𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌨𑌵𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌜𑌾𑌬𑌾𑌲𑍇𑌸𑍍𑌤𑍁 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌰𑌾𑌮 𑌸𑍍𑌸𑌤𑍍𑌯𑌾𑌤𑍍𑌮𑌨𑌾𑌂 𑌵𑌰𑌃 ।
𑌉𑌵𑌾𑌚 𑌪𑌰𑌯𑌾 𑌭𑌕𑍍𑌤𑍍𑌯𑌾 𑌸𑍍𑌵𑌬𑍁𑌦𑍍𑌧𑍍𑌯𑌾 𑌚𑌾𑌵𑌿𑌪𑌨𑍍𑌨𑌯𑌾 ॥ 1 ॥
𑌭𑌵𑌾𑌨𑍍𑌮𑍇 𑌪𑍍𑌰𑌿𑌯𑌕𑌾𑌮𑌾𑌰𑍍𑌥𑌂 𑌵𑌚𑌨𑌂 𑌯𑌦𑌿𑌹𑍋𑌕𑍍𑌤𑌵𑌾𑌨𑍍 ।
𑌅𑌕𑌾𑌰𑍍𑌯𑌂 𑌕𑌾𑌰𑍍𑌯𑌸𑌂𑌕𑌾𑌶𑌮𑌪𑌥𑍍𑌯𑌂 𑌪𑌥𑍍𑌯𑌸𑌮𑍍𑌮𑌤𑌮𑍍 ॥ 2 ॥
𑌨𑌿𑌰𑍍𑌮𑌰𑍍𑌯𑌾𑌦𑌸𑍍𑌤𑍁 𑌪𑍁𑌰𑍁𑌷𑌃 𑌪𑌾𑌪𑌾𑌚𑌾𑌰𑌸𑌮𑌨𑍍𑌵𑌿𑌤𑌃 ।
𑌮𑌾𑌨𑌂 𑌨 𑌲𑌭𑌤𑍇 𑌸𑌤𑍍𑌸𑍁 𑌭𑌿𑌨𑍍𑌨𑌚𑌾𑌰𑌿𑌤𑍍𑌰𑌦𑌰𑍍𑌶𑌨𑌃 ॥ 3 ॥
𑌕𑍁𑌲𑍀𑌨𑌮𑌕𑍁𑌲𑍀𑌨𑌂 𑌵𑌾 𑌵𑍀𑌰𑌂 𑌪𑍁𑌰𑍁𑌷𑌮𑌾𑌨𑌿𑌨𑌮𑍍 ।
𑌚𑌾𑌰𑌿𑌤𑍍𑌰𑌮𑍇𑌵 𑌵𑍍𑌯𑌾𑌖𑍍𑌯𑌾𑌤𑌿 𑌶𑍁𑌚𑌿𑌂 𑌵𑌾 𑌯𑌦𑌿 𑌵𑌾𑌽𑌶𑍁𑌚𑌿𑌮𑍍 ॥ 4 ॥
𑌅𑌨𑌾𑌰𑍍𑌯𑌸𑍍𑌤𑍍𑌵𑌾𑌰𑍍𑌯𑌸𑌂𑌕𑌾𑌶 𑌶𑍍𑌶𑍌𑌚𑌾𑌦𑍍𑌦𑍀𑌨𑌸𑍍𑌤𑌾𑌥𑌾𑌽𑌶𑍁𑌚𑌿𑌃 ।
𑌲𑌕𑍍𑌷𑌣𑍍𑌯𑌵𑌦𑌲𑌕𑍍𑌷𑌣𑍍𑌯𑍋 𑌦𑍁𑌶𑍍𑌶𑍀𑌲𑌶𑍍𑌶𑍀𑌲𑌵𑌾𑌨𑌿𑌵 ॥ 5 ॥
𑌅𑌧𑌰𑍍𑌮𑌂 𑌧𑌰𑍍𑌮𑌵𑍇𑌶𑍇𑌣 𑌯𑌦𑍀𑌮𑌂 𑌲𑍋𑌕𑌸𑌂𑌕𑍁𑌰𑌮𑍍 ।
𑌅𑌭𑌿𑌪𑌤𑍍𑌸𑍍𑌯𑍇 𑌶𑍁𑌭𑌂 𑌹𑌿𑌤𑍍𑌵𑌾 𑌕𑍍𑌰𑌿𑌯𑌾𑌵𑌿𑌧𑌿𑌵𑌿𑌵𑌰𑍍𑌜𑌿𑌤𑌮𑍍 ॥ 6 ॥
𑌕𑌶𑍍𑌚𑍇𑌤𑌯𑌾𑌨𑌃 𑌪𑍁𑌰𑍁𑌷𑌃 𑌕𑌾𑌰𑍍𑌯𑌾𑌕𑌾𑌰𑍍𑌯𑌵𑌿𑌚𑌕𑍍𑌷𑌣𑌃 ।
𑌬𑌹𑍁𑌮𑌂𑌸𑍍𑌯𑌤𑌿 𑌮𑌾𑌂 𑌲𑍋𑌕𑍇 𑌦𑍁𑌰𑍍𑌵𑍃𑌤𑍍𑌤𑌂 𑌲𑍋𑌕𑌦𑍂𑌷𑌣𑌮𑍍 ॥ ॥
𑌕𑌸𑍍𑌯 𑌦𑌾𑌸𑍍𑌯𑌾𑌮𑍍𑌯𑌹𑌂 𑌵𑍃𑌤𑍍𑌤𑌂 𑌕𑍇𑌨 𑌵𑌾 𑌸𑍍𑌵𑌰𑍍𑌗𑌮𑌾𑌪𑍍𑌨𑍁𑌯𑌾𑌮𑍍 ।
𑌆𑌨𑌯𑌾 𑌵𑌰𑍍𑌤𑌮𑌾𑌨𑍋 𑌹𑌿 𑌵𑍃𑌤𑍍𑌤𑍍𑌯𑌾 𑌹𑍀𑌨𑌪𑍍𑌰𑌤𑌿𑌜𑍍𑌞𑌯𑌾 ॥ ॥
𑌕𑌾𑌮𑌵𑍃𑌤𑍍𑌤𑌸𑍍𑌤𑍍𑌵𑌯𑌂 𑌲𑍋𑌕𑌃 𑌕𑍃𑌤𑍍𑌸𑍍𑌨 𑌸𑍍𑌸𑌮𑍁𑌪𑌵𑌰𑍍𑌤𑌤𑍇 ।
𑌯𑌦𑍍𑌵𑍃𑌤𑍍𑌤𑌾 𑌸𑍍𑌸𑌂𑌤𑌿 𑌰𑌾𑌜𑌾𑌨𑌸𑍍𑌤𑌦𑍍𑌵𑍃𑌤𑍍𑌤𑌾 𑌸𑍍𑌸𑌂𑌤𑌿 𑌹𑌿 𑌪𑍍𑌰𑌜𑌾𑌃 ॥ ॥
𑌸𑌤𑍍𑌯𑌮𑍇𑌵𑌾𑌨𑍃𑌶𑌂𑌸𑌂 𑌚 𑌰𑌾𑌜𑌵𑍃𑌤𑍍𑌤𑌂 𑌸𑌨𑌾𑌤𑌨𑌮𑍍 ।
𑌤𑌸𑍍𑌮𑌾𑌤𑍍𑌸𑌤𑍍𑌯𑌾𑌤𑍍𑌮𑌕𑌂 𑌰𑌾𑌜𑍍𑌯𑌂 𑌸𑌤𑍍𑌯𑍇 𑌲𑍋𑌕𑌃 𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 10 ॥
𑌋𑌷𑌯𑌶𑍍𑌚𑍈𑌵 𑌦𑍇𑌵𑌾𑌶𑍍𑌚 𑌸𑌤𑍍𑌯𑌮𑍇𑌵 𑌹𑌿 𑌮𑍇𑌨𑌿𑌰𑍇 ।
𑌸𑌤𑍍𑌯𑌵𑌾𑌦𑍀 𑌹𑌿 𑌲𑍋𑌕𑍇𑌽𑌸𑍍𑌮𑌿𑌨𑍍𑌪𑌰𑌮𑌂 𑌗𑌚𑍍𑌛𑌤𑌿 𑌕𑍍𑌷𑌯𑌮𑍍 ॥ 11 ॥
𑌉𑌦𑍍𑌵𑌿𑌜𑌂𑌤𑍇 𑌯𑌥𑌾 𑌸𑌰𑍍𑌪𑌾𑌨𑍍𑌨𑌰𑌾𑌦𑌨𑍃𑌤𑌵𑌾𑌦𑌿𑌨𑌃 ।
𑌧𑌰𑍍𑌮 𑌸𑍍𑌸𑌤𑍍𑌯𑌂 𑌪𑌰𑍋 𑌲𑍋𑌕𑍇 𑌮𑍂𑌲𑌂 𑌸𑍍𑌵𑌰𑍍𑌗𑌸𑍍𑌯 𑌚𑍋𑌚𑍍𑌯𑌤𑍇 ॥ 12 ॥
𑌸𑌤𑍍𑌯𑌮𑍇𑌵𑍇𑌶𑍍𑌵𑌰𑍋 𑌲𑍋𑌕𑍇 𑌸𑌤𑍍𑌯𑌂 𑌪𑌦𑍍𑌮𑌾𑌶𑍍𑌰𑌿𑌤𑌾 𑌸𑌦𑌾 ।
𑌸𑌤𑍍𑌯𑌮𑍂𑌲𑌾𑌨𑌿 𑌸𑌰𑍍𑌵𑌾𑌣𑌿 𑌸𑌤𑍍𑌯𑌾𑌨𑍍𑌨𑌾𑌸𑍍𑌤𑌿 𑌪𑌰𑌂 𑌪𑌦𑌮𑍍 ॥ 13 ॥
𑌦𑌤𑍍𑌤𑌮𑌿𑌷𑍍𑌟𑌂 𑌹𑍁𑌤𑌂 𑌚𑍈𑌵 𑌤𑌪𑍍𑌤𑌾𑌨𑌿 𑌚 𑌤𑌪𑌾𑌂𑌸𑌿 𑌚 ।
𑌵𑍇𑌦𑌾 𑌸𑍍𑌸𑌤𑍍𑌯𑌪𑍍𑌰𑌤𑌿𑌷𑍍𑌠𑌾𑌨𑌾 𑌸𑍍𑌤𑌸𑍍𑌮𑌾𑌤𑍍𑌸𑌤𑍍𑌯𑌪𑌰𑍋 𑌭𑌵𑍇𑌤𑍍 ॥ 14 ॥
𑌏𑌕𑌃 𑌪𑌾𑌲𑌯𑌤𑍇 𑌲𑍋𑌕𑌮𑍇𑌕𑌃 𑌪𑌾𑌲𑌯𑌤𑍇 𑌕𑍁𑌲𑌮𑍍 ।
𑌮𑌜𑍍𑌜𑌤𑍍𑌯𑍇𑌕𑍋 𑌹𑌿 𑌨𑌿𑌰𑌯 𑌏𑌕 𑌸𑍍𑌸𑍍𑌵𑌰𑍍𑌗𑍇 𑌮𑌹𑍀𑌯𑌤𑍇 ॥ 15 ॥
𑌸𑍋𑌽𑌹𑌂 𑌪𑌿𑌤𑍁𑌰𑍍𑌨𑌿𑌯𑍋𑌗𑌂 𑌤𑍁 𑌕𑌿𑌮𑌰𑍍𑌥𑌂 𑌨𑌾𑌨𑍁𑌪𑌾𑌲𑌯𑍇 ।
𑌸𑌤𑍍𑌯𑌪𑍍𑌰𑌤𑌿𑌶𑍍𑌰𑌵 𑌸𑍍𑌸𑌤𑍍𑌯𑌂 𑌸𑌤𑍍𑌯𑍇𑌨 𑌸𑌮𑌯𑍀𑌕𑍃𑌤𑌃 ॥ 16 ॥
𑌨𑍈𑌵 𑌲𑍋𑌭𑌾𑌨𑍍𑌨 𑌮𑍋𑌹𑌾𑌦𑍍𑌵𑌾 𑌨 𑌹𑍍𑌯𑌜𑍍𑌞𑌾𑌨𑌾𑌤𑍍𑌤𑌮𑍋𑌽𑌨𑍍𑌵𑌿𑌤𑌃 ।
𑌸𑍇𑌤𑍁𑌂 𑌸𑌤𑍍𑌯𑌸𑍍𑌯 𑌭𑍇𑌤𑍍𑌸𑍍𑌯𑌾𑌮𑌿 𑌗𑍁𑌰𑍋 𑌸𑍍𑌸𑌤𑍍𑌯𑌪𑍍𑌰𑌤𑌿𑌶𑍍𑌰𑌵𑌃 ॥ 1 ॥
𑌅𑌸𑌤𑍍𑌯𑌸𑌂𑌧𑌸𑍍𑌯 𑌸𑌤𑌶𑍍𑌚𑌲𑌸𑍍𑌯𑌾𑌸𑍍𑌥𑌿𑌰𑌚𑍇𑌤𑌸𑌃 ।
𑌨𑍈𑌵 𑌦𑍇𑌵𑌾 𑌨 𑌪𑌿𑌤𑌰𑌃 𑌪𑍍𑌰𑌤𑍀𑌚𑍍𑌛𑌂𑌤𑍀𑌤𑌿 𑌨𑌃 𑌶𑍍𑌰𑍁𑌤𑌮𑍍 ॥ 1 ॥
𑌪𑍍𑌰𑌤𑍍𑌯𑌗𑌾𑌤𑍍𑌮𑌮𑌿𑌮𑌂 𑌧𑌰𑍍𑌮𑌂 𑌸𑌤𑍍𑌯𑌂 𑌪𑌶𑍍𑌯𑌾𑌮𑍍𑌯𑌹𑌂 𑌸𑍍𑌵𑌯𑌮𑍍 ।
𑌭𑌾𑌰 𑌸𑍍𑌸𑌤𑍍𑌪𑍁𑌰𑍁𑌷𑌾𑌚𑍀𑌰𑍍𑌣𑌸𑍍𑌤𑌦𑌰𑍍𑌥𑌮𑌭𑌿𑌮𑌨𑍍𑌯𑌤𑍇 ॥ 1 ॥
𑌕𑍍𑌷𑌾𑌤𑍍𑌰𑌂 𑌧𑌰𑍍𑌮𑌮𑌹𑌂𑌤𑍍𑌯𑌕𑍍𑌷𑍍𑌯𑍇 𑌹𑍍𑌯𑌧𑌰𑍍𑌮𑌂 𑌧𑌰𑍍𑌮𑌸𑌂𑌹𑌿𑌤𑌮𑍍 ।
𑌕𑍍𑌷𑍁𑌦𑍍𑌰𑍈𑌰𑍍𑌨𑍃𑌶𑌂𑌸𑍈𑌰𑍍𑌲𑍁𑌬𑍍𑌧𑍈𑌶𑍍𑌚 𑌸𑍇𑌵𑌿𑌤𑌂 𑌪𑌾𑌪𑌕𑌰𑍍𑌮𑌭𑌿𑌃 ॥ 20 ॥
𑌕𑌾𑌯𑍇𑌨 𑌕𑍁𑌰𑍁𑌤𑍇 𑌪𑌾𑌪𑌂 𑌮𑌨𑌸𑌾 𑌸𑌂𑌪𑍍𑌰𑌧𑌾𑌰𑍍𑌯 𑌤𑌤𑍍 ।
𑌅𑌨𑍃𑌤𑌂 𑌜𑌿𑌹𑍍𑌵𑌯𑌾 𑌚𑌾𑌹 𑌤𑍍𑌰𑌿𑌵𑌿𑌧𑌂 𑌕𑌰𑍍𑌮𑌪𑌾𑌤𑌕𑌮𑍍 ॥ 21 ॥
𑌭𑍂𑌮𑌿𑌃 𑌕𑍀𑌰𑍍𑌤𑌿𑌰𑍍𑌯𑌶𑍋 𑌲𑌕𑍍𑌷𑍍𑌮𑍀𑌃 𑌪𑍁𑌰𑍁𑌷𑌂 𑌪𑍍𑌰𑌾𑌰𑍍𑌥𑌯𑌂𑌤𑌿 𑌹𑌿 ।
𑌸𑌤𑍍𑌯𑌂 𑌸𑌮𑌨𑍁𑌵𑌰𑍍𑌤𑌨𑍇 𑌸𑌤𑍍𑌯𑌮𑍇𑌵 𑌭𑌜𑍇𑌤 𑌤𑌤𑌃 ॥ 22 ॥
𑌶𑍍𑌰𑍇𑌷𑍍𑌠𑌂 𑌹𑍍𑌯𑌨𑌾𑌰𑍍𑌯𑌮𑍇𑌵 𑌸𑍍𑌯𑌾𑌦𑍍𑌯𑌦𑍍𑌭𑌵𑌾𑌨𑌵𑌧𑌾𑌰𑍍𑌯 𑌮𑌾𑌮𑍍 ।
𑌆𑌹 𑌯𑍁𑌕𑍍𑌤𑌿 𑌕𑌰𑍈𑌰𑍍𑌵𑌾𑌕𑍍𑌯𑍈𑌰𑌿𑌦𑌂 𑌭𑌦𑍍𑌰𑌂 𑌕𑍁𑌰𑍁𑌷𑍍𑌵 𑌹 ॥ 23 ॥
𑌕𑌥𑌂 𑌹𑍍𑌯𑌹𑌂 𑌪𑍍𑌰𑌤𑌿𑌜𑍍𑌞𑌾𑌯 𑌵𑌨𑌵𑌾𑌸𑌮𑌿𑌮𑌂 𑌗𑍁𑌰𑍋𑌃 ।
𑌭𑌰𑌤𑌸𑍍𑌯 𑌕𑌰𑌿𑌷𑍍𑌯𑌾𑌮𑌿 𑌵𑌚𑍋 𑌹𑌿𑌤𑍍𑌵𑌾 𑌗𑍁𑌰𑍋𑌰𑍍𑌵𑌚𑌃 ॥ 24 ॥
𑌸𑍍𑌥𑌿𑌰𑌾 𑌮𑌯𑌾 𑌪𑍍𑌰𑌤𑌿𑌜𑍍𑌞𑌾𑌤𑌾 𑌪𑍍𑌰𑌤𑌿𑌜𑍍𑌞𑌾 𑌗𑍁𑌰𑍁𑌸𑌨𑍍𑌨𑌿𑌧𑍌 ।
𑌪𑍍𑌰𑌹𑍃𑌷𑍍𑌯𑌮𑌾𑌣𑌾 𑌸𑌾 𑌦𑍇𑌵𑍀 𑌕𑍈𑌕𑍇𑌯𑍀 𑌚𑌾𑌭𑌵𑌤𑍍𑌤𑌦𑌾 ॥ 25 ॥
𑌵𑌨𑌵𑌾𑌸𑌂 𑌵𑌸𑌨𑍍𑌨𑍇𑌵 𑌶𑍁𑌚𑌿𑌰𑍍𑌨𑌿𑌯𑌤𑌭𑍋𑌜𑌨𑌃 ।
𑌮𑍂𑌲𑌪𑍁𑌷𑍍𑌪𑌫𑌲𑍈𑌃 𑌪𑍁𑌣𑍍𑌯𑍈𑌃 𑌪𑌿𑌤𑍍𑌰𑍂𑌨𑍍 𑌦𑍇𑌵𑌾𑌂𑌶𑍍𑌚 𑌤𑌰𑍍𑌪𑌯𑌨𑍍 ॥ 26 ॥
𑌸𑌂𑌤𑍁𑌷𑍍𑌟𑌪𑌂𑌚𑌵𑌰𑍍𑌗𑍋𑌽𑌹𑌂 𑌲𑍋𑌕𑌯𑌾𑌤𑍍𑌰𑌾𑌂 𑌪𑍍𑌰𑌵𑌰𑍍𑌤𑌯𑍇 ।
𑌅𑌕𑍁𑌹 𑌶𑍍𑌶𑍍𑌰𑌦𑍍𑌧𑌧𑌾𑌨𑌸𑍍𑌸𑌨𑍍𑌕𑌾𑌰𑍍𑌯𑌾𑌕𑌾𑌰𑍍𑌯𑌵𑌿𑌚𑌕𑍍𑌷𑌣𑌃 ॥ 2 ॥
𑌵𑌨𑌵𑌾𑌸𑌂 𑌵𑌸𑌨𑍍𑌨𑍇𑌵𑌂 𑌶𑍁𑌚𑌿𑌰𑍍𑌨𑌿𑌯𑌤𑌭𑍋𑌜𑌨𑌃 ।
𑌮𑍂𑌲𑍈𑌃 𑌪𑍁𑌷𑍍𑌪𑍈𑌃 𑌫𑌲𑍈𑌃 𑌪𑍁𑌣𑍍𑌯𑍈𑌃 𑌪𑌿𑌤𑍍𑌰𑍂𑌨𑍍 𑌦𑍇𑌵𑌾𑌂𑌶𑍍𑌚 𑌤𑌰𑍍𑌪𑌯𑌨𑍍 ॥ 2 ॥
𑌸𑌂𑌤𑍁𑌷𑍍𑌟𑌪𑌂𑌚𑌵𑌰𑍍𑌗𑍋𑌽𑌹𑌂 𑌲𑍋𑌕𑌯𑌾𑌤𑍍𑌰𑌾𑌂 𑌪𑍍𑌰𑌵𑌰𑍍𑌤𑌯𑍇 ।
𑌅𑌕𑍁𑌹 𑌶𑍍𑌶𑍍𑌰𑌦𑍍𑌧𑌧𑌾𑌨𑌸𑍍𑌸𑌨𑍍𑌕𑌾𑌰𑍍𑌯𑌾𑌕𑌾𑌰𑍍𑌯𑌵𑌿𑌚𑌕𑍍𑌷𑌣𑌃 ॥ 2 ॥
𑌕𑌰𑍍𑌮𑌭𑍂𑌮𑌿𑌮𑌾𑌂 𑌪𑍍𑌰𑌾𑌪𑍍𑌯 𑌕𑌰𑍍𑌤𑌵𑍍𑌯𑌂 𑌕𑌰𑍍𑌮 𑌯𑌚𑍍𑌛𑍁𑌭𑌮𑍍 ।
𑌅𑌗𑍍𑌨𑌿𑌰𑍍𑌵𑌾𑌯𑍁𑌶𑍍𑌚 𑌸𑍋𑌮𑌶𑍍𑌚 𑌕𑌰𑍍𑌮𑌣𑌾𑌂 𑌫𑌲𑌭𑌾𑌗𑌿𑌨𑌃 ॥ 30 ॥
𑌶𑌤𑌂 𑌕𑍍𑌰𑌤𑍂𑌨𑌾𑌮𑌾𑌹𑍃𑌤𑍍𑌯 𑌦𑍇𑌵𑌰𑌾𑌟𑍍 𑌤𑍍𑌰𑌿𑌦𑌿𑌵𑌂 𑌗𑌤𑌃 ।
𑌤𑌪𑌾𑌂𑌸𑍍𑌯𑍁𑌗𑍍𑌰𑌾𑌣𑌿 𑌚𑌾𑌸𑍍𑌥𑌾𑌯 𑌦𑌿𑌵𑌂 𑌯𑌾𑌤𑌾 𑌮𑌹𑌰𑍍𑌷𑌯𑌃 ॥ 31 ॥
𑌅𑌮𑍃𑌷𑍍𑌯𑌮𑌾𑌣𑌃 𑌪𑍁𑌨𑌰𑍁𑌗𑍍𑌰𑌤𑍇𑌜𑌾𑌃 𑌨𑌿𑌶𑌮𑍍𑌯 𑌤𑌂 𑌨𑌾𑌸𑍍𑌤𑌿𑌕𑌵𑌾𑌕𑍍𑌯𑌹𑍇𑌤𑍁𑌮𑍍 ।
𑌅𑌥𑌾𑌬𑍍𑌰𑌵𑍀𑌤𑍍𑌤𑌂 𑌨𑍃𑌪𑌤𑍇𑌸𑍍𑌤𑌨𑍂𑌜𑍋 𑌵𑌿𑌗𑌰𑍍𑌹𑌮𑌾𑌣𑍋 𑌵𑌚𑌨𑌾𑌨𑌿 𑌤𑌸𑍍𑌯 ॥ 32 ॥
𑌸𑌤𑍍𑌯𑌂 𑌚 𑌧𑌰𑍍𑌮𑌂 𑌚 𑌪𑌰𑌾𑌕𑍍𑌰𑌮𑌂 𑌚 𑌭𑍂𑌤𑌾𑌨𑍁𑌕𑌂𑌪𑌾𑌂 𑌪𑍍𑌰𑌿𑌯𑌵𑌾𑌦𑌿𑌤𑌾𑌂 𑌚 ।
𑌦𑍍𑌵𑌿𑌜𑌾𑌤𑌿𑌦𑍇𑌵𑌾𑌤𑌿𑌧𑌿𑌪𑍂𑌜𑌨𑌂 𑌚 𑌪𑌂𑌥𑌾𑌨𑌮𑌾𑌹𑍁𑌸𑍍𑌤𑍍𑌰𑌿𑌦𑌿𑌵𑌸𑍍𑌯 𑌸𑌂𑌤𑌃 ॥ 33 ॥
𑌤𑍇𑌨𑍈𑌵𑌮𑌾𑌜𑍍𑌞𑌾𑌯 𑌯𑌥𑌾𑌵𑌦𑌰𑍍𑌥𑌮𑍇𑌕𑍋𑌦𑌯𑌂 𑌸𑌂𑌪𑍍𑌰𑌤𑌿𑌪𑌦𑍍𑌯 𑌵𑌿𑌪𑍍𑌰𑌾𑌃 ।
𑌧𑌰𑍍𑌮𑌂 𑌚𑌰𑌂𑌤 𑌸𑍍𑌸𑌕𑌲𑌂 𑌯𑌥𑌾𑌵𑌤𑍍𑌕𑌾𑌂𑌕𑍍𑌷𑌂𑌤𑌿 𑌲𑍋𑌕𑌾𑌗𑌮𑌮𑌪𑍍𑌰𑌮𑌤𑍍𑌤𑌾𑌃 ॥ 34 ॥
𑌨𑌿𑌂𑌦𑌾𑌮𑍍𑌯𑌹𑌂 𑌕𑌰𑍍𑌮 𑌕𑍃𑌤𑌂 𑌪𑌿𑌤𑍁𑌸𑍍𑌤𑌦𑍍𑌯𑌸𑍍𑌤𑍍𑌵𑌾𑌮𑌗𑍃𑌹𑍍𑌣𑌾𑌦𑍍𑌵𑌿𑌷𑌮𑌸𑍍𑌥𑌬𑍁𑌦𑍍𑌧𑌿𑌮𑍍 ।
𑌬𑍁𑌦𑍍𑌧𑍍𑌯𑌾𑌽𑌨𑌯𑍈𑌵𑌂𑌵𑌿𑌧𑌯𑌾 𑌚𑌰𑌂𑌤𑌂 𑌸𑍁𑌨𑌾𑌸𑍍𑌤𑌿𑌕𑌂 𑌧𑌰𑍍𑌮𑌪𑌥𑌾𑌦𑌪𑍇𑌤𑌮𑍍 ॥ 35 ॥
𑌯𑌥𑌾 𑌹𑌿 𑌚𑍋𑌰𑌃 𑌸 𑌤𑌥𑌾 𑌹𑌿 𑌬𑍁𑌦𑍍𑌧𑌸𑍍𑌤𑌥𑌾𑌗𑌤𑌂 𑌨𑌾𑌸𑍍𑌤𑌿𑌕𑌮𑌤𑍍𑌰 𑌵𑌿𑌦𑍍𑌧𑌿 ।
𑌤𑌸𑍍𑌮𑌾𑌦𑍍𑌧𑌿 𑌯𑌃 𑌶𑌂𑌕𑍍𑌯𑌤𑌮𑌃 𑌪𑍍𑌰𑌜𑌾𑌨𑌾𑌂 𑌨 𑌨𑌾𑌸𑍍𑌤𑌿𑌕𑍇𑌨𑌾𑌭𑌿𑌮𑍁𑌖𑍋 𑌬𑍁𑌧𑌃 𑌸𑍍𑌯𑌾𑌤𑍍 ॥ 36 ॥
𑌤𑍍𑌵𑌤𑍍𑌤𑍋 𑌜𑌨𑌾𑌃 𑌪𑍂𑌰𑍍𑌵𑌤𑌰𑍇 𑌦𑍍𑌵𑌿𑌜𑌾𑌚𑍍𑌶𑍍𑌰 𑌶𑍁𑌭𑌾𑌨𑌿 𑌕𑌰𑍍𑌮𑌾𑌣𑌿 𑌬𑌹𑍂𑌨𑌿 𑌚𑌕𑍍𑌰𑍁𑌃 ।
𑌜𑌿𑌤𑍍𑌵𑌾 𑌸𑌦𑍇𑌮𑌂 𑌚 𑌪𑌰𑌂 𑌚 𑌲𑍋𑌕𑌂 𑌤𑌸𑍍𑌮𑌾𑌵𑍍𑌦𑌿𑌜𑌾 𑌸𑍍𑌵𑌸𑍍𑌤𑌿 𑌹𑍁𑌤𑌂 𑌕𑍃𑌤𑌂 𑌚 ॥ 3 ॥
𑌧𑌰𑍍𑌮𑍇 𑌰𑌤𑌾𑌃 𑌸𑌤𑍍𑌪𑍁𑌰𑍁𑌷𑍈𑌃 𑌸𑌮𑍇𑌤𑌾𑌸𑍍𑌤𑍇𑌜𑌸𑍍𑌵𑌿𑌨𑍋 𑌦𑌾𑌨𑌗𑍁𑌣𑌪𑍍𑌰𑌧𑌾𑌨𑌾𑌃 ।
𑌅𑌹𑌿𑌂𑌸𑌕𑌾 𑌵𑍀𑌤𑌮𑌲𑌾𑌶𑍍𑌚 𑌲𑍋𑌕𑍇 𑌭𑌵𑌂𑌤𑌿 𑌪𑍂𑌜𑍍𑌯𑌾 𑌮𑍁𑌨𑌯𑌃 𑌪𑍍𑌰𑌧𑌾𑌨𑌾𑌃 ॥ 3 ॥
𑌇𑌤𑌿 𑌬𑍍𑌰𑍁𑌵𑌂𑌤𑌂 𑌵𑌚𑌨𑌂 𑌸𑌰𑍋𑌷𑌂 𑌰𑌾𑌮𑌂 𑌮𑌹𑌾𑌤𑍍𑌮𑌾𑌨𑌮𑌦𑍀𑌨𑌸𑌤𑍍𑌤𑍍𑌵𑌮𑍍 ।
𑌉𑌵𑌾𑌚 𑌪𑌥𑍍𑌯𑌂 𑌪𑍁𑌨𑌰𑌾𑌸𑍍𑌤𑌿𑌕𑌂 𑌚 𑌸𑌤𑍍𑌯𑌂 𑌵𑌚𑌃 𑌸𑌾𑌨𑍁𑌨𑌯𑌂 𑌚 𑌵𑌿𑌪𑍍𑌰𑌃 ॥ 3 ॥
𑌨 𑌨𑌾𑌸𑍍𑌤𑌿𑌕𑌾𑌨𑌾𑌂 𑌵𑌚𑌨𑌂 𑌬𑍍𑌰𑌵𑍀𑌮𑍍𑌯𑌹𑌂 𑌨 𑌨𑌾𑌸𑍍𑌤𑌿𑌕𑍋𑌽𑌹𑌂 𑌨 𑌚 𑌨𑌾𑌸𑍍𑌤𑌿 𑌕𑌿𑌂𑌚𑌨 ।
𑌸𑌮𑍀𑌕𑍍𑌷𑍍𑌯 𑌕𑌾𑌲𑌂 𑌪𑍁𑌨𑌰𑌾𑌸𑍍𑌤𑌿𑌕𑍋𑌽𑌭𑌵𑌂 𑌭𑌵𑍇𑌯 𑌕𑌾𑌲𑍇 𑌪𑍁𑌨𑌰𑍇𑌵 𑌨𑌾𑌸𑍍𑌤𑌿𑌕𑌃 ॥ 40 ॥
𑌨 𑌚𑌾𑌪𑌿 𑌕𑌾𑌲𑍋𑌽𑌯 𑌮𑍁𑌪𑌾𑌗𑌤𑌶𑍍𑌶𑌨𑍈𑌰𑍍𑌯𑌥𑌾 𑌮𑌯𑌾 𑌨𑌾𑌸𑍍𑌤𑌿𑌕𑌵𑌾𑌗𑍁𑌦𑍀𑌰𑌿𑌤𑌾 ।
𑌨𑌿𑌵𑌰𑍍𑌤𑌨𑌾𑌰𑍍𑌥𑌂 𑌤𑌵 𑌰𑌾𑌮 𑌕𑌾𑌰𑌣𑌾𑌤𑍍 𑌪𑍍𑌰𑌸𑌾𑌦𑌨𑌾𑌰𑍍𑌥𑌂 𑌚 𑌮𑌯𑍈𑌤𑌦𑍀𑌰𑌿𑌤𑌮𑍍 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌨𑌵𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
