Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.4𑍮 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌅𑌷𑍍𑌟𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑍇𑌷𑌾𑌮𑍇𑌵𑌂 𑌵𑌿𑌷𑌣𑍍𑌣𑌾𑌨𑌾𑌂 𑌪𑍀𑌡𑌿𑌤𑌾𑌨𑌾𑌮𑌤𑍀𑌵 𑌚 ।
𑌬𑌾𑌷𑍍𑌪𑌵𑌿𑌪𑍍𑌲𑍁𑌤𑌨𑍇𑌤𑍍𑌰𑌾𑌣𑌾𑌂 𑌸𑌶𑍋𑌕𑌾𑌨𑌾𑌂 𑌮𑍁𑌮𑍂𑌰𑍍𑌷𑌯𑌾 ॥ 1 ॥

𑌅𑌨𑍁𑌗𑌮𑍍𑌯 𑌨𑌿𑌵𑍃𑌤𑍍𑌤𑌾𑌨𑌾𑌂 𑌰𑌾𑌮𑌂 𑌨𑌗𑌰𑌵𑌾𑌸𑌿𑌨𑌾𑌮𑍍 ।
𑌉𑌦𑍍𑌗𑌤𑌾𑌨𑍀𑌵 𑌸𑌤𑍍𑌵𑌾𑌨𑌿 𑌬𑌭𑍂𑌵𑍁𑌰𑌮𑌨𑌸𑍍𑌵𑌿𑌨𑌾𑌮𑍍 ॥ 2 ॥

𑌤𑍇𑌷𑌾𑌮𑍇𑌵𑌂 𑌵𑌿𑌷𑌣𑍍𑌣𑌾𑌨𑌾𑌂 𑌪𑍀𑌡𑌿𑌤𑌾𑌨𑌾𑌮𑌤𑍀𑌵 𑌚 ।
𑌬𑌾𑌷𑍍𑌪𑌵𑌿𑌪𑍍𑌲𑍁𑌤𑌨𑍇𑌤𑍍𑌰𑌾𑌣𑌾𑌂 𑌸𑌶𑍋𑌕𑌾𑌨𑌾𑌂 𑌮𑍁𑌮𑍂𑌰𑍍𑌷𑌯𑌾 ॥ 3 ॥

𑌅𑌨𑍁𑌗𑌮𑍍𑌯 𑌨𑌿𑌵𑍃𑌤𑍍𑌤𑌾𑌨𑌾𑌂 𑌰𑌾𑌮𑌂 𑌨𑌗𑌰𑌵𑌾𑌸𑌿𑌨𑌾𑌮𑍍 ।
𑌉𑌦𑍍𑌗𑌤𑌾𑌨𑍀𑌵 𑌸𑌤𑍍𑌵𑌾𑌨𑌿 𑌬𑌭𑍂𑌵𑍁𑌰𑌮𑌨𑌸𑍍𑌵𑌿𑌨𑌾𑌮𑍍 ॥ 4 ॥

𑌸𑍍𑌵𑌂 𑌸𑍍𑌵𑌂 𑌨𑌿𑌲𑌯𑌮𑌾𑌗𑌮𑍍𑌯 𑌪𑍁𑌤𑍍𑌰𑌦𑌾𑌰𑍈𑌸𑍍𑌸𑌮𑌾𑌵𑍃𑌤𑌾 ।
𑌅𑌶𑍍𑌰𑍂𑌣𑌿 𑌮𑍁𑌮𑍁𑌚𑍁𑌸𑍍𑌸𑌰𑍍𑌵𑍇 𑌬𑌾𑌷𑍍𑌪𑍇𑌣 𑌪𑌿𑌹𑌿𑌤𑌾𑌨𑌨𑌾𑌃 ॥ 5 ॥

𑌨 𑌚𑌾𑌹𑍃𑌷𑍍𑌯𑌨𑍍 𑌨𑌚𑌾𑌮𑍋𑌦𑌨𑍍 𑌵𑌣𑌿𑌜𑍋 𑌨 𑌪𑍍𑌰𑌸𑌾𑌰𑌯𑌨𑍍 ।
𑌨 𑌚𑌾𑌶𑍋𑌭𑌂𑌤 𑌪𑌣𑍍𑌯𑌾𑌨𑌿 𑌨𑌾𑌪𑌚𑌨𑍍 𑌗𑍃𑌹𑌮𑍇𑌧𑌿𑌨𑌃 ॥ 6 ॥

𑌨𑌷𑍍𑌟𑌂 𑌦𑍃𑌷𑍍𑌟𑍍𑌵𑌾 𑌨𑌾𑌭𑍍𑌯𑌨𑌂𑌦𑌨𑍍 𑌵𑌿𑌪𑍁𑌲𑌂 𑌵𑌾 𑌧𑌨𑌾𑌗𑌮𑌮𑍍 ।
𑌪𑍁𑌤𑍍𑌰𑌂 𑌪𑍍𑌰𑌥𑌮𑌜𑌂 𑌲𑌬𑍍𑌧𑍍𑌵𑌾 𑌜𑌨𑌨𑍀 𑌨𑌾𑌭𑍍𑌯𑌨𑌂𑌦𑌤 ॥ 𑍭 ॥

𑌗𑍃𑌹𑍇 𑌗𑍃𑌹𑍇 𑌰𑍁𑌦𑌂𑌤𑍍𑌯𑌶𑍍𑌚 𑌭𑌰𑍍𑌤𑌾𑌰𑌂 𑌗𑍃𑌹𑌮𑌾𑌗𑌤𑌮𑍍 ।
𑌵𑍍𑌯𑌗𑌰𑍍𑌹𑌯𑌂𑌤 𑌦𑍁𑌃𑌖𑌾𑌰𑍍𑌤𑌾 𑌵𑌾𑌗𑍍𑌭𑌿𑌸𑍍𑌤𑍋𑌤𑍍𑌰𑍈𑌰𑌿𑌵 𑌦𑍍𑌵𑌿𑌪𑌾𑌨𑍍 ॥ 𑍮 ॥

𑌕𑌿𑌂 𑌨𑍁 𑌤𑍇𑌷𑌾𑌂 𑌗𑍃𑌹𑍈𑌃 𑌕𑌾𑌰𑍍𑌯𑌂 𑌕𑌿𑌂 𑌦𑌾𑌰𑍈𑌃 𑌕𑌿𑌂 𑌧𑌨𑍇𑌨 𑌵𑌾 ।
𑌪𑍁𑌤𑍍𑌰𑍈𑌰𑍍𑌵𑌾 𑌕𑌿𑌂 𑌸𑍁𑌖𑍈𑌰𑍍𑌵𑌾𑌪𑌿 𑌯𑍇 𑌨 𑌪𑌶𑍍𑌯𑌂𑌤𑌿 𑌰𑌾𑌘𑌵𑌮𑍍 ॥ 𑍯 ॥

𑌏𑌕𑌃 𑌸𑌤𑍍𑌪𑍁𑌰𑍁𑌷𑍋 𑌲𑍋𑌕𑍇 𑌲𑌕𑍍𑌷𑍍𑌮𑌣 𑌸𑍍𑌸𑌹 𑌸𑍀𑌤𑌯𑌾 ।
𑌯𑍋𑌽𑌨𑍁𑌗𑌚𑍍𑌛𑌤𑌿 𑌕𑌾𑌕𑍁𑌤𑍍𑌸𑍍𑌥𑌂 𑌰𑌾𑌮𑌂 𑌪𑌰𑌿𑌚𑌰𑌨𑍍 𑌵𑌨𑍇 ॥ 10 ॥

𑌆𑌪𑌗𑌾𑌃 𑌕𑍃𑌤𑌪𑍁𑌣𑍍𑌯𑌾𑌸𑍍𑌤𑌾 𑌪𑌦𑍍𑌮𑌿𑌨𑍍𑌯𑌶𑍍𑌚 𑌸𑌰𑌾𑌂𑌸𑌿 𑌚 ।
𑌯𑍇𑌷𑍁 𑌸𑍍𑌨𑌾𑌸𑍍𑌯𑌤𑌿 𑌕𑌾𑌕𑍁𑌤𑍍𑌸𑍍𑌥𑍋 𑌵𑌿𑌗𑌾𑌹𑍍𑌯 𑌸𑌲𑌿𑌲𑌂 𑌶𑍁𑌚𑌿 ॥ 11 ॥

𑌶𑍋𑌭𑌯𑌿𑌷𑍍𑌯𑌂𑌤𑌿 𑌕𑌾𑌕𑍁𑌤𑍍𑌸𑍍𑌥𑌮𑌟𑌵𑍍𑌯𑍋 𑌰𑌮𑍍𑌯𑌕𑌾𑌨𑌨𑌾𑌃 ।
𑌆𑌪𑌗𑌾𑌶𑍍𑌚 𑌮𑌹𑌾𑌨𑍂𑌪𑌾𑌃 𑌸𑌾𑌨𑍁𑌮𑌂𑌤𑌶𑍍𑌚 𑌪𑌰𑍍𑌵𑌤𑌾𑌃 ॥ 12 ॥

𑌕𑌾𑌨𑌨𑌂 𑌵𑌾𑌪𑌿 𑌶𑍈𑌲𑌂 𑌵𑌾 𑌯𑌂 𑌰𑌾𑌮𑍋𑌽𑌧𑌿𑌗𑌮𑌿𑌷𑍍𑌯𑌤𑌿 ।
𑌪𑍍𑌰𑌿𑌯𑌾𑌤𑌿𑌥𑌿𑌮𑌿𑌵 𑌪𑍍𑌰𑌾𑌪𑍍𑌤𑌂 𑌨𑍈𑌨𑌂 𑌶𑌕𑍍𑌷𑍍𑌯𑌂𑌤𑍍𑌯𑌨𑌰𑍍𑌚𑌿𑌤𑍁𑌮𑍍 ॥ 13 ॥

𑌵𑌿𑌚𑌿𑌤𑍍𑌰𑌕𑍁𑌸𑍁𑌮𑌾𑌪𑍀𑌡𑌾 𑌬𑌹𑍁𑌮𑌂𑌜𑌰𑌿 𑌧𑌾𑌰𑌿𑌣𑌃 ।
𑌰𑌾𑌘𑌵𑌂 𑌦𑌰𑍍𑌶𑌯𑌿𑌷𑍍𑌯𑌂𑌤𑌿 𑌨𑌗𑌾 𑌭𑍍𑌰𑌮𑌰𑌶𑌾𑌲𑌿𑌨𑌃 ॥ 14 ॥

𑌅𑌕𑌾𑌲𑍇 𑌚𑌾𑌪𑌿 𑌮𑍁𑌖𑍍𑌯𑌾𑌨𑌿 𑌪𑍁𑌷𑍍𑌪𑌾𑌣𑌿 𑌚 𑌫𑌲𑌾𑌨𑌿 𑌚 ।
𑌦𑌰𑍍𑌶𑌯𑌿𑌷𑍍𑌯𑌂𑌤𑍍𑌯𑌨𑍁𑌕𑍍𑌰𑍋𑌶𑌾𑌦𑍍𑌗𑌿𑌰𑌯𑍋 𑌰𑌾𑌮𑌮𑌾𑌗𑌤𑌮𑍍 ॥ 15 ॥

𑌪𑍍𑌰𑌸𑍍𑌰𑌵𑌿𑌷𑍍𑌯𑌂𑌤𑌿 𑌤𑍋𑌯𑌾𑌨𑌿 𑌵𑌿𑌮𑌲𑌾𑌨𑌿 𑌮𑌹𑍀𑌧𑌰𑌾𑌃 ।
𑌵𑌿𑌦𑌰𑍍𑌶𑌯𑌂𑌤𑍋 𑌵𑌿𑌵𑌿𑌧𑌾𑌨𑍍 𑌭𑍂𑌯𑌶𑍍𑌚𑌿𑌤𑍍𑌰𑌾𑌂𑌶𑍍𑌚 𑌨𑌿𑌰𑍍𑌝𑌰𑌾𑌨𑍍 ॥ 16 ॥

𑌪𑌾𑌦𑌪𑌾𑌃 𑌪𑌰𑍍𑌵𑌤𑌾𑌗𑍍𑌰𑍇𑌷𑍁 𑌰𑌮𑌯𑌿𑌷𑍍𑌯𑌂𑌤𑌿 𑌰𑌾𑌘𑌵𑌮𑍍 ।
𑌯𑌤𑍍𑌰 𑌰𑌾𑌮𑍋 𑌭𑌯𑌂 𑌨𑌾𑌤𑍍𑌰 𑌨𑌾𑌸𑍍𑌤𑌿 𑌤𑌤𑍍𑌰 𑌪𑌰𑌾𑌭𑌵𑌃 ॥ 1𑍭 ॥

𑌸 𑌹𑌿 𑌶𑍂𑌰𑍋 𑌮𑌹𑌾𑌬𑌾𑌹𑍁𑌃 𑌪𑍁𑌤𑍍𑌰𑍋 𑌦𑌶𑌰𑌥𑌸𑍍𑌯 𑌚 ।
𑌪𑍁𑌰𑌾 𑌭𑌵𑌤𑌿 𑌨𑍋𑌦𑍂𑌰𑌾𑌦𑌨𑍁𑌗𑌚𑍍𑌛𑌾𑌮 𑌰𑌾𑌘𑌵𑌮𑍍 ॥ 1𑍮 ॥

𑌪𑌾𑌦𑌚𑍍𑌛𑌾𑌯𑌾 𑌸𑍁𑌖𑌾 𑌭𑌰𑍍𑌤𑍁𑌸𑍍𑌤𑌾𑌦𑍃𑌶𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌸 𑌹𑌿 𑌨𑌾𑌥𑍋 𑌜𑌨𑌸𑍍𑌯𑌾𑌸𑍍𑌯 𑌸 𑌗𑌤𑌿 𑌸𑍍𑌸𑌪𑌰𑌾𑌯𑌣𑌮𑍍 ॥ 1𑍯 ॥

𑌵𑌯𑌂 𑌪𑌰𑌿𑌚𑌰𑌿𑌷𑍍𑌯𑌾𑌮𑌃 𑌸𑍀𑌤𑌾𑌂 𑌯𑍂𑌯𑌂 𑌤𑍁 𑌰𑌾𑌘𑌵𑌮𑍍 ।
𑌇𑌤𑌿 𑌪𑍌𑌰𑌸𑍍𑌤𑍍𑌰𑌿𑌯𑍋 𑌭𑌰𑍍𑌤𑍃𑌨𑍍 𑌦𑍁𑌖𑌾𑌰𑍍𑌤𑌾𑌸𑍍𑌤𑌤𑍍𑌤𑌦𑌬𑍍𑌰𑍁𑌵𑌨𑍍 ॥ 20 ॥

𑌯𑍁𑌷𑍍𑌮𑌾𑌕𑌂 𑌰𑌾𑌘𑌵𑍋𑌽𑌰𑌣𑍍𑌯𑍇 𑌯𑍋𑌗𑌕𑍍𑌷𑍇𑌮𑌂 𑌵𑌿𑌧𑌾𑌸𑍍𑌯𑌤𑌿 ।
𑌸𑍀𑌤𑌾 𑌨𑌾𑌰𑍀𑌜𑌨𑌸𑍍𑌯𑌾𑌸𑍍𑌯 𑌯𑍋𑌗𑌕𑍍𑌷𑍇𑌮𑌂 𑌕𑌰𑌿𑌷𑍍𑌯𑌤𑌿 ॥ 21 ॥

𑌕𑍋 𑌨𑍍𑌵𑌨𑍇𑌨𑌾𑌽𑌪𑍍𑌰𑌤𑍀𑌤𑍇𑌨 𑌸𑍋𑌤𑍍𑌕𑌂𑌠𑌿𑌤𑌜𑌨𑍇𑌨 𑌚 ।
𑌸𑌂𑌪𑍍𑌰𑌿𑌯𑍇𑌤𑌾𑌮𑌨𑍋𑌜𑍍𑌞𑍇𑌨 𑌵𑌾𑌸𑍇𑌨 𑌹𑍃𑌤𑌚𑍇𑌤𑌸𑌾 ॥ 22 ॥

𑌕𑍈𑌕𑍇𑌯𑍍𑌯𑌾 𑌯𑌦𑌿 𑌚𑍇 𑌦𑍍𑌰𑌾𑌜𑍍𑌯𑌂 𑌸𑍍𑌯𑌾𑌦𑌧𑌰𑍍𑌮𑍍𑌯𑌮𑌨𑌾𑌥𑌵𑌤𑍍 ।
𑌨 𑌹𑌿 𑌨𑍋 𑌜𑍀𑌵𑌿𑌤𑍇𑌨𑌾𑌰𑍍𑌥𑌃 𑌕𑍁𑌤𑌃 𑌪𑍁𑌤𑍍𑌰𑍈𑌃 𑌕𑍁𑌤𑍋 𑌧𑌨𑍈𑌃 ॥ 23 ॥

𑌯𑌯𑌾 𑌪𑍁𑌤𑍍𑌰𑌶𑍍𑌚 𑌭𑌰𑍍𑌤𑌾 𑌚 𑌤𑍍𑌯𑌕𑍍𑌤𑌾𑌵𑍈𑌶𑍍𑌵𑌰𑍍𑌯𑌕𑌾𑌰𑌣𑌾𑌤𑍍 ।
𑌕𑌂 𑌸𑌾 𑌪𑌰𑌿𑌹𑌰𑍇𑌦𑌨𑍍𑌯𑌂 𑌕𑍈𑌕𑍇𑌯𑍀 𑌕𑍁𑌲𑌪𑌾𑌂𑌸𑌨𑍀 ॥ 24 ॥

𑌕𑍈𑌕𑍇𑌯𑍍𑌯𑌾 𑌨 𑌵𑌯𑌂 𑌰𑌾𑌜𑍍𑌯𑍇 𑌭𑍃𑌤𑌕𑌾 𑌨𑌿𑌵𑌸𑍇𑌮𑌹𑌿 ।
𑌜𑍀𑌵𑌂𑌤𑍍𑌯𑌾 𑌜𑌾𑌤𑍁 𑌜𑍀𑌵𑌂𑌤𑍍𑌯𑌃 𑌪𑍁𑌤𑍍𑌰𑍈𑌰𑌪𑌿 𑌶𑌪𑌾𑌮𑌹𑍇 ॥ 25 ॥

𑌯𑌾 𑌪𑍁𑌤𑍍𑌰𑌂 𑌪𑌾𑌰𑍍𑌥𑌿𑌵𑍇𑌂𑌦𑍍𑌰𑌸𑍍𑌯 𑌪𑍍𑌰𑌵𑌾𑌸𑌯𑌤𑌿 𑌨𑌿𑌰𑍍𑌘𑍃𑌣𑌾 ।
𑌕𑌸𑍍𑌤𑌾𑌂 𑌪𑍍𑌰𑌾𑌪𑍍𑌯 𑌸𑍁𑌖𑌂 𑌜𑍀𑌵𑍇𑌦𑌧𑌰𑍍𑌮𑍍𑌯𑌾𑌂 𑌦𑍁𑌷𑍍𑌟𑌚𑌾𑌰𑌿𑌣𑍀𑌮𑍍 ॥ 26 ॥

𑌉𑌪𑌦𑍍𑌰𑍁𑌤𑌮𑌿𑌦𑌂 𑌸𑌰𑍍𑌵𑌮𑌨𑌾𑌲𑌂𑌬𑌮𑌨𑌾𑌯𑌕𑌮𑍍 ।
𑌕𑍈𑌕𑍇𑌯𑍍𑌯𑌾 𑌹𑌿 𑌕𑍃𑌤𑍇 𑌸𑌰𑍍𑌵𑌂 𑌵𑌿𑌨𑌾𑌶𑌮𑍁𑌪𑌯𑌾𑌸𑍍𑌯𑌤𑌿 ॥ 2𑍭 ॥

𑌨 𑌹𑌿 𑌪𑍍𑌰𑌵𑍍𑌰𑌜𑌿𑌤𑍇 𑌰𑌾𑌮𑍇 𑌜𑍀𑌵𑌿𑌷𑍍𑌯𑌤𑌿 𑌮𑌹𑍀𑌪𑌤𑌿𑌃 ।
𑌮𑍃𑌤𑍇 𑌦𑌶𑌰𑌥𑍇 𑌵𑍍𑌯𑌕𑍍𑌤𑌂 𑌵𑌿𑌲𑌾𑌪𑌸𑍍𑌤𑌦𑌨𑌂𑌤𑌰𑌮𑍍 ॥ 2𑍮 ॥

𑌤𑍇 𑌵𑌿𑌷𑌂 𑌪𑌿𑌬𑌤𑌾𑌲𑍋𑌡𑍍𑌯 𑌕𑍍𑌷𑍀𑌣𑌪𑍁𑌣𑍍𑌯𑌾 𑌸𑍍𑌸𑍁𑌦𑍁𑌰𑍍𑌗𑌤𑌾𑌃 ।
𑌰𑌾𑌘𑌵𑌂 𑌵𑌾𑌨𑍁𑌗𑌚𑍍𑌛𑌧𑍍𑌵𑌮𑌶𑍍𑌰𑍁𑌤𑌿𑌂 𑌵𑌾𑌪𑌿 𑌗𑌚𑍍𑌛𑌤 ॥ 2𑍯 ॥

𑌮𑌿𑌥𑍍𑌯𑌾𑌪𑍍𑌰𑌵𑍍𑌰𑌾𑌜𑌿𑌤𑍋 𑌰𑌾𑌮 𑌸𑍍𑌸𑌸𑍀𑌤 𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ।
𑌭𑌰𑌤𑍇 𑌸𑌨𑍍𑌨𑌿𑌸𑍃𑌷𑍍𑌟𑌾𑌸𑍍𑌸𑍍𑌮 𑌸𑍍𑌸𑍌𑌨𑌿𑌕𑍇 𑌪𑌶𑌵𑍋 𑌯𑌥𑌾 ॥ 30 ॥

𑌪𑍂𑌰𑍍𑌣𑌚𑌂𑌦𑍍𑌰𑌾𑌨𑌨 𑌶𑍍𑌶𑍍𑌯𑌾𑌮𑍋 𑌗𑍂𑌢𑌜𑌤𑍍𑌰𑍁𑌰𑌰𑌿𑌂𑌦𑌮𑌃 ।
𑌆𑌜𑌾𑌨𑍁𑌬𑌾𑌹𑍁𑌃 𑌪𑌦𑍍𑌮𑌾𑌕𑍍𑌷𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜𑌃 ॥ 31 ॥

𑌪𑍂𑌰𑍍𑌵𑌾𑌭𑌿𑌭𑌾𑌷𑍀 𑌮𑌧𑍁𑌰 𑌸𑍍𑌸𑌤𑍍𑌯𑌵𑌾𑌦𑍀 𑌮𑌹𑌾𑌬𑌲𑌃 ।
𑌸𑍌𑌮𑍍𑌯𑌸𑍍𑌸𑌰𑍍𑌵𑌸𑍍𑌯 𑌲𑍋𑌕𑌸𑍍𑌯 𑌚𑌂𑌦𑍍𑌰𑌵𑌤𑍍𑌪𑍍𑌰𑌿𑌯𑌦𑌰𑍍𑌶𑌨𑌃 ॥ 32 ॥

𑌨𑍂𑌨𑌂 𑌪𑍁𑌰𑍁𑌷𑌶𑌾𑌰𑍍𑌦𑍂𑌲𑍋 𑌮𑌤𑍍𑌤𑌮𑌾𑌤𑌂𑌗𑌵𑌿𑌕𑍍𑌰𑌮𑌃 ।
𑌶𑍋𑌭𑌯𑌿𑌷𑍍𑌯𑌤𑍍𑌯𑌰𑌣𑍍𑌯𑌾𑌨𑌿 𑌵𑌿𑌚𑌰𑌨𑍍 𑌸 𑌮𑌹𑌾𑌰𑌥𑌃 ॥ 33 ॥

𑌤𑌾𑌸𑍍𑌤𑌥𑌾 𑌵𑌿𑌲𑌪𑌂𑌤𑍍𑌯𑌸𑍍𑌤𑍁 𑌨𑌗𑌰𑍇 𑌨𑌾𑌗𑌰𑌸𑍍𑌤𑍍𑌰𑌿𑌯𑌃 ।
𑌚𑍁𑌕𑍍𑌰𑍁𑌶𑍁 𑌰𑍍𑌦𑍁𑌃𑌖𑌸𑌂𑌤𑌪𑍍𑌤𑌾 𑌮𑍃𑌤𑍍𑌯𑍋𑌰𑌿𑌵 𑌭𑌯𑌾𑌗𑌮𑍇 ॥ 34 ॥

𑌇𑌤𑍍𑌯𑍇𑌵𑌂 𑌵𑌿𑌲𑌪𑌂𑌤𑍀𑌨𑌾𑌂 𑌸𑍍𑌤𑍍𑌰𑍀𑌣𑌾𑌂 𑌵𑍇𑌶𑍍𑌮𑌸𑍁 𑌰𑌾𑌘𑌵𑌮𑍍 ।
𑌜𑌗𑌾𑌮𑌾𑌸𑍍𑌤𑌂 𑌦𑌿𑌨𑌕𑌰𑍋 𑌰𑌜𑌨𑍀 𑌚𑌾𑌭𑍍𑌯𑌵𑌰𑍍𑌤𑌤 ॥ 35 ॥

𑌨𑌷𑍍𑌟𑌜𑍍𑌵𑌲𑌨𑌸𑌂𑌤𑌾𑌪𑌾 𑌪𑍍𑌰𑌶𑌾𑌂𑌤𑌾𑌧𑍍𑌯𑌾𑌯𑌸𑌤𑍍𑌕𑌥𑌾 ।
𑌤𑌿𑌮𑌿𑌰𑍇𑌣𑌾𑌭𑌿𑌲𑌿𑌪𑍍𑌤𑍇𑌵 𑌸𑌾 𑌤𑌦𑌾 𑌨𑌗𑌰𑍀 𑌬𑌭𑍌 ॥ 36 ॥

𑌉𑌪𑌶𑌾𑌂𑌤𑌵𑌣𑌿𑌕𑍍𑌪𑌣𑍍𑌯𑌾 𑌨𑌷𑍍𑌟𑌹𑌰𑍍𑌷𑌾 𑌨𑌿𑌰𑌾𑌶𑍍𑌰𑌯𑌾 ।
𑌅𑌯𑍋𑌧𑍍𑌯𑌾 𑌨𑌗𑌰𑍀 𑌚𑌾𑌸𑍀𑌨𑍍𑌨𑌷𑍍𑌟𑌤𑌾𑌰𑌮𑌿𑌵𑌾𑌂𑌬𑌰𑌮𑍍 ॥ 3𑍭 ॥

𑌤𑌥𑌾 𑌸𑍍𑌤𑍍𑌰𑌿𑌯𑍋 𑌰𑌾𑌮𑌨𑌿𑌮𑌿𑌤𑍍𑌤𑌮𑌾𑌤𑍁𑌰𑌾 𑌯𑌥𑌾 𑌸𑍁𑌤𑍇 𑌭𑍍𑌰𑌾𑌤𑌰𑌿 𑌵𑌾 𑌵𑌿𑌵𑌾𑌸𑌿𑌤𑍇 ।
𑌵𑌿𑌲𑌪𑍍𑌯 𑌦𑍀𑌨𑌾 𑌰𑍁𑌰𑍁𑌦𑍁𑌰𑍍𑌵𑌿𑌚𑍇𑌤𑌸 𑌸𑍍𑌸𑍂𑌤𑍈𑌰𑍍𑌹𑌿 𑌤𑌾𑌸𑌾𑌮𑌧𑌿𑌕𑍋 𑌹𑌿 𑌸𑍋𑌽𑌭𑌵𑌤𑍍 ॥ 3𑍮 ॥

𑌪𑍍𑌰𑌶𑌾𑌂𑌤𑌗𑍀𑌤𑍋𑌤𑍍𑌸𑌵𑌨𑍃𑌤𑍍𑌤𑌵𑌾𑌦𑌨𑌾 𑌵𑍍𑌯𑌪𑌾𑌸𑍍𑌤𑌹𑌰𑍍𑌷𑌾 𑌪𑌿𑌹𑌿𑌤𑌾𑌪𑌣𑍋𑌦𑌯𑌾 ।
𑌤𑌦𑌾 𑌹𑍍𑌯𑌯𑍋𑌧𑍍𑌯𑌾 𑌨𑌗𑌰𑍀 𑌬𑌭𑍂𑌵 𑌸𑌾 𑌮𑌹𑌾𑌰𑍍𑌣𑌵 𑌸𑍍𑌸𑌂𑌕𑍍𑌷𑌪𑌿𑌤𑍋𑌦𑌕𑍋 𑌯𑌥𑌾 ॥ 3𑍯 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌷𑍍𑌟𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: