𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌏𑌕𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।
𑌇𑌤𑍍𑌯𑍁𑌕𑍍𑌤𑌸𑍍𑌯 𑌯𑌥𑌾𑌨𑍍𑌯𑌾𑌯𑌂 𑌰𑌾𑌵𑌣𑌸𑍍𑌯 𑌜𑌟𑌾𑌯𑍁𑌷𑌾 ।
𑌕𑍍𑌰𑍁𑌦𑍍𑌧𑌸𑍍𑌯𑌾𑌗𑍍𑌨𑌿𑌨𑌿𑌭𑌾𑌸𑍍𑌸𑌰𑍍𑌵𑌾 𑌰𑍇𑌜𑍁𑌰𑍍𑌵𑌿𑌂𑌶𑌤𑌿𑌦𑍃𑌷𑍍𑌟𑌯𑌃 ॥ 1 ॥
𑌸𑌂𑌰𑌕𑍍𑌤𑌨𑌯𑌨𑌃 𑌕𑍋𑌪𑌾𑌤𑍍𑌤𑌪𑍍𑌤𑌕𑌾𑌂𑌚𑌨𑌕𑍁𑌂𑌡𑌲𑌃 ।
𑌰𑌾𑌕𑍍𑌷𑌸𑍇𑌂𑌦𑍍𑌰𑍋𑌽𑌭𑌿𑌦𑍁𑌦𑍍𑌰𑌾𑌵 𑌪𑌤𑌗𑍇𑌂𑌦𑍍𑌰𑌮𑌮𑌰𑍍𑌷𑌣𑌃 ॥ 2 ॥
𑌸 𑌸𑌂𑌪𑍍𑌰𑌹𑌾𑌰𑌸𑍍𑌤𑍁𑌮𑍁𑌲 𑌸𑍍𑌤𑌯𑍋𑌸𑍍𑌤𑌸𑍍𑌮𑌿𑌨𑍍𑌮𑌹𑌾𑌵𑌨𑍇 ।
𑌬𑌭𑍂𑌵 𑌵𑌾𑌤𑍋𑌦𑍍𑌧𑌤𑌯𑍋𑌰𑍍𑌮𑍇𑌘𑌯𑍋𑌰𑍍𑌗𑌗𑌨𑍇 𑌯𑌥𑌾 ॥ 3 ॥
𑌤𑌦𑍍𑌬𑌭𑍂𑌵𑌾𑌦𑍍𑌭𑍁𑌤𑌂 𑌯𑍁𑌦𑍍𑌧𑌂 𑌗𑍃𑌧𑍍𑌰𑌰𑌾𑌕𑍍𑌷𑌸𑌯𑍋𑌸𑍍𑌤𑌦𑌾 ।
𑌸𑌪𑌕𑍍𑌷𑌯𑍋𑌰𑍍𑌮𑌾𑌲𑍍𑌯𑌵𑌤𑍋𑌰𑍍𑌮𑌹𑌾𑌪𑌰𑍍𑌵𑌤𑌯𑍋𑌰𑌿𑌵 ॥ 4 ॥
𑌤𑌤𑍋 𑌨𑌾𑌲𑍀𑌕𑌨𑌾𑌰𑌾𑌚𑍈𑌸𑍍𑌤𑍀𑌕𑍍𑌷𑍍𑌣𑌾𑌗𑍍𑌰𑍈𑌶𑍍𑌚 𑌵𑌿𑌕𑌰𑍍𑌣𑌿𑌭𑌿𑌃 ।
𑌅𑌭𑍍𑌯𑌵𑌰𑍍𑌷𑌨𑍍𑌮𑌹𑌾𑌘𑍋𑌰𑍈𑌰𑍍𑌗𑍃𑌧𑍍𑌰𑌰𑌾𑌜𑌂 𑌮𑌹𑌾𑌬𑌲𑌃 ॥ 5 ॥
𑌸 𑌤𑌾𑌨𑌿 𑌶𑌰𑌜𑌾𑌲𑌾𑌨𑌿 𑌗𑍃𑌧𑍍𑌰𑌃 𑌪𑌤𑍍𑌤𑍍𑌰𑌰𑌥𑍇𑌶𑍍𑌵𑌰𑌃 ।
𑌜𑌟𑌾𑌯𑍁𑌃 𑌪𑍍𑌰𑌤𑌿𑌜𑌗𑍍𑌰𑌾𑌹 𑌰𑌾𑌵𑌣𑌾𑌸𑍍𑌤𑍍𑌰𑌾𑌣𑌿 𑌸𑌂𑌯𑍁𑌗𑍇 ॥ 6 ॥
𑌤𑌸𑍍𑌯 𑌤𑍀𑌕𑍍𑌷𑍍𑌣𑌨𑌖𑌾𑌭𑍍𑌯𑌾𑌂 𑌤𑍁 𑌚𑌰𑌣𑌾𑌭𑍍𑌯𑌾𑌂 𑌮𑌹𑌾𑌬𑌲𑌃 ।
𑌚𑌕𑌾𑌰 𑌬𑌹𑍁𑌧𑌾 𑌗𑌾𑌤𑍍𑌰𑍇 𑌵𑍍𑌰𑌣𑌾𑌨𑍍𑌪𑌤𑌗𑌸𑌤𑍍𑌤𑌮𑌃 ॥ ॥
𑌅𑌥 𑌕𑍍𑌰𑍋𑌧𑌾𑌦𑍍𑌧𑌶𑌗𑍍𑌰𑍀𑌵𑍋 𑌜𑌗𑍍𑌰𑌾𑌹 𑌦𑌶 𑌮𑌾𑌰𑍍𑌗𑌣𑌾𑌨𑍍 ।
𑌮𑍃𑌤𑍍𑌯𑍁𑌦𑌂𑌡𑌨𑌿𑌭𑌾𑌨𑍍𑌘𑍋𑌰𑌾𑌨𑍍𑌛𑌤𑍍𑌰𑍁𑌮𑌰𑍍𑌦𑌨𑌕𑌾𑌂𑌕𑍍𑌷𑌯𑌾 ॥ ॥
𑌸 𑌤𑍈𑌰𑍍𑌬𑌾𑌣𑍈𑌰𑍍𑌮𑌹𑌾𑌵𑍀𑌰𑍍𑌯𑌃 𑌪𑍂𑌰𑍍𑌣𑌮𑍁𑌕𑍍𑌤𑍈𑌰𑌜𑌿𑌹𑍍𑌮𑌗𑍈𑌃 ।
𑌬𑌿𑌭𑍇𑌦 𑌨𑌿𑌶𑌿𑌤𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌗𑍃𑌧𑍍𑌰𑌂 𑌘𑍋𑌰𑍈𑌶𑍍𑌶𑌿𑌲𑍀𑌮𑍁𑌖𑍈𑌃 ॥ ॥
𑌸 𑌰𑌾𑌕𑍍𑌷𑌸𑌰𑌥𑍇 𑌪𑌶𑍍𑌯𑌨𑍍𑌜𑌾𑌨𑌕𑍀𑌂 𑌬𑌾𑌷𑍍𑌪𑌲𑍋𑌚𑌨𑌾𑌮𑍍 ।
𑌅𑌚𑌿𑌂𑌤𑌯𑌿𑌤𑍍𑌵𑌾 𑌤𑌾𑌨𑍍𑌬𑌾𑌣𑌾𑌨𑍍𑌰𑌾𑌕𑍍𑌷𑌸𑌂 𑌸𑌮𑌭𑌿𑌦𑍍𑌰𑌵𑌤𑍍 ॥ 10 ॥
𑌤𑌤𑍋𑌽𑌸𑍍𑌯 𑌸𑌶𑌰𑌂 𑌚𑌾𑌪𑌂 𑌮𑍁𑌕𑍍𑌤𑌾𑌮𑌣𑌿𑌵𑌿𑌭𑍂𑌷𑌿𑌤𑌮𑍍 ।
𑌚𑌰𑌣𑌾𑌭𑍍𑌯𑌾𑌂 𑌮𑌹𑌾𑌤𑍇𑌜𑌾 𑌬𑌭𑌂𑌜 𑌪𑌤𑌗𑍇𑌶𑍍𑌵𑌰𑌃 ॥ 11 ॥
𑌤𑌤𑍋𑌽𑌨𑍍𑌯𑌦𑍍𑌧𑌨𑍁𑌰𑌾𑌦𑌾𑌯 𑌰𑌾𑌵𑌣𑌃 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ।
𑌵𑌵𑌰𑍍𑌷 𑌶𑌰𑌵𑌰𑍍𑌷𑌾𑌣𑌿 𑌶𑌤𑌶𑍋𑌽𑌥 𑌸𑌹𑌸𑍍𑌰𑌶𑌃 ॥ 12 ॥
𑌶𑌰𑍈𑌰𑌾𑌵𑌾𑌰𑌿𑌤𑌸𑍍𑌤𑌸𑍍𑌯 𑌸𑌂𑌯𑍁𑌗𑍇 𑌪𑌤𑌗𑍇𑌶𑍍𑌵𑌰𑌃 ।
𑌕𑍁𑌲𑌾𑌯𑌮𑍁𑌪𑌸𑌂𑌪𑍍𑌰𑌾𑌪𑍍𑌤𑌃 𑌪𑌕𑍍𑌷𑍀𑌵 𑌪𑍍𑌰𑌬𑌭𑍌 𑌤𑌦𑌾 ॥ 13 ॥
𑌸 𑌤𑌾𑌨𑌿 𑌶𑌰𑌵𑌰𑍍𑌷𑌾𑌣𑌿 𑌪𑌕𑍍𑌷𑌾𑌭𑍍𑌯𑌾𑌂 𑌚 𑌵𑌿𑌧𑍂𑌯𑌚 ।
𑌚𑌰𑌣𑌾𑌭𑍍𑌯𑌾𑌂 𑌮𑌹𑌾𑌤𑍇𑌜𑌾 𑌬𑌭𑌂𑌜𑌾𑌸𑍍𑌯 𑌮𑌹𑌦𑍍𑌧𑌨𑍁𑌃 ॥ 14 ॥
𑌤𑌚𑍍𑌚𑌾𑌗𑍍𑌨𑌿𑌸𑌦𑍃𑌶𑌂 𑌦𑍀𑌪𑍍𑌤𑌂 𑌰𑌾𑌵𑌣𑌸𑍍𑌯 𑌶𑌰𑌾𑌵𑌰𑌮𑍍 ।
𑌪𑌕𑍍𑌷𑌾𑌭𑍍𑌯𑌾𑌂 𑌸 𑌮𑌹𑌾𑌵𑍀𑌰𑍍𑌯𑍋 𑌵𑍍𑌯𑌾𑌧𑍁𑌨𑍋𑌤𑍍𑌪𑌤𑌗𑍇𑌶𑍍𑌵𑌰𑌃 ॥ 15 ॥
𑌕𑌾𑌂𑌚𑌨𑍋𑌰𑌶𑍍𑌛𑌦𑌾𑌂𑌦𑌿𑌵𑍍𑌯𑌾𑌨𑍍𑌪𑌿𑌶𑌾𑌚𑌵𑌦𑌨𑌾𑌨𑍍𑌖𑌰𑌾𑌨𑍍 ।
𑌤𑌾𑌂𑌶𑍍𑌚𑌾𑌸𑍍𑌯 𑌜𑌵𑌸𑌂𑌪𑌨𑍍𑌨𑌾𑌂𑌜𑌘𑌾𑌨 𑌸𑌮𑌰𑍇 𑌬𑌲𑍀 ॥ 16 ॥
𑌵𑌰𑌂 𑌤𑍍𑌰𑌿𑌵𑍇𑌣𑍁𑌸𑌂𑌪𑌨𑍍𑌨𑌂 𑌕𑌾𑌮𑌗𑌂 𑌪𑌾𑌵𑌕𑌾𑌰𑍍𑌚𑌿𑌷𑌮𑍍 ।
𑌮𑌣𑌿𑌹𑍇𑌮𑌵𑌿𑌚𑌿𑌤𑍍𑌰𑌾𑌂𑌗𑌂 𑌬𑌭𑌂𑌜 𑌚 𑌮𑌹𑌾𑌰𑌥𑌮𑍍 ॥ 1 ॥
𑌪𑍂𑌰𑍍𑌣𑌚𑌂𑌦𑍍𑌰𑌪𑍍𑌰𑌤𑍀𑌕𑌾𑌶𑌂 𑌛𑌤𑍍𑌰𑌂 𑌚 𑌵𑍍𑌯𑌜𑌨𑍈𑌸𑍍𑌸𑌹 ।
𑌪𑌾𑌤𑌯𑌾𑌮𑌾𑌸 𑌵𑍇𑌗𑍇𑌨 𑌗𑍍𑌰𑌾𑌹𑌿𑌭𑍀 𑌰𑌾𑌕𑍍𑌷𑌸𑍈𑌸𑍍𑌸𑌹 ॥ 1 ॥
𑌸𑌾𑌰𑌥𑍇𑌶𑍍𑌚𑌾𑌸𑍍𑌯 𑌵𑍇𑌗𑍇𑌨 𑌤𑍁𑌂𑌡𑍇𑌨𑍈𑌵 𑌮𑌹𑌚𑍍𑌛𑌿𑌰𑌃 ।
𑌪𑍁𑌨𑌰𑍍𑌵𑍍𑌯𑌪𑌾𑌹𑌰𑌚𑍍𑌛𑍍𑌰𑍀𑌮𑌾𑌨𑍍𑌪𑌕𑍍𑌷𑌿𑌰𑌾𑌜𑍋 𑌮𑌹𑌾𑌬𑌲𑌃 ॥ 1 ॥
𑌸 𑌭𑌗𑍍𑌨𑌧𑌨𑍍𑌵𑌾 𑌵𑌿𑌰𑌥𑍋 𑌹𑌤𑌾𑌶𑍍𑌵𑍋 𑌹𑌤𑌸𑌾𑌰𑌥𑌿𑌃 ।
𑌅𑌂𑌕𑍇𑌨𑌾𑌦𑌾𑌯 𑌵𑍈𑌦𑍇𑌹𑍀𑌂 𑌪𑌪𑌾𑌤 𑌭𑍁𑌵𑌿 𑌰𑌾𑌵𑌣𑌃 ॥ 20 ॥
𑌦𑍃𑌷𑍍𑌟𑍍𑌵𑌾 𑌨𑌿𑌪𑌤𑌿𑌤𑌂 𑌭𑍂𑌮𑍌 𑌰𑌾𑌵𑌣𑌂 𑌭𑌗𑍍𑌨𑌵𑌾𑌹𑌨𑌮𑍍 ।
𑌸𑌾𑌧𑍁𑌸𑌾𑌧𑍍𑌵𑌿𑌤𑌿 𑌭𑍂𑌤𑌾𑌨𑌿 𑌗𑍃𑌧𑍍𑌰𑌰𑌾𑌜𑌮𑌪𑍂𑌜𑌯𑌨𑍍 ॥ 21 ॥
𑌪𑌰𑌿𑌶𑍍𑌰𑌾𑌂𑌤𑌂 𑌤𑍁 𑌤𑌂 𑌦𑍃𑌷𑍍𑌟𑌵𑌾 𑌜𑌰𑌯𑌾 𑌪𑌕𑍍𑌷𑌿𑌯𑍂𑌥𑌪𑌮𑍍 ।
𑌉𑌤𑍍𑌪𑌪𑌾𑌤 𑌪𑍁𑌨𑌰𑍍𑌹𑍃𑌷𑍍𑌟𑍋 𑌮𑍈𑌥𑌿𑌲𑍀𑌂 𑌗𑍃𑌹𑍍𑌯 𑌰𑌾𑌵𑌣𑌃 ॥ 22 ॥
𑌤𑌂 𑌪𑍍𑌰𑌹𑍃𑌷𑍍𑌟𑌂 𑌨𑌿𑌧𑌾𑌯𑌾𑌂𑌕𑍇 𑌗𑌚𑍍𑌛𑌂𑌤𑌂 𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌗𑍃𑌧𑍍𑌰𑌰𑌾𑌜𑌸𑍍𑌸𑌮𑍁𑌤𑍍𑌪𑌤𑍍𑌯 𑌸𑌮𑌭𑌿𑌦𑍍𑌰𑍁𑌤𑍍𑌯 𑌰𑌾𑌵𑌣𑌮𑍍 ॥ 23 ॥
𑌸𑌮𑌾𑌵𑌾𑌰𑍍𑌯 𑌮𑌹𑌾𑌤𑍇𑌜𑌾 𑌜𑌟𑌾𑌯𑍁𑌰𑌿𑌦𑌮𑌬𑍍𑌰𑌵𑍀𑌤𑍍 ।
𑌵𑌜𑍍𑌰𑌸𑌂𑌸𑍍𑌪𑌰𑍍𑌶𑌬𑌾𑌣𑌸𑍍𑌯 𑌭𑌾𑌰𑍍𑌯𑌾𑌂 𑌰𑌾𑌮𑌸𑍍𑌯 𑌰𑌾𑌵𑌣 ॥ 24 ॥
𑌅𑌲𑍍𑌪𑌬𑍁𑌦𑍍𑌧𑍇 𑌹𑌰𑌸𑍍𑌯𑍇𑌨𑌾𑌂 𑌵𑌧𑌾𑌯 𑌖𑌲𑍁 𑌰𑌕𑍍𑌷𑌸𑌾𑌮𑍍 ।
𑌸𑌮𑌿𑌤𑍍𑌰𑌬𑌂𑌧𑍁𑌸𑍍𑌸𑌾𑌮𑌾𑌤𑍍𑌯𑌸𑍍𑌸𑌬𑌲𑌸𑍍𑌸𑌪𑌰𑌿𑌚𑍍𑌛𑌦𑌃 ॥ 25 ॥
𑌵𑌿𑌷𑌪𑌾𑌨𑌂 𑌪𑌿𑌬𑌸𑍍𑌯𑍇𑌤𑌤𑍍𑌪𑌿𑌪𑌾𑌸𑌿𑌤 𑌇𑌵𑍋𑌦𑌕𑌮𑍍 ।
𑌅𑌨𑍁𑌬𑌂𑌧𑌮𑌜𑌾𑌨𑌂𑌤𑌃 𑌕𑌰𑍍𑌮𑌣𑌾𑌮𑌵𑌿𑌚𑌕𑍍𑌷𑌣𑌾𑌃 ॥ 26 ॥
𑌶𑍀𑌘𑍍𑌰𑌮𑍇𑌵 𑌵𑌿𑌨𑌶𑍍𑌯𑌂𑌤𑌿 𑌯𑌥𑌾 𑌤𑍍𑌵𑌂 𑌵𑌿𑌨𑌶𑌿𑌷𑍍𑌯𑌸𑌿 ।
𑌬𑌦𑍍𑌧𑌸𑍍𑌤𑍍𑌵𑌂 𑌕𑌾𑌲𑌪𑌾𑌶𑍇𑌨 𑌕𑍍𑌵 𑌗𑌤𑌸𑍍𑌤𑌸𑍍𑌯 𑌮𑍋𑌕𑍍𑌷𑍍𑌯𑌸𑍇 ॥ 2 ॥
𑌵𑌧𑌾𑌯 𑌬𑌡𑌿𑌶𑌂 𑌗𑍃𑌹𑍍𑌯 𑌸𑌾𑌮𑌿𑌷𑌂 𑌜𑌲𑌜𑍋 𑌯𑌥𑌾 ।
𑌨 𑌹𑌿 𑌜𑌾𑌤𑍁 𑌦𑍁𑌰𑌾𑌧𑌰𑍍𑌷𑍌 𑌕𑌾𑌕𑍁𑌤𑍍𑌸𑍍𑌥𑍌 𑌤𑌵 𑌰𑌾𑌵𑌣 ॥ 2 ॥
𑌧𑌰𑍍𑌷𑌣𑌂 𑌚𑌾𑌶𑍍𑌰𑌮𑌸𑍍𑌯𑌾𑌸𑍍𑌯 𑌕𑍍𑌷𑌮𑌿𑌷𑍍𑌯𑍇𑌤𑍇 𑌤𑍁 𑌰𑌾𑌘𑌵𑍌 ।
𑌯𑌥𑌾 𑌤𑍍𑌵𑌯𑌾 𑌕𑍃𑌤𑌂 𑌕𑌰𑍍𑌮 𑌭𑍀𑌰𑍁𑌣𑌾 𑌲𑍋𑌕𑌗𑌰𑍍𑌹𑌿𑌤𑌮𑍍 ॥ 2 ॥
𑌤𑌸𑍍𑌕𑌰𑌾𑌚𑌰𑌿𑌤𑍋 𑌮𑌾𑌰𑍍𑌗𑍋 𑌨𑍈𑌵 𑌵𑍀𑌰𑌨𑌿𑌷𑍇𑌵𑌿𑌤𑌃 ।
𑌯𑍁𑌧𑍍𑌯𑌸𑍍𑌵 𑌯𑌦𑌿 𑌶𑍂𑌰𑍋𑌽𑌸𑌿 𑌮𑍁𑌹𑍂𑌰𑍍𑌤𑌂 𑌤𑌿𑌷𑍍𑌠𑌰𑌾𑌵𑌣 ॥ 30 ॥
𑌶𑌯𑌿𑌷𑍍𑌯𑌸𑍇 𑌹𑌤𑍋 𑌭𑍂𑌮𑍌 𑌯𑌥𑌾 𑌭𑍍𑌰𑌾𑌤𑌾 𑌖𑌰𑌸𑍍𑌤𑌥𑌾 ।
𑌪𑌰𑍇𑌤𑌕𑌾𑌲𑍇 𑌪𑍁𑌰𑍁𑌷𑍋 𑌯𑌤𑍍𑌕𑌰𑍍𑌮 𑌪𑍍𑌰𑌤𑌿𑌪𑌦𑍍𑌯𑌤𑍇 ॥ 31 ॥
𑌵𑌿𑌨𑌾𑌶𑌾𑌯𑌾𑌤𑍍𑌮𑌨𑍋𑌽𑌧𑌰𑍍𑌮𑍍𑌯𑌂 𑌪𑍍𑌰𑌤𑌿𑌪𑌨𑍍𑌨𑍋𑌽𑌸𑌿 𑌕𑌰𑍍𑌮 𑌤𑌤𑍍 ।
𑌪𑌾𑌪𑌾𑌨𑍁𑌬𑌂𑌧𑍋 𑌵𑍈 𑌯𑌸𑍍𑌯 𑌕𑌰𑍍𑌮𑌣𑌃 𑌕𑌰𑍍𑌮𑌕𑍋 𑌨𑍁 𑌤𑌤𑍍 ॥ 32 ॥
𑌕𑍁𑌰𑍍𑌵𑍀𑌤 𑌲𑍋𑌕𑌾𑌧𑌿𑌪𑌤𑌿𑌸𑍍𑌸𑍍𑌵𑌯𑌂𑌭𑍂𑌰𑍍𑌭𑌗𑌵𑌾𑌨𑌪𑌿 ।
𑌏𑌵𑌮𑍁𑌕𑍍𑌤𑍍𑌵𑌾 𑌶𑍁𑌭𑌂 𑌵𑌾𑌕𑍍𑌯𑌂 𑌜𑌟𑌾𑌯𑍁𑌸𑍍𑌤𑌸𑍍𑌯 𑌰𑌕𑍍𑌷𑌸𑌃 ॥ 33 ॥
𑌨𑌿𑌪𑌪𑌾𑌤 𑌭𑍃𑌶𑌂 𑌪𑍃𑌷𑍍𑌠𑍇 𑌦𑌶𑌗𑍍𑌰𑍀𑌵𑌸𑍍𑌯 𑌵𑍀𑌰𑍍𑌯𑌵𑌾𑌨𑍍 ।
𑌤𑌂 𑌗𑍃𑌹𑍀𑌤𑍍𑌵𑌾 𑌨𑌖𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌵𑌿𑌦𑌦𑌾𑌰 𑌸𑌮𑌂𑌤𑌤𑌃 ॥ 34 ॥
𑌅𑌧𑌿𑌰𑍂𑌢𑍋 𑌗𑌜𑌾𑌰𑍋𑌹𑍋 𑌯𑌥𑌾 𑌸𑍍𑌯𑌾𑌦𑍍𑌦𑍁𑌷𑍍𑌟𑌵𑌾𑌰𑌣𑌮𑍍 ।
𑌵𑌿𑌦𑌦𑌾𑌰 𑌨𑌖𑍈𑌰𑌸𑍍𑌯 𑌤𑍁𑌂𑌡𑌂 𑌪𑍃𑌷𑍍𑌠𑍇 𑌸𑌮𑌰𑍍𑌪𑌯𑌨𑍍 ॥ 35 ॥
𑌕𑍇𑌶𑌾𑌂𑌶𑍍𑌚𑍋𑌤𑍍𑌪𑌾𑌟𑌯𑌾𑌮𑌾𑌸 𑌨𑌖𑌪𑌕𑍍𑌷𑌮𑍁𑌖𑌾𑌯𑍁𑌧𑌃 ।
𑌸 𑌤𑌥𑌾 𑌗𑍃𑌧𑍍𑌰𑌰𑌾𑌜𑍇𑌨 𑌕𑍍𑌲𑌿𑌶𑍍𑌯𑌮𑌾𑌨𑍋 𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 36 ॥
𑌅𑌮𑌰𑍍𑌷𑌸𑍍𑌫𑍁𑌰𑌿𑌤𑍋𑌷𑍍𑌠𑌸𑍍𑌸𑌨𑍍𑌪𑍍𑌰𑌾𑌕𑌂𑌪𑌤 𑌚 𑌰𑌾𑌵𑌣𑌃 ।
𑌸 𑌪𑌰𑌿𑌷𑍍𑌵𑌜𑍍𑌯 𑌚 𑌵𑍈𑌦𑍇𑌹𑍀𑌂 𑌵𑌾𑌮𑍇𑌨𑌾𑌂𑌕𑍇𑌨 𑌰𑌾𑌵𑌣𑌃 ॥ 3 ॥
𑌤𑌲𑍇𑌨𑌾𑌭𑌿𑌜𑌘𑌾𑌨𑌾𑌶𑍁 𑌜𑌟𑌾𑌯𑍁𑌂 𑌕𑍍𑌰𑍋𑌧𑌮𑍁𑌰𑍍𑌛𑍀𑌤𑌃 ।
𑌜𑌟𑌾𑌯𑍁𑌸𑍍𑌤𑌮𑌭𑌿𑌕𑍍𑌰𑌮𑍍𑌯 𑌤𑍁𑌂𑌡𑍇𑌨𑌾𑌸𑍍𑌯 𑌖𑌗𑌾𑌧𑌿𑌪𑌃 ॥ 3 ॥
𑌵𑌾𑌮𑌬𑌾𑌹𑍂𑌂𑌦𑌶 𑌤𑌦𑌾 𑌵𑍍𑌯𑌪𑌾𑌹𑌰𑌦𑌰𑌿𑌂𑌦𑌮𑌃 ।
𑌸𑌂𑌛𑌿𑌨𑍍𑌨𑌬𑌾𑌹𑍋𑌸𑍍𑌸𑌦𑍍𑌯𑍈𑌵 𑌬𑌾𑌹𑌵𑌸𑍍𑌸𑌹𑌸𑌾𑌭𑌵𑌨𑍍 ॥ 3 ॥
𑌵𑌿𑌷𑌜𑍍𑌵𑌾𑌲𑌾𑌵𑌲𑍀𑌯𑍁𑌕𑍍𑌤𑌾 𑌵𑌲𑍍𑌮𑍀𑌕𑌾𑌦𑌿𑌵 𑌪𑌨𑍍𑌨𑌗𑌾𑌃 ।
𑌤𑌤𑌃 𑌕𑍍𑌰𑍋𑌧𑌾𑌦𑍍𑌦𑌶𑌗𑍍𑌰𑍀𑌵𑌸𑍍𑌸𑍀𑌤𑌾𑌮𑍁𑌤𑍍𑌸𑍃𑌜𑍍𑌯 𑌰𑌾𑌵𑌣𑌃 ॥ 40 ॥
𑌮𑍁𑌷𑍍𑌟𑌿𑌭𑍍𑌯𑌾𑌂 𑌚𑌰𑌣𑌾𑌭𑍍𑌯𑌾𑌂 𑌚 𑌗𑍃𑌧𑍍𑌰𑌰𑌾𑌜𑌮𑌪𑍋𑌥𑌯𑌤𑍍 ।
𑌤𑌤𑍋 𑌮𑍁𑌹𑍂𑌰𑍍𑌤𑌂 𑌸𑌂𑌗𑍍𑌰𑌾𑌮𑍋 𑌬𑌭𑍂𑌵𑌾𑌤𑍁𑌲𑍍𑌯𑌵𑍀𑌰𑍍𑌯𑌯𑍋𑌃 ॥ 41 ॥
𑌰𑌾𑌕𑍍𑌷𑌸𑌾𑌨𑌾𑌂 𑌚 𑌮𑍁𑌖𑍍𑌯𑌸𑍍𑌯 𑌪𑌕𑍍𑌷𑌿𑌣𑌾𑌂 𑌪𑍍𑌰𑌵𑌰𑌸𑍍𑌯 𑌚 ।
𑌤𑌸𑍍𑌯 𑌵𑍍𑌯𑌾𑌯𑌚𑍍𑌛𑌮𑌾𑌨𑌸𑍍𑌯 𑌰𑌾𑌮𑌸𑍍𑌯𑌾𑌰𑍍𑌥𑍇 𑌸 𑌰𑌾𑌵𑌣𑌃 ॥ 42 ॥
𑌪𑌕𑍍𑌷𑍌 𑌪𑌾𑌰𑍍𑌶𑍍𑌵𑍌 𑌚 𑌪𑌾𑌦𑍌 𑌚 𑌖𑌡𑍍𑌗𑌮𑍁𑌦𑍍𑌧𑍃𑌤𑍍𑌯 𑌸𑍋𑌽𑌚𑍍𑌛𑌿𑌨𑌤𑍍 ।
𑌸 𑌚𑍍𑌛𑌿𑌨𑍍𑌨𑌪𑌕𑍍𑌷𑌸𑍍𑌸𑌹𑌸𑌾 𑌰𑌕𑍍𑌷𑌸𑌾 𑌰𑍌𑌦𑍍𑌰𑌕𑌰𑍍𑌮𑌣𑌾 ॥ 43 ॥
𑌨𑌿𑌪𑌪𑌾𑌤 𑌹𑌤𑍋 𑌗𑍃𑌦𑍍𑌰𑍋 𑌧𑌰𑌣𑍍𑌯𑌾𑌮𑌲𑍍𑌪𑌜𑍀𑌵𑌿𑌤𑌃 ।
𑌤𑌂 𑌦𑍃𑌷𑍍𑌟𑍍𑌵𑌾 𑌪𑌤𑌿𑌤𑌂 𑌭𑍂𑌮𑍌 𑌕𑍍𑌷𑌤𑌜𑌾𑌰𑍍𑌦𑍍𑌰𑌂 𑌜𑌟𑌾𑌯𑍁𑌷𑌮𑍍 ॥ 44 ॥
𑌅𑌭𑍍𑌯𑌧𑌾𑌵𑌤 𑌵𑍈𑌦𑍇𑌹𑍀 𑌸𑍍𑌵𑌬𑌂𑌧𑍁𑌮𑌿𑌵 𑌦𑍁𑌃𑌖𑌿𑌤𑌾 ।
𑌤𑌂 𑌨𑍀𑌲𑌜𑍀𑌮𑍂𑌤𑌨𑌿𑌕𑌾𑌶𑌕𑌲𑍍𑌪𑌂 𑌸𑍁𑌪𑌾𑌂𑌡𑍁𑌰𑍋𑌰𑌸𑍍𑌕𑌮𑍁𑌦𑌾𑌰𑌵𑍀𑌰𑍍𑌯𑌮𑍍 ।
𑌦𑌦𑌰𑍍𑌶 𑌲𑌂𑌕𑌾𑌧𑌿𑌪𑌤𑌿𑌃 𑌪𑍃𑌥𑌿𑌵𑍍𑌯𑌾𑌂 𑌜𑌟𑌾𑌯𑍁𑌷𑌂 𑌶𑌾𑌂𑌤𑌮𑌿𑌵𑌾𑌗𑍍𑌨𑌿𑌦𑌾𑌵𑌮𑍍 ॥ 45 ॥
𑌤𑌤𑌸𑍍𑌤𑍁 𑌤𑌂 𑌪𑌤𑍍𑌰𑌰𑌥𑌂 𑌮𑌹𑍀𑌤𑌲𑍇 𑌨𑌿𑌪𑌾𑌤𑌿𑌤𑌂 𑌰𑌾𑌵𑌣𑌵𑍇𑌗𑌮𑌰𑍍𑌦𑌿𑌤𑌮𑍍 ।
𑌪𑍁𑌨𑌃 𑌪𑌰𑌿𑌶𑍍𑌵𑌜𑍍𑌯 𑌶𑌶𑌿𑌪𑍍𑌰𑌭𑌾𑌨𑌨𑌾 𑌰𑍁𑌰𑍋𑌦 𑌸𑍀𑌤𑌾 𑌜𑌨𑌕𑌾𑌤𑍍𑌮𑌜𑌾𑌤𑌦𑌾 ॥ 46 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌏𑌕𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥
