𑍁𑌤𑌾𑌮𑍍 ।
𑌪𑌿𑌤𑍃𑌪𑍈𑌤𑌾𑌮𑌹𑍀𑌂 𑌪𑍁𑌣𑍍𑌯𑌾𑌂 𑌤𑍇𑌰𑍁𑌰𑌿𑌕𑍍𑌷𑍁𑌮𑌤𑍀𑌂 𑌨𑌦𑍀𑌮𑍍 ॥ 1𑍭 ॥

𑌅𑌵𑍇𑌕𑍍𑌷𑍍𑌯𑌾𑌂𑌜𑌲𑌿𑌪𑌾𑌨𑌾𑌂𑌶𑍍𑌚 𑌬𑍍𑌰𑌾𑌹𑍍𑌮𑌣𑌾𑌨𑍍𑌵𑍇𑌦𑌪𑌾𑌰𑌗𑌾𑌨𑍍 ।
𑌯𑌯𑍁𑌰𑍍𑌮𑌧𑍍𑌯𑍇𑌨 𑌬𑌾𑌹𑍍𑌲𑍀𑌕𑌾𑌨𑍍 𑌸𑍁𑌦𑌾𑌮𑌾𑌨𑌂 𑌚 𑌪𑌰𑍍𑌵𑌤𑌮𑍍 ॥ 1𑍮 ॥

𑌵𑌿𑌷𑍍𑌣𑍋𑌃 𑌪𑌦𑌂 𑌪𑍍𑌰𑍇𑌕𑍍𑌷𑌮𑌾𑌣𑌾 𑌵𑌿𑌪𑌾𑌶𑌾𑌂𑌚𑌾𑌪𑌿 𑌶𑌾𑌲𑍍𑌮𑌲𑍀𑌮𑍍 ।
𑌨𑌦𑍀𑌰𑍍𑌵𑌾𑌪𑍀 𑌸𑍍𑌤𑌟𑌾𑌕𑌾𑌨𑌿 𑌪𑌲𑍍𑌵𑌲𑌾𑌨𑌿 𑌸𑌰𑌾𑌂𑌸𑌿 𑌚 ॥ 1𑍯 ॥

𑌪𑌶𑍍𑌯𑌂𑌤𑍋 𑌵𑌿𑌵𑌿𑌧𑌾𑌂𑌶𑍍𑌚𑌾𑌪𑌿 𑌸𑌿𑌂𑌹𑌾𑌵𑍍𑌯𑌾𑌘𑍍𑌰𑌮𑍃𑌗 𑌦𑍍𑌵𑌿𑌪𑌾𑌨𑍍 ।
𑌯𑌯𑍁𑌃 𑌪𑌥𑌾𑌽𑌤𑌿𑌮𑌹𑌤𑌾 𑌶𑌾𑌸𑌨𑌂 𑌭𑌰𑍍𑌤𑍁𑌰𑍀𑌪𑍍𑌸𑌵𑌃 ॥ 20 ॥

𑌤𑍇 𑌶𑍍𑌰𑌾𑌂𑌤𑌵𑌾𑌹𑌨𑌾 𑌦𑍂𑌤𑌾 𑌵𑌿𑌕𑍃𑌷𑍍𑌣𑍇𑌨 𑌪𑌥𑌾 𑌤𑌤𑌃 ।
𑌗𑌿𑌰𑌿𑌵𑍍𑌰𑌜𑌂 𑌪𑍁𑌰𑌵𑌰𑌂 𑌶𑍀𑌘𑍍𑌰𑌮𑌾𑌸𑍇𑌦𑍁𑌰𑌂𑌜𑌸𑌾 ॥ 21 ॥

𑌭𑌰𑍍𑌤𑍁𑌃 𑌪𑍍𑌰𑌿𑌯𑌾𑌰𑍍𑌥𑌂 𑌕𑍁𑌲𑌰𑌕𑍍𑌷𑌣𑌾𑌰𑍍𑌥𑌂 𑌭𑌰𑍍𑌤𑍁𑌶𑍍𑌚 𑌵𑌂𑌶𑌸𑍍𑌯 𑌪𑌰𑌿𑌗𑍍𑌰𑌹𑌾𑌰𑍍𑌥𑌮𑍍 ।
𑌅𑌹𑍇𑌡𑌮𑌾𑌨𑌾 𑌸𑍍𑌤𑍍𑌵𑌰𑌯𑌾 𑌸𑍍𑌮 𑌦𑍂𑌤𑌾 𑌰𑌾𑌤𑍍𑌰𑍍𑌯𑌾𑌂𑌤𑍁 𑌤𑍇 𑌤𑌤𑍍𑌪𑍁𑌰𑌮𑍇𑌵 𑌯𑌾𑌤𑌾𑌃 ॥ 22 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: