𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌸𑌬𑌲𑍇𑌸𑌾𑌗𑌰𑌂𑌤𑍀𑌰𑍍𑌣𑍇𑌰𑌾𑌮𑍇𑌦𑌶𑌰𑌥𑌾𑌤𑍍𑌮𑌜𑍇 ।
𑌅𑌮𑌾𑌤𑍍𑌯𑍌𑌰𑌾𑌵𑌣𑌶𑍍𑌰𑍀𑌮𑌾𑌨𑌬𑍍𑌰𑌵𑍀𑌚𑍍𑌛𑍁𑌕𑌸𑌾𑌰𑌣𑍌 ॥ 1 ॥
𑌸𑌮𑌗𑍍𑌰𑌂𑌸𑌾𑌗𑌰𑌂𑌤𑍀𑌰𑍍𑌣𑌂𑌦𑍁𑌸𑍍𑌤𑌰𑌂𑌵𑌾𑌨𑌰𑌂𑌬𑌲𑌮𑍍 ।
𑌅𑌭𑍂𑌤𑌪𑍂𑌰𑍍𑌵𑌂𑌰𑌾𑌮𑍇𑌣𑌸𑌾𑌗𑌰𑍇𑌸𑍇𑌤𑍁𑌬𑌂𑌧𑌨𑌮𑍍 ॥ 2 ॥
𑌸𑌾𑌗𑌰𑍇𑌸𑍇𑌤𑍁𑌬𑌂𑌦𑌂𑌤𑍁𑌨𑌶𑍍𑌰𑌦𑍍𑌦𑌧𑍍𑌯𑌾𑌂𑌕𑌥𑌂𑌚𑌨 ।
𑌅𑌵𑌶𑍍𑌯𑌂𑌚𑌾𑌪𑌿𑌸𑌙𑍍 𑌖𑍍𑌯𑍇𑌯𑌂𑌤𑌨𑍍𑌮𑌯𑌾𑌵𑌾𑌨𑌰𑌂𑌬𑌲𑌮𑍍 ॥ 3 ॥
𑌭𑌵𑌂𑌤𑍌𑌵𑌾𑌨𑌰𑌂𑌸𑍈𑌨𑍍𑌯𑌂𑌪𑍍𑌰𑌵𑌿𑌶𑍍𑌯𑌾𑌨𑍁𑌪𑌲𑌕𑍍𑌷𑌿𑌤𑍌 ।
𑌪𑌰𑌿𑌮𑌾𑌣𑌂𑌚𑌵𑍀𑌰𑍍𑌯𑌂𑌚𑌯𑍇𑌚𑌮𑍁𑌖𑍍𑌯𑌾𑌃𑌪𑍍𑌲𑌵𑌂𑌘𑌮𑌾𑌃 ॥ 4 ॥
𑌮𑌂𑌤𑍍𑌰𑌿𑌣𑍋𑌯𑍇𑌚𑌰𑌾𑌮𑌸𑍍𑌯𑌸𑍁𑌗𑍍𑌰𑍀𑌵𑌸𑍍𑌯𑌚𑌸𑌮𑍍𑌮𑌤𑌾𑌃 ।
𑌯𑍇𑌪𑍂𑌰𑍍𑌵𑌮𑌭𑌿𑌵𑌰𑍍𑌤𑌂𑌤𑍇𑌯𑍇𑌚𑌶𑍂𑌰𑌾𑌃𑌪𑍍𑌲𑌵𑌂𑌗𑌮𑌾𑌃 ॥ 5 ॥
𑌸𑌚𑌸𑍇𑌤𑍁𑌰𑍍𑌯𑌥𑌾𑌬𑌦𑍍𑌧𑌸𑍍𑌸𑌾𑌗𑌰𑍇𑌸𑌲𑌿𑌲𑌾𑌰𑍍𑌣𑌵𑍇 ।
𑌨𑌿𑌵𑍇𑌶𑌂𑌚𑌯𑌧𑌾𑌤𑍇𑌷𑌾𑌂𑌵𑌾𑌨𑌰𑌾𑌣𑌾𑌂𑌮𑌹𑌾𑌤𑍍𑌮𑌨𑌾𑌮𑍍 ॥ 6 ॥
𑌰𑌾𑌮𑌸𑍍𑌯𑌵𑍍𑌯𑌵𑌸𑌾𑌯𑌂𑌚𑌵𑍀𑌰𑍍𑌯𑌂𑌪𑍍𑌰𑌹𑌰𑌣𑌾𑌨𑌿𑌚 ।
𑌲𑌕𑍍𑌷𑍍𑌮𑌣𑌸𑍍𑌯𑌚𑌵𑍀𑌰𑍍𑌯𑌂𑌤𑌤𑍍𑌤𑍍𑌵𑌤𑍋𑌜𑍍𑌞𑌾𑌤𑍁𑌮𑌰𑍍𑌹𑌥𑌃 ॥ ॥
𑌕𑌶𑍍𑌚𑌸𑍇𑌨𑌾𑌪𑌤𑌿𑌸𑍍𑌤𑍇𑌷𑌾𑌂𑌵𑌾𑌨𑌰𑌾𑌣𑌾𑌂𑌮𑌹𑍌𑌜𑌸𑌾𑌮𑍍 ।
𑌤𑌚𑍍𑌚𑌜𑍍𑌞𑌾𑌤𑍍𑌵𑌾𑌯𑌥𑌾𑌤𑌤𑍍𑌤𑍍𑌵𑌂𑌶𑍀𑌘𑍍𑌰𑌮𑌗𑌂𑌤𑍁𑌮𑌰𑍍𑌹𑌥𑌃 ॥ ॥
𑌇𑌤𑌿𑌪𑍍𑌰𑌤𑌿𑌸𑌮𑌾𑌦𑌿𑌷𑍍𑌟𑍌𑌰𑌾𑌕𑍍𑌷𑌸𑍌𑌶𑍁𑌕𑌸𑌾𑌰𑌣𑍌 ।
𑌹𑌰𑌿𑌰𑍂𑌪𑌧𑌰𑍌𑌵𑍀𑌰𑍌𑌪𑍍𑌰𑌵𑌿𑌷𑍍𑌟𑍌𑌵𑌾𑌨𑌰𑌂𑌬𑌲𑌮𑍍 ॥ ॥
𑌤𑌤𑌸𑍍𑌤𑌦𑍍𑌵𑌾𑌨𑌰𑌂𑌸𑍈𑌨𑍍𑌯𑌮𑌚𑌿𑌂𑌤𑍍𑌯𑌂𑌰𑍋𑌮𑌹𑌰𑍍𑌷𑌣𑌮𑍍 ।
𑌸𑌙𑍍 𑌖𑍍𑌯𑌾𑌤𑍁𑌂𑌨𑌾𑌧𑍍𑌯𑌗𑌚𑍍𑌛𑍇𑌤𑌾𑌂𑌤𑌦𑌾𑌤𑍌𑌶𑍁𑌕𑌸𑌾𑌰𑌣𑍌 ॥ 10 ॥
𑌸𑌂𑌸𑍍𑌥𑌿𑌤𑌂𑌪𑌰𑍍𑌵𑌤𑌾𑌗𑍍𑌰𑍇𑌷𑍁𑌨𑌿𑌰𑍍𑌦𑌰𑍇𑌷𑍁𑌗𑍁𑌹𑌾𑌸𑍁𑌚 ।
𑌸𑌮𑍁𑌦𑍍𑌰𑌸𑍍𑌯𑌚𑌤𑍀𑌰𑍇𑌷𑍁𑌵𑌨𑍇𑌷𑍂𑌪𑌵𑌨𑍇𑌷𑍁𑌚 ॥ 11 ॥
𑌤𑌰𑌮𑌾𑌣𑌂𑌚𑌤𑍀𑌰𑍍𑌣𑌂𑌚𑌤𑌰𑍍𑌤𑍁𑌕𑌾𑌮𑌂𑌚𑌸𑌰𑍍𑌵𑌶𑌃 ।
𑌨𑌿𑌵𑌿𑌷𑍍𑌟𑌂𑌨𑌿𑌵𑌿𑌶𑍍𑌚𑍈𑌵𑌭𑍀𑌮𑌨𑌾𑌦𑌂𑌮𑌹𑌾𑌬𑌲𑌮𑍍 ॥ 12 ॥
𑌤𑌦𑍍𑌬𑌲𑌾𑌰𑍍𑌣𑌵𑌮𑌕𑍍𑌷𑍋𑌭𑍍𑌯𑌂𑌦𑌦𑍃𑌶𑌾𑌤𑍇𑌨𑌿𑌶𑌾𑌚𑌰𑍌 ।
𑌤𑍌𑌦𑌦𑌰𑍍𑌶𑌮𑌹𑌾𑌤𑍇𑌜𑌾𑌃𑌪𑍍𑌰𑌤𑌿𑌚𑍍𑌛𑌨𑍍𑌨𑍌𑌚𑌵𑌿𑌭𑍀𑌷𑌣𑌃 ।
𑌆𑌚𑌚𑌕𑍍𑌷𑍇𑌽𑌥𑌰𑌾𑌮𑌾𑌯𑌗𑍃𑌹𑍀𑌤𑍍𑌵𑌾𑌶𑍁𑌕𑌸𑌾𑌰𑌣𑍌 ॥ 13 ॥
𑌤𑌸𑍍𑌯𑍈𑌮𑍌𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌮𑌂𑌤𑍍𑌰𑌿𑌣𑍌𑌶𑍁𑌕𑌸𑌾𑌰𑌣𑍌 ।
𑌲𑌂𑌕𑌾𑌯𑌸𑍍𑌸𑌮𑌨𑍁𑌪𑍍𑌰𑌾𑌪𑍍𑌤𑍌𑌚𑌾𑌰𑍌𑌪𑌰𑌪𑍁𑌰𑌂𑌜𑌯𑌃 ॥ 14 ॥
𑌤𑍌𑌦𑍃𑌷𑍍𑌟𑌵𑌾𑌵𑍍𑌯𑌥𑌿𑌤𑍌𑌰𑌾𑌮𑌂𑌨𑌿𑌰𑌾𑌶𑍌𑌜𑍀𑌵𑌿𑌤𑍇𑌤𑌥𑌾 ।
𑌕𑍃𑌤𑌾𑌂𑌜𑌲𑌿𑌪𑍁𑌟𑍌𑌭𑍀𑌤𑍌𑌵𑌚𑌨𑌂𑌚𑍇𑌦𑌮𑍂𑌚𑌤𑍁𑌃 ॥ 15 ॥
𑌆𑌵𑌾𑌮𑌿𑌹𑌾𑌗𑌤𑍌𑌸𑍌𑌮𑍍𑌯 𑌰𑌾𑌵𑌣𑌪𑍍𑌰𑌹𑌿𑌤𑌾𑌵𑍁𑌭𑍌 ।
𑌪𑌰𑌿𑌜𑍍𑌞𑌾𑌤𑍁𑌂𑌬𑌲𑌂𑌸𑌰𑍍𑌵𑌂𑌤𑌵𑍇𑌦𑌂𑌰𑌘𑍁𑌨𑌂𑌦𑌨𑌃 ॥ 16 ॥
𑌤𑌯𑍋𑌸𑍍𑌤𑌦𑍍𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌰𑌾𑌮𑍋𑌦𑌶𑌰𑌥𑌾𑌤𑍍𑌮𑌜𑌃 ।
𑌅𑌬𑍍𑌰𑌵𑍀𑌤𑍍𑌪𑍍𑌰𑌹𑌸𑌨𑍍𑌵𑌾𑌕𑍍𑌯𑌂𑌸𑌰𑍍𑌵𑌭𑍂𑌤𑌹𑌿𑌤𑍇𑌰𑌤𑌃 ॥ 1 ॥
𑌯𑌦𑌿𑌦𑍃𑌷𑍍𑌟𑌂𑌬𑌲𑌂𑌸𑌰𑍍𑌵𑌂𑌵𑌯𑌂𑌵𑌾𑌸𑍁𑌪𑌰𑌿𑌕𑍍𑌷𑌿𑌤𑌾𑌃 ।
𑌯𑌥𑍋𑌕𑍍𑌤𑌂𑌵𑌾𑌕𑍃𑌤𑌂𑌕𑌾𑌰𑍍𑌯𑌛𑌂𑌦𑌤𑌃𑌪𑍍𑌰𑌤𑌿𑌗𑌮𑍍𑌯𑌤𑌾𑌮𑍍 ॥ 1 ॥
𑌅𑌥𑌕𑌿𑌂𑌚𑌿𑌦𑌦𑍃𑌷𑍍𑌟𑌂𑌵𑌾𑌭𑍂𑌯𑌸𑍍𑌤𑌦𑍍𑌦𑍍𑌰𑌷𑍍𑌟𑍁𑌮𑌰𑍍𑌹𑌥𑌃 ।
𑌵𑌿𑌭𑍀𑌷𑌣𑍋𑌵𑌾𑌕𑌾𑌤𑍍𑌸𑍍𑌨𑌰𑍍𑌯𑍇𑌨𑌭𑍂𑌯𑌸𑍍𑌸𑌂𑌦𑌰𑍍𑌶𑌯𑌿𑌷𑍍𑌯𑌤𑌿 ॥ 1 ॥
𑌨𑌚𑍇𑌦𑌂𑌗𑍍𑌰𑌹𑌣𑌂𑌪𑍍𑌰𑌾𑌪𑍍𑌯𑌭𑍇𑌤𑍍𑌤𑌵𑍍𑌯𑌂𑌜𑍀𑌵𑌿𑌤𑌂𑌪𑍍𑌰𑌤𑌿 ।
𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑍌𑌗𑍃𑌹𑌤𑍌𑌵𑌾𑌨𑌦𑍂𑌤𑍌𑌵𑌧𑌮𑌰𑍍𑌹𑌤𑌃 ॥ 20 ॥
𑌪𑍍𑌰𑌚𑍍𑌛𑌮𑌾𑌨𑍌𑌵𑌿𑌮𑍁𑌂𑌚𑍈𑌤𑍌𑌚𑌾𑌰𑍌𑌰𑌾𑌤𑍍𑌰𑌿𑌂𑌚𑌰𑌾𑌵𑍁𑌭𑍌 ।
𑌶𑌤𑍍𑌰𑍁𑌪𑌕𑍍𑌷𑌸𑍍𑌯𑌸𑌤𑌤𑌂𑌵𑌿𑌭𑍀𑌷𑌣𑌃 𑌵𑌿𑌕𑌰𑍍𑌷𑌿𑌣𑍌 ॥ 21 ॥
𑌪𑍍𑌰𑌵𑌿𑌶𑍍𑌯𑌨𑌗𑌰𑍀𑌂𑌲𑌂𑌕𑌾𑌂𑌭𑌵𑌦𑍍 𑌭𑍍𑌯𑌾𑌂𑌧𑌨𑌦𑌾𑌨𑍁𑌜𑌃 ।
𑌵𑌕𑍍𑌤𑌵𑍍𑌯𑍋𑌰𑌕𑍍𑌷𑌸𑌾𑌂𑌰𑌾𑌜𑌾𑌯𑌥𑍋𑌕𑍍𑌤𑌂𑌵𑌚𑌨𑌂𑌮𑌮 ॥ 22 ॥
𑌯𑌦𑍍𑌬𑌲𑌂𑌚𑌸𑌮𑌾𑌶𑍍𑌰𑌿𑌤𑍍𑌯𑌸𑍀𑌤𑌾𑌂𑌮𑍇𑌹𑍃𑌤𑌵𑌾𑌨𑌪𑌿 ।
𑌤𑌦𑍍𑌦𑌰𑍍𑌶𑌯𑌯𑌥𑌾𑌕𑌾𑌮𑌂𑌸𑌸𑍈𑌨𑍍𑌯𑌸𑍍𑌸𑌹𑌬𑌾𑌂𑌧𑌵𑌃 ॥ 23 ॥
𑌶𑍍𑌵𑌃𑌕𑌾𑌲𑍍𑌯𑍇𑌨𑌗𑌰𑍀𑌂𑌲𑌂𑌕𑌾𑌂𑌸𑌪𑍍𑌰𑌾𑌕𑌾𑌰𑌾𑌂𑌸𑌤𑍋𑌰𑌣𑌾𑌮𑍍 ।
𑌰𑌕𑍍𑌷𑌸𑌂𑌚𑌬𑌲𑌂𑌪𑌶𑍍𑌯𑌶𑌰𑍈𑌰𑍍𑌵𑌿𑌧𑍍𑌵𑌂𑌸𑌿𑌤𑌂𑌮𑌯𑌾 ॥ 24 ॥
𑌕𑍍𑌰𑍋𑌧𑌂𑌭𑍀𑌮𑌮𑌹𑌂𑌮𑍋𑌕𑍍𑌷𑍍𑌯𑍇𑌸𑌸𑍈𑌨𑍍𑌯𑍇𑌤𑍍𑌵𑌯𑌿𑌰𑌾𑌵𑌣𑌃 ।
𑌶𑍍𑌵𑌃𑌕𑌾𑌲𑍍𑌯𑍇𑌵𑌜𑍍𑌰𑌵𑌾𑌨𑍍𑌵𑌜𑍍𑌰𑌂𑌦𑌾𑌨𑌵𑍇𑌷𑍍𑌵𑌿𑌵𑌵𑌾𑌸𑌵𑌃 ॥ 25 ॥
𑌇𑌤𑌿𑌪𑍍𑌰𑌤𑌿𑌸𑌮𑌾𑌦𑌿𑌷𑍍𑌟𑍌𑌰𑌾𑌕𑍍𑌷𑌸𑍌𑌶𑍁𑌕𑌸𑌾𑌰𑌣𑍌 ॥ 26 ॥
𑌜𑌯𑍇𑌤𑌿𑌪𑍍𑌰𑌤𑌿𑌨𑌂𑌦𑍍𑌯𑍈𑌤𑍌𑌰𑌾𑌘𑌵𑌂𑌧𑌰𑍍𑌮𑌵𑌤𑍍𑌸𑌲𑌮𑍍 ।
𑌆𑌗𑌮𑍍𑌯𑌨𑌗𑌰𑍀𑌂𑌲𑌂𑌕𑌾𑌮𑌬𑍍𑌰𑍂𑌤𑌾𑌂𑌰𑌾𑌕𑍍𑌷𑌸𑌾𑌧𑌿𑌪𑌮𑍍 ॥ 2 ॥
𑌵𑌿𑌭𑍀𑌷𑌣𑌗𑍃𑌹𑍀𑌤𑍌𑌤𑍁𑌵𑌧𑌾𑌰𑍍𑌤𑍌𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌦𑍃𑌷𑍍𑌟𑌵𑌾𑌧𑌰𑍍𑌮𑌾𑌤𑍍𑌮𑌨𑌾𑌮𑍁𑌕𑍍𑌤𑍌𑌰𑌾𑌮𑍇𑌣𑌾𑌮𑌿𑌤𑌤𑍇𑌜𑌸𑌾 ॥ 2 ॥
𑌏𑌕𑌸𑍍𑌥𑌾𑌨𑌗𑌤𑌾𑌯𑌤𑍍𑌰𑌚𑌤𑍍𑌵𑌾𑌰𑌃𑌪𑍁𑌰𑍁𑌷𑌰𑍍𑌷𑌭𑌾𑌃 ।
𑌲𑍋𑌕𑌪𑌾𑌲𑌸𑌮𑌾𑌶𑍍𑌶𑍂𑌰𑌾𑌃𑌕𑍃𑌤𑌾𑌸𑍍𑌤𑍍𑌰𑌾𑌦𑍃𑌢𑌵𑌿𑌕𑍍𑌰𑌮𑌾 ॥ 2 ॥
𑌰𑌾𑌮𑍋 𑌦𑌾𑌶𑌰𑌥𑌿𑌃 𑌶𑍍𑌰𑍀𑌮𑌾𑌮𑍍𑌲𑍍 𑌲𑌕𑍍𑌷𑍍𑌮𑌣𑌃 𑌚 𑌵𑌿𑌭𑍀𑌷𑌣𑌃 ।
𑌸𑍁𑌗𑍍𑌰𑍀𑌵𑌃 𑌚 𑌮𑌹𑌾𑌤𑍇𑌜𑌾 𑌮𑌹𑌾𑌇𑌂𑌦𑍍𑌰 𑌸𑌮 𑌵𑌿𑌕𑍍𑌰𑌮𑌃 ॥ 30 ॥
𑌏𑌤𑍇𑌶𑌕𑍍𑌤𑌾𑌃𑌪𑍁𑌰𑍀𑌲𑌂𑌕𑌾𑌂𑌸𑌪𑍍𑌰𑌾𑌕𑌾𑌰𑌾𑌂𑌸𑌤𑍋𑌰𑌣𑌾𑌮𑍍 ।
𑌉𑌤𑍍𑌪𑌾𑌟𑍍𑌯𑌸𑌂𑌕𑍍𑌰𑌮𑌯𑌿𑌤𑍁𑌂𑌸𑌰𑍍𑌵𑍇𑌤𑌿𑌷𑍍𑌠𑌂𑌤𑍁𑌵𑌾𑌨𑌰𑌾𑌃 ॥ 31 ॥
𑌯𑌾𑌦𑍃𑌶𑍍𑌯𑌂𑌤𑌸𑍍𑌯𑌰𑌾𑌮𑌸𑍍𑌯𑌰𑍂𑌪𑌂𑌪𑍍𑌰𑌹𑌰𑌣𑌾𑌨𑌿𑌚 ।
𑌵𑌧𑌿𑌷𑍍𑌯𑌤𑌿𑌪𑍁𑌰𑍀𑌂𑌲𑌂𑌕𑌾𑌮𑍇𑌕𑌸𑍍𑌤𑌿𑌷𑍍𑌠𑌂𑌤𑍁𑌤𑍇𑌤𑍍𑌰𑌯𑌃 ॥ 32 ॥
𑌰𑌾𑌮𑌲𑌕𑍍𑌷𑍍𑌮𑌣𑌗𑍁𑌪𑍍𑌤𑌾𑌸𑌾𑌸𑍁𑌗𑍍𑌰𑍀𑌵𑍇𑌣𑌚𑌵𑌾𑌹𑌿𑌨𑍀 ।
𑌬𑌭𑍂𑌵𑌦𑍁𑌰𑍍𑌦𑌰𑍍𑌷𑌤𑌰𑌾𑌸𑌰𑍍𑌵𑍈𑌰𑌪𑌿𑌸𑍁𑌰𑌾𑌸𑍁𑌰𑍈𑌃 ॥ 33 ॥
𑌪𑍍𑌰𑌹𑍃𑌷𑍍𑌟𑌰𑍂𑌪𑌾𑌧𑍍𑌵𑌜𑌿𑌨𑍀𑌵𑌨𑍌𑌕𑌸𑌾𑌮𑍍 ।
𑌮𑌹𑌾𑌤𑍍𑌮𑌨𑌾𑌂 𑌸𑌂𑌪𑍍𑌰𑌤𑌿𑌯𑍋𑌦𑍍𑌧𑍁𑌮𑌿𑌚𑍍𑌛𑌤𑌾𑌮𑍍 ।
𑌅𑌲𑌂𑌵𑌿𑌰𑍋𑌧𑍇𑌨𑌶𑌮𑍋𑌵𑌿𑌧𑍀𑌯𑌤𑌾𑌂𑌪𑍍𑌰𑌦𑍀𑌯𑌤𑌾𑌂𑌦𑌾𑌶𑌰𑌥𑌾𑌯𑌮𑍈𑌦𑌿𑌲𑍀 ॥ 34 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ॥
