𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌆𑌶𑍍𑌵𑌾𑌸𑌯𑌂𑌤𑌂 𑌭𑌰𑌤𑌂 𑌜𑌾𑌬𑌾𑌲𑌿𑌰𑍍𑌬𑍍𑌰𑌾𑌹𑍍𑌮𑌣𑍋𑌤𑍍𑌤𑌮𑌃 ।
𑌉𑌵𑌾𑌚 𑌰𑌾𑌮𑌂 𑌧𑌰𑍍𑌮𑌜𑍍𑌞𑌂 𑌧𑌰𑍍𑌮𑌾𑌪𑍇𑌤𑌮𑌿𑌦𑌂 𑌵𑌚𑌃 ॥ 1 ॥
𑌸𑌾𑌧𑍁 𑌰𑌾𑌘𑌵 𑌮𑌾𑌽𑌭𑍂𑌤𑍍𑌤𑍇 𑌬𑍁𑌧𑍍𑌦𑌿𑌰𑍇𑌵𑌂 𑌨𑌿𑌰𑌰𑍍𑌥𑌿𑌕𑌾 ।
𑌪𑍍𑌰𑌾𑌕𑍃𑌤𑌸𑍍𑌯 𑌨𑌰𑌸𑍍𑌯𑍇𑌵 𑌹𑍍𑌯𑌾𑌰𑍍𑌯𑌬𑍁𑌦𑍍𑌧𑍇𑌰𑍍𑌮𑌨𑌸𑍍𑌵𑌿𑌨𑌃 ॥ 2 ॥
𑌕𑌃 𑌕𑌸𑍍𑌯 𑌪𑍁𑌰𑍁𑌷𑍋 𑌬𑌂𑌧𑍁𑌃 𑌕𑌿𑌮𑌾𑌪𑍍𑌯𑌂 𑌕𑌸𑍍𑌯 𑌕𑍇𑌨𑌚𑌿𑌤𑍍 ।
𑌯𑌦𑍇𑌕𑍋 𑌜𑌾𑌯𑌤𑍇 𑌜𑌂𑌤𑍁𑌰𑍇𑌕 𑌏𑌵 𑌵𑌿𑌨𑌶𑍍𑌯𑌤𑌿 ॥ 3 ॥
𑌤𑌸𑍍𑌮𑌾𑌨𑍍𑌮𑌾𑌤𑌾 𑌪𑌿𑌤𑌾 𑌚𑍇𑌤𑌿 𑌰𑌾𑌮 𑌸𑌜𑍍𑌜𑍇𑌤 𑌯𑍋 𑌨𑌰𑌃 ।
𑌉𑌨𑍍𑌮𑌤𑍍𑌤 𑌇𑌵 𑌸 𑌜𑍍𑌞𑍇𑌯𑍋 𑌨𑌾𑌸𑍍𑌤𑌿 𑌕𑌶𑍍𑌚𑌿𑌦𑍍𑌧𑌿 𑌕𑌸𑍍𑌯𑌚𑌿𑌤𑍍 ॥ 4 ॥
𑌯𑌥𑌾 𑌗𑍍𑌰𑌾𑌮𑌾𑌂𑌤𑌰𑌂 𑌗𑌚𑍍𑌛𑌨𑍍𑌨𑌰𑌃 𑌕𑌶𑍍𑌚𑌿𑌤𑍍𑌕𑍍𑌵𑌚𑌿𑌦𑍍𑌵𑌸𑍇𑌤𑍍 ।
𑌉𑌤𑍍𑌸𑍃𑌜𑍍𑌯 𑌚 𑌤𑌮𑌾𑌵𑌾𑌸𑌂 𑌪𑍍𑌰𑌤𑌿𑌷𑍍𑌠𑍇𑌤𑌾𑌪𑌰𑍇𑌽𑌹𑌨𑌿 ॥ 5 ॥
𑌏𑌵𑌮𑍇𑌵 𑌮𑌨𑍁𑌷𑍍𑌯𑌾𑌣𑌾𑌂 𑌪𑌿𑌤𑌾 𑌮𑌾𑌤𑌾 𑌗𑍃𑌹𑌂 𑌵𑌸𑍁 ।
𑌅𑌵𑌾𑌸𑌮𑌾𑌤𑍍𑌰𑌂 𑌕𑌾𑌕𑍁𑌤𑍍𑌸𑍍𑌥 𑌸𑌜𑍍𑌜𑌂𑌤𑍇 𑌨𑌾𑌤𑍍𑌰 𑌸𑌜𑍍𑌜𑌨𑌾𑌃 ॥ 6 ॥
𑌪𑌿𑌤𑍍𑌰𑍍𑌯𑌂 𑌰𑌾𑌜𑍍𑌯𑌂 𑌪𑌰𑌿𑌤𑍍𑌯𑌜𑍍𑌯 𑌸 𑌨𑌾𑌰𑍍𑌹𑌸𑌿 𑌨𑌰𑍋𑌤𑍍𑌤𑌮 ।
𑌆𑌸𑍍𑌥𑌾𑌤𑍁𑌂 𑌕𑌾𑌪𑌥𑌂 𑌦𑍁𑌃𑌖𑌂 𑌵𑌿𑌷𑌮𑌂 𑌬𑌹𑍁𑌕𑌂𑌟𑌕𑌮𑍍 ॥ ॥
𑌸𑌮𑍃𑌦𑍍𑌧𑌾𑌯𑌾𑌮𑌯𑍋𑌧𑍍𑌯𑌾𑌯𑌾𑌮𑌾𑌤𑍍𑌮𑌾𑌨𑌮𑌭𑌿𑌷𑍇𑌚𑌯 ।
𑌏𑌕𑌵𑍇𑌣𑍀𑌧𑌰𑌾 𑌹𑌿 𑌤𑍍𑌵𑌾𑌂 𑌨𑌗𑌰𑍀 𑌸𑌂𑌪𑍍𑌰𑌤𑍀𑌕𑍍𑌷𑌤𑍇 ॥ ॥
𑌰𑌾𑌜𑌭𑍋𑌗𑌾𑌨𑌨𑍁𑌭𑌵𑌨𑍍𑌮𑌹𑌾𑌰𑍍𑌹𑌾𑌨𑍍𑌪𑌾𑌰𑍍𑌥𑌿𑌵𑌾𑌤𑍍𑌮𑌜 ।
𑌵𑌿𑌹𑌰 𑌤𑍍𑌵𑌮𑌯𑍋𑌧𑍍𑌯𑌾𑌯𑌾𑌂 𑌯𑌥𑌾 𑌶𑌕𑍍𑌰𑌸𑍍𑌤𑍍𑌰𑌿𑌵𑌿𑌷𑍍𑌟𑌪𑍇 ॥ ॥
𑌨 𑌤𑍇 𑌕𑌶𑍍𑌚𑌿𑌦𑍍𑌧𑌶𑌰𑌥 𑌸𑍍𑌤𑍍𑌵𑌂 𑌚 𑌤𑌸𑍍𑌯 𑌨 𑌕𑌶𑍍𑌚𑌨 ।
𑌅𑌨𑍍𑌯𑍋 𑌰𑌾𑌜𑌾 𑌤𑍍𑌵𑌮𑌨𑍍𑌯 𑌸𑍍𑌤𑌸𑍍𑌮𑌾𑌤𑍍𑌕𑍁𑌰𑍁 𑌯𑌦𑍁𑌚𑍍𑌯𑌤𑍇 ॥ 10 ॥
𑌬𑍀𑌜𑌮𑌾𑌤𑍍𑌰𑌂 𑌪𑌿𑌤𑌾 𑌜𑌂𑌤𑍋 𑌶𑍍𑌶𑍁𑌕𑍍𑌲𑌂 𑌰𑍁𑌧𑌿𑌰𑌮𑍇𑌵 𑌚 ।
𑌸𑌂𑌯𑍁𑌕𑍍𑌤𑌮𑍃𑌤𑍁𑌮𑌨𑍍𑌮𑌾𑌤𑍍𑌰𑌾 𑌪𑍁𑌰𑍁𑌷𑌸𑍍𑌯𑍇𑌹 𑌜𑌨𑍍𑌮 𑌤𑌤𑍍 ॥ 11 ॥
𑌗𑌤 𑌸𑍍𑌸 𑌨𑍃𑌪𑌤𑌿𑌸𑍍𑌤𑌤𑍍𑌰 𑌗𑌂𑌤𑌵𑍍𑌯𑌂 𑌯𑌤𑍍𑌰 𑌤𑍇𑌨 𑌵𑍈 ।
𑌪𑍍𑌰𑌵𑍃𑌤𑌤𑌿𑌰𑍇𑌷𑌾 𑌮𑌰𑍍𑌤𑍍𑌯𑌾𑌨𑌾𑌂 𑌤𑍍𑌵𑌂 𑌤𑍁 𑌮𑌿𑌥𑍍𑌯𑌾 𑌵𑌿𑌹𑌨𑍍𑌯𑌸𑍇 ॥ 12 ॥
𑌅𑌰𑍍𑌥𑌧𑌰𑍍𑌮𑌪𑌰𑌾 𑌯𑍇 𑌯𑍇 𑌤𑌾𑌂𑌸𑍍𑌤𑌾𑌂𑌛𑍋𑌚𑌾𑌮𑌿 𑌨𑍇𑌤𑌰𑌾𑌨𑍍 ।
𑌤𑍇 𑌹𑌿 𑌦𑍁𑌃𑌖𑌮𑌿𑌹 𑌪𑍍𑌰𑌾𑌪𑍍𑌯 𑌵𑌿𑌨𑌾𑌶𑌂 𑌪𑍍𑌰𑍇𑌤𑍍𑌯 𑌭𑍇𑌜𑌿𑌰𑍇 ॥ 13 ॥
𑌅𑌷𑍍𑌟𑌕𑌾 𑌪𑌿𑌤𑍃𑌦𑍈𑌵𑌤𑍍𑌯𑌮𑌿𑌤𑍍𑌯𑌯𑌂 𑌪𑍍𑌰𑌸𑍃𑌤𑍋 𑌜𑌨𑌃 ।
𑌅𑌨𑍍𑌨𑌸𑍍𑌯𑍋𑌪𑌦𑍍𑌰𑌵𑌂 𑌪𑌶𑍍𑌯 𑌮𑍃𑌤𑍋 𑌹𑌿 𑌕𑌿𑌮𑌶𑌿𑌷𑍍𑌯𑌤𑌿 ॥ 14 ॥
𑌯𑌦𑌿 𑌭𑍁𑌕𑍍𑌤𑌮𑌿𑌹𑌾𑌨𑍍𑌯𑍇𑌨 𑌦𑍇𑌹𑌮𑌨𑍍𑌯𑌸𑍍𑌯 𑌗𑌚𑍍𑌛𑌤𑌿 ।
𑌦𑌦𑍍𑌯𑌾𑌤𑍍𑌪𑍍𑌰𑌵𑌸𑌤 𑌶𑍍𑌶𑍍𑌰𑌾𑌦𑍍𑌧𑌂 𑌨 𑌤𑌤𑍍𑌪𑌥𑍍𑌯𑌶𑌨𑌂 𑌭𑌵𑍇𑌤𑍍 ॥ 15 ॥
𑌦𑌾𑌨𑌸𑌂𑌵𑌨𑌨𑌾 𑌹𑍍𑌯𑍇𑌤𑍇 𑌗𑍍𑌰𑌂𑌥𑌾 𑌮𑍇𑌧𑌾𑌵𑌿𑌭𑌿𑌃 𑌕𑍃𑌤𑌾𑌃 ।
𑌯𑌜𑌸𑍍𑌵 𑌦𑍇𑌹𑌿 𑌦𑍀𑌕𑍍𑌷𑌸𑍍𑌵 𑌤𑌪𑌸𑍍𑌤𑌪𑍍𑌯𑌸𑍍𑌵 𑌸𑌂𑌤𑍍𑌯𑌜 ॥ 16 ॥
𑌸 𑌨𑌾𑌸𑍍𑌤𑌿 𑌪𑌰𑌮𑌿𑌤𑍍𑌯𑍇𑌵 𑌕𑍁𑌰𑍁 𑌬𑍁𑌦𑍍𑌧𑌿𑌂 𑌮𑌹𑌾𑌮𑌤𑍇 ।
𑌪𑍍𑌰𑌤𑍍𑌯𑌕𑍍𑌷𑌂 𑌯𑌤𑍍𑌤𑌦𑌾𑌤𑌿𑌷𑍍𑌠 𑌪𑌰𑍋𑌕𑍍𑌷𑌂 𑌪𑍃𑌷𑍍𑌠𑌤𑌃 𑌕𑍁𑌰𑍁 ॥ 1 ॥
𑌸𑌤𑌾𑌂 𑌬𑍁𑌦𑍍𑌧𑌿𑌂 𑌪𑍁𑌰𑌸𑍍𑌕𑍃𑌤𑍍𑌯 𑌸𑌰𑍍𑌵𑌲𑍋𑌕𑌨𑌿𑌦𑌰𑍍𑌶𑌿𑌨𑍀𑌮𑍍 ।
𑌰𑌾𑌜𑍍𑌯𑌂 𑌤𑍍𑌵𑌂 𑌪𑍍𑌰𑌤𑌿𑌗𑍃𑌹𑍍𑌣𑍀𑌷𑍍𑌵 𑌭𑌰𑌤𑍇𑌨 𑌪𑍍𑌰𑌸𑌾𑌦𑌿𑌤𑌃 ॥ 1 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌅𑌷𑍍𑌟𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
