𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ।
𑌪𑍁𑌤𑍍𑌰𑌤𑍍𑌵𑌂 𑌤𑍁 𑌗𑌤𑍇 𑌵𑌿𑌷𑍍𑌣𑍌 𑌰𑌾𑌜𑍍𑌞𑌸𑍍𑌤𑌸𑍍𑌯 𑌸𑍁𑌮𑌹𑌾𑌤𑍍𑌮𑌨𑌃 ।
𑌉𑌵𑌾𑌚 𑌦𑍇𑌵𑌤𑌾𑌸𑍍𑌸𑌰𑍍𑌵𑌾𑌸𑍍𑌸𑍍𑌵𑌯𑌂𑌭𑍂𑌰𑍍𑌭𑌗𑌵𑌾𑌨𑌿𑌦𑌮𑍍 ॥ 1 ॥
𑌸𑌤𑍍𑌯𑌸𑌂𑌧𑌸𑍍𑌯 𑌵𑍀𑌰𑌸𑍍𑌯 𑌸𑌰𑍍𑌵𑍇𑌷𑌾𑌨𑍍𑌨𑍋 𑌹𑌿𑌤𑍈𑌷𑌿𑌣𑌃 ।
𑌵𑌿𑌷𑍍𑌣𑍋𑌸𑍍𑌸𑌹𑌾𑌯𑌾𑌨𑍍𑌬𑌲𑌿𑌨𑌸𑍍𑌸𑍃𑌜𑌧𑍍𑌵𑌂 𑌕𑌾𑌮𑌰𑍂𑌪𑌿𑌣𑌃 ॥ 2 ॥
𑌮𑌾𑌯𑌾𑌵𑌿𑌦𑌶𑍍𑌚 𑌶𑍂𑌰𑌾𑌂𑌶𑍍𑌚 𑌵𑌾𑌯𑍁𑌵𑍇𑌗𑌸𑌮𑌾𑌂𑌜𑌵𑍇 ।
𑌨𑌯𑌜𑍍𑌞𑌾𑌨𑍍𑌬𑍁𑌦𑍍𑌧𑌿𑌸𑌂𑌪𑌨𑍍𑌨𑌾𑌨𑍍𑌵𑌿𑌷𑍍𑌣𑍁𑌤𑍁𑌲𑍍𑌯𑌪𑌰𑌾𑌕𑍍𑌰𑌮𑌾𑌨𑍍 ॥ 3 ॥
𑌅𑌸𑌂𑌹𑌾𑌰𑍍𑌯𑌾𑌨𑍁𑌪𑌾𑌯𑌜𑍍𑌞𑌾𑌨𑍍 𑌦𑌿𑌵𑍍𑌯𑌸𑌂𑌹𑌨𑌨𑌾𑌨𑍍𑌵𑌿𑌤𑌾𑌨𑍍 ।
𑌸𑌰𑍍𑌵𑌾𑌸𑍍𑌤𑍍𑌰𑌗𑍁𑌣𑌸𑌂𑌪𑌨𑍍𑌨𑌾𑌨𑌮𑍃𑌤𑌪𑍍𑌰𑌾𑌶𑌨𑌾𑌨𑌿𑌵 ॥ 4 ॥
𑌅𑌪𑍍𑌸𑌰𑌸𑍍𑌸𑍁 𑌚 𑌮𑍁𑌖𑍍𑌯𑌾𑌸𑍁 𑌗𑌂𑌧𑌰𑍍𑌵𑌾𑌣𑌾𑌂 𑌤𑌨𑍂𑌷𑍁 𑌚 ।
𑌸𑍃𑌜𑌧𑍍𑌵𑌂 𑌹𑌰𑌿𑌰𑍂𑌪𑍇𑌣 𑌪𑍁𑌤𑍍𑌰𑌾𑌂𑌸𑍍𑌤𑍁𑌲𑍍𑌯𑌪𑌰𑌾𑌕𑍍𑌰𑌮𑌾𑌨𑍍 ॥ 5 ॥
𑌪𑍂𑌰𑍍𑌵𑌮𑍇𑌵 𑌮𑌯𑌾 𑌸𑍃𑌷𑍍𑌟𑍋 𑌜𑌾𑌂𑌬𑌵𑌾𑌨𑍃𑌕𑍍𑌷𑌪𑍁𑌂𑌗𑌵𑌃 ।
𑌜𑍃𑌂𑌭𑌮𑌾𑌣𑌸𑍍𑌯 𑌸𑌹𑌸𑌾 𑌮𑌮 𑌵𑌕𑍍𑌤𑍍𑌰𑌾𑌦𑌜𑌾𑌯𑌤 ॥ 6 ॥
𑌤𑍇 𑌤𑌥𑍋𑌕𑍍𑌤𑌾 𑌭𑌗𑌵𑌤𑌾 𑌤𑌤𑍍𑌪𑍍𑌰𑌤𑌿𑌶𑍍𑌰𑍁𑌤𑍍𑌯 𑌶𑌾𑌸𑌨𑌮𑍍 ।
𑌜𑌨𑌯𑌾𑌮𑌾𑌸𑍁𑌰𑍇𑌵𑌂 𑌤𑍇 𑌪𑍁𑌤𑍍𑌰𑌾𑌨𑍍𑌵𑌾𑌨𑌰𑌰𑍂𑌪𑌿𑌣𑌃 ॥ ॥
𑌋𑌷𑌯𑌶𑍍𑌚 𑌮𑌹𑌾𑌤𑍍𑌮𑌾𑌨𑌸𑍍𑌸𑌿𑌦𑍍𑌧𑌵𑌿𑌦𑍍𑌯𑌾𑌧𑌰𑍋𑌰𑌗𑌾𑌃 ।
𑌚𑌾𑌰𑌣𑌾𑌶𑍍𑌚 𑌸𑍁𑌤𑌾𑌨𑍍𑌵𑍀𑌰𑌾𑌨𑍍𑌸𑌸𑍃𑌜𑍁𑌰𑍍𑌵𑌨𑌚𑌾𑌰𑌿𑌣𑌃 ॥ ॥
𑌵𑌾𑌨𑌰𑍇𑌂𑌦𑍍𑌰𑌂 𑌮𑌹𑍇𑌂𑌦𑍍𑌰𑌾𑌭𑌮𑌿𑌂𑌦𑍍𑌰𑍋 𑌵𑌾𑌲𑌿𑌨𑌮𑍂𑌰𑍍𑌜𑌿𑌤𑌮𑍍 ।
𑌸𑍁𑌗𑍍𑌰𑍀𑌵𑌂 𑌜𑌨𑌯𑌾𑌮𑌾𑌸 𑌤𑌪𑌨𑌸𑍍𑌤𑌪𑌤𑌾𑌂 𑌵𑌰𑌃 ॥ ॥
𑌬𑍃𑌹𑌸𑍍𑌪𑌤𑌿𑌸𑍍𑌤𑍍𑌵𑌜𑌨𑌯𑌤𑍍𑌤𑌾𑌰𑌂 𑌨𑌾𑌮 𑌮𑌹𑌾𑌹𑌰𑌿𑌮𑍍 ।
𑌸𑌰𑍍𑌵𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂 𑌬𑍁𑌦𑍍𑌧𑌿𑌮𑌂𑌤𑌮𑌨𑍁𑌤𑍍𑌤𑌮𑌮𑍍 ॥ 10 ॥
𑌧𑌨𑌦𑌸𑍍𑌯 𑌸𑍁𑌤𑌶𑍍𑌶𑍍𑌰𑍀𑌮𑌾𑌨𑍍 𑌵𑌾𑌨𑌰𑍋 𑌗𑌂𑌧𑌮𑌾𑌦𑌨𑌃 ।
𑌵𑌿𑌶𑍍𑌵𑌕𑌰𑍍𑌮𑌾𑌤𑍍𑌵𑌜𑌨𑌯𑌨𑍍𑌨𑌲𑌂 𑌨𑌾𑌮 𑌮𑌹𑌾𑌹𑌰𑌿𑌮𑍍 ॥ 11 ॥
𑌪𑌾𑌵𑌕𑌸𑍍𑌯 𑌸𑍁𑌤𑌶𑍍𑌶𑍍𑌰𑍀𑌮𑌾𑌨𑍍 𑌨𑍀𑌲𑍋𑌽𑌗𑍍𑌨𑌿𑌸𑌦𑍃𑌶𑌪𑍍𑌰𑌭𑌃 ।
𑌤𑍇𑌜𑌸𑌾 𑌯𑌶𑌸𑌾 𑌵𑍀𑌰𑍍𑌯𑌾𑌦𑌤𑍍𑌯𑌰𑌿𑌚𑍍𑌯𑌤 𑌵𑌾𑌨𑌰𑌾𑌨𑍍 ॥ 12 ॥
𑌰𑍂𑌪𑌦𑍍𑌰𑌵𑌿𑌣𑌸𑌂𑌪𑌨𑍍𑌨𑌾𑌵𑌶𑍍𑌵𑌿𑌨𑍌 𑌰𑍂𑌪𑌸𑌮𑍍𑌮𑌤𑍌 ।
𑌮𑍈𑌂𑌦𑌂 𑌚 𑌦𑍍𑌵𑌿𑌵𑌿𑌦𑌂 𑌚𑍈𑌵 𑌜𑌨𑌯𑌾𑌮𑌾𑌸𑌤𑍁𑌸𑍍𑌸𑍍𑌵𑌯𑌮𑍍 ॥ 13 ॥
𑌵𑌰𑍁𑌣𑍋 𑌜𑌨𑌯𑌾𑌮𑌾𑌸 𑌸𑍁𑌷𑍇𑌣𑌂 𑌵𑌾𑌨𑌰𑌰𑍍𑌷𑌭𑌮𑍍 ।
𑌶𑌰𑌭𑌂 𑌜𑌨𑌯𑌾𑌮𑌾𑌸 𑌪𑌰𑍍𑌜𑌨𑍍𑌯𑌸𑍍𑌤𑍁 𑌮𑌹𑌾𑌬𑌲𑌮𑍍 ॥ 14 ॥
𑌮𑌾𑌰𑍁𑌤𑌸𑍍𑌯𑌾𑌤𑍍𑌮𑌜𑌶𑍍𑌶𑍍𑌰𑍀𑌮𑌾𑌨𑍍𑌹𑌨𑍁𑌮𑌾𑌨𑍍𑌨𑌾𑌮 𑌵𑍀𑌰𑍍𑌯𑌵𑌾𑌨𑍍 ।
𑌵𑌜𑍍𑌰𑌸𑌂𑌹𑌨𑌨𑍋𑌪𑍇𑌤𑍋 𑌵𑍈𑌨𑌤𑍇𑌯𑌸𑌮𑍋 𑌜𑌵𑍇 ॥ 15 ॥
𑌤𑍇 𑌸𑍃𑌷𑍍𑌟𑌾 𑌬𑌹𑍁𑌸𑌾𑌹𑌸𑍍𑌰𑌾 𑌦𑌶𑌗𑍍𑌰𑍀𑌵𑌵𑌧𑍇 𑌰𑌤𑌾𑌃 ।
𑌅𑌪𑍍𑌰𑌮𑍇𑌯𑌬𑌲𑌾 𑌵𑍀𑌰𑌾 𑌵𑌿𑌕𑍍𑌰𑌾𑌂𑌤𑌾𑌃 𑌕𑌾𑌮𑌰𑍂𑌪𑌿𑌣𑌃 ॥ 16 ॥
𑌮𑍇𑌰𑍁𑌮𑌂𑌦𑌰𑌸𑌂𑌕𑌾𑌶𑌾 𑌵𑌪𑍁𑌷𑍍𑌮𑌂𑌤𑍋 𑌮𑌹𑌾𑌬𑌲𑌾𑌃 ।
𑌋𑌕𑍍𑌷𑌵𑌾𑌨𑌰𑌗𑍋𑌪𑍁𑌚𑍍𑌛𑌾𑌃 𑌕𑍍𑌷𑌿𑌪𑍍𑌰𑌮𑍇𑌵𑌾𑌭𑌿𑌜𑌜𑍍𑌞𑌿𑌰𑍇 ॥ 1 ॥
𑌯𑌸𑍍𑌯 𑌦𑍇𑌵𑌸𑍍𑌯 𑌯𑌦𑍍𑌰𑍂𑌪𑌂 𑌵𑍇𑌷𑍋 𑌯𑌶𑍍𑌚 𑌪𑌰𑌾𑌕𑍍𑌰𑌮𑌃 ।
𑌅𑌜𑌾𑌯𑌤 𑌸𑌮𑌸𑍍𑌤𑍇𑌨 𑌤𑌸𑍍𑌯 𑌤𑌸𑍍𑌯 𑌸𑍁𑌤𑌃 𑌪𑍃𑌥𑌕𑍍 ॥ 1 ॥
𑌗𑍋𑌲𑌾𑌂𑌗𑍂𑌲𑍀𑌷𑍁 𑌚𑍋𑌤𑍍𑌪𑌨𑍍𑌨𑌾𑌃 𑌕𑍇𑌚𑌿𑌤𑍍𑌸𑌮𑍍𑌮𑌤𑌵𑌿𑌕𑍍𑌰𑌮𑌾𑌃 ।
𑌋𑌕𑍍𑌷𑍀𑌷𑍁 𑌚 𑌤𑌥𑌾 𑌜𑌾𑌤𑌾 𑌵𑌾𑌨𑌰𑌾𑌃 𑌕𑌿𑌨𑍍𑌨𑌰𑍀𑌷𑍁 𑌚 ॥ 1 ॥
𑌦𑍇𑌵𑌾 𑌮𑌹𑌰𑍍𑌷𑌿𑌗𑌂𑌧𑌰𑍍𑌵𑌾𑌸𑍍𑌤𑌾𑌰𑍍𑌕𑍍𑌷𑍍𑌯𑌾 𑌯𑌕𑍍𑌷𑌾 𑌯𑌶𑌸𑍍𑌵𑌿𑌨𑌃 ।
𑌨𑌾𑌗𑌾𑌃 𑌕𑌿𑌂𑌪𑍁𑌰𑍁𑌷𑌾𑌶𑍍𑌚𑍈𑌵 𑌸𑌿𑌦𑍍𑌧𑌵𑌿𑌦𑍍𑌯𑌾𑌧𑌰𑍋𑌰𑌗𑌾𑌃 ॥ 20 ॥
𑌬𑌹𑌵𑍋 𑌜𑌨𑌯𑌾𑌮𑌾𑌸𑍁𑌰𑍍𑌹𑍃𑌷𑍍𑌟𑌾𑌸𑍍𑌤𑌤𑍍𑌰 𑌸𑌹𑌸𑍍𑌰𑌶𑌃 ।
𑌵𑌾𑌨𑌰𑌾𑌨𑍍𑌸𑍁𑌮𑌹𑌾𑌕𑌾𑌯𑌾𑌨𑍍𑌸𑌰𑍍𑌵𑌾𑌨𑍍𑌵𑍈 𑌵𑌨𑌚𑌾𑌰𑌿𑌣𑌃 ॥ 21 ॥
𑌅𑌪𑍍𑌸𑌰𑌸𑍍𑌸𑍁 𑌚 𑌮𑍁𑌖𑍍𑌯𑌾𑌸𑍁 𑌤𑌥𑌾 𑌵𑌿𑌦𑍍𑌯𑌾𑌧𑌰𑍀𑌷𑍁 𑌚 ।
𑌨𑌾𑌗𑌕𑌨𑍍𑌯𑌾𑌸𑍁 𑌚 𑌤𑌥𑌾 𑌗𑌂𑌧𑌰𑍍𑌵𑍀𑌣𑌾𑌂 𑌤𑌨𑍂𑌷𑍁 𑌚 ॥ 22 ॥
𑌕𑌾𑌮𑌰𑍂𑌪𑌬𑌲𑍋𑌪𑍇𑌤𑌾 𑌯𑌥𑌾𑌕𑌾𑌮𑌂 𑌵𑌿𑌚𑌾𑌰𑌿𑌣𑌃 ।
𑌸𑌿𑌂𑌹𑌶𑌾𑌰𑍍𑌦𑍂𑌲𑌸𑌦𑍃𑌶𑌾 𑌦𑌰𑍍𑌪𑍇𑌣 𑌚 𑌬𑌲𑍇𑌨 𑌚 ॥ 23 ॥
𑌶𑌿𑌲𑌾𑌪𑍍𑌰𑌹𑌰𑌣𑌾𑌸𑍍𑌸𑌰𑍍𑌵𑍇 𑌸𑌰𑍍𑌵𑍇 𑌪𑌾𑌦𑌪𑌯𑍋𑌧𑌿𑌨𑌃 ॥ 24 ॥
𑌨𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑌾𑌸𑍍𑌸𑌰𑍍𑌵𑍇 𑌸𑌰𑍍𑌵𑍇 𑌸𑌰𑍍𑌵𑌾𑌸𑍍𑌤𑍍𑌰𑌕𑍋𑌵𑌿𑌦𑌾𑌃 ।
𑌵𑌿𑌚𑌾𑌲𑌯𑍇𑌯𑍁𑌶𑍍𑌶𑍈𑌲𑍇𑌂𑌦𑍍𑌰𑌾𑌨𑍍𑌭𑍇𑌦𑌯𑍇𑌯𑍁𑌸𑍍𑌸𑍍𑌥𑌿𑌰𑌾𑌂𑌦𑍍𑌰𑍁𑌮𑌾𑌨𑍍 ।
𑌕𑍍𑌷𑍋𑌭𑌯𑍇𑌯𑍁𑌶𑍍𑌚 𑌵𑍇𑌗𑍇𑌨 𑌸𑌮𑍁𑌦𑍍𑌰𑌂 𑌸𑌰𑌿𑌤𑌾𑌂 𑌪𑌤𑌿𑌮𑍍 ॥ 25 ॥
𑌦𑌾𑌰𑌯𑍇𑌯𑍁𑌃 𑌕𑍍𑌷𑌿𑌤𑌿𑌂 𑌪𑌦𑍍𑌭𑍍𑌯𑌾𑌮𑌾𑌪𑍍𑌲𑌵𑍇𑌯𑍁𑌰𑍍𑌮𑌹𑌾𑌰𑍍𑌣𑌵𑌮𑍍 ।
𑌨𑌭𑌃𑌸𑍍𑌥𑌲𑌂 𑌵𑌿𑌶𑍇𑌯𑍁𑌶𑍍𑌚 𑌗𑍃𑌹𑍍𑌣𑍀𑌯𑍁𑌰𑌪𑌿 𑌤𑍋𑌯𑌦𑌾𑌨𑍍 ॥ 26 ॥
𑌗𑍃𑌹𑍍𑌣𑍀𑌯𑍁𑌰𑌪𑌿 𑌮𑌾𑌤𑌂𑌗𑌾𑌨𑍍𑌮𑌤𑍍𑌤𑌾𑌨𑍍𑌪𑍍𑌰𑌵𑍍𑌰𑌜𑌤𑍋 𑌵𑌨𑍇 ।
𑌨𑌰𑍍𑌦𑌮𑌾𑌨𑌾𑌶𑍍𑌚 𑌨𑌾𑌦𑍇𑌨 𑌪𑌾𑌤𑌯𑍇𑌯𑍁𑌰𑍍𑌵𑌿𑌹𑌂𑌗𑌮𑌾𑌨𑍍 ॥ 2 ॥
𑌈𑌦𑍃𑌶𑌾𑌨𑌾𑌂 𑌪𑍍𑌰𑌸𑍂𑌤𑌾𑌨𑌿 𑌹𑌰𑍀𑌣𑌾𑌂 𑌕𑌾𑌮𑌰𑍂𑌪𑌿𑌣𑌾𑌮𑍍 ।
𑌶𑌤𑌂 𑌶𑌤𑌸𑌹𑌸𑍍𑌰𑌾𑌣𑌿 𑌯𑍂𑌥𑌪𑌾𑌨𑌾𑌂 𑌮𑌹𑌾𑌤𑍍𑌮𑌨𑌾𑌮𑍍 ॥ 2 ॥
𑌤𑍇 𑌪𑍍𑌰𑌧𑌾𑌨𑍇𑌷𑍁 𑌯𑍂𑌥𑍇𑌷𑍁 𑌹𑌰𑍀𑌣𑌾𑌂 𑌹𑌰𑌿𑌯𑍂𑌥𑌪𑌾𑌃 ।
𑌬𑌭𑍂𑌵𑍁𑌰𑍍𑌯𑍂𑌥𑌪𑌶𑍍𑌰𑍇𑌷𑍍𑌠𑌾 𑌵𑍀𑌰𑌾𑌂𑌶𑍍𑌚𑌾𑌜𑌨𑌯𑌨𑍍 𑌹𑌰𑍀𑌨𑍍 ॥ 2 ॥
𑌅𑌨𑍍𑌯𑍇 𑌋𑌕𑍍𑌷𑌵𑌤𑌃 𑌪𑍍𑌰𑌸𑍍𑌥𑌾𑌨𑌵𑌤𑌸𑍍𑌥𑍁 𑌸𑍍𑌸𑌹𑌸𑍍𑌰𑌶𑌃 ।
𑌅𑌨𑍍𑌯𑍇 𑌨𑌾𑌨𑌾𑌵𑌿𑌧𑌾𑌨𑍍𑌶𑍈𑌲𑌾𑌨𑍍𑌭𑍇𑌜𑌿𑌰𑍇 𑌕𑌾𑌨𑌨𑌾𑌨𑌿 𑌚 ॥ 30 ॥
𑌸𑍂𑌰𑍍𑌯𑌪𑍁𑌤𑍍𑌰𑌂 𑌚 𑌸𑍁𑌗𑍍𑌰𑍀𑌵𑌂 𑌶𑌕𑍍𑌰𑌪𑍁𑌤𑍍𑌰𑌂 𑌚 𑌵𑌾𑌲𑌿𑌨𑌮𑍍 ।
𑌭𑍍𑌰𑌾𑌤𑌰𑌾𑌵𑍁𑌪𑌤𑌸𑍍𑌥𑍁𑌸𑍍𑌤𑍇 𑌸𑌰𑍍𑌵 𑌏𑌵 𑌹𑌰𑍀𑌶𑍍𑌵𑌰𑌾𑌃 ॥ 31 ॥
𑌨𑌲𑌂 𑌨𑍀𑌲𑌂 𑌹𑌨𑍂𑌮𑌂𑌤𑌮𑌨𑍍𑌯𑌾𑌂𑌶𑍍𑌚 𑌹𑌰𑌿𑌯𑍂𑌥𑌪𑌾𑌨𑍍 ।
3 𑌤𑍇 𑌤𑌾𑌰𑍍𑌕𑍍𑌷𑍍𑌯𑌬𑌲𑌸𑌂𑌪𑌨𑍍𑌨𑌾𑌸𑍍𑌸𑌰𑍍𑌵𑍇 𑌯𑍁𑌦𑍍𑌧𑌵𑌿𑌶𑌾𑌰𑌦𑌾𑌃 ।
𑌵𑌿𑌚𑌰𑌂𑌤𑍋𑌽𑌰𑍍𑌦𑌯𑌂𑌦𑌰𑍍𑌪𑌾𑌤𑍍𑌸𑌿𑌂𑌹𑌵𑍍𑌯𑌾𑌘𑍍𑌰𑌮𑌹𑍋𑌰𑌗𑌾𑌨𑍍 ॥ 32 ॥
𑌤𑌾𑌂𑌶𑍍𑌚 𑌸𑌰𑍍𑌵𑌾𑌨𑍍𑌮𑌹𑌾𑌬𑌾𑌹𑍁𑌰𑍍𑌵𑌾𑌲𑍀 𑌵𑌿𑌪𑍁𑌲𑌵𑌿𑌕𑍍𑌰𑌮𑌃 ।
𑌜𑍁𑌗𑍋𑌪 𑌭𑍁𑌜𑌵𑍀𑌰𑍍𑌯𑍇𑌣 𑌋𑌕𑍍𑌷𑌗𑍋𑌪𑍁𑌚𑍍𑌛𑌵𑌾𑌨𑌰𑌾𑌨𑍍 ॥ 33 ॥
𑌤𑍈𑌰𑌿𑌯𑌂 𑌪𑍃𑌥𑌿𑌵𑍀 𑌶𑍂𑌰𑍈𑌸𑍍𑌸𑌪𑌰𑍍𑌵𑌤𑌵𑌨𑌾𑌰𑍍𑌣𑌵𑌾 ।
𑌕𑍀𑌰𑍍𑌣𑌾 𑌵𑌿𑌵𑌿𑌧𑌸𑌂𑌸𑍍𑌥𑌾𑌨𑍈𑌰𑍍𑌨𑌾𑌨𑌾𑌵𑍍𑌯𑌂𑌜𑌨𑌲𑌕𑍍𑌷𑌣𑍈𑌃 ॥ 34 ॥
𑌤𑍈𑌰𑍍𑌮𑍇𑌘𑌬𑍃𑌂𑌦𑌾𑌚𑌲𑌕𑍂𑌟𑌕𑌲𑍍𑌪𑍈𑌃 𑌮𑌹𑌾𑌬𑌲𑍈𑌰𑍍𑌵𑌾𑌨𑌰𑌯𑍂𑌥𑌪𑌾𑌲𑍈𑌃 ।
𑌬𑌭𑍂𑌵 𑌭𑍂𑌰𑍍𑌭𑍀𑌮𑌶𑌰𑍀𑌰𑌰𑍂𑌪𑍈 𑌸𑍍𑌸𑌮𑌾𑌵𑍃𑌤𑌾 𑌰𑌾𑌮𑌸𑌹𑌾𑌯𑌹𑍇𑌤𑍋𑌃 ॥ 35 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ॥
