𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ।
𑌤𑌤𑌶𑍍𑌶𑌰𑍇𑌣𑌾𑌭𑌿𑌹𑌤𑍋 𑌰𑌾𑌮𑍇𑌣 𑌰𑌣𑌕𑌰𑍍𑌕𑌶𑌃 ।
𑌪𑌪𑌾𑌤 𑌸𑌹𑌸𑌾 𑌵𑌾𑌲𑍀 𑌨𑌿𑌕𑍃𑌤𑍍𑌤 𑌇𑌵 𑌪𑌾𑌦𑌪𑌃 ॥ 1 ॥
𑌸 𑌭𑍂𑌮𑍌 𑌨𑍍𑌯𑌸𑍍𑌤𑌸𑌰𑍍𑌵𑌾𑌂𑌗𑌸𑍍𑌤𑌪𑍍𑌤𑌕𑌾𑌂𑌚𑌨𑌭𑍂𑌷𑌣𑌃 ।
𑌅𑌪𑌤𑌦𑍍𑌦𑍇𑌵𑌰𑌾𑌜𑌸𑍍𑌯 𑌮𑍁𑌕𑍍𑌤𑌰𑌶𑍍𑌮𑌿𑌰𑌿𑌵 𑌧𑍍𑌵𑌜𑌃 ॥ 2 ॥
𑌤𑌸𑍍𑌮𑌿𑌨𑍍𑌨𑌿𑌪𑌤𑌿𑌤𑍇 𑌭𑍂𑌮𑍌 𑌵𑌾𑌨𑌰𑌾𑌣𑌾𑌂 𑌗𑌣𑍇𑌶𑍍𑌵𑌰𑍇 ।
𑌨𑌷𑍍𑌟𑌚𑌂𑌦𑍍𑌰𑌮𑌿𑌵 𑌵𑍍𑌯𑍋𑌮 𑌨 𑌵𑍍𑌯𑌰𑌾𑌜𑌤 𑌭𑍂𑌤𑌲𑌮𑍍 ॥ 3 ॥
𑌭𑍂𑌮𑍌 𑌨𑌿𑌪𑌤𑌿𑌤𑌸𑍍𑌯𑌾𑌪𑌿 𑌤𑌸𑍍𑌯 𑌦𑍇𑌹𑌂 𑌮𑌹𑌾𑌤𑍍𑌮𑌨𑌃 ।
𑌨 𑌶𑍍𑌰𑍀𑌰𑍍𑌜𑌹𑌾𑌤𑌿 𑌨 𑌪𑍍𑌰𑌾𑌣𑌾 𑌨 𑌤𑍇𑌜𑍋 𑌨 𑌪𑌰𑌾𑌕𑍍𑌰𑌮𑌃 ॥ 4 ॥
𑌶𑌕𑍍𑌰𑌦𑌤𑍍𑌤𑌾 𑌵𑌰𑌾 𑌮𑌾𑌲𑌾 𑌕𑌾𑌂𑌚𑌨𑍀 𑌵𑌜𑍍𑌰𑌭𑍂𑌷𑌿𑌤𑌾 ।
𑌦𑌧𑌾𑌰 𑌹𑌰𑌿𑌮𑍁𑌖𑍍𑌯𑌸𑍍𑌯 𑌪𑍍𑌰𑌾𑌣𑌾𑌂𑌸𑍍𑌤𑍇𑌜𑍍𑌶𑌿𑌯𑌂 𑌚 𑌸𑌾 ॥ 5 ॥
𑌸 𑌤𑌯𑌾 𑌮𑌾𑌲𑌯𑌾 𑌵𑍀𑌰𑍋 𑌹𑍇𑌮𑌯𑌾 𑌹𑌰𑌿𑌯𑍂𑌥𑌪𑌃 ।
𑌸𑌂𑌧𑍍𑌯𑌾𑌨𑍁𑌗𑌤𑌪𑌰𑍍𑌯𑌂𑌤𑌃 𑌪𑌯𑍋𑌧𑌰 𑌇𑌵𑌾𑌭𑌵𑌤𑍍 ॥ 6 ॥
𑌤𑌸𑍍𑌯 𑌮𑌾𑌲𑌾 𑌚 𑌦𑍇𑌹𑌶𑍍𑌚 𑌮𑌰𑍍𑌮𑌘𑌾𑌤𑍀 𑌚 𑌯𑌶𑍍𑌶𑌰𑌃 ।
𑌤𑍍𑌰𑌿𑌧𑍇𑌵 𑌰𑌚𑌿𑌤𑌾 𑌲𑌕𑍍𑌷𑍍𑌮𑍀𑌃 𑌪𑌤𑌿𑌤𑌸𑍍𑌯𑌾𑌪𑌿 𑌶𑍋𑌭𑌤𑍇 ॥ ॥
𑌤𑌦𑌸𑍍𑌤𑍍𑌰𑌂 𑌤𑌸𑍍𑌯 𑌵𑍀𑌰𑌸𑍍𑌯 𑌸𑍍𑌵𑌰𑍍𑌗𑌮𑌾𑌰𑍍𑌗𑌪𑍍𑌰𑌭𑌾𑌵𑌨𑌮𑍍 ।
𑌰𑌾𑌮𑌬𑌾𑌣𑌾𑌸𑌨𑌕𑍍𑌷𑌿𑌪𑍍𑌤𑌮𑌾𑌵𑌹𑌤𑍍𑌪𑌰𑌮𑌾𑌂 𑌗𑌤𑌿𑌮𑍍 ॥ ॥
𑌤𑌂 𑌤𑌦𑌾 𑌪𑌤𑌿𑌤𑌂 𑌸𑌂𑌖𑍍𑌯𑍇 𑌗𑌤𑌾𑌰𑍍𑌚𑌿𑌷𑌮𑌿𑌵𑌾𑌨𑌲𑌮𑍍 ।
𑌬𑌹𑍁𑌮𑌾𑌨𑍍𑌯 𑌚 𑌤𑌂 𑌵𑍀𑌰 𑌵𑍀𑌕𑍍𑌷𑌮𑌾𑌣𑌂 𑌶𑌨𑍈𑌰𑌿𑌵 ॥ ॥
𑌯𑌯𑌾𑌤𑌿𑌮𑌿𑌵 𑌪𑍁𑌣𑍍𑌯𑌾𑌂𑌤𑍇 𑌦𑍇𑌵𑌲𑍋𑌕𑌾𑌦𑌿𑌹𑌚𑍍𑌯𑍁𑌤𑌮𑍍 ।
𑌆𑌦𑌿𑌤𑍍𑌯𑌮𑌿𑌵 𑌕𑌾𑌲𑍇𑌨 𑌯𑍁𑌗𑌾𑌂𑌤𑍇 𑌭𑍁𑌵𑌿 𑌪𑌾𑌤𑌿𑌤𑌮𑍍 ॥ 10 ॥
𑌮𑌹𑍇𑌂𑌦𑍍𑌰𑌮𑌿𑌵 𑌦𑍁𑌰𑍍𑌧𑌰𑍍𑌷𑌂𑌮𑍁𑌪𑍇𑌂𑌦𑍍𑌰𑌮𑌿𑌵 𑌦𑍁𑌸𑍍𑌸𑌹𑌮𑍍 ।
𑌮𑌹𑍇𑌂𑌦𑍍𑌰𑌪𑍁𑌤𑍍𑌰𑌂 𑌪𑌤𑌿𑌤𑌂 𑌵𑌾𑌲𑌿𑌨𑌂 𑌹𑍇𑌮𑌮𑌾𑌲𑌿𑌨𑌮𑍍 ॥ 11 ॥
𑌸𑌿𑌂𑌹𑍋𑌰𑌸𑍍𑌕𑌂 𑌮𑌹𑌾𑌬𑌾𑌹𑍁𑌂 𑌦𑍀𑌪𑍍𑌤𑌾𑌸𑍍𑌯𑌂 𑌹𑌰𑌿𑌲𑍋𑌚𑌨𑌮𑍍 ।
𑌲𑌕𑍍𑌷𑍍𑌮𑌣𑌾𑌨𑍁𑌗𑌤𑍋 𑌰𑌾𑌮𑍋 𑌦𑌦𑌰𑍍𑌶𑍋𑌪𑌸𑌸𑌰𑍍𑌪 𑌚 ॥ 12 ॥
𑌤𑌂 𑌦𑍃𑌷𑍍𑌟𑍍𑌵𑌾 𑌰𑌾𑌘𑌵𑌂 𑌵𑌾𑌲𑍀 𑌲𑌕𑍍𑌷𑍍𑌮𑌣𑌂 𑌚 𑌮𑌹𑌾𑌬𑌲𑌮𑍍 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌶𑍍𑌰𑌿𑌤𑌂 𑌵𑌾𑌕𑍍𑌯𑌂 𑌪𑌰𑍁𑌷𑌂 𑌧𑌰𑍍𑌮𑌸𑌂𑌹𑌿𑌤𑌮𑍍 ॥ 13 ॥
𑌤𑍍𑌵𑌂 𑌨𑌰𑌾𑌧𑌿𑌪𑌤𑍇𑌃 𑌪𑍁𑌤𑍍𑌰𑌃 𑌪𑍍𑌰𑌥𑌿𑌤𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 𑌕𑍁𑌲𑍀𑌨𑌸𑍍𑌸𑌤𑍍𑌤𑍍𑌵𑌸𑌂𑌪𑌨𑍍𑌨 𑌸𑍍𑌤𑍇𑌜𑌸𑍍𑌵𑍀 𑌚𑌰𑌿𑌤𑌵𑍍𑌰𑌤𑌃 ॥ 14 ॥
𑌪𑌰𑌾𑌙𑍍𑌮𑍁𑌖𑌵𑌧𑌂 𑌕𑍃𑌤𑍍𑌵𑌾 𑌕𑍋𑌽𑌤𑍍𑌰 𑌪𑍍𑌰𑌾𑌪𑍍𑌤𑌸𑍍𑌤𑍍𑌵𑌯𑌾 𑌗𑍁𑌣𑌃 ।
𑌯𑌦𑌹𑌂 𑌯𑍁𑌦𑍍𑌧𑌸𑌂𑌰𑌬𑍍𑌧𑌶𑍍𑌶𑌰𑍇𑌣𑍋𑌰𑌸𑌿 𑌤𑌾𑌡𑌿𑌤𑌃 ॥ 15 ॥
𑌰𑌾𑌮𑌃 𑌕𑌰𑍁𑌣𑌵𑍇𑌦𑍀 𑌚 𑌪𑍍𑌰𑌜𑌾𑌨𑌾𑌂 𑌚 𑌹𑌿𑌤𑍇 𑌰𑌤𑌃 ।
𑌸𑌾𑌨𑍁𑌕𑍍𑌰𑍋𑌶𑍋 𑌜𑌿𑌤𑍋𑌤𑍍𑌸𑌾𑌹𑌸𑍍𑌸𑌮𑌯𑌜𑍍𑌞𑍋 𑌦𑍃𑌢𑌵𑍍𑌰𑌤𑌃 ॥ 16 ॥
𑌇𑌤𑌿 𑌤𑍇 𑌸𑌰𑍍𑌵𑌭𑍂𑌤𑌾𑌨𑌿 𑌕𑌥𑌯𑌂𑌤𑌿 𑌯𑌶𑍋 𑌭𑍁𑌵𑌿 ॥ 1 ॥
𑌦𑌮𑌶𑍍𑌶𑌮𑌃 𑌕𑍍𑌷𑌮𑌾 𑌧𑌰𑍍𑌮𑍋 𑌧𑍃𑌤𑌿𑌸𑍍𑌸𑌤𑍍𑌯𑌂 𑌪𑌰𑌾𑌕𑍍𑌰𑌮𑌃 ।
𑌪𑌾𑌰𑍍𑌥𑌿𑌵𑌾𑌨𑌾𑌂 𑌗𑍁𑌣𑌾 𑌰𑌾𑌜𑌂𑌦𑌂𑌡𑌶𑍍𑌚𑌾𑌪𑍍𑌯𑌪𑌰𑌾𑌧𑌿𑌷𑍁 ॥ 1 ॥
𑌤𑌾𑌨𑍍𑌗𑍁𑌣𑌾𑌨𑍍𑌸𑌂𑌪𑍍𑌰𑌧𑌾𑌰𑍍𑌯𑌾𑌹𑌮𑌗𑍍𑌰𑍍𑌯𑌂 𑌚𑌾𑌭𑌿𑌜𑌨𑌂 𑌤𑌵 ।
𑌤𑌾𑌰𑌯𑌾 𑌪𑍍𑌰𑌤𑌿𑌷𑌿𑌦𑍍𑌧𑍋𑌽𑌪𑌿 𑌸𑍁𑌗𑍍𑌰𑍀𑌵𑍇𑌣 𑌸𑌮𑌾𑌗𑌤𑌃 ॥ 1 ॥
𑌨 𑌮𑌾𑌮𑌨𑍍𑌯𑍇𑌨 𑌸𑌮𑍍𑌰𑌬𑍍𑌧𑌂 𑌪𑍍𑌰𑌮𑌤𑍍𑌤𑌂 𑌯𑍋𑌦𑍍𑌧𑍁 𑌮𑌰𑍍𑌹𑌸𑌿 ।
𑌇𑌤𑌿 𑌮𑍇 𑌬𑍁𑌦𑍍𑌧𑌿𑌰𑍁𑌤𑍍𑌪𑌨𑍍𑌨𑌾 𑌬𑌭𑍂𑌵𑌾𑌦𑌰𑍍𑌶𑌨𑍇 𑌤𑌵 ॥ 20 ॥
𑌨 𑌤𑍍𑌵𑌾𑌂 𑌵𑌿𑌨𑌿𑌹𑌤𑌾𑌤𑍍𑌮𑌾𑌨𑌂 𑌧𑌰𑍍𑌮𑌧𑍍𑌵𑌜𑌮𑌧𑌾𑌰𑍍𑌮𑌿𑌕𑌮𑍍 ।
𑌜𑌾𑌨𑍇 𑌪𑌾𑌪𑌸𑌮𑌾𑌚𑌾𑌰𑌂 𑌤𑍃𑌣𑍈𑌃 𑌕𑍂𑌪𑌮𑌿𑌵𑌾𑌵𑍃𑌤𑌮𑍍 ॥ 21 ॥
𑌸𑌤𑌾𑌂 𑌵𑍇𑌷𑌧𑌰𑌂 𑌪𑌾𑌪𑌂 𑌪𑍍𑌰𑌚𑍍𑌛𑌨𑍍𑌨𑌮𑌿𑌵 𑌪𑌾𑌵𑌕𑌮𑍍 ।
𑌨𑌾𑌹𑌂 𑌤𑍍𑌵𑌾𑌮𑌭𑌿𑌜𑌾𑌨𑌾𑌮𑌿 𑌧𑌰𑍍𑌮𑌚𑍍𑌛𑌦𑍍𑌮𑌾𑌭𑌿𑌸𑌂𑌵𑍃𑌤𑌮𑍍 ॥ 22 ॥
𑌵𑌿𑌷𑌯𑍇 𑌵𑌾 𑌪𑍁𑌰𑍇 𑌵𑌾 𑌤𑍇 𑌯𑌦𑌾 𑌪𑌾𑌪𑌂 𑌕𑌰𑍋𑌮𑍍𑌯𑌹𑌮𑍍 ।
𑌨 𑌚 𑌤𑍍𑌵𑌾𑌮𑌵𑌜𑌾𑌨𑍇 𑌚 𑌕𑌸𑍍𑌮𑌾𑌤𑍍𑌤𑍍𑌵𑌂 𑌹𑌂𑌸𑍍𑌯𑌕𑌿𑌲𑍍𑌬𑌿𑌷𑌮𑍍 ॥ 23 ॥
𑌫𑌲𑌮𑍂𑌲𑌾𑌶𑌨𑌂 𑌨𑌿𑌤𑍍𑌯𑌂 𑌵𑌾𑌨𑌰𑌂 𑌵𑌨𑌗𑍋𑌚𑌰𑌮𑍍 ।
𑌮𑌾𑌮𑌿𑌹𑌾𑌪𑍍𑌰𑌤𑌿𑌯𑍁𑌧𑍍𑌯𑌂𑌤𑌮𑌨𑍍𑌯𑍇𑌨 𑌚 𑌸𑌮𑌾𑌗𑌤𑌮𑍍 ॥ 24 ॥
𑌤𑍍𑌵𑌂 𑌨𑌰𑌾𑌧𑌿𑌪𑌤𑍇𑌃 𑌪𑍁𑌤𑍍𑌰𑌃 𑌪𑍍𑌰𑌤𑍀𑌤𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌲𑌿𑌂𑌗𑌮𑌪𑍍𑌯𑌸𑍍𑌤𑌿 𑌤𑍇 𑌰𑌾𑌜𑌨𑌂𑌦𑍃𑌶𑍍𑌯𑌤𑍇 𑌧𑌰𑍍𑌮𑌸𑌂𑌹𑌿𑌤𑌮𑍍 ॥ 25 ॥
𑌕𑌃 𑌕𑍍𑌷𑌤𑍍𑌰𑌿𑌯𑌕𑍁𑌲𑍇 𑌜𑌾𑌤𑍍𑌶𑍃𑌤𑌵𑌾𑌨𑍍𑌨𑌷𑍍𑌟𑌸𑌂𑌶𑌯𑌃 ।
𑌧𑌰𑍍𑌮𑌲𑌿𑌂𑌗𑌪𑍍𑌰𑌤𑌿𑌚𑍍𑌛𑌨𑍍𑌨 𑌕𑍍𑌰𑍂𑌰𑌂 𑌕𑌰𑍍𑌮 𑌸𑌮𑌾𑌚𑌰𑍇𑌤𑍍 ॥ 26 ॥
𑌰𑌾𑌮 𑌰𑌾𑌜𑌕𑍁𑌲𑍇 𑌜𑌾𑌤𑍋 𑌧𑌰𑍍𑌮𑌵𑌾𑌨𑌿𑌤𑌿 𑌵𑌿𑌶𑍍𑌰𑍁𑌤𑌃 ॥ 2 ॥
𑌅𑌭𑌵𑍍𑌯𑍋 𑌭𑌵𑍍𑌯𑌰𑍂𑌪𑍇𑌣 𑌕𑌿𑌮𑌰𑍍𑌥𑌂 𑌪𑌰𑌿𑌧𑌾𑌵𑌸𑌿 ।
𑌸𑌾𑌮 𑌦𑌾𑌨𑌂 𑌕𑍍𑌷𑌮𑌾 𑌧𑌰𑍍𑌮𑌸𑍍𑌸𑌤𑍍𑌯𑌂 𑌧𑍃𑌤𑌿𑌪𑌰𑌾𑌕𑍍𑌰𑌮𑍌 ।
𑌪𑌾𑌰𑍍𑌥𑌿𑌵𑌾𑌨𑌾𑌂 𑌗𑍁𑌣𑌾 𑌰𑌾𑌜𑌨𑍍 𑌦𑌂𑌡𑌶𑍍𑌚𑌾𑌪𑍍𑌯𑌪𑌰𑌾𑌧𑌿𑌷𑍁 ॥ 2 ॥
𑌵𑌯𑌂 𑌵𑌨𑌚𑌰𑌾 𑌰𑌾𑌮 𑌮𑍃𑌗𑌾 𑌮𑍂𑌲𑌫𑌲𑌾𑌶𑌨𑌾𑌃 ।
𑌏𑌷𑌾 𑌪𑍍𑌰𑌕𑍃𑌤𑌿𑌰𑌸𑍍𑌮𑌾𑌕𑌂 𑌪𑍁𑌰𑍁𑌷𑌸𑍍𑌤𑍍𑌵𑌂 𑌨𑌰𑍇𑌶𑍍𑌵𑌰𑌃 ॥ 2 ॥
𑌭𑍂𑌮𑌿𑌰𑍍𑌹𑌿𑌰𑌣𑍍𑌯𑌂 𑌰𑍂𑌪𑍍𑌯𑌂 𑌚 𑌵𑌿𑌗𑍍𑌰𑌹𑍇 𑌕𑌾𑌰𑌣𑌾𑌨𑌿 𑌚 ।
𑌅𑌤𑍍𑌰 𑌕𑌸𑍍𑌤𑍇 𑌵𑌨𑍇 𑌲𑍋𑌭𑍋 𑌮𑌦𑍀𑌯𑍇𑌷𑍁 𑌫𑌲𑍇𑌷𑍁 𑌵𑌾 ॥ 30 ॥
𑌨𑌯𑌶𑍍𑌚 𑌵𑌿𑌨𑌯𑌶𑍍𑌚𑍋𑌭𑍌 𑌨𑌿𑌗𑍍𑌰𑌹𑌾𑌨𑍁𑌗𑍍𑌰𑌹𑌾𑌵𑌪𑌿 ॥ 31 ॥
𑌰𑌾𑌜𑌵𑍃𑌤𑍍𑌤𑌿𑌰𑌸𑌂𑌕𑍀𑌰𑍍𑌣𑌾 𑌨 𑌨𑍃𑌪𑌾𑌃 𑌕𑌾𑌮𑌵𑍃𑌤𑍍𑌤𑌯𑌃 ।
𑌤𑍍𑌵𑌂 𑌤𑍁 𑌕𑌾𑌮𑌪𑍍𑌰𑌧𑌾𑌨𑌶𑍍𑌚 𑌕𑍋𑌪𑌨𑌶𑍍𑌚𑌾𑌨𑌵𑌸𑍍𑌥𑌿𑌤𑌃 ॥ 32 ॥
𑌰𑌾𑌜𑌵𑍃𑌤𑍍𑌤𑍇𑌶𑍍𑌚 𑌸𑌂𑌕𑍀𑌣𑌶𑍍𑌶𑌰𑌾𑌸𑌨𑌪𑌰𑌾𑌯𑌣𑌃 ।
𑌨 𑌤𑍇𑌽𑌸𑍍𑌤𑍍𑌯𑌪𑌚𑌿𑌤𑌿𑌰𑍍𑌧𑌰𑍍𑌮𑍇 𑌨𑌾𑌰𑍍𑌥𑍇 𑌬𑍁𑌦𑍍𑌧𑌿𑌰𑌵𑌸𑍍𑌥𑌿𑌤𑌾 ॥ 33 ॥
𑌇𑌂𑌦𑍍𑌰𑌿𑌯𑍈𑌃 𑌕𑌾𑌮𑌵𑍃𑌤𑍍𑌤𑌸𑍍𑌸𑌨𑍍𑌕𑍃𑌷𑍍𑌯𑌸𑍇 𑌮𑌨𑍁𑌜𑍇𑌶𑍍𑌵𑌰 ।
𑌹𑌤𑍍𑌵𑌾 𑌬𑌾𑌣𑍇𑌨 𑌕𑌾𑌕𑍁𑌤𑍍𑌸𑍍𑌥 𑌮𑌾𑌮𑌿𑌹𑌾𑌨𑌪𑌰𑌾𑌧𑌿𑌨𑌮𑍍 ॥ 34 ॥
𑌕𑌿𑌂 𑌵𑌕𑍍𑌷𑍍𑌯𑌸𑌿 𑌸𑌤𑌾𑌂 𑌮𑌧𑍍𑌯𑍇 𑌕𑌰𑍍𑌮 𑌕𑍃𑌤𑍍𑌵𑌾 𑌜𑍁𑌗𑍁𑌪𑍍𑌸𑌿𑌤𑌮𑍍 ।
𑌰𑌾𑌜𑌹𑌾 𑌬𑍍𑌰𑌹𑍍𑌮𑌹𑌾 𑌗𑍋𑌘𑍍𑌨𑌶𑍍𑌚𑍋𑌰𑌃 𑌪𑍍𑌰𑌾𑌣𑌿𑌵𑌧𑍇 𑌰𑌤𑌃 ॥ 35 ॥
𑌨𑌾𑌸𑍍𑌤𑌿𑌕𑌃 𑌪𑌰𑌿𑌵𑍇𑌤𑍍𑌤𑌾 𑌚 𑌸𑌰𑍍𑌵𑍇 𑌨𑌿𑌰𑌯𑌗𑌾𑌮𑌿𑌨𑌃 ।
𑌸𑍂𑌚𑌕𑌶𑍍𑌚 𑌕𑌦𑌰𑍍𑌯𑌶𑍍𑌚 𑌮𑌿𑌤𑍍𑌰𑌘𑍍𑌨𑍋 𑌗𑍁𑌰𑍁𑌤𑌲𑍍𑌪𑌗𑌃 ॥ 36 ॥
𑌲𑍋𑌕𑌂 𑌪𑌾𑌪𑌾𑌤𑍍𑌮𑌨𑌾𑌮𑍇𑌤𑍇 𑌗𑌚𑍍𑌛𑌂𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ।
𑌅𑌧𑌾𑌰𑍍𑌯𑌂 𑌚𑌰𑍍𑌮 𑌮𑍇 𑌸𑌦𑍍𑌭𑍀 𑌰𑍋𑌮𑌾𑌣𑍍𑌯𑌸𑍍𑌥𑌿 𑌚 𑌵𑌰𑍍𑌜𑌿𑌤𑌮𑍍 ।
𑌅𑌭𑌕𑍍𑌷𑍍𑌯𑌾𑌣𑌿 𑌚 𑌮𑌾𑌂𑌸𑌾𑌨𑌿 𑌤𑍍𑌵𑌦𑍍𑌵𑌿𑌧𑍈𑌰𑍍𑌧𑌰𑍍𑌮𑌚𑌾𑌰𑌿𑌭𑌿𑌃 ॥ 3 ॥
𑌪𑌂𑌚 𑌪𑌂𑌚 𑌨𑌖𑌾 𑌭𑌕𑍍𑌷𑍍𑌯𑌾 𑌬𑍍𑌰𑌹𑍍𑌮𑌕𑍍𑌷𑌤𑍍𑌰𑍇𑌣 𑌰𑌾𑌘𑌵 ॥ 3 ॥
𑌶𑌲𑍍𑌯𑌕 𑌶𑍍𑌶𑍍𑌵𑌾𑌵𑌿𑌧𑍋 𑌗𑍋𑌧𑌾 𑌶𑌶𑌃 𑌕𑍂𑌰𑍍𑌮𑌶𑍍𑌚 𑌪𑌂𑌚𑌮𑌃 ।
𑌚𑌰𑍍𑌮 𑌚𑌾𑌸𑍍𑌥𑌿 𑌚 𑌮𑍇 𑌰𑌾𑌜𑌨𑍍 𑌨𑌸𑍍𑌪𑍃𑌶𑌂𑌤𑌿 𑌮𑌨𑍀𑌷𑌿𑌣𑌃 ॥ 3 ॥
𑌅𑌭𑌕𑍍𑌷𑍍𑌯𑌾𑌣𑌿 𑌚 𑌮𑌾𑌂𑌸𑌾𑌨𑌿 𑌸𑍋𑌽𑌹𑌂 𑌪𑌂𑌚𑌨𑌖𑍋 𑌹𑌤𑌃 ।
𑌤𑌾𑌰𑌯𑌾 𑌵𑌾𑌕𑍍𑌯𑌮𑍁𑌕𑍍𑌤𑍋𑌽𑌹𑌂 𑌸𑌤𑍍𑌯𑌂 𑌸𑌰𑍍𑌵𑌜𑍍𑌞𑌯𑌾 𑌹𑌿𑌤𑌮𑍍 ॥ 40 ॥
𑌤𑌦𑌤𑌿𑌕𑍍𑌰𑌮𑍍𑌯 𑌮𑍋𑌹𑍇𑌨 𑌕𑌾𑌲𑌸𑍍𑌯 𑌵𑌶𑌮𑌾𑌗𑌤𑌃 ।
𑌤𑍍𑌵𑌯𑌾 𑌨𑌾𑌥𑍇𑌨 𑌕𑌾𑌕𑍁𑌤𑍍𑌸𑍍𑌥 𑌨 𑌸𑌨𑌾𑌥𑌾 𑌵𑌸𑍁𑌂𑌧𑌰𑌾 ।
𑌪𑍍𑌰𑌮𑌦𑌾 𑌶𑍀𑌲𑌸𑌂𑌪𑌨𑍍𑌨𑌾 𑌧𑍂𑌰𑍍𑌤𑍇𑌨 𑌪𑌤𑌿𑌨𑌾 𑌯𑌥𑌾 ॥ 41 ॥
𑌶𑌠𑍋 𑌨𑍈𑌕𑍃𑌤𑌿𑌕𑌃 𑌕𑍍𑌷𑍁𑌦𑍍𑌰𑍋 𑌮𑌿𑌥𑍍𑌯𑌾𑌪𑍍𑌰𑌶𑍍𑌰𑌿𑌤𑌮𑌾𑌨𑌸𑌃 ।
𑌕𑌥𑌂 𑌦𑌶𑌰𑌥𑍇𑌨 𑌤𑍍𑌵𑌂 𑌜𑌾𑌤𑌃 𑌪𑌾𑌪𑍋 𑌮𑌹𑌾𑌤𑍍𑌮𑌨𑌾 ॥ 42 ॥
𑌛𑌿𑌨𑍍𑌨𑌚𑌾𑌰𑌿𑌤𑍍𑌰𑌕𑌕𑍍𑌷𑍍𑌯𑍇𑌣 𑌸𑌤𑌾𑌂 𑌧𑌰𑍍𑌮𑌾𑌤𑌿𑌵𑌰𑍍𑌤𑌿𑌨𑌾 ।
𑌤𑍍𑌯𑌕𑍍𑌤𑌧𑌰𑍍𑌮𑌾𑌂𑌕𑍁𑌶𑍇𑌨𑌾𑌹𑌂 𑌨𑌿𑌹𑌤𑍋 𑌰𑌾𑌮𑌹𑌸𑍍𑌤𑌿𑌨𑌾 ॥ 43 ॥
𑌅𑌶𑍁𑌭𑌂 𑌚𑌾𑌪𑍍𑌯𑌯𑍁𑌕𑍍𑌤𑌂 𑌚 𑌸𑌤𑌾𑌂 𑌚𑍈𑌵 𑌵𑌿𑌗𑌰𑍍𑌹𑌿𑌤𑌮𑍍 ।
𑌵𑌕𑍍𑌷𑍍𑌯𑌸𑍇 𑌚𑍇𑌦𑍃𑌶𑌂 𑌕𑍃𑌤𑍍𑌵𑌾 𑌸𑌦𑍍𑌭𑌿𑌸𑍍𑌸𑌹 𑌸𑌮𑌾𑌗𑌤𑌃 ॥ 44 ॥
𑌉𑌦𑌾𑌸𑍀𑌨𑍇𑌷𑍁 𑌯𑍋𑌽𑌸𑍍𑌮𑌾𑌸𑍁 𑌵𑌿𑌕𑍍𑌰𑌮𑌽𑌸𑍍𑌤𑍇 𑌪𑍍𑌰𑌕𑌾𑌶𑌿𑌤𑌃 ।
𑌅𑌪𑌕𑌾𑌰𑌿𑌷𑍁 𑌤𑍇 𑌰𑌾𑌜𑌨𑍍𑌨𑌹𑌿 𑌪𑌶𑍍𑌯𑌾𑌮𑌿 𑌵𑌿𑌕𑍍𑌰𑌮𑌮𑍍 ॥ 45 ॥
𑌦𑍃𑌶𑍍𑌯𑌮𑌾𑌨𑌸𑍍𑌤𑍁 𑌯𑍁𑌦𑍍𑌧𑍍𑌯𑍇𑌥𑌾 𑌮𑌯𑌾 𑌯𑌦𑌿 𑌨𑍃𑌪𑌾𑌤𑍍𑌮𑌜 ।
𑌅𑌦𑍍𑌯 𑌵𑍈𑌵𑌸𑍍𑌵𑌤𑌂 𑌦𑍇𑌵𑌂 𑌪𑌶𑍍𑌯𑍇𑌸𑍍𑌤𑍍𑌵𑌂 𑌨𑌿𑌹𑌤𑍋 𑌮𑌯𑌾 ॥ 46 ॥
𑌤𑍍𑌵𑌯𑌾𑌽𑌦𑍃𑌶𑍍𑌯𑍇𑌨 𑌤𑍁 𑌰𑌣𑍇 𑌨𑌿𑌹𑌤𑍋𑌽𑌹𑌂 𑌦𑍁𑌰𑌾𑌸𑌦𑌃 ।
𑌪𑍍𑌰𑌸𑍁𑌪𑍍𑌤𑌃 𑌪𑌨𑍍𑌨𑌗𑍇𑌨𑍇𑌵 𑌨𑌰𑌃 𑌪𑌾𑌨𑌵𑌶𑌂 𑌗𑌤𑌃 ॥ 4 ॥
𑌮𑌾𑌮𑍇𑌵 𑌯𑌦𑌿 𑌪𑍂𑌰𑍍𑌵𑌂 𑌤𑍍𑌵𑌮𑍇𑌤𑌦𑌰𑍍𑌥𑌮𑌚𑍋𑌦𑌯𑌃 ॥ 4 ॥
𑌮𑍈𑌥𑌿𑌲𑍀𑌮𑌹𑌮𑍇𑌕𑌾𑌹𑍍𑌨𑌾 𑌤𑌵 𑌚𑌾𑌨𑍀𑌤𑌵𑌾𑌨𑍍𑌭𑌵𑍇𑌤𑍍 ।
𑌸𑍁𑌗𑍍𑌰𑍀𑌵𑌪𑍍𑌰𑌿𑌯𑌕𑌾𑌮𑍇𑌨 𑌯𑌦𑌹𑌂 𑌨𑌿𑌹𑌤𑌸𑍍𑌤𑍍𑌵𑌯𑌾 ।
𑌕𑌂𑌠𑍇 𑌬𑌦𑍍𑌧𑍍𑌵𑌾 𑌪𑍍𑌰𑌦𑌦𑍍𑌯𑌾𑌂 𑌤𑍇 𑌨𑌿𑌹𑌤𑌂 𑌰𑌾𑌵𑌣𑌂 𑌰𑌣𑍇 ॥ 4 ॥
𑌨𑍍𑌯𑌸𑍍𑌤𑌾𑌂 𑌸𑌾𑌗𑌰𑌤𑍋𑌯𑍇 𑌵𑌾 𑌪𑌾𑌤𑌾𑌲𑍇 𑌵𑌾𑌪𑌿 𑌮𑍈𑌥𑌿𑌲𑍀𑌮𑍍 ।
𑌆𑌨𑌯𑍇𑌯𑌂 𑌤𑌵𑌾𑌦𑍇𑌶𑌾𑌚𑍍𑌛𑍍𑌵𑍇𑌤𑌾𑌮𑌶𑍍𑌵𑌤𑌰𑍀𑌮𑌿𑌵 ॥ 50 ॥
𑌯𑍁𑌕𑍍𑌤𑌂 𑌯𑌤𑍍𑌪𑍍𑌰𑌾𑌪𑍍𑌨𑍁𑌯𑌾𑌦𑍍𑌰𑌾𑌜𑍍𑌯𑌂 𑌸𑍁𑌗𑍍𑌰𑍀𑌵𑌸𑍍𑌸𑍍𑌵𑌰𑍍𑌗𑌤𑍇 𑌮𑌯𑌿 ।
𑌅𑌯𑍁𑌕𑍍𑌤𑌂 𑌯𑌦𑌧𑌰𑍍𑌮𑍇𑌣 𑌤𑍍𑌵𑌯𑌾𑌽𑌹𑌂 𑌨𑌿𑌹𑌤𑍋 𑌰𑌣𑍇 ॥ 51 ॥
𑌕𑌾𑌮𑌮𑍇𑌵𑌂 𑌵𑌿𑌧𑍋 𑌲𑍋𑌕𑌃 𑌕𑌾𑌲𑍇𑌨 𑌵𑌿𑌨𑌿𑌯𑍁𑌜𑍍𑌯𑌤𑍇 ।
𑌕𑍍𑌷𑌮𑌂 𑌚𑍇𑌦𑍍𑌭𑌵𑌤𑌾 𑌪𑍍𑌰𑌾𑌪𑍍𑌤𑌮𑍁𑌤𑍍𑌤𑌰𑌂 𑌸𑌾𑌧𑍁 𑌚𑌿𑌂𑌤𑍍𑌯𑌤𑌾𑌮𑍍 ॥ 52 ॥
𑌇𑌤𑍍𑌯𑍇𑌵𑌮𑍁𑌕𑍍𑌤𑍍𑌵𑌾 𑌪𑌰𑌿𑌶𑍁𑌷𑍍𑌕𑌵𑌕𑍍𑌤𑍍𑌰𑌃 𑌶𑌰𑌾𑌭𑌿𑌘𑌾𑌤𑌾𑌦𑍍𑌵𑍍𑌯𑌥𑌿𑌤𑍋 𑌮𑌹𑌾𑌤𑍍𑌮𑌾 ।
𑌸𑌮𑍀𑌕𑍍𑌷𑍍𑌯 𑌰𑌾𑌮𑌂 𑌰𑌵𑌿𑌸𑌨𑍍𑌨𑌿𑌕𑌾𑌶𑌂 𑌤𑍂𑌷𑍍𑌣𑍀𑌂 𑌬𑌭𑍂𑌵𑌾𑌮𑌰𑌰𑌾𑌜𑌸𑍂𑌨𑍁𑌃 ॥ 53 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ॥
