𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌦𑌶𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌭𑍍𑌰𑌾𑌤𑌰𑌂𑌨𑌿𑌹𑌤𑌂𑌦𑍃𑌷𑍍𑌟𑌵𑌾𑌶𑌯𑌾𑌨𑌂𑌨𑌿𑌰𑍍𑌜𑌿𑌤𑌂𑌰𑌣𑍇 ।
𑌶𑍋𑌕𑌵𑍇𑌗𑌪𑌰𑍀𑌤𑌾𑌤𑍍𑌮𑌾𑌵𑌿𑌲𑌲𑌾𑌪𑌵𑌿𑌭𑍀𑌷𑌣𑌃 ॥ 1 ॥
𑌵𑍀𑌰 𑌵𑌿𑌕𑍍𑌰𑌾𑌂𑌤 𑌵𑌿𑌖𑍍𑌯𑌾𑌤 𑌪𑍍𑌰𑌵𑍀𑌣 𑌨𑌯𑌕𑍋𑌵𑌿𑌦 ।
𑌮𑌹𑌾𑌰𑍍𑌹𑌾𑌶𑌯𑌨𑍋𑌪𑍇𑌤𑌕𑌿𑌂𑌶𑍇𑌷𑍇𑌨𑌿𑌹𑌤𑍋𑌭𑍁𑌵𑌿 ॥ 2 ॥
𑌵𑌿𑌕𑍍𑌷𑌿𑌪𑍍𑌯𑌦𑍀𑌰𑍍𑌘𑍌𑌨𑌿𑌶𑍍𑌚𑍇𑌷𑍍𑌟𑍌𑌭𑍁𑌜𑌾𑌵𑌂𑌗𑌭𑍂𑌷𑌿𑌤𑍌 ।
𑌮𑍁𑌕𑍁𑌟𑍇𑌨𑌾𑌪𑌵𑍃𑌤𑍍𑌤𑍇𑌨𑌭𑌾𑌸𑍍𑌕𑌰𑌾𑌕𑌾𑌰𑌵𑌰𑍍𑌚𑌸𑌾 ॥ 3 ॥
𑌦𑌂𑌵𑍀𑌰𑌸𑌂𑌪𑍍𑌰𑌾𑌪𑍍𑌤𑌂𑌯𑌨𑍍𑌮𑌯𑌾𑌪𑍂𑌰𑍍𑌵𑌮𑍀𑌰𑌿𑌤𑌮𑍍 ।
𑌕𑌾𑌮𑌮𑍋𑌹𑌪𑌰𑍀𑌤𑌸𑍍𑌯𑌯𑌤𑍍𑌤𑌨𑍍𑌨𑌰𑍁𑌚𑌿𑌤𑌂𑌤𑌵 ॥ 4 ॥
𑌯𑌨𑍍𑌨𑌦𑌰𑍍𑌪𑌾𑌤𑍍𑌪𑍍𑌰𑌹𑌸𑍍𑌤𑍋𑌵𑌾𑌨𑍇𑌂𑌦𑍍𑌰𑌜𑌿𑌨𑍍𑌨𑌾𑌪𑌰𑍇𑌜𑌨𑌾𑌃 ।
𑌨 𑌕𑍁𑌂𑌬𑌕𑌰𑍍𑌣𑍋𑌽𑌤𑌿𑌰𑌥𑍋𑌨𑌾𑌤𑌿𑌕𑌾𑌯𑍋𑌨𑌰𑌾𑌂𑌤𑌕𑌃 ॥ 5 ॥
𑌨 𑌸𑍍𑌵𑌯𑌂𑌤𑍍𑌵𑌮𑌮𑌨𑍍𑌯𑍇𑌥𑌾𑌸𑍍𑌤𑌸𑍍𑌯𑍋𑌦𑌰𑍍𑌕𑍋𑌽𑌯𑌮𑌾𑌗𑌤𑌃 ।
𑌗𑌤𑌸𑍍𑌸𑍇𑌤𑍁𑌸𑍍𑌸𑍁𑌨𑍀𑌤𑍀𑌨𑌾𑌂𑌗𑌤𑍋𑌧𑌰𑍍𑌮𑌸𑍍𑌯𑌵𑌿𑌗𑍍𑌰𑌹𑌃 ॥ 6 ॥
𑌗𑌤𑌸𑍍𑌸𑌤𑍍𑌤𑍍𑌵𑌸𑍍𑌯𑌸𑌂𑌕𑍍𑌷𑍇𑌪𑌃𑌪𑍍𑌰𑌸𑍍𑌤𑌾𑌵𑌾𑌨𑌾𑌂𑌗𑌤𑌿𑌰𑍍𑌗𑌤𑌾 ।
𑌆𑌦𑌿𑌤𑍍𑌯𑌃𑌪𑌤𑌿𑌤𑍋𑌭𑍂𑌮𑍌𑌮𑌗𑍍𑌨𑌸𑍍𑌤𑌮𑌸𑌿𑌚𑌂𑌦𑍍𑌰𑌮𑌾𑌃 ॥ ॥
𑌚𑌿𑌤𑍍𑌰𑌭𑌾𑌨𑍁𑌃𑌪𑍍𑌰𑌶𑌾𑌂𑌤𑌾𑌰𑍍𑌚𑌿𑌰𑍍𑌵𑍍𑌯𑌵𑌸𑌾𑌯𑍋𑌨𑌿𑌰𑍁𑌦𑍍𑌯𑌮𑌃 ।
𑌅𑌸𑍍𑌮𑌿𑌨𑍍𑌨𑌿𑌪𑌤𑌿𑌤𑍇𑌵𑍀𑌰𑍇 𑌭𑍂𑌮𑍌𑌶𑌸𑍍𑌤𑍍𑌰𑌭𑍃𑌤𑌾𑌂𑌵𑌰𑍇 ॥ ॥
𑌸𑍌𑌮𑌿𑌤𑍍𑌰𑌿𑌂 𑌸𑌤𑍍𑌤𑍍𑌵𑌸𑌂𑌪𑌨𑍍𑌨𑌂 𑌲𑌕𑍍𑌷𑍍𑌮𑌣𑌂 𑌶𑍁𑌭𑌲𑌕𑍍𑌷𑌣𑌮𑍍 ।
𑌵𑌿𑌭𑍀𑌷𑌣𑌮𑌿𑌮𑌂 𑌸𑍌𑌮𑍍𑌯 𑌲𑌂𑌕𑌾𑌯𑌾𑌮𑌭𑌿𑌷𑍇𑌚𑌯 ॥ ॥
𑌧𑍃𑌤𑌿𑌪𑍍𑌰𑌵𑌾𑌲𑌃𑌪𑍍𑌰𑌸𑌹𑍍𑌯𑌾𑌗𑍍𑌯𑍍𑌰𑌪𑍁𑌷𑍍𑌪𑌸𑍍𑌤𑌪𑍋𑌬𑌲𑌶𑍍𑌶𑍌𑌰𑍍𑌯𑌨𑌿𑌬𑌦𑍍𑌧𑌮𑍂𑌲𑌃 ।
𑌰𑌣𑍇𑌮𑌹𑌾𑌨𑍍𑌰𑌾𑌕𑍍𑌷𑌸𑌰𑌾𑌜𑌵𑍃𑌕𑍍𑌷𑌃𑌸𑌮𑍍𑌮𑌰𑍍𑌦𑌿𑌤𑍋𑌰𑌾𑌘𑌵𑌮𑌾𑌰𑍁𑌤𑍇𑌨 ॥ 10 ॥
𑌤𑍇𑌜𑍋𑌵𑌿𑌷𑌾𑌣𑌃𑌕𑍁𑌲𑌵𑌂𑌶𑌵𑌂𑌶𑌃𑌕𑍋𑌪𑌪𑍍𑌰𑌸𑌾𑌦𑌾𑌪𑌰𑌗𑌾𑌤𑍍𑌰𑌹𑌸𑍍𑌤𑌃 ।
𑌇𑌕𑍍𑌷𑍍𑌵𑌾𑌕𑍁𑌸𑌿𑌂𑌹𑌾𑌵𑌗𑍃𑌹𑍀𑌤𑌦𑍇𑌹𑌃𑌸𑍁𑌪𑍍𑌤𑌃𑌕𑍍𑌷𑌿𑌤𑍌𑌰𑌾𑌵𑌣𑌗𑌂𑌧𑌹𑌸𑍍𑌤𑍀 ॥ 11 ॥
𑌪𑌰𑌾𑌕𑍍𑌰𑌮𑍋𑌤𑍍𑌸𑌾𑌹𑌵𑌿𑌜𑍃𑌂𑌭𑌿𑌤𑌾𑌰𑍍𑌚𑌿𑌰𑍍𑌨𑌿𑌃𑌶𑍍𑌵𑌾𑌸𑌧𑍂𑌮𑌸𑍍𑌸𑍍𑌵𑌬𑌲𑌪𑍍𑌰𑌤𑌾𑌪𑌃 ।
𑌪𑍍𑌰𑌤𑌾𑌪𑌵𑌾𑌨𑍍𑌸𑌮𑍍𑌯𑌤𑌿𑌰𑌾𑌕𑍍𑌷𑌸𑌾𑌗𑍍𑌨𑌿𑌰𑍍𑌵𑌿𑌰𑍍𑌵𑌾𑌪𑌿𑌤𑍋𑌰𑌾𑌮𑌪𑌯𑍋𑌧𑌰𑍇𑌣 ॥ 12 ॥
𑌸𑌿𑌂𑌹𑌰𑌕𑍍𑌷𑌲𑌾𑌂𑌗𑍂𑌲𑌕𑌕𑍁𑌦𑍍𑌵𑌿𑌷𑌾𑌣𑌃𑌪𑌰𑌾𑌭𑌿𑌜𑌿𑌦𑍍𑌗𑌂𑌧𑌨𑌗𑌂𑌧𑌹𑌸𑍍𑌤𑍀 ।
𑌰𑌕𑍍𑌷𑍋𑌵𑍃𑌷𑌶𑍍𑌚𑌾𑌪𑌲𑌕𑌰𑍍𑌣𑌚𑌕𑍍𑌷𑍁𑌃𑌕𑍍𑌷𑌿𑌤𑍀𑌶𑍍𑌵𑌰𑌵𑍍𑌯𑌾𑌘𑍍𑌰𑌹𑌤𑍋𑌽𑌵𑌸𑌨𑍍𑌨𑌃 ॥ 13 ॥
𑌵𑌦𑌂𑌤𑌂𑌹𑍇𑌤𑍁𑌮𑌦𑍍𑌵𑌾𑌕𑍍𑌯𑌂𑌪𑌰𑌿𑌦𑍃𑌷𑍍𑌟𑌾𑌰𑍍𑌥𑌨𑌿𑌶𑍍𑌚𑌯𑌮𑍍 ।
𑌰𑌾𑌮𑌃𑌶𑍋𑌕𑌸𑌮𑌾𑌵𑌿𑌷𑍍𑌟𑌮𑌿𑌤𑍍𑌯𑍁𑌵𑌾𑌚𑌵𑌿𑌭𑍀𑌷𑌣𑌮𑍍 ॥ 14 ॥
𑌨𑌾𑌯𑌂𑌵𑌿𑌨𑌷𑍍𑌟𑍋𑌨𑌿𑌶𑍍𑌚𑍇𑌷𑍍𑌟𑌸𑍍𑌸𑌮𑌰𑍇𑌚𑌂𑌡𑌵𑌿𑌕𑍍𑌰𑌮𑌃 ।
𑌅𑌤𑍍𑌯𑍁𑌨𑍍𑌨𑌤𑌮𑌹𑍋𑌤𑍍𑌸𑌾𑌹𑌃𑌪𑌤𑌿𑌤𑍋𑌽𑌯𑌮𑌶𑌂𑌕𑌿𑌤𑌃 ॥ 15 ॥
𑌨𑍈𑌵𑌂𑌵𑌿𑌨𑌷𑍍𑌟𑌾𑌃𑌶𑍋𑌚𑍍𑌯𑌂𑌤𑍇𑌕𑍍𑌷𑌤𑍍𑌰𑌧𑌰𑍍𑌮𑌵𑍍𑌯𑌵𑌸𑍍𑌥𑌿𑌤𑌾𑌃 ।
𑌵𑍃𑌧𑌦𑌿𑌮𑌾𑌶𑌂𑌸𑌮𑌾𑌨𑌾𑌯𑍇𑌨𑌿𑌪𑌤𑌂𑌤𑌿𑌰𑌣𑌾𑌜𑌿𑌰𑍇 ॥ 16 ॥
𑌯𑍇𑌨𑌸𑍇𑌂𑌦𑍍𑌰𑌾𑌸𑍍𑌤𑍍𑌰𑌯𑍋𑌲𑍋𑌕𑌾𑌸𑍍𑌤𑍍𑌰𑌾𑌸𑌿𑌤𑌾𑌯𑍁𑌧𑌿𑌧𑍀𑌮𑌤𑌾 ।
𑌤𑌸𑍍𑌮𑌿𑌨𑍍𑌕𑌾𑌲𑌸𑌮𑌾𑌯𑍁𑌕𑍍𑌤𑍇 𑌨 𑌕𑌾𑌲𑌃𑌪𑌰𑌿𑌶𑍋𑌚𑌿𑌤𑍁𑌮𑍍 ॥ 1 ॥
𑌨𑍈𑌕𑌾𑌂𑌤𑌵𑌿𑌜𑌯𑍋𑌯𑍁𑌦𑍍𑌧𑍇𑌭𑍂𑌤𑌪𑍂𑌰𑍍𑌵𑌃𑌕𑌦𑌾𑌚𑌨 ।
𑌪𑌰𑍈𑌰𑌾𑌹𑌨𑍍𑌯𑌤𑍇𑌵𑍀𑌰𑌃𑌪𑌰𑌾𑌨𑍍𑌵𑌾𑌹𑌂𑌤𑌿𑌸𑌂𑌯𑍁𑌗𑍇 ॥ 1 ॥
𑌸 𑌤𑌦𑍍𑌰𑌾𑌜𑍍𑌯𑌂 𑌮𑌹𑌤𑍍𑌪𑍍𑌰𑌾𑌪𑍍𑌯 𑌰𑌾𑌮𑌦𑌤𑍍𑌤𑌂 𑌵𑌿𑌭𑍀𑌷𑌣𑌃 ।
𑌪𑍍𑌰𑌕𑍃𑌤𑍀𑌃 𑌸𑌾𑌂𑌤𑍍𑌯𑌯𑌿𑌤𑍍𑌵𑌾 𑌚 𑌤𑌤𑍋 𑌰𑌾𑌮𑌮𑍁𑌪𑌾𑌗𑌮𑌤𑍍 ॥ 1 ॥
𑌤𑌦𑍇𑌵𑌂𑌨𑌿𑌶𑍍𑌚𑌯𑌂𑌦𑍃𑌷𑍍𑌟𑌵𑌾𑌤𑌤𑍍𑌤𑍍𑌵𑌮𑌾𑌸𑍍𑌥𑌾𑌯𑌵𑌿𑌜𑍍𑌵𑌰𑌃 ।
𑌯𑌦𑌿𑌹𑌾𑌨𑌂𑌤𑌰𑌂𑌕𑌾𑌰𑍍𑌯𑌂𑌕𑌲𑍍𑌪𑍍𑌯𑌂𑌤𑌦𑌨𑍁𑌚𑌿𑌂𑌤𑌯 ॥ 20 ॥
𑌮𑍁𑌕𑍍𑌤𑌵𑌾𑌕𑍍𑌯𑌂𑌵𑌿𑌕𑍍𑌰𑌾𑌂𑌤𑌂𑌰𑌾𑌜𑌪𑍁𑌤𑍍𑌰𑌂𑌵𑌿𑌭𑍀𑌷𑌣𑌃 ।
𑌉𑌵𑌾𑌚𑌶𑍋𑌕𑌸𑌂𑌤𑌪𑍍𑌤𑍋𑌭𑍍𑌰𑌾𑌤𑍁𑌰𑍍𑌹𑌿𑌤𑌮𑌨𑌂𑌤𑌰𑌮𑍍 ॥ 21 ॥
𑌯𑍋𑌽𑌯𑌂𑌵𑌿𑌮𑌰𑍍𑌦𑍇𑌷𑍍𑌵𑌵𑌿𑌭𑌗𑍍𑌨𑌪𑍂𑌰𑍍𑌵𑌃𑌸𑍁𑌰𑍈𑌸𑍍𑌸𑌮𑌸𑍍𑌥𑍇𑌰𑌪𑌿𑌵𑌾𑌸𑌵𑍇𑌨 ।
𑌭𑌵𑌂𑌤𑌮𑌾𑌸𑌾𑌦𑍍𑌯𑌰𑌣𑍇𑌵𑌿𑌭𑌗𑍍𑌨𑍋𑌵𑍇𑌲𑌾𑌮𑌿𑌵𑌾𑌸𑌾𑌦𑍍𑌯𑌯𑌥𑌾𑌸𑌮𑍁𑌦𑍍𑌰𑌃 ॥ 22 ॥
𑌅𑌨𑍇𑌨𑌦𑌤𑍍𑌤𑌾𑌨𑌿𑌵𑌨𑍀𑌪𑌕𑍇𑌷𑍁𑌭𑍁𑌕𑍍𑌤𑌾𑌶𑍍𑌚𑌭𑍋𑌗𑌾𑌨𑌿𑌭𑍃𑌤𑌾𑌶𑍍𑌚𑌭𑍃𑌤𑍍𑌯𑌾𑌃 ।
𑌧𑌨𑌾𑌨𑌿𑌮𑌿𑌤𑍍𑌰𑍇𑌷𑍁𑌸𑌮𑌰𑍍𑌪𑌿𑌤𑌾𑌨𑌿𑌵𑍈𑌰𑌾𑌣𑍍𑌯𑌮𑌿𑌤𑍍𑌰𑍇𑌷𑍁𑌨𑌿𑌪𑌾𑌤𑌿𑌤𑌾𑌨𑌿 ॥ 23 ॥
𑌏𑌷𑍋𑌹𑌿𑌤𑌾𑌗𑍍𑌨𑌿𑌶𑍍𑌚𑌃𑌮𑌹𑌾𑌤𑌪𑌾𑌶𑍍𑌚𑌵𑍇𑌦𑌾𑌂𑌤𑌗𑌃𑌕𑌰𑍍𑌮𑌸𑍁𑌚𑌾𑌗𑍍𑌯𑍍𑌰𑌶𑍂𑌰𑌃 ।
𑌏𑌤𑌸𑍍𑌯𑌯𑌤𑍍𑌪𑍍𑌰𑍇𑌤𑌗𑌤𑌸𑍍𑌯𑌕𑍃𑌤𑍍𑌯𑌂𑌤𑌤𑍍𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿𑌤𑌵𑌪𑍍𑌰𑌸𑌾𑌦𑌾𑌤𑍍 ॥ 24 ॥
𑌮𑌰𑌣𑌾𑌂𑌤𑌾𑌨𑌿𑌵𑍈𑌰𑌾𑌣𑌿𑌨𑌿𑌰𑍍𑌵𑍃𑌤𑍍𑌤𑌂𑌵𑌃𑌪𑍍𑌰𑌯𑍋𑌜𑌨𑌮𑍍 ।
𑌕𑍍𑌰𑌿𑌯𑌤𑌾𑌮𑌸𑍍𑌯𑌸𑌂𑌸𑍍𑌕𑌾𑌰𑍋𑌮𑌮𑌾𑌪𑍍𑌯𑍇𑌷𑌯𑌥𑌾𑌤𑌵 ॥ 25 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌦𑍍𑌵𑌾𑌦𑌶𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
