Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.31 𑌸𑍁𑌂𑌦𑌰𑌕𑌾𑌂𑌡 - 𑌏𑌕𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌏𑌵𑌂 𑌬𑌹𑍁𑌵𑌿𑌧𑌾𑌂 𑌚𑌿𑌂𑌤𑌾𑌂 𑌚𑌿𑌂𑌤𑌯𑌿𑌤𑍍𑌵𑌾 𑌮𑌹𑌾𑌕𑌪𑌿𑌃 ।
𑌸𑌂𑌶𑍍𑌰𑌵𑍇 𑌮𑌧𑍁𑌰𑌂 𑌵𑌾𑌕𑍍𑌯𑌂 𑌵𑍈𑌦𑍇𑌹𑍍𑌯𑌾 𑌵𑍍𑌯𑌾𑌜𑌹𑌾𑌰 𑌹 ॥ 1 ॥

𑌰𑌾𑌜𑌾 𑌦𑌶𑌰𑌥𑍋 𑌨𑌾𑌮 𑌰𑌥𑌕𑍁𑌂𑌜𑌰𑌵𑌾𑌜𑌿𑌮𑌾𑌨𑍍 ।
𑌪𑍁𑌣𑍍𑌯𑌶𑍀𑌲𑍋 𑌮𑌹𑌾𑌕𑍀𑌰𑍍𑌤𑌿𑌰𑌿𑌕𑍍𑌷𑍍𑌵𑌾𑌕𑍂𑌣𑌾𑌂 𑌮𑌹𑌾𑌯𑌶𑌾𑌃 ॥ 2 ॥

𑌰𑌾𑌜𑌰𑍍𑌷𑍀𑌣𑌾𑌂 𑌗𑍁𑌣𑌶𑍍𑌰𑍇𑌷𑍍𑌠𑌸𑍍𑌤𑌪𑌸𑌾 𑌚𑌰𑍍𑌷𑌿𑌭𑌿 𑌸𑍍𑌸𑌮𑌃 ।
𑌚𑌕𑍍𑌰𑌵𑌰𑍍𑌤𑌿𑌕𑍁𑌲𑍇 𑌜𑌾𑌤𑌃 𑌪𑍁𑌰𑌂𑌦𑌰𑌸𑌮𑍋 𑌬𑌲𑍇 ॥ 3 ॥

𑌅𑌹𑌿𑌂𑌸𑌾𑌰𑌤𑌿𑌰𑌕𑍍𑌷𑍁𑌦𑍍𑌰𑍋 𑌘𑍃𑌣𑍀 𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ।
𑌮𑍁𑌖𑍍𑌯𑌶𑍍𑌚𑍇𑌕𑍍𑌷𑍍𑌵𑌾𑌕𑍁𑌵𑌂𑌶𑌸𑍍𑌯 𑌲𑌕𑍍𑌷𑍍𑌮𑍀𑌵𑌾𑌨𑍍 𑌲𑌕𑍍𑌷𑍍𑌮𑌿𑌵𑌰𑍍𑌧𑌨𑌃 ॥ 4 ॥

𑌪𑌾𑌰𑍍𑌥𑌿𑌵𑌵𑍍𑌯𑌂𑌜𑌨𑍈𑌰𑍍𑌯𑍁𑌕𑍍𑌤𑌃 𑌪𑍃𑌥𑍁𑌶𑍍𑌰𑍀𑌃 𑌪𑌾𑌰𑍍𑌥𑌿𑌵𑌰𑍍𑌷𑌭𑌃 ।
𑌪𑍃𑌥𑌿𑌵𑍍𑌯𑌾𑌂 𑌚𑌤𑍁𑌰𑌂𑌤𑌾𑌯𑌾𑌂 𑌵𑌿𑌶𑍍𑌰𑍁𑌤𑌸𑍍𑌸𑍁𑌖𑌦𑌸𑍍𑌸𑍁𑌖𑍀 ॥ 5 ॥

𑌤𑌸𑍍𑌯 𑌪𑍁𑌤𑍍𑌰𑌃 𑌪𑍍𑌰𑌿𑌯𑍋 𑌜𑍍𑌯𑍇𑌷𑍍𑌠𑌸𑍍𑌤𑌾𑌰𑌾𑌧𑌿𑌪𑌨𑌿𑌭𑌾𑌨𑌨𑌃 ।
𑌰𑌾𑌮𑍋 𑌨𑌾𑌮 𑌵𑌿𑌶𑍇𑌷𑌜𑍍𑌞𑌃 𑌶𑍍𑌰𑍇𑌷𑍍𑌠 𑌸𑍍𑌸𑌰𑍍𑌵𑌧𑌨𑍁𑌷𑍍𑌮𑌤𑌾𑌮𑍍 ॥ 6 ॥

𑌰𑌕𑍍𑌷𑌿𑌤𑌾 𑌸𑍍𑌵𑌸𑍍𑌯 𑌧𑌰𑍍𑌮𑌸𑍍𑌯 𑌸𑍍𑌵𑌜𑌨𑌸𑍍𑌯 𑌚 𑌰𑌕𑍍𑌷𑌿𑌤𑌾 ।
𑌰𑌕𑍍𑌷𑌿𑌤𑌾 𑌜𑍀𑌵𑌲𑍋𑌕𑌸𑍍𑌯 𑌧𑌰𑍍𑌮𑌸𑍍𑌯 𑌚 𑌪𑌰𑌂𑌤𑌪𑌃 ॥ 𑍭 ॥

𑌤𑌸𑍍𑌯 𑌸𑌤𑍍𑌯𑌾𑌭𑌿𑌸𑌂𑌧𑌸𑍍𑌯 𑌵𑍃𑌦𑍍𑌧𑌸𑍍𑌯 𑌵𑌚𑌨𑌾𑌤𑍍𑌪𑌿𑌤𑍁𑌃 ।
𑌸𑌭𑌾𑌰𑍍𑌯𑌸𑍍𑌸𑌹 𑌚 𑌭𑍍𑌰𑌾𑌤𑍍𑌰𑌾 𑌵𑍀𑌰𑌃 𑌪𑍍𑌰𑌵𑍍𑌰𑌾𑌜𑌿𑌤𑍋 𑌵𑌨𑌮𑍍 ॥ 𑍮 ॥

𑌤𑍇𑌨 𑌤𑌤𑍍𑌰 𑌮𑌹𑌾𑌰𑌣𑍍𑌯𑍇 𑌮𑍃𑌗𑌯𑌾𑌂 𑌪𑌰𑌿𑌧𑌾𑌵𑌤𑌾 ।
𑌰𑌾𑌕𑍍𑌷𑌸𑌾 𑌨𑌿𑌹𑌤𑌾𑌶𑍍𑌶𑍂𑌰𑌾 𑌬𑌹𑌵𑌃 𑌕𑌾𑌮𑌰𑍂𑌪𑌿𑌣𑌃 ॥ 𑍯 ॥

𑌜𑌨𑌸𑍍𑌥𑌾𑌨𑌵𑌧𑌂 𑌶𑍍𑌰𑍁𑌤𑍍𑌵𑌾 𑌹𑌤𑍌 𑌚 𑌖𑌰𑌦𑍂𑌷𑌣𑍌 ।
𑌤𑌤𑌸𑍍𑌤𑍍𑌵𑌮𑌰𑍍𑌷𑌾𑌪𑌹𑍃𑌤𑌾 𑌜𑌾𑌨𑌕𑍀 𑌰𑌾𑌵𑌣𑍇𑌨 𑌤𑍁 ॥ 10 ॥

𑌵𑌂𑌚𑌯𑌿𑌤𑍍𑌵𑌾 𑌵𑌨𑍇 𑌰𑌾𑌮𑌂 𑌮𑍃𑌗𑌰𑍂𑌪𑍇𑌣 𑌮𑌾𑌯𑌯𑌾 ।
𑌸 𑌮𑌾𑌰𑍍𑌗𑌮𑌾𑌣𑌸𑍍𑌤𑌾𑌂 𑌦𑍇𑌵𑍀𑌂 𑌰𑌾𑌮𑌸𑍍𑌸𑍀𑌤𑌾𑌮𑌨𑌿𑌂𑌦𑌿𑌤𑌾𑌮𑍍 ॥ 11 ॥

𑌆𑌸𑌸𑌾𑌦 𑌵𑌨𑍇 𑌮𑌿𑌤𑍍𑌰𑌂 𑌸𑍁𑌗𑍍𑌰𑍀𑌵𑌂 𑌨𑌾𑌮 𑌵𑌾𑌨𑌰𑌮𑍍 ।
𑌤𑌤 𑌸𑍍𑌸 𑌵𑌾𑌲𑌿𑌨𑌂 𑌹𑌤𑍍𑌵𑌾 𑌰𑌾𑌮𑌃 𑌪𑌰𑌪𑍁𑌰𑌂𑌜𑌯𑌃 ॥ 12 ॥

𑌪𑍍𑌰𑌾𑌯𑌚𑍍𑌛𑌤𑍍𑌕𑌪𑌿𑌰𑌾𑌜𑍍𑌯𑌂 𑌤𑌤𑍍𑌸𑍁𑌗𑍍𑌰𑍀𑌵𑌾𑌯 𑌮𑌹𑌾𑌬𑌲𑌃 ।
𑌸𑍁𑌗𑍍𑌰𑍀𑌵𑍇𑌣𑌾𑌪𑌿 𑌸𑌂𑌦𑌿𑌷𑍍𑌟𑌾 𑌹𑌰𑌯𑌃 𑌕𑌾𑌮𑌰𑍂𑌪𑌿𑌣𑌃 ॥ 13 ॥

𑌦𑌿𑌕𑍍𑌷𑍁 𑌸𑌰𑍍𑌵𑌾𑌸𑍁 𑌤𑌾𑌂 𑌦𑍇𑌵𑍀𑌂 𑌵𑌿𑌚𑌿𑌨𑍍𑌵𑌂𑌤𑌿 𑌸𑌹𑌸𑍍𑌰𑌶𑌃 ।
𑌅𑌹𑌂 𑌸𑌂𑌪𑌾𑌤𑌿𑌵𑌚𑌨𑌾𑌚𑍍𑌛𑌤𑌯𑍋𑌜𑌨𑌮𑌾𑌯𑌤𑌮𑍍 ॥ 14 ॥

𑌅𑌸𑍍𑌯𑌾 𑌹𑍇𑌤𑍋𑌰𑍍𑌵𑌿𑌶𑌾𑌲𑌾𑌕𑍍𑌷𑍍𑌯𑌾𑌃 𑌸𑌾𑌗𑌰𑌂 𑌵𑍇𑌗𑌵𑌾𑌨𑍍𑌪𑍍𑌲𑍁𑌤𑌃 ।
𑌯𑌥𑌾𑌰𑍂𑌪𑌾𑌂 𑌯𑌥𑌾𑌵𑌰𑍍𑌣𑌾𑌂 𑌯𑌥𑌾𑌲𑌕𑍍𑌷𑍍𑌮𑍀𑌵𑌤𑍀𑌂 𑌚 𑌨𑌿𑌶𑍍𑌚𑌿𑌤𑌾𑌮𑍍 ॥ 15 ॥

𑌅𑌶𑍍𑌰𑍌𑌷𑌂 𑌰𑌾𑌘𑌵𑌸𑍍𑌯𑌾𑌹𑌂 𑌸𑍇𑌯𑌮𑌾𑌸𑌾𑌦𑌿𑌤𑌾 𑌮𑌯𑌾 ।
𑌵𑌿𑌰𑌰𑌾𑌮𑍈𑌵𑌮𑍁𑌕𑍍𑌤𑍍𑌵𑌾𑌸𑍌 𑌵𑌾𑌚𑌂 𑌵𑌾𑌨𑌰𑌪𑍁𑌂𑌗𑌵𑌃 ॥ 16 ॥

𑌜𑌾𑌨𑌕𑍀 𑌚𑌾𑌪𑌿 𑌤𑌚𑍍𑌛𑍍𑌰𑍁𑌤𑍍𑌵𑌾 𑌪𑌰𑌂 𑌵𑌿𑌸𑍍𑌮𑌯𑌮𑌾𑌗𑌤𑌾 ।
𑌤𑌤𑌸𑍍𑌸𑌾 𑌵𑌕𑍍𑌰𑌕𑍇𑌶𑌾𑌂𑌤𑌾 𑌸𑍁𑌕𑍇𑌶𑍀 𑌕𑍇𑌶𑌸𑌂𑌵𑍃𑌤𑌮𑍍 ॥ 1𑍭 ॥

𑌉𑌨𑍍𑌨𑌮𑍍𑌯 𑌵𑌦𑌨𑌂 𑌭𑍀𑌰𑍁𑌶𑍍𑌶𑌿𑌂𑌶𑍁𑌪𑌾𑌵𑍃𑌕𑍍𑌷𑌮𑍈𑌕𑍍𑌷𑌤 ।
𑌨𑌿𑌶𑌮𑍍𑌯 𑌸𑍀𑌤𑌾 𑌵𑌚𑌨𑌂 𑌕𑌪𑍇𑌶𑍍𑌚 𑌦𑌿𑌶𑌶𑍍𑌚 𑌸𑌰𑍍𑌵𑌾𑌃 𑌪𑍍𑌰𑌦𑌿𑌶𑌶𑍍𑌚 𑌵𑍀𑌕𑍍𑌷𑍍𑌯 ।
𑌸𑍍𑌵𑌯𑌂 𑌪𑍍𑌰𑌹𑌰𑍍𑌷𑌂 𑌪𑌰𑌮𑌂 𑌜𑌗𑌾𑌮 𑌸𑌰𑍍𑌵𑌾𑌤𑍍𑌮𑌨𑌾 𑌰𑌾𑌮𑌮𑌨𑍁𑌸𑍍𑌮𑌰𑌂𑌤𑍀 ॥ 1𑍮 ॥

𑌸𑌾 𑌤𑌿𑌰𑍍𑌯𑌗𑍂𑌰𑍍𑌧𑍍𑌵𑌂 𑌚 𑌤𑌥𑌾𑌪𑍍𑌯𑌧𑌸𑍍𑌤𑌾𑌨𑍍𑌨𑌿𑌰𑍀𑌕𑍍𑌷𑌮𑌾𑌣𑌾 𑌤𑌮𑌚𑌿𑌂𑌤𑍍𑌯𑌬𑍁𑌦𑍍𑌧𑌿𑌮𑍍 ।
𑌦𑌦𑌰𑍍𑌶 𑌪𑌿𑌂𑌗𑌾𑌧𑌿𑌪𑌤𑍇𑌰𑌮𑌾𑌤𑍍𑌯𑌂 𑌵𑌾𑌤𑌾𑌤𑍍𑌮𑌜𑌂 𑌸𑍂𑌰𑍍𑌯𑌮𑌿𑌵𑍋𑌦𑌯𑌸𑍍𑌥𑌮𑍍 ॥ 1𑍯 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: