Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.105 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌪𑌂𑌚𑌾𑌧𑌿𑌕𑌶𑌤𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌤𑌤𑌃 𑌪𑍁𑌰𑍁𑌷𑌸𑌿𑌂𑌹𑌾𑌨𑌾𑌂 𑌵𑍃𑌤𑌾𑌨𑌾𑌂 𑌤𑍈 𑌸𑍍𑌸𑍁𑌹𑍃𑌦𑍍𑌗𑌣𑍈𑌃 ।
𑌶𑍋𑌚𑌤𑌾𑌮𑍇𑌵 𑌰𑌜𑌨𑍀 𑌦𑍁𑌃𑌖𑍇𑌨 𑌵𑍍𑌯𑌤𑍍𑌯𑌵𑌰𑍍𑌤𑌤 ॥ 1 ॥

𑌰𑌜𑌨𑍍𑌯𑌾𑌂 𑌸𑍁𑌪𑍍𑌰𑌭𑌾𑌤𑌾𑌯𑌾𑌂 𑌭𑍍𑌰𑌾𑌤𑌰𑌸𑍍𑌤𑍇 𑌸𑍁𑌹𑍃𑌦𑍍𑌵𑍃𑌤𑌾𑌃 ।
𑌮𑌂𑌦𑌾𑌕𑌿𑌨𑍍𑌯𑌾𑌂 𑌹𑍁𑌤𑌂 𑌜𑌪𑍍𑌯𑌂 𑌕𑍃𑌤𑍍𑌵𑌾 𑌰𑌾𑌮𑌮𑍁𑌪𑌾𑌗𑌮𑌨𑍍 ॥ 2 ॥

𑌤𑍂𑌷𑍍𑌣𑍀𑌂 𑌤𑍇 𑌸𑌮𑍁𑌪𑌾𑌸𑍀𑌨𑌾 𑌨 𑌕𑌶𑍍𑌚𑌿𑌤𑍍𑌕𑌿𑌂𑌚𑌿𑌦𑌬𑍍𑌰𑌵𑍀𑌤𑍍 ।
𑌭𑌰𑌤𑌸𑍍𑌤𑍁 𑌸𑍁𑌹𑍃𑌨𑍍𑌮𑌧𑍍𑌯𑍇 𑌰𑌾𑌮𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 3 ॥

𑌸𑌾𑌂𑌤𑍍𑌵𑌿𑌤𑌾 𑌮𑌾𑌮𑌿𑌕𑌾 𑌮𑌾𑌤𑌾 𑌦𑌤𑍍𑌤𑌂 𑌰𑌾𑌜𑍍𑌯𑌮𑌿𑌦𑌂 𑌮𑌮 ।
𑌤𑌦𑍍𑌦𑌦𑌾𑌮𑌿 𑌤𑌵𑍈𑌵𑌾𑌹𑌂 𑌭𑍁𑌂𑌕𑍍𑌷𑍍𑌵 𑌰𑌾𑌜𑍍𑌯𑌮𑌕𑌂𑌟𑌕𑌮𑍍 ॥ 4 ॥

𑌮𑌹𑌤𑍇𑌵𑌾𑌂𑌬𑍁𑌵𑍇𑌗𑍇𑌨 𑌭𑌿𑌨𑍍𑌨𑌸𑍍𑌸𑍇𑌤𑍁𑌰𑍍𑌜𑌲𑌾𑌗𑌮𑍇 ।
𑌦𑍁𑌰𑌾𑌵𑌾𑌰𑌂 𑌤𑍍𑌵𑌦𑌨𑍍𑌯𑍇𑌨 𑌰𑌾𑌜𑍍𑌯𑌖𑌂𑌡𑌮𑌿𑌦𑌂 𑌮𑌹𑌤𑍍 ॥ 5 ॥

𑌗𑌤𑌿𑌂 𑌖𑌰 𑌇𑌵𑌾𑌶𑍍𑌵𑌸𑍍𑌯 𑌤𑌾𑌰𑍍𑌕𑍍𑌷𑍍𑌯𑌸𑍍𑌯𑍇𑌵 𑌪𑌤𑌤𑍍𑌰𑌿𑌣𑌃 ।
𑌅𑌨𑍁𑌗𑌂𑌤𑍁𑌂 𑌨 𑌶𑌕𑍍𑌤𑌿𑌰𑍍𑌮𑍇 𑌗𑌤𑌿𑌂 𑌤𑌵 𑌮𑌹𑍀𑌪𑌤𑍇 ॥ 6 ॥

𑌸𑍁𑌜𑍀𑌵𑌂 𑌨𑌿𑌤𑍍𑌯𑌶𑌸𑍍𑌤𑌸𑍍𑌯 𑌯𑌃 𑌪𑌰𑍈𑌰𑍁𑌪𑌜𑍀𑌵𑍍𑌯𑌤𑍇 ।
𑌰𑌾𑌮 𑌤𑍇𑌨 𑌤𑍁 𑌦𑍁𑌰𑍍𑌜𑍀𑌵𑌂 𑌯𑌃 𑌪𑌰𑌾𑌨𑍁𑌪𑌜𑍀𑌵𑌤𑌿 ॥ 𑍭 ॥

𑌯𑌥𑌾 𑌤𑍁 𑌰𑍋𑌪𑌿𑌤𑍋 𑌵𑍃𑌕𑍍𑌷𑌃 𑌪𑍁𑌰𑍁𑌷𑍇𑌣 𑌵𑌿𑌵𑌰𑍍𑌧𑌿𑌤𑌃 ।
𑌹𑍍𑌰𑌸𑍍𑌵𑌕𑍇𑌣 𑌦𑍁𑌰𑌾𑌰𑍋𑌹𑍋 𑌰𑍂𑌢𑌸𑍍𑌕𑌂𑌧𑍋 𑌮𑌹𑌾𑌦𑍍𑌰𑍁𑌮𑌃 ॥ 𑍮 ॥

𑌸 𑌯𑌦𑌾 𑌪𑍁𑌷𑍍𑌪𑌿𑌤𑍋 𑌭𑍂𑌤𑍍𑌵𑌾 𑌫𑌲𑌾𑌨𑌿 𑌨 𑌵𑌿𑌦𑌰𑍍𑌶𑌯𑍇𑌤𑍍 ।
𑌸 𑌤𑌾𑌂 𑌨𑌾𑌨𑍁𑌭𑌵𑍇𑌤𑍍𑌪𑍍𑌰𑍀𑌤𑌿𑌂 𑌯𑌸𑍍𑌯 𑌹𑍇𑌤𑍋𑌃 𑌪𑍍𑌰𑌰𑍋𑌪𑌿𑌤𑌃 ॥ 𑍯 ॥

𑌏𑌷𑍋𑌪𑌮𑌾 𑌮𑌹𑌾𑌬𑌾𑌹𑍋 𑌤𑌮𑌰𑍍𑌥𑌂 𑌵𑍇𑌤𑍍𑌤𑍁 𑌮𑌰𑍍𑌹𑌸𑌿 ।
𑌯𑌦𑌿 𑌤𑍍𑌵𑌮𑌸𑍍𑌮𑌾𑌨𑍍𑌵𑍃𑌷𑌭𑍋 𑌭𑌰𑍍𑌤𑌾 𑌭𑍃𑌤𑍍𑌯𑌾𑌨𑍍𑌨 𑌶𑌾𑌧𑌿 𑌹𑌿 ॥ 10 ॥

𑌶𑍍𑌰𑍇𑌣𑌯𑌸𑍍𑌤𑍍𑌵𑌾𑌂 𑌮𑌹𑌾𑌰𑌾𑌜 𑌪𑌶𑍍𑌯𑌂𑌤𑍍𑌵𑌗𑍍𑌯𑍍𑌰𑌾𑌶𑍍𑌚 𑌸𑌰𑍍𑌵𑌶𑌃 ।
𑌪𑍍𑌰𑌤𑌪𑌂𑌤𑌮𑌿𑌵𑌾𑌦𑌿𑌤𑍍𑌯𑌂 𑌰𑌾𑌜𑍍𑌯𑍇 𑌸𑍍𑌥𑌿𑌤 𑌮𑌰𑌿𑌂𑌦𑌮𑌮𑍍 ॥ 11 ॥

𑌤𑌵𑌾𑌨𑍁𑌯𑌾𑌨𑍇 𑌕𑌾𑌕𑍁𑌤𑍍𑌸𑍍𑌥 𑌮𑌤𑍍𑌤𑌾 𑌨𑌰𑍍𑌦𑌂𑌤𑍁 𑌕𑍁𑌂𑌜𑌰𑌾𑌃 ।
𑌅𑌂𑌤𑌃𑌪𑍁𑌰𑌗𑌤𑌾 𑌨𑌾𑌰𑍍𑌯𑍋 𑌨𑌂𑌦𑌂𑌤𑍁 𑌸𑍁𑌸𑌮𑌾𑌹𑌿𑌤𑌾𑌃 ॥ 12 ॥

𑌤𑌸𑍍𑌯 𑌸𑌾𑌧𑍍𑌵𑌿𑌤𑍍𑌯𑌮𑌨𑍍𑌯𑌂𑌤 𑌨𑌾𑌗𑌰𑌾 𑌵𑌿𑌵𑌿𑌧𑌾 𑌜𑌨𑌾𑌃 ।
𑌭𑌰𑌤𑌸𑍍𑌯 𑌵𑌚 𑌶𑍍𑌶𑍍𑌰𑍁𑌤𑍍𑌵𑌾 𑌰𑌾𑌮𑌂 𑌪𑍍𑌰𑌤𑍍𑌯𑌨𑍁𑌯𑌾𑌚𑌤𑌃 ॥ 13 ॥

𑌤𑌮𑍇𑌵𑌂 𑌦𑍁𑌃𑌖𑌿𑌤𑌂 𑌪𑍍𑌰𑍇𑌕𑍍𑌷𑍍𑌯 𑌵𑌿𑌲𑌪𑌂𑌤𑌂 𑌯𑌶𑌸𑍍𑌵𑌿𑌨𑌮𑍍 ।
𑌰𑌾𑌮𑌃 𑌕𑍃𑌤𑌾𑌤𑍍𑌮𑌾 𑌭𑌰𑌤𑌂 𑌸𑌮𑌾𑌶𑍍𑌵𑌾𑌸𑌯𑌦𑌾𑌤𑍍𑌮𑌵𑌾𑌨𑍍 ॥ 14 ॥

𑌨𑌾𑌽𑌤𑍍𑌮𑌨𑌃 𑌕𑌾𑌮𑌕𑌾𑌰𑍋𑌽𑌸𑍍𑌤𑌿 𑌪𑍁𑌰𑍁𑌷𑍋𑌽𑌯𑌮𑌨𑍀𑌶𑍍𑌵𑌰𑌃 ।
𑌇𑌤𑌶𑍍𑌚𑍇𑌤𑌰𑌤𑌶𑍍𑌚𑍈𑌨𑌂 𑌕𑍃𑌤𑌾𑌂𑌤𑌃 𑌪𑌰𑌿𑌕𑌰𑍍𑌷𑌤𑌿 ॥ 15 ॥

𑌸𑌰𑍍𑌵𑍇 𑌕𑍍𑌷𑌯𑌾𑌂𑌤𑌾𑌃 𑌨𑌿𑌚𑌯𑌾𑌃 𑌪𑌤𑌨𑌾𑌂𑌤𑌾 𑌸𑌮𑍁𑌚𑍍𑌛𑍍𑌰𑌯𑌾𑌃 ।
𑌸𑌂𑌯𑍋𑌗𑌾 𑌵𑌿𑌪𑍍𑌰𑌯𑍋𑌗𑌾𑌂𑌤𑌾 𑌮𑌰𑌣𑌾𑌂𑌤𑌂 𑌚 𑌜𑍀𑌵𑌿𑌤𑌮𑍍 ॥ 16 ॥

𑌯𑌥𑌾 𑌫𑌲𑌾𑌨𑌾𑌂 𑌪𑌕𑍍𑌵𑌾𑌨𑌾𑌂 𑌨𑌾𑌨𑍍𑌯𑌤𑍍𑌰 𑌪𑌤𑌨𑌾𑌦𑍍𑌭𑌯𑌮𑍍 ।
𑌏𑌵𑌂 𑌨𑌰𑌸𑍍𑌯 𑌜𑌾𑌤𑌸𑍍𑌯 𑌨𑌾𑌨𑍍𑌯𑌤𑍍𑌰 𑌮𑌰𑌣𑌾𑌦𑍍𑌭𑌯𑌮𑍍 ॥ 1𑍭 ॥

𑌯𑌥𑌾𑌽𑌗𑌾𑌰𑌂 𑌦𑍃𑌢𑌸𑍍𑌥𑍂𑌣𑌂 𑌜𑍀𑌰𑍍𑌣𑌂 𑌭𑍂𑌤𑍍𑌵𑌾𑌽𑌵𑌸𑍀𑌦𑌤𑌿 ।
𑌤𑌥𑍈𑌵 𑌸𑍀𑌦𑌂𑌤𑌿 𑌨𑌰𑌾 𑌜𑌰𑌾𑌮𑍃𑌤𑍍𑌯𑍁𑌵𑌶𑌂 𑌗𑌤𑌾𑌃 ॥ 1𑍮 ॥

𑌅𑌤𑍍𑌯𑍇𑌤𑌿 𑌰𑌜𑌨𑍀 𑌯𑌾 𑌤𑍁 𑌸𑌾 𑌨 𑌪𑍍𑌰𑌤𑌿𑌨𑌿𑌵𑌰𑍍𑌤𑌤𑍇 ।
𑌯𑌾𑌤𑍍𑌯𑍇𑌵 𑌯𑌮𑍁𑌨𑌾 𑌪𑍂𑌰𑍍𑌣𑌾 𑌸𑌮𑍁𑌦𑍍𑌰𑌮𑍁𑌦𑌕𑌾𑌕𑍁𑌲𑌮𑍍 ॥ 1𑍯 ॥

𑌅𑌹𑍋 𑌰𑌾𑌤𑍍𑌰𑌾𑌣𑌿 𑌗𑌗𑍍𑌚𑍍𑌛𑌂𑌤𑌿 𑌸𑌰𑍍𑌵𑍇𑌷𑌾𑌂 𑌪𑍍𑌰𑌾𑌣𑌿𑌨𑌾𑌂 𑌇𑌹 ।
𑌆𑌯𑍂𑌮𑍍𑌷𑌿 𑌕𑍍𑌷𑌪𑌯𑌂𑌤𑍍𑌯𑍍 𑌆𑌶𑍁 𑌗𑍍𑌰𑍀𑌷𑍍𑌮𑍇 𑌜𑌲𑌂 𑌇𑌵 𑌅𑌂𑌶𑌵𑌃 ॥ 20 ॥

𑌆𑌤𑍍𑌮𑌾𑌨𑌮𑌨𑍁𑌶𑍋𑌚 𑌤𑍍𑌵𑌂 𑌕𑌿𑌮𑌨𑍍𑌯𑌮𑌨𑍁𑌶𑍋𑌚𑌸𑌿 ।
𑌆𑌯𑍁𑌸𑍍𑌤𑍇 𑌹𑍀𑌯𑌤𑍇 𑌯𑌸𑍍𑌯 𑌸𑍍𑌥𑌿𑌤𑌸𑍍𑌯 𑌚 𑌗𑌤𑌸𑍍𑌯 𑌚 ॥ 21 ॥

𑌸𑌹𑍈𑌵 𑌮𑍃𑌤𑍍𑌯𑍁𑌰𑍍𑌵𑍍𑌰𑌜𑌤𑌿 𑌸𑌹 𑌮𑍃𑌤𑍍𑌯𑍁𑌰𑍍𑌨𑌿𑌷𑍀𑌦𑌤𑌿 ।
𑌗𑌤𑍍𑌵𑌾𑌸𑍁𑌦𑍀𑌰𑍍𑌘𑌮𑌧𑍍𑌵𑌾𑌨𑌂 𑌸𑌹𑌮𑍃𑌤𑍍𑌯𑍁𑌰𑍍𑌨𑌿𑌵𑌰𑍍𑌤𑌤𑍇 ॥ 22 ॥

𑌗𑌾𑌤𑍍𑌰𑍇𑌷𑍁 𑌵𑌲𑌯𑌃 𑌪𑍍𑌰𑌾𑌪𑍍𑌤𑌾 𑌶𑍍𑌶𑍍𑌵𑍇𑌤𑌾𑌶𑍍𑌚𑍈𑌵 𑌶𑌿𑌰𑍋𑌰𑍁𑌹𑌾𑌃 ।
𑌜𑌰𑌯𑌾 𑌪𑍁𑌰𑍁𑌷𑍋 𑌜𑍀𑌰𑍍𑌣𑌃 𑌕𑌿𑌂 𑌹𑌿 𑌕𑍃𑌤𑍍𑌵𑌾 𑌪𑍍𑌰𑌭𑌾𑌵𑌯𑍇𑌤𑍍 ॥ 23 ॥

𑌨𑌂𑌦𑌂𑌤𑍍𑌯𑍁𑌦𑌿𑌤 𑌆𑌦𑌿𑌤𑍍𑌯𑍇 𑌨𑌂𑌦𑌂𑌤𑍍𑌯𑌸𑍍𑌤𑌮𑌿𑌤𑍇𑌽𑌹𑌨𑌿 ।
𑌆𑌤𑍍𑌮𑌨𑍋 𑌨𑌾𑌵𑌬𑍁𑌧𑍍𑌯𑌂𑌤𑍇 𑌮𑌨𑍁𑌷𑍍𑌯𑌾 𑌜𑍀𑌵𑌿𑌤𑌕𑍍𑌷𑌯𑌮𑍍 ॥ 24 ॥

𑌹𑍃𑌷𑍍𑌯𑌂𑌤𑍍𑌯𑍃𑌤𑍁𑌮𑍁𑌖𑌂 𑌦𑍃𑌷𑍍𑌟𑍍𑌵𑌾 𑌨𑌵𑌂 𑌨𑌵𑌮𑌿𑌹𑌾𑌗𑌤𑌮𑍍 ।
𑌋𑌤𑍂𑌨𑌾𑌂 𑌪𑌰𑌿𑌵𑌰𑍍𑌤𑍇𑌨 𑌪𑍍𑌰𑌾𑌣𑌿𑌨𑌾𑌂 𑌪𑍍𑌰𑌾𑌣𑌸𑌂𑌕𑍍𑌷𑌯𑌃 ॥ 25 ॥

𑌯𑌥𑌾 𑌕𑌾𑌷𑍍𑌠𑌂 𑌚 𑌕𑌾𑌷𑍍𑌠𑌂 𑌚 𑌸𑌮𑍇𑌯𑌾𑌤𑌾𑌂 𑌮𑌹𑌾𑌰𑍍𑌣𑌵𑍇 ।
𑌸𑌮𑍇𑌤𑍍𑌯 𑌚 𑌵𑍍𑌯𑌪𑍇𑌯𑌾𑌤𑌾𑌂 𑌕𑌾𑌲𑌮𑌾𑌸𑌾𑌦𑍍𑌯 𑌕𑌂𑌚𑌨 ॥ 26 ॥

𑌏𑌵𑌂 𑌭𑌾𑌰𑍍𑌯𑌾𑌶𑍍𑌚𑌪𑍁𑌤𑍍𑌰𑌾𑌶𑍍𑌚 𑌜𑍍𑌞𑌾𑌤𑌯𑌶𑍍𑌚 𑌧𑌨𑌾𑌨𑌿 𑌚 ।
𑌸𑌮𑍇𑌤𑍍𑌯 𑌵𑍍𑌯𑌵𑌧𑌾𑌵𑌂𑌤𑌿 𑌧𑍍𑌰𑍁𑌵𑍋 𑌹𑍍𑌯𑍇𑌷𑌾𑌂 𑌵𑌿𑌨𑌾𑌭𑌵𑌃 ॥ 2𑍭 ॥

𑌯𑌥𑌾 𑌕𑌾𑌷𑍍𑌠𑌂 𑌚 𑌕𑌾𑌷𑍍𑌠𑌂 𑌚 𑌸𑌮𑍇𑌯𑌾𑌤𑌾𑌂 𑌮𑌹𑌾𑌰𑍍𑌣𑌵𑍇 ।
𑌸𑌮𑍇𑌤𑍍𑌯 𑌚 𑌵𑍍𑌯𑌪𑍇𑌯𑌾𑌤𑌾𑌂 𑌕𑌾𑌲𑌮𑌾𑌸𑌾𑌦𑍍𑌯 𑌕𑌂𑌚𑌨 ॥ 2𑍮 ॥

𑌏𑌵𑌂 𑌭𑌾𑌰𑍍𑌯𑌾𑌶𑍍𑌚𑌪𑍁𑌤𑍍𑌰𑌾𑌶𑍍𑌚 𑌜𑍍𑌞𑌾𑌤𑌯𑌶𑍍𑌚 𑌧𑌨𑌾𑌨𑌿 𑌚 ।
𑌸𑌮𑍇𑌤𑍍𑌯 𑌵𑍍𑌯𑌵𑌧𑌾𑌵𑌂𑌤𑌿 𑌧𑍍𑌰𑍁𑌵𑍋 𑌹𑍍𑌯𑍇𑌷𑌾𑌂 𑌵𑌿𑌨𑌾𑌭𑌵𑌃 ॥ 2𑍯 ॥

𑌨𑌾𑌤𑍍𑌰 𑌕𑌶𑍍𑌚𑌿𑌦𑍍𑌯𑌥𑌾𑌭𑌾𑌵𑌂 𑌪𑍍𑌰𑌾𑌣𑍀 𑌸𑌮𑌭𑌿𑌵𑌰𑍍𑌤𑌤𑍇 ।
𑌤𑍇𑌨 𑌤𑌸𑍍𑌮𑌿𑌨𑍍𑌨 𑌸𑌾𑌮𑌰𑍍𑌥𑍍𑌯𑌂 𑌪𑍍𑌰𑍇𑌤𑌸𑍍𑌯𑌾 𑌸𑍍𑌤𑍍𑌯𑌨𑍁𑌶𑍋𑌚𑌤𑌃 ॥ 30 ॥

𑌯𑌥𑌾 𑌹𑌿 𑌸𑌾𑌰𑍍𑌥𑌂 𑌗𑌚𑍍𑌛𑌂𑌤𑌂 𑌬𑍍𑌰𑍂𑌯𑌾𑌤𑍍𑌕𑌶𑍍𑌚𑌿𑌤𑍍𑌪𑌥𑌿 𑌸𑍍𑌥𑌿𑌤𑌃 ।
𑌅𑌹𑌮𑌪𑍍𑌯𑌾𑌗𑌮𑌿𑌷𑍍𑌯𑌾𑌮𑌿 𑌪𑍃𑌷𑍍𑌠𑌤𑍋 𑌭𑌵𑌤𑌾 𑌮𑌿𑌤𑌿 ॥ 31 ॥

𑌏𑌵𑌂 𑌪𑍂𑌰𑍍𑌵𑍈𑌰𑍍𑌗𑌤𑍋 𑌮𑌾𑌰𑍍𑌗𑌃 𑌪𑌿𑌤𑍃𑌪𑍈𑌤𑌾𑌮𑌹𑍋 𑌧𑍍𑌰𑍁𑌵𑌃 ।
𑌤𑌮𑌾𑌪𑌨𑍍𑌨𑌃 𑌕𑌥𑌂 𑌶𑍋𑌚𑍇𑌦𑍍𑌯𑌸𑍍𑌯 𑌨𑌾𑌸𑍍𑌤𑌿 𑌵𑍍𑌯𑌤𑌿𑌕𑍍𑌰𑌮𑌃 ॥ 32 ॥

𑌵𑌯𑌸𑌃 𑌪𑌤𑌮𑌾𑌨𑌸𑍍𑌯 𑌸𑍍𑌰𑍋𑌤𑌸𑍋 𑌵𑌾𑌽𑌨𑌿𑌵𑌰𑍍𑌤𑌿𑌨𑌃 ।
𑌆𑌤𑍍𑌮𑌾 𑌸𑍁𑌖𑍇 𑌨𑌿𑌯𑍋𑌕𑍍𑌤𑌵𑍍𑌯𑌸𑍍𑌸𑍁𑌖𑌭𑌾𑌜𑌃 𑌪𑍍𑌰𑌜𑌾𑌃 𑌸𑍍𑌮𑍃𑌤𑌾𑌃 ॥ 33 ॥

𑌧𑌰𑍍𑌮𑌾𑌤𑍍𑌮𑌾 𑌸 𑌶𑍁𑌭𑍈𑌃 𑌕𑍃𑌤𑍍𑌸𑍍𑌨𑍈𑌃 𑌕𑍍𑌰𑌤𑍁𑌭𑌿𑌶𑍍𑌚𑌾𑌪𑍍𑌤𑌦𑌕𑍍𑌷𑌿𑌣𑍈𑌃 ।
𑌸𑍍𑌵𑌰𑍍𑌗𑌂 𑌦𑌶𑌰𑌥𑌃 𑌪𑍍𑌰𑌾𑌪𑍍𑌤𑌃 𑌪𑌿𑌤𑌾 𑌨𑌃 𑌪𑍃𑌥𑌿𑌵𑍀𑌪𑌤𑌿𑌃 ॥ 34 ॥

𑌭𑍃𑌤𑍍𑌯𑌾𑌨𑌾𑌂 𑌭𑌰𑌣𑌾𑌤𑍍𑌸𑌮𑍍𑌯𑌕𑍍𑌪𑍍𑌰𑌜𑌾𑌨𑌾𑌂 𑌪𑌰𑌿𑌪𑌾𑌲𑌨𑌾𑌤𑍍 ।
𑌅𑌰𑍍𑌥𑌾𑌦𑌾𑌨𑌾𑌚𑍍𑌚 𑌧𑌰𑍍𑌮𑍇𑌣 𑌪𑌿𑌤𑌾 𑌨 𑌸𑍍𑌤𑍍𑌰𑌿𑌦𑌿𑌵𑌂𑌗𑌤𑌃 ॥ 35 ॥

𑌕𑌰𑍍𑌮𑌭𑌿 𑌸𑍍𑌤𑍁 𑌶𑍁𑌭𑍈𑌰𑌿𑌷𑍍𑌟𑍈𑌃 𑌕𑍍𑌰𑌤𑍁𑌭𑌿𑌶𑍍𑌚𑌾𑌪𑍍𑌤𑌦𑌕𑍍𑌷𑌿𑌣𑍈𑌃 ।
𑌸𑍍𑌵𑌰𑍍𑌗𑌂 𑌦𑌶𑌰𑌥𑌃 𑌪𑍍𑌰𑌾𑌪𑍍𑌤𑌃 𑌪𑌿𑌤𑌾 𑌨𑌃 𑌪𑍃𑌥𑌿𑌵𑍀𑌪𑌤𑌿𑌃 ॥ 36 ॥

𑌇𑌷𑍍𑌟𑍍𑌵𑌾 𑌬𑌹𑍁𑌵𑌿𑌧𑍈𑌰𑍍𑌯𑌜𑍍𑌞𑍈𑌰𑍍𑌭𑍋𑌗𑌾𑌂 𑌶𑍍𑌚𑌾𑌵𑌾𑌪𑍍𑌯 𑌪𑍁𑌷𑍍𑌕𑌲𑌾𑌨𑍍 ।
𑌉𑌤𑍍𑌤𑌮𑌂 𑌚𑌾𑌯𑍁𑌰𑌾𑌸𑌾𑌦𑍍𑌯 𑌸𑍍𑌵𑌰𑍍𑌗𑌤𑌃 𑌪𑍃𑌥𑌿𑌵𑍀𑌪𑌤𑌿𑌃 ॥ 3𑍭 ॥

𑌆𑌯𑍁𑌰𑍁𑌤𑍍𑌤𑌮𑌮𑌾𑌸𑌾𑌦𑍍𑌯 𑌭𑍋𑌗𑌾𑌨𑌪𑌿 𑌚 𑌰𑌾𑌘𑌵𑌃 ।
𑌸 𑌨 𑌶𑍋𑌚𑍍𑌯𑌃 𑌪𑌿𑌤𑌾 𑌤𑌾𑌤 𑌸𑍍𑌵𑌰𑍍𑌗𑌤 𑌸𑍍𑌸𑌤𑍍𑌕𑍃𑌤 𑌸𑍍𑌸𑌤𑌾𑌮𑍍 ॥ 3𑍮 ॥

𑌸 𑌜𑍀𑌰𑍍𑌣𑌂 𑌮𑌾𑌨𑍁𑌷𑌂 𑌦𑍇𑌹𑌂 𑌪𑌰𑌿𑌤𑍍𑌯𑌜𑍍𑌯 𑌪𑌿𑌤𑌾 𑌹𑌿 𑌨𑌃 ।
𑌦𑍈𑌵𑍀𑌮𑍃𑌦𑍍𑌧𑌿𑌮𑌨𑍁𑌪𑍍𑌰𑌾𑌪𑍍𑌤𑍋 𑌬𑍍𑌰𑌹𑍍𑌮𑌲𑍋𑌕𑌵𑌿𑌹𑌾𑌰𑌿𑌣𑍀𑌮𑍍 ॥ 3𑍯 ॥

𑌤𑌂 𑌤𑍁 𑌨𑍈𑌵𑌂𑌵𑌿𑌧𑌃 𑌕𑌶𑍍𑌚𑌿𑌤𑍍𑌪𑍍𑌰𑌾𑌜𑍍𑌞 𑌶𑍍𑌶𑍋𑌚𑌿𑌤𑍁𑌮𑌰𑍍𑌹𑌤𑌿 ।
𑌤𑌤𑍍𑌵𑌿𑌧𑍋 𑌮𑌦𑍍𑌵𑌿𑌧𑌶𑍍𑌚𑌾𑌪𑌿 𑌶𑍍𑌰𑍁𑌤𑌵𑌾𑌨𑍍𑌬𑍁𑌦𑍍𑌧𑌿𑌮𑌤𑍍𑌤𑌰𑌃 ॥ 40 ॥

𑌏𑌤𑍇 𑌬𑌹𑍁𑌵𑌿𑌧𑌾 𑌶𑍋𑌕𑌾 𑌵𑌿𑌲𑌾𑌪𑌰𑍁𑌦𑌿𑌤𑍇 𑌤𑌥𑌾 ।
𑌵𑌰𑍍𑌜𑌨𑍀𑌯𑌾 𑌹𑌿 𑌧𑍀𑌰𑍇𑌣 𑌸𑌰𑍍𑌵𑌾𑌵𑌸𑍍𑌥𑌾𑌸𑍁 𑌧𑍀𑌮𑌤𑌾 ॥ 41 ॥

𑌸 𑌸𑍍𑌵𑌸𑍍𑌥𑍋 𑌭𑌵 𑌮𑌾 𑌶𑍋𑌚𑍇𑌰𑍍𑌯𑌾𑌤𑍍𑌵𑌾 𑌚𑌾𑌵𑌸𑌤𑌾𑌂 𑌪𑍁𑌰𑍀𑌮𑍍 ।
𑌤𑌥𑌾 𑌪𑌿𑌤𑍍𑌰𑌾 𑌨𑌿𑌯𑍁𑌕𑍍𑌤𑍋𑌽𑌸𑌿 𑌵𑌶𑌿𑌨𑌾 𑌵𑌦𑌤𑌾𑌂 𑌵𑌰 ॥ 42 ॥

𑌯𑌤𑍍𑌰𑌾𑌹𑌮𑌪𑌿 𑌤𑍇𑌨𑍈𑌵 𑌨𑌿𑌯𑍁𑌕𑍍𑌤𑌃 𑌪𑍁𑌣𑍍𑌯𑌕𑌰𑍍𑌮𑌣𑌾 ।
𑌤𑌤𑍍𑌰𑍈𑌵𑌾𑌹𑌂 𑌕𑌰𑌿𑌷𑍍𑌯𑌾𑌮𑌿 𑌪𑌿𑌤𑍁𑌰𑌾𑌰𑍍𑌯𑌸𑍍𑌯 𑌶𑌾𑌸𑌨𑌮𑍍 ॥ 43 ॥

𑌨 𑌮𑌯𑌾 𑌶𑌾𑌸𑌨𑌂 𑌤𑌸𑍍𑌯 𑌤𑍍𑌯𑌕𑍍𑌤𑍁𑌂 𑌨𑍍𑌯𑌾𑌯𑍍𑌯 𑌮𑌰𑌿𑌂𑌦𑌮 ।
𑌸 𑌤𑍍𑌵𑌯𑌾𑌪𑌿 𑌸𑌦𑌾 𑌮𑌾𑌨𑍍𑌯𑌂 𑌸 𑌵𑍈 𑌬𑌂𑌧𑍁 𑌸 𑌨𑌃 𑌪𑌿𑌤𑌾 ॥ 44 ॥

𑌤𑌦𑍍𑌵𑌚𑌃 𑌪𑌿𑌤𑍁𑌰𑍇𑌵𑌾𑌹𑌂 𑌸𑌮𑍍𑌮𑌤𑌂 𑌧𑌰𑍍𑌮𑌚𑌾𑌰𑌿𑌣𑌃 ।
𑌕𑌰𑍍𑌮𑌣𑌾 𑌪𑌾𑌲𑌯𑌿𑌷𑍍𑌯𑌾𑌮𑌿 𑌵𑌨𑌵𑌾𑌸𑍇𑌨 𑌰𑌾𑌘𑌵 ॥ 45 ॥

𑌧𑌾𑌰𑍍𑌮𑌿𑌕𑍇𑌣𑌾𑌨𑍃𑌶𑌂𑌸𑍇𑌨 𑌨𑌰𑍇𑌣 𑌗𑍁𑌰𑍁𑌵𑌰𑍍𑌤𑌿𑌨𑌾 ।
𑌭𑌵𑌿𑌤𑌵𑍍𑌯𑌂 𑌨𑌰𑌵𑍍𑌯𑌾𑌘𑍍𑌰 𑌪𑌰𑌲𑍋𑌕𑌂 𑌜𑌿𑌗𑍀𑌷𑌤𑌾 ॥ 46 ॥

𑌆𑌤𑍍𑌮𑌾𑌨𑌮𑌨𑍁𑌤𑌿𑌷𑍍𑌠𑌤𑍍𑌵𑌂 𑌸𑍍𑌵𑌭𑌾𑌵𑍇𑌨 𑌨𑌰𑌰𑍍𑌷𑌭 ।
𑌨𑌿𑌶𑌾𑌮𑍍𑌯𑌤𑍁 𑌶𑍁𑌭𑌂 𑌵𑍃𑌤𑍍𑌤𑌂 𑌪𑌿𑌤𑍁𑌰𑍍𑌦𑌶𑌰𑌥𑌸𑍍𑌯 𑌨𑌃 ॥ 4𑍭 ॥

𑌇𑌤𑍍𑌯𑍇𑌵𑌮𑍁𑌕𑍍𑌤𑍍𑌵𑌾 𑌵𑌚𑌨𑌂 𑌮𑌹𑌾𑌤𑍍𑌮𑌾 𑌪𑌿𑌤𑍁𑌰𑍍𑌨𑌿𑌦𑍇𑌶 𑌪𑍍𑌰𑌤𑌿𑌪𑌾𑌲𑌨𑌾𑌰𑍍𑌥𑌮𑍍 ।
𑌯𑌵𑍀𑌯𑌸𑌂 𑌭𑍍𑌰𑌾𑌤𑌰𑌮𑌰𑍍𑌥𑌵𑌚𑍍𑌚 𑌪𑍍𑌰𑌭𑍁𑌰𑍍𑌮𑍁𑌹𑍂𑌰𑍍𑌤𑌾𑌦𑍍𑌵𑌿𑌰𑌰𑌾𑌮 𑌰𑌾𑌮𑌃 ॥ 4𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑌂𑌚𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: