𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।
𑌤𑌮𑍁𑌦𑍍𑌵𑍀𑌕𑍍𑌷𑍍𑌯 𑌮𑌹𑌾𑌬𑌾𑌹𑍁𑌃 𑌪𑌿𑌂𑌗𑌾𑌕𑍍𑌷𑌂 𑌪𑍁𑌰𑌤 𑌸𑍍𑌥𑌿𑌤𑌮𑍍 ।
𑌕𑍋𑌪𑍇𑌨 𑌮𑌹𑌤𑌾𑌽𑌵𑌿𑌷𑍍𑌟𑍋 𑌰𑌾𑌵𑌣𑍋 𑌲𑍋𑌕𑌰𑌾𑌵𑌣𑌃 ॥ 1 ॥
𑌶𑌂𑌕𑌾𑌹𑍃𑌤𑌾𑌤𑍍𑌮𑌾 𑌦𑌧𑍍𑌯𑍌 𑌸 𑌕𑌪𑍀𑌂𑌦𑍍𑌰𑌂 𑌤𑍇𑌜𑌸𑌾𑌵𑍃𑌤𑌮𑍍 ।
𑌕𑌿𑌮𑍇𑌷 𑌭𑌗𑌵𑌾𑌨𑍍𑌨𑌂𑌦𑍀 𑌭𑌵𑍇𑌤𑍍𑌸𑌾𑌕𑍍𑌷𑌾𑌦𑌿𑌹𑌾𑌗𑌤𑌃 ॥ 2 ॥
𑌯𑍇𑌨 𑌶𑌪𑍍𑌤𑍋𑌽𑌸𑍍𑌮𑌿 𑌕𑍈𑌲𑌾𑌸𑍇 𑌮𑌯𑌾 𑌸𑌂𑌚𑌾𑌲𑌿𑌤𑍇 𑌪𑍁𑌰𑌾 ।
𑌸𑍋𑌽𑌯𑌂 𑌵𑌾𑌨𑌰𑌮𑍂𑌰𑍍𑌤𑌿𑌸𑍍𑌸𑍍𑌯𑌾𑌤𑍍𑌕𑌿𑌂𑌸𑍍𑌵𑌿𑌦𑍍𑌬𑌾𑌣𑍋 𑌮𑌹𑌾𑌽𑌸𑍁𑌰𑌃 ॥ 3 ॥
𑌸 𑌰𑌾𑌜𑌾 𑌰𑍋𑌷𑌤𑌾𑌮𑍍𑌰𑌾𑌕𑍍𑌷𑌃 𑌪𑍍𑌰𑌹𑌸𑍍𑌤𑌂 𑌮𑌂𑌤𑍍𑌰𑌿𑌸𑌤𑍍𑌤𑌮𑌮𑍍 ।
𑌕𑌾𑌲𑌯𑍁𑌕𑍍𑌤𑌮𑍁𑌵𑌾𑌚𑍇𑌦𑌂 𑌵𑌚𑍋𑌽𑌵𑌿𑌪𑍁𑌲𑌮𑌰𑍍𑌥𑌵𑌤𑍍 ॥ 4 ॥
𑌦𑍁𑌰𑌾𑌤𑍍𑌮𑌾 𑌪𑍃𑌚𑍍𑌛𑍍𑌯𑌤𑌾𑌮𑍇𑌷 𑌕𑍁𑌤𑌃 𑌕𑌿𑌂 𑌵𑌾𑌤𑍍𑌰 𑌕𑌾𑌰𑌣𑌮𑍍 ।
𑌵𑌨𑌭𑌂𑌗𑍇 𑌚 𑌕𑍋𑌽𑌸𑍍𑌯𑌾𑌰𑍍𑌥𑍋 𑌰𑌾𑌕𑍍𑌷𑌸𑍀𑌨𑌾𑌂 𑌚 𑌤𑌰𑍍𑌜𑌨𑍇 ॥ 5 ॥
𑌮𑌤𑍍𑌪𑍁𑌰𑍀𑌮𑌪𑍍𑌰𑌧𑍃𑌷𑍍𑌯𑌾𑌂 𑌵𑌾𑌽𑌗𑌮𑌨𑍇 𑌕𑌿𑌂 𑌪𑍍𑌰𑌯𑍋𑌜𑌨𑌮𑍍 ।
𑌆𑌯𑍋𑌧𑌨𑍇 𑌵𑌾 𑌕𑌿𑌂 𑌕𑌾𑌰𑍍𑌯𑌂 𑌪𑍃𑌚𑍍𑌛𑌯𑌤𑌾𑌮𑍇𑌷 𑌦𑍁𑌰𑍍𑌮𑌤𑌿𑌃 ॥ 6 ॥
𑌰𑌾𑌵𑌣𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌪𑍍𑌰𑌹𑌸𑍍𑌤𑍋 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌸𑌮𑌾𑌶𑍍𑌵𑌸𑌿𑌹𑌿 𑌭𑌦𑍍𑌰𑌂 𑌤𑍇 𑌨 𑌭𑍀𑌃 𑌕𑌾𑌰𑍍𑌯𑌾 𑌤𑍍𑌵𑌯𑌾 𑌕𑌪𑍇 ॥ ॥
𑌯𑌦𑌿 𑌤𑌾𑌵𑌤𑍍𑌤𑍍𑌵𑌮𑌿𑌂𑌦𑍍𑌰𑍇𑌣 𑌪𑍍𑌰𑍇𑌷𑌿𑌤𑍋 𑌰𑌾𑌵𑌣𑌾𑌲𑌯𑌮𑍍 ।
𑌤𑌤𑍍𑌤𑍍𑌵𑌮𑌾𑌖𑍍𑌯𑌾𑌹𑌿 𑌮𑌾 𑌭𑍂𑌤𑍍𑌤𑍇 𑌭𑌯𑌂 𑌵𑌾𑌨𑌰 𑌮𑍋𑌕𑍍𑌷𑍍𑌯𑌸𑍇 ॥ ॥
𑌯𑌦𑌿 𑌵𑍈𑌶𑍍𑌰𑌵𑌣𑌸𑍍𑌯 𑌤𑍍𑌵𑌂 𑌯𑌮𑌸𑍍𑌯 𑌵𑌰𑍁𑌣𑌸𑍍𑌯 𑌚 ।
𑌚𑌾𑌰𑌰𑍂𑌪𑌮𑌿𑌦𑌂 𑌕𑍃𑌤𑍍𑌵𑌾 𑌪𑍍𑌰𑌵𑌿𑌷𑍍𑌟𑍋 𑌨𑌃 𑌪𑍁𑌰𑍀𑌮𑌿𑌮𑌾𑌮𑍍 ॥ ॥
𑌵𑌿𑌷𑍍𑌣𑍁𑌨𑌾 𑌪𑍍𑌰𑍇𑌷𑌿𑌤𑍋 𑌵𑌾𑌽𑌪𑌿 𑌦𑍂𑌤𑍋 𑌵𑌿𑌜𑌯𑌕𑌾𑌂𑌕𑍍𑌷𑌿𑌣𑌾 ।
𑌨 𑌹𑌿 𑌤𑍇 𑌵𑌾𑌨𑌰𑌂 𑌤𑍇𑌜𑍋 𑌰𑍂𑌪𑌮𑌾𑌤𑍍𑌰𑌂 𑌤𑍁 𑌵𑌾𑌨𑌰𑌮𑍍 ॥ 10 ॥
𑌤𑌤𑍍𑌤𑍍𑌵𑌤𑌃 𑌕𑌥𑌯𑌸𑍍𑌵𑌾𑌦𑍍𑌯 𑌤𑌤𑍋 𑌵𑌾𑌨𑌰 𑌮𑍋𑌕𑍍𑌷𑍍𑌯𑌸𑍇 ।
𑌅𑌨𑍃𑌤𑌂 𑌵𑌦𑌤𑌶𑍍𑌚𑌾𑌪𑌿 𑌦𑍁𑌰𑍍𑌲𑌭𑌂 𑌤𑌵 𑌜𑍀𑌵𑌿𑌤𑌮𑍍 ॥ 11 ॥
𑌅𑌥𑌵𑌾 𑌯𑌨𑍍𑌨𑌿𑌮𑌿𑌤𑍍𑌤𑌸𑍍𑌤𑍇 𑌪𑍍𑌰𑌵𑍇𑌶𑍋 𑌰𑌾𑌵𑌣𑌾𑌲𑌯𑍇 ।
𑌏𑌵𑌮𑍁𑌕𑍍𑌤𑍋 𑌹𑌰𑌿𑌶𑍍𑌰𑍇𑌷𑍍𑌠𑌸𑍍𑌤𑌦𑌾 𑌰𑌕𑍍𑌷𑍋𑌗𑌣𑍇𑌶𑍍𑌵𑌰𑌮𑍍 ॥ 12 ॥
𑌅𑌬𑍍𑌰𑌵𑍀𑌨𑍍𑌨𑌾𑌸𑍍𑌮𑌿 𑌶𑌕𑍍𑌰𑌸𑍍𑌯 𑌯𑌮𑌸𑍍𑌯 𑌵𑌰𑍁𑌣𑌸𑍍𑌯 𑌵𑌾 ।
𑌧𑌨𑌦𑍇𑌨 𑌨 𑌮𑍇 𑌸𑌖𑍍𑌯𑌂 𑌵𑌿𑌷𑍍𑌣𑍁𑌨𑌾 𑌨𑌾𑌸𑍍𑌮𑌿 𑌚𑍋𑌦𑌿𑌤𑌃 ॥ 13 ॥
𑌜𑌾𑌤𑌿𑌰𑍇𑌵 𑌮𑌮 𑌤𑍍𑌵𑍇𑌷𑌾 𑌵𑌾𑌨𑌰𑍋𑌽𑌹𑌮𑌿𑌹𑌾𑌗𑌤𑌃 ।
𑌦𑌰𑍍𑌶𑌨𑍇 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌦𑍁𑌰𑍍𑌲𑌭𑍇 𑌤𑌦𑌿𑌦𑌂 𑌮𑌯𑌾 ॥ 14 ॥
𑌵𑌨𑌂 𑌰𑌾𑌕𑍍𑌷𑌸𑌰𑌾𑌜𑌸𑍍𑌯 𑌦𑌰𑍍𑌶𑌨𑌾𑌰𑍍𑌥𑍇 𑌵𑌿𑌨𑌾𑌶𑌿𑌤𑌮𑍍 ।
𑌤𑌤𑌸𑍍𑌤𑍇 𑌰𑌾𑌕𑍍𑌷𑌸𑌾𑌃 𑌪𑍍𑌰𑌾𑌪𑍍𑌤𑌾 𑌬𑌲𑌿𑌨𑍋 𑌯𑍁𑌦𑍍𑌧𑌕𑌾𑌂𑌕𑍍𑌷𑌿𑌣𑌃 ।
𑌰𑌕𑍍𑌷𑌣𑌾𑌰𑍍𑌥𑌂 𑌤𑍁 𑌦𑍇𑌹𑌸𑍍𑌯 𑌪𑍍𑌰𑌤𑌿𑌯𑍁𑌦𑍍𑌧𑌾 𑌮𑌯𑌾 𑌰𑌣𑍇 ॥ 15 ॥
𑌅𑌸𑍍𑌤𑍍𑌰𑌪𑌾𑌶𑍈𑌰𑍍𑌨 𑌶𑌕𑍍𑌯𑍋𑌽𑌹𑌂 𑌬𑌦𑍍𑌧𑍁𑌂 𑌦𑍇𑌵𑌾𑌸𑍁𑌰𑍈𑌰𑌪𑌿 ॥ 16 ॥
𑌪𑌿𑌤𑌾𑌮𑌹𑌾𑌦𑍇𑌷 𑌵𑌰𑍋 𑌮𑌾𑌮𑌾𑌪𑍍𑌯𑍇𑌷𑍋𑌽𑌭𑍍𑌯𑍁𑌪𑌾𑌗𑌤𑌃 ।
𑌰𑌾𑌜𑌾𑌨𑌂 𑌦𑍍𑌰𑌷𑍍𑌟𑍁𑌕𑌾𑌮𑍇𑌨 𑌮𑌯𑌾𑌸𑍍𑌤𑍍𑌰𑌮𑌨𑍁𑌵𑌰𑍍𑌤𑌿𑌤𑌮𑍍 ॥ 1 ॥
𑌵𑌿𑌮𑍁𑌕𑍍𑌤𑍋 𑌹𑍍𑌯𑌹𑌮𑌸𑍍𑌤𑍍𑌰𑍇𑌣 𑌰𑌾𑌕𑍍𑌷𑌸𑍈𑌸𑍍𑌤𑍍𑌵𑌭𑌿𑌪𑍀𑌡𑌿𑌤𑌃 ।
𑌕𑍇𑌨𑌚𑌿𑌦𑍍𑌰𑌾𑌜𑌕𑌾𑌰𑍍𑌯𑍇𑌣 𑌸𑌂𑌪𑍍𑌰𑌾𑌪𑍍𑌤𑍋𑌽𑌸𑍍𑌮𑌿 𑌤𑌵𑌾𑌂𑌤𑌿𑌕𑌮𑍍 ॥ 1 ॥
𑌦𑍂𑌤𑍋𑌽𑌹𑌮𑌿𑌤𑌿 𑌵𑌿𑌜𑍍𑌞𑍇𑌯𑍋 𑌰𑌾𑌘𑌵𑌸𑍍𑌯𑌾𑌮𑌿𑌤𑍌𑌜𑌸𑌃 ।
𑌶𑍍𑌰𑍂𑌯𑌤𑌾𑌂 𑌚𑌾𑌪𑌿 𑌵𑌚𑌨𑌂 𑌮𑌮 𑌪𑌥𑍍𑌯𑌮𑌿𑌦𑌂 𑌪𑍍𑌰𑌭𑍋 ॥ 1 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥
