𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌮𑌸𑍍𑌸𑌰𑍍𑌗𑌃 ।
𑌸𑌂𑌦𑌿𑌶𑍍𑌯 𑌰𑌾𑌮𑌂 𑌨𑍃𑌪𑌤𑌿 𑌶𑍍𑌶𑍍𑌵𑍋𑌭𑌾𑌵𑌿𑌨𑍍𑌯𑌭𑌿𑌷𑍇𑌚𑌨𑍇 ।
𑌪𑍁𑌰𑍋𑌹𑌿𑌤𑌂 𑌸𑌮𑌾𑌹𑍂𑌯 𑌵𑌶𑌿𑌷𑍍𑌠𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 1 ॥
𑌗𑌚𑍍𑌛𑍋𑌪𑌵𑌾𑌸𑌂 𑌕𑌾𑌕𑍁𑌤𑍍𑌸𑍍𑌥𑌂 𑌕𑌾𑌰𑌯𑌾𑌦𑍍𑌯 𑌤𑌪𑍋𑌧𑌨 ।
𑌶𑍍𑌰𑍀𑌯𑌶𑍋𑌰𑌾𑌜𑍍𑌯𑌲𑌾𑌭𑌾𑌯 𑌵𑌧𑍍𑌵𑌾 𑌸𑌹 𑌯𑌤𑌵𑍍𑌰𑌤𑌮𑍍 ॥ 2 ॥
𑌤𑌥𑍇𑌤𑌿 𑌚 𑌸 𑌰𑌾𑌜𑌾𑌨𑌮𑍁𑌕𑍍𑌤𑍍𑌵𑌾 𑌵𑍇𑌦𑌵𑌿𑌦𑌾𑌂 𑌵𑌰𑌃 ।
𑌸𑍍𑌵𑌯𑌂 𑌵𑌸𑌿𑌷𑍍𑌠𑍋 𑌭𑌗𑌵𑌾𑌨𑍍𑌯𑌯𑍌 𑌰𑌾𑌮𑌨𑌿𑌵𑍇𑌶𑌨𑌮𑍍 ॥ 3 ॥
𑌉𑌪𑌵𑌾𑌸𑌯𑌿𑌤𑍁𑌂 𑌰𑌾𑌮𑌂 𑌮𑌂𑌤𑍍𑌰𑌵𑌨𑍍𑌮𑌂𑌤𑍍𑌰𑌕𑍋𑌵𑌿𑌦𑌃 ।
𑌬𑍍𑌰𑌾𑌹𑍍𑌮𑌂 𑌰𑌥𑌵𑌰𑌂 𑌯𑍁𑌕𑍍𑌤𑌮𑌾𑌸𑍍𑌥𑌾𑌯 𑌸𑍁𑌦𑍃𑌢𑌵𑍍𑌰𑌤𑌃 ॥ 4 ॥
𑌸 𑌰𑌾𑌮𑌭𑌵𑌨𑌂 𑌪𑍍𑌰𑌾𑌪𑍍𑌯 𑌪𑌾𑌂𑌡𑍁𑌰𑌾𑌭𑍍𑌰𑌘𑌨𑌪𑍍𑌰𑌭𑌮𑍍 ।
𑌤𑌿𑌸𑍍𑌰𑌃 𑌕𑌕𑍍𑌷𑍍𑌯𑌾 𑌰𑌥𑍇𑌨𑍈𑌵 𑌵𑌿𑌵𑍇𑌶𑌮𑍁𑌨𑌿𑌸𑌤𑍍𑌤𑌮𑌃 ॥ 5 ॥
𑌤𑌮𑌾𑌗𑌤𑌮𑍃𑌷𑌿𑌂 𑌰𑌾𑌮𑌸𑍍𑌤𑍍𑌵𑌰𑌨𑍍𑌨𑌿𑌵 𑌸𑌸𑌂𑌭𑍍𑌰𑌮𑌃 ।
𑌮𑌾𑌨𑌯𑌿𑌷𑍍𑌯𑌨𑍍𑌸𑌮𑌾𑌨𑌾𑌰𑍍𑌹𑌂 𑌨𑌿𑌶𑍍𑌚𑌕𑍍𑌰𑌾𑌮 𑌨𑌿𑌵𑍇𑌶𑌨𑌾𑌤𑍍 ॥ 6 ॥
𑌅𑌭𑍍𑌯𑍇𑌤𑍍𑌯 𑌤𑍍𑌵𑌰𑌮𑌾𑌣𑌶𑍍𑌚 𑌰𑌥𑌾𑌭𑍍𑌯𑌾𑌶𑌂 𑌮𑌨𑍀𑌷𑌿𑌣𑌃 ।
𑌤𑌤𑍋𑌽𑌵𑌤𑌾𑌰𑌯𑌾𑌮𑌾𑌸 𑌪𑌰𑌿𑌗𑍃𑌹𑍍𑌯 𑌰𑌥𑌾𑌤𑍍𑌸𑍍𑌵𑌯𑌮𑍍 ॥ ॥
𑌸 𑌚𑍈𑌨𑌂 𑌪𑍍𑌰𑌶𑍍𑌰𑌿𑌤𑌂 𑌦𑍃𑌷𑍍𑌟𑍍𑌵𑌾 𑌸𑌂𑌭𑌾𑌷𑍍𑌯𑌾𑌭𑌿𑌪𑍍𑌰𑌸𑌾𑌦𑍍𑌯 𑌚 ।
𑌪𑍍𑌰𑌿𑌯𑌾𑌰𑍍𑌹𑌂 𑌹𑌰𑍍𑌷𑌯𑌨𑍍𑌰𑌾𑌮𑌮𑌿𑌤𑍍𑌯𑍁𑌵𑌾𑌚 𑌪𑍁𑌰𑍋𑌹𑌿𑌤𑌃 ॥ ॥
𑌪𑍍𑌰𑌸𑌨𑍍𑌨𑌸𑍍𑌤𑍇 𑌪𑌿𑌤𑌾 𑌰𑌾𑌮 𑌯𑍌𑌵𑌰𑌾𑌜𑍍𑌯𑌮𑌵𑌾𑌪𑍍𑌸𑍍𑌯𑌸𑌿 ।
𑌉𑌪𑌵𑌾𑌸𑌂 𑌭𑌵𑌾𑌨𑌦𑍍𑌯 𑌕𑌰𑍋𑌤𑍁 𑌸𑌹 𑌸𑍀𑌤𑌯𑌾 ॥ ॥
𑌪𑍍𑌰𑌾𑌤𑌸𑍍𑌤𑍍𑌵𑌾𑌮𑌭𑌿𑌷𑍇𑌕𑍍𑌤𑌾 𑌹𑌿 𑌯𑍌𑌵𑌰𑌾𑌜𑍍𑌯𑍇 𑌨𑌰𑌾𑌧𑌿𑌪𑌃 ।
𑌪𑌿𑌤𑌾 𑌦𑌶𑌰𑌥𑌃 𑌪𑍍𑌰𑍀𑌤𑍍𑌯𑌾 𑌯𑌯𑌾𑌤𑌿𑌂 𑌨𑌹𑍁𑌷𑍋 𑌯𑌥𑌾 ॥ 10 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌤𑌦𑌾 𑌰𑌾𑌮𑌮𑍁𑌪𑌵𑌾𑌸𑌂 𑌯𑌤𑌵𑍍𑌰𑌤𑌮𑍍 ।
𑌮𑌂𑌤𑍍𑌰𑌵𑌤𑍍𑌕𑌾𑌰𑌯𑌾𑌮𑌾𑌸 𑌵𑍈𑌦𑍇𑌹𑍍𑌯𑌾 𑌸𑌹𑌿𑌤𑌂 𑌮𑍁𑌨𑌿𑌃 ॥ 11 ॥
𑌤𑌤𑍋 𑌯𑌥𑌾𑌵𑌦𑍍𑌰𑌾𑌮𑍇𑌣 𑌸 𑌰𑌾𑌜𑍍𑌞𑍋 𑌗𑍁𑌰𑍁𑌰𑌰𑍍𑌚𑌿𑌤𑌃 ।
𑌅𑌭𑍍𑌯𑌨𑍁𑌜𑍍𑌞𑌾𑌪𑍍𑌯 𑌕𑌾𑌕𑍁𑌤𑍍𑌸𑍍𑌥𑌂 𑌯𑌯𑍌 𑌰𑌾𑌮𑌨𑌿𑌵𑍇𑌶𑌨𑌾𑌤𑍍 ॥ 12 ॥
𑌸𑍁𑌹𑍃𑌦𑍍𑌭𑌿𑌸𑍍𑌤𑌤𑍍𑌰 𑌰𑌾𑌮𑍋𑌽𑌪𑌿 𑌸𑌹𑌾𑌸𑍀𑌨𑌃 𑌪𑍍𑌰𑌿𑌯𑌂𑌵𑌦𑍈𑌃 ।
𑌸𑌭𑌾𑌜𑌿𑌤𑍋 𑌵𑌿𑌵𑍇𑌶𑌾𑌽𑌥 𑌤𑌾𑌨𑌨𑍁𑌜𑍍𑌞𑌾𑌪𑍍𑌯 𑌸𑌰𑍍𑌵𑌶𑌃 ॥ 13 ॥
𑌹𑍃𑌷𑍍𑌟𑌨𑌾𑌰𑍀𑌨𑌰𑌯𑍁𑌤𑌂 𑌰𑌾𑌮𑌵𑍇𑌶𑍍𑌮 𑌤𑌦𑌾 𑌬𑌭𑍌 ।
𑌯𑌥𑌾 𑌮𑌤𑍍𑌤𑌦𑍍𑌵𑌿𑌜𑌗𑌣𑌂 𑌪𑍍𑌰𑌫𑍁𑌲𑍍𑌲𑌨𑌲𑌿𑌨𑌂 𑌸𑌰𑌃 ॥ 14 ॥
𑌸 𑌰𑌾𑌜𑌭𑌵𑌨𑌪𑍍𑌰𑌖𑍍𑌯𑌾𑌤𑍍𑌤𑌸𑍍𑌮𑌾𑌦𑍍𑌰𑌾𑌮𑌨𑌿𑌵𑍇𑌶𑌾𑌨𑌾𑌤𑍍 ।
𑌨𑌿𑌰𑍍𑌗𑌤𑍍𑌯 𑌦𑌦𑍃𑌶𑍇 𑌮𑌾𑌰𑍍𑌗𑌂 𑌵𑌸𑌿𑌷𑍍𑌠𑍋 𑌜𑌨𑌸𑌂𑌵𑍃𑌤𑌮𑍍 ॥ 15 ॥
𑌬𑍃𑌂𑌦𑌬𑍃𑌂𑌦𑍈𑌰𑌯𑍋𑌧𑍍𑌯𑌾𑌯𑌾𑌂 𑌰𑌾𑌜𑌮𑌾𑌰𑍍𑌗𑌾𑌸𑍍𑌸𑌮𑌂𑌤𑌤𑌃 ।
𑌬𑌭𑍂𑌵𑍁𑌰𑌭𑌿𑌸𑌂𑌬𑌾𑌧𑌾𑌃 𑌕𑍁𑌤𑍂𑌹𑌲𑌜𑌨𑍈𑌰𑍍𑌵𑍃𑌤𑌾𑌃 ॥ 16 ॥
𑌜𑌨𑌬𑍃𑌂𑌦𑍋𑌰𑍍𑌮𑌿𑌸𑌂𑌘𑌰𑍍𑌷𑌹𑌰𑍍𑌷𑌸𑍍𑌵𑌨𑌵𑌤𑌸𑍍𑌤𑌦𑌾 ।
𑌬𑌭𑍂𑌵 𑌰𑌾𑌜𑌮𑌾𑌰𑍍𑌗𑌸𑍍𑌯 𑌸𑌾𑌗𑌰𑌸𑍍𑌯𑍇𑌵 𑌨𑌿𑌸𑍍𑌵𑌨𑌃 ॥ 1 ॥
𑌸𑌿𑌕𑍍𑌤𑌸𑌮𑍍𑌮𑍃𑌷𑍍𑌟𑌰𑌥𑍍𑌯𑌾 𑌹𑌿 𑌤𑌦𑌹𑌰𑍍𑌵𑌨𑌮𑌾𑌲𑌿𑌨𑍀 ।
𑌆𑌸𑍀𑌦𑌯𑍋𑌧𑍍𑌯𑌾𑌨𑌗𑌰𑍀 𑌸𑌮𑍁𑌚𑍍𑌛𑍍𑌰𑌿𑌤𑌗𑍃𑌹𑌧𑍍𑌵𑌜𑌾 ॥ 1 ॥
𑌤𑌦𑌾 𑌹𑍍𑌯𑌯𑍋𑌧𑍍𑌯𑌾𑌨𑌿𑌲𑌯𑌃 𑌸𑌸𑍍𑌤𑍍𑌰𑍀𑌬𑌾𑌲𑌾𑌬𑌲𑍋 𑌜𑌨𑌃 ।
𑌰𑌾𑌮𑌾𑌭𑌿𑌷𑍇𑌕𑌮𑌾𑌕𑌾𑌂𑌕𑍍𑌷𑌨𑍍𑌨𑌾𑌕𑌾𑌂𑌕𑍍𑌷𑌦𑍁𑌦𑌯𑌂 𑌰𑌵𑍇𑌃 ॥ 1 ॥
𑌪𑍍𑌰𑌜𑌾𑌲𑌂𑌕𑌾𑌰𑌭𑍂𑌤𑌂 𑌚 𑌜𑌨𑌸𑍍𑌯𑌾𑌨𑌂𑌦𑌵𑌰𑍍𑌧𑌨𑌮𑍍 ।
𑌉𑌤𑍍𑌸𑍁𑌕𑍋𑌽𑌭𑍂𑌜𑍍𑌜𑌨𑍋 𑌦𑍍𑌰𑌷𑍍𑌟𑍁𑌂 𑌤𑌮𑌯𑍋𑌧𑍍𑌯𑌾𑌮𑌹𑍋𑌤𑍍𑌸𑌵𑌮𑍍 ॥ 20 ॥
𑌏𑌵𑌂 𑌤𑌜𑍍𑌜𑌨𑌸𑌂𑌬𑌾𑌧𑌂 𑌰𑌾𑌜𑌮𑌾𑌰𑍍𑌗𑌂 𑌪𑍁𑌰𑍋𑌹𑌿𑌤𑌃 ।
𑌵𑍍𑌯𑍂𑌹𑌨𑍍𑌨𑌿𑌵 𑌜𑌨𑍌𑌘𑌂 𑌤𑌂 𑌶𑌨𑍈 𑌰𑌾𑌜𑌕𑍁𑌲𑌂 𑌯𑌯𑍌 ॥ 21 ॥
𑌸𑌿𑌤𑌾𑌭𑍍𑌰𑌶𑌿𑌖𑌰𑌪𑍍𑌰𑌖𑍍𑌯𑌂 𑌪𑍍𑌰𑌾𑌸𑌾𑌦𑌮𑌧𑌿𑌰𑍁𑌹𑍍𑌯 𑌸𑌃 ।
𑌸𑌮𑍀𑌯𑌾𑌯 𑌨𑌰𑍇𑌂𑌦𑍍𑌰𑍇𑌣 𑌶𑌕𑍍𑌰𑍇𑌣𑍇𑌵 𑌬𑍃𑌹𑌸𑍍𑌪𑌤𑌿𑌃 ॥ 22 ॥
𑌤𑌮𑌾𑌗𑌤𑌮𑌭𑌿𑌪𑍍𑌰𑍇𑌕𑍍𑌷𑍍𑌯 𑌹𑌿𑌤𑍍𑌵𑌾 𑌰𑌾𑌜𑌾𑌸𑌨𑌂 𑌨𑍃𑌪𑌃 ।
𑌪𑌪𑍍𑌰𑌚𑍍𑌛 𑌸 𑌚 𑌤𑌸𑍍𑌮𑍈 𑌤𑌤𑍍𑌕𑍃𑌤𑌮𑌿𑌤𑍍𑌯𑌭𑍍𑌯𑌵𑍇𑌦𑌯𑌤𑍍 ॥ 23 ॥
𑌚𑍈𑌵 𑌤𑌦𑌾 𑌤𑍁𑌲𑍍𑌯𑌂 𑌸𑌹𑌾𑌸𑍀𑌨𑌾𑌸𑍍𑌸𑌭𑌾𑌸𑌦𑌃 ।
𑌆𑌸𑌨𑍇𑌭𑍍𑌯𑌸𑍍𑌸𑌮𑍁𑌤𑍍𑌤𑌸𑍍𑌥𑍁𑌃 𑌪𑍂𑌜𑌯𑌂𑌤𑌃 𑌪𑍁𑌰𑍋𑌹𑌿𑌤𑌮𑍍 ॥ 24 ॥
𑌗𑍁𑌰𑍁𑌣𑌾 𑌤𑍍𑌵𑌭𑍍𑌯𑌨𑍁𑌜𑍍𑌞𑌾𑌤𑍋 𑌮𑌨𑍁𑌜𑍌𑌘𑌂 𑌵𑌿𑌸𑍃𑌜𑍍𑌯 𑌤𑌮𑍍 ।
𑌵𑌿𑌵𑍇𑌶𑌾𑌂𑌤𑌃 𑌪𑍁𑌰𑌂 𑌰𑌾𑌜𑌾 𑌸𑌿𑌂𑌹𑍋 𑌗𑌿𑌰𑌿𑌗𑍁𑌹𑌾𑌮𑌿𑌵 ॥ 25 ॥
𑌤𑌦𑌗𑍍𑌯𑍍𑌰𑌵𑍇𑌷𑌪𑍍𑌰𑌮𑌦𑌾𑌜𑌨𑌾𑌕𑍁𑌲𑌂 𑌮𑌹𑍇𑌂𑌦𑍍𑌰𑌵𑍇𑌶𑍍𑌮𑌪𑍍𑌰𑌤𑌿𑌮𑌂 𑌨𑌿𑌵𑍇𑌶𑌨𑌮𑍍 ।
𑌵𑌿𑌦𑍀𑌪𑌯𑌂𑌶𑍍𑌚𑌾𑌰𑍁 𑌵𑌿𑌵𑍇𑌶 𑌪𑌾𑌰𑍍𑌥𑌿𑌵 𑌶𑍍𑌶𑌶𑍀𑌵 𑌤𑌾𑌰𑌾𑌗𑌣𑌸𑌂𑌕𑍁𑌲𑌂 𑌨𑌭𑌃 ॥ 26 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑌂𑌚𑌮𑌸𑍍𑌸𑌰𑍍𑌗𑌃 ॥
