𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌸𑍍𑌯𑌾𑌂 𑌚𑍀𑌰𑌂 𑌵𑌸𑌾𑌨𑌾𑌯𑌾𑌂 𑌨𑌾𑌥𑌵𑌤𑍍𑌯𑌾𑌮𑌨𑌾𑌥𑌵𑌤𑍍 ।
𑌪𑍍𑌰𑌚𑍁𑌕𑍍𑌰𑍋𑌶 𑌜𑌨𑌸𑍍𑌸𑌰𑍍𑌵𑍋 𑌧𑌿𑌕𑍍𑌤𑍍𑌵𑌾𑌂 𑌦𑌶𑌰𑌥𑌂 𑌤𑍍𑌵𑌿𑌤𑌿 ॥ 1 ॥
𑌤𑍇𑌨 𑌤𑌤𑍍𑌰 𑌪𑍍𑌰𑌣𑌾𑌦𑍇𑌨 𑌦𑍁𑌃𑌖𑌿𑌤𑌸𑍍𑌸 𑌮𑌹𑍀𑌪𑌤𑌿𑌃 ।
𑌚𑌿𑌚𑍍𑌛𑍇𑌦 𑌜𑍀𑌵𑌿𑌤𑍇 𑌶𑍍𑌰𑌦𑍍𑌧𑌾𑌂 𑌧𑌰𑍍𑌮𑍇 𑌯𑌶𑌸𑌿 𑌚𑌾𑌤𑍍𑌮𑌨𑌃 ॥ 2 ॥
𑌸 𑌨𑌿𑌃𑌶𑍍𑌵𑌸𑍍𑌯𑍋𑌷𑍍𑌣𑌮𑍈𑌕𑍍𑌷𑍍𑌵𑌾𑌕 𑌸𑍍𑌤𑌾𑌂 𑌭𑌾𑌰𑍍𑌯𑌾𑌮𑌿𑌦𑌮𑌬𑍍𑌰𑌵𑍀𑌤𑍍 ।
𑌕𑍈𑌕𑍇𑌯𑌿 𑌕𑍁𑌶𑌚𑍀𑌰𑍇𑌣 𑌨 𑌸𑍀𑌤𑌾 𑌗𑌂𑌤𑍁𑌮𑌰𑍍𑌹𑌤𑌿 ॥ 3 ॥
𑌸𑍁𑌕𑍁𑌮𑌾𑌰𑍀 𑌚 𑌬𑌾𑌲𑌾 𑌚 𑌸𑌤𑌤𑌂 𑌚 𑌸𑍁𑌖𑍋𑌚𑌿𑌤𑌾 ।
𑌨𑍇𑌯𑌂 𑌵𑌨𑌸𑍍𑌯 𑌯𑍋𑌗𑍍𑌯𑍇𑌤𑌿 𑌸𑌤𑍍𑌯𑌮𑌾𑌹 𑌗𑍁𑌰𑍁𑌰𑍍𑌮𑌮 ॥ 4 ॥
𑌇𑌯𑌂 𑌹𑌿 𑌕𑌸𑍍𑌯𑌾𑌪𑌕𑌰𑍋𑌤𑌿 𑌕𑌿𑌂𑌚𑌿 𑌤𑍍𑌤𑌪𑌸𑍍𑌵𑌿𑌨𑍀 𑌰𑌾𑌜𑌵𑌰𑌸𑍍𑌯 𑌕𑌨𑍍𑌯𑌾 ।
𑌯𑌾 𑌚𑍀𑌰𑌮𑌾𑌸𑌾𑌦𑍍𑌯 𑌜𑌨𑌸𑍍𑌯 𑌮𑌧𑍍𑌯𑍇 𑌸𑍍𑌥𑌿𑌤𑌾 𑌵𑌿𑌸𑌂𑌜𑍍𑌞𑌾𑌶𑍍𑌰𑌮𑌣𑍀𑌵 𑌕𑌾𑌚𑌿𑌤𑍍 ॥ 5 ॥
𑌚𑍀𑌰𑌾𑌣𑍍𑌯𑌪𑌾𑌸𑍍𑌯𑌾𑌜𑍍𑌜𑌨𑌕𑌸𑍍𑌯 𑌕𑌨𑍍𑌯𑌾 𑌨𑍇𑌯𑌂 𑌪𑍍𑌰𑌤𑌿𑌜𑍍𑌞𑌾 𑌮𑌮 𑌦𑌤𑍍𑌤𑌪𑍂𑌰𑍍𑌵𑌾 ।
𑌯𑌥𑌾𑌸𑍁𑌖𑌂 𑌗𑌚𑍍𑌛𑌤𑍁 𑌰𑌾𑌜𑌪𑍁𑌤𑍍𑌰𑍀 𑌵𑌨𑌂 𑌸𑌮𑌗𑍍𑌰𑌾 𑌸𑌹 𑌸𑌰𑍍𑌵𑌰𑌤𑍍𑌨𑍈𑌃 ॥ 6 ॥
𑌅𑌜𑍀𑌵𑌨𑌾𑌰𑍍𑌹𑍇𑌣 𑌮𑌯𑌾 𑌨𑍃𑌶𑌂𑌸𑌾 𑌕𑍃𑌤𑌾 𑌪𑍍𑌰𑌤𑌿𑌜𑍍𑌞𑌾 𑌨𑌿𑌯𑌮𑍇𑌨 𑌤𑌾𑌵𑌤𑍍 ।
𑌤𑌵𑌯𑌾 𑌹𑌿 𑌬𑌾𑌲𑍍𑌯𑌾𑌤𑍍 𑌪𑍍𑌰𑌤𑌿𑌪𑌨𑍍𑌨𑌮𑍇𑌤𑌤𑍍 𑌤𑌨𑍍𑌮𑌾𑌂 𑌦𑌹𑍇𑌦𑍍𑌵𑍇𑌣𑍁𑌮𑌿𑌵𑌾𑌤𑍍𑌮𑌪𑍁𑌷𑍍𑌪𑌮𑍍 ॥ ॥
𑌰𑌾𑌮𑍇𑌣 𑌯𑌦𑌿 𑌤𑍇 𑌪𑌾𑌪𑍇 𑌕𑌿𑌂𑌚𑌿𑌤𑍍𑌕𑍃𑌤𑌮𑌶𑍋𑌭𑌨𑌮𑍍 ।
𑌅𑌪𑌕𑌾𑌰𑌃 𑌕 𑌇𑌹 𑌤𑍇 𑌵𑍈𑌦𑍇𑌹𑍍𑌯𑌾 𑌦𑌰𑍍𑌶𑌿𑌤𑍋𑌽𑌧𑌮𑍇 ॥ ॥
𑌮𑍃𑌗𑍀𑌵𑍋𑌤𑍍𑌫𑍁𑌲𑍍𑌲𑌨𑌯𑌨𑌾 𑌮𑍃𑌦𑍁𑌶𑍀𑌲𑌾 𑌤𑌪𑌸𑍍𑌵𑍀𑌨𑍀 ।
𑌅𑌪𑌕𑌾𑌰𑌂 𑌕𑌮𑌿𑌹 𑌤𑍇 𑌕𑌰𑍋𑌤𑌿 𑌜𑌨𑌕𑌾𑌤𑍍𑌮𑌜𑌾 ॥ ॥
𑌨𑌨𑍁 𑌪𑌰𑍍𑌯𑌾𑌪𑍍𑌤 𑌮𑍇𑌤𑌤𑍍𑌤𑍇 𑌪𑌾𑌪𑍇 𑌰𑌾𑌮𑌵𑌿𑌵𑌾𑌸𑌨𑌮𑍍 ।
𑌕𑌿𑌮𑍇𑌭𑌿𑌃 𑌕𑍃𑌪𑌣𑍈𑌰𑍍𑌭𑍂𑌯𑌃 𑌪𑌾𑌤𑌕𑍈𑌰𑌪𑌿 𑌤𑍇 𑌕𑍃𑌤𑍈𑌃 ॥ 10 ॥
𑌪𑍍𑌰𑌤𑌿𑌜𑍍𑌞𑌾𑌤𑌂 𑌮𑌯𑌾 𑌤𑌾𑌵𑌤𑍍 𑌤𑍍𑌵𑌯𑍋𑌕𑍍𑌤𑌂 𑌦𑍇𑌵𑌿 𑌶𑍃𑌣𑍍𑌵𑌤𑌾 ।
𑌰𑌾𑌮𑌂 𑌯𑌦𑌭𑌿𑌷𑍇𑌕𑌾𑌯 𑌤𑍍𑌵𑌮𑌿𑌹𑌾𑌗𑌤𑌮𑌬𑍍𑌰𑌵𑍀𑌃 ॥ 11 ॥
𑌤𑌤𑍍𑌤𑍍𑌵𑍇𑌤𑌤𑍍𑌸𑌮𑌤𑌿𑌕𑍍𑌰𑌮𑍍𑌯 𑌨𑌿𑌰𑌯𑌂 𑌗𑌂𑌤𑍁𑌮𑌿𑌚𑍍𑌛𑌸𑌿 ।
𑌮𑍈𑌥𑌿𑌲𑍀𑌮𑌪𑌿 𑌯𑌾 𑌹𑌿 𑌤𑍍𑌵𑌮𑍀𑌕𑍍𑌷𑌸𑍇 𑌚𑍀𑌰𑌵𑌾𑌸𑌿𑌨𑍀𑌮𑍍 ॥ 12 ॥
𑌇𑌤𑍀𑌵 𑌰𑌾𑌜𑌾 𑌵𑌿𑌲𑌪𑌨𑍍𑌮𑌹𑌾𑌤𑍍𑌮𑌾 𑌶𑍋𑌕𑌸𑍍𑌯 𑌨𑌾𑌂𑌤𑌂 𑌸 𑌦𑌦𑌰𑍍𑌶 𑌕𑌿𑌂𑌚𑌿𑌤𑍍 ।
𑌭𑍃𑌶𑌾𑌤𑍁𑌰𑌤𑍍𑌵𑌾𑌚𑍍𑌚 𑌪𑌪𑌾𑌤 𑌭𑍂𑌮𑍌 𑌤𑍇𑌨𑍈𑌵 𑌪𑍁𑌤𑍍𑌰𑌵𑍍𑌯𑌸𑌨𑍇𑌨 𑌮𑌗𑍍𑌨𑌃 ॥ 13 ॥
𑌏𑌵𑌂 𑌬𑍍𑌰𑍁𑌵𑌂𑌤𑌂 𑌪𑌿𑌤𑌰𑌂 𑌰𑌾𑌮𑌸𑍍𑌸𑌂𑌪𑍍𑌰𑌸𑍍𑌥𑌿𑌤𑍋 𑌵𑌨𑌮𑍍 ।
𑌅𑌵𑌾𑌕𑍍𑌛𑌿𑌰𑌸𑌮𑌾𑌸𑍀𑌨𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 14 ॥
𑌯𑌂 𑌧𑌾𑌰𑍍𑌮𑌿𑌕 𑌕𑍌𑌶𑌲𑍍𑌯𑌾 𑌮𑌮 𑌮𑌾𑌤𑌾 𑌯𑌶𑌸𑍍𑌵𑌿𑌨𑍀 ।
𑌵𑍃𑌦𑍍𑌧𑌾 𑌚𑌾𑌕𑍍𑌷𑍁𑌦𑍍𑌰𑌶𑍀𑌲𑌾 𑌚 𑌨 𑌚 𑌤𑍍𑌵𑌾𑌂 𑌦𑍇𑌵 𑌗𑌰𑍍𑌹𑌤𑍇 ॥ 15 ॥
𑌮𑌯𑌾 𑌵𑌿𑌹𑍀𑌨𑌾𑌂 𑌵𑌰𑌦 𑌪𑍍𑌰𑌪𑌨𑍍𑌨𑌾𑌂 𑌶𑍋𑌕𑌸𑌾𑌗𑌰𑌮𑍍 ।
𑌅𑌦𑍃𑌷𑍍𑌟𑌪𑍂𑌰𑍍𑌵𑌵𑍍𑌯𑌸𑌨𑌾𑌂 𑌭𑍂𑌯𑌸𑍍𑌸𑌮𑍍𑌮𑌂𑌤𑍁𑌮𑌰𑍍𑌹𑌸𑌿 ॥ 16 ॥
𑌪𑍁𑌤𑍍𑌰𑌶𑍋𑌕𑌂 𑌯𑌥𑌾 𑌨𑌰𑍍𑌚𑍍𑌛𑍇𑌤𑍍𑌤𑍍𑌵𑌯𑌾 𑌪𑍂𑌜𑍍𑌯𑍇𑌨 𑌪𑍂𑌜𑌿𑌤𑌾 ।
𑌮𑌾𑌂 𑌹𑌿 𑌸𑌂𑌚𑌿𑌂𑌤𑌯𑌂𑌤𑍀 𑌸𑌾 𑌤𑍍𑌵𑌯𑌿 𑌜𑍀𑌵𑍇𑌤𑍍𑌤𑌪𑌸𑍍𑌵𑌿𑌨𑍀 ॥ 1 ॥
𑌇𑌮𑌾𑌂 𑌮𑌹𑍇𑌂𑌂𑌦𑍍𑌰𑍋𑌪𑌮 𑌜𑌾𑌤𑌗𑌰𑍍𑌧𑌿𑌨𑍀𑌂 𑌤𑌥𑌾 𑌵𑌿𑌧𑌾𑌤𑍁𑌂 𑌜𑌨𑌨𑍀𑌂 𑌮𑌮𑌾𑌰𑍍𑌹𑌸𑌿 ।
𑌯𑌥𑌾 𑌵𑌨𑌸𑍍𑌥𑍇 𑌮𑌯𑌿 𑌶𑍋𑌕𑌕𑌰𑍍𑌶𑌿𑌤𑌾 𑌨 𑌜𑍀𑌵𑌿𑌤𑌂 𑌨𑍍𑌯𑌸𑍍𑌯 𑌯𑌮𑌕𑍍𑌷𑌯𑌂 𑌵𑍍𑌰𑌜𑍇𑌤𑍍 ॥ 1 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌷𑍍𑌟𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
