Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.16 𑌬𑌾𑌲𑌕𑌾𑌂𑌡 - 𑌷𑍋𑌡𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌷𑍋𑌡𑌶𑌸𑍍𑌸𑌰𑍍𑌗𑌃 ।

𑌤𑌤𑍋 𑌨𑌾𑌰𑌾𑌯𑌣𑍋 𑌦𑍇𑌵𑍋 𑌨𑌿𑌯𑍁𑌕𑍍𑌤𑌸𑍍𑌸𑍁𑌰𑌸𑌤𑍍𑌤𑌮𑍈𑌃 ।
𑌜𑌾𑌨𑌨𑍍𑌨𑌪𑌿 𑌸𑍁𑌰𑌾𑌨𑍇𑌵𑌂 𑌶𑍍𑌲𑌕𑍍𑌷𑍍𑌣𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 1 ॥

𑌉𑌪𑌾𑌯𑌃 𑌕𑍋 𑌵𑌧𑍇 𑌤𑌸𑍍𑌯 𑌰𑌾𑌵𑌣𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ।
𑌯𑌮𑌹𑌂 𑌤𑌂 𑌸𑌮𑌾𑌸𑍍𑌥𑌾𑌯 𑌨𑌿𑌹𑌨𑍍𑌯𑌾𑌮𑍃𑌷𑌿𑌕𑌂𑌟𑌕𑌮𑍍 ॥ 2 ॥

𑌏𑌵𑌮𑍁𑌕𑍍𑌤𑌾𑌸𑍍𑌸𑍁𑌰𑌾𑌸𑍍𑌸𑌰𑍍𑌵𑍇 𑌪𑍍𑌰𑌤𑍍𑌯𑍂𑌚𑍁𑌰𑍍𑌵𑌿𑌷𑍍𑌣𑍁𑌮𑌵𑍍𑌯𑌯𑌮𑍍 ।
𑌮𑌾𑌨𑍁𑌷𑍀𑌂 𑌤𑌨𑍁𑌮𑌾𑌸𑍍𑌥𑌾𑌯 𑌰𑌾𑌵𑌣𑌂 𑌜𑌹𑌿 𑌸𑌂𑌯𑍁𑌗𑍇 ॥ 3 ॥

𑌸 𑌹𑌿 𑌤𑍇𑌪𑍇 𑌤𑌪𑌸𑍍𑌤𑍀𑌵𑍍𑌰𑌂 𑌦𑍀𑌰𑍍𑌘𑌕𑌾𑌲𑌮𑌰𑌿𑌂𑌦𑌮 ।
𑌯𑍇𑌨 𑌤𑍁𑌷𑍍𑌟𑍋𑌽𑌭𑌵𑌦𑍍𑌬𑍍𑌰𑌹𑍍𑌮𑌾 𑌲𑍋𑌕𑌕𑍃𑌲𑍍𑌲𑍋𑌕𑌪𑍂𑌰𑍍𑌵𑌜𑌃 ॥ 4 ॥

𑌸𑌂𑌤𑍁𑌷𑍍𑌟𑌃 𑌪𑍍𑌰𑌦𑌦𑍌 𑌤𑌸𑍍𑌮𑍈 𑌰𑌾𑌕𑍍𑌷𑌸𑌾𑌯 𑌵𑌰𑌂 𑌪𑍍𑌰𑌭𑍁𑌃 ।
04 𑌨𑌾𑌨𑌾𑌵𑌿𑌧𑍇𑌭𑍍𑌯𑍋 𑌭𑍂𑌤𑍇𑌭𑍍𑌯𑍋 𑌭𑌯𑌂 𑌨𑌾𑌨𑍍𑌯𑌤𑍍𑌰 𑌮𑌾𑌨𑍁𑌷𑌾𑌤𑍍 ॥ 5 ॥

𑌅𑌵𑌜𑍍𑌞𑌾𑌤𑌾𑌃 𑌪𑍁𑌰𑌾 𑌤𑍇𑌨 𑌵𑌰𑌦𑌾𑌨𑍇 𑌹𑌿 𑌮𑌾𑌨𑌵𑌾𑌃 ।
105 𑌏𑌵𑌂 𑌪𑌿𑌤𑌾𑌮𑌹𑌾𑌤𑍍𑌤𑌸𑍍𑌮𑌾𑌦𑍍𑌵𑌰𑌂 𑌪𑍍𑌰𑌾𑌪𑍍𑌯 𑌸 𑌦𑌰𑍍𑌪𑌿𑌤𑌃 ॥ 6 ॥

𑌉𑌤𑍍𑌸𑌾𑌦𑌯𑌤𑌿 𑌲𑍋𑌕𑌾𑌂𑌤𑍍𑌰𑍀𑌨𑍍 𑌸𑍍𑌤𑍍𑌰𑌿𑌯𑌶𑍍𑌚𑌾𑌪𑍍𑌯𑌪𑌕𑌰𑍍𑌷𑌤𑌿 ।
𑌤𑌸𑍍𑌮𑌾𑌤𑍍𑌤𑌸𑍍𑌯 𑌵𑌧𑍋 𑌦𑍃𑌷𑍍𑌟𑍋 𑌮𑌾𑌨𑍁𑌷𑍇𑌭𑍍𑌯𑌃 𑌪𑌰𑌂𑌤𑌪 ॥ 𑍭 ॥

𑌇𑌤𑍍𑌯𑍇𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑍁𑌰𑌾𑌣𑌾𑌂 𑌵𑌿𑌷𑍍𑌣𑍁𑌰𑌾𑌤𑍍𑌮𑌵𑌾𑌨𑍍 ।
𑌪𑌿𑌤𑌰𑌂 𑌰𑍋𑌚𑌯𑌾𑌮𑌾𑌸 𑌤𑌦𑌾 𑌦𑌶𑌰𑌥𑌂 𑌨𑍃𑌪𑌮𑍍 ॥ 𑍮 ॥

𑌸 𑌚𑌾𑌪𑍍𑌯𑌪𑍁𑌤𑍍𑌰𑍋 𑌨𑍃𑌪𑌤𑌿𑌸𑍍𑌤𑌸𑍍𑌮𑌿𑌨𑍍𑌕𑌾𑌲𑍇 𑌮𑌹𑌾𑌦𑍍𑌯𑍁𑌤𑌿𑌃 ।
𑌅𑌯𑌜𑌤𑍍𑌪𑍁𑌤𑍍𑌰𑌿𑌯𑌾𑌮𑌿𑌷𑍍𑌟𑌿𑌂 𑌪𑍁𑌤𑍍𑌰𑍇𑌪𑍍𑌸𑍁𑌰𑌰𑌿𑌸𑍂𑌦𑌨𑌃 ॥ 𑍯 ॥

𑌸 𑌕𑍃𑌤𑍍𑌵𑌾 𑌨𑌿𑌶𑍍𑌚𑌯𑌂 𑌵𑌿𑌷𑍍𑌣𑍁𑌰𑌾𑌮𑌂𑌤𑍍𑌰𑍍𑌯 𑌚 𑌪𑌿𑌤𑌾𑌮𑌹𑌮𑍍 ।
𑌅𑌂𑌤𑌰𑍍𑌧𑌾𑌨𑌂 𑌗𑌤𑍋 𑌦𑍇𑌵𑍈𑌃 𑌪𑍂𑌜𑍍𑌯𑌮𑌾𑌨𑍋 𑌮𑌹𑌰𑍍𑌷𑌿𑌭𑌿𑌃 ॥ 10 ॥

𑌤𑍋 𑌵𑍈 𑌯𑌜𑌮𑌾𑌨𑌸𑍍𑌯 𑌪𑌾𑌵𑌕𑌾𑌦𑌤𑍁𑌲𑌪𑍍𑌰𑌭𑌮𑍍 ।
𑌪𑍍𑌰𑌾𑌦𑍁𑌰𑍍𑌭𑍂𑌤𑌂 𑌮𑌹𑌦𑍍𑌭𑍂𑌤𑌂 𑌮𑌹𑌾𑌵𑍀𑌰𑍍𑌯𑌂 𑌮𑌹𑌾𑌬𑌲𑌮𑍍 ॥ 11 ॥

𑌕𑍃𑌷𑍍𑌣𑌂 𑌰𑌕𑍍𑌤𑌾𑌂𑌬𑌰𑌧𑌰𑌂 𑌰𑌕𑍍𑌤𑌾𑌸𑍍𑌯𑌂 𑌦𑍁𑌂𑌦𑍁𑌭𑌿𑌸𑍍𑌵𑌨𑌮𑍍 ।
𑌸𑍍𑌨𑌿𑌗𑍍𑌧𑌹𑌰𑍍𑌯𑌕𑍍𑌷𑌤𑌨𑍁𑌜𑌶𑍍𑌮𑌶𑍍𑌰𑍁𑌪𑍍𑌰𑌵𑌰𑌮𑍂𑌰𑍍𑌧𑌜𑌮𑍍 ॥ 12 ॥

𑌶𑍁𑌭𑌲𑌕𑍍𑌷𑌣𑌸𑌂𑌪𑌨𑍍𑌨𑌂 𑌦𑌿𑌵𑍍𑌯𑌾𑌭𑌰𑌣𑌭𑍂𑌷𑌿𑌤𑌮𑍍 ।
𑌶𑍈𑌲𑌶𑍃𑌂𑌗𑌸𑌮𑍁𑌤𑍍𑌸𑍇𑌥𑌂 𑌦𑍃𑌪𑍍𑌤𑌶𑌾𑌰𑍍𑌦𑍂𑌲𑌵𑌿𑌕𑍍𑌰𑌮𑌮𑍍 ॥ 13 ॥

𑌦𑌿𑌵𑌾𑌕𑌰𑌸𑌮𑌾𑌕𑌾𑌰𑌂 𑌦𑍀𑌪𑍍𑌤𑌾𑌨𑌲𑌶𑌿𑌖𑍋𑌪𑌮𑌮𑍍 ।
𑌤𑌪𑍍𑌤𑌜𑌾𑌂𑌬𑍂𑌨𑌦𑌮𑌯𑍀𑌂 𑌰𑌾𑌜𑌤𑌾𑌂𑌤𑌪𑌰𑌿𑌚𑍍𑌛𑌦𑌾𑌮𑍍 ॥ 14 ॥

𑌦𑌿𑌵𑍍𑌯𑌪𑌾𑌯𑌸𑌸𑌂𑌪𑍂𑌰𑍍𑌣𑌾𑌂 𑌪𑌾𑌤𑍍𑌰𑍀𑌂 𑌪𑌤𑍍𑌨𑍀𑌮𑌿𑌵 𑌪𑍍𑌰𑌿𑌯𑌾𑌮𑍍 ।
𑌪𑍍𑌰𑌗𑍃𑌹𑍍𑌯 𑌵𑌿𑌪𑍁𑌲𑌾𑌂 𑌦𑍋𑌰𑍍𑌭𑍍𑌯𑌾𑌂 𑌸𑍍𑌵𑌯𑌂 𑌮𑌾𑌯𑌾𑌮𑌯𑍀𑌮𑌿𑌵 ॥ 15 ॥

𑌸𑌮𑌵𑍇𑌕𑍍𑌷𑍍𑌯𑌾𑌬𑍍𑌰𑌵𑍀𑌦𑍍𑌵𑌾𑌕𑍍𑌯𑌮𑌿𑌦𑌂 𑌦𑌶𑌰𑌥𑌂 𑌨𑍃𑌪𑌮𑍍 ।
𑌪𑍍𑌰𑌾𑌜𑌾𑌪𑌤𑍍𑌯𑌂 𑌨𑌰𑌂 𑌵𑌿𑌦𑍍𑌧𑌿 𑌮𑌾𑌮𑌿𑌹𑌾𑌭𑍍𑌯𑌾𑌗𑌤𑌂 𑌨𑍃𑌪 ॥ 16 ॥

𑌤𑌤𑌃 𑌪𑌰𑌂 𑌤𑌦𑌾 𑌰𑌾𑌜𑌾 𑌪𑍍𑌰𑌤𑍍𑌯𑍁𑌵𑌾𑌚 𑌕𑍃𑌤𑌾𑌂𑌜𑌲𑌿𑌃 ।
𑌭𑌗𑌵𑌨𑍍 𑌸𑍍𑌵𑌾𑌗𑌤𑌂 𑌤𑍇𑌽𑌸𑍍𑌤𑍁 𑌕𑌿𑌮𑌹𑌂 𑌕𑌰𑌵𑌾𑌣𑌿 𑌤𑍇 ॥ 1𑍭 ॥

𑌅𑌥𑍋 𑌪𑍁𑌨𑌰𑌿𑌦𑌂 𑌵𑌾𑌕𑍍𑌯𑌂 𑌪𑍍𑌰𑌾𑌜𑌾𑌪𑌤𑍍𑌯𑍋 𑌨𑌰𑍋𑌽𑌬𑍍𑌰𑌵𑍀𑌤𑍍 ।
𑌰𑌾𑌜𑌨𑍍𑌨𑌰𑍍𑌚𑌯𑌤𑌾 𑌦𑍇𑌵𑌾𑌨𑌦𑍍𑌯 𑌪𑍍𑌰𑌾𑌪𑍍𑌤𑌮𑌿𑌦𑌂 𑌤𑍍𑌵𑌯𑌾 ॥ 1𑍮 ॥

𑌇𑌦𑌂 𑌤𑍁 𑌨𑍃𑌪𑌶𑌾𑌰𑍍𑌦𑍂𑌲 𑌪𑌾𑌯𑌸𑌂 𑌦𑍇𑌵𑌨𑌿𑌰𑍍𑌮𑌿𑌤𑌮𑍍 ।
𑌪𑍍𑌰𑌜𑌾𑌕𑌰𑌂 𑌗𑍃𑌹𑌾𑌣 𑌤𑍍𑌵𑌂 𑌧𑌨𑍍𑌯𑌮𑌾𑌰𑍋𑌗𑍍𑌯𑌵𑌰𑍍𑌧𑌨𑌮𑍍 ॥ 1𑍯 ॥

𑌭𑌾𑌰𑍍𑌯𑌾𑌣𑌾𑌮𑌨𑍁𑌰𑍂𑌪𑌾𑌣𑌾𑌮𑌶𑍍𑌨𑍀𑌤𑍇𑌤𑌿 𑌪𑍍𑌰𑌯𑌚𑍍𑌛 𑌵𑍈 ।
𑌤𑌾𑌸𑍁 𑌤𑍍𑌵𑌂 𑌪𑍍𑌰𑌾𑌪𑍍𑌸𑍍𑌯𑌸𑍇 𑌪𑍁𑌤𑍍𑌰𑌾𑌨𑍍𑌯𑌦𑌰𑍍𑌥𑌂 𑌯𑌜𑌸𑍇 𑌨𑍃𑌪 ॥ 20 ॥

𑌤𑌥𑍇𑌤𑌿 𑌨𑍃𑌪𑌤𑌿𑌃 𑌪𑍍𑌰𑍀𑌤𑌶𑍍𑌶𑌿𑌰𑌸𑌾 𑌪𑍍𑌰𑌤𑌿𑌗𑍃𑌹𑍍𑌯𑌤𑌾𑌮𑍍 ।
𑌪𑌾𑌤𑍍𑌰𑍀𑌂 𑌦𑍇𑌵𑌾𑌨𑍍𑌨𑌸𑌂𑌪𑍂𑌰𑍍𑌣𑌾𑌂 𑌦𑍇𑌵𑌦𑌤𑍍𑌤𑌾𑌂 𑌹𑌿𑌰𑌣𑍍𑌮𑌯𑍀𑌮𑍍 ॥ 21 ॥

𑌅𑌭𑌿𑌵𑌾𑌦𑍍𑌯 𑌚 𑌤𑌦𑍍𑌭𑍂𑌤𑌮𑌦𑍍𑌭𑍁𑌤𑌂 𑌪𑍍𑌰𑌿𑌯𑌦𑌰𑍍𑌶𑌨𑌮𑍍 ।
𑌮𑍁𑌦𑌾 𑌪𑌰𑌮𑌯𑌾 𑌯𑍁𑌕𑍍𑌤𑌶𑍍𑌚𑌕𑌾𑌰𑌾𑌭𑌿𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 22 ॥

𑌤𑌤𑍋 𑌦𑌶𑌰𑌥𑌃 𑌪𑍍𑌰𑌾𑌪𑍍𑌯 𑌪𑌾𑌯𑌸𑌂 𑌦𑍇𑌵𑌨𑌿𑌰𑍍𑌮𑌿𑌤𑌮𑍍 ।
𑌬𑌭𑍂𑌵 𑌪𑌰𑌮𑌪𑍍𑌰𑍀𑌤𑌃 𑌪𑍍𑌰𑌾𑌪𑍍𑌯 𑌵𑌿𑌤𑍍𑌤𑌮𑌿𑌵𑌾𑌧𑌨𑌃 ॥ 23 ॥

𑌤𑌤𑌸𑍍𑌤𑌦𑌦𑍍𑌭𑍁𑌤𑌪𑍍𑌰𑌖𑍍𑌯𑌂 𑌭𑍂𑌤𑌂 𑌪𑌰𑌮𑌭𑌾𑌸𑍍𑌵𑌰𑌮𑍍 ।
𑌸𑌂𑌵𑌰𑍍𑌤𑌯𑌿𑌤𑍍𑌵𑌾 𑌤𑌤𑍍𑌕𑌰𑍍𑌮 𑌤𑌤𑍍𑌰𑍈𑌵𑌾𑌂𑌤𑌰𑌧𑍀𑌯𑌤 ॥ 24 ॥

𑌹𑌰𑍍𑌷𑌰𑌶𑍍𑌮𑌿𑌭𑌿𑌰𑍁𑌦𑍍𑌯𑍋𑌤𑌂 𑌤𑌸𑍍𑌯𑌾𑌂𑌤𑌃𑌪𑍁𑌰𑌮𑌾𑌬𑌭𑍌 ।
𑌶𑌾𑌰𑌦𑌸𑍍𑌯𑌾𑌭𑌿𑌰𑌾𑌮𑌸𑍍𑌯 𑌚𑌂𑌦𑍍𑌰𑌸𑍍𑌯𑍇𑌵 𑌨𑌭𑍋𑌂𑌽𑌶𑍁𑌭𑌿𑌃 ॥ 25 ॥

𑌸𑍋𑌽𑌂𑌤𑌃𑌪𑍁𑌰𑌂 𑌪𑍍𑌰𑌵𑌿𑌶𑍍𑌯𑍈𑌵 𑌕𑍌𑌸𑌲𑍍𑌯𑌾𑌮𑌿𑌦𑌮𑌬𑍍𑌰𑌵𑍀𑌤𑍍 ।
𑌪𑌾𑌯𑌸𑌂 𑌪𑍍𑌰𑌤𑌿𑌗𑍃𑌹𑍍𑌣𑍀𑌷𑍍𑌵 𑌪𑍁𑌤𑍍𑌰𑍀𑌯𑌂 𑌤𑍍𑌵𑌿𑌦𑌮𑌾𑌤𑍍𑌮𑌨𑌃 ॥ 26 ॥

𑌕𑍌𑌸𑌲𑍍𑌯𑌾𑌯𑍈 𑌨𑌰𑌪𑌤𑌿𑌃 𑌪𑌾𑌯𑌸𑌾𑌰𑍍𑌧𑌂 𑌦𑌦𑍌 𑌤𑌦𑌾 ।
𑌅𑌰𑍍𑌧𑌾𑌦𑌰𑍍𑌧𑌂 𑌦𑌦𑍌 𑌚𑌾𑌪𑌿 𑌸𑍁𑌮𑌿𑌤𑍍𑌰𑌾𑌯𑍈 𑌨𑌰𑌾𑌧𑌿𑌪𑌃 ॥ 2𑍭 ॥

𑌕𑍈𑌕𑍇𑌯𑍍𑌯𑍈 𑌚𑌾𑌵𑌶𑌿𑌷𑍍𑌟𑌾𑌰𑍍𑌧𑌂 𑌦𑌦𑍌 𑌪𑍁𑌤𑍍𑌰𑌾𑌰𑍍𑌥𑌕𑌾𑌰𑌣𑌾𑌤𑍍 ।
𑌪𑍍𑌰𑌦𑌦𑍌 𑌚𑌾𑌵𑌶𑌿𑌷𑍍𑌟𑌾𑌰𑍍𑌧𑌂 𑌪𑌾𑌯𑌸𑌸𑍍𑌯𑌾𑌮𑍃𑌤𑍋𑌪𑌮𑌮𑍍 ॥ 2𑍮 ॥

𑌅𑌨𑍁𑌚𑌿𑌂𑌤𑍍𑌯 𑌸𑍁𑌮𑌿𑌤𑍍𑌰𑌾𑌯𑍈 𑌪𑍁𑌨𑌰𑍇𑌵 𑌮𑌹𑍀𑌪𑌤𑌿𑌃 ।
𑌏𑌵𑌂 𑌤𑌾𑌸𑌾𑌂 𑌦𑌦𑍌 𑌰𑌾𑌜𑌾 𑌭𑌾𑌰𑍍𑌯𑌾𑌣𑌾𑌂 𑌪𑌾𑌯𑌸𑌂 𑌪𑍃𑌥𑌕𑍍 ॥ 2𑍯 ॥

𑌤𑌾𑌸𑍍𑌤𑍍𑌵𑍇𑌤𑌤𑍍𑌪𑌾𑌯𑌸𑌂 𑌪𑍍𑌰𑌾𑌪𑍍𑌯 𑌨𑌰𑍇𑌂𑌦𑍍𑌰𑌸𑍍𑌯𑍋𑌤𑍍𑌤𑌮𑌾𑌸𑍍𑌸𑍍𑌤𑍍𑌰𑌯𑌃 ।
𑌸𑌮𑍍𑌮𑌾𑌨𑌂 𑌮𑍇𑌨𑌿𑌰𑍇 𑌸𑌰𑍍𑌵𑌾𑌂𑌃 𑌪𑍍𑌰𑌹𑌰𑍍𑌷𑍋𑌦𑌿𑌤𑌚𑍇𑌤𑌸𑌃 ॥ 30 ॥

𑌤𑌤𑌸𑍍𑌤𑍁 𑌤𑌾𑌃 𑌪𑍍𑌰𑌾𑌶𑍍𑌯 𑌤𑌦𑍁𑌤𑍍𑌤𑌮𑌾𑌸𑍍𑌤𑍍𑌰𑌿𑌯𑍋 𑌮𑌹𑍀𑌪𑌤𑍇𑌰𑍁𑌤𑍍𑌤𑌮𑌪𑌾𑌯𑌸𑌂 𑌪𑍃𑌥𑌕𑍍 ।
𑌹𑍁𑌤𑌾𑌶𑌨𑌾𑌦𑌿𑌤𑍍𑌯𑌸𑌮𑌾𑌨𑌤𑍇𑌜𑌸𑍋 𑌽𑌚𑌿𑌰𑍇𑌣 𑌗𑌰𑍍𑌭𑌾𑌨𑍍𑌪𑍍𑌰𑌤𑌿𑌪𑍇𑌦𑌿𑌰𑍇 𑌤𑌦𑌾 ॥ 31 ॥

𑌤𑌤𑌸𑍍𑌤𑍁 𑌰𑌾𑌜𑌾 𑌪𑍍𑌰𑌸𑌮𑍀𑌕𑍍𑌷𑍍𑌯 𑌤𑌾𑌃 𑌸𑍍𑌤𑍍𑌰𑌿𑌯𑌃 𑌪𑍍𑌰𑌰𑍂𑌢𑌗𑌰𑍍𑌭𑌾𑌃 𑌪𑍍𑌰𑌤𑌿𑌲𑌬𑍍𑌧𑌮𑌾𑌨𑌸𑌃 ।
𑌬𑌭𑍂𑌵 𑌹𑍃𑌷𑍍𑌟𑌸𑍍𑌤𑍍𑌰𑌿𑌦𑌿𑌵𑍇 𑌯𑌥𑌾 𑌹𑌰𑌿𑌃 𑌸𑍁𑌰𑍇𑌂𑌦𑍍𑌰𑌸𑌿𑌦𑍍𑌧𑌰𑍍𑌷𑌿𑌗𑌣𑌾𑌭𑌿𑌪𑍂𑌜𑌿𑌤𑌃 ॥ 32 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌷𑍋𑌡𑌶𑌸𑍍𑌸𑌰𑍍𑌗𑌃 ॥


Browse Related Categories: