Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.36 𑌅𑌰𑌣𑍍𑌯𑌕𑌾𑌂𑌡 - 𑌷𑌟𑍍𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌮𑌾𑌰𑍀𑌚 𑌶𑍍𑌰𑍂𑌯𑌾𑌤𑌾𑌂 𑌤𑌾𑌤 𑌵𑌚𑌨𑌂 𑌮𑌮 𑌭𑌾𑌷𑌤𑌃 ।
𑌆𑌰𑍍𑌤𑍋𑌽𑌸𑍍𑌮𑌿 𑌮𑌮 𑌚𑌾𑌰𑍍𑌤𑌸𑍍𑌯 𑌭𑌵𑌾𑌨𑍍𑌹𑌿 𑌪𑌰𑌮𑌾 𑌗𑌤𑌿𑌃 ॥ 1 ॥

𑌜𑌾𑌨𑍀𑌷𑍇 𑌤𑍍𑌵𑌂 𑌜𑌨𑌸𑍍𑌥𑌾𑌨𑍇 𑌯𑌥𑌾 𑌭𑍍𑌰𑌾𑌤𑌾 𑌖𑌰𑍋 𑌮𑌮 ।
𑌦𑍂𑌷𑌣𑌶𑍍𑌚 𑌮𑌹𑌾𑌬𑌾𑌹𑍁 𑌸𑍍𑌵𑌸𑌾 𑌶𑍂𑌰𑍍𑌪𑌣𑌖𑌾 𑌚 𑌮𑍇 ॥ 2 ॥

𑌤𑍍𑌰𑌿𑌶𑌿𑌰𑌾𑌶𑍍𑌚 𑌮𑌹𑌾𑌤𑍇𑌜𑌾 𑌰𑌾𑌕𑍍𑌷𑌸𑌃 𑌪𑌿𑌶𑌿𑌤𑌾𑌶𑌨𑌃 ।
𑌅𑌨𑍍𑌯𑍇 𑌚 𑌬𑌹𑌵𑌶𑍍𑌶𑍂𑌰𑌾 𑌲𑌬𑍍𑌧𑌲𑌕𑍍𑌷𑌾 𑌨𑌿𑌶𑌾𑌚𑌰𑌾𑌃 ॥ 3 ॥

𑌵𑌸𑌤𑍍𑌨𑌿 𑌮𑌨𑍍𑌨𑌿𑌯𑍋𑌗𑍇𑌨 𑌨𑌿𑌤𑍍𑌯𑌵𑌾𑌸𑌂 𑌚 𑌰𑌾𑌕𑍍𑌷𑌸𑌾𑌃 ।
𑌬𑌾𑌧𑌮𑌾𑌨𑌾 𑌮𑌹𑌾𑌰𑌣𑍍𑌯𑍇 𑌮𑍁𑌨𑍀𑌨𑍍𑌵𑍈 𑌧𑌰𑍍𑌮𑌚𑌾𑌰𑌿𑌣𑌃 ॥ 4 ॥

𑌚𑌤𑍁𑌰𑍍𑌦𑌶 𑌸𑌹𑌸𑍍𑌰𑌾𑌣𑌿 𑌰𑌕𑍍𑌷𑌸𑌾𑌂 𑌭𑍀𑌮𑌕𑌰𑍍𑌮𑌣𑌾𑌮𑍍 ।
𑌶𑍂𑌰𑌾𑌣𑌾𑌂 𑌲𑌬𑍍𑌧𑌲𑌕𑍍𑌷𑌾𑌣𑌾𑌂 𑌖𑌰𑌚𑌿𑌤𑍍𑌤𑌾𑌨𑍁𑌵𑌰𑍍𑌤𑌿𑌨𑌾𑌮𑍍 ॥ 5 ॥

𑌤𑍇 𑌤𑍍𑌵𑌿𑌦𑌾𑌨𑍀𑌂 𑌜𑌨𑌸𑍍𑌥𑌾𑌨𑍇 𑌵𑌸𑌮𑌾𑌨𑌾 𑌮𑌹𑌾𑌬𑌲𑌾𑌃 ।
𑌸𑌂𑌗𑌤𑌾𑌃 𑌪𑌰𑌮𑌾𑌯𑌤𑍍𑌤𑌾 𑌰𑌾𑌮𑍇𑌣 𑌸𑌹 𑌸𑌂𑌯𑍁𑌗𑍇 ॥ 6 ॥

𑌨𑌾𑌨𑌾𑌪𑍍𑌰𑌹𑌰𑌣𑍋𑌪𑍇𑌤𑌾𑌃 𑌖𑌰𑌪𑍍𑌰𑌮𑍁𑌖𑌰𑌾𑌕𑍍𑌷𑌸𑌾𑌃 ।
𑌤𑍇𑌨 𑌸𑌂𑌜𑌾𑌤𑌰𑍋𑌷𑍇𑌣 𑌰𑌾𑌮𑍇𑌣 𑌰𑌣𑌮𑍂𑌰𑍍𑌧𑌨𑌿 ।
𑌅𑌨𑍁𑌕𑍍𑌤𑍍𑌵𑌾 𑌪𑌰𑍁𑌷𑌂 𑌕𑌿𑌂𑌚𑌿𑌚𑍍𑌛𑌰𑍈𑌰𑍍𑌵𑍍𑌯𑌾𑌪𑌾𑌰𑌿𑌤𑌂 𑌧𑌨𑍁𑌃 ॥ 𑍭 ॥

𑌚𑌤𑍁𑌰𑍍𑌦𑌶 𑌸𑌹𑌸𑍍𑌰𑌾𑌣𑌿 𑌰𑌕𑍍𑌷𑌸𑌾𑌮𑍁𑌗𑍍𑌰𑌤𑍇𑌜𑌸𑌾𑌮𑍍 ।
𑌨𑌿𑌹𑌤𑌾𑌨𑌿 𑌶𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌮𑌾𑌨𑍁𑌷𑍇𑌣 𑌪𑌦𑌾𑌤𑌿𑌨𑌾 ॥ 𑍮 ॥

𑌖𑌰𑌶𑍍𑌚 𑌨𑌿𑌹𑌤𑌸𑍍𑌸𑌂𑌖𑍍𑌯𑍇 𑌦𑍂𑌷𑌣𑌶𑍍𑌚 𑌨𑌿𑌪𑌾𑌤𑌿𑌤𑌃 ।
𑌹𑌤𑌶𑍍𑌚 𑌤𑍍𑌰𑌿𑌶𑌿𑌰𑌾𑌶𑍍𑌚𑌾𑌪𑌿 𑌨𑌿𑌰𑍍𑌭𑌯𑌾 𑌦𑌂𑌡𑌕𑌾𑌃 𑌕𑍃𑌤𑌾𑌃 ॥ 𑍯 ॥

𑌪𑌿𑌤𑍍𑌰𑌾 𑌨𑌿𑌰𑌸𑍍𑌤𑌃 𑌕𑍍𑌰𑍁𑌦𑍍𑌧𑍇𑌨 𑌸𑌭𑌾𑌰𑍍𑌯𑌃 𑌕𑍍𑌷𑍀𑌣𑌜𑍀𑌵𑌿𑌤𑌃 ।
𑌸 𑌹𑌂𑌤𑌾 𑌤𑌸𑍍𑌯 𑌸𑍈𑌨𑍍𑌯𑌸𑍍𑌯 𑌰𑌾𑌮𑌃 𑌕𑍍𑌷𑌤𑍍𑌰𑌿𑌯𑌪𑌾𑌂𑌸𑌨𑌃 ॥ 10 ॥

𑌦𑍁𑌶𑍍𑌶𑍀𑌲𑌃 𑌕𑌰𑍍𑌕𑌶𑌸𑍍𑌤𑍀𑌕𑍍𑌷𑍍𑌣𑍋 𑌮𑍂𑌰𑍍𑌖𑍋 𑌲𑍁𑌬𑍍𑌧𑍋𑌽𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 11 ॥

𑌤𑍍𑌯𑌕𑍍𑌤𑌧𑌰𑍍𑌮𑍋 𑌹𑍍𑌯𑌧𑌰𑍍𑌮𑌾𑌤𑍍𑌮𑌾 𑌭𑍂𑌤𑌾𑌨𑌾𑌮𑌹𑌿𑌤𑍇 𑌰𑌤𑌃 ।
𑌯𑍇𑌨 𑌵𑍈𑌰𑌂 𑌵𑌿𑌨𑌾𑌽𑌰𑌣𑍍𑌯𑍇 𑌸𑌤𑍍𑌵𑌮𑌾𑌶𑍍𑌰𑌿𑌤𑍍𑌯 𑌕𑍇𑌵𑌲𑌮𑍍 ॥ 12 ॥

𑌕𑌰𑍍𑌣𑌨𑌾𑌸𑌾𑌪𑌹𑌰𑌣𑌾𑌦𑍍𑌭𑌗𑌿𑌨𑍀 𑌮𑍇 𑌵𑌿𑌰𑍂𑌪𑌿𑌤𑌾 ।
𑌤𑌸𑍍𑌯𑌭𑌾𑌰𑍍𑌯𑌾𑌂 𑌜𑌨𑌸𑍍𑌥𑌾𑌨𑌾𑌤𑍍𑌸𑍀𑌤𑌾𑌂 𑌸𑍁𑌰𑌸𑍁𑌤𑍋𑌪𑌮𑌾𑌮𑍍 ॥ 13 ॥

𑌆𑌨𑌯𑌿𑌷𑍍𑌯𑌾𑌮𑌿 𑌵𑌿𑌕𑍍𑌰𑌮𑍍𑌯 𑌸𑌹𑌾𑌯𑌸𑍍𑌤𑌤𑍍𑌰 𑌮𑍇 𑌭𑌵 ।
𑌤𑍍𑌵𑌯𑌾 𑌹𑍍𑌯𑌹𑌂 𑌸𑌹𑌾𑌯𑍇𑌨 𑌪𑌾𑌰𑍍𑌶𑍍𑌵𑌸𑍍𑌥𑍇𑌨 𑌮𑌹𑌾𑌬𑌲 ॥ 14 ॥

𑌭𑍍𑌰𑌾𑌤𑍃𑌭𑌿𑌶𑍍𑌚 𑌸𑍁𑌰𑌾𑌨𑍍𑌯𑍁𑌦𑍍𑌧𑍇 𑌸𑌮𑌗𑍍𑌰𑌾𑌨𑍍𑌨𑌾𑌭𑌿𑌚𑌿𑌂𑌤𑌯𑍇 ।
𑌤𑌤𑍍𑌸𑌹𑌾𑌯𑍋 𑌭𑌵 𑌤𑍍𑌵𑌂 𑌮𑍇 𑌸𑌮𑌰𑍍𑌥𑍋 𑌹𑍍𑌯𑌸𑌿 𑌰𑌾𑌕𑍍𑌷𑌸 ॥ 15 ॥

𑌵𑍀𑌰𑍍𑌯𑍇 𑌯𑍁𑌦𑍍𑌧𑍇 𑌚 𑌦𑌰𑍍𑌪𑍇 𑌚 𑌨 𑌹𑍍𑌯𑌸𑍍𑌤𑌿 𑌸𑌦𑍃𑌶𑌸𑍍𑌤𑌵 ।
𑌉𑌪𑌾𑌯𑌜𑍍𑌞𑍋 𑌮𑌹𑌾𑌨𑍍𑌶𑍂𑌰𑌸𑍍𑌸𑌰𑍍𑌵𑌮𑌾𑌯𑌾𑌵𑌿𑌶𑌾𑌰𑌦𑌃 ॥ 16 ॥

𑌏𑌤𑌦𑌰𑍍𑌥𑌮𑌹𑌂 𑌪𑍍𑌰𑌾𑌪𑍍𑌤𑌸𑍍𑌤𑍍𑌵𑌤𑍍𑌸𑌮𑍀𑌪𑌂 𑌨𑌿𑌶𑌾𑌚𑌰 ।
𑌶𑍃𑌣𑍁 𑌤𑌤𑍍𑌕𑌰𑍍𑌮 𑌸𑌾𑌹𑌾𑌯𑍍𑌯𑍇 𑌯𑌤𑍍𑌕𑌾𑌰𑍍𑌯𑌂 𑌵𑌚𑌨𑌾𑌨𑍍𑌮𑌮 ॥ 1𑍭 ॥

𑌸𑍌𑌵𑌰𑍍𑌣𑌸𑍍𑌤𑍍𑌵𑌂 𑌮𑍃𑌗𑍋 𑌭𑍂𑌤𑍍𑌵𑌾 𑌚𑌿𑌤𑍍𑌰𑍋 𑌰𑌜𑌤𑌬𑌿𑌂𑌦𑍁𑌭𑌿𑌃 ।
𑌆𑌶𑍍𑌰𑌮𑍇 𑌤𑌸𑍍𑌯 𑌰𑌾𑌮𑌸𑍍𑌯 𑌸𑍀𑌤𑌾𑌯𑌾𑌃 𑌪𑍍𑌰𑌮𑍁𑌖𑍇 𑌚𑌰 ॥ 1𑍮 ॥

𑌤𑍍𑌵𑌾𑌂 𑌤𑍁 𑌨𑌿𑌸𑍍𑌸𑌂𑌶𑌯𑌂 𑌸𑍀𑌤𑌾 𑌦𑍃𑌷𑍍𑌟𑍍𑌵𑌾 𑌤𑍁 𑌮𑍃𑌗𑌰𑍂𑌪𑌿𑌣𑌮𑍍 ।
𑌗𑍃𑌹𑍍𑌯𑌤𑌾𑌮𑌿𑌤𑌿 𑌭𑌰𑍍𑌤𑌾𑌰𑌂 𑌲𑌕𑍍𑌷𑍍𑌮𑌣𑌂 𑌚𑌾𑌭𑌿𑌧𑌾𑌸𑍍𑌯𑌤𑌿 ॥ 1𑍯 ॥

𑌤𑌤𑌸𑍍𑌤𑌯𑍋𑌰𑌪𑌾𑌯𑍇 𑌤𑍁 𑌶𑍂𑌨𑍍𑌯𑍇 𑌸𑍀𑌤𑌾𑌂 𑌯𑌥𑌾𑌸𑍁𑌖𑌮𑍍 ।
𑌨𑌿𑌰𑌾𑌬𑌾𑌧𑍋 𑌹𑌰𑌿𑌷𑍍𑌯𑌾𑌮𑌿 𑌰𑌾𑌹𑍁𑌶𑍍𑌚𑌂𑌦𑍍𑌰𑌪𑍍𑌰𑌭𑌾𑌮𑌿𑌵 ॥ 20 ॥

𑌤𑌤𑌃 𑌪𑌶𑍍𑌚𑌾𑌤𑍍𑌸𑍁𑌖𑌂 𑌰𑌾𑌮𑍇 𑌭𑌾𑌰𑍍𑌯𑌾𑌹𑌰𑌣𑌕𑌰𑍍𑌶𑌿𑌤𑍇 ।
𑌵𑌿𑌸𑍍𑌰𑌬𑍍𑌧𑌃 𑌪𑍍𑌰𑌹𑌰𑌿𑌷𑍍𑌯𑌾𑌮𑌿 𑌕𑍃𑌤𑌾𑌰𑍍𑌥𑍇𑌨𑌾𑌂𑌤𑌰𑌾𑌤𑍍𑌮𑌨𑌾 ॥ 21 ॥

𑌤𑌸𑍍𑌯 𑌰𑌾𑌮𑌕𑌥𑌾𑌂 𑌶𑍍𑌰𑍁𑌤𑍍𑌵𑌾 𑌮𑌾𑌰𑍀𑌚𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌶𑍁𑌷𑍍𑌕𑌂 𑌸𑌮𑌭𑌵𑌦𑍍𑌵𑌕𑍍𑌤𑍍𑌰𑌂 𑌪𑌰𑌿𑌤𑌪𑍍𑌤𑌾 𑌬𑌭𑍂𑌵 𑌹 ॥ 22 ॥

𑌓𑌷𑍍𑌠𑍌 𑌪𑌰𑌿𑌲𑌿𑌹𑌂𑌚𑍁𑌷𑍍𑌕𑍌 𑌨𑍇𑌤𑍍𑌰𑍈𑌰𑌨𑌿𑌮𑌿𑌷𑍈𑌰𑌿𑌵 ।
𑌮𑍃𑌤𑌭𑍂𑌤 𑌇𑌵𑌾𑌰𑍍𑌤𑌸𑍍𑌤𑍁 𑌰𑌾𑌵𑌣𑌂 𑌸𑌮𑍁𑌦𑍈𑌕𑍍𑌷𑌤 ॥ 23 ॥

𑌸 𑌰𑌾𑌵𑌣𑌂 𑌤𑍍𑌰𑌸𑍍𑌤𑌵𑌿𑌷𑌣𑍍𑌣𑌚𑍇𑌤𑌾 𑌮𑌹𑌾𑌵𑌨𑍇 𑌰𑌾𑌮𑌪𑌰𑌾𑌕𑍍𑌰𑌮𑌜𑍍𑌞𑌃 ।
𑌕𑍃𑌤𑌾𑌂𑌜𑌲𑌿𑌸𑍍𑌤𑌤𑍍𑌵𑌮𑍁𑌵𑌾𑌚 𑌵𑌾𑌕𑍍𑌯𑌂 𑌹𑌿𑌤𑌂 𑌚 𑌤𑌸𑍍𑌮𑍈 𑌹𑌿𑌤𑌮𑌾𑌤𑍍𑌮𑌨𑌶𑍍𑌚 ॥ 24 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: