𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌰𑌾𑌮𑌸𑍍𑌯 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌭𑌰𑌤𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌕𑌿𑌂 𑌮𑍇 𑌧𑌰𑍍𑌮𑌾𑌦𑍍𑌵𑌿𑌹𑍀𑌨𑌸𑍍𑌯 𑌰𑌾𑌜𑌧𑌰𑍍𑌮𑌃 𑌕𑌰𑌿𑌷𑍍𑌯𑌤𑌿 ॥ 1 ॥
𑌕𑌿𑌂 𑌏𑌤𑌦𑍍 𑌇𑌗𑍍𑌚𑍍𑌛𑍇𑌯𑌂 𑌅𑌹𑌂 𑌶𑍍𑌰𑍋𑌤𑍁𑌂 𑌪𑍍𑌰𑌵𑍍𑌯𑌾𑌹𑍃𑌤𑌂 𑌤𑍍𑌵𑌯𑌾 ।
𑌯𑌸𑍍𑌮𑌾𑌤𑍍 𑌤𑍍𑌵𑌂 𑌆𑌗𑌤𑍋 𑌦𑍇𑌶𑌂 𑌇𑌮𑌂 𑌚𑍀𑌰 𑌜𑌟𑌾 𑌅𑌜𑌿𑌨𑍀 ॥ 2 ॥
𑌸 𑌸𑌮𑍃𑌦𑍍𑌧𑌾𑌂 𑌮𑌯𑌾 𑌸𑌾𑌰𑍍𑌧𑌮𑌯𑍋𑌧𑍍𑌯𑌾𑌂 𑌗𑌚𑍍𑌛 𑌰𑌾𑌘𑌵 ।
𑌅𑌭𑌿𑌷𑍇𑌚𑌯𑌚𑌾𑌤𑍍𑌮𑌾𑌨𑌂 𑌕𑍁𑌲𑌸𑍍𑌯𑌾𑌸𑍍𑌯 𑌭𑌵𑌾𑌯 𑌨𑌃 ॥ 3 ॥
𑌰𑌾𑌜𑌾𑌨𑌂 𑌮𑌾𑌨𑍁𑌷𑌂 𑌪𑍍𑌰𑌾𑌹𑍁 𑌰𑍍𑌦𑍇𑌵𑌤𑍍𑌵𑍇 𑌸𑌮𑍍𑌮𑌤𑍋 𑌮𑌮 ।
𑌯𑌸𑍍𑌯 𑌧𑌰𑍍𑌮𑌾𑌰𑍍𑌥𑌸𑌹𑌿𑌤𑌂 𑌵𑍃𑌤𑍍𑌤𑌮𑌾𑌹𑍁𑌰𑌮𑌾𑌨𑍁𑌷𑌮𑍍 ॥ 4 ॥
𑌕𑍇𑌕𑌯𑌸𑍍𑌥𑍇 𑌚 𑌮𑌯𑌿 𑌤𑍁 𑌤𑍍𑌵𑌯𑌿 𑌚𑌾𑌰𑌣𑍍𑌯 𑌮𑌾𑌶𑍍𑌰𑌿𑌤𑍇 ।
𑌦𑌿𑌵𑌮𑌾𑌰𑍍𑌯𑍋 𑌗𑌤𑍋 𑌰𑌾𑌜𑌾 𑌯𑌾𑌯𑌜𑍂𑌕𑌃 𑌸𑌤𑌾𑌂 𑌮𑌤𑌃 ॥ 5 ॥
𑌨𑌿𑌷𑍍𑌕𑍍𑌰𑌾𑌂𑌤𑌮𑌾𑌤𑍍𑌰𑍇 𑌭𑌵𑌤𑌿 𑌸𑌸𑍀𑌤𑍇 𑌸𑌹𑌲𑌕𑍍𑌷𑍍𑌮𑌣𑍇 ।
𑌦𑍁𑌃𑌖𑌶𑍋𑌕𑌾𑌭𑌿𑌭𑍂𑌤𑌸𑍍𑌤𑍁 𑌰𑌾𑌜𑌾 𑌤𑍍𑌰𑌿𑌦𑌿𑌵𑌮𑌭𑍍𑌯𑌗𑌾𑌤𑍍 ॥ 6 ॥
𑌉𑌤𑍍𑌤𑌿𑌷𑍍𑌠 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌕𑍍𑌰𑌿𑌯𑌤𑌾𑌮𑍁𑌦𑌕𑌂 𑌪𑌿𑌤𑍁𑌃 ।
𑌅𑌹𑌂 𑌚𑌾𑌯𑌂 𑌚 𑌶𑌤𑍍𑌰𑍁𑌘𑍍𑌨𑌃 𑌪𑍂𑌰𑍍𑌵𑌮𑍇𑌵 𑌕𑍃𑌤𑍋𑌦𑌕𑍌 ॥ ॥
𑌪𑍍𑌰𑌿𑌯𑍇𑌣 𑌕𑌿𑌲 𑌦𑌤𑍍𑌤𑌂 𑌹𑌿 𑌪𑌿𑌤𑍃𑌲𑍋𑌕𑍇𑌷𑍁 𑌰𑌾𑌘𑌵 ।
𑌅𑌕𑍍𑌷𑌯𑍍𑌯𑌂 𑌭𑌵𑌤𑍀𑌤𑍍𑌯𑌾𑌹𑍁𑌰𑍍𑌭𑌵𑌾𑌂𑌶𑍍𑌚𑍈𑌵 𑌪𑌿𑌤𑍁𑌃 𑌪𑍍𑌰𑌿𑌯𑌃 ॥ ॥
𑌤𑍍𑌵𑌾𑌮𑍇𑌵 𑌶𑍋𑌚𑌂𑌸𑍍𑌤𑌵 𑌦𑌰𑍍𑌶𑌨𑍇𑌪𑍍𑌸𑍁𑌸𑍍𑌤𑍍𑌵𑌯𑍍𑌯𑍇𑌵 𑌸𑌕𑍍𑌤𑌾𑌮𑌨𑌿𑌵𑌰𑍍𑌤𑍍𑌯 𑌬𑍁𑌦𑍍𑌧𑌿𑌮𑍍 ।
𑌤𑍍𑌵𑌯𑌾 𑌵𑌿𑌹𑍀𑌨 𑌸𑍍𑌤𑌵 𑌶𑍋𑌕𑌮𑌗𑍍𑌨𑌸𑍍𑌤𑍍𑌵𑌾𑌂 𑌸𑌂𑌸𑍍𑌮𑌰𑌨𑍍𑌨𑌸𑍍𑌤𑌮𑌿𑌤𑌃 𑌪𑌿𑌤𑌾 𑌤𑍇 ॥ ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌏𑌕𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
