𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌅𑌵𑌷𑍍𑌟𑌬𑍍𑌧𑌧𑌨𑍁𑌂 𑌰𑌾𑌮𑌂 𑌕𑍍𑌰𑍁𑌦𑍍𑌧𑌂 𑌚 𑌰𑌿𑌪𑍁𑌘𑌾𑌤𑌿𑌨𑌮𑍍 ।
𑌦𑌦𑌰𑍍𑌶𑌾𑌽𑌶𑍍𑌰𑌮𑌮𑌾𑌗𑌮𑍍𑌯 𑌖𑌰𑌸𑍍𑌸𑌹 𑌪𑍁𑌰𑌸𑍍𑌸𑌰𑍈𑌃 ॥ 1 ॥
𑌤𑌂 𑌦𑍃𑌷𑍍𑌟𑍍𑌵𑌾 𑌸𑌶𑌰𑌂 𑌚𑌾𑌪𑌮𑍁𑌦𑍍𑌯𑌮𑍍𑌯 𑌖𑌰𑌨𑌿𑌸𑍍𑌸𑍍𑌵𑌨𑌮𑍍 ।
𑌰𑌾𑌮𑌸𑍍𑌯𑌾𑌭𑌿𑌮𑍁𑌖𑌂 𑌸𑍂𑌤𑌂 𑌚𑍋𑌦𑍍𑌯𑌤𑌾𑌮𑌿𑌤𑍍𑌯𑌚𑍋𑌦𑌯𑌤𑍍 ॥ 2 ॥
𑌸 𑌖𑌰𑌸𑍍𑌯𑌾𑌜𑍍𑌞𑌯𑌾 𑌸𑍂𑌤𑌸𑍍𑌤𑍁𑌰𑌗𑌾𑌨𑍍 𑌸𑌮𑌚𑍋𑌦𑌯𑌤𑍍 ।
𑌯𑌤𑍍𑌰 𑌰𑌾𑌮𑍋 𑌮𑌹𑌾𑌬𑌾𑌹𑍁𑌰𑍇𑌕𑍋 𑌚𑍁𑌨𑍍𑌵𑌨𑍍𑌸𑍍𑌥𑌿𑌤𑍋 𑌧𑌨𑍁𑌃 ॥ 3 ॥
𑌤𑌂 𑌤𑍁 𑌨𑌿𑌷𑍍𑌪𑌤𑌿𑌤𑌂 𑌦𑍃𑌷𑍍𑌟𑍍𑌵𑌾 𑌸𑌰𑍍𑌵𑍇 𑌤𑍇 𑌰𑌜𑌨𑍀𑌚𑌰𑌾𑌃 ।
𑌨𑌰𑍍𑌦𑌮𑌾𑌨𑌾 𑌮𑌹𑌾𑌨𑌾𑌦𑌂 𑌸𑌚𑌿𑌵𑌾𑌃 𑌪𑌰𑍍𑌯𑌵𑌾𑌰𑌯𑌨𑍍 ॥ 4 ॥
𑌸 𑌤𑍇𑌷𑌾𑌂 𑌯𑌾𑌤𑍁𑌧𑌾𑌨𑌾𑌨𑌾𑌂 𑌮𑌧𑍍𑌯𑍇 𑌰𑌥𑌗𑌤𑌃 𑌖𑌰𑌃 ।
𑌬𑌭𑍂𑌵 𑌮𑌧𑍍𑌯𑍇 𑌤𑌾𑌰𑌾𑌣𑌾𑌂 𑌲𑍋𑌹𑌿𑌤𑌾𑌂𑌗 𑌇𑌵𑍋𑌦𑌿𑌤𑌃 ॥ 5 ॥
𑌤𑌤𑌶𑍍𑌶𑌰𑌸𑌹𑌸𑍍𑌰𑍇𑌣 𑌰𑌾𑌮𑌮𑌪𑍍𑌰𑌤𑌿𑌮𑍌𑌜𑌸𑌮𑍍 ।
𑌅𑌰𑍍𑌦𑌯𑌿𑌤𑍍𑌵𑌾 𑌮𑌹𑌾𑌨𑌾𑌦𑌂 𑌨𑌨𑌾𑌦 𑌸𑌮𑌰𑍇 𑌖𑌰𑌃 ॥ 6 ॥
𑌤𑌤𑌸𑍍𑌤𑌂 𑌭𑍀𑌮𑌧𑌨𑍍𑌵𑌾𑌨𑌂 𑌕𑍍𑌰𑍁𑌦𑍍𑌧𑌾𑌃 𑌸𑌰𑍍𑌵𑍇 𑌨𑌿𑌶𑌾𑌚𑌰𑌾𑌃 ।
𑌰𑌾𑌮𑌂 𑌨𑌾𑌨𑌾𑌵𑌿𑌧𑍈𑌃 𑌶𑌸𑍍𑌸𑍍𑌰𑍈𑌰𑌭𑍍𑌯𑌵𑌰𑍍𑌷𑌂𑌤 𑌦𑍁𑌰𑍍𑌜𑌯𑌮𑍍 ॥ ॥
𑌮𑍁𑌦𑍍𑌗𑌰𑍈𑌃 𑌪𑌟𑍍𑌟𑌸𑍈𑌶𑍍𑌶𑍂𑌲𑍈𑌃 𑌪𑍍𑌰𑌾𑌸𑍈𑌃 𑌖𑌂𑌗𑍈 𑌪𑌰𑌶𑍍𑌵𑌥𑍈𑌃 ।
𑌰𑌾𑌕𑍍𑌷𑌸𑌾𑌸𑍍𑌸𑌮𑌰𑍇 𑌰𑌾𑌮𑌂 𑌨𑌿𑌜𑌘𑍍𑌨𑍂 𑌰𑍋𑌷𑌤𑌤𑍍𑌪𑌰𑌾𑌃 ॥ ॥
𑌤𑍇 𑌵𑌲𑌾𑌹𑌸𑌂𑌕𑌾𑌶𑌾 𑌮𑌹𑌾𑌨𑌾𑌦𑌾 𑌮𑌹𑍌𑌜𑌸𑌃 ।
𑌅𑌭𑍍𑌯𑌧𑌾𑌵𑌂𑌤 𑌕𑌾𑌕𑍁𑌤𑍍𑌸𑍍𑌥𑌂 𑌰𑌥𑍈𑌰𑍍𑌵𑌾𑌜𑌿𑌭𑌿𑌰𑍇𑌵 𑌚 ॥ ॥
𑌗𑌜𑍈𑌃 𑌪𑌰𑍍𑌵𑌤𑌕𑍂𑌟𑌾𑌭𑍈 𑌰𑌾𑌮𑌂 𑌯𑍁𑌦𑍍𑌧𑍇 𑌜𑌿𑌘𑌾𑌂𑌸𑌵𑌃 ।
𑌤𑍇 𑌰𑌾𑌮𑍇 𑌶𑌰𑌵𑌰𑍍𑌷𑌾𑌣𑌿 𑌵𑍍𑌯𑌸𑍃𑌜𑌨𑍍 𑌰𑌕𑍍𑌷𑌸𑌾𑌂 𑌗𑌣𑌾𑌃 ॥ 10 ॥
𑌶𑍈𑌲𑍇𑌂𑌦𑍍𑌰𑌮𑌿𑌵 𑌧𑌾𑌰𑌾𑌭𑌿𑌰𑍍𑌵𑌰𑍍𑌷𑌮𑌾𑌣𑌾 𑌵𑌲𑌾𑌹𑌕𑌾𑌃 ।
𑌸 𑌤𑍈𑌃 𑌪𑌰𑌿𑌵𑍃𑌤𑍋 𑌘𑍋𑌰𑍈𑌃 𑌰𑌾𑌘𑌵𑍋 𑌰𑌕𑍍𑌷𑌸𑌾𑌂 𑌗𑌣𑍈𑌃 ॥ 11 ॥
𑌤𑌿𑌥𑌿𑌷𑍍𑌵𑌿 𑌮𑌹𑌾𑌦𑍇𑌵𑍋 𑌵𑍃𑌤 𑌪𑌰𑌿𑌷𑌦𑌾𑌂𑌗𑌣𑍈 𑌤𑌾𑌨𑌿 𑌮𑍁𑌕𑍍𑌤𑌾𑌨𑌿 𑌶𑌸𑍍𑌤𑍍𑌰𑌾𑌣𑌿 𑌯𑌾𑌤𑍁𑌧𑌾𑌨𑍈𑌸𑍍𑌸𑌰𑌾𑌘𑌵𑌃 ।
𑌪𑍍𑌰𑌤𑌿𑌜𑌗𑍍𑌰𑌾𑌹 𑌵𑌿𑌶𑌿𑌖𑍈𑌰𑍍𑌨𑌦𑍍𑌯𑍋𑌘𑌾𑌨𑌿𑌵 𑌸𑌾𑌗𑌰𑌃 ॥ 12 ॥
𑌸 𑌤𑍈𑌃 𑌪𑍍𑌰𑌹𑌰𑌣𑍈𑌰𑍍𑌘𑍋𑌰𑍈𑌰𑍍𑌭𑌿𑌨𑍍𑌨𑌗𑌾𑌤𑍍𑌰𑍋 𑌨 𑌵𑌿𑌵𑍍𑌯𑌥𑍇 ।
𑌰𑌾𑌮𑌃 𑌪𑍍𑌰𑌦𑍀𑌪𑍍𑌤𑍈𑌰𑍍𑌬𑌹𑍁𑌭𑌿𑌰𑍍𑌵𑌜𑍍𑌰𑍈𑌰𑌿𑌵 𑌮𑌹𑌾𑌚𑌲𑌃 ॥ 13 ॥
𑌸 𑌵𑌿𑌦𑍍𑌧𑌃 𑌕𑍍𑌷𑌤𑌜𑌾𑌦𑌿𑌗𑍍𑌧𑌃 𑌸𑌰𑍍𑌵𑌗𑌾𑌤𑍍𑌰𑍇𑌷𑍁 𑌰𑌾𑌘𑌵𑌃 ।
𑌬𑌭𑍂𑌵 𑌰𑌾𑌮𑌃 𑌸𑌂𑌧𑍍𑌯𑌾𑌭𑍍𑌰𑍈𑌰𑍍𑌦𑌿𑌵𑌾𑌕𑌰 𑌇𑌵𑌾𑌵𑍃𑌤𑌃 ॥ 14 ॥
𑌵𑌿𑌷𑍇𑌦𑍁𑌰𑍍𑌦𑍇𑌵𑌗𑌂𑌧𑌰𑍍𑌵𑌾𑌸𑍍𑌸𑌿𑌦𑍍𑌧𑌾𑌶𑍍𑌚 𑌪𑌰𑌮𑌰𑍍𑌷𑌯𑌃 ।
𑌏𑌕𑌂 𑌸𑌹𑌸𑍍𑌰𑍈𑌰𑍍𑌭𑌹𑍁𑌭𑌿𑌸𑍍𑌤𑌦𑌾 𑌦𑍃𑌷𑍍𑌟𑍍𑌵𑌾 𑌸𑌮𑌾𑌵𑍃𑌤𑌮𑍍 ॥ 15 ॥
𑌤𑌤𑍋 𑌰𑌾𑌮𑌸𑍍𑌸𑍁𑌸𑌂𑌕𑍃𑌦𑍍𑌧𑍋 𑌮𑌂𑌡𑌲𑍀𑌕𑍃𑌤𑌕𑌾𑌰𑍍𑌮𑍁𑌕𑌃 ।
𑌸𑌸𑌰𑍍𑌜 𑌵𑌿𑌶𑌿𑌖𑌾𑌨𑍍𑌬𑌾𑌣𑌾𑌂𑌛𑌤𑌶𑍋𑌽𑌥 𑌸𑌹𑌸𑍍𑌰𑌶 ॥ 16 ॥
𑌦𑍁𑌰𑌾𑌵𑌾𑌰𑌾𑌂𑌦𑍁𑌰𑍍𑌵𑌿𑌷𑌹𑌾𑌨𑍍𑌕𑌾𑌲𑌦𑌂𑌡𑍋𑌪𑌮𑌾𑌨𑍍 𑌰𑌣𑍇 ।
𑌮𑍁𑌮𑍋𑌚 𑌲𑍀𑌲𑌯𑌾 𑌰𑌾𑌮𑌃 𑌕𑌂𑌕𑌪𑌤𑍍𑌰𑌾𑌨𑌜𑌿𑌹𑍍𑌮𑌗𑌾𑌨𑍍 ॥ 1 ॥
𑌤𑍇 𑌶𑌰𑌾𑌶𑍍𑌶𑌤𑍍𑌰𑍁𑌸𑍈𑌨𑍍𑌯𑍇𑌷𑍁 𑌮𑍁𑌕𑍍𑌤𑌾 𑌰𑌾𑌮𑍇𑌣 𑌲𑍀𑌲𑌯𑌾 ।
𑌅𑌦𑌦𑍂 𑌰𑌕𑍍𑌷𑌸𑌾𑌂 𑌪𑍍𑌰𑌾𑌣𑌾𑌨𑍍𑌪𑌾𑌶𑌾𑌃 𑌕𑌾𑌲𑌕𑍃𑌤𑌾 𑌇𑌵 ॥ 1 ॥
𑌭𑌿𑌤𑍍𑌤𑍍𑌵𑌾 𑌰𑌾𑌕𑍍𑌷𑌸𑌦𑍇𑌹𑌾𑌂 𑌸𑍍𑌤𑌾𑌂𑌸𑍍𑌤𑍇 𑌶𑌰𑌾 𑌰𑍁𑌧𑌿𑌰𑌾𑌪𑍍𑌲𑍁𑌤𑌾𑌃 ।
𑌅𑌂𑌤𑌰𑌿𑌕𑍍𑌷𑌗𑌤𑌾 𑌰𑍇𑌜𑍁𑌰𑍍𑌦𑍀𑌪𑍍𑌤𑌾𑌗𑍍𑌨𑌿𑌸𑌮𑌤𑍇𑌜𑌸𑌃 ॥ 1 ॥
𑌅𑌸𑌂𑌖𑍍𑌯𑍇𑌯𑌾𑌸𑍍𑌤𑍁 𑌰𑌾𑌮𑌸𑍍𑌯 𑌸𑌾𑌯𑌕𑌾𑌶𑍍𑌚𑌾𑌪𑌮𑌂𑌡𑌲𑌾𑌤𑍍 ।
𑌵𑌿𑌨𑌿𑌷𑍍𑌪𑍇𑌤𑍁𑌰𑌤𑍀𑌵𑍋𑌗𑍍𑌰𑌾 𑌰𑌕𑍍𑌷𑌃𑌪𑍍𑌰𑌾𑌣𑌾𑌪𑌹𑌾𑌰𑌿𑌣𑌃 ॥ 20 ॥
𑌤𑍈𑌰𑍍𑌧𑌨𑍂𑌂𑌷𑌿 𑌧𑍍𑌵𑌜𑌾𑌗𑍍𑌰𑌾𑌣𑌿 𑌵𑌰𑍍𑌮𑌾𑌣𑌿 𑌚 𑌶𑌿𑌰𑌾𑌂𑌸𑌿 𑌚 ।
𑌬𑌾𑌹𑍂𑌨𑍍𑌸𑌹𑌸𑍍𑌤𑌾𑌭𑌰𑌣𑌾𑌨𑍂𑌰𑍂𑌨𑍍𑌕𑌰𑌿𑌕𑌰𑍋𑌪𑌮𑌾𑌨𑍍 ॥ 21 ॥
𑌚𑌿𑌚𑍍𑌛𑍇𑌦 𑌰𑌾𑌮𑌸𑍍𑌸𑌮𑌰𑍇 𑌶𑌤𑌶𑍋𑌽𑌥 𑌸𑌹𑌸𑍍𑌰𑌶𑌃 ।
𑌹𑌯𑌾𑌨𑍍𑌕𑌾𑌂𑌚𑌨𑌸𑌨𑍍𑌨𑌾𑌹𑌾𑌨𑍍𑌰𑌥𑌯𑍁𑌕𑍍𑌤𑌾𑌨𑍍𑌸𑌸𑌾𑌰𑌥𑍀𑌨𑍍 ॥ 22 ॥
𑌗𑌜𑌾𑌂𑌶𑍍𑌚 𑌸𑌗𑌜𑌾𑌰𑍋𑌹𑌾𑌨𑍍𑌸𑌹𑌯𑌾𑌨𑍍𑌸𑌾𑌦𑌿𑌨𑌸𑍍𑌤𑌥𑌾 ।
𑌪𑌦𑌾𑌤𑍀𑌨𑍍𑌸𑌮𑌰𑍇 𑌹𑌤𑍍𑌵𑌾 𑌹𑍍𑌯𑌨𑌯𑌦𑍍𑌯𑌮𑌸𑌾𑌦𑌨𑌮𑍍 ॥ 23 ॥
𑌤𑌤𑍋 𑌨𑌾𑌲𑍀𑌕𑌨𑌾𑌰𑌾𑌚𑍈𑌸𑍍𑌤𑍀𑌕𑍍𑌷𑍍𑌣𑌾𑌗𑍍𑌰𑍈𑌶𑍍𑌚 𑌵𑌿𑌕𑌰𑍍𑌣𑌿𑌭𑌿𑌃 ।
𑌭𑍀𑌮𑌮𑌾𑌰𑍍𑌤𑌸𑍍𑌵𑌰𑌂 𑌚𑌕𑍍𑌰𑍁𑌰𑍍𑌭𑌿𑌦𑍍𑌯𑌮𑌾𑌨𑌾 𑌨𑌿𑌶𑌾𑌚𑌰𑌾𑌃 ॥ 24 ॥
𑌤𑌤𑍍𑌸𑍈𑌨𑍍𑌯𑌂 𑌨𑌿𑌶𑌿𑌤𑍈𑌰𑍍𑌬𑌾𑌣𑍈𑌰𑌰𑍍𑌦𑌿𑌤𑌂 𑌮𑌰𑍍𑌮𑌭𑍇𑌦𑌿𑌭𑌿𑌃 ।
𑌰𑌾𑌮𑍇𑌣 𑌨 𑌸𑍁𑌖𑌂 𑌲𑍇𑌭𑍇 𑌶𑍁𑌷𑍍𑌕𑌂 𑌵𑌨𑌮𑌿𑌵𑌾𑌗𑍍𑌨𑌿𑌨𑌾 ॥ 25 ॥
𑌕𑍇𑌚𑌿𑌦𑍍𑌭𑍀𑌮𑌬𑌲𑌾𑌶𑍍𑌶𑍂𑌰𑌾𑌶𑍍𑌶𑍂𑌲𑌾𑌨𑍍𑌖𑌂𑌗𑌾𑌨𑍍𑌪𑌰𑌶𑍍𑌵𑌧𑌾𑌨𑍍 ।
𑌰𑌾𑌮𑌸𑍍𑌯𑌾𑌭𑌿𑌮𑍁𑌖𑌂 𑌗𑌤𑍍𑌵𑌾 𑌚𑌿𑌕𑍍𑌷𑌿𑌪𑍁𑌃 𑌪𑌰𑌮𑌾𑌯𑍁𑌧𑌾𑌨𑍍 ॥ 26 ॥
𑌤𑌾𑌨𑌿 𑌬𑌾𑌣𑍈𑌰𑍍𑌮𑌹𑌾𑌬𑌾𑌹𑍁𑌶𑍍𑌶𑌸𑍍𑌤𑍍𑌰𑌾𑌣𑍍𑌯𑌾𑌵𑌾𑌰𑍍𑌯 𑌰𑌾𑌘𑌵𑌃 ।
𑌜𑌹𑌾𑌰 𑌸𑌮𑌰𑍇 𑌪𑍍𑌰𑌾𑌣𑌾𑌂𑌶𑍍𑌚𑌿𑌚𑍍𑌛𑍇𑌦 𑌚 𑌶𑌿𑌰𑍋𑌧𑌰𑌾𑌨𑍍 ॥ 2 ॥
𑌤𑍇 𑌛𑌿𑌨𑍍𑌨𑌶𑌿𑌰𑌸𑌃 𑌪𑍇𑌤𑍁𑌶𑍍𑌚𑌿𑌨𑍍𑌨𑌵𑌰𑍍𑌮𑌶𑌰𑌾𑌸𑌨𑌾𑌃 ।
𑌸𑍁𑌪𑌰𑍍𑌣𑌵𑌾𑌤𑌵𑌿𑌕𑍍𑌷𑌿𑌪𑍍𑌤𑌾 𑌜𑌗𑌤𑍍𑌯𑌾𑌂 𑌪𑌾𑌦𑌪𑌾 𑌯𑌥𑌾 ॥ 2 ॥
𑌅𑌵𑌶𑌿𑌷𑍍𑌟𑌾𑌶𑍍𑌚 𑌯𑍇 𑌤𑌤𑍍𑌰 𑌵𑌿𑌷𑌣𑍍𑌣𑌾𑌶𑍍𑌚 𑌨𑌿𑌶𑌾𑌚𑌰𑌾𑌃 ।
𑌖𑌰𑌮𑍇𑌵𑌾𑌭𑍍𑌯𑌧𑌾𑌵𑌂𑌤 𑌶𑌰𑌣𑌾𑌰𑍍𑌥𑌂 𑌶𑌰𑌾𑌰𑍍𑌦𑌿𑌤𑌾𑌃 ॥ 2 ॥
𑌤𑌾𑌨𑍍𑌸𑌰𑍍𑌵𑌾𑌨𑍍𑌪𑍁𑌨𑌰𑌾𑌦𑌾𑌯 𑌸𑌮𑌾𑌶𑍍𑌵𑌾𑌸𑍍𑌯 𑌚 𑌦𑍂𑌷𑌣𑌃 ।
𑌅𑌭𑍍𑌯𑌧𑌾𑌵𑌤 𑌕𑌾𑌕𑍁𑌤𑍍𑌸𑍍𑌥𑌂 𑌕𑍍𑌰𑍁𑌦𑍍𑌧𑍋 𑌰𑍁𑌦𑍍𑌰𑌮𑌿𑌵𑌾𑌂𑌤𑌕𑌃 ॥ 30 ॥
𑌨𑌿𑌵𑍃𑌤𑍍𑌤𑌾𑌸𑍍𑌤𑍁 𑌪𑍁𑌨𑌸𑍍𑌸𑌰𑍍𑌵𑍇 𑌦𑍂𑌷𑌣𑌾𑌶𑍍𑌰𑌯𑌨𑌿𑌰𑍍𑌭𑌯𑌾𑌃 ।
𑌰𑌾𑌮𑌮𑍇𑌵𑌾𑌭𑍍𑌯𑌧𑌾𑌵𑌂𑌤 𑌸𑌾𑌲𑌤𑌾𑌲𑌶𑌿𑌲𑌾𑌯𑍁𑌧𑌾𑌃 ॥ 31 ॥
𑌶𑍂𑌲𑌮𑍁𑌦𑍍𑌗𑌰𑌹𑌸𑍍𑌤𑌾𑌶𑍍𑌚 𑌚𑌾𑌪𑌹𑌸𑍍𑌤𑌾 𑌮𑌹𑌾𑌬𑌲𑌾𑌃 ।
𑌸𑍃𑌜𑌂𑌤𑌶𑍍𑌶𑌰𑌵𑌰𑍍𑌷𑌾𑌣𑌿 𑌶𑌸𑍍𑌤𑍍𑌰𑌵𑌰𑍍𑌷𑌾𑌣𑌿 𑌸𑌂𑌯𑍁𑌗𑍇 ॥ 32 ॥
𑌦𑍍𑌰𑍁𑌮𑌵𑌰𑍍𑌷𑌾𑌣𑌿 𑌮𑍁𑌂𑌚𑌂𑌤𑌶𑍍𑌶𑌿𑌲𑌾𑌵𑌰𑍍𑌷𑌾𑌣𑌿 𑌰𑌾𑌕𑍍𑌷𑌸𑌾𑌃 ।
𑌤𑌦𑍍𑌬𑌭𑍂𑌵𑌾𑌦𑍍𑌭𑍁𑌤𑌂 𑌯𑍁𑌦𑍍𑌧𑌂 𑌤𑍁𑌮𑍁𑌲𑌂 𑌰𑍋𑌮𑌹𑌰𑍍𑌷𑌣𑌮𑍍 ।
𑌰𑌾𑌮𑌸𑍍𑌯 𑌚 𑌮𑌹𑌾𑌘𑍋𑌰𑌂 𑌪𑍁𑌨𑌸𑍍𑌤𑍇𑌷𑌾𑌂 𑌚 𑌰𑌕𑍍𑌷𑌸𑌾𑌮𑍍 ॥ 33 ॥
𑌤𑍇 𑌸𑌮𑌂𑌤𑌾𑌦𑌤𑌿𑌕𑍍𑌰𑍁𑌦𑍍𑌧𑌾 𑌰𑌾𑌘𑌵𑌂 𑌪𑍁𑌨𑌰𑌭𑍍𑌯𑌯𑍁𑌃 ॥ 34 ॥
𑌤𑍈𑌶𑍍𑌚 𑌸𑌰𑍍𑌵𑌾 𑌦𑌿𑌶𑍋 𑌦𑍃𑌷𑍍𑌟𑍍𑌵𑌾 𑌪𑍍𑌰𑌦𑌿𑌶𑌶𑍍𑌚 𑌸𑌮𑌾𑌵𑍃𑌤𑌾𑌃 ।
𑌰𑌾𑌕𑍍𑌷𑌸𑍈𑌰𑍁𑌦𑍍𑌯𑌤𑌪𑍍𑌰𑌾𑌸𑍈𑌶𑍍𑌶𑌰𑌵𑌰𑍍𑌷𑌾𑌭𑌿𑌵𑌰𑍍𑌷𑌿𑌭𑌿𑌃 ॥ 35 ॥
𑌸 𑌕𑍃𑌤𑍍𑌵𑌾 𑌭𑍈𑌰𑌵𑌂 𑌨𑌾𑌦𑌮𑌸𑍍𑌤𑍍𑌰𑌂 𑌪𑌰𑌮𑌭𑌾𑌸𑍍𑌵𑌰𑌮𑍍 ।
𑌸𑌂𑌯𑍋𑌜𑌯𑌤 𑌗𑌾𑌂𑌧𑌰𑍍𑌵𑌂 𑌰𑌾𑌕𑍍𑌷𑌸𑍇𑌷𑍁 𑌮𑌹𑌾𑌬𑌲𑌃 ॥ 36 ॥
𑌤𑌤𑌶𑍍𑌶𑌰𑌸𑌹𑌸𑍍𑌰𑌾𑌣𑌿 𑌨𑌿𑌰𑍍𑌯𑌯𑍁𑌶𑍍𑌚𑌾𑌪𑌮𑌂𑌡𑌲𑌾𑌤𑍍 ।
𑌸𑌰𑍍𑌵𑌾 𑌦𑌶 𑌦𑌿𑌶𑍋 𑌬𑌾𑌣𑍈𑌰𑌾𑌵𑌾𑌰𑍍𑌯𑌂𑌤 𑌸𑌮𑌾𑌗𑌤𑍈𑌃 ॥ 3 ॥
𑌨𑌾𑌦𑌦𑌾𑌨𑌂 𑌶𑌰𑌾𑌨𑍍𑌘𑍋𑌰𑌾𑌨𑍍𑌨𑌮𑍁𑌂𑌚𑌂𑌤𑌂 𑌶𑌿𑌲𑍀𑌮𑍁𑌖𑌾𑌨𑍍 ।
𑌵𑌿𑌕𑌰𑍍𑌷𑌮𑌾𑌣𑌂 𑌪𑌶𑍍𑌯𑌂𑌤𑌿 𑌰𑌾𑌕𑍍𑌷𑌸𑌾𑌸𑍍𑌤𑍇 𑌶𑌰𑌾𑌰𑍍𑌦𑌿𑌤𑌾𑌃 ॥ 3 ॥
𑌶𑌰𑌾𑌂𑌧𑌕𑌾𑌰𑌮𑌾𑌕𑌾𑌶𑌮𑌾𑌵𑍃𑌣𑍋𑌤𑍍𑌸𑌦𑌿𑌵𑌾𑌕𑌰𑌮𑍍 ।
𑌬𑌭𑍂𑌵𑌾𑌵𑌸𑍍𑌥𑌿𑌤𑍋 𑌰𑌾𑌮𑌃 𑌪𑍍𑌰𑌵𑌮𑌨𑍍𑌨𑌿𑌵 𑌤𑌾𑌂𑌛𑌰𑌾𑌨𑍍 ॥ 3 ॥
𑌯𑍁𑌗𑌪𑌤𑍍𑌪𑌤𑌮𑌾𑌨𑍈𑌶𑍍𑌚 𑌯𑍁𑌗𑌪𑌚𑍍𑌚 𑌹𑌤𑍈𑌰𑍍𑌭𑍃𑌶𑌮𑍍 ।
𑌯𑍁𑌗𑌪𑌤𑍍𑌪𑌤𑌿𑌤𑍈𑌶𑍍𑌚𑍈𑌵 𑌵𑌿𑌕𑍀𑌰𑍍𑌣𑌾 𑌵𑌸𑍁𑌧𑌾 𑌭𑌵𑌤𑍍 ॥ 40 ॥
𑌨𑌿𑌹𑌤𑌾𑌃 𑌪𑌤𑌿𑌤𑌾𑌃 𑌕𑍍𑌷𑍀𑌣𑌾𑌶𑍍𑌛𑌿𑌨𑍍𑌨𑌾 𑌭𑌿𑌨𑍍𑌨𑌾 𑌵𑌿𑌦𑌾𑌰𑌿𑌤𑌾𑌃 ।
𑌤𑌤𑍍𑌰 𑌤𑌤𑍍𑌰 𑌸𑍍𑌮 𑌦𑍃𑌶𑍍𑌯𑌂𑌤𑍇 𑌰𑌾𑌕𑍍𑌷𑌸𑌾𑌸𑍍𑌤𑍇 𑌸𑌹𑌸𑍍𑌰𑌶𑌃 ॥ 41 ॥
𑌸𑍋𑌷𑍍𑌣𑍀𑌷𑍈𑌰𑍁𑌤𑍍𑌤𑌮𑌾𑌂𑌗𑍈𑌶𑍍𑌚 𑌸𑌾𑌂𑌗𑌦𑍈𑌰𑍍𑌬𑌾𑌹𑍁𑌭𑌿𑌸𑍍𑌤𑌥𑌾 ।
𑌊𑌰𑍁𑌭𑌿𑌰𑍍𑌜𑌾𑌨𑍁𑌭𑌿𑌶𑍍𑌛𑌿𑌨𑍍𑌨𑍈𑌰𑍍𑌨𑌾𑌨𑌾𑌰𑍂𑌪𑍈𑌵𑌿𑌭𑍂𑌷𑌣𑍈𑌃 ॥ 42 ॥
𑌹𑌯𑍈𑌶𑍍𑌚 𑌦𑍍𑌵𑌿𑌪𑌮𑍁𑌖𑍍𑌯𑍈𑌶𑍍𑌚 𑌰𑌥𑍈𑌰𑍍𑌭𑌿𑌨𑍍𑌨𑍈𑌰𑌨𑍇𑌕𑌶𑌃 ।
𑌚𑌾𑌮𑌰𑍈𑌰𑍍𑌵𑍍𑌯𑌜𑌨𑍈𑌶𑍍𑌛𑌤𑍍𑌰𑍈𑌰𑍍𑌧𑍍𑌵𑌜𑍈𑌰𑍍𑌨𑌾𑌨𑌾𑌵𑌿𑌧𑍈𑌰𑌪𑌿 ॥ 43 ॥
𑌰𑌾𑌮𑌸𑍍𑌯 𑌬𑌾𑌣𑌾𑌭𑌿𑌹𑌤𑍈𑌰𑍍𑌵𑌿𑌚𑌿𑌤𑍍𑌰𑍈𑌶𑍍𑌶𑍂𑌲𑌪𑌟𑍍𑌟𑌿𑌸𑍈𑌃 ।
𑌖𑌂𑌗𑍈 𑌖𑌂𑌡𑍀𑌕𑍃𑌤𑍈𑌃 𑌪𑍍𑌰𑌾𑌸𑍈𑌰𑍍𑌵𑌿𑌕𑍀𑌰𑍍𑌣𑍈𑌶𑍍𑌚 𑌪𑌰𑌶𑍍𑌵𑌧𑍈𑌃 ॥ 44 ॥
𑌚𑍂𑌰𑍍𑌣𑌿𑌤𑌾𑌭𑌿𑌶𑍍𑌶𑌿𑌲𑌾𑌭𑌿𑌶𑍍𑌚 𑌶𑌰𑍈𑌶𑍍𑌚𑌿𑌤𑍍𑌰𑍈𑌰𑌨𑍇𑌕𑌶𑌃 ।
𑌵𑌿𑌚𑍍𑌛𑌿𑌨𑍍𑌨𑍈𑌸𑍍𑌸𑌮𑌰𑍇 𑌭𑍂𑌮𑌿𑌰𑍍𑌵𑌿𑌕𑍀𑌰𑍍𑌣𑌾𑌽𑌭𑍂𑌦𑍍𑌭𑌯𑌂𑌕𑌰𑌾 ॥ 45 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ॥
