Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.𑍯 𑌅𑌰𑌣𑍍𑌯𑌕𑌾𑌂𑌡 - 𑌨𑌵𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌨𑌵𑌮𑌸𑍍𑌸𑌰𑍍𑌗𑌃 ।

𑌸𑍁𑌤𑍀𑌕𑍍𑌷𑍍𑌣𑍇𑌨𑌾𑌭𑍍𑌯𑌨𑍁𑌜𑍍𑌞𑌾𑌤𑌂 𑌪𑍍𑌰𑌸𑍍𑌥𑌿𑌤𑌂 𑌰𑌘𑍁𑌨𑌂𑌦𑌨𑌮𑍍 ।
𑌹𑍃𑌦𑍍𑌯𑌯𑌾 𑌸𑍍𑌨𑌿𑌗𑍍𑌧𑌯𑌾 𑌵𑌾𑌚𑌾 𑌭𑌰𑍍𑌤𑌾𑌰𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 1 ॥

𑌅𑌯𑌂 𑌧𑌰𑍍𑌮𑌸𑍍𑌸𑍁𑌸𑍂𑌕𑍍𑌷𑍍𑌮𑍇𑌣 𑌵𑌿𑌧𑌿𑌨𑌾 𑌪𑍍𑌰𑌾𑌪𑍍𑌯𑌤𑍇 𑌮𑌹𑌾𑌨𑍍 ।
𑌨𑌿𑌵𑍃𑌤𑍍𑌤𑍇𑌨 𑌤𑍁 𑌶𑌕𑍍𑌯𑍋𑌽𑌯𑌂 𑌵𑍍𑌯𑌸𑌨𑌾𑌤𑍍𑌕𑌾𑌮𑌜𑌾𑌦𑌿𑌹 ॥ 2 ॥

𑌤𑍍𑌰𑍀𑌣𑍍𑌯𑍇𑌵 𑌵𑍍𑌯𑌸𑌨𑌾𑌨𑍍𑌯𑌤𑍍𑌰 𑌕𑌾𑌮𑌜𑌾𑌨𑌿 𑌭𑌵𑌂𑌤𑍍𑌯𑍁𑌤 ।
𑌮𑌿𑌥𑍍𑌯𑌾𑌵𑌾𑌕𑍍𑌯𑌂 𑌪𑌰𑌮𑌕𑌂 𑌤𑌸𑍍𑌮𑌾𑌦𑍍𑌗𑍁𑌰𑍁𑌤𑌰𑌾𑌵𑍁𑌭𑍌 ॥ 3 ॥

𑌪𑌰𑌦𑌾𑌰𑌾𑌭𑌿𑌗𑌮𑌨𑌂 𑌵𑌿𑌨𑌾 𑌵𑍈𑌰𑌂 𑌚 𑌰𑍌𑌦𑍍𑌰𑌤𑌾 ।
𑌮𑌿𑌥𑍍𑌯𑌾𑌵𑌾𑌕𑍍𑌯𑌂 𑌨 𑌤𑍇 𑌭𑍂𑌤𑌂 𑌨 𑌭𑌵𑌿𑌷𑍍𑌯𑌤𑌿 𑌰𑌾𑌘𑌵 ॥ 4 ॥

𑌕𑍁𑌤𑍋𑌽𑌭𑌿𑌲𑌾𑌷𑌣𑌂 𑌸𑍍𑌤𑍍𑌰𑍀𑌣𑌾𑌂 𑌪𑌰𑍇𑌷𑌾𑌂 𑌧𑌰𑍍𑌮𑌨𑌾𑌶𑌨𑌮𑍍 ।
𑌤𑌵 𑌨𑌾𑌸𑍍𑌤𑌿 𑌮𑌨𑍁𑌷𑍍𑌯𑍇𑌂𑌦𑍍𑌰 𑌨 𑌚𑌾𑌭𑍂𑌤𑍍𑌤𑍇 𑌕𑌦𑌾𑌚𑌨 ॥ 5 ॥

𑌮𑌨𑌸𑍍𑌯𑌪𑌿 𑌤𑌥𑌾 𑌰𑌾𑌮 𑌨 𑌚𑍈𑌤𑌦𑍍𑌵𑌿𑌦𑍍𑌯𑌤𑍇 𑌕𑍍𑌵𑌚𑌿𑌤𑍍 ।
𑌸𑍍𑌵𑌦𑌾𑌰𑌨𑌿𑌰𑌤𑌸𑍍𑌤𑍍𑌵𑌂 𑌚 𑌨𑌿𑌤𑍍𑌯𑌮𑍇𑌵 𑌨𑍃𑌪𑌾𑌤𑍍𑌮𑌜 ॥ 6 ॥

𑌧𑌰𑍍𑌮𑌿𑌷𑍍𑌠𑌸𑍍𑌸𑌤𑍍𑌯𑌸𑌂𑌧𑌶𑍍𑌚 𑌪𑌿𑌤𑍁𑌰𑍍𑌨𑌿𑌰𑍍𑌦𑍇𑌶𑌕𑌾𑌰𑌕𑌃 ।
𑌸𑌤𑍍𑌯𑌸𑌂𑌧 𑌮𑌹𑌾𑌭𑌾𑌗 𑌶𑍍𑌰𑍀𑌮𑌲𑍍𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜 ॥ 𑍭 ॥

𑌤𑍍𑌵𑌯𑌿 𑌧𑌰𑍍𑌮𑌶𑍍𑌚 𑌸𑌤𑍍𑌯𑌂 𑌚 𑌤𑍍𑌵𑌯𑌿 𑌸𑌰𑍍𑌵𑌂 𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ।
𑌤𑌚𑍍𑌚 𑌸𑌰𑍍𑌵𑌂 𑌮𑌹𑌾𑌬𑌾𑌹𑍋 𑌶𑌕𑍍𑌯𑌂 𑌧𑌰𑍍𑌤𑍁𑌂 𑌜𑌿𑌤𑍇𑌂𑌦𑍍𑌰𑌿𑌯𑍈𑌃 ॥ 𑍮 ॥

𑌤𑌵 𑌵𑌶𑍍𑌯𑍇𑌂𑌦𑍍𑌰𑌿𑌯𑌤𑍍𑌵𑌂 𑌚 𑌜𑌾𑌨𑌾𑌮𑌿 𑌶𑍁𑌭𑌦𑌰𑍍𑌶𑌨 ।
𑌤𑍃𑌤𑍀𑌯𑌂 𑌯𑌦𑌿𑌦𑌂 𑌰𑍌𑌦𑍍𑌰𑌂 𑌪𑌰𑌪𑍍𑌰𑌾𑌣𑌾𑌭𑌿𑌹𑌿𑌂𑌸𑌨𑌮𑍍 ॥ 𑍯 ॥

𑌨𑌿𑌰𑍍𑌵𑍈𑌰𑌂 𑌕𑍍𑌰𑌿𑌯𑌤𑍇 𑌮𑍋𑌹𑌾𑌤𑍍𑌤𑌚𑍍𑌚 𑌤𑍇 𑌸𑌮𑍁𑌪𑌸𑍍𑌥𑌿𑌤𑌮𑍍 ।
𑌪𑍍𑌰𑌤𑌿𑌜𑍍𑌞𑌾𑌤𑌸𑍍𑌤𑍍𑌵𑌯𑌾 𑌵𑍀𑌰 𑌦𑌂𑌡𑌕𑌾𑌰𑌣𑍍𑌯𑌵𑌾𑌸𑌿𑌨𑌾𑌮𑍍 ॥ 10 ॥

𑌋𑌷𑍀𑌣𑌾𑌂 𑌰𑌕𑍍𑌷𑌣𑌾𑌰𑍍𑌥𑌾𑌯 𑌵𑌧𑌸𑍍𑌸𑌂𑌯𑌤𑌿 𑌰𑌕𑍍𑌷𑌸𑌾𑌮𑍍 ।
𑌏𑌤𑌨𑍍𑌨𑌿𑌮𑌿𑌤𑍍𑌤𑌂 𑌚 𑌵𑌨𑌂 𑌦𑌂𑌡𑌕𑌾 𑌇𑌤𑌿 𑌵𑌿𑌶𑍍𑌰𑍁𑌤𑌮𑍍 ॥ 11 ॥

𑌪𑍍𑌰𑌸𑍍𑌥𑌿𑌤𑌸𑍍𑌤𑍍𑌵𑌂 𑌸𑌹 𑌭𑍍𑌰𑌾𑌤𑍍𑌰𑌾 𑌧𑍃𑌤𑌬𑌾𑌣𑌶𑌰𑌾𑌸𑌨𑌃 ।
𑌤𑌤𑌸𑍍𑌤𑍍𑌵𑌾𑌂 𑌪𑍍𑌰𑌸𑍍𑌥𑌿𑌤𑌂 𑌦𑍃𑌷𑍍𑌟𑍍𑌵𑌾 𑌮𑌮 𑌚𑌿𑌂𑌤𑌾𑌕𑍁𑌲𑌂 𑌮𑌨𑌃 ॥ 12 ॥

𑌤𑍍𑌵𑌦𑍍𑌵𑍃𑌤𑍍𑌤𑌂 𑌚𑌿𑌂𑌤𑌯𑌂𑌤𑍍𑌯𑌾 𑌵𑍈 𑌭𑌵𑍇𑌨𑍍𑌨𑌿𑌶𑍍𑌶𑍍𑌰𑍇𑌯𑌸𑌂 𑌹𑌿𑌤𑌮𑍍 ।
𑌤𑍍𑌵𑌾𑌂 𑌚𑍈𑌵 𑌪𑍍𑌰𑌸𑍍𑌥𑌿𑌤𑌂 𑌦𑍃𑌷𑍍𑌟𑍍𑌵𑌾 𑌰𑌾𑌮 𑌚𑌿𑌂𑌤𑌾𑌕𑍁𑌲𑌂 𑌮𑌨𑌃 ॥ 13 ॥

𑌸𑌰𑍍𑌵𑌤𑌚𑌶𑌿𑌂𑌤𑌯𑍍𑌨𑌤𑍍𑌯𑌾 𑌮𑍇 𑌤𑌵 𑌨𑌿𑌶𑍍𑌶𑍍𑌰𑍇𑌯𑌸𑌂 𑌨𑍃𑌪 ।
𑌨 𑌹𑌿 𑌮𑍇 𑌰𑍋𑌚𑌤𑍇 𑌵𑍀𑌰 𑌗𑌮𑌨𑌂 𑌦𑌂𑌡𑌕𑌾𑌨𑍍𑌪𑍍𑌰𑌤𑌿 ॥ 14 ॥

𑌕𑌾𑌰𑌣𑌂 𑌤𑌤𑍍𑌰 𑌵𑌕𑍍𑌷𑍍𑌯𑌾𑌮𑌿 𑌵𑌦𑌂𑌤𑍍𑌯𑌾𑌶𑍍𑌶𑍍𑌰𑍂𑌯𑌤𑌾𑌂 𑌮𑌮 ।
𑌤𑍍𑌵𑌂 𑌹𑌿 𑌬𑌾𑌣𑌧𑌨𑍁𑌷𑍍𑌪𑌾𑌣𑌿𑌰𑍍𑌭𑍍𑌰𑌾𑌤𑍍𑌰𑌾 𑌸𑌹 𑌵𑌨𑌂 𑌗𑌤𑌃 ॥ 15 ॥

𑌦𑍃𑌷𑍍𑌟𑍍𑌵𑌾 𑌵𑌨𑌚𑌰𑌾𑌨𑍍𑌸𑌰𑍍𑌵𑌾𑌨𑍍𑌕𑌚𑍍𑌚𑌿𑌤𑍍𑌕𑍁𑌰𑍍𑌯𑌾𑌶𑍍𑌶𑌰𑌵𑍍𑌯𑌯𑌮𑍍 ।
𑌕𑍍𑌷𑌤𑍍𑌰𑌿𑌯𑌾𑌣𑌾𑌮𑌪𑌿 𑌧𑌨𑍁𑌰𑍍𑌹𑍁𑌤𑌾𑌶𑌸𑍍𑌯𑍇𑌂𑌧𑌨𑌾𑌨𑌿 𑌚 ॥ 16 ॥

𑌸𑌮𑍀𑌪𑌤𑌸𑍍𑌸𑍍𑌥𑌿𑌤𑌂 𑌤𑍇𑌜𑍋 𑌬𑌲𑌮𑍁𑌚𑍍𑌛𑍍𑌰𑌯𑌤𑍇 𑌭𑍃𑌶𑌮𑍍 ।
𑌪𑍁𑌰𑌾 𑌕𑌿𑌲 𑌮𑌹𑌾𑌬𑌾𑌹𑍋 𑌤𑌪𑌸𑍍𑌸𑍍𑌵𑍀 𑌸𑌤𑍍𑌯𑌵𑌾𑌕𑍍𑌛𑍁𑌚𑌿𑌃 ॥ 1𑍭 ॥

𑌕𑌸𑍍𑌮𑌿𑌂𑌶𑍍𑌚𑌿𑌦𑌭𑌵𑌤𑍍𑌪𑍁𑌣𑍍𑌯𑍇 𑌵𑌨𑍇 𑌰𑌤𑌮𑍃𑌗𑌦𑍍𑌵𑌿𑌜𑍇 ।
𑌤𑌸𑍍𑌯𑍈𑌵 𑌤𑌪𑌸𑍋 𑌵𑌿𑌘𑍍𑌨𑌂 𑌕𑌰𑍍𑌤𑍁𑌮𑌿𑌂𑌦𑍍𑌰𑌶𑍍𑌶𑌚𑍀𑌪𑌤𑌿𑌃 ॥ 1𑍮 ॥

𑌖𑌂𑌗𑌪𑌾𑌣𑌿𑌰𑌥𑌾𑌗𑌚𑍍𑌛𑌦𑌾𑌶𑍍𑌰𑌮𑌂 𑌭𑌟𑌰𑍂𑌪𑌧𑍃𑌤𑍍 ।
𑌤𑌸𑍍𑌮𑌿𑌂𑌸𑍍𑌤𑌦𑌾𑌶𑍍𑌰𑌮𑌪𑌦𑍇 𑌨𑌿𑌶𑌿𑌤𑌃 𑌖𑌂𑌗 𑌉𑌤𑍍𑌤𑌮𑌃 ॥ 1𑍯 ॥

𑌸 𑌨𑍍𑌯𑌾𑌸𑌵𑌿𑌧𑌿𑌨𑌾 𑌦𑌤𑍍𑌤𑌃 𑌪𑍁𑌣𑍍𑌯𑍇 𑌤𑌪𑌸𑌿 𑌤𑌿𑌷𑍍𑌠𑌤𑌃 ।
𑌸 𑌤𑌚𑍍𑌛𑌸𑍍𑌤𑍍𑌰𑌮𑌨𑍁𑌪𑍍𑌰𑌾𑌪𑍍𑌯 𑌨𑍍𑌯𑌾𑌸𑌰𑌕𑍍𑌷𑌣𑌤𑌤𑍍𑌪𑌰𑌃 ॥ 20 ॥

𑌵𑌨𑍇 𑌤𑍁 𑌵𑌿𑌚𑌰𑌤𑍍𑌯𑍇𑌵 𑌰𑌕𑍍𑌷𑌨𑍍𑌪𑍍𑌰𑌤𑍍𑌯𑌯𑌮𑌾𑌤𑍍𑌮𑌨𑌃 ।
𑌯𑌤𑍍𑌰 𑌗𑌚𑍍𑌛𑌤𑍍𑌯𑍁𑌪𑌾𑌦𑌾𑌤𑍁𑌂 𑌮𑍂𑌲𑌾𑌨𑌿 𑌚 𑌫𑌲𑌾𑌨𑌿 𑌚 ॥ 21 ॥

𑌨 𑌵𑌿𑌨𑌾 𑌯𑌾𑌤𑌿 𑌤𑌂 𑌖𑌂𑌗𑌂 𑌨𑍍𑌯𑌾𑌸𑌰𑌕𑍍𑌷𑌣𑌤𑌤𑍍𑌪𑌰𑌃 ।
𑌨𑌿𑌤𑍍𑌯𑌂 𑌶𑌸𑍍𑌤𑍍𑌰𑌂 𑌪𑌰𑌿𑌵𑌹𑌨𑍍𑌕𑍍𑌰𑌮𑍇𑌣 𑌸 𑌤𑌪𑍋𑌧𑌨𑌃 ॥ 22 ॥

𑌚𑌕𑌾𑌰 𑌰𑍌𑌦𑍍𑌰𑍀𑌂 𑌸𑍍𑌵𑌾𑌂 𑌬𑍁𑌦𑍍𑌧𑌿𑌂 𑌤𑍍𑌯𑌕𑍍𑌤𑍍𑌵𑌾 𑌤𑌪𑌸𑌿 𑌨𑌿𑌶𑍍𑌚𑌯𑌮𑍍 ।
𑌤𑌤𑌸𑍍𑌸𑌰𑍌𑌦𑍍𑌰𑍇𑌽𑌭𑌿𑌰𑌤𑌃 𑌪𑍍𑌰𑌮𑌤𑍍𑌤𑍋𑌽𑌧𑌰𑍍𑌮𑌕𑌰𑍍𑌶𑌿𑌤𑌃 ॥ 23 ॥

𑌤𑌸𑍍𑌯 𑌶𑌸𑍍𑌤𑍍𑌰𑌸𑍍𑌯 𑌸𑌂𑌵𑌾𑌸𑌾𑌜𑍍𑌜𑌗𑌾𑌮 𑌨𑌰𑌕𑌂 𑌮𑍁𑌨𑌿𑌃 ।
𑌏𑌵𑌮𑍇𑌤𑌤𑍍𑌪𑍁𑌰𑌾 𑌵𑍃𑌤𑍍𑌤𑌂 𑌶𑌸𑍍𑌤𑍍𑌰𑌸𑌂𑌯𑍋𑌗𑌕𑌾𑌰𑌣𑌮𑍍 ॥ 24 ॥

𑌅𑌗𑍍𑌨𑌿𑌸𑌂𑌯𑍋𑌗𑌵𑌦𑍍𑌧𑍇𑌤𑍁𑌶𑍍𑌶𑌸𑍍𑌤𑍍𑌰𑌸𑌂𑌯𑍋𑌗 𑌉𑌚𑍍𑌯𑌤𑍇 ।
𑌸𑍍𑌨𑍇𑌹𑌾𑌚𑍍𑌚 𑌬𑌹𑍁𑌮𑌾𑌨𑌾𑌚𑍍𑌚 𑌸𑍍𑌮𑌾𑌰𑌯𑍇 𑌤𑍍𑌵𑌾𑌂 𑌨 𑌶𑌿𑌕𑍍𑌷𑌯𑍇 ॥ 25 ॥

𑌨 𑌕𑌥𑌂𑌚𑌨 𑌸𑌾 𑌕𑌾𑌰𑍍𑌯𑌾 𑌗𑍃𑌹𑍀𑌤𑌧𑌨𑍁𑌷𑌾 𑌤𑍍𑌵𑌯𑌾 ।
𑌬𑍁𑌦𑍍𑌧𑌿𑌰𑍍𑌵𑍈𑌰𑌂 𑌵𑌿𑌨𑌾 𑌹𑌂𑌤𑍁𑌂 𑌰𑌾𑌕𑍍𑌷𑌸𑌾𑌂𑌦𑌂𑌡𑌕𑌾𑌶𑍍𑌰𑌿𑌤𑌾𑌨𑍍 ॥ 26 ॥

𑌅𑌪𑌰𑌾𑌧𑌂 𑌵𑌿𑌨𑌾 𑌹𑌂𑌤𑍁𑌂 𑌲𑍋𑌕𑌾𑌨𑍍𑌵𑍀𑌰 𑌨 𑌕𑌾𑌮𑌯𑍇 ।
𑌕𑍍𑌷𑌤𑍍𑌰𑌿𑌯𑌾𑌣𑌾𑌂 𑌤𑍁 𑌵𑍀𑌰𑌾𑌣𑌾𑌂 𑌵𑌨𑍇𑌷𑍁 𑌨𑌿𑌰𑌤𑌾𑌤𑍍𑌮𑌨𑌾𑌮𑍍 ॥ 2𑍭 ॥

𑌧𑌨𑍁𑌷𑌾 𑌕𑌾𑌰𑍍𑌯𑌮𑍇𑌤𑌾𑌵𑌦𑌾𑌰𑍍𑌤𑌾𑌨𑌾𑌂 𑌤𑍍𑌵𑌭𑌿𑌰𑌕𑍍𑌷𑌣𑌮𑍍 ।
𑌕𑍍𑌵𑌚 𑌶𑌸𑍍𑌤𑍍𑌰𑌂 𑌕𑍍𑌵 𑌚 𑌵𑌨𑌂 𑌕𑍍𑌵 𑌚 𑌕𑍍𑌷𑌾𑌤𑍍𑌰𑌂 𑌤𑌪𑌃 𑌕𑍍𑌵𑌚 ॥ 2𑍮 ॥

𑌵𑍍𑌯𑌾𑌵𑌿𑌦𑍍𑌧𑌮𑌿𑌦𑌮𑌸𑍍𑌮𑌾𑌭𑌿𑌰𑍍𑌦𑍍𑌦𑍇𑌶𑌧𑌰𑍍𑌮𑌸𑍍𑌤𑍁 𑌪𑍂𑌜𑍍𑌯𑌤𑌾𑌮𑍍 ।
𑌤𑌦𑌾𑌰𑍍𑌯 𑌕𑌲𑍁𑌷𑌾 𑌬𑍁𑌦𑍍𑌧𑌿𑌰𑍍𑌜𑌾𑌯𑌤𑍇 𑌶𑌸𑍍𑌤𑍍𑌰𑌸𑍇𑌵𑌨𑌾𑌤𑍍 ॥ 2𑍯 ॥

𑌪𑍁𑌨𑌰𑍍𑌗𑌤𑍍𑌵𑌾 𑌤𑍍𑌵𑌯𑍋𑌧𑍍𑌯𑌾𑌯𑌾𑌂 𑌕𑍍𑌷𑌤𑍍𑌰𑌧𑌰𑍍𑌮𑌂 𑌚𑌰𑌿𑌷𑍍𑌯𑌸𑌿 ।
𑌅𑌕𑍍𑌷𑌯𑌾 𑌤𑍁 𑌭𑌵𑍇𑌤𑍍𑌪𑍍𑌰𑍀𑌤𑌿𑌶𑍍𑌶𑍍𑌵𑌶𑍍𑌰𑍂𑌶𑍍𑌵𑌶𑍁𑌰𑌯𑍋𑌰𑍍𑌮𑌮 ॥ 30 ॥

𑌯𑌦𑌿 𑌰𑌾𑌜𑍍𑌯𑌂 𑌪𑌰𑌿𑌤𑍍𑌯𑌜𑍍𑌯 𑌭𑌵𑍇𑌸𑍍𑌤𑍍𑌵𑌂 𑌨𑌿𑌰𑌤𑍋 𑌮𑍁𑌨𑌿𑌃 ।
𑌧𑌰𑍍𑌮𑌾𑌦𑌰𑍍𑌥𑌃 𑌪𑍍𑌰𑌭𑌵𑌤𑌿 𑌧𑌰𑍍𑌮𑌾𑌤𑍍𑌪𑍍𑌰𑌭𑌵𑌤𑍇 𑌸𑍁𑌖𑌮𑍍 ॥ 31 ॥

𑌧𑌰𑍍𑌮𑍇𑌣 𑌲𑌭𑌤𑍇 𑌸𑌰𑍍𑌵𑌂 𑌧𑌰𑍍𑌮𑌸𑌾𑌰𑌮𑌿𑌦𑌂 𑌜𑌗𑌤𑍍 ।
𑌆𑌤𑍍𑌮𑌾𑌨𑌂 𑌨𑌿𑌯𑌮𑍈𑌸𑍍𑌤𑍈𑌸𑍍𑌤𑍈 𑌕𑌰𑍍𑌶𑌯𑌿𑌤𑍍𑌵𑌾 𑌪𑍍𑌰𑌯𑌤𑍍𑌨𑌤𑌃 ॥ 32 ॥

𑌪𑍍𑌰𑌾𑌪𑍍𑌯𑌤𑍇 𑌨𑌿𑌪𑍁𑌣𑍈𑌰𑍍𑌧𑌰𑍍𑌮𑍋 𑌨 𑌸𑍁𑌖𑌾𑌲𑍍𑌲𑌭𑍍𑌯𑌤𑍇 𑌸𑍁𑌖𑌮𑍍 ।
𑌨𑌿𑌤𑍍𑌯𑌂 𑌶𑍁𑌚𑌿𑌮𑌤𑌿𑌸𑍍𑌸𑍌𑌮𑍍𑌯 𑌚𑌰 𑌧𑌰𑍍𑌮𑌂 𑌤𑌪𑍋𑌵𑌨𑍇 ॥ 33 ॥

𑌸𑌰𑍍𑌵𑌂 𑌹𑌿 𑌵𑌿𑌦𑌿𑌤𑌂 𑌤𑍁𑌭𑍍𑌯𑌂 𑌤𑍍𑌰𑍈𑌲𑍋𑌕𑍍𑌯𑌮𑌪𑌿 𑌤𑌤𑍍𑌤𑍍𑌵𑌤𑌃 ।
𑌸𑍍𑌤𑍍𑌰𑍀𑌚𑌾𑌪𑌲𑌾𑌦𑍇𑌤𑌦𑍁𑌦𑌾𑌹𑍃𑌤𑌂 𑌮𑍇 𑌧𑌰𑍍𑌮𑌂 𑌚 𑌵𑌕𑍍𑌤𑍁𑌂 𑌤𑌵 𑌕𑌸𑍍𑌸𑌮𑌰𑍍𑌥𑌃 ।
𑌵𑌿𑌚𑌾𑌰𑍍𑌯 𑌬𑍁𑌦𑍍𑌧𑍍𑌯𑌾 𑌤𑍁 𑌸𑌹𑌾𑌨𑍁𑌜𑍇𑌨 𑌯𑌦𑍍𑌰𑍋𑌚𑌤𑍇 𑌤𑌤𑍍𑌕𑍁𑌰𑍁 𑌮𑌾 𑌚𑌿𑌰𑍇𑌣 ॥ 34 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌨𑌵𑌮𑌸𑍍𑌸𑌰𑍍𑌗𑌃 ॥


Browse Related Categories: