𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌅𑌭𑌿𑌵𑌾𑌦𑍍𑌯 𑌚 𑌕𑍌𑌸𑌲𑍍𑌯𑌾𑌂 𑌰𑌾𑌮 𑌸𑍍𑌸𑌂𑌪𑍍𑌰𑌸𑍍𑌥𑌿𑌤𑍋 𑌵𑌨𑌮𑍍 ।
𑌕𑍃𑌤𑌸𑍍𑌵𑌸𑍍𑌤𑍍𑌯𑌯𑌨𑍋 𑌮𑌾𑌤𑍍𑌰𑌾 𑌧𑌰𑍍𑌮𑌿𑌷𑍍𑌠𑍇 𑌵𑌰𑍍𑌤𑍍𑌮𑌨𑌿 𑌸𑍍𑌥𑌿𑌤𑌃 ॥ 1 ॥
𑌵𑌿𑌰𑌾𑌜𑌯𑌨𑍍𑌰𑌾𑌜𑌸𑍁𑌤𑍋 𑌰𑌾𑌜𑌮𑌾𑌰𑍍𑌗𑌂 𑌨𑌰𑍈𑌰𑍍𑌵𑍃𑌤𑌮𑍍 ।
𑌹𑍃𑌦𑌯𑌾𑌨𑍍𑌯𑌾𑌮𑌮𑌂𑌥𑍇𑌵 𑌜𑌨𑌸𑍍𑌯 𑌗𑍁𑌣𑌵𑌤𑍍𑌤𑌯𑌾 ॥ 2 ॥
𑌅𑌭𑌿𑌵𑌾𑌦𑍍𑌯 𑌚 𑌕𑍌𑌸𑌲𑍍𑌯𑌾𑌂 𑌰𑌾𑌮 𑌸𑍍𑌸𑌂𑌪𑍍𑌰𑌸𑍍𑌥𑌿𑌤𑍋 𑌵𑌨𑌮𑍍 ।
𑌕𑍃𑌤𑌸𑍍𑌵𑌸𑍍𑌤𑍍𑌯𑌯𑌨𑍋 𑌮𑌾𑌤𑍍𑌰𑌾 𑌧𑌰𑍍𑌮𑌿𑌷𑍍𑌠𑍇 𑌵𑌰𑍍𑌤𑍍𑌮𑌨𑌿 𑌸𑍍𑌥𑌿𑌤𑌃 ॥ 3 ॥
𑌵𑌿𑌰𑌾𑌜𑌯𑌨𑍍𑌰𑌾𑌜𑌸𑍁𑌤𑍋 𑌰𑌾𑌜𑌮𑌾𑌰𑍍𑌗𑌂 𑌨𑌰𑍈𑌰𑍍𑌵𑍃𑌤𑌮𑍍 ।
𑌹𑍃𑌦𑌯𑌾𑌨𑍍𑌯𑌾𑌮𑌮𑌂𑌥𑍇𑌵 𑌜𑌨𑌸𑍍𑌯 𑌗𑍁𑌣𑌵𑌤𑍍𑌤𑌯𑌾 ॥ 4 ॥
𑌵𑍈𑌦𑍇𑌹𑍀 𑌚𑌾𑌪𑌿 𑌤𑌤𑍍𑌸𑌰𑍍𑌵𑌂 𑌨 𑌶𑍁𑌶𑍍𑌰𑌾𑌵 𑌤𑌪𑌸𑍍𑌵𑌿𑌨𑍀 ।
𑌤𑌦𑍇𑌵 𑌹𑍃𑌦𑌿 𑌤𑌸𑍍𑌯𑌾𑌶𑍍𑌚 𑌯𑍌𑌵𑌰𑌾𑌜𑍍𑌯𑌾𑌭𑌿𑌷𑍇𑌚𑌨𑌮𑍍 ॥ 5 ॥
𑌦𑍇𑌵𑌕𑌾𑌰𑍍𑌯𑌂 𑌸𑍍𑌵𑌯𑌂 𑌕𑍃𑌤𑍍𑌵𑌾 𑌕𑍃𑌤𑌜𑍍𑌞𑌾 𑌹𑍃𑌷𑍍𑌟𑌚𑍇𑌤𑌨𑌾 ।
𑌅𑌭𑌿𑌜𑍍𑌞𑌾 𑌰𑌾𑌜𑌧𑌰𑍍𑌮𑌾𑌣𑌾𑌂 𑌰𑌾𑌜𑌪𑍁𑌤𑍍𑌰𑌂 𑌪𑍍𑌰𑌤𑍀𑌕𑍍𑌷𑌤𑍇 ॥ 6 ॥
𑌪𑍍𑌰𑌵𑌿𑌵𑍇𑌶𑌾𑌥 𑌰𑌾𑌮𑌸𑍍𑌤𑍁 𑌸𑍍𑌵𑌂 𑌵𑍇𑌶𑍍𑌮 𑌸𑍁𑌵𑌿𑌭𑍂𑌷𑌿𑌤𑌮𑍍 ।
𑌪𑍍𑌰𑌹𑍃𑌷𑍍𑌟𑌜𑌨𑌸𑌂𑌪𑍂𑌰𑍍𑌣𑌂 𑌹𑍍𑌰𑌿𑌯𑌾 𑌕𑌿𑌂𑌚𑌿𑌦𑌵𑌾𑌙𑍍𑌮𑍁𑌖𑌃 ॥ ॥
𑌅𑌥 𑌸𑍀𑌤𑌾 𑌸𑌮𑍁𑌤𑍍𑌪𑌤𑍍𑌯 𑌵𑍇𑌪𑌮𑌾𑌨𑌾 𑌚 𑌤𑌂 𑌪𑌤𑌿𑌮𑍍 ।
𑌅𑌪𑌶𑍍𑌯𑌚𑍍𑌛𑍋𑌕𑌸𑌂𑌤𑌪𑍍𑌤𑌂 𑌚𑌿𑌂𑌤𑌾𑌵𑍍𑌯𑌾𑌕𑍁𑌲𑌿𑌤𑍇𑌂𑌦𑍍𑌰𑌿𑌯𑌮𑍍 ॥ ॥
𑌤𑌾𑌂 𑌦𑍃𑌷𑍍𑌟𑍍𑌵𑌾 𑌸 𑌹𑌿 𑌧𑌰𑍍𑌮𑌾𑌤𑍍𑌮𑌾 𑌨 𑌶𑌶𑌾𑌕 𑌮𑌨𑍋𑌗𑌤𑌮𑍍 ।
𑌤𑌂 𑌶𑍋𑌕𑌂 𑌰𑌾𑌘𑌵𑌃 𑌸𑍋𑌢𑍁𑌂 𑌤𑌤𑍋 𑌵𑌿𑌵𑍃𑌤𑌤𑌾𑌂 𑌗𑌤𑌃 ॥ ॥
𑌵𑌿𑌵𑌰𑍍𑌣𑌵𑌦𑌨𑌂 𑌦𑍃𑌷𑍍𑌟𑍍𑌵𑌾 𑌤𑌂 𑌪𑍍𑌰𑌸𑍍𑌵𑌿𑌨𑍍𑌨𑌮𑌮𑌰𑍍𑌷𑌣𑌮𑍍 ।
𑌆𑌹 𑌦𑍁𑌃𑌖𑌾𑌭𑌿𑌸𑌂𑌤𑌪𑍍𑌤𑌾 𑌕𑌿𑌮𑌿𑌦𑌾𑌨𑍀𑌮𑌿𑌦𑌂 𑌪𑍍𑌰𑌭𑍋 ॥ 10 ॥
𑌅𑌦𑍍𑌯 𑌬𑌾𑌰𑍍𑌹𑌸𑍍𑌪𑌤 𑌶𑍍𑌶𑍍𑌰𑍀𑌮𑌾𑌨𑍍𑌯𑍁𑌕𑍍𑌤𑌃 𑌪𑍁𑌷𑍍𑌯𑍋𑌽𑌨𑍁 𑌰𑌾𑌘𑌵 ।
𑌪𑍍𑌰𑍋𑌚𑍍𑌯𑌤𑍇 𑌬𑍍𑌰𑌾𑌹𑍍𑌮𑌣𑍈𑌃 𑌪𑍍𑌰𑌾𑌜𑍍𑌞𑍈𑌃 𑌕𑍇𑌨 𑌤𑍍𑌵𑌮𑌸𑌿 𑌦𑍁𑌰𑍍𑌮𑌨𑌾𑌃 ॥ 11 ॥
𑌨 𑌤𑍇 𑌶𑌤𑌶𑌲𑌾𑌕𑍇𑌨 𑌜𑌲𑌫𑍇𑌨𑌨𑌿𑌭𑍇𑌨 𑌚 ।
𑌆𑌵𑍃𑌤𑌂 𑌵𑌦𑌨𑌂 𑌵𑌲𑍍𑌗𑍁 𑌛𑌤𑍍𑌰𑍇𑌣𑌾𑌪𑌿 𑌵𑌿𑌰𑌾𑌜𑌤𑍇 ॥ 12 ॥
𑌵𑍍𑌯𑌜𑌨𑌾𑌭𑍍𑌯𑌾𑌂 𑌚 𑌮𑍁𑌖𑍍𑌯𑌾𑌭𑍍𑌯𑌾𑌂 𑌶𑌤𑌪𑌤𑍍𑌰𑌨𑌿𑌭𑍇𑌕𑍍𑌷𑌣𑌮𑍍 ।
𑌚𑌂𑌦𑍍𑌰𑌹𑌂𑌸𑌪𑍍𑌰𑌕𑌾𑌶𑌾𑌭𑍍𑌯𑌾𑌂 𑌵𑍀𑌜𑍍𑌯𑌤𑍇 𑌨 𑌤𑌵𑌾𑌨𑌨𑌮𑍍 ॥ 13 ॥
𑌵𑌾𑌗𑍍𑌮𑌿𑌨𑍋 𑌵𑌂𑌦𑌿𑌨𑌶𑍍𑌚𑌾𑌪𑌿 𑌪𑍍𑌰𑌹𑍃𑌷𑍍𑌟𑌾𑌸𑍍𑌤𑍍𑌵𑌾𑌂 𑌨𑌰𑌰𑍍𑌷𑌭 ।
𑌸𑍍𑌤𑍁𑌵𑌂𑌤𑍋 𑌨𑌾𑌤𑍍𑌰 𑌦𑍃𑌶𑍍𑌯𑌂𑌤𑍇 𑌮𑌂𑌗𑌲𑍈𑌃 𑌸𑍍𑌸𑍂𑌤𑌮𑌾𑌗𑌧𑌾𑌃 ॥ 14 ॥
𑌨 𑌤𑍇 𑌕𑍍𑌷𑍌𑌦𑍍𑌰𑌂 𑌚 𑌦𑌧𑌿 𑌚 𑌬𑍍𑌰𑌾𑌹𑍍𑌮𑌣𑌾 𑌵𑍇𑌦𑌪𑌾𑌰𑌗𑌾𑌃 ।
𑌮𑍂𑌰𑍍𑌧𑍍𑌨𑌿 𑌮𑍂𑌰𑍍𑌧𑌾𑌭𑌿𑌷𑌿𑌕𑍍𑌤𑌸𑍍𑌯 𑌦𑌦𑌤𑌿 𑌸𑍍𑌮 𑌵𑌿𑌧𑌾𑌨𑌤𑌃 ॥ 15 ॥
𑌨 𑌤𑍍𑌵𑌾𑌂 𑌪𑍍𑌰𑌕𑍃𑌤𑌯 𑌸𑍍𑌸𑌰𑍍𑌵𑌾 𑌶𑍍𑌶𑍍𑌰𑍇𑌣𑍀𑌮𑍁𑌖𑍍𑌯𑌾𑌶𑍍𑌚 𑌭𑍂𑌷𑌿𑌤𑌾𑌃 ।
𑌅𑌨𑍁𑌵𑍍𑌰𑌜𑌿𑌤𑍁𑌮𑌿𑌚𑍍𑌛𑌂𑌤𑌿 𑌪𑍌𑌰𑌜𑌾𑌨𑌪𑌦𑌾𑌸𑍍𑌤𑌥𑌾 ॥ 16 ॥
𑌚𑌤𑍁𑌰𑍍𑌭𑌿𑌰𑍍𑌵𑍇𑌗𑌸𑌂𑌪𑌨𑍍𑌨𑍈𑌰𑍍𑌹𑌯𑍈𑌃 𑌕𑌾𑌂𑌚𑌨𑌭𑍂𑌷𑌿𑌤𑍈𑌃 ।
𑌮𑍁𑌖𑍍𑌯𑌃 𑌪𑍁𑌷𑍍𑌯𑌰𑌥𑍋 𑌯𑍁𑌕𑍍𑌤𑌃 𑌕𑌿𑌂 𑌨 𑌗𑌚𑍍𑌛𑌤𑌿 𑌤𑍇𑌽𑌗𑍍𑌰𑌤𑌃 ॥ 1 ॥
𑌹𑌸𑍍𑌤𑍀 𑌚𑌾𑌗𑍍𑌰𑌤 𑌶𑍍𑌶𑍍𑌰𑍀𑌮𑌾𑌂 𑌸𑍍𑌤𑌵 𑌲𑌕𑍍𑌷𑌣𑌪𑍂𑌜𑌿𑌤𑌃 ।
𑌪𑍍𑌰𑌯𑌾𑌣𑍇 𑌲𑌕𑍍𑌷𑍍𑌯𑌤𑍇 𑌵𑍀𑌰 𑌕𑍃𑌷𑍍𑌣𑌮𑍇𑌘𑌗𑌿𑌰𑌿 𑌪𑍍𑌰𑌭𑌃 ॥ 1 ॥
𑌨 𑌚 𑌕𑌾𑌂𑌚𑌨𑌚𑌿𑌤𑍍𑌰𑌂 𑌤𑍇 𑌪𑌶𑍍𑌯𑌾𑌮𑌿 𑌪𑍍𑌰𑌿𑌯𑌦𑌰𑍍𑌶𑌨 ।
𑌭𑌦𑍍𑌰𑌾𑌸𑌨𑌂 𑌪𑍁𑌰𑌸𑍍𑌕𑍃𑌤𑍍𑌯 𑌯𑌾𑌂𑌤𑌂 𑌵𑍀𑌰 𑌪𑍁𑌰𑌸𑍍𑌕𑍃𑌤𑌮𑍍 ॥ 1 ॥
𑌅𑌭𑌿𑌷𑍇𑌕𑍋 𑌯𑌥𑌾 𑌸𑌜𑍍𑌜𑌃 𑌕𑌿𑌮𑌿𑌦𑌾𑌨𑍀𑌮𑌿𑌦𑌂 𑌤𑌵 ।
𑌅𑌪𑍂𑌰𑍍𑌵𑍋 𑌮𑍁𑌖𑌵𑌰𑍍𑌣𑌶𑍍𑌚 𑌨 𑌪𑍍𑌰𑌹𑌰𑍍𑌷𑌶𑍍𑌚 𑌲𑌕𑍍𑌷𑍍𑌯𑌤𑍇 ॥ 20 ॥
𑌇𑌤𑍀𑌵 𑌵𑌿𑌲𑌪𑌂𑌤𑍀𑌂 𑌤𑌾𑌂 𑌪𑍍𑌰𑍋𑌵𑌾𑌚 𑌰𑌘𑍁𑌨𑌂𑌦𑌨𑌃 ।
𑌸𑍀𑌤𑍇 𑌤𑌤𑍍𑌰 𑌭𑌵𑌾𑌂𑌸𑍍𑌤𑌾𑌤𑌃 𑌪𑍍𑌰𑌵𑍍𑌰𑌾𑌜𑌯𑌤𑌿 𑌮𑌾𑌂 𑌵𑌨𑌮𑍍 ॥ 21 ॥
𑌕𑍁𑌲𑍇 𑌮𑌹𑌤𑌿 𑌸𑌂𑌭𑍂𑌤𑍇 𑌧𑌰𑍍𑌮𑌜𑍍𑌞𑍇 𑌧𑌰𑍍𑌮𑌚𑌾𑌰𑌿𑌣𑌿 ।
𑌶𑍃𑌣𑍁 𑌜𑌾𑌨𑌕𑌿 𑌯𑍇𑌨𑍇𑌦𑌂 𑌕𑍍𑌰𑌮𑍇𑌣𑌾𑌭𑍍𑌯𑌾𑌗𑌤𑌂 𑌮𑌮 ॥ 22 ॥
𑌰𑌾𑌜𑍍𑌞𑌾 𑌸𑌤𑍍𑌯𑌪𑍍𑌰𑌤𑌿𑌜𑍍𑌞𑍇𑌨 𑌪𑌿𑌤𑍍𑌰𑌾 𑌦𑌶𑌰𑌥𑍇𑌨 𑌚 ।
𑌕𑍈𑌕𑍇𑌯𑍍𑌯𑍈 𑌮𑌮 𑌮𑌾𑌤𑍍𑌰𑍇 𑌤𑍁 𑌪𑍁𑌰𑌾 𑌦𑌤𑍍𑌤𑍌 𑌮𑌹𑌾𑌵𑌰𑍌 ॥ 23 ॥
𑌤𑌯𑌾𑌽𑌦𑍍𑌯 𑌮𑌮 𑌸𑌜𑍍𑌜𑍇𑌽𑌸𑍍𑌮𑌿𑌨𑍍𑌨𑌭𑌿𑌷𑍇𑌕𑍇 𑌨𑍃𑌪𑍋𑌦𑍍𑌯𑌤𑍇 ।
𑌪𑍍𑌰𑌚𑍋𑌦𑌿𑌤 𑌸𑍍𑌸 𑌸𑌮𑌯𑍋 𑌧𑌰𑍍𑌮𑍇𑌣 𑌪𑍍𑌰𑌤𑌿𑌨𑌿𑌰𑍍𑌜𑌿𑌤𑌃 ॥ 24 ॥
𑌚𑌤𑍁𑌰𑍍𑌦𑌶 𑌹𑌿 𑌵𑌰𑍍𑌷𑌾𑌣𑌿 𑌵𑌸𑍍𑌤𑌵𑍍𑌯𑌂 𑌦𑌂𑌡𑌕𑍇 𑌮𑌯𑌾 ।
𑌪𑌿𑌤𑍍𑌰𑌾 𑌮𑍇 𑌭𑌰𑌤𑌶𑍍𑌚𑌾𑌪𑌿 𑌯𑍌𑌵𑌰𑌾𑌜𑍍𑌯𑍇 𑌨𑌿𑌯𑍋𑌜𑌿𑌤𑌃 ॥ 25 ॥
𑌸𑍋𑌽𑌹𑌂 𑌤𑍍𑌵𑌾𑌮𑌾𑌗𑌤𑍋 𑌦𑍍𑌰𑌷𑍍𑌟𑍁𑌂 𑌪𑍍𑌰𑌸𑍍𑌥𑌿𑌤𑍋 𑌵𑌿𑌜𑌨𑌂 𑌵𑌨𑌮𑍍 ।
𑌭𑌰𑌤𑌸𑍍𑌯 𑌸𑌮𑍀𑌪𑍇 𑌤𑍁 𑌨𑌾𑌹𑌂 𑌕𑌥𑍍𑌯𑌃 𑌕𑌦𑌾𑌚𑌨 ॥ 26 ॥
𑌬𑍁𑌦𑍍𑌧𑌿𑌯𑍁𑌕𑍍𑌤𑌾 𑌹𑌿 𑌪𑍁𑌰𑍁𑌷𑌾 𑌨 𑌸𑌹𑌂𑌤𑍇 𑌪𑌰𑌸𑍍𑌤𑌵𑌮𑍍 ।
𑌤𑌸𑍍𑌮𑌾𑌨𑍍𑌨𑌤𑍇 𑌗𑍁𑌣𑌾𑌃 𑌕𑌥𑍍𑌯𑌾 𑌭𑌰𑌤𑌸𑍍𑌯𑌾𑌗𑍍𑌰𑌤𑍋 𑌮𑌮 ॥ 2 ॥
𑌨𑌾𑌪𑌿 𑌤𑍍𑌵𑌂 𑌤𑍇𑌨 𑌭𑌰𑍍𑌤𑌵𑍍𑌯𑌾 𑌵𑌿𑌶𑍇𑌷𑍇𑌣 𑌕𑌦𑌾𑌚𑌨 ।
𑌅𑌨𑍁𑌕𑍂𑌲𑌤𑌯𑌾 𑌶𑌕𑍍𑌯𑌂 𑌸𑌮𑍀𑌪𑍇 𑌤𑍍𑌵𑌸𑍍𑌯 𑌵𑌰𑍍𑌤𑌿𑌤𑍁𑌮𑍍 ॥ 2 ॥
𑌤𑌸𑍍𑌮𑍈 𑌦𑌤𑍍𑌤𑌂 𑌨𑍃𑌪𑌤𑌿𑌨𑌾 𑌯𑍌𑌵𑌰𑌾𑌜𑍍𑌯𑌂 𑌸𑌨𑌾𑌤𑌨𑌮𑍍 ।
𑌸 𑌪𑍍𑌰𑌸𑌾𑌦𑍍𑌯𑌸𑍍𑌤𑍍𑌵𑌯𑌾 𑌸𑍀𑌤𑍇 𑌨𑍃𑌪𑌤𑌿𑌶𑍍𑌚 𑌵𑌿𑌶𑍇𑌷𑌤𑌃 ॥ 2 ॥
𑌅𑌹𑌂 𑌚𑌾𑌪𑌿 𑌪𑍍𑌰𑌤𑌿𑌜𑍍𑌞𑌾𑌂 𑌤𑌾𑌂 𑌗𑍁𑌰𑍋𑌸𑍍𑌸𑌮𑌨𑍁𑌪𑌾𑌲𑌯𑌨𑍍 ।
𑌵𑌨𑌮𑌦𑍍𑌯𑍈𑌵 𑌯𑌾𑌸𑍍𑌯𑌾𑌮𑌿 𑌸𑍍𑌥𑌿𑌰𑌾 𑌭𑌵 𑌮𑌨𑌸𑍍𑌵𑌿𑌨𑍀 ॥ 30 ॥
𑌯𑌾𑌤𑍇 𑌚 𑌮𑌯𑌿 𑌕𑌲𑍍𑌯𑌾𑌣𑌿 𑌵𑌨𑌂 𑌮𑍁𑌨𑌿𑌨𑌿𑌷𑍇𑌵𑌿𑌤𑌮𑍍 ।
𑌵𑍍𑌰𑌤𑍋𑌪𑌵𑌾𑌸𑌪𑌰𑌯𑌾 𑌭𑌵𑌿𑌤𑌵𑍍𑌯𑌂 𑌤𑍍𑌵𑌯𑌾𑌽𑌨𑌘𑍇 ॥ 31 ॥
𑌕𑌾𑌲𑍍𑌯𑌮𑍁𑌤𑍍𑌥𑌾𑌯 𑌦𑍇𑌵𑌾𑌨𑌾𑌂 𑌕𑍃𑌤𑍍𑌵𑌾 𑌪𑍂𑌜𑌾𑌂 𑌯𑌥𑌾𑌵𑌿𑌧𑌿 ।
𑌵𑌂𑌦𑌿𑌤𑌵𑍍𑌯𑍋 𑌦𑌶𑌰𑌥𑌃 𑌪𑌿𑌤𑌾 𑌮𑌮 𑌨𑌰𑍇𑌶𑍍𑌵𑌰𑌃 ॥ 32 ॥
𑌵𑌂𑌦𑌿𑌤𑌵𑍍𑌯𑌾𑌶𑍍𑌚 𑌤𑍇 𑌨𑌿𑌤𑍍𑌯𑌂 𑌯𑌾 𑌶𑍍𑌶𑍇𑌷𑌾 𑌮𑌮 𑌮𑌾𑌤𑌰𑌃 ।
𑌸𑍍𑌨𑍇𑌹 𑌪𑍍𑌰𑌣𑌯𑌸𑌂𑌭𑍋𑌗𑍈 𑌸𑍍𑌸𑌮𑌾 𑌹𑌿 𑌮𑌮 𑌮𑌾𑌤𑌰𑌃 ॥ 33 ॥
𑌭𑍍𑌰𑌾𑌤𑍃𑌪𑍁𑌤𑍍𑌰𑌸𑌮𑍌 𑌚𑌾𑌪𑌿 𑌦𑍍𑌰𑌷𑍍𑌟𑌵𑍍𑌯𑍌 𑌚 𑌵𑌿𑌶𑍇𑌷𑌤𑌃 ।
𑌤𑍍𑌵𑌯𑌾 𑌭𑌰𑌤𑌶𑌤𑍍𑌰𑍁𑌘𑍍𑌨𑍌 𑌪𑍍𑌰𑌾𑌣𑍈𑌃 𑌪𑍍𑌰𑌿𑌯𑌤𑌰𑍌 𑌮𑌮 ॥ 34 ॥
𑌵𑌿𑌪𑍍𑌰𑌿𑌯𑌂 𑌨 𑌚 𑌕𑌰𑍍𑌤𑌵𑍍𑌯𑌂 𑌭𑌰𑌤𑌸𑍍𑌯 𑌕𑌦𑌾𑌚𑌨 ।
𑌸 𑌹𑌿 𑌰𑌾𑌜𑌾 𑌪𑍍𑌰𑌭𑍁𑌶𑍍𑌚𑍈𑌵 𑌦𑍇𑌶𑌸𑍍𑌯 𑌚 𑌕𑍁𑌲𑌸𑍍𑌯 𑌚 ॥ 35 ॥
𑌆𑌰𑌾𑌧𑌿𑌤𑌾 𑌹𑌿 𑌶𑍀𑌲𑍇𑌨 𑌪𑍍𑌰𑌯𑌤𑍍𑌨𑍈𑌶𑍍𑌚𑍋𑌪𑌸𑍇𑌵𑌿𑌤𑌾𑌃 ।
𑌰𑌾𑌜𑌾𑌨 𑌸𑍍𑌸𑌂𑌪𑍍𑌰𑌸𑍀𑌦𑌂𑌤𑌿 𑌕𑍁𑌪𑍍𑌯𑌂𑌤𑌿𑌚 𑌵𑌿𑌪𑌰𑍍𑌯𑌯𑍇 ॥ 36 ॥
𑌔𑌰𑌸𑌾𑌨𑌪𑌿 𑌪𑍁𑌤𑍍𑌰𑌾𑌨𑍍𑌹𑌿 𑌤𑍍𑌯𑌜𑌂𑌤𑍍𑌯𑌹𑌿𑌤𑌕𑌾𑌰𑌿𑌣𑌃 ।
𑌸𑌮𑌰𑍍𑌥𑌾𑌨𑍍𑌸𑌂𑌪𑍍𑌰𑌗𑍃𑌹𑍍𑌣𑌂𑌤𑌿 𑌜𑌨𑌾𑌨𑌪𑌿 𑌨𑌰𑌾𑌧𑌿𑌪𑌾𑌃 ॥ 3 ॥
𑌸𑌾 𑌤𑍍𑌵𑌂 𑌵𑌸𑍇𑌹 𑌕𑌲𑍍𑌯𑌾𑌣𑌿 𑌰𑌾𑌜𑍍𑌞𑌸𑍍𑌸𑌮𑌨𑍁𑌵𑌰𑍍𑌤𑌿𑌨𑍀 ।
𑌭𑌰𑌤𑌸𑍍𑌯 𑌰𑌤𑌾 𑌧𑌰𑍍𑌮𑍇 𑌸𑌤𑍍𑌯𑌵𑍍𑌰𑌤𑌪𑌰𑌾𑌯𑌣𑌾 ॥ 3 ॥
𑌅𑌹𑌂 𑌗𑌮𑌿𑌷𑍍𑌯𑌾𑌮𑌿 𑌮𑌹𑌾𑌵𑌨𑌂 𑌪𑍍𑌰𑌿𑌯𑍇 𑌤𑍍𑌵𑌯𑌾 𑌹𑌿 𑌵𑌸𑍍𑌤𑌵𑍍𑌯𑌮𑌿𑌹𑍈𑌵 𑌭𑌾𑌮𑌿𑌨𑌿 ।
𑌯𑌥𑌾 𑌵𑍍𑌯𑌲𑍀𑌕𑌂 𑌕𑍁𑌰𑍁𑌷𑍇 𑌨 𑌕𑌸𑍍𑌯 𑌚𑌿 𑌤𑍍𑌤𑌥𑌾 𑌤𑍍𑌵𑌯𑌾 𑌕𑌾𑌰𑍍𑌯𑌮𑌿𑌦𑌂 𑌵𑌚𑍋 𑌮𑌮 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌡𑍍𑌵𑌿𑌂𑌶𑌸𑍍𑌸𑌰𑍍𑌗𑌃 ॥
