VR 1.31 Bala Kanda - Sarga 31 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

1.31 𑌬𑌾𑌲𑌕𑌾𑌂𑌡 - 𑌏𑌕𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌥 𑌤𑌾𑌂 𑌰𑌜𑌨𑍀𑌂 𑌤𑌤𑍍𑌰 𑌕𑍃𑌤𑌾𑌰𑍍𑌥𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌊𑌷𑌤𑍁𑌰𑍍𑌮𑍁𑌦𑌿𑌤𑍌 𑌵𑍀𑌰𑍌 𑌪𑍍𑌰𑌹𑍃𑌷𑍍𑌟𑍇𑌨𑌾𑌂𑌤𑌰𑌾𑌤𑍍𑌮𑌨𑌾 ॥ 1 ॥

𑌪𑍍𑌰𑌭𑌾𑌤𑌾𑌯𑌾𑌂 𑌤𑍁 𑌶𑌰𑍍𑌵𑌰𑍍𑌯𑌾𑌂 𑌕𑍃𑌤𑌪𑍌𑌰𑍍𑌵𑌾𑌹𑍍𑌣𑌿𑌕𑌕𑍍𑌰𑌿𑌯𑍌 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑍃𑌷𑍀𑌂𑌶𑍍𑌚𑌾𑌨𑍍𑌯𑌾𑌨𑍍 𑌸𑌹𑌿𑌤𑌾𑌵𑌭𑌿𑌜𑌗𑍍𑌮𑌤𑍁𑌃 ॥ 2 ॥

𑌅𑌭𑌿𑌵𑌾𑌦𑍍𑌯 𑌮𑍁𑌨𑌿𑌶𑍍𑌰𑍇𑌷𑍍𑌠𑌂 𑌜𑍍𑌵𑌲𑌂𑌤𑌮𑌿𑌵 𑌪𑌾𑌵𑌕𑌮𑍍 ।
𑌊𑌚𑌤𑍁𑌰𑍍𑌮𑌧𑍁𑌰𑍋𑌦𑌾𑌰𑌂 𑌵𑌾𑌕𑍍𑌯𑌂 𑌮𑌧𑍁𑌰𑌭𑌾𑌷𑌿𑌣𑍌 ॥ 3 ॥

𑌇𑌮𑍌 𑌸𑍍𑌮 𑌮𑍁𑌨𑌿𑌶𑌾𑌰𑍍𑌦𑍂𑌲 𑌕𑌿𑌂𑌕𑌰𑍌 𑌸𑌮𑍁𑌪𑌸𑍍𑌥𑌿𑌤𑍌 ।
𑌆𑌜𑍍𑌞𑌾𑌪𑌯 𑌯𑌥𑍇𑌷𑍍𑌟𑌂 𑌵𑍈 𑌶𑌾𑌸𑌨𑌂 𑌕𑌰𑌵𑌾𑌵 𑌕𑌿𑌮𑍍 ॥ 4 ॥

𑌏𑌵𑌮𑍁𑌕𑍍𑌤𑌾 𑌸𑍍𑌤𑌤𑌸𑍍𑌤𑌾𑌭𑍍𑌯𑌾𑌂 𑌸𑌰𑍍𑌵 𑌏𑌵 𑌮𑌹𑌰𑍍𑌷𑌯𑌃 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌪𑍁𑌰𑌸𑍍𑌕𑍃𑌤𑍍𑌯 𑌰𑌾𑌮𑌂 𑌵𑌚𑌨𑌮𑌬𑍍𑌰𑍁𑌵𑌨𑍍 ॥ 5 ॥

𑌮𑍈𑌥𑌿𑌲𑌸𑍍𑌯 𑌨𑌰𑌶𑍍𑌰𑍇𑌷𑍍𑌠 𑌜𑌨𑌕𑌸𑍍𑌯 𑌭𑌵𑌿𑌷𑍍𑌯𑌤𑌿 ।
𑌯𑌜𑍍𑌞𑌃 𑌪𑌰𑌮𑌧𑌰𑍍𑌮𑌿𑌷𑍍𑌠𑌸𑍍𑌤𑌸𑍍𑌯 𑌯𑌾𑌸𑍍𑌯𑌾𑌮𑌹𑍇 𑌵𑌯𑌮𑍍 ॥ 6 ॥

𑌤𑍍𑌵𑌂 𑌚𑍈𑌵 𑌨𑌰𑌶𑌾𑌰𑍍𑌦𑍂𑌲 𑌸𑌹𑌾𑌸𑍍𑌮𑌾𑌭𑌿𑌰𑍍𑌗𑌮𑌿𑌷𑍍𑌯𑌸𑌿 ।
𑌅𑌦𑍍𑌭𑍁𑌤𑌂 𑌧𑌨𑍁𑌰𑌤𑍍𑌨𑌂 𑌚 𑌤𑌤𑍍𑌰 𑌤𑌦𑍍𑌰𑌷𑍍𑌟𑍁𑌮𑌰𑍍𑌹𑌸𑌿 ॥ 𑍭 ॥

𑌤𑌦𑍍𑌧𑌿 𑌪𑍂𑌰𑍍𑌵𑌂 𑌨𑌰𑌶𑍍𑌰𑍇𑌷𑍍𑌠 𑌦𑌤𑍍𑌤𑌂 𑌸𑌦𑌸𑌿 𑌦𑍈𑌵𑌤𑍈𑌃 ।
𑌅𑌪𑍍𑌰𑌮𑍇𑌯𑌬𑌲𑌂 𑌘𑍋𑌰𑌂 𑌮𑌖𑍇 𑌪𑌰𑌮𑌭𑌾𑌸𑍍𑌵𑌰𑌮𑍍 ॥ 𑍮 ॥

𑌨𑌾𑌸𑍍𑌯 𑌦𑍇𑌵𑌾 𑌨 𑌗𑌂𑌧𑌰𑍍𑌵𑌾 𑌨𑌾𑌸𑍁𑌰𑌾 𑌨 𑌚 𑌰𑌾𑌕𑍍𑌷𑌸𑌾𑌃 ।
𑌕𑌰𑍍𑌤𑍁𑌮𑌾𑌰𑍋𑌪𑌣𑌂 𑌶𑌕𑍍𑌤𑌾 𑌨 𑌕𑌥𑌂𑌚𑌨 𑌮𑌾𑌨𑍁𑌷𑌾𑌃 ॥ 𑍯 ॥

𑌧𑌨𑍁𑌷𑌸𑍍𑌤𑌸𑍍𑌯 𑌵𑍀𑌰𑍍𑌯𑌂 𑌤𑍁 𑌜𑌿𑌜𑍍𑌞𑌾𑌸𑌂𑌤𑍋 𑌮𑌹𑍀𑌕𑍍𑌷𑌿𑌤𑌃 ।
𑌨 𑌶𑍇𑌕𑍁𑌰𑌾𑌰𑍋𑌪𑌯𑌿𑌤𑍁𑌂 𑌰𑌾𑌜𑌪𑍁𑌤𑍍𑌰𑌾 𑌮𑌹𑌾𑌬𑌲𑌾𑌃 ॥ 10 ॥

𑌤𑌦𑍍𑌧𑌨𑍁𑌰𑍍𑌨𑌰𑌶𑌾𑌰𑍍𑌦𑍂𑌲 𑌮𑍈𑌥𑌿𑌲𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌤𑌤𑍍𑌰 𑌦𑍍𑌰𑌕𑍍𑌷𑍍𑌯𑌸𑌿 𑌕𑌾𑌕𑍁𑌤𑍍𑌸𑍍𑌥 𑌯𑌜𑍍𑌞𑌂 𑌚𑌾𑌦𑍍𑌭𑍁𑌤𑌦𑌰𑍍𑌶𑌨𑌮𑍍 ॥ 11 ॥

𑌤𑌦𑍍𑌧𑌿 𑌯𑌜𑍍𑌞𑌫𑌲𑌂 𑌤𑍇𑌨 𑌮𑍈𑌥𑌿𑌲𑍇𑌨𑍋𑌤𑍍𑌤𑌮𑌂 𑌧𑌨𑍁𑌃 ।
𑌯𑌾𑌚𑌿𑌤𑌂 𑌨𑌰𑌶𑌾𑌰𑍍𑌦𑍂𑌲 𑌸𑍁𑌨𑌾𑌭𑌂 𑌸𑌰𑍍𑌵𑌦𑍈𑌵𑌤𑍈𑌃 ॥ 12 ॥

𑌆𑌯𑌾𑌗𑌭𑍂𑌤𑌂 𑌨𑍃𑌪𑌤𑍇𑌸𑍍𑌤𑌸𑍍𑌯 𑌵𑍇𑌶𑍍𑌮𑌨𑌿 𑌰𑌾𑌘𑌵 ।
𑌅𑌰𑍍𑌚𑌿𑌤𑌂 𑌵𑌿𑌵𑌿𑌧𑍈𑌰𑍍𑌗𑌂𑌧𑍈𑌰𑍍𑌧𑍂𑌪𑍈𑌶𑍍𑌚𑌾𑌗𑌰𑍁𑌗𑌂𑌧𑌿𑌭𑌿𑌃 ॥ 13 ॥

𑌏𑌵𑌮𑍁𑌕𑍍𑌤𑍍𑌵𑌾 𑌮𑍁𑌨𑌿𑌵𑌰𑌃 𑌪𑍍𑌰𑌸𑍍𑌥𑌾𑌨𑌮𑌕𑌰𑍋𑌤𑍍𑌤𑌦𑌾 ।
𑌸𑌰𑍍𑌷𑌿𑌸𑌂𑌘 𑌸𑍍𑌸𑌕𑌾𑌕𑍁𑌤𑍍𑌸𑍍𑌥𑌃 𑌆𑌮𑌂𑌤𑍍𑌰𑍍𑌯 𑌵𑌨𑌦𑍇𑌵𑌤𑌾𑌃 ॥ 14 ॥

𑌸𑍍𑌵𑌸𑍍𑌤𑌿 𑌵𑍋𑌽𑌸𑍍𑌤𑍁 𑌗𑌮𑌿𑌷𑍍𑌯𑌾𑌮𑌿 𑌸𑌿𑌦𑍍𑌵𑌸𑍍𑌸𑌿𑌦𑍍𑌧𑌾𑌶𑍍𑌰𑌮𑌾𑌦𑌹𑌮𑍍 ।
𑌉𑌤𑍍𑌤𑌰𑍇 𑌜𑌾𑌹𑍍𑌨𑌵𑍀𑌤𑍀𑌰𑍇 𑌹𑌿𑌮𑌵𑌂𑌤𑌂 𑌶𑌿𑌲𑍋𑌚𑍍𑌚𑌯𑌮𑍍 ॥ 15 ॥

𑌪𑍍𑌰𑌦𑌕𑍍𑌷𑌿𑌣𑌂 𑌤𑌤𑌃 𑌕𑍃𑌤𑍍𑌵𑌾 𑌸𑌿𑌦𑍍𑌧𑌾𑌶𑍍𑌰𑌮𑌮𑌨𑍁𑌤𑍍𑌤𑌮𑌮𑍍 ।
𑌉𑌤𑍍𑌤𑌰𑌾𑌂 𑌦𑌿𑌶𑌮𑍁𑌦𑍍𑌦𑌿𑌶𑍍𑌯 𑌪𑍍𑌰𑌸𑍍𑌥𑌾𑌤𑍁𑌮𑍁𑌪𑌚𑌕𑍍𑌰𑌮𑍇 ॥ 16 ॥

𑌤𑌂 𑌪𑍍𑌰𑌯𑌾𑌂𑌤𑌂 𑌮𑍁𑌨𑌿𑌵𑌰𑌮𑌨𑍍𑌵𑌯𑌾𑌦𑌨𑍁𑌸𑌾𑌰𑌿𑌣𑌮𑍍 ।
𑌶𑌕𑌟𑍀𑌶𑌤𑌮𑌾𑌤𑍍𑌰𑌂 𑌤𑍁 𑌪𑍍𑌰𑌾𑌯𑍇𑌣 𑌬𑍍𑌰𑌹𑍍𑌮𑌵𑌾𑌦𑌿𑌨𑌾𑌮𑍍 ॥ 1𑍭 ॥

𑌮𑍃𑌗𑌪𑌕𑍍𑌷𑌿𑌗𑌣𑌾𑌶𑍍𑌚𑍈𑌵 𑌸𑌿𑌦𑍍𑌧𑌾𑌶𑍍𑌰𑌮𑌨𑌿𑌵𑌾𑌸𑌿𑌨𑌃 ।
𑌅𑌨𑍁𑌜𑌗𑍍𑌮𑍁𑌰𑍍𑌮𑌹𑌾𑌤𑍍𑌮𑌾𑌨𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌮𑌹𑌾𑌮𑍁𑌨𑌿𑌮𑍍 ॥ 1𑍮 ॥

𑌨𑌿𑌵𑌰𑍍𑌤𑌯𑌾𑌮𑌾𑌸 𑌤𑌤𑌃 𑌪𑌕𑍍𑌷𑌿𑌸𑌂𑌘𑌾𑌨𑍍 𑌮𑍃𑌗𑌾𑌨𑌪𑌿 ।
𑌤𑍇 𑌗𑌤𑍍𑌵𑌾 𑌦𑍂𑌰𑌮𑌧𑍍𑌵𑌾𑌨𑌂 𑌲𑌂𑌬𑌮𑌾𑌨𑍇 𑌦𑌿𑌵𑌾𑌕𑌰𑍇 ।
𑌵𑌾𑌸𑌂 𑌚𑌕𑍍𑌰𑍁𑌰𑍍𑌮𑍁𑌨𑌿𑌗𑌣𑌾𑌃 𑌶𑍋𑌣𑌾𑌕𑍂𑌲𑍇 𑌸𑌮𑌾𑌹𑌿𑌤𑌾𑌃 ॥ 1𑍯 ॥

𑌤𑍇𑌽𑌸𑍍𑌤𑌂 𑌗𑌤𑍇 𑌦𑌿𑌨𑌕𑌰𑍇 𑌸𑍍𑌨𑌾𑌤𑍍𑌵𑌾 𑌹𑍁𑌤𑌹𑍁𑌤𑌾𑌶𑌨𑌾𑌃 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌪𑍁𑌰𑌸𑍍𑌕𑍃𑌤𑍍𑌯 𑌨𑌿𑌷𑍇𑌦𑍁𑌰𑌮𑌿𑌤𑍌𑌜𑌸𑌃 ॥ 20 ॥

𑌰𑌾𑌮𑍋𑌽𑌪𑌿 𑌸𑌹𑌸𑍌𑌮𑌿𑌤𑍍𑌰𑌿𑌰𑍍𑌮𑍁𑌨𑍀𑌂 𑌸𑍍𑌤𑌾𑌨𑌭𑌿𑌪𑍂𑌜𑍍𑌯 𑌚 ।
𑌅𑌗𑍍𑌰𑌤𑍋 𑌨𑌿𑌷𑌸𑌾𑌦𑌾𑌥 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌯 𑌧𑍀𑌮𑌤𑌃 ॥ 21 ॥

𑌅𑌥 𑌰𑌾𑌮𑍋 𑌮𑌹𑌾𑌤𑍇𑌜𑌾𑌃 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌮𑌹𑌾𑌮𑍁𑌨𑌿𑌮𑍍 ।
𑌪𑌪𑍍𑌰𑌚𑍍𑌛 𑌨𑌰𑌶𑌾𑌰𑍍𑌦𑍂𑌲𑌃 𑌕𑍌𑌤𑍂𑌹𑌲𑌸𑌮𑌨𑍍𑌵𑌿𑌤𑌃 ॥ 22 ॥

𑌭𑌗𑌵𑌨𑍍 𑌕𑍋𑌽𑌨𑍍𑌵𑌯𑌂 𑌦𑍇𑌶𑌸𑍍𑌸𑌮𑍃𑌦𑍍𑌧𑌵𑌨𑌶𑍋𑌭𑌿𑌤𑌃 ।
𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌭𑌦𑍍𑌰𑌂 𑌤𑍇 𑌵𑌕𑍍𑌤𑍁𑌮𑌰𑍍𑌹𑌸𑌿 𑌤𑌤𑍍𑌤𑍍𑌵𑌤𑌃 ॥ 23 ॥

𑌚𑍋𑌦𑌿𑌤𑍋 𑌰𑌾𑌮𑌵𑌾𑌕𑍍𑌯𑍇𑌨 𑌕𑌥𑌯𑌾𑌮𑌾𑌸 𑌸𑍁𑌵𑍍𑌰𑌤𑌃 ।
𑌤𑌸𑍍𑌯 𑌦𑍇𑌶𑌸𑍍𑌯 𑌨𑌿𑌖𑌿𑌲𑌮𑍃𑌷𑌿𑌮𑌧𑍍𑌯𑍇 𑌮𑌹𑌾𑌤𑌪𑌾𑌃 ॥ 24 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: