VR 1.24 Bala Kanda - Sarga 24 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

1.24 𑌬𑌾𑌲𑌕𑌾𑌂𑌡 - 𑌚𑌤𑍁𑌰𑍍𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌃 𑌪𑍍𑌰𑌭𑌾𑌤𑍇 𑌵𑌿𑌮𑌲𑍇 𑌕𑍃𑌤𑌾𑌹𑍍𑌨𑌿𑌕𑌮𑌰𑌿𑌂𑌦𑌮𑍌 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌪𑍁𑌰𑌸𑍍𑌕𑍃𑌤𑍍𑌯 𑌨𑌦𑍍𑌯𑌾𑌸𑍍𑌤𑍀𑌰𑌮𑍁𑌪𑌾𑌗𑌤𑍌 ॥ 1 ॥

𑌤𑍇 𑌚 𑌸𑌰𑍍𑌵𑍇 𑌮𑌹𑌾𑌤𑍍𑌮𑌾𑌨𑍋 𑌮𑍁𑌨𑌯𑌸𑍍𑌸𑌂𑌶𑍍𑌰𑌿𑌤𑌵𑍍𑌰𑌤𑌾𑌃 ।
𑌉𑌪𑌸𑍍𑌥𑌾𑌪𑍍𑌯 𑌶𑍁𑌭𑌾𑌂 𑌨𑌾𑌵𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑌥𑌾𑌬𑍍𑌰𑍁𑌵𑌨𑍍 ॥ 2 ॥

𑌆𑌰𑍋𑌹𑌤𑍁 𑌭𑌵𑌾𑌨𑍍𑌨𑌾𑌵𑌂 𑌰𑌾𑌜𑌪𑍁𑌤𑍍𑌰𑌪𑍁𑌰𑌸𑍍𑌕𑍃𑌤𑌃 ।
𑌅𑌰𑌿𑌷𑍍𑌟𑌂 𑌗𑌚𑍍𑌛 𑌪𑌂𑌥𑌾𑌨𑌂 𑌮𑌾 𑌭𑍂𑌤𑍍𑌕𑌾𑌲𑌵𑌿𑌪𑌰𑍍𑌯𑌯𑌃 ॥ 3 ॥

𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌤𑌥𑍇𑌤𑍍𑌯𑍁𑌕𑍍𑌤𑌵𑌾 𑌤𑌾𑌨𑍃𑌷𑍀𑌨𑌭𑌿𑌪𑍂𑌜𑍍𑌯 𑌚 ।
𑌤𑌤𑌾𑌰 𑌸𑌹𑌿𑌤𑌸𑍍𑌤𑌾𑌭𑍍𑌯𑌾𑌂 𑌸𑌰𑌿𑌤𑌂 𑌸𑌾𑌗𑌰𑌂𑌗𑌮𑌾𑌮𑍍 ॥ 4 ॥

𑌤𑌤𑌶𑍍𑌶𑍁𑌶𑍍𑌰𑌾𑌵 𑌵𑍈 𑌶𑌬𑍍𑌦𑌮𑌤𑌿𑌸𑌂𑌰𑌂𑌭𑌵𑌰𑍍𑌧𑌿𑌤𑌮𑍍 ।
𑌮𑌧𑍍𑌯𑌮𑌾𑌗𑌮𑍍𑌯 𑌤𑍋𑌯𑌸𑍍𑌯 𑌸𑌹 𑌰𑌾𑌮𑌃𑌕𑌨𑍀𑌯𑌸𑌾 ॥ 5 ॥

𑌅𑌥 𑌰𑌾𑌮𑌸𑍍𑌸𑌰𑌿𑌨𑍍𑌮𑌧𑍍𑌯𑍇 𑌪𑌪𑍍𑌰𑌚𑍍𑌛 𑌮𑍁𑌨𑌿𑌪𑍁𑌂𑌗𑌵𑌮𑍍 ।
𑌵𑌾𑌰𑌿𑌣𑍋 𑌭𑌿𑌦𑍍𑌯𑌮𑌾𑌨𑌸𑍍𑌯 𑌕𑌿𑌮𑌯𑌂 𑌤𑍁𑌮𑍁𑌲𑍋 𑌧𑍍𑌵𑌨𑌿𑌃 ॥ 6 ॥

𑌰𑌾𑌘𑌵𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌕𑍌𑌤𑍂𑌹𑌲𑌸𑌮𑌨𑍍𑌵𑌿𑌤𑌃 ।
𑌕𑌥𑌯𑌾𑌮𑌾𑌸 𑌧𑌰𑍍𑌮𑌾𑌤𑍍𑌮𑌾 𑌤𑌸𑍍𑌯 𑌶𑌬𑍍𑌦𑌸𑍍𑌯 𑌨𑌿𑌶𑍍𑌚𑌯𑌮𑍍 ॥ 𑍭 ॥

𑌕𑍈𑌲𑌾𑌸𑌪𑌰𑍍𑌵𑌤𑍇 𑌰𑌾𑌮 𑌮𑌨𑌸𑌾 𑌨𑌿𑌰𑍍𑌮𑌿𑌤𑌂 𑌸𑌰𑌃 ।
𑌬𑍍𑌰𑌹𑍍𑌮𑌣𑌾 𑌨𑌰𑌶𑌾𑌰𑍍𑌦𑍂𑌲 𑌤𑍇𑌨𑍇𑌦𑌂 𑌮𑌾𑌨𑌸𑌂 𑌸𑌰𑌃 ॥ 𑍮 ॥

𑌤𑌸𑍍𑌮𑌾𑌤𑍍𑌸𑍁𑌸𑍍𑌰𑌾𑌵 𑌸𑌰𑌸𑌸𑍍𑌸𑌾𑌯𑍋𑌧𑍍𑌯𑌾𑌮𑍁𑌪𑌗𑍂𑌹𑌤𑍇 ।
𑌸𑌰 𑌪𑍍𑌰𑌵𑍃𑌤𑍍𑌤𑌾 𑌸𑌰𑌯𑍂𑌃 𑌪𑍁𑌣𑍍𑌯𑌾 𑌬𑍍𑌰𑌹𑍍𑌮𑌸𑌰𑌶𑍍𑌚𑍍𑌯𑍁𑌤𑌾 ॥ 𑍯 ॥

𑌤𑌸𑍍𑌯𑌾𑌯𑌮𑌤𑍁𑌲𑌶𑍍𑌶𑌬𑍍𑌦𑍋 𑌜𑌾𑌹𑍍𑌨𑌵𑍀𑌮𑌭𑌿𑌵𑌰𑍍𑌤𑌤𑍇 ।
𑌵𑌾𑌰𑌿𑌸𑌂𑌕𑍍𑌷𑍋𑌭𑌜𑍋 𑌰𑌾𑌮 𑌪𑍍𑌰𑌣𑌾𑌮𑌂 𑌨𑌿𑌯𑌤𑌃𑌕𑍁𑌰𑍁 ॥ 10 ॥

𑌤𑌾𑌭𑍍𑌯𑌾𑌂 𑌤𑍁 𑌤𑌾𑌵𑍁𑌭𑍌 𑌕𑍃𑌤𑍍𑌵𑌾 𑌪𑍍𑌰𑌣𑌾𑌮𑌮𑌤𑌿𑌧𑌾𑌰𑍍𑌮𑌿𑌕𑍌 ।
𑌤𑍀𑌰𑌂 𑌦𑌕𑍍𑌷𑌿𑌣𑌮𑌾𑌸𑌾𑌦𑍍𑌯 𑌜𑌗𑍍𑌮𑌤𑍁𑌰𑍍𑌲𑌘𑍁𑌵𑌿𑌕𑍍𑌰𑌮𑍌 ॥ 11 ॥

𑌸 𑌵𑌨𑌂 𑌘𑍋𑌰𑌸𑌂𑌕𑌾𑌶𑌂 𑌦𑍃𑌷𑍍𑌟𑍍𑌵𑌾 𑌨𑍃𑌪𑌵𑌰𑌾𑌤𑍍𑌮𑌜𑌃 ।
𑌅𑌵𑌿𑌪𑍍𑌰𑌹𑌤𑌮𑍈𑌕𑍍𑌷𑍍𑌵𑌾𑌕𑌃 𑌪𑌪𑍍𑌰𑌚𑍍𑌛 𑌮𑍁𑌨𑌿𑌪𑍁𑌂𑌗𑌵𑌮𑍍 ॥ 12 ॥

𑌅𑌹𑍋 𑌵𑌨𑌮𑌿𑌦𑌂 𑌦𑍁𑌰𑍍𑌗𑌂 𑌝𑌿𑌲𑍍𑌲𑌿𑌕𑌾𑌗𑌣𑌨𑌾𑌦𑌿𑌤𑌮𑍍 ।
𑌭𑍈𑌰𑌵𑍈𑌶𑍍𑌶𑌪𑌦𑍈𑌃 𑌪𑍂𑌰𑍍𑌣𑌂 𑌶𑌕𑍁𑌂𑌤𑍈𑌰𑍍𑌦𑌾𑌰𑍁𑌣𑌾𑌰𑍁𑌤𑍈𑌃 ॥ 13 ॥

𑌨𑌾𑌨𑌾𑌪𑍍𑌰𑌕𑌾𑌰𑍈𑌶𑍍𑌶𑌕𑍁𑌨𑍈 𑌰𑍍𑌵𑌾𑌶𑍍𑌯𑌦𑍍𑌭𑌿𑌰𑍍𑌭𑍈𑌰𑌵𑌸𑍍𑌵𑌨𑍈𑌃 ।
𑌸𑌿𑌂𑌹𑌵𑍍𑌯𑌾𑌘𑍍𑌰𑌵𑌰𑌾𑌹𑍈𑌶𑍍𑌚 𑌵𑌾𑌰𑌣𑍈𑌶𑍍𑌚𑍋𑌪𑌶𑍋𑌭𑌿𑌤𑌮𑍍 ॥ 14 ॥

𑌧𑌵𑌾𑌶𑍍𑌵𑌕𑌰𑍍𑌣𑌕𑌕𑍁𑌭𑍈𑌰𑍍𑌬𑌿𑌲𑍍𑌵𑌤𑌿𑌂𑌦𑍁𑌕𑌪𑌾𑌟𑌲𑍈𑌃 ।
𑌸𑌂𑌕𑍀𑌰𑍍𑌣𑌂 𑌬𑌦𑌰𑍀𑌭𑌿𑌶𑍍𑌚 𑌕𑌿𑌨𑍍𑌨𑍍𑌵𑍇𑌤𑌦𑍍𑌦𑌾𑌰𑍁𑌣𑌂 𑌵𑌨𑌮𑍍 ॥ 15 ॥

𑌤𑌮𑍁𑌵𑌾𑌚 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌮𑍁𑌨𑌿𑌃 ।
𑌶𑍍𑌰𑍂𑌯𑌤𑌾𑌂 𑌵𑌤𑍍𑌸 𑌕𑌾𑌕𑍁𑌤𑍍𑌸𑍍𑌥 𑌯𑌸𑍍𑌯𑍈𑌤𑌦𑍍𑌦𑌾𑌰𑍁𑌣𑌂 𑌵𑌨𑌮𑍍 ॥ 16 ॥

𑌏𑌤𑍌 𑌜𑌨𑌪𑌦𑍌 𑌸𑍍𑌫𑍀𑌤𑍌 𑌪𑍂𑌰𑍍𑌵𑌮𑌾𑌸𑍍𑌤𑌾𑌂 𑌨𑌰𑍋𑌤𑍍𑌤𑌮 ।
𑌮𑌲𑌦𑌾𑌶𑍍𑌚 𑌕𑌰𑍂𑌶𑌾𑌶𑍍𑌚 𑌦𑍇𑌵𑌨𑌿𑌰𑍍𑌮𑌾𑌣𑌨𑌿𑌰𑍍𑌮𑌿𑌤𑍌 ॥ 1𑍭 ॥

𑌪𑍁𑌰𑌾 𑌵𑍃𑌤𑍍𑌰𑌵𑌧𑍇 𑌰𑌾𑌮 𑌮𑌲𑍇𑌨 𑌸𑌮𑌭𑌿𑌪𑍍𑌲𑍁𑌤𑌮𑍍 ।
𑌕𑍍𑌷𑍁𑌧𑌾 𑌚𑍈𑌵 𑌸𑌹𑌸𑍍𑌰𑌾𑌕𑍍𑌷𑌂 𑌬𑍍𑌰𑌹𑍍𑌮𑌹𑌤𑍍𑌯𑌾 𑌸𑌮𑌾𑌵𑌿𑌶𑌤𑍍 ॥ 1𑍮 ॥

𑌤𑌮𑌿𑌂𑌦𑍍𑌰𑌂 𑌸𑍍𑌨𑌾𑌪𑌯𑌨𑍍 𑌦𑍇𑌵𑌾 𑌋𑌷𑌯𑌶𑍍𑌚 𑌤𑌪𑍋𑌧𑌨𑌾𑌃 ।
𑌕𑌲𑌶𑍈𑌸𑍍𑌸𑍍𑌨𑌾𑌪𑌯𑌾𑌮𑌾𑌸𑍁𑌰𑍍𑌮𑌲𑌂 𑌚𑌾𑌸𑍍𑌯 𑌪𑍍𑌰𑌮𑍋𑌚𑌯𑌨𑍍 ॥ 1𑍯 ॥

𑌇𑌹 𑌭𑍂𑌮𑍍𑌯𑌾𑌂 𑌮𑌲𑌂 𑌦𑌤𑍍𑌵𑌾 𑌦𑌤𑍍𑌵𑌾 𑌕𑌾𑌰𑍂𑌶𑌮𑍇𑌵 𑌚 ।
𑌶𑌰𑍀𑌰𑌜𑌂 𑌮𑌹𑍇𑌂𑌦𑍍𑌰𑌸𑍍𑌯 𑌤𑌤𑍋 𑌹𑌰𑍍𑌷𑌂 𑌪𑍍𑌰𑌪𑍇𑌦𑌿𑌰𑍇 ॥ 20 ॥

𑌨𑌿𑌰𑍍𑌮𑌲𑍋 𑌨𑌿𑌷𑍍𑌕𑌰𑍂𑌶𑌶𑍍𑌚 𑌶𑍁𑌚𑌿𑌰𑌿𑌂𑌂𑌦𑍍𑌰𑍋 𑌯𑌦𑌾𑌭𑌵𑌤𑍍 ।
𑌦𑌦𑍌 𑌦𑍇𑌶𑌸𑍍𑌯 𑌸𑍁𑌪𑍍𑌰𑍀𑌤𑍋 𑌵𑌰𑌂 𑌪𑍍𑌰𑌭𑍁𑌰𑌨𑍁𑌤𑍍𑌤𑌮𑌮𑍍 ॥ 21 ॥

𑌇𑌮𑍌 𑌜𑌨𑌪𑌦𑍌 𑌸𑍍𑌫𑍀𑌤𑍌 𑌖𑍍𑌯𑌾𑌤𑌿𑌂 𑌲𑍋𑌕𑍇 𑌗𑌮𑌿𑌷𑍍𑌯𑌤𑌃 ।
𑌮𑌲𑌦𑌾𑌶𑍍𑌚 𑌕𑌰𑍂𑌶𑌾𑌶𑍍𑌚 𑌮𑌮𑌾𑌂𑌗𑌮𑌲𑌧𑌾𑌰𑌿𑌣𑍌 ॥ 22 ॥

𑌸𑌾𑌧𑍁 𑌸𑌾𑌧𑍍𑌵𑌿𑌤𑌿 𑌤𑌂 𑌦𑍇𑌵𑌾𑌃 𑌪𑌾𑌕𑌶𑌾𑌸𑌨𑌮𑌬𑍍𑌰𑍁𑌵𑌨𑍍 ।
𑌦𑍇𑌶𑌸𑍍𑌯 𑌪𑍂𑌜𑌾𑌂 𑌤𑌾𑌂 𑌦𑍃𑌷𑍍𑌟𑍍𑌵𑌾 𑌕𑍃𑌤𑌾𑌂 𑌶𑌕𑍍𑌰𑍇𑌣 𑌧𑍀𑌮𑌤𑌾 ॥ 23 ॥

𑌏𑌤𑍌 𑌜𑌨𑌪𑌦𑍌 𑌸𑍍𑌫𑍀𑌤𑍌 𑌦𑍀𑌰𑍍𑌘𑌕𑌾𑌲𑌮𑌰𑌿𑌂𑌦𑌮 ।
𑌮𑌲𑌦𑌾𑌶𑍍𑌚 𑌕𑌰𑍂𑌶𑌾𑌶𑍍𑌚 𑌮𑍁𑌦𑌿𑌤𑍌 𑌧𑌨𑌧𑌾𑌨𑍍𑌯𑌤𑌃 ॥ 24 ॥

𑌕𑌸𑍍𑌯𑌚𑌿𑌤𑍍𑌤𑍍𑌵𑌥 𑌕𑌾𑌲𑌸𑍍𑌯 𑌯𑌕𑍍𑌷𑍀 𑌵𑍈 𑌕𑌾𑌮𑌰𑍂𑌪𑌿𑌣𑍀 ।
𑌬𑌲𑌂 𑌨𑌾𑌗𑌸𑌹𑌸𑍍𑌰𑌸𑍍𑌯 𑌧𑌾𑌰𑌯𑌂𑌤𑍀 𑌤𑌦𑌾 𑌹𑍍𑌯𑌭𑍂𑌤𑍍 ॥ 25 ॥

𑌤𑌾𑌟𑌕𑌾 𑌨𑌾𑌮 𑌭𑌦𑍍𑌰𑌂 𑌤𑍇 𑌭𑌾𑌰𑍍𑌯𑌾 𑌸𑍁𑌂𑌦𑌸𑍍𑌯 𑌧𑍀𑌮𑌤𑌃 ।
2 𑌮𑌾𑌰𑍀𑌚𑍋 𑌰𑌾𑌕𑍍𑌷𑌸𑌃 𑌪𑍁𑌤𑍍𑌰𑍋 𑌯𑌸𑍍𑌯𑌾𑌶𑍍𑌶𑌕𑍍𑌰𑌪𑌰𑌾𑌕𑍍𑌰𑌮𑌃 ॥ 26 ॥

𑌵𑍃𑌤𑍍𑌤𑌬𑌾𑌹𑍁𑌰𑍍𑌮𑌹𑌾𑌵𑍀𑌰𑍍𑌯𑍋 𑌵𑌿𑌪𑍁𑌲𑌾𑌸𑍍𑌯 𑌤𑌨𑍁𑌰𑍍𑌮𑌹𑌾𑌨𑍍 ।
𑌰𑌾𑌕𑍍𑌷𑌸𑍋 𑌭𑍈𑌰𑌵𑌾𑌕𑌾𑌰𑍋 𑌨𑌿𑌤𑍍𑌯𑌂 𑌤𑍍𑌰𑌾𑌸𑌯𑌤𑍇 𑌪𑍍𑌰𑌜𑌾𑌃 ॥ 2𑍭 ॥

𑌇𑌮𑍌 𑌜𑌨𑌪𑌦𑍌 𑌨𑌿𑌤𑍍𑌯𑌂 𑌵𑌿𑌨𑌾𑌶𑌯𑌤𑌿 𑌰𑌾𑌘𑌵 ।
𑌮𑌲𑌦𑌾𑌂𑌶𑍍𑌚 𑌕𑌰𑍂𑌶𑌾𑌂𑌶𑍍𑌚 𑌤𑌾𑌟𑌕𑌾 𑌦𑍁𑌷𑍍𑌟𑌚𑌾𑌰𑌿𑌣𑍀 ॥ 2𑍮 ॥

𑌸𑍇𑌯𑌂 𑌪𑌂𑌥𑌾𑌨𑌮𑌾𑌵𑍃𑌤𑍍𑌯 𑌵𑌸𑌤𑍍𑌯𑌧𑍍𑌯𑌰𑍍𑌧𑌯𑍋𑌜𑌨𑍇 ।
𑌅𑌤 𑌏𑌵 𑌨 𑌗𑌂𑌤𑌵𑍍𑌯𑌂 𑌤𑌾𑌟𑌕𑌾𑌯𑌾 𑌵𑌨𑌂 𑌯𑌤𑌃 ॥ 2𑍯 ॥

𑌸𑍍𑌵𑌬𑌾𑌹𑍁𑌬𑌲𑌮𑌾𑌶𑍍𑌰𑌿𑌤𑍍𑌯 𑌜𑌹𑍀𑌮𑌾𑌂 𑌦𑍁𑌷𑍍𑌟𑌚𑌾𑌰𑌿𑌣𑍀𑌮𑍍 ।
𑌮𑌨𑍍𑌨𑌿𑌯𑍋𑌗𑌾𑌦𑌿𑌮𑌂 𑌦𑍇𑌶𑌂 𑌕𑍁𑌰𑍁 𑌨𑌿𑌷𑍍𑌕𑌂𑌟𑌕𑌂 𑌪𑍁𑌨𑌃 ॥ 30 ॥

𑌨 𑌹𑌿 𑌕𑌶𑍍𑌚𑌿𑌦𑌿𑌮𑌂 𑌦𑍇𑌶𑌂 𑌶𑌕𑍍𑌨𑍋𑌤𑍍𑌯𑌾𑌗𑌂𑌤𑍁𑌮𑍀𑌦𑍃𑌶𑌮𑍍 ।
𑌯𑌕𑍍𑌷𑌿𑌣𑍍𑌯𑌾 𑌘𑍋𑌰𑌯𑌾 𑌰𑌾𑌮 𑌉𑌤𑍍𑌸𑌾𑌦𑌿𑌤𑌮𑌸𑌹𑍍𑌯𑌯𑌾 ॥ 31 ॥

𑌏𑌤𑌤𑍍𑌤𑍇 𑌸𑌰𑍍𑌵𑌮𑌾𑌖𑍍𑌯𑌾𑌤𑌂 𑌯𑌥𑍈𑌤𑌦𑍍𑌦𑌾𑌰𑍁𑌣𑌂 𑌵𑌨𑌮𑍍 ।
𑌯𑌕𑍍𑌷𑍍𑌯𑌾 𑌚𑍋𑌤𑍍𑌸𑌾𑌦𑌿𑌤𑌂 𑌸𑌰𑍍𑌵𑌮𑌦𑍍𑌯𑌾𑌪𑌿 𑌨 𑌨𑌿𑌵𑌰𑍍𑌤𑌤𑍇 ॥ 32 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌚𑌤𑍁𑌰𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: