Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.6𑍭 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌸𑌪𑍍𑌤𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑌂 𑌦𑍃𑌷𑍍𑌟𑍍𑌵𑌾 𑌜𑍃𑌂𑌭𑌮𑌾𑌣𑌂 𑌤𑍇 𑌕𑍍𑌰𑌮𑌿𑌤𑍁𑌂 𑌶𑌤𑌯𑍋𑌜𑌨𑌮𑍍 ।
𑌵𑍀𑌰𑍍𑌯𑍇𑌣𑌾𑌪𑍂𑌰𑍍𑌯𑌮𑌾𑌣𑌂 𑌚 𑌸𑌹𑌸𑌾 𑌵𑌾𑌨𑌰𑍋𑌤𑍍𑌤𑌮𑌮𑍍 ॥ 1 ॥

𑌸𑌹𑌸𑌾 𑌶𑍋𑌕𑌮𑍁𑌤𑍍𑌸𑍃𑌜𑍍𑌯 𑌪𑍍𑌰𑌹𑌰𑍍𑌷𑍇𑌣 𑌸𑌮𑌨𑍍𑌵𑌿𑌤𑌾𑌃 ।
𑌵𑌿𑌨𑍇𑌦𑍁𑌸𑍍𑌤𑍁𑌷𑍍𑌟𑍁𑌵𑍁𑌶𑍍𑌚𑌾𑌪𑌿 𑌹𑌨𑍂𑌮𑌂𑌤𑌂 𑌮𑌹𑌾𑌬𑌲𑌮𑍍 ॥ 2 ॥

𑌪𑍍𑌰𑌹𑍃𑌷𑍍𑌟𑌾 𑌵𑌿𑌸𑍍𑌮𑌿𑌤𑌾𑌶𑍍𑌚𑍈𑌵 𑌵𑍀𑌕𑍍𑌷𑌂𑌤𑍇 𑌸𑍍𑌮 𑌸𑌮𑌂𑌤𑌤𑌃 ।
𑌤𑍍𑌰𑌿𑌵𑌿𑌕𑍍𑌰𑌮𑌕𑍃𑌤𑍋𑌤𑍍𑌸𑌾𑌹𑌂 𑌨𑌾𑌰𑌾𑌯𑌣𑌮𑌿𑌵 𑌪𑍍𑌰𑌜𑌾𑌃 ॥ 3 ॥

𑌸𑌂𑌸𑍍𑌤𑍂𑌯𑌮𑌾𑌨𑍋 𑌹𑌨𑍁𑌮𑌾𑌨𑍍𑌵𑍍𑌯𑌵𑌰𑍍𑌧𑌤 𑌮𑌹𑌾𑌬𑌲𑌃 ।
𑌸𑌮𑌾𑌵𑌿𑌧𑍍𑌯 𑌚 𑌲𑌾𑌂𑌗𑍂𑌲𑌂 𑌹𑌰𑍍𑌷𑌾𑌦𑍍𑌬𑌲𑌮𑍁𑌪𑍇𑌯𑌿𑌵𑌾𑌨𑍍 ॥ 4 ॥

𑌤𑌸𑍍𑌯 𑌸𑌂𑌸𑍍𑌤𑍂𑌯𑌮𑌾𑌨𑌸𑍍𑌯 𑌸𑌰𑍍𑌵𑍈𑌰𑍍𑌵𑌾𑌨𑌰𑌪𑍁𑌂𑌗𑌵𑍈𑌃 ।
𑌤𑍇𑌜𑌸𑌾𑌪𑍂𑌰𑍍𑌯𑌮𑌾𑌣𑌸𑍍𑌯 𑌰𑍂𑌪𑌮𑌾𑌸𑍀𑌦𑌨𑍁𑌤𑍍𑌤𑌮𑌮𑍍 ॥ 5 ॥

𑌯𑌥𑌾 𑌵𑌿𑌜𑍃𑌂𑌭𑌤𑍇 𑌸𑌿𑌂𑌹𑍋 𑌵𑌿𑌵𑍃𑌦𑍍𑌧𑍋 𑌗𑌿𑌰𑌿𑌗𑌹𑍍𑌵𑌰𑍇 ।
𑌮𑌾𑌰𑍁𑌤𑌸𑍍𑌯𑍌𑌰𑌸𑌃 𑌪𑍁𑌤𑍍𑌰𑌸𑍍𑌤𑌥𑌾 𑌸𑌂𑌪𑍍𑌰𑌤𑌿 𑌜𑍃𑌂𑌭𑌤𑍇 ॥ 6 ॥

𑌅𑌶𑍋𑌭𑌤 𑌮𑍁𑌖𑌂 𑌤𑌸𑍍𑌯 𑌜𑍃𑌂𑌭𑌮𑌾𑌣𑌸𑍍𑌯 𑌧𑍀𑌮𑌤𑌃 ।
𑌅𑌂𑌬𑌰𑍀𑌷𑌮𑌿𑌵𑌾𑌽𑌦𑍀𑌪𑍍𑌤𑌂 𑌵𑌿𑌧𑍂𑌮 𑌇𑌵 𑌪𑌾𑌵𑌕𑌃 ॥ 𑍭 ॥

𑌹𑌰𑍀𑌣𑌾𑌮𑍁𑌤𑍍𑌥𑌿𑌤𑍋 𑌮𑌧𑍍𑌯𑌾𑌤𑍍𑌸𑌂𑌪𑍍𑌰𑌹𑍃𑌷𑍍𑌟𑌤𑌨𑍂𑌰𑍁𑌹𑌃 ।
𑌅𑌭𑌿𑌵𑌾𑌦𑍍𑌯 𑌹𑌰𑍀𑌨𑍍𑌵𑍃𑌦𑍍𑌧𑌾𑌨𑍍𑌹𑌨𑍁𑌮𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ॥ 𑍮 ॥

𑌅𑌰𑍁𑌜𑌤𑍍𑌸𑌰𑍍𑌵𑌤𑌾𑌗𑍍𑌰𑌾𑌣𑌿 𑌹𑍁𑌤𑌾𑌶𑌨𑌸𑌖𑍋𑌽𑌨𑌿𑌲𑌃 ।
𑌬𑌲𑌵𑌾𑌨𑌪𑍍𑌰𑌮𑍇𑌯𑌶𑍍𑌚 𑌵𑌾𑌯𑍁𑌰𑌾𑌕𑌾𑌶𑌗𑍋𑌚𑌰𑌃 ॥ 𑍯 ॥

𑌤𑌸𑍍𑌯𑌾𑌹𑌂 𑌶𑍀𑌘𑍍𑌰𑌵𑍇𑌗𑌸𑍍𑌯 𑌶𑍀𑌘𑍍𑌰𑌗𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌮𑌾𑌰𑍁𑌤𑌸𑍍𑌯𑍌𑌰𑌸𑌃 𑌪𑍁𑌤𑍍𑌰𑌃 𑌪𑍍𑌲𑌵𑌨𑍇𑌨𑌾𑌸𑍍𑌮𑌿 𑌤𑌤𑍍𑌸𑌮𑌃 ॥ 10 ॥

𑌉𑌤𑍍𑌸𑌹𑍇𑌯𑌂 𑌹𑌿 𑌵𑌿𑌸𑍍𑌤𑍀𑌰𑍍𑌣𑌮𑌾𑌲𑌿𑌖𑌂𑌤𑌮𑌿𑌵𑌾𑌂𑌬𑌰𑌮𑍍 ।
𑌮𑍇𑌰𑍁𑌂 𑌗𑌿𑌰𑌿𑌮𑌸𑌂𑌗𑍇𑌨 𑌪𑌰𑌿𑌗𑌂𑌤𑍁𑌂 𑌸𑌹𑌸𑍍𑌰𑌶𑌃 ॥ 11 ॥

𑌬𑌾𑌹𑍁𑌵𑍇𑌗𑌪𑍍𑌰𑌣𑍁𑌨𑍍𑌨𑍇𑌨 𑌸𑌾𑌗𑌰𑍇𑌣𑌾𑌹𑌮𑍁𑌤𑍍𑌸𑌹𑍇 ।
𑌸𑌮𑌾𑌪𑍍𑌲𑌾𑌵𑌯𑌿𑌤𑍁𑌂 𑌲𑍋𑌕𑌂 𑌸𑌪𑌰𑍍𑌵𑌤𑌨𑌦𑍀𑌹𑍍𑌰𑌦𑌮𑍍 ॥ 12 ॥

𑌮𑌮𑍋𑌰𑍁𑌜𑌂𑌘𑌾𑌵𑍇𑌗𑍇𑌨 𑌭𑌵𑌿𑌷𑍍𑌯𑌤𑌿 𑌸𑌮𑍁𑌤𑍍𑌥𑌿𑌤𑌃 ।
𑌸𑌮𑍍𑌮𑍂𑌰𑍍𑌚𑍍𑌛𑌿𑌤𑌮𑌹𑌾𑌗𑍍𑌰𑌾𑌹𑌸𑍍𑌸𑌮𑍁𑌦𑍍𑌰𑍋 𑌵𑌰𑍁𑌣𑌾𑌲𑌯𑌃 ॥ 13 ॥

𑌪𑌨𑍍𑌨𑌗𑌾𑌶𑌨𑌮𑌾𑌕𑌾𑌶𑍇 𑌪𑌤𑌂𑌤𑌂 𑌪𑌕𑍍𑌷𑌿𑌸𑍇𑌵𑌿𑌤𑍇 ।
𑌵𑍈𑌨𑌤𑍇𑌯𑌮𑌹𑌂 𑌶𑌕𑍍𑌤𑌃 𑌪𑌰𑌿𑌗𑌂𑌤𑍁𑌂 𑌸𑌹𑌸𑍍𑌰𑌶𑌃 ॥ 14 ॥

𑌉𑌦𑌯𑌾𑌤𑍍𑌪𑍍𑌰𑌸𑍍𑌥𑌿𑌤𑌂 𑌵𑌾𑌪𑌿 𑌜𑍍𑌵𑌲𑌂𑌤𑌂 𑌰𑌶𑍍𑌮𑌿𑌮𑌾𑌲𑌿𑌨𑌮𑍍 ।
𑌅𑌨𑌸𑍍𑌤𑌮𑌿𑌤𑌮𑌾𑌦𑌿𑌤𑍍𑌯𑌮𑌭𑌿𑌗𑌂𑌤𑍁𑌂 𑌸𑌮𑍁𑌤𑍍𑌸𑌹𑍇 ॥ 15 ॥

𑌤𑌤𑍋 𑌭𑍂𑌮𑌿𑌮𑌸𑌂𑌸𑍍𑌪𑍃𑌶𑍍𑌯 𑌪𑍁𑌨𑌰𑌾𑌗𑌂𑌤𑍁𑌮𑍁𑌤𑍍𑌸𑌹𑍇 ।
𑌪𑍍𑌰𑌵𑍇𑌗𑍇𑌨𑍈𑌵 𑌮𑌹𑌤𑌾 𑌭𑍀𑌮𑍇𑌨 𑌪𑍍𑌲𑌵𑌗𑌰𑍍𑌷𑌭𑌾𑌃 ॥ 16 ॥

𑌉𑌤𑍍𑌸𑌹𑍇𑌯𑌮𑌤𑌿𑌕𑍍𑌰𑌾𑌂𑌤𑍁𑌂 𑌸𑌰𑍍𑌵𑌾𑌨𑌾𑌕𑌾𑌶𑌗𑍋𑌚𑌰𑌾𑌨𑍍 ।
𑌸𑌾𑌗𑌰𑌂 𑌕𑍍𑌷𑍋𑌭𑌯𑌿𑌷𑍍𑌯𑌾𑌮𑌿 𑌦𑌾𑌰𑌯𑌿𑌷𑍍𑌯𑌾𑌮𑌿 𑌮𑍇𑌦𑌿𑌨𑍀𑌮𑍍 ॥ 1𑍭 ॥

𑌪𑌰𑍍𑌵𑌤𑌾𑌂𑌶𑍍𑌚𑍂𑌰𑍍𑌣𑌯𑌿𑌷𑍍𑌯𑌾𑌮𑌿 𑌪𑍍𑌲𑌵𑌮𑌾𑌨𑌃 𑌪𑍍𑌲𑌵𑌂𑌗𑌮𑌾𑌃 ।
𑌹𑌰𑌿𑌷𑍍𑌯𑌾𑌮𑍍𑌯𑍂𑌰𑍁𑌵𑍇𑌗𑍇𑌨 𑌪𑍍𑌲𑌵𑌮𑌾𑌨𑍋 𑌮𑌹𑌾𑌰𑍍𑌣𑌵𑌮𑍍 ॥ 1𑍮 ॥

𑌲𑌤𑌾𑌨𑌾𑌂 𑌵𑌿𑌵𑌿𑌧𑌂 𑌪𑍁𑌷𑍍𑌪𑌂 𑌪𑌾𑌦𑌪𑌾𑌨𑌾𑌂 𑌚 𑌸𑌰𑍍𑌵𑌶𑌃 ।
𑌅𑌨𑍁𑌯𑌾𑌸𑍍𑌯𑌂𑌤𑌿 𑌮𑌾𑌮𑌦𑍍𑌯 𑌪𑍍𑌲𑌵𑌮𑌾𑌨𑌂 𑌵𑌿𑌹𑌾𑌯𑌸𑌾 ॥ 1𑍯 ॥

𑌭𑌵𑌿𑌷𑍍𑌯𑌤𑌿 𑌹𑌿 𑌮𑍇 𑌪𑌂𑌥𑌾𑌸𑍍𑌸𑍍𑌵𑌾𑌤𑍇𑌃 𑌪𑌂𑌥𑌾 𑌇𑌵𑌾𑌂𑌬𑌰𑍇 ।
𑌚𑌰𑌂𑌤𑌂 𑌘𑍋𑌰𑌮𑌾𑌕𑌾𑌶𑌮𑍁𑌤𑍍𑌪𑌤𑌿𑌷𑍍𑌯𑌂𑌤𑌮𑍇𑌵 𑌵𑌾 ॥ 20 ॥

𑌦𑍍𑌰𑌕𑍍𑌷𑍍𑌯𑌂𑌤𑌿 𑌨𑌿𑌪𑌤𑌿𑌷𑍍𑌯𑌂𑌤𑌂 𑌚 𑌸𑌰𑍍𑌵𑌭𑍂𑌤𑌾𑌨𑌿 𑌵𑌾𑌨𑌰𑌾𑌃 ।
𑌮𑌹𑌾𑌮𑍇𑌰𑍁𑌪𑍍𑌰𑌤𑍀𑌕𑌾𑌶𑌂 𑌮𑌾𑌂 𑌦𑍍𑌰𑌕𑍍𑌷𑍍𑌯𑌥 𑌵𑌾𑌨𑌰𑌾𑌃 ॥ 21 ॥

𑌦𑌿𑌵𑌮𑌾𑌵𑍃𑌤𑍍𑌯 𑌗𑌚𑍍𑌛𑌂𑌤𑌂 𑌗𑍍𑌰𑌸𑌮𑌾𑌨𑌮𑌿𑌵𑌾𑌂𑌬𑌰𑌮𑍍 ।
𑌵𑌿𑌧𑌮𑌿𑌷𑍍𑌯𑌾𑌮𑌿 𑌜𑍀𑌮𑍂𑌤𑌾𑌨𑍍𑌕𑌂𑌪𑌯𑌿𑌷𑍍𑌯𑌾𑌮𑌿 𑌪𑌰𑍍𑌵𑌤𑌾𑌨𑍍 ॥ 22 ॥

𑌸𑌾𑌗𑌰𑌂 𑌶𑍋𑌷𑌯𑌿𑌷𑍍𑌯𑌾𑌮𑌿 𑌪𑍍𑌲𑌵𑌮𑌾𑌨𑌸𑍍𑌸𑌮𑌾𑌹𑌿𑌤𑌃 ।
𑌵𑍈𑌨𑌤𑍇𑌯𑌸𑍍𑌯 𑌯𑌾 𑌶𑌕𑍍𑌤𑌿𑌰𑍍𑌮𑌮 𑌸𑌾 𑌮𑌾𑌰𑍁𑌤𑌸𑍍𑌯 𑌵𑌾 ॥ 23 ॥

𑌋𑌤𑍇 𑌸𑍁𑌪𑌰𑍍𑌣𑌰𑌾𑌜𑌾𑌨𑌂 𑌮𑌾𑌰𑍁𑌤𑌂 𑌵𑌾 𑌮𑌹𑌾𑌜𑌵𑌮𑍍 ।
𑌨 𑌤𑌦𑍍𑌭𑍂𑌤𑌂 𑌪𑍍𑌰𑌪𑌶𑍍𑌯𑌾𑌮𑌿 𑌯𑌨𑍍𑌮𑌾𑌂 𑌪𑍍𑌲𑍁𑌤𑌮𑌨𑍁𑌵𑍍𑌰𑌜𑍇𑌤𑍍 ॥ 24 ॥

𑌨𑌿𑌮𑍇𑌷𑌾𑌂𑌤𑌰𑌮𑌾𑌤𑍍𑌰𑍇𑌣 𑌨𑌿𑌰𑌾𑌲𑌂𑌬𑌨𑌮𑌂𑌬𑌰𑌮𑍍 ।
𑌸𑌹𑌸𑌾 𑌨𑌿𑌪𑌤𑌿𑌷𑍍𑌯𑌾𑌮𑌿 𑌘𑌨𑌾𑌦𑍍𑌵𑌿𑌦𑍍𑌯𑍁𑌦𑌿𑌵𑍋𑌤𑍍𑌥𑌿𑌤𑌾 ॥ 25 ॥

𑌭𑌵𑌿𑌷𑍍𑌯𑌤𑌿 𑌹𑌿 𑌮𑍇 𑌰𑍂𑌪𑌂 𑌪𑍍𑌲𑌵𑌮𑌾𑌨𑌸𑍍𑌯 𑌸𑌾𑌗𑌰𑍇 ।
𑌵𑌿𑌷𑍍𑌣𑍋𑌰𑍍𑌵𑌿𑌕𑍍𑌰𑌮𑌮𑌾𑌣𑌸𑍍𑌯 𑌪𑍁𑌰𑌾 𑌤𑍍𑌰𑍀𑌨𑍍𑌵𑌿𑌕𑍍𑌰𑌮𑌾𑌨𑌿𑌵 ॥ 26 ॥

𑌬𑍁𑌦𑍍𑌧𑍍𑌯𑌾 𑌚𑌾𑌹𑌂 𑌪𑍍𑌰𑌪𑌶𑍍𑌯𑌾𑌮𑌿 𑌮𑌨𑌶𑍍𑌚𑍇𑌷𑍍𑌟𑌾 𑌚 𑌮𑍇 𑌤𑌥𑌾 ।
𑌅𑌹𑌂 𑌦𑍍𑌰𑌕𑍍𑌷𑍍𑌯𑌾𑌮𑌿 𑌵𑍈𑌦𑍇𑌹𑍀𑌂 𑌪𑍍𑌰𑌮𑍋𑌦𑌧𑍍𑌵𑌂 𑌪𑍍𑌲𑌵𑌂𑌗𑌮𑌾𑌃 ॥ 2𑍭 ॥

𑌮𑌾𑌰𑍁𑌤𑌸𑍍𑌯 𑌸𑌮𑍋 𑌵𑍇𑌗𑍇 𑌗𑌰𑍁𑌡𑌸𑍍𑌯 𑌸𑌮𑍋 𑌜𑌵𑍇 ।
𑌅𑌯𑍁𑌤𑌂 𑌯𑍋𑌜𑌨𑌾𑌨𑌾𑌂 𑌤𑍁 𑌗𑌮𑌿𑌷𑍍𑌯𑌾𑌮𑍀𑌤𑌿 𑌮𑍇 𑌮𑌤𑌿𑌃 ॥ 2𑍮 ॥

𑌵𑌾𑌸𑌵𑌸𑍍𑌯 𑌸𑌵𑌜𑍍𑌰𑌸𑍍𑌯 𑌬𑍍𑌰𑌹𑍍𑌮𑌣𑍋 𑌵𑌾 𑌸𑍍𑌵𑌯𑌂𑌭𑍁𑌵𑌃 ।
𑌵𑌿𑌕𑍍𑌰𑌮𑍍𑌯 𑌸𑌹𑌸𑌾 𑌹𑌸𑍍𑌤𑌾𑌦𑌮𑍃𑌤𑌂 𑌤𑌦𑌿𑌹𑌾𑌨𑌯𑍇 ॥ 2𑍯 ॥

𑌲𑌂𑌕𑌾𑌂 𑌵𑌾𑌪𑌿 𑌸𑌮𑍁𑌤𑍍𑌕𑍍𑌷𑌿𑌪𑍍𑌯 𑌗𑌚𑍍𑌛𑍇𑌯𑌮𑌿𑌤𑌿 𑌮𑍇 𑌮𑌤𑌿𑌃 ।
𑌤𑌮𑍇𑌵𑌂 𑌵𑌾𑌨𑌰𑌶𑍍𑌰𑍇𑌷𑍍𑌠𑌂 𑌗𑌰𑍍𑌜𑌂𑌤𑌮𑌮𑌿𑌤𑍌𑌜𑌸𑌮𑍍 ॥ 30 ॥

𑌪𑍍𑌰𑌹𑍃𑌷𑍍𑌟𑌾 𑌹𑌰𑌯𑌸𑍍𑌤𑌤𑍍𑌰 𑌸𑌮𑍁𑌦𑍈𑌕𑍍𑌷𑌂𑌤 𑌵𑌿𑌸𑍍𑌮𑌿𑌤𑌾𑌃 ।
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌜𑍍𑌞𑌾𑌤𑍀𑌨𑌾𑌂 𑌶𑍋𑌕𑌨𑌾𑌶𑌨𑌮𑍍 ॥ 31 ॥

𑌉𑌵𑌾𑌚 𑌪𑌰𑌿𑌸𑌂𑌹𑍃𑌷𑍍𑌟𑍋 𑌜𑌾𑌂𑌬𑌵𑌾𑌨𑍍𑌹𑌰𑌿𑌸𑌤𑍍𑌤𑌮𑌃 ।
𑌵𑍀𑌰 𑌕𑍇𑌸𑌰𑌿𑌣𑌃 𑌪𑍁𑌤𑍍𑌰 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜 ॥ 32 ॥

𑌜𑍍𑌞𑌾𑌤𑍀𑌨𑌾𑌂 𑌵𑌿𑌪𑍁𑌲𑌶𑍍𑌶𑍋𑌕𑌸𑍍𑌤𑍍𑌵𑌯𑌾 𑌤𑌾𑌤 𑌪𑍍𑌰𑌣𑌾𑌶𑌿𑌤𑌃 ।
𑌤𑌵 𑌕𑌲𑍍𑌯𑌾𑌣𑌰𑍁𑌚𑌯𑌃 𑌕𑌪𑌿𑌮𑍁𑌖𑍍𑌯𑌾𑌸𑍍𑌸𑌮𑌾𑌗𑌤𑌾𑌃 ॥ 33 ॥

𑌮𑌂𑌗𑌲𑌂 𑌕𑌾𑌰𑍍𑌯𑌸𑌿𑌦𑍍𑌧𑍍𑌯𑌰𑍍𑌥𑌂 𑌕𑌰𑌿𑌷𑍍𑌯𑌂𑌤𑌿 𑌸𑌮𑌾𑌹𑌿𑌤𑌾𑌃 ।
𑌋𑌷𑍀𑌣𑌾𑌂 𑌚 𑌪𑍍𑌰𑌸𑌾𑌦𑍇𑌨 𑌕𑌪𑌿𑌵𑍃𑌦𑍍𑌧𑌮𑌤𑍇𑌨 𑌚 ॥ 34 ॥

𑌗𑍁𑌰𑍂𑌣𑌾𑌂 𑌚 𑌪𑍍𑌰𑌸𑌾𑌦𑍇𑌨 𑌪𑍍𑌲𑌵𑌸𑍍𑌵 𑌤𑍍𑌵𑌂 𑌮𑌹𑌾𑌰𑍍𑌣𑌵𑌮𑍍 ।
𑌸𑍍𑌥𑌾𑌸𑍍𑌯𑌾𑌮𑌶𑍍𑌚𑍈𑌕𑌪𑌾𑌦𑍇𑌨 𑌯𑌾𑌵𑌦𑌾𑌗𑌮𑌨𑌂 𑌤𑌵 ॥ 35 ॥

𑌤𑍍𑌵𑌦𑍍𑌗𑌤𑌾𑌨𑌿 𑌚 𑌸𑌰𑍍𑌵𑍇𑌷𑌾𑌂 𑌜𑍀𑌵𑌨𑌾𑌨𑌿 𑌵𑌨𑍌𑌕𑌸𑌾𑌮𑍍 ।
𑌤𑌤𑌸𑍍𑌤𑍁 𑌹𑌰𑌿𑌶𑌾𑌰𑍍𑌦𑍂𑌲𑌸𑍍𑌤𑌾𑌨𑍁𑌵𑌾𑌚 𑌵𑌨𑍌𑌕𑌸𑌃 ॥ 36 ॥

𑌨𑍇𑌯𑌂 𑌮𑌮 𑌮𑌹𑍀 𑌵𑍇𑌗𑌂 𑌲𑌂𑌘𑌨𑍇 𑌧𑌾𑌰𑌯𑌿𑌷𑍍𑌯𑌤𑌿 ।
𑌏𑌤𑌾𑌨𑍀𑌹 𑌨𑌗𑌸𑍍𑌯𑌾𑌸𑍍𑌯 𑌶𑌿𑌲𑌾𑌸𑌂𑌕𑌟𑌶𑌾𑌲𑌿𑌨𑌃 ॥ 3𑍭 ॥

𑌶𑌿𑌖𑌰𑌾𑌣𑌿 𑌮𑌹𑍇𑌂𑌦𑍍𑌰𑌸𑍍𑌯 𑌸𑍍𑌥𑌿𑌰𑌾𑌣𑌿 𑌸𑍁𑌮𑌹𑌾𑌂𑌤𑌿 𑌚 ।
𑌏𑌷𑍁 𑌵𑍇𑌗𑌂 𑌕𑌰𑌿𑌷𑍍𑌯𑌾𑌮𑌿 𑌮𑌹𑍇𑌂𑌦𑍍𑌰𑌶𑌿𑌖𑌰𑍇𑌷𑍍𑌵𑌹𑌮𑍍 ॥ 3𑍮 ॥

𑌨𑌾𑌨𑌾𑌦𑍍𑌰𑍁𑌮𑌵𑌿𑌕𑍀𑌰𑍍𑌣𑍇𑌷𑍁 𑌧𑌾𑌤𑍁𑌨𑌿𑌷𑍍𑌯𑌂𑌦𑌶𑍋𑌭𑌿𑌷𑍁 ।
𑌏𑌤𑌾𑌨𑌿 𑌮𑌮 𑌨𑌿𑌷𑍍𑌪𑍇𑌷𑌂 𑌪𑌾𑌦𑌯𑍋𑌃 𑌪𑍍𑌲𑌵𑌤𑌾𑌂 𑌵𑌰𑌾𑌃 ॥ 3𑍯 ॥

𑌪𑍍𑌲𑌵𑌤𑍋 𑌧𑌾𑌰𑌯𑌿𑌷𑍍𑌯𑌂𑌤𑌿 𑌯𑍋𑌜𑌨𑌾𑌨𑌾𑌮𑌿𑌤𑌶𑍍𑌶𑌤𑌮𑍍 ।
𑌤𑌤𑌸𑍍𑌤𑌂 𑌮𑌾𑌰𑍁𑌤𑌪𑍍𑌰𑌖𑍍𑌯𑌸𑍍𑌸𑌹𑌰𑌿𑌰𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 40 ॥

𑌆𑌰𑍁𑌰𑍋𑌹 𑌨𑌗𑌶𑍍𑌰𑍇𑌷𑍍𑌠𑌂 𑌮𑌹𑍇𑌂𑌦𑍍𑌰𑌮𑌰𑌿𑌮𑌰𑍍𑌦𑌨𑌃 ।
𑌵𑍃𑌤𑌂 𑌨𑌾𑌨𑌾𑌵𑌿𑌧𑍈𑌃 𑌵𑍃𑌕𑍍𑌷𑍈𑌰𑍍𑌮𑍃𑌗𑌸𑍇𑌵𑌿𑌤𑌶𑌾𑌦𑍍𑌵𑌲𑌮𑍍 ॥ 41 ॥

𑌲𑌤𑌾𑌕𑍁𑌸𑍁𑌮𑌸𑌂𑌬𑌾𑌧𑌂 𑌨𑌿𑌤𑍍𑌯𑌪𑍁𑌷𑍍𑌪𑌫𑌲𑌦𑍍𑌰𑍁𑌮𑌮𑍍 ।
𑌸𑌿𑌂𑌹𑌶𑌾𑌰𑍍𑌦𑍂𑌲𑌚𑌰𑌿𑌤𑌂 𑌮𑌤𑍍𑌤𑌮𑌾𑌤𑌂𑌗𑌸𑍇𑌵𑌿𑌤𑌮𑍍 ॥ 42 ॥

𑌮𑌤𑍍𑌤𑌦𑍍𑌵𑌿𑌜𑌗𑌣𑍋𑌦𑍍𑌘𑍁𑌷𑍍𑌟𑌂 𑌸𑌲𑌿𑌲𑍋𑌤𑍍𑌪𑍀𑌡𑌸𑌂𑌕𑍁𑌲𑌮𑍍 ।
𑌮𑌹𑌦𑍍𑌭𑌿𑌰𑍁𑌚𑍍𑌛𑍍𑌰𑌿𑌤𑌂 𑌶𑍃𑌂𑌗𑍈𑌰𑍍𑌮𑌹𑍇𑌂𑌦𑍍𑌰𑌂 𑌸 𑌮𑌹𑌾𑌬𑌲𑌃 ॥ 43 ॥

𑌵𑌿𑌚𑌚𑌾𑌰 𑌹𑌰𑌿𑌶𑍍𑌰𑍇𑌷𑍍𑌠𑍋 𑌮𑌹𑍇𑌂𑌦𑍍𑌰𑌸𑌮𑌵𑌿𑌕𑍍𑌰𑌮𑌃 ।
𑌪𑌾𑌦𑌾𑌭𑍍𑌯𑌾𑌂 𑌪𑍀𑌡𑌿𑌤𑌸𑍍𑌤𑍇𑌨 𑌮𑌹𑌾𑌶𑍈𑌲𑍋 𑌮𑌹𑌾𑌤𑍍𑌮𑌨𑌾 ॥ 44 ॥

𑌰𑌰𑌾𑌜 𑌸𑌿𑌂𑌹𑌾𑌭𑌿𑌹𑌤𑍋 𑌮𑌹𑌾𑌨𑍍𑌮𑌤𑍍𑌤 𑌇𑌵 𑌦𑍍𑌵𑌿𑌪𑌃 ।
𑌮𑍁𑌮𑍋𑌚 𑌸𑌲𑌿𑌲𑍋𑌤𑍍𑌪𑍀𑌡𑌾𑌨𑍍𑌵𑌿𑌪𑍍𑌰𑌕𑍀𑌰𑍍𑌣𑌶𑌿𑌲𑍋𑌚𑍍𑌚𑌯𑌃 ॥ 45 ॥

𑌵𑌿𑌤𑍍𑌰𑌸𑍍𑌤𑌮𑍃𑌗𑌮𑌾𑌤𑌂𑌗𑌃 𑌪𑍍𑌰𑌕𑌂𑌪𑌿𑌤𑌮𑌹𑌾𑌦𑍍𑌰𑍁𑌮𑌃 ।
𑌨𑌾𑌨𑌾𑌗𑌂𑌧𑌰𑍍𑌵𑌮𑌿𑌥𑍁𑌨𑍈𑌃 𑌪𑌾𑌨𑌸𑌂𑌸𑌰𑍍𑌗𑌕𑌰𑍍𑌕𑌶𑍈𑌃 ॥ 46 ॥

𑌉𑌤𑍍𑌪𑌤𑌦𑍍𑌭𑌿𑌶𑍍𑌚 𑌵𑌿𑌹𑌗𑍈𑌰𑍍𑌵𑌿𑌦𑍍𑌯𑌾𑌧𑌰𑌗𑌣𑍈𑌰𑌪𑌿 ।
𑌤𑍍𑌯𑌜𑍍𑌯𑌮𑌾𑌨𑌮𑌹𑌾𑌸𑌾𑌨𑍁𑌸𑍍𑌸𑌨𑍍𑌨𑌿𑌲𑍀𑌨𑌮𑌹𑍋𑌰𑌗𑌃 ॥ 4𑍭 ॥

𑌚𑌲𑌶𑍃𑌂𑌗𑌶𑌿𑌲𑍋𑌦𑍍𑌘𑌾𑌤𑌸𑍍𑌤𑌦𑌾𑌽𑌭𑍂𑌤𑍍𑌸 𑌮𑌹𑌾𑌗𑌿𑌰𑌿𑌃 ।
𑌨𑌿𑌶𑍍𑌶𑍍𑌵𑌸𑌦𑍍𑌭𑌿𑌸𑍍𑌤𑌦𑌾𑌽𑌰𑍍𑌤𑍈𑌸𑍍𑌤𑍁 𑌭𑍁𑌜𑌂𑌗𑍈𑌰𑌰𑍍𑌧𑌨𑌿𑌃𑌸𑍃𑌤𑍈𑌃 ॥ 4𑍮 ॥

𑌸𑌪𑌤𑌾𑌕 𑌇𑌵𑌾𑌭𑌾𑌤𑌿 𑌸 𑌤𑌦𑌾 𑌧𑌰𑌣𑍀𑌧𑌰𑌃 ।
𑌋𑌷𑌿𑌭𑌿𑌸𑍍𑌤𑍍𑌰𑌾𑌸𑌸𑌂𑌭𑍍𑌰𑌾𑌂𑌤𑍈𑌸𑍍𑌤𑍍𑌯𑌜𑍍𑌯𑌮𑌾𑌨𑌃 𑌶𑌿𑌲𑍋𑌚𑍍𑌚𑌯𑌃 ॥ 4𑍯 ॥

𑌸𑍀𑌦𑌨𑍍𑌮𑌹𑌤𑌿 𑌕𑌾𑌂𑌤𑌾𑌰𑍇 𑌸𑌾𑌰𑍍𑌥𑌹𑍀𑌨 𑌇𑌵𑌾𑌧𑍍𑌵𑌗𑌃 ।
𑌸𑌵𑍇𑌗𑌵𑌾𑌨𑍍 𑌵𑍇𑌗𑌸𑌮𑌾𑌹𑌿𑌤𑌾𑌤𑍍𑌮𑌾 𑌹𑌰𑌿𑌪𑍍𑌰𑌵𑍀𑌰𑌃 𑌪𑌰𑌵𑍀𑌰𑌹𑌂𑌤𑌾 ।
𑌮𑌨𑌸𑍍𑌸𑌮𑌾𑌧𑌾𑌯 𑌮𑌹𑌾𑌨𑍁𑌭𑌾𑌵𑍋 𑌜𑌗𑌾𑌮 𑌲𑌂𑌕𑌾𑌂 𑌮𑌨𑌸𑌾 𑌮𑌨𑌸𑍍𑌵𑍀 ॥ 50 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: