𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌏𑌵𑌮𑍁𑌕𑍍𑌤𑌸𑍍𑌤𑍁 𑌹𑌨𑍁𑌮𑌾𑌨𑍍 𑌰𑌾𑌘𑌵𑍇𑌣 𑌮𑌹𑌾𑌤𑍍𑌮𑌨𑌾 ।
𑌸𑍀𑌤𑌾𑌯𑌾 𑌭𑌾𑌷𑌿𑌤𑌂 𑌸𑌰𑍍𑌵𑌂 𑌨𑍍𑌯𑌵𑍇𑌦𑌯𑌤 𑌰𑌾𑌘𑌵𑍇 ॥ 1 ॥
𑌇𑌦𑌮𑍁𑌕𑍍𑌤𑌵𑌤𑍀 𑌦𑍇𑌵𑍀 𑌜𑌾𑌨𑌕𑍀 𑌪𑍁𑌰𑍁𑌷𑌰𑍍𑌷𑌭 ।
𑌪𑍂𑌰𑍍𑌵 𑌵𑍃𑌤𑍍𑌤𑌮𑌭𑌿𑌜𑍍𑌞𑌾𑌨𑌂 𑌚𑌿𑌤𑍍𑌰𑌕𑍂𑌟𑍇 𑌯𑌥𑌾𑌤𑌥𑌮𑍍 ॥ 2 ॥
𑌸𑍁𑌖𑌸𑍁𑌪𑍍𑌤𑌾 𑌤𑍍𑌵𑌯𑌾 𑌸𑌾𑌰𑍍𑌧𑌂 𑌜𑌾𑌨𑌕𑍀 𑌪𑍂𑌰𑍍𑌵𑌮𑍁𑌤𑍍𑌥𑌿𑌤𑌾 ।
𑌵𑌾𑌯𑌸 𑌸𑍍𑌸𑌹𑌸𑍋𑌤𑍍𑌪𑌤𑍍𑌯 𑌵𑌿𑌦𑌦𑌾𑌰 𑌸𑍍𑌤𑌨𑌾𑌂𑌤𑌰𑍇 ॥ 3 ॥
𑌪𑌰𑍍𑌯𑌾𑌯𑍇𑌣 𑌚 𑌸𑍁𑌪𑍍𑌤𑌸𑍍𑌤𑍍𑌵𑌂 𑌦𑍇𑌵𑍍𑌯𑌂𑌕𑍇 𑌭𑌰𑌤𑌾𑌗𑍍𑌰𑌜 ।
𑌪𑍁𑌨𑌶𑍍𑌚 𑌕𑌿𑌲 𑌪𑌕𑍍𑌷𑍀 𑌸 𑌦𑍇𑌵𑍍𑌯𑌾 𑌜𑌨𑌯𑌤𑌿 𑌵𑍍𑌯𑌥𑌾𑌮𑍍 ॥ 4 ॥
𑌪𑍁𑌨𑌃 𑌪𑍁𑌨𑌰𑍁𑌪𑌾𑌗𑌮𑍍𑌯 𑌵𑌿𑌦𑌦𑌾𑌰 𑌭𑍃𑌶𑌂 𑌕𑌿𑌲 ।
𑌤𑌤𑌸𑍍𑌤𑍍𑌵𑌂 𑌬𑍋𑌧𑌿𑌤𑌸𑍍𑌤𑌸𑍍𑌯𑌾𑌶𑍍𑌶𑍋𑌣𑌿𑌤𑍇𑌨 𑌸𑌮𑍁𑌕𑍍𑌷𑌿𑌤𑌃 ॥ 5 ॥
𑌵𑌾𑌯𑌸𑍇𑌨 𑌚 𑌤𑍇𑌨𑍈𑌵 𑌸𑌤𑌤𑌂 𑌬𑌾𑌧𑍍𑌯𑌮𑌾𑌨𑌯𑌾 ।
𑌬𑍋𑌧𑌿𑌤𑌃 𑌕𑌿𑌲 𑌦𑍇𑌵𑍍𑌯𑌾 𑌤𑍍𑌵𑌂 𑌸𑍁𑌖𑌸𑍁𑌪𑍍𑌤𑌃 𑌪𑌰𑌂𑌤𑌪 ॥ 6 ॥
𑌤𑌾𑌂 𑌤𑍁 𑌦𑍃𑌷𑍍𑌟𑍍𑌵𑌾 𑌮𑌹𑌾𑌬𑌾𑌹𑍋 𑌦𑌾𑌰𑌿𑌤𑌾𑌂 𑌚 𑌸𑍍𑌤𑌨𑌾𑌂𑌤𑌰𑍇 ।
𑌆𑌶𑍀𑌵𑌿𑌷 𑌇𑌵 𑌕𑍍𑌰𑍁𑌦𑍍𑌧𑍋 𑌨𑌿𑌶𑍍𑌵𑌸𑌨𑍍𑌨𑌭𑍍𑌯𑌭𑌾𑌷𑌥𑌾𑌃 ॥ ॥
𑌨𑌖𑌾𑌗𑍍𑌰𑍈𑌃 𑌕𑍇𑌨 𑌤𑍇 𑌭𑍀𑌰𑍁 𑌦𑌾𑌰𑌿𑌤𑌂 𑌤𑍁 𑌸𑍍𑌤𑌨𑌾𑌂𑌤𑌰𑌮𑍍 ।
𑌕𑌃 𑌕𑍍𑌰𑍀𑌡𑌤𑌿 𑌸𑌰𑍋𑌷𑍇𑌣 𑌪𑌂𑌚𑌵𑌕𑍍𑌤𑍍𑌰𑍇𑌣 𑌭𑍋𑌗𑌿𑌨𑌾 ॥ ॥
𑌨𑌿𑌰𑍀𑌕𑍍𑌷𑌮𑌾𑌣𑌸𑍍𑌸𑌹𑌸𑌾 𑌵𑌾𑌯𑌸𑌂 𑌸𑌮𑌵𑍈𑌕𑍍𑌷𑌥𑌾𑌃 ।
𑌨𑌖𑍈 𑌸𑍍𑌸𑌰𑍁𑌧𑌿𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌸𑍍𑌤𑌾𑌮𑍇𑌵𑌾𑌭𑌿𑌮𑍁𑌖𑌂 𑌸𑍍𑌥𑌿𑌤𑌮𑍍 ॥ ॥
𑌸𑍁𑌤𑌃 𑌕𑌿𑌲 𑌸 𑌶𑌕𑍍𑌰𑌸𑍍𑌯 𑌵𑌾𑌯𑌸𑌃 𑌪𑌤𑌤𑌾𑌂 𑌵𑌰𑌃 ।
𑌧𑌰𑌾𑌂𑌤𑌰𑌚𑌰𑌶𑍍𑌶𑍀𑌘𑍍𑌰𑌂 𑌪𑌵𑌨𑌸𑍍𑌯 𑌗𑌤𑍌 𑌸𑌮𑌃 ॥ 10 ॥
𑌤𑌤𑌸𑍍𑌤𑌸𑍍𑌮𑌿𑌨𑍍𑌮𑌹𑌾𑌬𑌾𑌹𑍋 𑌕𑍋𑌪𑌸𑌂𑌵𑌰𑍍𑌤𑌿𑌤𑍇𑌕𑍍𑌷𑌣𑌃 ।
𑌵𑌾𑌯𑌸𑍇 𑌤𑍍𑌵𑌂 𑌕𑍃𑌥𑌾𑌃 𑌕𑍍𑌰𑍂𑌰𑌾𑌂 𑌮𑌤𑌿𑌂 𑌮𑌤𑌿𑌮𑌤𑌾𑌂 𑌵𑌰 ॥ 11 ॥
𑌸 𑌦𑌰𑍍𑌭𑌂 𑌸𑌂𑌸𑍍𑌤𑌰𑌾𑌦𑍍𑌗𑍃𑌹𑍍𑌯 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑍇𑌣 𑌹𑍍𑌯𑌯𑍋𑌜𑌯𑌃 ।
𑌸 𑌦𑍀𑌪𑍍𑌤 𑌇𑌵 𑌕𑌾𑌲𑌾𑌗𑍍𑌨𑌿𑌰𑍍𑌜𑌜𑍍𑌵𑌾𑌲𑌾𑌭𑌿𑌮𑍁𑌖𑌃 𑌖𑌗𑌮𑍍 ॥ 12 ॥
𑌕𑍍𑌷𑌿𑌪𑍍𑌤𑌵𑌾𑌂𑌸𑍍𑌤𑍍𑌵𑌂 𑌪𑍍𑌰𑌦𑍀𑌪𑍍𑌤𑌂 𑌹𑌿 𑌦𑌰𑍍𑌭𑌂 𑌤𑌂 𑌵𑌾𑌯𑌸𑌂 𑌪𑍍𑌰𑌤𑌿 ।
𑌤𑌤𑌸𑍍𑌤𑍁 𑌵𑌾𑌯𑌸𑌂 𑌦𑍀𑌪𑍍𑌤𑌸𑍍𑌸 𑌦𑌰𑍍𑌭𑍋𑌽𑌨𑍁𑌜𑌗𑌾𑌮 𑌹 ॥ 13 ॥
𑌸 𑌪𑌿𑌤𑍍𑌰𑌾 𑌚 𑌪𑌰𑌿𑌤𑍍𑌯𑌕𑍍𑌤𑌸𑍍𑌸𑍁𑌰𑍈𑌶𑍍𑌚 𑌸𑌮𑌹𑌰𑍍𑌷𑌿𑌭𑌿𑌃 ।
𑌤𑍍𑌰𑍀𑌨𑍍 𑌲𑍋𑌕𑌾𑌨𑍍 𑌸𑌂𑌪𑌰𑌿𑌕𑍍𑌰𑌮𑍍𑌯 𑌤𑍍𑌰𑌾𑌤𑌾𑌰𑌂 𑌨𑌾𑌧𑌿𑌗𑌚𑍍𑌛𑌤𑌿 ॥ 14 ॥
𑌪𑍁𑌨𑌰𑍇𑌵𑌾𑌗𑌤𑌸𑍍𑌤𑍍𑌰𑌸𑍍𑌤𑌸𑍍𑌤𑍍𑌵𑌤𑍍𑌸𑌕𑌾𑌶𑌮𑌰𑌿𑌂𑌦𑌮 ।
𑌸 𑌤𑌂 𑌨𑌿𑌪𑌤𑌿𑌤𑌂 𑌭𑍂𑌮𑍌 𑌶𑌰𑌣𑍍𑌯𑌶𑍍𑌶𑌰𑌣𑌾𑌗𑌤𑌮𑍍 ॥ 15 ॥
𑌵𑌧𑌾𑌰𑍍𑌹𑌮𑌪𑌿 𑌕𑌾𑌕𑍁𑌤𑍍𑌸𑍍𑌥 𑌕𑍃𑌪𑌯𑌾 𑌪𑌰𑍍𑌯𑌪𑌾𑌲𑌯𑌃 ।
𑌮𑍋𑌘𑌮𑌸𑍍𑌤𑍍𑌰𑌂 𑌨 𑌶𑌕𑍍𑌯𑌂 𑌤𑍁 𑌕𑌰𑍍𑌤𑍁𑌮𑌿𑌤𑍍𑌯𑍇𑌵 𑌰𑌾𑌘𑌵 ॥ 16 ॥
𑌭𑌵𑌾𑌂𑌸𑍍𑌤𑌸𑍍𑌯𑌾𑌕𑍍𑌷𑌿 𑌕𑌾𑌕𑌸𑍍𑌯 𑌹𑌿𑌨𑌸𑍍𑌤𑌿 𑌸𑍍𑌮 𑌸 𑌦𑌕𑍍𑌷𑌿𑌣𑌮𑍍 ।
𑌰𑌾𑌮 𑌤𑍍𑌵𑌾𑌂 𑌸 𑌨𑌮𑌸𑍍𑌕𑍃𑌤𑍍𑌯 𑌰𑌾𑌜𑍍𑌞𑍇 𑌦𑌶𑌰𑌥𑌾𑌯 𑌚 ॥ 1 ॥
𑌵𑌿𑌸𑍃𑌷𑍍𑌟𑌸𑍍𑌤𑍁 𑌤𑌦𑌾 𑌕𑌾𑌕 𑌪𑍍𑌰𑌤𑌿𑌪𑍇𑌦𑍇 𑌸𑍍𑌵𑌮𑌾𑌲𑌯𑌮𑍍 ।
𑌏𑌵𑌮𑌸𑍍𑌤𑍍𑌰𑌵𑌿𑌦𑌾𑌂 𑌶𑍍𑌰𑍇𑌷𑍍𑌠𑌸𑍍𑌸𑌤𑍍𑌤𑍍𑌵𑌵𑌾𑌨𑍍 𑌶𑍀𑌲𑌵𑌾𑌨𑌪𑌿 ॥ 1 ॥
𑌕𑌿𑌮𑌰𑍍𑌥𑌮𑌸𑍍𑌤𑍍𑌰𑌂 𑌰𑌕𑍍𑌷𑌸𑍍𑌸𑍁 𑌨 𑌯𑍋𑌜𑌯𑌤𑌿 𑌰𑌾𑌘𑌵𑌃 ।
𑌨 𑌨𑌾𑌗𑌾 𑌨𑌾𑌪𑌿 𑌗𑌂𑌧𑌰𑍍𑌵𑌾 𑌨𑌾𑌸𑍁𑌰𑌾 𑌨 𑌮𑌰𑍁𑌦𑍍𑌗𑌣𑌾𑌃 ॥ 1 ॥
𑌨 𑌚 𑌸𑌰𑍍𑌵𑍇 𑌰𑌣𑍇 𑌶𑌕𑍍𑌤𑌾 𑌰𑌾𑌮𑌂 𑌪𑍍𑌰𑌤𑌿𑌸𑌮𑌾𑌸𑌿𑌤𑍁𑌮𑍍 ।
𑌤𑌸𑍍𑌯 𑌵𑍀𑌰𑍍𑌯𑌵𑌤𑌃 𑌕𑌶𑍍𑌚𑌿𑌦𑍍𑌯𑌦𑍍𑌯𑌸𑍍𑌤𑌿 𑌮𑌯𑌿 𑌸𑌂𑌭𑍍𑌰𑌮𑌃 ॥ 20 ॥
𑌕𑍍𑌷𑌿𑌪𑍍𑌰𑌂 𑌸𑍁𑌨𑌿𑌶𑌿𑌤𑍈𑌰𑍍𑌬𑌾𑌣𑍈𑌰𑍍𑌹𑌨𑍍𑌯𑌤𑌾𑌂 𑌯𑍁𑌧𑌿 𑌰𑌾𑌵𑌣𑌃 ।
𑌭𑍍𑌰𑌾𑌤𑍁𑌰𑌾𑌦𑍇𑌶𑌮𑌾𑌜𑍍𑌞𑌾𑌯 𑌲𑌕𑍍𑌷𑍍𑌮𑌣𑍋 𑌵𑌾 𑌪𑌰𑌂𑌤𑌪𑌃 ॥ 21 ॥
𑌸 𑌕𑌿𑌮𑌰𑍍𑌥𑌂 𑌨𑌰𑌵𑌰𑍋 𑌨 𑌮𑌾𑌂 𑌰𑌕𑍍𑌷𑌤𑌿 𑌰𑌾𑌘𑌵𑌃 ।
𑌶𑌕𑍍𑌤𑍌 𑌤𑍌 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑍌 𑌵𑌾𑌯𑍍𑌵𑌗𑍍𑌨𑌿𑌸𑌮𑌤𑍇𑌜𑌸𑍌 ॥ 22 ॥
𑌸𑍁𑌰𑌾𑌣𑌾𑌮𑌪𑌿 𑌦𑍁𑌰𑍍𑌧𑌰𑍍𑌷𑍌 𑌕𑌿𑌮𑌰𑍍𑌥𑌂 𑌮𑌾𑌮𑍁𑌪𑍇𑌕𑍍𑌷𑌤𑌃 ।
𑌮𑌮𑍈𑌵 𑌦𑍁𑌷𑍍𑌕𑍃𑌤𑌂 𑌕𑌿𑌂𑌚𑌿𑌨𑍍𑌮𑌹𑌦𑌸𑍍𑌤𑌿 𑌨 𑌸𑌂𑌶𑌯𑌃 ॥ 23 ॥
𑌸𑌮𑌰𑍍𑌥𑍌 𑌸𑌹𑌿𑌤𑍌 𑌯𑌨𑍍𑌮𑌾𑌂 𑌨𑌾𑌵𑍇𑌕𑍍𑌷𑍇𑌤𑍇 𑌪𑌰𑌂𑌤𑌪𑍌 ।
𑌵𑍈𑌦𑍇𑌹𑍍𑌯𑌾 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌕𑌰𑍁𑌣𑌂 𑌸𑌾𑌶𑍍𑌰𑍁 𑌭𑌾𑌷𑌿𑌤𑌮𑍍 ।
𑌪𑍁𑌨𑌰𑌪𑍍𑌯𑌹𑌮𑌾𑌰𑍍𑌯𑌾𑌂 𑌤𑌾𑌮𑌿𑌦𑌂 𑌵𑌚𑌨𑌮𑌬𑍍𑌰𑍁𑌵𑌮𑍍 ॥ 24 ॥
𑌤𑍍𑌵𑌚𑍍𑌛𑍋𑌕𑌵𑌿𑌮𑍁𑌖𑍋 𑌰𑌾𑌮𑍋 𑌦𑍇𑌵𑌿 𑌸𑌤𑍍𑌯𑍇𑌨 𑌤𑍇 𑌶𑌪𑍇 ॥ 25 ॥
𑌰𑌾𑌮𑍇 𑌦𑍁𑌃𑌖𑌾𑌭𑌿𑌭𑍂𑌤𑍇 𑌤𑍁 𑌲𑌕𑍍𑌷𑍍𑌮𑌣𑌃 𑌪𑌰𑌿𑌤𑌪𑍍𑌯𑌤𑍇 ।
𑌕𑌥𑌂𑌚𑌿𑌦𑍍𑌭𑌵𑌤𑍀 𑌦𑍃𑌷𑍍𑌟𑌾 𑌨 𑌕𑌾𑌲𑌃 𑌪𑌰𑌿𑌶𑍋𑌚𑌿𑌤𑍁𑌮𑍍 ॥ 26 ॥
𑌅𑌸𑍍𑌮𑌿𑌨𑍍𑌮𑍁𑌹𑍂𑌰𑍍𑌤𑍇 𑌦𑍁𑌃𑌖𑌾𑌨𑌾𑌮𑌂𑌤𑌂 𑌦𑍍𑌰𑌕𑍍𑌷𑍍𑌯𑌸𑌿 𑌭𑌾𑌮𑌿𑌨𑌿 ।
𑌤𑌾𑌵𑍁𑌭𑍌 𑌨𑌰𑌶𑌾𑌰𑍍𑌦𑍂𑌲𑍌 𑌰𑌾𑌜𑌪𑍁𑌤𑍍𑌰𑌾𑌵𑌨𑌿𑌂𑌦𑌿𑌤𑍌 ॥ 2 ॥
𑌤𑍍𑌵𑌦𑍍𑌦𑌰𑍍𑌶𑌨𑌕𑍃𑌤𑍋𑌤𑍍𑌸𑌾𑌹𑍌 𑌲𑌂𑌕𑌾𑌂 𑌭𑌸𑍍𑌮𑍀𑌕𑌰𑌿𑌷𑍍𑌯𑌤𑌃 ।
𑌹𑌤𑍍𑌵𑌾 𑌚 𑌸𑌮𑌰𑍇 𑌰𑍌𑌦𑍍𑌰𑌂 𑌰𑌾𑌵𑌣𑌂 𑌸𑌹 𑌬𑌾𑌂𑌧𑌵𑌮𑍍 ॥ 2 ॥
𑌰𑌾𑌘𑌵𑌸𑍍𑌤𑍍𑌵𑌾𑌂 𑌵𑌰𑌾𑌰𑍋𑌹𑍇 𑌸𑍍𑌵𑌾𑌂 𑌪𑍁𑌰𑍀𑌂 𑌨𑌯𑌤𑍇 𑌧𑍍𑌰𑍁𑌵𑌮𑍍 ।
𑌯𑌤𑍍𑌤𑍁 𑌰𑌾𑌮𑍋 𑌵𑌿𑌜𑌾𑌨𑍀𑌯𑌾𑌦𑌭𑌿𑌜𑍍𑌞𑌾𑌨𑌮𑌨𑌿𑌂𑌦𑌿𑌤𑍇 ॥ 2 ॥
𑌪𑍍𑌰𑍀𑌤𑌿𑌸𑌂𑌜𑌨𑌨𑌂 𑌤𑌸𑍍𑌯 𑌪𑍍𑌰𑌦𑌾𑌤𑍁𑌂 𑌤𑍍𑌵𑌮𑌿𑌹𑌾𑌰𑍍𑌹𑌸𑌿 ।
𑌸𑌾𑌭𑌿𑌵𑍀𑌕𑍍𑌷𑍍𑌯 𑌦𑌿𑌶𑌸𑍍𑌸𑌰𑍍𑌵𑌾 𑌵𑍇𑌣𑍍𑌯𑍁𑌦𑍍𑌗𑍍𑌰𑌥𑌿𑌤𑌮𑍁𑌤𑍍𑌤𑌮𑌮𑍍 ॥ 30 ॥
𑌮𑍁𑌕𑍍𑌤𑍍𑌵𑌾 𑌵𑌸𑍍𑌤𑍍𑌰𑌾𑌦𑍍𑌦𑌦𑍌 𑌮𑌹𑍍𑌯𑌂 𑌮𑌣𑌿𑌮𑍇𑌤𑌂 𑌮𑌹𑌾𑌬𑌲 ।
𑌪𑍍𑌰𑌤𑌿𑌗𑍃𑌹𑍍𑌯 𑌮𑌣𑌿𑌂 𑌦𑌿𑌵𑍍𑌯𑌂 𑌤𑌵 𑌹𑍇𑌤𑍋 𑌰𑌘𑍂𑌦𑍍𑌵𑌹 ॥ 31 ॥
𑌶𑌿𑌰𑌸𑌾 𑌤𑌾𑌂 𑌪𑍍𑌰𑌣𑌮𑍍𑌯𑌾𑌰𑍍𑌯𑌾𑌮𑌹𑌮𑌾𑌗𑌮𑌨𑍇 𑌤𑍍𑌵𑌰𑍇 ।
𑌗𑌮𑌨𑍇 𑌚 𑌕𑍃𑌤𑍋𑌤𑍍𑌸𑌾𑌹𑌮𑌵𑍇𑌕𑍍𑌷𑍍𑌯 𑌵𑌰𑌵𑌰𑍍𑌣𑌿𑌨𑍀 ॥ 32 ॥
𑌵𑌿𑌵𑌰𑍍𑌧𑌮𑌾𑌨𑌂 𑌚 𑌹𑌿 𑌮𑌾𑌮𑍁𑌵𑌾𑌚 𑌜𑌨𑌕𑌾𑌤𑍍𑌮𑌜𑌾 ।
𑌅𑌶𑍍𑌰𑍁𑌪𑍂𑌰𑍍𑌣𑌮𑍁𑌖𑍀 𑌦𑍀𑌨𑌾 𑌬𑌾𑌷𑍍𑌪𑌸𑌂𑌦𑌿𑌗𑍍𑌧𑌭𑌾𑌷𑌿𑌣𑍀 ॥ 33 ॥
𑌮𑌮𑍋𑌤𑍍𑌪𑌤𑌨𑌸𑌂𑌭𑍍𑌰𑌾𑌂𑌤𑌾 𑌶𑍋𑌕𑌵𑍇𑌗𑌸𑌮𑌾𑌹𑌤𑌾 ।
𑌹𑌨𑍁𑌮𑌨𑍍 𑌸𑌿𑌂𑌹𑌸𑌂𑌕𑌾𑌶𑌾𑌵𑍁𑌭𑍌 𑌤𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ॥ 34 ॥
𑌸𑍁𑌗𑍍𑌰𑍀𑌵𑌂𑌚 𑌸𑌹𑌾𑌮𑌾𑌤𑍍𑌯𑌂 𑌸𑌰𑍍𑌵𑌾𑌨𑍍 𑌬𑍍𑌰𑍂𑌯𑌾 𑌹𑍍𑌯𑌨𑌾𑌮𑌯𑌮𑍍 ।
𑌯𑌥𑌾 𑌚 𑌸 𑌮𑌹𑌾𑌬𑌾𑌹𑍁𑌰𑍍𑌮𑌾𑌂 𑌤𑌾𑌰𑌯𑌤𑌿 𑌰𑌾𑌘𑌵𑌃 ।
𑌅𑌸𑍍𑌮𑌾𑌦𑍍𑌧𑍁𑌃𑌖𑌾𑌂𑌬𑍁𑌸𑌂𑌰𑍋𑌧𑌾𑌤𑍍𑌤𑍍𑌵𑌂 𑌸𑌮𑌾𑌧𑌾𑌤𑍁𑌮𑌰𑍍𑌹𑌸𑌿 ॥ 35 ॥
𑌇𑌮𑌂 𑌚 𑌤𑍀𑌵𑍍𑌰𑌂 𑌮𑌮 𑌶𑍋𑌕𑌵𑍇𑌗𑌂 𑌰𑌕𑍍𑌷𑍋𑌭𑌿𑌰𑍇𑌭𑌿𑌃 𑌪𑌰𑌿𑌭𑌰𑍍𑌤𑍍𑌸𑌨𑌂 𑌚 ।
𑌬𑍍𑌰𑍂𑌯𑌾𑌸𑍍𑌤𑍁 𑌰𑌾𑌮𑌸𑍍𑌯 𑌗𑌤𑌸𑍍𑌸𑌮𑍀𑌪𑌂 𑌶𑌿𑌵𑌶𑍍𑌚 𑌤𑍇𑌽𑌧𑍍𑌵𑌾𑌸𑍍𑌤𑍁 𑌹𑌰𑌿𑌪𑍍𑌰𑌵𑍀𑌰 ॥ 36 ॥
𑌏𑌤𑌤𑍍𑌤𑌵𑌾𑌰𑍍𑌯𑌾 𑌨𑍃𑌪𑌰𑌾𑌜𑌸𑌿𑌂𑌹 𑌸𑍀𑌤𑌾 𑌵𑌚𑌃 𑌪𑍍𑌰𑌾𑌹 𑌵𑌿𑌷𑌾𑌦𑌪𑍂𑌰𑍍𑌵𑌮𑍍 ।
𑌏𑌤𑌚𑍍𑌚 𑌬𑍁𑌦𑍍𑌧𑍍𑌵𑌾 𑌗𑌦𑌿𑌤𑌂 𑌮𑌯𑌾 𑌤𑍍𑌵𑌂 𑌶𑍍𑌰𑌦𑍍𑌧𑌤𑍍𑌸𑍍𑌵 𑌸𑍀𑌤𑌾𑌂 𑌕𑍁𑌶𑌲𑌾𑌂 𑌸𑌮𑌗𑍍𑌰𑌾𑌮𑍍 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
