𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌾𑌂 𑌚𑌾𑌶𑍍𑌰𑍁𑌵𑍇𑌗𑍇𑌨 𑌦𑍁𑌰𑌾𑌸𑌦𑍇𑌨 𑌤𑍍𑌵𑌭𑌿𑌪𑍍𑌲𑍁𑌤𑌾𑌂 𑌶𑍋𑌕𑌮𑌹𑌾𑌰𑍍𑌣𑌵𑍇𑌨 ।
𑌪𑌶𑍍𑌯𑌂𑌸𑍍𑌤𑌦𑌾 𑌵𑌾𑌲𑍍𑌯𑌨𑍁𑌜𑌸𑍍𑌤𑌰𑌸𑍍𑌵𑍀 𑌭𑍍𑌰𑌾𑌤𑍁𑌰𑍍𑌵𑌧𑍇𑌨𑌾𑌪𑍍𑌰𑌤𑌿𑌮𑍇𑌨 𑌤𑍇𑌪𑍇 ॥ 1 ॥
𑌸 𑌬𑌾𑌷𑍍𑌪𑌪𑍂𑌰𑍍𑌣𑍇𑌨 𑌮𑍁𑌖𑍇𑌨 𑌵𑍀𑌕𑍍𑌷𑍍𑌯 𑌕𑍍𑌷𑌣𑍇𑌨 𑌨𑌿𑌰𑍍𑌵𑌿𑌣𑍍𑌣𑌮𑌨𑌾 𑌮𑌨𑌸𑍍𑌵𑍀 ।
𑌜𑌗𑌾𑌮 𑌰𑌾𑌮𑌸𑍍𑌯 𑌶𑌨𑍈𑌸𑍍𑌸𑌮𑍀𑌪𑌂 𑌭𑍃𑌤𑍍𑌯𑍈𑌰𑍍𑌵𑍃𑌤𑌸𑌂𑌪𑌰𑌿𑌦𑍂𑌯𑌮𑌾𑌨𑌃 ॥ 2 ॥
𑌸 𑌤𑌂 𑌸𑌮𑌾𑌸𑌾𑌦𑍍𑌯 𑌗𑍃𑌹𑍀𑌤𑌚𑌾𑌪 𑌮𑍁𑌦𑌾𑌤𑍍𑌤𑌮𑌾𑌶𑍀𑌵𑌿𑌷𑌤𑍁𑌲𑍍𑌯𑌬𑌾𑌣𑌮𑍍 ।
𑌯𑌶𑌸𑍍𑌵𑌿𑌨𑌂 𑌲𑌕𑍍𑌷𑌣𑌲𑌕𑍍𑌷𑌿𑌤𑌾𑌂𑌗 𑌮𑌵𑌸𑍍𑌥𑌿𑌤𑌂 𑌰𑌾𑌘𑌵 𑌮𑌿𑌤𑍍𑌯𑍁𑌵𑌾𑌚 ॥ 3 ॥
𑌯𑌥𑌾 𑌪𑍍𑌰𑌤𑌿𑌜𑍍𑌞𑌾𑌤𑌮𑌿𑌦𑌂 𑌨𑌰𑍇𑌂𑌦𑍍𑌰 𑌕𑍃𑌤𑌂 𑌤𑍍𑌵𑌯𑌾 𑌦𑍃𑌷𑍍𑌟𑌫𑌲𑌂 𑌚 𑌕𑌰𑍍𑌮 ।
𑌮𑌮𑌾𑌦𑍍𑌯 𑌭𑍋𑌗𑍇𑌷𑍁 𑌨𑌰𑍇𑌂𑌦𑍍𑌰𑌪𑍁𑌤𑍍𑌰 𑌮𑌨𑍋 𑌨𑌿𑌵𑍃𑌤𑍍𑌤𑌂 𑌸𑌹𑌜𑍀𑌵𑌿𑌤𑍇𑌨 ॥ 4 ॥
𑌅𑌸𑍍𑌯𑌾𑌂 𑌮𑌹𑌿𑌷𑍍𑌯𑌾𑌂 𑌤𑍁 𑌭𑍃𑌶𑌂 𑌰𑍁𑌦𑌂𑌤𑍍𑌯𑌾 𑌪𑍁𑌰𑍇 𑌚 𑌵𑌿𑌕𑍍𑌰𑍋𑌶𑌤𑌿 𑌦𑍁𑌃𑌖𑌤𑌪𑍍𑌤𑍇 ।
𑌹𑌤𑍇𑌽𑌗𑍍𑌰𑌜𑍇 𑌸𑌂𑌶𑌯𑌿𑌤𑍇𑌽𑌂𑌗𑌦𑍇 𑌚 𑌨 𑌰𑌾𑌮 𑌰𑌾𑌜𑍍𑌯𑍇 𑌰𑌮𑌤𑍇 𑌮𑌨𑍋 𑌮𑍇 ॥ 5 ॥
𑌕𑍍𑌰𑍋𑌧𑌾𑌦𑌮𑌰𑍍𑌷𑌾𑌦𑌤𑌿𑌵𑌿𑌪𑍍𑌰𑌧𑌰𑍍𑌷𑌾 𑌦𑍍𑌭𑍍𑌰𑌾𑌤𑍁𑌰𑍍𑌵𑌧𑍋 𑌮𑍇𑌽𑌨𑍁𑌮𑌤𑌃 𑌪𑍁𑌰𑌸𑍍𑌤𑌾𑌤𑍍 ।
𑌹𑌤𑍇 𑌤𑍍𑌵𑌿𑌦𑌾𑌨𑍀𑌂 𑌹𑌰𑌿𑌯𑍂𑌥𑌪𑍇𑌽𑌸𑍍𑌮𑌿𑌨𑍍 𑌸𑍁𑌤𑍀𑌵𑍍𑌰𑌮𑌿𑌕𑍍𑌷𑍍𑌵𑌾𑌕𑍁𑌕𑍁𑌮𑌾𑌰 𑌤𑌪𑍍𑌸𑍍𑌯𑍇 ॥ 6 ॥
𑌶𑍍𑌰𑍇𑌯𑍋𑌽𑌦𑍍𑌯 𑌮𑌨𑍍𑌯𑍇 𑌮𑌮 𑌶𑍈𑌲𑌮𑍁𑌖𑍍𑌯𑍇 𑌤𑌸𑍍𑌮𑌿𑌨𑍍𑌨𑌿𑌵𑌾𑌸𑌶𑍍𑌚𑌿𑌰𑌮𑍃𑌶𑍍𑌯𑌮𑍂𑌕𑍇 ।
𑌯𑌥𑌾 𑌤𑌥𑌾 𑌵𑌰𑍍𑌤𑌯𑌤𑌸𑍍𑌸𑍍𑌵𑌵𑍃𑌤𑍍𑌤𑍍𑌯𑌾 𑌨𑍇𑌮𑌂 𑌨𑌿𑌹𑌤𑍍𑌯 𑌤𑍍𑌰𑌿𑌦𑌿𑌵𑌸𑍍𑌯 𑌲𑌾𑌭𑌃 ॥ ॥
𑌨 𑌤𑍍𑌵𑌾𑌂 𑌜𑌿𑌘𑌾𑌂𑌸𑌾𑌮𑌿 𑌚𑌰𑍇𑌤𑌿 𑌯𑌨𑍍𑌮𑌾 𑌮𑌯𑌂 𑌮𑌹𑌾𑌤𑍍𑌮𑌾 𑌮𑌤𑌿𑌮𑌾𑌨𑍁𑌵𑌾𑌚 ।
𑌤𑌸𑍍𑌯𑍈𑌵 𑌤𑌦𑍍𑌰𑌾𑌮 𑌵𑌚𑍋𑌽𑌨𑍁𑌰𑍂𑌪 𑌮𑌿𑌦𑌂 𑌪𑍁𑌨𑌃 𑌕𑌰𑍍𑌮 𑌚 𑌮𑍇𑌽𑌨𑍁𑌰𑍂𑌪𑌮𑍍 ॥ ॥
𑌭𑍍𑌰𑌾𑌤𑌾 𑌕𑌥𑌂 𑌨𑌾𑌮 𑌮𑌹𑌾𑌗𑍁𑌣𑌸𑍍𑌯 𑌭𑍍𑌰𑌾𑌤𑍁𑌰𑍍𑌵𑌧𑌂 𑌰𑌾𑌘𑌵 𑌰𑍋𑌚𑌯𑍇𑌤 ।
𑌰𑌾𑌜𑍍𑌯𑌸𑍍𑌯 𑌦𑍁𑌃𑌖𑌸𑍍𑌯 𑌚 𑌵𑍀𑌰 𑌸𑌾𑌰𑌂 𑌵𑌿𑌚𑌿𑌂𑌤𑌯𑌨𑍍𑌕𑌾𑌮𑌪𑍁𑌰𑌸𑍍𑌕𑍃𑌤𑌽𑌸𑍍𑌸𑌨𑍍 ॥ ॥
𑌵𑌧𑍋 𑌹𑌿 𑌮𑍇 𑌮𑌤𑍋 𑌨𑌾𑌸𑍀𑌤𑍍𑌸𑍍𑌵𑌮𑌾𑌹𑌾𑌤𑍍𑌮𑍍𑌯𑌾𑌵𑍍𑌯𑌤𑌿𑌕𑍍𑌰𑌮𑌾𑌤𑍍 ।
𑌮𑌮𑌾𑌽𑌸𑍀𑌦𑍍𑌬𑍁𑌦𑍍𑌧𑌿𑌦𑍌𑌰𑌾𑌤𑍍𑌮𑍍𑌯𑌾𑌤𑍍𑌪𑍍𑌰𑌾𑌣𑌹𑌾𑌰𑍀 𑌵𑍍𑌯𑌤𑌿𑌕𑍍𑌰𑌮𑌃 ॥ 10 ॥
𑌦𑍍𑌰𑍁𑌮𑌶𑌾𑌖𑌾𑌵𑌭𑌗𑍍𑌨𑍋𑌽𑌹𑌂 𑌮𑍁𑌹𑍁𑌰𑍍𑌤𑌂 𑌪𑌰𑌿𑌨𑌿𑌷𑍍𑌟𑌨𑌨𑍍 ।
𑌸𑌾𑌂𑌤𑍍𑌵𑌯𑌿𑌤𑍍𑌵𑌾 𑌤𑍍𑌵𑌨𑍇𑌨𑍋𑌕𑍍𑌤𑍋 𑌨 𑌪𑍁𑌨𑌃 𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 11 ॥
𑌭𑍍𑌰𑌾𑌤𑍃𑌤𑍍𑌵𑌮𑌾𑌰𑍍𑌯𑌭𑌾𑌵𑌶𑍍𑌚 𑌧𑌰𑍍𑌮𑌶𑍍𑌚𑌾𑌨𑍇𑌨 𑌰𑌕𑍍𑌷𑌿𑌤𑌃 ।
𑌮𑌯𑌾 𑌕𑍍𑌰𑍋𑌧𑌶𑍍𑌚 𑌕𑌾𑌮𑌶𑍍𑌚 𑌕𑌪𑌿𑌤𑍍𑌵𑌂 𑌚 𑌪𑍍𑌰𑌦𑌰𑍍𑌶𑌿𑌤𑌮𑍍 ॥ 12 ॥
𑌅𑌚𑌿𑌂𑌤𑌨𑍀𑌯𑌂 𑌪𑌰𑌿𑌵𑌰𑍍𑌜𑌨𑍀𑌯 𑌮𑌨𑍀𑌪𑍍𑌸𑌨𑍀𑌯𑌂 𑌸𑍍𑌵𑌨𑌵𑍇𑌕𑍍𑌷𑌣𑍀𑌯𑌮𑍍 ।
𑌪𑍍𑌰𑌾𑌪𑍍𑌤𑍋𑌽𑌸𑍍𑌮𑌿 𑌪𑌾𑌪𑍍𑌮𑌾𑌨𑌮𑌿𑌮𑌂 𑌨𑌰𑍇𑌂𑌦𑍍𑌰 𑌭𑍍𑌰𑌾𑌤𑍁𑌰𑍍𑌵𑌧𑌾𑌤𑍍𑌤𑍍𑌵𑌾𑌷𑍍𑌟𑍍𑌰𑌵𑌧𑌾𑌦𑌿𑌵𑍇𑌂𑌦𑍍𑌰𑌃 ॥ 13 ॥
𑌪𑌾𑌪𑍍𑌮𑌾𑌨𑌮𑌿𑌂𑌦𑍍𑌰𑌸𑍍𑌯 𑌮𑌹𑍀 𑌜𑌲𑌂 𑌚 𑌵𑍃𑌕𑍍𑌷𑌾𑌶𑍍𑌚 𑌕𑌾𑌮𑌂 𑌜𑌗𑍃𑌹𑍁𑌃 𑌸𑍍𑌤𑍍𑌰𑌿𑌯𑌶𑍍𑌚 ।
𑌕𑍋 𑌨𑌾𑌮 𑌪𑌾𑌪𑍍𑌮𑌾𑌨𑌮𑌿𑌮𑌂 𑌕𑍍𑌷𑌮𑍇𑌤 𑌶𑌾𑌖𑌾𑌮𑍃𑌗𑌸𑍍𑌯 𑌪𑍍𑌰𑌤𑌿𑌪𑌤𑍍𑌤𑍁𑌮𑌿𑌚𑍍𑌛𑍇𑌤𑍍 ॥ 14 ॥
𑌨𑌾𑌰𑍍𑌹𑌾𑌮𑌿 𑌸𑌮𑍍𑌮𑌾𑌨𑌮𑌿𑌮𑌂 𑌪𑍍𑌰𑌜𑌾𑌨𑌾𑌂 𑌨 𑌯𑍌𑌵𑌰𑌾𑌜𑍍𑌯𑌂 𑌕𑍁𑌤 𑌏𑌵 𑌰𑌾𑌜𑍍𑌯𑌮𑍍 ।
𑌅𑌧𑌰𑍍𑌮𑌯𑍁𑌕𑍍𑌤𑌂 𑌕𑍁𑌲𑌨𑌾𑌶𑌯𑍁𑌕𑍍𑌤 𑌮𑍇𑌵𑌂𑌵𑌿𑌧𑌂 𑌰𑌾𑌘𑌵 𑌕𑌰𑍍𑌮 𑌕𑍃𑌤𑍍𑌵𑌾 ॥ 15 ॥
𑌪𑌾𑌪𑌸𑍍𑌯 𑌕𑌰𑍍𑌤𑌾𑌽𑌸𑍍𑌮𑌿 𑌵𑌿𑌗𑌰𑍍𑌹𑌿𑌤𑌸𑍍𑌯 𑌕𑍍𑌷𑍁𑌦𑍍𑌰𑌸𑍍𑌯 𑌲𑍋𑌕𑌾𑌪𑌕𑍃𑌤𑌸𑍍𑌯 𑌚𑍈𑌵 ।
𑌶𑍋𑌕𑍋 𑌮𑌹𑌾𑌨𑍍𑌮𑌾𑌮𑌭𑌿𑌵𑌰𑍍𑌤𑌤𑍇𑌽𑌯𑌂 𑌵𑍃𑌷𑍍𑌟𑍇𑌰𑍍𑌯𑌥𑌾 𑌨𑌿𑌮𑍍𑌨𑌮𑌿𑌵𑌾𑌂𑌬𑍁𑌵𑍇𑌗𑌃 ॥ 16 ॥
𑌸𑍋𑌦𑌰𑍍𑌯𑌘𑌾𑌤𑌾𑌪𑌰𑌗𑌾𑌤𑍍𑌰𑌵𑌾𑌲𑌃 𑌸𑌂𑌤𑌾𑌪𑌹𑌸𑍍𑌤𑌾𑌕𑍍𑌷𑌿𑌶𑌿𑌰𑍋𑌵𑌿𑌷𑌾𑌣𑌃 ।
𑌏𑌨𑍋𑌮𑌯𑍋 𑌮𑌾𑌮𑌭𑌿𑌹𑌂𑌤𑌿 𑌹𑌸𑍍𑌤𑍀 𑌦𑍃𑌪𑍍𑌤𑍋 𑌨𑌦𑍀𑌕𑍂𑌲𑌮𑌿𑌵 𑌪𑍍𑌰𑌵𑍃𑌦𑍍𑌧𑌃 ॥ 1 ॥
𑌅𑌂𑌹𑍋 𑌬𑌤𑍇𑌦𑌂 𑌨𑍃𑌵𑌰𑌾𑌵𑌿𑌷𑌹𑍍𑌯𑌂 𑌨𑌿𑌵𑌰𑍍𑌤𑌤𑍇 𑌮𑍇 𑌹𑍃𑌦𑌿 𑌸𑌾𑌧𑍁𑌵𑍃𑌤𑍍𑌤𑌮𑍍 ।
𑌵𑌿𑌵𑌰𑍍𑌣𑌮𑌗𑍍𑌨𑍌 𑌪𑌰𑌿𑌤𑌪𑍍𑌯𑌮𑌾𑌨𑌂 𑌕𑌿𑌟𑍍𑌟𑌂 𑌯𑌥𑌾 𑌰𑌾𑌘𑌵 𑌜𑌾𑌤𑌰𑍂𑌪𑌮𑍍 ॥ 1 ॥
𑌮𑌹𑌾𑌬𑌲𑌾𑌨𑌾𑌂 𑌹𑌰𑌿𑌯𑍂𑌥𑌪𑌾𑌨𑌾 𑌮𑌿𑌦𑌂 𑌕𑍁𑌲𑌂 𑌰𑌾𑌘𑌵 𑌮𑌨𑍍𑌨𑌿𑌮𑌿𑌤𑍍𑌤𑌮𑍍 ।
𑌅𑌸𑍍𑌯𑌾𑌂𑌗𑌦𑌪𑍍𑌯𑌾𑌪𑌿 𑌚 𑌶𑍋𑌕𑌤𑌾𑌪𑌾 𑌦𑌰𑍍𑌧𑌸𑍍𑌥𑌿𑌤𑌪𑍍𑌰𑌾𑌣𑌮𑌿𑌤𑍀𑌵 𑌮𑌨𑍍𑌯𑍇 ॥ 1 ॥
𑌸𑍁𑌤𑌸𑍍𑌸𑍁𑌲𑌭𑍍𑌯𑌸𑍍𑌸𑍁𑌜𑌨𑌸𑍍𑌸𑍁𑌵𑌶𑍍𑌯𑌃 𑌕𑍁𑌤𑌸𑍍𑌤𑍁 𑌪𑍁𑌤𑍍𑌰𑌸𑍍𑌸𑌦𑍃𑌶𑍋𑌽𑌂𑌗𑌦𑍇𑌨 ।
𑌨 𑌚𑌾𑌪𑌿 𑌵𑌿𑌦𑍍𑌯𑍇𑌤 𑌸 𑌵𑍀𑌰 𑌦𑍇𑌶𑍋 𑌯𑌸𑍍𑌮𑌿𑌨𑍍𑌭𑌵𑍇𑌤𑍍𑌸𑍋𑌦𑌰𑌸𑌨𑍍𑌨𑌿𑌕𑌰𑍍𑌷𑌃 ॥ 20 ॥
𑌯𑌦𑍍𑌯𑌂𑌗𑌦𑍋 𑌵𑍀𑌰𑌵𑌰𑌾𑌰𑍍𑌹 𑌜𑍀𑌵𑍇𑌤𑍍 𑌜𑍀𑌵𑍇𑌚𑍍𑌛 𑌮𑌾𑌤𑌾 𑌪𑌰𑌿𑌪𑌾𑌲𑌨𑌾𑌰𑍍𑌥𑌮𑍍 ।
𑌵𑌿𑌨𑌾 𑌤𑍁 𑌪𑍁𑌤𑍍𑌰𑌂 𑌪𑌰𑌿𑌤𑌾𑌪𑌦𑍀𑌨𑌾 𑌤𑌾𑌰𑌾 𑌨 𑌜𑍀𑌵𑍇𑌦𑌿𑌤𑌿 𑌨𑌿𑌶𑍍𑌚𑌿𑌤𑌂 𑌮𑍇 ॥ 21 ॥
𑌸𑍋𑌽𑌹𑌂 𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑍍𑌯𑌤𑌿𑌦𑍀𑌪𑍍𑌤𑌮𑌗𑍍𑌨𑌿𑌂 𑌭𑍍𑌰𑌾𑌤𑍍𑌰𑌾 𑌚 𑌪𑍁𑌤𑍍𑌰𑍇𑌣 𑌚 𑌸𑌖𑍍𑌯𑌮𑌿𑌚𑍍𑌛𑌨𑍍 ।
𑌇𑌮𑍇 𑌵𑌿𑌚𑍇𑌷𑍍𑌯𑌂𑌤𑌿 𑌹𑌰𑌿𑌪𑍍𑌰𑌵𑍀𑌰𑌾 𑌸𑍍𑌸𑍀𑌤𑌾𑌂 𑌨𑌿𑌦𑍇𑌶𑍇 𑌤𑌵 𑌵𑌰𑍍𑌤𑌮𑌾𑌨𑌾𑌃 ॥ 22 ॥
𑌕𑍃𑌤𑍍𑌸𑍍𑌨𑌂 𑌤𑍁 𑌤𑍇 𑌸𑍇𑌤𑍍𑌸𑍍𑌯𑌤𑌿 𑌕𑌾𑌰𑍍𑌯𑌮𑍇𑌤 𑌨𑍍𑌮𑌯𑍍𑌯𑌪𑍍𑌰𑌤𑍀𑌤𑍇 𑌮𑌨𑍁𑌜𑍇𑌂𑌦𑍍𑌰𑌪𑍁𑌤𑍍𑌰 𑌕𑍁𑌲𑌸𑍍𑌯 𑌹𑌂𑌤𑌾𑌰𑌮𑌜𑍀𑌵𑌨𑌾𑌰𑍍𑌹𑌂 𑌰𑌾𑌮𑌾𑌨𑍁𑌜𑌾𑌨𑍀𑌹𑌿 𑌕𑍃𑌤𑌾𑌗𑌸𑌂 𑌮𑌾𑌮𑍍 ॥ 23 ॥
𑌇𑌤𑍍𑌯𑍇𑌵𑌮𑌾𑌰𑍍𑌤𑌸𑍍𑌯 𑌰𑌘𑍁𑌪𑍍𑌰𑌵𑍀𑌰𑌃 𑌶𑍍𑌰𑍁𑌤𑍍𑌵𑌾 𑌵𑌚𑍋 𑌵𑌾𑌲𑍍𑌯𑌨𑍁𑌜𑌸𑍍𑌯 𑌤𑌸𑍍𑌯 ।
𑌸𑌂𑌜𑌾𑌤𑌬𑌾𑌷𑍍𑌪𑌃 𑌪𑌰𑌵𑍀𑌰𑌹𑌂𑌤𑌾 𑌰𑌾𑌮𑍋 𑌮𑍁𑌹𑍂𑌰𑍍𑌤𑌂 𑌵𑌿𑌮𑌨𑌾 𑌬𑌭𑍂𑌵 ॥ 24 ॥
𑌤𑌸𑍍𑌮𑌿𑌨𑍍 𑌕𑍍𑌷𑌣𑍇𑌽𑌭𑍀𑌕𑍍𑌷𑍍𑌣𑌮𑌵𑍇𑌕𑍍𑌷𑍍𑌯𑌮𑌾𑌣𑌃 𑌕𑍍𑌷𑌿𑌤𑌿𑌕𑍍𑌷𑌮𑌾𑌵𑌾𑌨𑍍𑌭𑍁𑌵𑌨𑌸𑍍𑌯 𑌗𑍋𑌪𑍍𑌤𑌾 ।
𑌰𑌾𑌮𑍋 𑌰𑍁𑌦𑌂𑌤𑍀𑌂 𑌵𑍍𑌯𑌸𑌨𑍇 𑌨𑌿𑌮𑌗𑍍𑌨𑌾𑌂 𑌸𑌮𑍁𑌤𑍍𑌸𑍁𑌕𑌃 𑌸𑍋𑌽𑌥 𑌦𑌦𑌰𑍍𑌶 𑌤𑌾𑌰𑌾𑌮𑍍 ॥ 25 ॥
𑌤𑌾𑌂 𑌚𑌾𑌰𑍁𑌨𑍇𑌤𑍍𑌰𑌾𑌂 𑌕𑌪𑌿𑌸𑌿𑌂𑌹𑌨𑌾𑌥𑌾𑌂 𑌪𑌤𑌿𑌂 𑌸𑌮𑌾𑌶𑍍𑌲𑌿𑌷𑍍𑌯 𑌤𑌦𑌾 𑌶𑌯𑌾𑌨𑌾𑌮𑍍 ।
𑌉𑌤𑍍𑌥𑌾𑌪𑌯𑌾𑌮𑌾𑌸𑍁𑌰𑌦𑍀𑌨𑌸𑌤𑍍𑌤𑍍𑌵𑌾𑌂 𑌮𑌂𑌤𑍍𑌰𑌿𑌪𑍍𑌰𑌧𑌾𑌨𑌾𑌃 𑌕𑌪𑌿𑌵𑍀𑌰𑌪𑌤𑍍𑌨𑍀𑌮𑍍 ॥ 26 ॥
𑌸𑌾 𑌵𑌿𑌸𑍍𑌫𑍁𑌰𑌂𑌤𑍀 𑌪𑌰𑌿𑌰𑌭𑍍𑌯𑌮𑌾𑌣𑌾 𑌭𑌰𑍍𑌤𑍁𑌸𑍍𑌸𑌕𑌾𑌶𑌾𑌦𑌪𑌨𑍀𑌯𑌮𑌾𑌨𑌾 ।
𑌦𑌦𑌰𑍍𑌶 𑌰𑌾𑌮𑌂 𑌶𑌰𑌚𑌾𑌪𑌪𑌾𑌣𑌿𑌂 𑌸𑍍𑌵𑌤𑍇𑌜𑌸𑌾 𑌸𑍂𑌰𑍍𑌯𑌮𑌿𑌵 𑌜𑍍𑌵𑌲𑌂𑌤𑌮𑍍 ॥ 2 ॥
𑌸𑍁𑌸𑌂𑌵𑍃𑌤𑌂 𑌪𑌾𑌰𑍍𑌥𑌿𑌪𑌲𑌕𑍍𑌷𑌣𑍈𑌶𑍍𑌚 𑌤𑌂 𑌚𑌾𑌰𑍁𑌨𑍇𑌤𑍍𑌰𑌂 𑌮𑍃𑌗𑌶𑌾𑌬𑌨𑍇𑌤𑍍𑌰𑌾 ।
𑌅𑌦𑍃𑌷𑍍𑌟𑌪𑍂𑌰𑍍𑌵𑌂 𑌪𑍁𑌰𑍁𑌷𑌪𑍍𑌰𑌧𑌾𑌨 𑌮𑌯𑌂 𑌸 𑌕𑌾𑌕𑍁𑌤𑍍𑌸𑍍𑌥 𑌇𑌤𑌿 𑌪𑍍𑌰𑌜𑌜𑍍𑌞𑍇 ॥ 2 ॥
𑌤𑌸𑍍𑌯𑍇𑌂𑌦𑍍𑌰𑌕𑌲𑍍𑌪𑌸𑍍𑌯 𑌦𑍁𑌰𑌾𑌸𑌦𑌸𑍍𑌯 𑌮𑌹𑌾𑌨𑍁𑌭𑌾𑌵𑌸𑍍𑌯 𑌸𑌮𑍀𑌪𑌮𑌾𑌰𑍍𑌯𑌾 ।
𑌆𑌰𑍍𑌤𑌾𑌽𑌤𑌿𑌤𑍂𑌰𑍍𑌣𑌂 𑌵𑍍𑌯𑌸𑌨𑌾𑌭𑌿𑌪𑌨𑍍𑌨𑌾 𑌜𑌗𑌾𑌮 𑌤𑌾𑌰𑌾 𑌪𑌰𑌿𑌵𑌿𑌹𑍍𑌵𑌲𑌂𑌤𑍀 ॥ 2 ॥
𑌸𑌾 𑌤𑌂 𑌸𑌮𑌾𑌸𑌾𑌦𑍍𑌯 𑌵𑌿𑌶𑍁𑌦𑍍𑌧𑌸𑌤𑍍𑌤𑍍𑌵𑌾 𑌶𑍋𑌕𑍇𑌨 𑌸𑌂𑌭𑍍𑌰𑌾𑌂𑌤𑌶𑌰𑍀𑌰𑌭𑌾𑌵𑌾 ।
𑌮𑌨𑌸𑍍𑌵𑌿𑌨𑍀 𑌵𑌾𑌕𑍍𑌯𑌮𑍁𑌵𑌾𑌚 𑌤𑌾𑌰𑌾 𑌰𑌾𑌮𑌂 𑌰𑌣𑍋𑌤𑍍𑌕𑌰𑍍𑌷𑌣𑌲𑌬𑍍𑌧𑌲𑌕𑍍𑌷𑌮𑍍 ॥ 30 ॥
𑌤𑍍𑌵𑌮𑌪𑍍𑌰𑌮𑍇𑌯𑌶𑍍𑌚 𑌦𑍁𑌰𑌾𑌸𑌦𑌶𑍍𑌚 𑌜𑌿𑌤𑍇𑌂𑌦𑍍𑌰𑌿𑌯𑌶𑍍𑌚𑍋𑌤𑍍𑌤𑌮𑌧𑌾𑌰𑍍𑌮𑌿𑌕𑌶𑍍𑌚 ।
𑌅𑌕𑍍𑌷𑌯𑍍𑌯𑌕𑍀𑌰𑍍𑌤𑌿𑌶𑍍𑌚 𑌵𑌿𑌚𑌕𑍍𑌷𑌣𑌶𑍍𑌚 𑌕𑍍𑌷𑌿𑌤𑌿𑌕𑍍𑌷𑌮𑌾𑌵𑌾𑌨𑍍𑌕𑍍𑌷𑌤𑌜𑍋𑌪𑌮𑌾𑌕𑍍𑌷𑌃 ॥ 31 ॥
𑌤𑍍𑌵𑌮𑌾𑌤𑍍𑌤𑌬𑌾𑌣𑌾𑌸𑌨𑌬𑌾𑌣𑌪𑌾𑌣𑌿 𑌰𑍍𑌮𑌹𑌾𑌬𑌲𑌸𑍍𑌸𑌂𑌹𑌨𑌨𑍋𑌪𑌪𑌨𑍍𑌨𑌃 ।
𑌮𑌨𑍁𑌷𑍍𑌯𑌦𑍇𑌹𑌾𑌭𑍍𑌯𑍁𑌦𑌯𑌂 𑌵𑌿𑌹𑌾𑌯 𑌦𑌿𑌵𑍍𑌯𑍇𑌨 𑌦𑍇𑌹𑌾𑌭𑍍𑌯𑍁𑌦𑌯𑍇𑌨 𑌯𑍁𑌕𑍍𑌤𑌃 ॥ 32 ॥
𑌯𑍇𑌨𑍈𑌕 𑌬𑌾𑌣𑍇𑌨 𑌹𑌤𑌃 𑌪𑍍𑌰𑌿𑌯𑍋 𑌮𑍇 𑌤𑍇𑌨𑍈𑌵 𑌮𑌾𑌂 𑌤𑍍𑌵𑌂 𑌜𑌹𑌿 𑌸𑌾𑌯𑌕𑍇𑌨 ।
𑌹𑌤𑌾 𑌗𑌮𑌿𑌷𑍍𑌯𑌾𑌮𑌿 𑌸𑌮𑍀𑌪𑌮𑌸𑍍𑌯 𑌨 𑌮𑌾𑌮𑍃𑌤𑍇 𑌰𑌾𑌮 𑌰𑌮𑍇𑌤 𑌵𑌾𑌲𑍀 ॥ 33 ॥
𑌸𑍍𑌵𑌰𑍍𑌗𑍇𑌽𑌪𑌿 𑌪𑌦𑍍𑌮𑌾𑌮𑌲𑌪𑌤𑍍𑌰𑌨𑍇𑌤𑍍𑌰 𑌸𑍍𑌸𑌮𑍇𑌤𑍍𑌯 𑌸𑌂𑌪𑍍𑌰𑍇𑌕𑍍𑌷𑍍𑌯 𑌚 𑌮𑌾𑌮𑌪𑌶𑍍𑌯𑌨𑍍 ।
𑌨 𑌹𑍍𑌯𑍇𑌷 𑌉𑌚𑍍𑌚𑌾𑌵𑌚𑌤𑌾𑌮𑍍𑌰𑌚𑍂𑌡𑌾 𑌵𑌿𑌚𑌿𑌤𑍍𑌰𑌵𑍇𑌷𑌾𑌪𑍍𑌸𑌰𑌸𑍋𑌽𑌭𑌜𑌿𑌷𑍍𑌯𑌤𑍍 ॥ 34 ॥
𑌸𑍍𑌵𑌰𑍍𑌗𑍇𑌽𑌪𑌿 𑌶𑍋𑌕𑌂 𑌚 𑌵𑌿𑌵𑌰𑍍𑌣𑌤𑌾𑌂 𑌚 𑌮𑌯𑌾 𑌵𑌿𑌨𑌾 𑌪𑍍𑌰𑌾𑌪𑍍𑌪𑍍𑌯𑌤𑌿 𑌵𑍀𑌰 𑌵𑌾𑌲𑍀 ।
𑌰𑌮𑍍𑌯𑍇 𑌨𑌗𑍇𑌂𑌦𑍍𑌰𑌸𑍍𑌯 𑌤𑌟𑌾𑌵𑌕𑌾𑌶𑍇 𑌵𑌿𑌦𑍇𑌹𑌕𑌨𑍍𑌯𑌾𑌰𑌹𑌿𑌤𑍋 𑌯𑌥𑌾 𑌤𑍍𑌵𑌮𑍍 ॥ 35 ॥
𑌤𑍍𑌵𑌂 𑌵𑍇𑌤𑍍𑌥 𑌯𑌾𑌵𑌦𑍍𑌵𑌨𑌿𑌤𑌾𑌵𑌿𑌹𑍀𑌨𑌃 𑌪𑍍𑌰𑌾𑌪𑍍𑌨𑍋𑌤𑌿 𑌦𑍁𑌃𑌖𑌂 𑌪𑍁𑌰𑍁𑌷𑌃 𑌕𑍁𑌮𑌾𑌰𑌃 ।
𑌤𑌤𑍍𑌤𑍍𑌵𑌂 𑌪𑍍𑌰𑌜𑌾𑌨𑌨𑍍 𑌜𑌹𑌿 𑌮𑌾𑌂 𑌨 𑌵𑌾𑌲𑍀 𑌦𑍁𑌃𑌖𑌂 𑌮𑌮𑌾𑌦𑌰𑍍𑌶𑌨𑌜𑌂 𑌭𑌜𑍇𑌤 ॥ 36 ॥
𑌯𑌚𑍍𑌚𑌾𑌪𑌿 𑌮𑌨𑍍𑌯𑍇𑌤 𑌭𑌵𑌾𑌨𑍍𑌮𑌹𑌾𑌤𑍍𑌮𑌾 𑌸𑍍𑌤𑍍𑌰𑍀𑌘𑌾𑌤𑌦𑍋𑌷𑍋 𑌨 𑌭𑌵𑍇𑌤𑍍𑌤𑍁 𑌮𑌹𑍍𑌯𑌮𑍍 ।
𑌆𑌤𑍍𑌮𑍇𑌯𑌮𑌸𑍍𑌯𑍇𑌤𑌿 𑌚 𑌮𑌾𑌂 𑌜𑌹𑌿 𑌤𑍍𑌵𑌂 𑌨 𑌸𑍍𑌤𑍍𑌰𑍀𑌵𑌧𑌸𑍍𑌸𑍍𑌯𑌾𑌨𑍍𑌮𑌨𑍁𑌜𑍇𑌂𑌦𑍍𑌰𑌪𑍁𑌤𑍍𑌰 ॥ 3 ॥
𑌶𑌾𑌸𑍍𑌤𑍍𑌰𑌪𑍍𑌰𑌯𑍋𑌗𑌾𑌦𑍍𑌵𑌿𑌵𑌿𑌧𑌾𑌚𑍍𑌚 𑌵𑍇𑌦𑌾 𑌦𑌾𑌤𑍍𑌮𑌾𑌹𑍍𑌯𑌨𑌨𑍍𑌯𑌃 𑌪𑍁𑌰𑍁𑌷𑌸𑍍𑌯 𑌦𑌾𑌰𑌾𑌃 ।
𑌦𑌾𑌰𑌾𑌪𑍍𑌰𑌦𑌾𑌨𑌾𑌨𑍍𑌨𑌹𑌿 𑌦𑌾𑌨𑌮𑌨𑍍𑌯 𑌤𑍍𑌪𑍍𑌰𑌦𑍃𑌶𑍍𑌯𑌤𑍇 𑌜𑍍𑌞𑌾𑌨𑌵𑌤𑌾𑌂 𑌹𑌿 𑌲𑍋𑌕𑍇 ॥ 3 ॥
𑌤𑍍𑌵𑌂 𑌚𑌾𑌪𑌿 𑌮𑌾𑌂 𑌤𑌸𑍍𑌯 𑌮𑌮 𑌪𑍍𑌰𑌿𑌯𑌸𑍍𑌯 𑌪𑍍𑌰𑌦𑌾𑌸𑍍𑌯 𑌸𑍇 𑌧𑌰𑍍𑌮𑌮𑌵𑍇𑌕𑍍𑌷𑍍𑌯 𑌵𑍀𑌰 𑌅𑌨𑍇𑌨 𑌦𑌾𑌨𑍇𑌨 𑌨 𑌲𑌪𑍍𑌸𑍍𑌯𑌸𑍇 𑌤𑍍𑌵 𑌮𑌧𑌰𑍍𑌮𑌯𑍋𑌗𑌂 𑌮𑌮 𑌵𑍀𑌰 𑌘𑌾𑌤𑌾𑌤𑍍 ॥ 3 ॥
𑌆𑌰𑍍𑌤𑌾𑌮𑌨𑌾𑌥𑌾𑌮𑌪𑌨𑍀𑌯𑌮𑌾𑌨𑌾 𑌮𑍇𑌵𑌂 𑌵𑌿𑌧𑌾𑌮𑌰𑍍𑌹𑌸𑌿 𑌮𑌾𑌂 𑌨𑌿𑌹𑌂𑌤𑍁𑌮𑍍 ।
𑌅𑌹𑌂 𑌹𑌿 𑌮𑌾𑌤𑌂𑌗𑌵𑌿𑌲𑌾𑌸𑌗𑌾𑌮𑌿𑌨𑌾 𑌪𑍍𑌲𑌵𑌂𑌗𑌮𑌾𑌨𑌾𑌮𑍃𑌷𑌭𑍇𑌣 𑌧𑍀𑌮𑌤𑌾 ॥ 40 ॥
𑌵𑌿𑌨𑌾 𑌵𑌰𑌾𑌰𑍍𑌹𑍋𑌤𑍍𑌤𑌮𑌹𑍇𑌮𑌮𑌾𑌲𑌿𑌨𑌾 𑌚𑌿𑌰𑌂 𑌨 𑌶𑌕𑍍𑌷𑍍𑌯𑌾𑌮𑌿 𑌨𑌰𑍇𑌂𑌦𑍍𑌰 𑌜𑍀𑌵𑌿𑌤𑍁𑌮𑍍 ।
𑌇𑌤𑍍𑌯𑍇𑌵𑌮𑍁𑌕𑍍𑌤𑌸𑍍𑌤𑍁 𑌵𑌿𑌭𑍁𑌰𑍍𑌮𑌹𑌾𑌤𑍍𑌮𑌾 𑌤𑌾𑌰𑌾𑌂 𑌸𑌮𑌾𑌶𑍍𑌵𑌾𑌸𑍍𑌯 𑌹𑌿𑌤𑌂 𑌬𑌭𑌾𑌷𑍇 ॥ 41 ॥
𑌮𑌾 𑌵𑍀𑌰𑌭𑌾𑌰𑍍𑌯𑍇 𑌵𑌿𑌮𑌤𑌿𑌂 𑌕𑍁𑌰𑍁𑌷𑍍𑌵 𑌲𑍋𑌕𑍋 𑌹𑌿 𑌸𑌰𑍍𑌵𑍋 𑌵𑌿𑌹𑌿𑌤𑍋 𑌵𑌿𑌧𑌾𑌤𑍍𑌰𑌾 ।
𑌤𑌂 𑌚𑍈𑌵 𑌸𑌰𑍍𑌵𑌂 𑌸𑍁𑌖𑌦𑍁𑌃𑌖𑌯𑍋𑌗𑌂 𑌲𑍋𑌕𑍋𑌽𑌬𑍍𑌰𑌵𑍀𑌤𑍍𑌤𑍇𑌨 𑌕𑍃𑌤𑌂 𑌵𑌿𑌧𑌾𑌤𑍍𑌰𑌾 ॥ 42 ॥
𑌤𑍍𑌰𑌯𑍋𑌽𑌹𑌿 𑌲𑍋𑌕𑌾 𑌵𑌿𑌹𑌿𑌤𑌂 𑌵𑌿𑌧𑌾𑌨𑌂 𑌨𑌾𑌤𑌿𑌕𑍍𑌰𑌮𑌂𑌤𑍇 𑌵𑌶𑌗𑌾 𑌹𑌿 𑌤𑌸𑍍𑌯 ।
𑌪𑍍𑌰𑍀𑌤𑌿𑌂 𑌪𑌰𑌾𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌤𑌾𑌂 𑌤𑌥𑍈𑌵 𑌪𑍁𑌤𑍍𑌰𑌸𑍍𑌤𑍁 𑌤𑍇 𑌪𑍍𑌰𑌾𑌪𑍍𑌸𑍍𑌯𑌤𑌿 𑌯𑍌𑌵𑌰𑌾𑌜𑍍𑌯𑌮𑍍 ।
𑌧𑌾𑌤𑍍𑌰𑌾 𑌵𑌿𑌧𑌾𑌨𑌂 𑌵𑌿𑌹𑌿𑌤𑌂 𑌤𑌥𑍈𑌵 𑌨 𑌶𑍂𑌰𑌪𑌤𑍍𑌨𑌯𑌃 𑌪𑌰𑌿𑌦𑍇𑌵𑌯𑌂𑌤𑌿 ॥ 43 ॥
𑌆𑌶𑍍𑌵𑌾𑌸𑌿𑌤𑌾 𑌤𑍇𑌨 𑌤𑍁 𑌰𑌾𑌘𑌵𑍇𑌣 𑌪𑍍𑌰𑌭𑌾𑌵𑌯𑍁𑌕𑍍𑌤𑍇𑌨 𑌪𑌰𑌂𑌤𑌪𑍇𑌨 ।
𑌸𑌾 𑌵𑍀𑌰𑌪𑌤𑍍𑌨𑍀 𑌧𑍍𑌵𑌨𑌤𑌾 𑌮𑍁𑌖𑍇𑌨 𑌸𑍁𑌵𑍇𑌷𑌰𑍂𑌪𑌾 𑌵𑌿𑌰𑌰𑌾𑌮 𑌤𑌾𑌰𑌾 ॥ 44 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌚𑌤𑍁𑌰𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥
