𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ।
𑌤𑍇𑌷𑌾𑌮𑌂𑌜𑌲𑌿𑌪𑌦𑍍𑌮𑌾𑌨𑌿 𑌪𑍍𑌰𑌗𑍃𑌹𑍀𑌤𑌾𑌨𑌿 𑌸𑌰𑍍𑌵𑌶𑌃 ।
𑌪𑍍𑌰𑌤𑌿𑌗𑍃𑌹𑍍𑌯𑌾𑌬𑍍𑌰𑌵𑍀𑌦𑍍𑌰𑌾𑌜𑌾 𑌤𑍇𑌭𑍍𑌯𑌃 𑌪𑍍𑌰𑌿𑌯𑌹𑌿𑌤𑌂 𑌵𑌚𑌃 ॥ 1 ॥
𑌅𑌹𑍋𑌽𑌸𑍍𑌮𑌿 𑌪𑌰𑌮𑌪𑍍𑌰𑍀𑌤𑌃 𑌪𑍍𑌰𑌭𑌾𑌵𑌶𑍍𑌚𑌾𑌤𑍁𑌲𑍋 𑌮𑌮 ।
𑌯𑌨𑍍𑌮𑍇 𑌜𑍍𑌯𑍇𑌷𑍍𑌠𑌂 𑌪𑍍𑌰𑌿𑌯𑌂 𑌪𑍁𑌤𑍍𑌰𑌂 𑌯𑍌𑌵𑌰𑌾𑌜𑍍𑌯𑌸𑍍𑌥𑌮𑌿𑌚𑍍𑌛𑌥 ॥ 2 ॥
𑌇𑌤𑌿 𑌪𑍍𑌰𑌤𑍍𑌯𑌰𑍍𑌚𑍍𑌯 𑌤𑌾𑌨𑍍𑌰𑌾𑌜𑌾 𑌬𑍍𑌰𑌾𑌹𑍍𑌮𑌣𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ।
𑌵𑌸𑌿𑌷𑍍𑌠𑌂 𑌵𑌾𑌮𑌦𑍇𑌵𑌂 𑌚 𑌤𑍇𑌷𑌾𑌮𑍇𑌵𑍋𑌪𑌶𑍃𑌣𑍍𑌵𑌤𑌾𑌮𑍍 ॥ 3 ॥
𑌚𑍈𑌤𑍍𑌰𑌶𑍍𑌶𑍍𑌰𑍀𑌮𑌾𑌨𑌯𑌂 𑌮𑌾𑌸𑌃 𑌪𑍁𑌣𑍍𑌯𑌃 𑌪𑍁𑌷𑍍𑌪𑌿𑌤𑌕𑌾𑌨𑌨𑌃 ।
𑌯𑍌𑌵𑌰𑌾𑌜𑍍𑌯𑌾𑌯 𑌰𑌾𑌮𑌸𑍍𑌯 𑌸𑌰𑍍𑌵𑌮𑍇𑌵𑍋𑌪𑌕𑌲𑍍𑌪𑍍𑌯𑌤𑌾𑌮𑍍 ॥ 4 ॥
𑌰𑌾𑌜𑍍𑌞𑌸𑍍𑌤𑍂𑌪𑌰𑌤𑍇 𑌵𑌾𑌕𑍍𑌯𑍇 𑌜𑌨𑌘𑍋𑌷𑍋 𑌮𑌹𑌾𑌨𑌭𑍂𑌤𑍍 ।
𑌶𑌨𑍈𑌸𑍍𑌤𑌸𑍍𑌮𑌿𑌨𑍍𑌪𑍍𑌰𑌶𑌾𑌂𑌤𑍇 𑌚 𑌜𑌨𑌘𑍋𑌷𑍇 𑌜𑌨𑌾𑌧𑌿𑌪𑌃 ॥ 5 ॥
𑌵𑌸𑌿𑌷𑍍𑌠𑌂 𑌮𑍁𑌨𑌿𑌶𑌾𑌰𑍍𑌦𑍂𑌲𑌂 𑌰𑌾𑌜𑌾 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌅𑌭𑌿𑌷𑍇𑌕𑌾𑌯 𑌰𑌾𑌮𑌸𑍍𑌯 𑌯𑌤𑍍𑌕𑌰𑍍𑌮 𑌸𑌪𑌰𑌿𑌚𑍍𑌛𑌦𑌮𑍍 ॥ 6 ॥
𑌤𑌦𑌦𑍍𑌯 𑌭𑌗𑌵𑌨𑍍 𑌸𑌰𑍍𑌵𑌮𑌾𑌜𑍍𑌞𑌾𑌪𑌯𑌿𑌤𑍁 𑌮𑌰𑍍𑌹𑌸𑌿 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑍂𑌮𑌿𑌪𑌾𑌲𑌸𑍍𑌯 𑌵𑌸𑌿𑌷𑍍𑌠𑍋 𑌦𑍍𑌵𑌿𑌜𑌸𑌤𑍍𑌤𑌮𑌃 ॥ ॥
𑌆𑌦𑌿𑌦𑍇𑌶𑌾𑌗𑍍𑌰𑌤𑍋 𑌰𑌾𑌜𑍍𑌞 𑌸𑍍𑌸𑍍𑌥𑌿𑌤𑌾𑌨𑍍𑌯𑍁𑌕𑍍𑌤𑌾𑌨𑍍 𑌕𑍃𑌤𑌾𑌂𑌜𑌲𑍀𑌨𑍍 ।
𑌸𑍁𑌵𑌰𑍍𑌣𑌾𑌦𑍀𑌨𑌿 𑌰𑌤𑍍𑌨𑌾𑌨𑌿 𑌬𑌲𑍀𑌨𑍍 𑌸𑌰𑍍𑌵𑍌𑌷𑌧𑍀𑌰𑌪𑌿 ॥ ॥
𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌶𑍍𑌚 𑌲𑌾𑌜𑌾𑌂𑌶𑍍𑌚 𑌪𑍃𑌥𑌕𑍍𑌚 𑌮𑌧𑍁𑌸𑌰𑍍𑌪𑌿𑌷𑍀 ।
𑌅𑌹𑌤𑌾𑌨𑌿 𑌚 𑌵𑌾𑌸𑌾𑌂𑌸𑌿 𑌰𑌥𑌂 𑌸𑌰𑍍𑌵𑌾𑌯𑍁𑌧𑌾𑌨𑍍𑌯𑌪𑌿 ॥ ॥
𑌚𑌤𑍁𑌰𑌂𑌗𑌬𑌲𑌂 𑌚𑍈𑌵 𑌗𑌜𑌂 𑌚 𑌶𑍁𑌭𑌲𑌕𑍍𑌷𑌣𑌮𑍍 ।
𑌚𑌾𑌮𑌰𑌵𑍍𑌯𑌜𑌨𑍇 𑌶𑍍𑌵𑍇𑌤𑍇 𑌧𑍍𑌵𑌜𑌂 𑌛𑌤𑍍𑌰𑌂 𑌚 𑌪𑌾𑌂𑌡𑍁𑌰𑌮𑍍 ॥ 10 ॥
𑌶𑌤𑌂 𑌚 𑌶𑌾𑌤𑌕𑍁𑌂𑌭𑌾𑌨𑌾𑌂 𑌕𑍁𑌂𑌭𑌾𑌨𑌾𑌗𑍍𑌨𑌿𑌵𑌰𑍍𑌚𑌸𑌾𑌮𑍍 ।
𑌹𑌿𑌰𑌣𑍍𑌯𑌶𑍃𑌂𑌗𑌮𑍃𑌷𑌭𑌂 𑌸𑌮𑌗𑍍𑌰𑌂 𑌵𑍍𑌯𑌾𑌘𑍍𑌰𑌚𑌰𑍍𑌮 𑌚 ॥ 11 ॥
𑌉𑌪𑌸𑍍𑌥𑌾𑌪𑌯𑌤 𑌪𑍍𑌰𑌾𑌤𑌰𑌗𑍍𑌨𑍍𑌯𑌗𑌾𑌰𑌂 𑌮𑌹𑍀𑌪𑌤𑍇𑌃 ।
𑌸𑍁𑌵𑌰𑍍𑌣𑌾𑌦𑍀𑌨𑌿 𑌰𑌤𑍍𑌨𑌾𑌨𑌿 𑌬𑌲𑍀𑌨𑍍 𑌸𑌰𑍍𑌵𑍌𑌷𑌧𑍀𑌰𑌪𑌿 ॥ 12 ॥
𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌶𑍍𑌚 𑌲𑌾𑌜𑌾𑌂𑌶𑍍𑌚 𑌪𑍃𑌥𑌕𑍍𑌚 𑌮𑌧𑍁𑌸𑌰𑍍𑌪𑌿𑌷𑍀 ।
𑌅𑌹𑌤𑌾𑌨𑌿 𑌚 𑌵𑌾𑌸𑌾𑌂𑌸𑌿 𑌰𑌥𑌂 𑌸𑌰𑍍𑌵𑌾𑌯𑍁𑌧𑌾𑌨𑍍𑌯𑌪𑌿 ॥ 13 ॥
𑌚𑌤𑍁𑌰𑌂𑌗𑌬𑌲𑌂 𑌚𑍈𑌵 𑌗𑌜𑌂 𑌚 𑌶𑍁𑌭𑌲𑌕𑍍𑌷𑌣𑌮𑍍 ।
𑌚𑌾𑌮𑌰𑌵𑍍𑌯𑌜𑌨𑍇 𑌶𑍍𑌵𑍇𑌤𑍇 𑌧𑍍𑌵𑌜𑌂 𑌛𑌤𑍍𑌰𑌂 𑌚 𑌪𑌾𑌂𑌡𑍁𑌰𑌮𑍍 ॥ 14 ॥
𑌶𑌤𑌂 𑌚 𑌶𑌾𑌤𑌕𑍁𑌂𑌭𑌾𑌨𑌾𑌂 𑌕𑍁𑌂𑌭𑌾𑌨𑌾𑌗𑍍𑌨𑌿𑌵𑌰𑍍𑌚𑌸𑌾𑌮𑍍 ।
𑌹𑌿𑌰𑌣𑍍𑌯𑌶𑍃𑌂𑌗𑌮𑍃𑌷𑌭𑌂 𑌸𑌮𑌗𑍍𑌰𑌂 𑌵𑍍𑌯𑌾𑌘𑍍𑌰𑌚𑌰𑍍𑌮 𑌚 ॥ 15 ॥
𑌉𑌪𑌸𑍍𑌥𑌾𑌪𑌯𑌤 𑌪𑍍𑌰𑌾𑌤𑌰𑌗𑍍𑌨𑍍𑌯𑌗𑌾𑌰𑌂 𑌮𑌹𑍀𑌪𑌤𑍇𑌃 ।
𑌯𑌚𑍍𑌚𑌾𑌨𑍍𑌯𑌤𑍍𑌕𑌿𑌂𑌚𑌿𑌦𑍇𑌷𑍍𑌟𑌵𑍍𑌯𑌂 𑌤𑌤𑍍𑌸𑌰𑍍𑌵𑌮𑍁𑌪𑌕𑌲𑍍𑌪𑍍𑌯𑌤𑌾𑌮𑍍 ॥ 16 ॥
𑌅𑌂𑌤𑌃𑌪𑍁𑌰𑌸𑍍𑌯 𑌦𑍍𑌵𑌾𑌰𑌾𑌣𑌿 𑌸𑌰𑍍𑌵𑌸𑍍𑌯 𑌨𑌗𑌰𑌸𑍍𑌯 𑌚 ।
𑌚𑌂𑌦𑌨𑌸𑍍𑌰𑌗𑍍𑌭𑌿𑌰𑌰𑍍𑌚𑍍𑌯𑌂𑌤𑌾𑌂 𑌧𑍂𑌪𑍈𑌶𑍍𑌚 𑌘𑍍𑌰𑌾𑌣𑌹𑌾𑌰𑌿𑌭𑌿𑌃 ॥ 1 ॥
𑌪𑍍𑌰𑌶𑌸𑍍𑌤𑌮𑌨𑍍𑌨𑌂 𑌗𑍁𑌣𑌵𑌦𑍍𑌦𑌧𑌿𑌕𑍍𑌷𑍀𑌰𑍋𑌪𑌸𑍇𑌚𑌨𑌮𑍍 ।
𑌦𑍍𑌵𑌿𑌜𑌾𑌨𑌾𑌂 𑌶𑌤𑌸𑌾𑌹𑌸𑍍𑌰𑍇 𑌯𑌤𑍍𑌪𑍍𑌰𑌕𑌾𑌮𑌮𑌲𑌂 𑌭𑌵𑍇𑌤𑍍 ॥ 1 ॥
𑌸𑌤𑍍𑌕𑍃𑌤𑍍𑌯 𑌦𑍍𑌵𑌿𑌜𑌮𑍁𑌖𑍍𑌯𑌾𑌨𑌾𑌂 𑌶𑍍𑌵𑌃𑌪𑍍𑌰𑌭𑌾𑌤𑍇 𑌪𑍍𑌰𑌦𑍀𑌯𑌤𑌾𑌮𑍍 ।
𑌘𑍃𑌤𑌂 𑌦𑌧𑌿 𑌚 𑌲𑌾𑌜𑌾𑌶𑍍𑌚 𑌦𑌕𑍍𑌷𑌿𑌣𑌾𑌶𑍍𑌚𑌾𑌪𑌿 𑌪𑍁𑌷𑍍𑌕𑌲𑌾𑌃 ॥ 1 ॥
𑌸𑍂𑌰𑍍𑌯𑍇𑌽𑌭𑍍𑌯𑍁𑌦𑌿𑌤𑌮𑌾𑌤𑍍𑌰𑍇 𑌶𑍍𑌵𑍋 𑌭𑌵𑌿𑌤𑌾 𑌸𑍍𑌵𑌸𑍍𑌤𑌿𑌵𑌾𑌚𑌨𑌮𑍍 ।
𑌬𑍍𑌰𑌾𑌹𑍍𑌮𑌣𑌾𑌶𑍍𑌚 𑌨𑌿𑌮𑌂𑌤𑍍𑌰𑍍𑌯𑌂𑌤𑌾𑌂 𑌕𑌲𑍍𑌪𑍍𑌯𑌂𑌤𑌾𑌮𑌾𑌸𑌨𑌾𑌨𑌿 𑌚 ॥ 20 ॥
𑌆𑌬𑌧𑍍𑌯𑌂𑌤𑌾𑌂 𑌪𑌤𑌾𑌕𑌾𑌶𑍍𑌚 𑌰𑌾𑌜𑌮𑌾𑌰𑍍𑌗𑌶𑍍𑌚 𑌸𑌿𑌂𑌚𑍍𑌯𑌤𑌾𑌮𑍍 ।
𑌸𑌰𑍍𑌵𑍇 𑌚 𑌤𑌾𑌲𑌾𑌵𑌚𑌰𑌾 𑌗𑌣𑌿𑌕𑌾𑌶𑍍𑌚 𑌸𑍍𑌵𑌲𑌂𑌕𑍃𑌤𑌾𑌃 ॥ 21 ॥
𑌕𑌕𑍍𑌷𑍍𑌯𑌾𑌂 𑌦𑍍𑌵𑌿𑌤𑍀𑌯𑌾𑌮𑌾𑌸𑌾𑌦𑍍𑌯 𑌤𑌿𑌷𑍍𑌠𑌂𑌤𑍁 𑌨𑍃𑌪𑌵𑍇𑌶𑍍𑌮𑌨𑌃 ।
𑌦𑍇𑌵𑌾𑌯𑌤𑌨𑌚𑍈𑌤𑍍𑌯𑍇𑌷𑍁𑌸𑌾𑌨𑍍𑌨𑌭𑌕𑍍𑌷𑌾 𑌸𑍍𑌸𑌦𑌕𑍍𑌷𑌿𑌣𑌾𑌃 ॥ 22 ॥
𑌉𑌪𑌸𑍍𑌥𑌾𑌪𑌯𑌿𑌤𑌵𑍍𑌯𑌾 𑌸𑍍𑌸𑍍𑌯𑍁𑌰𑍍𑌮𑌾𑌲𑍍𑌯𑌯𑍋𑌗𑍍𑌯𑌾𑌃 𑌪𑍃𑌥𑌕𑍍𑌪𑍃𑌥𑌕𑍍 ।
𑌦𑍀𑌰𑍍𑌘𑌾𑌸𑌿𑌬𑌦𑍍𑌧𑌾 𑌯𑍋𑌧𑌾𑌶𑍍𑌚 𑌸𑌨𑍍𑌨𑌦𑍍𑌧𑌾 𑌮𑍃𑌷𑍍𑌟𑌵𑌾𑌸𑌸𑌃 ॥ 23 ॥
𑌮𑌹𑌾𑌰𑌾𑌜𑌾𑌂𑌗𑌣𑌂 𑌸𑌰𑍍𑌵𑍇 𑌪𑍍𑌰𑌵𑌿𑌶𑌂𑌤𑍁 𑌮𑌹𑍋𑌦𑌯𑌮𑍍 ।
𑌏𑌵𑌂 𑌵𑍍𑌯𑌾𑌦𑌿𑌶𑍍𑌯 𑌵𑌿𑌪𑍍𑌰𑍌 𑌤𑍌 𑌕𑍍𑌰𑌿𑌯𑌾𑌸𑍍𑌤𑌤𑍍𑌰 𑌸𑍁𑌨𑌿𑌷𑍍𑌠𑌿𑌤𑍌 ॥ 24 ॥
𑌚𑌕𑍍𑌰𑌤𑍁𑌶𑍍𑌚𑍈𑌵 𑌯𑌚𑍍𑌛𑍇𑌷𑌂 𑌪𑌾𑌰𑍍𑌥𑌿𑌵𑌾𑌯 𑌨𑌿𑌵𑍇𑌦𑍍𑌯 𑌚 ।
𑌕𑍃𑌤𑌮𑌿𑌤𑍍𑌯𑍇𑌵 𑌚𑌾𑌬𑍍𑌰𑍂𑌤𑌾𑌂 𑌅𑌭𑌿𑌗𑌮𑍍𑌯 𑌜𑌗𑌤𑍍𑌪𑌤𑌿𑌮𑍍 ॥ 25 ॥
𑌯𑌥𑍋𑌕𑍍𑌤𑌵𑌚𑌨𑌂 𑌪𑍍𑌰𑍀𑌤𑍌 𑌹𑌰𑍍𑌷𑌯𑍁𑌕𑍍𑌤𑍌 𑌦𑍍𑌵𑌿𑌜𑌰𑍍𑌷𑌭𑍌 ।
𑌤𑌤𑌸𑍍𑌸𑍁𑌮𑌂𑌤𑍍𑌰𑌂 𑌦𑍍𑌯𑍁𑌤𑌿𑌮𑌾𑌨𑍍𑌰𑌾𑌜𑌾 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌰𑌾𑌮𑌃 𑌕𑍃𑌤𑌾𑌤𑍍𑌮𑌾 𑌭𑌵𑌤𑌾 𑌶𑍀𑌘𑍍𑌰𑌮𑌾𑌨𑍀𑌯𑌤𑌾𑌮𑌿𑌤𑌿 ॥ 26 ॥
𑌸 𑌤𑌥𑍇𑌤𑌿 𑌪𑍍𑌰𑌤𑌿𑌜𑍍𑌞𑌾𑌯 𑌸𑍁𑌮𑌂𑌤𑍍𑌰𑍋 𑌰𑌾𑌜𑌶𑌾𑌸𑌨𑌾𑌤𑍍 ॥ 2 ॥
𑌰𑌾𑌮𑌂 𑌤𑌤𑍍𑌰𑌾𑌨𑌯𑌾𑌂𑌚𑌕𑍍𑌰𑍇 𑌰𑌥𑍇𑌨 𑌰𑌥𑌿𑌨𑌾𑌂 𑌵𑌰𑌮𑍍 ।
𑌅𑌥 𑌤𑌤𑍍𑌰 𑌸𑌮𑌾𑌸𑍀𑌨𑌾 𑌸𑍍𑌤𑌦𑌾 𑌦𑌶𑌰𑌥𑌂 𑌨𑍃𑌪𑌮𑍍 ॥ 2 ॥
𑌪𑍍𑌰𑌾𑌚𑍍𑌯𑍋𑌦𑍀𑌚𑍍𑌯𑌾𑌃 𑌪𑍍𑌰𑌤𑍀𑌚𑍍𑌯𑌾𑌶𑍍𑌚 𑌦𑌾𑌕𑍍𑌷𑌿𑌣𑌾𑌤𑍍𑌯𑌾𑌶𑍍𑌚 𑌭𑍂𑌮𑌿𑌪𑌾𑌃 ।
𑌮𑍍𑌲𑍇𑌚𑍍𑌛𑌾𑌶𑍍𑌚𑌾𑌰𑍍𑌯𑌾𑌶𑍍𑌚 𑌯𑍇 𑌚𑌾𑌨𑍍𑌯𑍇 𑌵𑌨𑌶𑍈𑌲𑌾𑌂𑌤𑌵𑌾𑌸𑌿𑌨𑌃 ॥ 2 ॥
𑌉𑌪𑌾𑌸𑌾𑌂𑌚𑌕𑍍𑌰𑌿𑌰𑍇 𑌸𑌰𑍍𑌵𑍇 𑌤𑌂 𑌦𑍇𑌵𑌾 𑌇𑌵 𑌵𑌾𑌸𑌵𑌮𑍍 ।
𑌤𑍇𑌷𑌾𑌂 𑌮𑌧𑍍𑌯𑍇 𑌸 𑌰𑌾𑌜𑌰𑍍𑌷𑌿𑌰𑍍𑌮𑌰𑍁𑌤𑌾𑌮𑌿𑌵 𑌵𑌾𑌸𑌵𑌃 ॥ 30 ॥
𑌪𑍍𑌰𑌾𑌸𑌾𑌦𑌸𑍍𑌥𑍋 𑌰𑌥𑌗𑌤𑌂 𑌦𑌦𑌰𑍍𑌶𑌾𑌯𑌾𑌂𑌤𑌮𑌾𑌤𑍍𑌮𑌜𑌮𑍍 ।
𑌗𑌂𑌧𑌰𑍍𑌵𑌰𑌾𑌜𑌪𑍍𑌰𑌤𑌿𑌮𑌂 𑌲𑍋𑌕𑍇 𑌵𑌿𑌖𑍍𑌯𑌾𑌤𑌪𑍌𑌰𑍁𑌷𑌮𑍍 ॥ 31 ॥
𑌦𑍀𑌰𑍍𑌘𑌬𑌾𑌹𑍁𑌂 𑌮𑌹𑌾𑌸𑌤𑍍𑌤𑍍𑌵𑌂 𑌮𑌤𑍍𑌤𑌮𑌾𑌤𑌂𑌗𑌗𑌾𑌮𑌿𑌨𑌮𑍍 ।
𑌚𑌂𑌦𑍍𑌰𑌕𑌾𑌂𑌤𑌾𑌨𑌨𑌂 𑌰𑌾𑌮𑌮𑌤𑍀𑌵 𑌪𑍍𑌰𑌿𑌯𑌦𑌰𑍍𑌶𑌨𑌮𑍍 ॥ 32 ॥
𑌰𑍂𑌪𑍌𑌦𑌾𑌰𑍍𑌯𑌗𑍁𑌣𑍈𑌃 𑌪𑍁𑌂𑌸𑌾𑌂 𑌦𑍃𑌷𑍍𑌟𑌿𑌚𑌿𑌤𑍍𑌤𑌾𑌪𑌹𑌾𑌰𑌿𑌣𑌮𑍍 ।
𑌘𑌰𑍍𑌮𑌾𑌭𑌿𑌤𑌪𑍍𑌤𑌾𑌃 𑌪𑌰𑍍𑌜𑌨𑍍𑌯𑌂 𑌹𑍍𑌲𑌾𑌦𑌯𑌂𑌤𑌮𑌿𑌵 𑌪𑍍𑌰𑌜𑌾𑌃 ॥ 33 ॥
𑌨 𑌤𑌤𑌰𑍍𑌪 𑌸𑌮𑌾𑌯𑌾𑌂𑌤𑌂 𑌪𑌶𑍍𑌯𑌮𑌾𑌨𑍋 𑌨𑌰𑌾𑌧𑌿𑌪𑌃 ।
𑌅𑌵𑌤𑌾𑌰𑍍𑌯 𑌸𑍁𑌮𑌂𑌤𑍍𑌰𑌸𑍍𑌤𑌂 𑌰𑌾𑌘𑌵𑌂 𑌸𑍍𑌯𑌂𑌦𑌨𑍋𑌤𑍍𑌤𑌮𑌾𑌤𑍍 ॥ 34 ॥
𑌪𑌿𑌤𑍁𑌸𑍍𑌸𑌮𑍀𑌪𑌂 𑌗𑌚𑍍𑌛𑌂𑌤𑌂 𑌪𑍍𑌰𑌾𑌂𑌜𑌲𑌿𑌃 𑌪𑍃𑌷𑍍𑌠𑌤𑍋𑌽𑌨𑍍𑌵𑌗𑌾𑌤𑍍 ।
𑌸 𑌤𑌂 𑌕𑍈𑌲𑌾𑌸𑌶𑍃𑌂𑌗𑌾𑌭𑌂 𑌪𑍍𑌰𑌾𑌸𑌾𑌦𑌂 𑌨𑌰𑌪𑍁𑌂𑌗𑌵𑌃 ॥ 35 ॥
𑌆𑌰𑍁𑌰𑍋𑌹 𑌨𑍃𑌪𑌂 𑌦𑍍𑌰𑌷𑍍𑌟𑍁𑌂 𑌸𑌹 𑌸𑍂𑌤𑍇𑌨 𑌰𑌾𑌘𑌵𑌃 ।
𑌸 𑌪𑍍𑌰𑌾𑌂𑌜𑌲𑌿𑌰𑌭𑌿𑌪𑍍𑌰𑍇𑌤𑍍𑌯 𑌪𑍍𑌰𑌣𑌤𑌃 𑌪𑌿𑌤𑍁𑌰𑌂𑌤𑌿𑌕𑍇 ॥ 36 ॥
𑌨𑌾𑌮 𑌸𑍍𑌵𑌂 𑌶𑍍𑌰𑌾𑌵𑌯𑌨𑍍𑌰𑌾𑌮𑍋 𑌵𑌵𑌂𑌦𑍇 𑌚𑌰𑌣𑍌 𑌪𑌿𑌤𑍁𑌃 ।
𑌤𑌂 𑌦𑍃𑌷𑍍𑌟𑍍𑌵𑌾 𑌪𑍍𑌰𑌣𑌤𑌂 𑌪𑌾𑌰𑍍𑌶𑍍𑌵𑍇 𑌕𑍃𑌤𑌾𑌂𑌜𑌲𑌿𑌪𑍁𑌟𑌂 𑌨𑍃𑌪𑌃 ॥ 3 ॥
𑌗𑍃𑌹𑍍𑌯𑌾𑌂𑌜𑌲𑍌 𑌸𑌮𑌾𑌕𑍃𑌷𑍍𑌯 𑌸𑌸𑍍𑌵𑌜𑍇 𑌪𑍍𑌰𑌿𑌯𑌮𑌾𑌤𑍍𑌮𑌜𑌮𑍍 ।
𑌤𑌸𑍍𑌮𑍈 𑌚𑌾𑌭𑍍𑌯𑍁𑌦𑌿𑌤𑌂 𑌦𑌿𑌵𑍍𑌯𑌂 𑌮𑌣𑌿𑌕𑌾𑌂𑌚𑌨𑌭𑍂𑌷𑌿𑌤𑌮𑍍 ॥ 3 ॥
𑌦𑌿𑌦𑍇𑌶 𑌰𑌾𑌜𑌾 𑌰𑍁𑌚𑌿𑌰𑌂 𑌰𑌾𑌮𑌾𑌯 𑌪𑌰𑌮𑌾𑌸𑌨𑌮𑍍 ।
𑌤𑌦𑌾𑌸𑌨𑌵𑌰𑌂 𑌪𑍍𑌰𑌾𑌪𑍍𑌯 𑌵𑍍𑌯𑌦𑍀𑌪𑌯𑌤 𑌰𑌾𑌘𑌵𑌃 ॥ 3 ॥
𑌸𑍍𑌵𑌯𑍈𑌵 𑌪𑍍𑌰𑌭𑌯𑌾 𑌮𑍇𑌰𑍁𑌮𑍁𑌦𑌯𑍇 𑌵𑌿𑌮𑌲𑍋 𑌰𑌵𑌿𑌃 ।
𑌤𑍇𑌨 𑌵𑌿𑌭𑍍𑌰𑌾𑌜𑌤𑌾 𑌤𑌤𑍍𑌰 𑌸𑌾 𑌸𑌭𑌾𑌽𑌭𑌿𑌵𑍍𑌯𑌰𑍋𑌚𑌤 ॥ 40 ॥
𑌵𑌿𑌮𑌲𑌗𑍍𑌰𑌹𑌨𑌕𑍍𑌷𑌤𑍍𑌰𑌾 𑌶𑌾𑌰𑌦𑍀 𑌦𑍍𑌯𑍌𑌰𑌿𑌵𑍇𑌂𑌦𑍁𑌨𑌾 ।
𑌤𑌂 𑌪𑌶𑍍𑌯𑌮𑌾𑌨𑍋 𑌨𑍃𑌪𑌤𑌿𑌸𑍍𑌤𑍁𑌤𑍋𑌷 𑌪𑍍𑌰𑌿𑌯𑌮𑌾𑌤𑍍𑌮𑌜𑌮𑍍 ॥ 41 ॥
𑌅𑌲𑌂𑌕𑍃𑌤𑌮𑌿𑌵𑌾𑌤𑍍𑌮𑌾𑌨𑌮𑌾𑌦𑌰𑍍𑌶𑌤𑌲𑌸𑌂𑌸𑍍𑌥𑌿𑌤𑌮𑍍 ।
𑌸 𑌤𑌂 𑌸𑌸𑍍𑌮𑌿𑌤𑌮𑌾𑌭𑌾𑌷𑍍𑌯 𑌪𑍁𑌤𑍍𑌰𑌂 𑌪𑍁𑌤𑍍𑌰𑌵𑌤𑌾𑌂 𑌵𑌰𑌃 ॥ 42 ॥
𑌉𑌵𑌾𑌚𑍇𑌦𑌂 𑌵𑌚𑍋 𑌰𑌾𑌜𑌾 𑌦𑍇𑌵𑍇𑌂𑌦𑍍𑌰𑌮𑌿𑌵 𑌕𑌾𑌶𑍍𑌯𑌪𑌃 ।
𑌜𑍍𑌯𑍇𑌷𑍍𑌠𑌾𑌯𑌾𑌮𑌸𑌿 𑌮𑍇 𑌪𑌤𑍍𑌨𑍍𑌯𑌾𑌂 𑌸𑌦𑍃𑌶𑍍𑌯𑌾𑌂 𑌸𑌦𑍃𑌶𑌸𑍍𑌸𑍁𑌤𑌃 ॥ 43 ॥
𑌉𑌤𑍍𑌪𑌨𑍍𑌨𑌸𑍍𑌤𑍍𑌵𑌂 𑌗𑍁𑌣𑌶𑍍𑌰𑍇𑌷𑍍𑌠𑍋 𑌮𑌮 𑌰𑌾𑌮𑌾𑌤𑍍𑌮𑌜𑌃 𑌪𑍍𑌰𑌿𑌯𑌃 ।
𑌯𑌤𑌸𑍍𑌤𑍍𑌵𑌯𑌾 𑌪𑍍𑌰𑌜𑌾𑌶𑍍𑌚𑍇𑌮𑌾 𑌸𑍍𑌸𑍍𑌵𑌗𑍁𑌣𑍈𑌰𑌨𑍁𑌰𑌂𑌜𑌿𑌤𑌾𑌃 ॥ 44 ॥
𑌤𑌸𑍍𑌮𑌾𑌤𑍍𑌤𑍍𑌵𑌂 𑌪𑍁𑌷𑍍𑌯𑌯𑍋𑌗𑍇𑌨 𑌯𑍌𑌵𑌰𑌾𑌜𑍍𑌯𑌮𑌵𑌾𑌪𑍍𑌨𑍁𑌹𑌿 ।
𑌕𑌾𑌮𑌤𑌸𑍍𑌤𑍍𑌵𑌂 𑌪𑍍𑌰𑌕𑍃𑌤𑍍𑌯𑍈𑌵 𑌵𑌿𑌨𑍀𑌤𑍋 𑌗𑍁𑌣𑌵𑌾𑌨𑌸𑌿 ॥ 45 ॥
𑌗𑍁𑌣𑌵𑌤𑍍𑌯𑌪𑌿 𑌤𑍁 𑌸𑍍𑌨𑍇𑌹𑌾𑌤𑍍𑌪𑍁𑌤𑍍𑌰 𑌵𑌕𑍍𑌷𑍍𑌯𑌾𑌮𑌿 𑌤𑍇 𑌹𑌿𑌤𑌮𑍍 ।
𑌭𑍂𑌯𑍋 𑌵𑌿𑌨𑌯𑌮𑌾𑌸𑍍𑌥𑌾𑌯 𑌭𑌵 𑌨𑌿𑌤𑍍𑌯𑌂 𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 46 ॥
𑌕𑌾𑌮𑌕𑍍𑌰𑍋𑌧𑌸𑌮𑍁𑌤𑍍𑌥𑌾𑌨𑌿 𑌤𑍍𑌯𑌜𑍇𑌥𑌾 𑌵𑍍𑌯𑌸𑌨𑌾𑌨𑌿 𑌚 ।
𑌪𑌰𑍋𑌕𑍍𑌷𑌯𑌾 𑌵𑌰𑍍𑌤𑌮𑌾𑌨𑍋 𑌵𑍃𑌤𑍍𑌤𑍍𑌯𑌾 𑌪𑍍𑌰𑌤𑍍𑌯𑌕𑍍𑌷𑌯𑌾 𑌤𑌥𑌾 ॥ 4 ॥
𑌅𑌮𑌾𑌤𑍍𑌯𑌪𑍍𑌰𑌭𑍃𑌤𑍀𑌸𑍍𑌸𑌰𑍍𑌵𑌾𑌃𑌪𑍍𑌰𑌕𑍃𑌤𑍀𑌶𑍍𑌚𑌾𑌨𑍁𑌰𑌂𑌜𑌯 ।
𑌕𑍋𑌷𑍍𑌠𑌾𑌗𑌾𑌰𑌾𑌯𑍁𑌧𑌾𑌗𑌾𑌰𑍈𑌃𑌕𑍃𑌤𑍍𑌵𑌾 𑌸𑌨𑍍𑌨𑌿𑌚𑌯𑌾𑌨𑍍𑌬𑌹𑍂𑌨𑍍 ॥ 4 ॥
𑌤𑍁𑌷𑍍𑌟𑌾𑌨𑍁𑌰𑌕𑍍𑌤𑌪𑍍𑌰𑌕𑍃𑌤𑌿𑌰𑍍𑌯𑌃 𑌪𑌾𑌲𑌯𑌤𑌿 𑌮𑍇𑌦𑌿𑌨𑍀𑌮𑍍 ।
𑌤𑌸𑍍𑌯𑌨𑌂𑌦𑌂𑌤𑌿 𑌮𑌿𑌤𑍍𑌰𑌾𑌣𑌿 𑌲𑌬𑍍𑌧𑍍𑌵𑌾𑌽𑌮𑍃𑌤𑌮𑌿𑌵𑌾𑌮𑌰𑌾𑌃 ॥ 4 ॥
𑌤𑌸𑍍𑌮𑌾𑌤𑍍𑌤𑍍𑌵𑌮𑌪𑌿 𑌚𑌾𑌤𑍍𑌮𑌾𑌨𑌂 𑌨𑌿𑌯𑌮𑍍𑌯𑍈𑌵𑌂 𑌸𑌮𑌾𑌚𑌰 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌸𑍁𑌹𑍃𑌦𑌸𑍍𑌤𑌸𑍍𑌯 𑌰𑌾𑌮𑌸𑍍𑌯 𑌪𑍍𑌰𑌿𑌯𑌕𑌾𑌰𑌿𑌣𑌃 ॥ 50 ॥
𑌤𑍍𑌵𑌰𑌿𑌤𑌾𑌃 𑌶𑍀𑌘𑍍𑌰𑌮𑌭𑍍𑌯𑍇𑌤𑍍𑌯 𑌕𑍌𑌸𑌲𑍍𑌯𑌾𑌯𑍈 𑌨𑍍𑌯𑌵𑍇𑌦𑌯𑌨𑍍 ।
𑌸𑌾 𑌹𑌿𑌰𑌣𑍍𑌯𑌂 𑌚 𑌗𑌾𑌶𑍍𑌚𑍈𑌵 𑌰𑌤𑍍𑌨𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 51 ॥
𑌵𑍍𑌯𑌾𑌦𑌿𑌦𑍇𑌶 𑌪𑍍𑌰𑌿𑌯𑌾𑌖𑍍𑌯𑍇𑌭𑍍𑌯𑌃 𑌕𑍌𑌸𑌲𑍍𑌯𑌾 𑌪𑍍𑌰𑌮𑌦𑍋𑌤𑍍𑌤𑌮𑌾 ।
𑌅𑌥𑌾𑌽𑌭𑌿𑌵𑌾𑌦𑍍𑌯 𑌰𑌾𑌜𑌾𑌨𑌂 𑌰𑌥𑌮𑌾𑌰𑍁𑌹𑍍𑌯 𑌰𑌾𑌘𑌵𑌃 ॥ 52 ॥
𑌯𑌯𑍌 𑌸𑍍𑌵𑌂 𑌦𑍍𑌯𑍁𑌤𑌿𑌮𑌦𑍍𑌵𑍇𑌶𑍍𑌮 𑌜𑌨𑍌𑌘𑍈𑌃 𑌪𑍍𑌰𑌤𑌿𑌪𑍂𑌜𑌿𑌤𑌃 ।
𑌤𑍇 𑌚𑌾𑌪𑌿 𑌪𑍌𑌰𑌾 𑌨𑍃𑌪𑌤𑍇𑌰𑍍𑌵𑌚𑌸𑍍𑌤 𑌚𑍍𑌛𑍃𑌤𑍍𑌵𑌾 𑌤𑌥𑌾 𑌲𑌾𑌭𑌮𑌿𑌵𑍇𑌷𑍍𑌟𑌮𑌾𑌶𑍁 ।
𑌨𑌰𑍇𑌂𑌦𑍍𑌰𑌮𑌾𑌮𑌂𑌤𑍍𑌰𑍍𑌯 𑌗𑍃𑌹𑌾𑌣𑌿 𑌗𑌤𑍍𑌵𑌾 𑌦𑍇𑌵𑌾𑌨𑍍𑌸𑌮𑌾𑌨𑌰𑍍𑌚𑍁𑌰𑌤𑌿𑌪𑍍𑌰𑌹𑍃𑌷𑍍𑌟𑌾𑌃 ॥ 53 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ॥
