VR 1.56 Bala Kanda - Sarga 56 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

1.56 𑌬𑌾𑌲𑌕𑌾𑌂𑌡 - 𑌷𑌟𑍍𑌪𑌂𑌚𑌾𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।

𑌏𑌵𑌮𑍁𑌕𑍍𑌤𑍋 𑌵𑌸𑌿𑌷𑍍𑌠𑍇𑌨 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌬𑌲𑌃 ।
𑌆𑌗𑍍𑌨𑍇𑌯𑌮𑌸𑍍𑌤𑍍𑌰𑌮𑍁𑌤𑍍𑌕𑍍𑌷𑌿𑌪𑍍𑌯 𑌤𑌿𑌷𑍍𑌠 𑌤𑌿𑌷𑍍𑌠𑍇𑌤𑌿 𑌚𑌾𑌬𑍍𑌰𑌵𑍀𑌤𑍍 ॥ 1 ॥

𑌬𑍍𑌰𑌹𑍍𑌮𑌦𑌂𑌡𑌂 𑌸𑌮𑍁𑌤𑍍𑌕𑍍𑌷𑌿𑌪𑍍𑌯 𑌕𑌾𑌲𑌦𑌂𑌡𑌮𑌿𑌵𑌾𑌽𑌪𑌰𑌮𑍍 ।
𑌵𑌸𑌿𑌷𑍍𑌠𑍋 𑌭𑌗𑌵𑌾𑌨𑍍 𑌕𑍍𑌰𑍋𑌧𑌾𑌦𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 2 ॥

𑌕𑍍𑌷𑌤𑍍𑌰𑌬𑌂𑌧𑍋 𑌸𑍍𑌥𑌿𑌤𑍋𑌸𑍍𑌮𑍍𑌯𑍇𑌷 𑌯𑌦𑍍𑌬𑌲𑌂 𑌤𑌦𑍍𑌵𑌿𑌦𑌰𑍍𑌶𑌯 ।
𑌨𑌾𑌶𑌯𑌾𑌮𑍍𑌯𑌦𑍍𑌯 𑌤𑍇 𑌦𑌰𑍍𑌪𑌂 𑌶𑌸𑍍𑌤𑍍𑌰𑌸𑍍𑌯 𑌤𑌵 𑌗𑌾𑌧𑌿𑌜 ॥ 3 ॥

𑌕𑍍𑌵 𑌚 𑌤𑍇 𑌕𑍍𑌷𑌤𑍍𑌰𑌿𑌯𑌬𑌲𑌂 𑌕𑍍𑌵 𑌚 𑌬𑍍𑌰𑌹𑍍𑌮𑌬𑌲𑌂 𑌮𑌹𑌤𑍍 ।
𑌪𑌶𑍍𑌯 𑌬𑍍𑌰𑌹𑍍𑌮𑌬𑌲𑌂 𑌦𑌿𑌵𑍍𑌯𑌂 𑌮𑌮 𑌕𑍍𑌷𑌤𑍍𑌰𑌿𑌯𑌪𑌾𑌂𑌸𑌨 ॥ 4 ॥

𑌤𑌸𑍍𑌯𑌾𑌸𑍍𑌤𑍍𑌰𑌂 𑌗𑌾𑌧𑌿𑌪𑍁𑌤𑍍𑌰𑌸𑍍𑌯 𑌘𑍋𑌰𑌮𑌾𑌗𑍍𑌨𑍇𑌯𑌮𑍁𑌦𑍍𑌯𑌤𑌮𑍍 ।
𑌬𑍍𑌰𑌹𑍍𑌮𑌦𑌂𑌡𑍇𑌨 𑌤𑌚𑍍𑌛𑌾𑌂𑌤𑌮𑌗𑍍𑌨𑍇𑌰𑍍𑌵𑍇𑌗 𑌇𑌵𑌾𑌂𑌭𑌸𑌾 ॥ 5 ॥

𑌵𑌾𑌰𑍁𑌣𑌂 𑌚𑍈𑌵 𑌰𑍌𑌦𑍍𑌰𑌂 𑌚 𑌐𑌂𑌦𑍍𑌰𑌂 𑌪𑌾𑌶𑍁𑌪𑌤𑌂 𑌤𑌥𑌾 ।
𑌐𑌷𑍀𑌕𑌂 𑌚𑌾𑌪𑌿 𑌚𑌿𑌕𑍍𑌷𑍇𑌪 𑌕𑍁𑌪𑌿𑌤𑍋 𑌗𑌾𑌧𑌿𑌨𑌂𑌦𑌨𑌃 ॥ 6 ॥

𑌮𑌾𑌨𑌵𑌂 𑌮𑍋𑌹𑌨𑌂 𑌚𑍈𑌵 𑌗𑌾𑌂𑌧𑌰𑍍𑌵𑌂 𑌸𑍍𑌵𑌾𑌪𑌨𑌂 𑌤𑌥𑌾 ।
𑌜𑍃𑌂𑌭𑌣𑌂 𑌮𑌾𑌦𑌨𑌂 𑌚𑍈𑌵 𑌸𑌂𑌤𑌾𑌪𑌨𑌵𑌿𑌲𑌾𑌪𑌨𑍇 ॥ 𑍭 ॥

𑌶𑍋𑌷𑌣𑌂 𑌦𑌾𑌰𑌣𑌂 𑌚𑍈𑌵 𑌵𑌜𑍍𑌰𑌮𑌸𑍍𑌤𑍍𑌰𑌂 𑌸𑍁𑌦𑍁𑌰𑍍𑌜𑌯𑌮𑍍 ।
𑌬𑍍𑌰𑌹𑍍𑌮𑌪𑌾𑌶𑌂 𑌕𑌾𑌲𑌪𑌾𑌶𑌂 𑌵𑌾𑌰𑍁𑌣𑌂 𑌪𑌾𑌶𑌮𑍇𑌵 𑌚 ॥ 𑍮 ॥

𑌪𑍈𑌨𑌾𑌕𑌾𑌸𑍍𑌤𑍍𑌰𑌂 𑌚 𑌦𑌯𑌿𑌤𑌂 𑌶𑍁𑌷𑍍𑌕𑌾𑌰𑍍𑌦𑍍𑌰𑍇 𑌅𑌶𑌨𑍀 𑌉𑌭𑍇 ।
𑌦𑌂𑌡𑌾𑌸𑍍𑌤𑍍𑌰𑌮𑌥 𑌪𑍈𑌶𑌾𑌚𑌂 𑌕𑍍𑌰𑍌𑌂𑌚𑌮𑌸𑍍𑌤𑍍𑌰𑌂 𑌤𑌥𑍈𑌵 𑌚 ॥ 𑍯 ॥

𑌧𑌰𑍍𑌮𑌚𑌕𑍍𑌰𑌂 𑌕𑌾𑌲𑌚𑌕𑍍𑌰𑌂 𑌵𑌿𑌷𑍍𑌣𑍁𑌚𑌕𑍍𑌰𑌂 𑌤𑌥𑍈𑌵 𑌚 ।
𑌵𑌾𑌯𑌵𑍍𑌯𑌂 𑌮𑌥𑌨𑌂 𑌚𑍈𑌵 𑌅𑌸𑍍𑌤𑍍𑌰𑌂 𑌹𑌯𑌶𑌿𑌰𑌸𑍍𑌤𑌥𑌾 ॥ 10 ॥

𑌶𑌕𑍍𑌤𑌿𑌦𑍍𑌵𑌯𑌂 𑌚 𑌚𑌿𑌕𑍍𑌷𑍇𑌪 𑌕𑌂𑌕𑌾𑌲𑌂 𑌮𑍁𑌸𑌲𑌂 𑌤𑌥𑌾 ।
560 𑌵𑍈𑌦𑍍𑌯𑌾𑌧𑌰𑌂 𑌮𑌹𑌾𑌸𑍍𑌤𑍍𑌰𑌂 𑌚 𑌕𑌾𑌲𑌾𑌸𑍍𑌤𑍍𑌰𑌮𑌥 𑌦𑌾𑌰𑍁𑌣𑌮𑍍 ॥ 11 ॥

𑌤𑍍𑌰𑌿𑌶𑍂𑌲𑌮𑌸𑍍𑌤𑍍𑌰𑌂 𑌘𑍋𑌰𑌂 𑌚 𑌕𑌾𑌪𑌾𑌲𑌮𑌥 𑌕𑌂𑌕𑌣𑌮𑍍 ।
𑌏𑌤𑌾𑌨𑍍𑌯𑌸𑍍𑌤𑍍𑌰𑌾𑌣𑌿 𑌚𑌿𑌕𑍍𑌷𑍇𑌪 𑌸𑌰𑍍𑌵𑌾𑌣𑌿 𑌰𑌘𑍁𑌨𑌂𑌦𑌨 ॥ 12 ॥

𑌵𑌸𑌿𑌷𑍍𑌠𑍇 𑌜𑌪𑌤𑌾𑌂 𑌶𑍍𑌰𑍇𑌷𑍍𑌠𑍇 𑌤𑌦𑌦𑍍𑌭𑍁𑌤𑌮𑌿𑌵𑌾𑌭𑌵𑌤𑍍 ।
𑌤𑌾𑌨𑌿 𑌸𑌰𑍍𑌵𑌾𑌣𑌿 𑌦𑌂𑌡𑍇𑌨 𑌗𑍍𑌰𑌸𑌤𑍇 𑌬𑍍𑌰𑌹𑍍𑌮𑌣𑌸𑍍𑌸𑍁𑌤𑌃 ॥ 13 ॥

𑌤𑍇𑌷𑍁 𑌶𑌾𑌂𑌤𑍇𑌷𑍁 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌂 𑌕𑍍𑌷𑌿𑌪𑍍𑌤𑌵𑌾𑌨𑍍 𑌗𑌾𑌧𑌿𑌨𑌂𑌦𑌨𑌃 ।
𑌤𑌦𑌸𑍍𑌤𑍍𑌰𑌮𑍁𑌦𑍍𑌯𑌤𑌂 𑌦𑍃𑌷𑍍𑌟𑍍𑌵𑌾 𑌦𑍇𑌵𑌾𑌸𑍍𑌸𑌾𑌗𑍍𑌨𑌿𑌪𑍁𑌰𑍋𑌗𑌮𑌾𑌃 ॥ 14 ॥

𑌦𑍇𑌵𑌰𑍍𑌷𑌯𑌶𑍍𑌚 𑌸𑌂𑌭𑍍𑌰𑌾𑌂𑌤𑌾𑌗𑌂𑌧𑌰𑍍𑌵𑌾𑌸𑍍𑌸𑌮𑌹𑍋𑌰𑌗𑌾𑌃 ।
𑌤𑍍𑌰𑍈𑌲𑍋𑌕𑍍𑌯𑌮𑌾𑌸𑍀𑌤𑍍𑌸𑌂𑌤𑌪𑍍𑌤𑌂 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑍇 𑌸𑌮𑍁𑌦𑍀𑌰𑌿𑌤𑍇 ॥ 15 ॥

𑌤𑌦𑌪𑍍𑌯𑌸𑍍𑌤𑍍𑌰𑌂 𑌮𑌹𑌾𑌘𑍋𑌰𑌂 𑌬𑍍𑌰𑌹𑍍𑌮𑌂 𑌬𑍍𑌰𑌾𑌹𑍍𑌮𑍇𑌣 𑌤𑍇𑌜𑌸𑌾 ।
𑌵𑌸𑌿𑌷𑍍𑌠𑍋 𑌗𑍍𑌰𑌸𑌤𑍇 𑌸𑌰𑍍𑌵𑌂 𑌬𑍍𑌰𑌹𑍍𑌮𑌦𑌂𑌡𑍇𑌨 𑌰𑌾𑌘𑌵 ॥ 16 ॥

𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌂 𑌗𑍍𑌰𑌸𑌮𑌾𑌨𑌸𑍍𑌯 𑌵𑌸𑌿𑌷𑍍𑌠𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌨𑌂 𑌰𑍌𑌦𑍍𑌰𑌂 𑌰𑍂𑌪𑌮𑌾𑌸𑍀𑌤𑍍𑌸𑍁𑌦𑌾𑌰𑍁𑌣𑌮𑍍 ॥ 1𑍭 ॥

𑌰𑍋𑌮𑌕𑍂𑌪𑍇𑌷𑍁 𑌸𑌰𑍍𑌵𑍇𑌷𑍁 𑌵𑌸𑌿𑌷𑍍𑌠𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌮𑌰𑍀𑌚𑍍𑌯 𑌇𑌵 𑌨𑌿𑌷𑍍𑌪𑍇𑌤𑍁𑌰𑌗𑍍𑌨𑍇𑌰𑍍𑌧𑍂𑌮𑌾𑌕𑍁𑌲𑌾𑌰𑍍𑌚𑌿𑌷𑌃 ॥ 1𑍮 ॥

𑌪𑍍𑌰𑌾𑌜𑍍𑌵𑌲𑌦𑍍𑌬𑍍𑌰𑌹𑍍𑌮𑌦𑌂𑌡𑌶𑍍𑌚 𑌵𑌸𑌿𑌷𑍍𑌠𑌸𑍍𑌯 𑌕𑌰𑍋𑌦𑍍𑌯𑌤𑌃 ।
𑌵𑌿𑌧𑍂𑌮 𑌇𑌵 𑌕𑌾𑌲𑌾𑌗𑍍𑌨𑌿𑌰𑍍𑌯𑌮𑌦𑌂𑌡 𑌇𑌵𑌾𑌪𑌰𑌃 ॥ 1𑍯 ॥

𑌤𑌤𑍋𑌽𑌸𑍍𑌤𑍁𑌵𑌨𑍍 𑌮𑍁𑌨𑌿𑌗𑌣𑌾 𑌵𑌸𑌿𑌷𑍍𑌠𑌂 𑌜𑌪𑌤𑌾𑌂 𑌵𑌰𑌮𑍍 ।
𑌅𑌮𑍋𑌘𑌂 𑌤𑍇 𑌬𑌲𑌂 𑌬𑍍𑌰𑌹𑍍𑌮𑌨𑍍 𑌤𑍇𑌜𑍋 𑌧𑌾𑌰𑌯 𑌤𑍇𑌜𑌸𑌾 ॥ 20 ॥

𑌨𑌿𑌗𑍃𑌹𑍀𑌤𑌸𑍍𑌤𑍍𑌵𑌯𑌾 𑌬𑍍𑌰𑌹𑍍𑌮𑌨𑍍 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌤𑌪𑌾𑌃 ।
𑌪𑍍𑌰𑌸𑍀𑌦 𑌜𑌪𑌤𑌾𑌂 𑌶𑍍𑌰𑍇𑌷𑍍𑌠 𑌲𑍋𑌕𑌾𑌸𑍍𑌸𑌂𑌤𑍁 𑌗𑌤𑌵𑍍𑌯𑌥𑌾𑌃 ॥ 21 ॥

𑌏𑌵𑌮𑍁𑌕𑍍𑌤𑍋 𑌮𑌹𑌾𑌤𑍇𑌜𑌾𑌶𑍍𑌶𑌮𑌂 𑌚𑌕𑍍𑌰𑍇 𑌮𑌹𑌾𑌤𑌪𑌾𑌃 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑍋𑌽𑌪𑌿 𑌨𑌿𑌕𑍃𑌤𑍋 𑌵𑌿𑌨𑌿𑌶𑍍𑌵𑌸𑍍𑌯𑍇𑌦𑌮𑌬𑍍𑌰𑌵𑍀𑌤𑍍 ॥ 22 ॥

𑌧𑌿𑌗𑍍𑌬𑌲𑌂 𑌕𑍍𑌷𑌤𑍍𑌰𑌿𑌯𑌬𑌲𑌂 𑌬𑍍𑌰𑌹𑍍𑌮𑌤𑍇𑌜𑍋 𑌬𑌲𑌂 𑌬𑌲𑌮𑍍 ।
𑌏𑌕𑍇𑌨 𑌬𑍍𑌰𑌹𑍍𑌮𑌦𑌂𑌡𑍇𑌨 𑌸𑌰𑍍𑌵𑌾𑌸𑍍𑌤𑍍𑌰𑌾𑌣𑌿 𑌹𑌤𑌾𑌨𑌿 𑌮𑍇 ॥ 23 ॥

𑌤𑌦𑍇𑌤𑌤𑍍𑌸𑌮𑌵𑍇𑌕𑍍𑌷𑍍𑌯𑌾𑌹𑌂 𑌪𑍍𑌰𑌸𑌨𑍍𑌨𑍇𑌂𑌦𑍍𑌰𑌿𑌯𑌮𑌾𑌨𑌸𑌃 ।
𑌤𑌪𑍋 𑌮𑌹𑌤𑍍𑌸𑌮𑌾𑌸𑍍𑌥𑌾𑌸𑍍𑌯𑍇 𑌯𑌦𑍍𑌵𑍈 𑌬𑍍𑌰𑌹𑍍𑌮𑌤𑍍𑌵𑌕𑌾𑌰𑌣𑌮𑍍 ॥ 24 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌷𑌟𑍍𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥

Browse Related Categories: