Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.43 𑌬𑌾𑌲𑌕𑌾𑌂𑌡 - 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌦𑍇𑌵𑌦𑍇𑌵𑍇 𑌗𑌤𑍇 𑌤𑌸𑍍𑌮𑌿𑌨𑍍 𑌸𑍋𑌽𑌂𑌗𑍁𑌷𑍍𑌠𑌾𑌗𑍍𑌰𑌨𑌿𑌪𑍀𑌡𑌿𑌤𑌾𑌮𑍍 ।
𑌕𑍃𑌤𑍍𑌵𑌾 𑌵𑌸𑍁𑌮𑌤𑍀𑌂 𑌰𑌾𑌮 𑌸𑌂𑌵𑌤𑍍𑌸𑌰𑌮𑍁𑌪𑌾𑌸𑌤 ॥ 1 ॥

𑌅𑌥 𑌸𑌂𑌵𑌤𑍍𑌸𑌰𑍇 𑌪𑍂𑌰𑍍𑌣𑍇 𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌉𑌮𑌾𑌪𑌤𑌿𑌃 𑌪𑌶𑍁𑌪𑌤𑍀 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 2 ॥

𑌪𑍍𑌰𑍀𑌤𑌸𑍍𑌤𑍇𑌽𑌹𑌂 𑌨𑌰𑌶𑍍𑌰𑍇𑌷𑍍𑌠 𑌕𑌰𑌿𑌷𑍍𑌯𑌾𑌮𑌿 𑌤𑌵 𑌪𑍍𑌰𑌿𑌯𑌮𑍍 ।
𑌶𑌿𑌰𑌸𑌾 𑌧𑌾𑌰𑌯𑌿𑌷𑍍𑌯𑌾𑌮𑌿 𑌶𑍈𑌲𑌰𑌾𑌜𑌸𑍁𑌤𑌾𑌮𑌹𑌮𑍍 ॥ 3 ॥

𑌤𑌤𑍋 𑌹𑍈𑌮𑌵𑌤𑍀 𑌜𑍍𑌯𑍇𑌷𑍍𑌠𑌾 𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌾 ।
𑌤𑌦𑌾 𑌸𑌾𑌤𑌿𑌮𑌹𑌦𑍍𑌰𑍂𑌪𑌂 𑌕𑍃𑌤𑍍𑌵𑌾 𑌵𑍇𑌗𑌂 𑌚 𑌦𑍁𑌸𑍍𑌸𑌹𑌮𑍍 ॥ 4 ॥

𑌆𑌕𑌾𑌶𑌾𑌦𑌪𑌤𑌦𑍍𑌰𑌾𑌮 𑌶𑌿𑌵𑍇 𑌶𑌿𑌵𑌶𑌿𑌰𑌸𑍍𑌯𑍁𑌤 ।
𑌅𑌚𑌿𑌂𑌤𑌯𑌚𑍍𑌚 𑌸𑌾 𑌦𑍇𑌵𑍀 𑌗𑌂𑌗𑌾 𑌪𑌰𑌮𑌦𑍁𑌰𑍍𑌧𑌰𑌾 ॥ 5 ॥

𑌵𑌿𑌶𑌾𑌮𑍍𑌯𑌹𑌂 𑌹𑌿 𑌪𑌾𑌤𑌾𑌲𑌂 𑌸𑍍𑌰𑍋𑌤𑌸𑌾 𑌗𑍃𑌹𑍍𑌯 𑌶𑌂𑌕𑌰𑌮𑍍 ।
𑌤𑌸𑍍𑌯𑌾𑌵𑌲𑍇𑌪𑌨𑌂 𑌜𑍍𑌞𑌾𑌤𑍍𑌵𑌾 𑌕𑍍𑌰𑍁𑌦𑍍𑌧𑌸𑍍𑌤𑍁 𑌭𑌗𑌵𑌾𑌨𑍍 𑌹𑌰𑌃 ॥ 6 ॥

𑌤𑌿𑌰𑍋𑌭𑌾𑌵𑌯𑌿𑌤𑍁𑌂 𑌬𑍁𑌦𑍍𑌧𑌿𑌂 𑌚𑌕𑍍𑌰𑍇 𑌤𑍍𑌰𑌿𑌨𑌯𑌨𑌸𑍍𑌤𑌦𑌾 ।
𑌸𑌾 𑌤𑌸𑍍𑌮𑌿𑌨𑍍 𑌪𑌤𑌿𑌤𑌾 𑌪𑍁𑌣𑍍𑌯𑌾 𑌪𑍁𑌣𑍍𑌯𑍇 𑌰𑍁𑌦𑍍𑌰𑌸𑍍𑌯 𑌮𑍂𑌰𑍍𑌧𑌨𑌿 ॥ 𑍭 ॥

𑌹𑌿𑌮𑌵𑌤𑍍𑌪𑍍𑌰𑌤𑌿𑌮𑍇 𑌰𑌾𑌮 𑌜𑌟𑌾𑌮𑌂𑌡𑌲𑌗𑌹𑍍𑌵𑌰𑍇 ।
𑌸𑌾 𑌕𑌥𑌂𑌚𑌿𑌨𑍍𑌮𑌹𑍀𑌂 𑌗𑌂𑌤𑍁𑌂 𑌨𑌾𑌶𑌕𑍍𑌨𑍋𑌦𑍍𑌯𑌤𑍍𑌨𑌮𑌾𑌸𑍍𑌥𑌿𑌤𑌾 ॥ 𑍮 ॥

𑌨𑍈𑌵 𑌨𑌿𑌰𑍍𑌗𑌮𑌨𑌂 𑌲𑍇𑌭𑍇 𑌜𑌟𑌾𑌮𑌂𑌡𑌲𑌮𑍋𑌹𑌿𑌤𑌾 ।
𑌤𑌤𑍍𑌰𑍈𑌵𑌾𑌬𑌂𑌭𑍍𑌰𑌮𑌦𑍍𑌦𑍇𑌵𑍀 𑌸𑌂𑌵𑌤𑍍𑌸𑌰𑌗𑌣𑌾𑌨𑍍 𑌬𑌹𑍂𑌨𑍍 ॥ 𑍯 ॥

𑌤𑌾𑌮𑌪𑌶𑍍𑌯𑌨𑍍𑌪𑍁𑌨𑌸𑍍𑌤𑌤𑍍𑌰 𑌤𑌪𑌃 𑌪𑌰𑌮𑌮𑌾𑌸𑍍𑌥𑌿𑌤𑌃 ।
𑌅𑌨𑍇𑌨 𑌤𑍋𑌷𑌿𑌤𑌶𑍍𑌚𑌾𑌭𑍂𑌦𑌤𑍍𑌯𑌰𑍍𑌥𑌂 𑌰𑌘𑍁𑌨𑌂𑌦𑌨 ॥ 10 ॥

𑌵𑌿𑌸𑌸𑌰𑍍𑌜 𑌤𑌤𑍋 𑌗𑌂𑌗𑌾𑌂 𑌹𑌰𑍋 𑌬𑌿𑌂𑌦𑍁𑌸𑌰𑌃 𑌪𑍍𑌰𑌤𑌿 ।
𑌤𑌸𑍍𑌯𑌾𑌂 𑌵𑌿𑌸𑍃𑌜𑍍𑌯𑌮𑌾𑌨𑌾𑌯𑌾𑌂 𑌸𑌪𑍍𑌤𑌸𑍍𑌰𑍋𑌤𑌾𑌂𑌸𑌿 𑌜𑌜𑍍𑌞𑌿𑌰𑍇 ॥ 11 ॥

𑌹𑍍𑌲𑌾𑌦𑌿𑌨𑍀 𑌪𑌾𑌵𑌨𑍀 𑌚𑍈𑌵 𑌨𑌲𑌿𑌨𑍀 𑌚 𑌤𑌥𑌾𑌽𑌪𑌰𑌾 ।
𑌤𑌿𑌸𑍍𑌰𑌃 𑌪𑍍𑌰𑌾𑌚𑍀𑌂 𑌦𑌿𑌶𑌂 𑌜𑌗𑍍𑌮𑍁𑌃 𑌗𑌂𑌗𑌾𑌶𑍍𑌶𑌿𑌵𑌜𑌲𑌾𑌶𑍍𑌶𑍁𑌭𑌾𑌃 ॥ 12 ॥

𑌸𑍁𑌚𑌕𑍍𑌷𑍁𑌶𑍍𑌚𑍈𑌵 𑌸𑍀𑌤𑌾 𑌚 𑌸𑌿𑌂𑌧𑍁𑌶𑍍𑌚𑍈𑌵 𑌮𑌹𑌾𑌨𑌦𑍀 ।
𑌤𑌿𑌸𑍍𑌰𑌸𑍍𑌤𑍍𑌵𑍇𑌤𑌾 𑌦𑌿𑌶𑌂 𑌜𑌗𑍍𑌮𑍁𑌃 𑌪𑍍𑌰𑌤𑍀𑌚𑍀𑌂 𑌤𑍁 𑌶𑍁𑌭𑍋𑌦𑌕𑌾𑌃 ॥ 13 ॥

𑌸𑌪𑍍𑌤𑌮𑍀 𑌚𑌾𑌨𑍍𑌵𑌗𑌾𑌤𑍍𑌤𑌾𑌸𑌾𑌂 𑌭𑌗𑍀𑌰𑌥𑌮𑌥𑍋 𑌨𑍃𑌪𑌮𑍍 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌰𑍍𑌷𑌿𑌰𑍍𑌦𑌿𑌵𑍍𑌯𑌂 𑌸𑍍𑌯𑌂𑌦𑌨𑌮𑌾𑌸𑍍𑌥𑌿𑌤𑌃 ॥ 14 ॥

𑌪𑍍𑌰𑌾𑌯𑌾𑌦𑌗𑍍𑌰𑍇 𑌮𑌹𑌾𑌤𑍇𑌜𑌾 𑌗𑌂𑌗𑌾 𑌤𑌂 𑌚𑌾𑌪𑍍𑌯𑌨𑍁𑌵𑍍𑌰𑌜𑌤𑍍 ।
𑌗𑌗𑌨𑌾𑌚𑍍𑌛𑌂𑌕𑌰𑌶𑌿𑌰𑌸𑍍𑌤𑌤𑍋 𑌧𑌰𑌣𑌿𑌮𑌾𑌶𑍍𑌰𑌿𑌤𑌾 ॥ 15 ॥

𑌵𑍍𑌯𑌸𑌰𑍍𑌪𑌤 𑌜𑌲𑌂 𑌤𑌤𑍍𑌰 𑌤𑍀𑌵𑍍𑌰𑌶𑌬𑍍𑌦𑌪𑍁𑌰𑌸𑍍𑌕𑍃𑌤𑌮𑍍 ।
𑌮𑌤𑍍𑌸𑍍𑌯𑌕𑌚𑍍𑌛𑌪𑌸𑌂𑌘𑍈𑌶𑍍𑌚 𑌶𑌿𑌂𑌶𑍁𑌮𑌾𑌰𑌗𑌣𑍈𑌸𑍍𑌤𑌦𑌾 ॥ 16 ॥

𑌪𑌤𑌦𑍍𑌭𑌿𑌃 𑌪𑌤𑌿𑌤𑍈𑌶𑍍𑌚𑌾𑌨𑍍𑌯𑍈𑌰𑍍𑌵𑍍𑌯𑌰𑍋𑌚𑌤 𑌵𑌸𑍁𑌂𑌧𑌰𑌾 ।
𑌤𑌤𑍋 𑌦𑍇𑌵𑌰𑍍𑌷𑌿𑌗𑌂𑌧𑌰𑍍𑌵𑌾 𑌯𑌕𑍍𑌷𑌸𑌿𑌦𑍍𑌧𑌗𑌣𑌾𑌸𑍍𑌤𑌦𑌾 ॥ 1𑍭 ॥

𑌵𑍍𑌯𑌲𑍋𑌕𑌯𑌂𑌤 𑌤𑍇 𑌤𑌤𑍍𑌰 𑌗𑌗𑌨𑌾𑌦𑍍𑌗𑌾𑌂 𑌗𑌤𑌾𑌂 𑌤𑌥𑌾 ।
𑌵𑌿𑌮𑌾𑌨𑍈𑌰𑍍𑌨𑌗𑌰𑌾𑌕𑌾𑌰𑍈𑌰𑍍𑌹𑌯𑍈𑌰𑍍𑌗𑌜𑌵𑌰𑍈𑌸𑍍𑌤𑌦𑌾 ॥ 1𑍮 ॥

𑌪𑌾𑌰𑌿𑌪𑍍𑌲𑌵𑌗𑌤𑍈𑌶𑍍𑌚𑌾𑌪𑌿 𑌦𑍇𑌵𑌤𑌾𑌸𑍍𑌤𑌤𑍍𑌰 𑌵𑌿𑌷𑍍𑌠𑌿𑌤𑌾𑌃 ।
𑌤𑌦𑌦𑍍𑌭𑍁𑌤𑌤𑌮𑌂 𑌲𑍋𑌕𑍇 𑌗𑌂𑌗𑌾𑌪𑌤𑌨𑌮𑍁𑌤𑍍𑌤𑌮𑌮𑍍 ॥ 1𑍯 ॥

𑌦𑌿𑌦𑍃𑌕𑍍𑌷𑌵𑍋 𑌦𑍇𑌵𑌗𑌣𑌾𑌃 𑌸𑌮𑍀𑌯𑍁𑌰𑌮𑌿𑌤𑍌𑌜𑌸𑌃 ।
𑌸𑌂𑌪𑌤𑌦𑍍𑌭𑌿𑌸𑍍𑌸𑍁𑌰𑌗𑌣𑍈𑌸𑍍𑌤𑍇𑌷𑌾𑌂 𑌚𑌾𑌭𑌰𑌣𑍌𑌜𑌸𑌾 ॥ 20 ॥

𑌶𑌤𑌾𑌦𑌿𑌤𑍍𑌯𑌮𑌿𑌵𑌾𑌭𑌾𑌤𑌿 𑌗𑌗𑌨𑌂 𑌗𑌤𑌤𑍋𑌯𑌦𑌮𑍍 ।
𑌶𑌿𑌂𑌶𑍁𑌮𑌾𑌰𑍋𑌰𑌗𑌗𑌣𑍈𑌰𑍍𑌮𑍀𑌨𑍈𑌰𑌪𑌿 𑌚 𑌚𑌂𑌚𑌲𑍈𑌃 ॥ 21 ॥

𑌵𑌿𑌦𑍍𑌯𑍁𑌦𑍍𑌭𑌿𑌰𑌿𑌵 𑌵𑌿𑌕𑍍𑌷𑌿𑌪𑍍𑌤𑌮𑌾𑌕𑌾𑌶𑌮𑌭𑌵𑌤𑍍𑌤𑌦𑌾 ।
𑌪𑌾𑌂𑌡𑌰𑍈𑌸𑍍𑌸𑌲𑌿𑌲𑍋𑌤𑍍𑌪𑍀𑌡𑍈𑌃 𑌕𑍀𑌰𑍍𑌯𑌮𑌾𑌣𑍈𑌸𑍍𑌸𑌹𑌸𑍍𑌰𑌧𑌾 ॥ 22 ॥

𑌶𑌾𑌰𑌦𑌾𑌭𑍍𑌰𑍈𑌰𑌿𑌵𑌾𑌕𑍀𑌰𑍍𑌣𑌂 𑌗𑌗𑌨𑌂 𑌹𑌂𑌸𑌸𑌂𑌪𑍍𑌲𑌵𑍈𑌃 ।
𑌕𑍍𑌵𑌚𑌿𑌦𑍍𑌦𑍍𑌰𑍁𑌤𑌤𑌰𑌂 𑌯𑌾𑌤𑌿 𑌕𑍁𑌟𑌿𑌲𑌂 𑌕𑍍𑌵𑌚𑌿𑌦𑌾𑌯𑌤𑌮𑍍 ॥ 23 ॥

𑌵𑌿𑌨𑌤𑌂 𑌕𑍍𑌵𑌚𑌿𑌦𑍁𑌦𑍍𑌧𑍂𑌤𑌂 𑌕𑍍𑌵𑌚𑌿𑌦𑍍𑌯𑌾𑌤𑌿 𑌶𑌨𑍈𑌶𑍍𑌶𑌨𑍈𑌃 ।
𑌸𑌲𑌿𑌲𑍇𑌨𑍈𑌵 𑌸𑌲𑌿𑌲𑌂 𑌕𑍍𑌵𑌚𑌿𑌦𑌭𑍍𑌯𑌾𑌹𑌤𑌂 𑌪𑍁𑌨𑌃 ॥ 24 ॥

𑌮𑍁𑌹𑍁𑌰𑍂𑌰𑍍𑌧𑍍𑌵𑌮𑍁𑌖𑌂 𑌗𑌤𑍍𑌵𑌾 𑌪𑌪𑌾𑌤 𑌵𑌸𑍁𑌧𑌾𑌤𑌲𑌮𑍍 ।
𑌤𑌚𑍍𑌛𑌂𑌕𑌰𑌶𑌿𑌰𑍋𑌭𑍍𑌰𑌷𑍍𑌟𑌂 𑌭𑍍𑌰𑌷𑍍𑌟𑌂 𑌭𑍂𑌮𑌿𑌤𑌲𑍇 𑌪𑍁𑌨𑌃 ॥ 25 ॥

𑌵𑍍𑌯𑌰𑍋𑌚𑌤 𑌤𑌦𑌾 𑌤𑍋𑌯𑌂 𑌨𑌿𑌰𑍍𑌮𑌲𑌂 𑌗𑌤𑌕𑌲𑍍𑌮𑌷𑌮𑍍 ।
𑌤𑌤𑍍𑌰 𑌦𑍇𑌵𑌰𑍍𑌷𑌿𑌗𑌂𑌧𑌰𑍍𑌵𑌾 𑌵𑌸𑍁𑌧𑌾𑌤𑌲𑌵𑌾𑌸𑌿𑌨𑌃 ॥ 26 ॥

𑌭𑌵𑌾𑌂𑌗𑌪𑌤𑌿𑌤𑌂 𑌤𑍋𑌯𑌂 𑌪𑌵𑌿𑌤𑍍𑌰𑌮𑌿𑌤𑌿 𑌪𑌸𑍍𑌪𑍃𑌶𑍁𑌃 ।
𑌶𑌾𑌪𑌾𑌤𑍍𑌪𑍍𑌰𑌪𑌤𑌿𑌤𑌾 𑌯𑍇 𑌚 𑌗𑌗𑌨𑌾𑌦𑍍𑌵𑌸𑍁𑌧𑌾𑌤𑌲𑌮𑍍 ॥ 2𑍭 ॥

𑌕𑍃𑌤𑍍𑌵𑌾 𑌤𑌤𑍍𑌰𑌾𑌭𑌿𑌷𑍇𑌕𑌂 𑌤𑍇 𑌬𑌭𑍂𑌵𑍁𑌰𑍍𑌗𑌤𑌕𑌲𑍍𑌮𑌷𑌾𑌃 ।
𑌧𑍂𑌤𑌪𑌾𑌪𑌾𑌃 𑌪𑍁𑌨𑌸𑍍𑌤𑍇𑌨 𑌤𑍋𑌯𑍇𑌨𑌾𑌥 𑌸𑍁𑌭𑌾𑌸𑍍𑌵𑌤𑌾 ॥ 2𑍮 ॥

𑌪𑍁𑌨𑌰𑌾𑌕𑌾𑌶𑌮𑌾𑌵𑌿𑌶𑍍𑌯 𑌸𑍍𑌵𑌾𑌨𑍍 𑌲𑍋𑌕𑌾𑌨𑍍 𑌪𑍍𑌰𑌤𑌿𑌪𑍇𑌦𑌿𑌰𑍇 ।
𑌮𑍁𑌮𑍁𑌦𑍇 𑌮𑍁𑌦𑌿𑌤𑍋 𑌲𑍋𑌕𑌸𑍍𑌤𑍇𑌨 𑌤𑍋𑌯𑍇𑌨 𑌭𑌾𑌸𑍍𑌵𑌤𑌾 ॥ 2𑍯 ॥

𑌕𑍃𑌤𑌾𑌭𑌿𑌷𑍇𑌕𑍋 𑌗𑌂𑌗𑌾𑌯𑌾𑌂 𑌬𑌭𑍂𑌵 𑌵𑌿𑌗𑌤𑌕𑍍𑌲𑌮𑌃 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌾𑌰𑍍𑌷𑌿𑌰𑍍𑌦𑌿𑌵𑍍𑌯𑌂 𑌸𑍍𑌯𑌂𑌦𑌨𑌮𑌾𑌸𑍍𑌥𑌿𑌤𑌃 ।
𑌪𑍍𑌰𑌾𑌯𑌾𑌦𑌗𑍍𑌰𑍇 𑌮𑌹𑌾𑌤𑍇𑌜𑌾𑌸𑍍𑌤𑌂 𑌗𑌂𑌗𑌾 𑌪𑍃𑌷𑍍𑌠𑌤𑍋𑌽𑌨𑍍𑌵𑌗𑌾𑌤𑍍 ॥ 30 ॥

𑌦𑍇𑌵𑌾𑌸𑍍𑌸𑌰𑍍𑌷𑌿𑌗𑌣𑌾𑌃 𑌸𑌰𑍍𑌵𑍇 𑌦𑍈𑌤𑍍𑌯𑌦𑌾𑌨𑌵𑌰𑌾𑌕𑍍𑌷𑌸𑌾𑌃 ॥ 31 ॥

𑌗𑌂𑌧𑌰𑍍𑌵𑌯𑌕𑍍𑌷𑌪𑍍𑌰𑌵𑌰𑌾𑌸𑍍𑌸𑌕𑌿𑌨𑍍𑌨𑌰𑌮𑌹𑍋𑌰𑌗𑌾𑌃 ।
𑌸𑌰𑍍𑌵𑌾𑌶𑍍𑌚𑌾𑌪𑍍𑌸𑌰𑌸𑍋 𑌰𑌾𑌮 𑌭𑌗𑍀𑌰𑌥𑌰𑌥𑌾𑌨𑍁𑌗𑌾𑌮𑍍 ॥ 32 ॥

𑌗𑌂𑌗𑌾𑌮𑌨𑍍𑌵𑌗𑌮𑌨𑍍 𑌪𑍍𑌰𑍀𑌤𑌾𑌸𑍍𑌸𑌰𑍍𑌵𑍇 𑌜𑌲𑌚𑌰𑌾𑌶𑍍𑌚 𑌯𑍇 ।
𑌯𑌤𑍋 𑌭𑌗𑍀𑌰𑌥𑍋 𑌰𑌾𑌜𑌾 𑌤𑌤𑍋 𑌗𑌂𑌗𑌾𑌯𑌶𑌸𑍍𑌵𑌿𑌨𑍀 ॥ 33 ॥

𑌜𑌗𑌾𑌮 𑌸𑌰𑌿𑌤𑌾𑌂 𑌶𑍍𑌰𑍇𑌷𑍍𑌠𑌾 𑌸𑌰𑍍𑌵𑌪𑌾𑌪𑌪𑍍𑌰𑌣𑌾𑌶𑌿𑌨𑍀 ।
𑌤𑌤𑍋 𑌹𑌿 𑌯𑌜𑌮𑌾𑌨𑌸𑍍𑌯 𑌜𑌹𑍍𑌨𑍋𑌰𑌦𑍍𑌭𑍁𑌤𑌕𑌰𑍍𑌮𑌣𑌃 ॥ 34 ॥

𑌗𑌂𑌗𑌾 𑌸𑌂𑌪𑍍𑌲𑌾𑌵𑌯𑌾𑌮𑌾𑌸 𑌯𑌜𑍍𑌞𑌵𑌾𑌟𑌂 𑌮𑌹𑌾𑌤𑍍𑌮𑌨𑌃 ।
𑌤𑌸𑍍𑌯𑌾𑌵𑌲𑍇𑌪𑌨𑌂 𑌜𑍍𑌞𑌾𑌤𑍍𑌵𑌾 𑌕𑍍𑌰𑍁𑌦𑍍𑌧𑍋 𑌯𑌜𑍍𑌵𑌾 𑌤𑍁 𑌰𑌾𑌘𑌵 ॥ 35 ॥

𑌅𑌪𑌿𑌬𑌚𑍍𑌚 𑌜𑌲𑌂 𑌸𑌰𑍍𑌵𑌂 𑌗𑌂𑌗𑌾𑌯𑌾𑌃 𑌪𑌰𑌮𑌾𑌦𑍍𑌭𑍁𑌤𑌮𑍍 ।
𑌤𑌤𑍋 𑌦𑍇𑌵𑌾𑌸𑍍𑌸𑌗𑌂𑌧𑌰𑍍𑌵𑌾 𑌋𑌷𑌯𑌶𑍍𑌚 𑌸𑍁𑌵𑌿𑌸𑍍𑌮𑌿𑌤𑌾𑌃 ॥ 36 ॥

𑌪𑍂𑌜𑌯𑌂𑌤𑌿 𑌮𑌹𑌾𑌤𑍍𑌮𑌾𑌨𑌂 𑌜𑌹𑍍𑌨𑍁𑌂 𑌪𑍁𑌰𑍁𑌷𑌸𑌤𑍍𑌤𑌮𑌮𑍍 ।
𑌗𑌂𑌗𑌾𑌂 𑌚𑌾𑌪𑌿 𑌨𑌯𑌂𑌤𑌿 𑌸𑍍𑌮 𑌦𑍁𑌹𑌿𑌤𑍃𑌤𑍍𑌵𑍇 𑌮𑌹𑌾𑌤𑍍𑌮𑌨𑌃 ॥ 3𑍭 ॥

𑌤𑌤𑌸𑍍𑌤𑍁𑌷𑍍𑌟𑍋 𑌮𑌹𑌾𑌤𑍇𑌜𑌾𑌶𑍍𑌶𑍍𑌰𑍋𑌤𑍍𑌰𑌾𑌭𑍍𑌯𑌾𑌮𑌸𑍃𑌜𑌤𑍍 𑌪𑍁𑌨𑌃 ॥ 3𑍮 ॥

𑌤𑌸𑍍𑌮𑌾𑌜𑍍𑌜𑌹𑍍𑌨𑍁𑌸𑍁𑌤𑌾 𑌗𑌂𑌗𑌾 𑌪𑍍𑌰𑍋𑌚𑍍𑌯𑌤𑍇 𑌜𑌾𑌹𑍍𑌨𑌵𑍀𑌤𑌿𑌚 ।
𑌜𑌗𑌾𑌮 𑌚 𑌪𑍁𑌨𑌰𑍍𑌗𑌂𑌗𑌾 𑌭𑌗𑍀𑌰𑌥𑌰𑌥𑌾𑌨𑍁𑌗𑌾 ।
𑌸𑌾𑌗𑌰𑌂 𑌚𑌾𑌪𑌿 𑌸𑌂𑌪𑍍𑌰𑌾𑌪𑍍𑌤𑌾 𑌸𑌾 𑌸𑌰𑌿𑌤𑍍𑌪𑍍𑌰𑌵𑌰𑌾 𑌤𑌦𑌾 ॥ 3𑍯 ॥

𑌰𑌸𑌾𑌤𑌲𑌮𑍁𑌪𑌾𑌗𑌚𑍍𑌛𑌤𑍍𑌸𑌿𑌦𑍍𑌧𑍍𑌯𑌰𑍍𑌥𑌂 𑌤𑌸𑍍𑌯 𑌕𑌰𑍍𑌮𑌣𑌃 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌰𑍍𑌷𑌿𑌃 𑌗𑌂𑌗𑌾𑌮𑌾𑌦𑌾𑌯 𑌯𑌤𑍍𑌨𑌤𑌃 ।
𑌪𑌿𑌤𑌾𑌮𑌹𑌾𑌨𑍍 𑌭𑌸𑍍𑌮𑌕𑍃𑌤𑌾𑌨𑌪𑌶𑍍𑌯𑌦𑍍𑌦𑍀𑌨𑌚𑍇𑌤𑌨𑌃 ॥ 40 ॥

𑌅𑌥 𑌤𑌦𑍍𑌭𑌸𑍍𑌮𑌨𑌾𑌂 𑌰𑌾𑌶𑌿𑌂 𑌗𑌂𑌗𑌾𑌸𑌲𑌿𑌲𑌮𑍁𑌤𑍍𑌤𑌮𑌮𑍍 ।
𑌪𑍍𑌲𑌾𑌵𑌯𑌦𑍍𑌧𑍂𑌤𑌪𑌾𑌪𑍍𑌮𑌾𑌨𑌸𑍍𑌸𑍍𑌵𑌰𑍍𑌗𑌂 𑌪𑍍𑌰𑌾𑌪𑍍𑌤𑌾 𑌰𑌘𑍂𑌤𑍍𑌤𑌮 ॥ 41 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: