Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.6𑍭 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌸𑌪𑍍𑌤𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌆𑌕𑍍𑌰𑌂𑌦𑌿𑌤𑌨𑌿𑌰𑌾𑌨𑌂𑌦𑌾 𑌸𑌾𑌸𑍍𑌰𑌕𑌂𑌠𑌜𑌨𑌾𑌕𑍁𑌲𑌾 ।
𑌅𑌯𑍋𑌧𑍍𑌯𑌾𑌯𑌾𑌮𑌵𑌤𑌤𑌾 𑌸𑌾 𑌵𑍍𑌯𑌤𑍀𑌯𑌾𑌯 𑌶𑌰𑍍𑌵𑌰𑍀 ॥ 1 ॥

𑌵𑍍𑌯𑌤𑍀𑌤𑌾𑌯𑌾𑌂 𑌤𑍁 𑌶𑌰𑍍𑌵𑌰𑍍𑌯𑌾𑌮𑌾𑌦𑌿𑌤𑍍𑌯𑌸𑍍𑌯𑍋𑌦𑌯𑍇 𑌤𑌤𑌃 ।
𑌸𑌮𑍇𑌤𑍍𑌯 𑌰𑌾𑌜𑌕𑌰𑍍𑌤𑌾𑌰𑌃 𑌸𑌭𑌾𑌮𑍀𑌯𑍁𑌰𑍍𑌦𑍍𑌵𑌿𑌜𑌾𑌤𑌯𑌃 ॥ 2 ॥

𑌮𑌾𑌰𑍍𑌕𑌂𑌡𑍇𑌯𑍋𑌽𑌥 𑌮𑍌𑌦𑍍𑌗𑌲𑍍𑌯𑍋 𑌵𑌾𑌮𑌦𑍇𑌵𑌶𑍍𑌚 𑌕𑌾𑌶𑍍𑌯𑌪𑌃 ।
𑌕𑌾𑌤𑍍𑌯𑌾𑌯𑌨𑍋 𑌗𑍌𑌤𑌮𑌶𑍍𑌚 𑌜𑌾𑌬𑌾𑌲𑌿𑌶𑍍𑌚 𑌮𑌹𑌾𑌯𑌶𑌾𑌃 ॥ 3 ॥

𑌏𑌤𑍇 𑌦𑍍𑌵𑌿𑌜𑌾 𑌸𑍍𑌸𑌹𑌾𑌮𑌾𑌤𑍍𑌯𑍈𑌃 𑌪𑍃𑌥𑌗𑍍𑌵𑌾 𑌚 𑌮𑍁𑌦𑍀𑌰𑌯𑌨𑍍 ।
𑌵𑌸𑌿𑌷𑍍𑌠𑌮𑍇𑌵𑌾𑌭𑌿𑌮𑍁𑌖𑌾𑌃 𑌶𑍍𑌰𑍇𑌷𑍍𑌠𑌂 𑌰𑌾𑌜𑌪𑍁𑌰𑍋𑌹𑌿𑌤𑌮𑍍 ॥ 4 ॥

𑌅𑌤𑍀𑌤𑌾 𑌶𑌰𑍍𑌵𑌰𑍀 𑌦𑍁𑌃𑌖𑌂 𑌯𑌾 𑌨𑍋 𑌵𑌰𑍍𑌷𑌶𑌤𑍋𑌪𑌮𑌾 ।
𑌅𑌸𑍍𑌮𑌿𑌨𑍍𑌪𑌂𑌚𑌤𑍍𑌵𑌮𑌾𑌪𑌨𑍍𑌨𑍇 𑌪𑍁𑌤𑍍𑌰𑌶𑍋𑌕𑍇𑌨 𑌪𑌾𑌰𑍍𑌥𑌿𑌵𑍇 ॥ 5 ॥

𑌸𑍍𑌵𑌰𑍍𑌗𑌤𑌶𑍍𑌚 𑌮𑌹𑌾𑌰𑌾𑌜𑍋 𑌰𑌾𑌮𑌶𑍍𑌚𑌾𑌰𑌣𑍍𑌯𑌮𑌾𑌶𑍍𑌰𑌿𑌤𑌃 ।
𑌲𑌕𑍍𑌷𑍍𑌮𑌣𑌶𑍍𑌚𑌾𑌪𑌿 𑌤𑍇𑌜𑌸𑍍𑌵𑍀 𑌰𑌾𑌮𑍇𑌣𑍈𑌵 𑌗𑌤𑌸𑍍𑌸𑌹 ॥ 6 ॥

𑌉𑌭𑍌 𑌭𑌰𑌤𑌶𑌤𑍍𑌰𑍁𑌘𑍍𑌨𑍌 𑌕𑍇𑌕𑌯𑍇𑌷𑍁 𑌪𑌰𑌂𑌤𑌪𑍌 ।
𑌪𑍁𑌰𑍇 𑌰𑌾𑌜𑌗𑍃𑌹𑍇 𑌰𑌮𑍍𑌯𑍇 𑌮𑌾𑌤𑌾𑌮𑌹𑌨𑌿𑌵𑍇𑌶𑌨𑍇 ॥ 𑍭 ॥

𑌇𑌕𑍍𑌷𑍍𑌵𑌾𑌕𑍂𑌣𑌾𑌮𑌿𑌹𑌾𑌦𑍍𑌯𑍈𑌵 𑌕𑌶𑍍𑌚𑌿𑌦𑍍𑌰𑌾𑌜𑌾 𑌵𑌿𑌧𑍀𑌯𑌤𑌾𑌮𑍍 ।
𑌅𑌰𑌾𑌜𑌕𑌂 𑌹𑌿 𑌨𑍋 𑌰𑌾𑌷𑍍𑌟𑍍𑌰𑌂 𑌵𑌿𑌨𑌾𑌶𑌂 𑌸𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 𑍮 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌵𑌿𑌦𑍍𑌯𑍁𑌨𑍍𑌮𑌾𑌲𑍀 𑌮𑌹𑌾𑌸𑍍𑌵𑌨𑌃 ।
𑌅𑌭𑌿𑌵𑌰𑍍𑌷𑌤𑌿 𑌪𑌰𑍍𑌜𑌨𑍍𑌯𑍋 𑌮𑌹𑍀𑌂 𑌦𑌿𑌵𑍍𑌯𑍇𑌨 𑌵𑌾𑌰𑌿𑌣𑌾 ॥ 𑍯 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌬𑍀𑌜𑌮𑍁𑌷𑍍𑌟𑌿𑌃 𑌪𑍍𑌰𑌕𑍀𑌰𑍍𑌯𑌤𑍇 ।
𑌨𑌾𑌰𑌾𑌜𑌕𑍇 𑌪𑌿𑌤𑍁𑌃 𑌪𑍁𑌤𑍍𑌰𑍋 𑌭𑌾𑌰𑍍𑌯𑌾 𑌵𑌾 𑌵𑌰𑍍𑌤𑌤𑍇 𑌵𑌶𑍇 ॥ 10 ॥

𑌨𑌾𑌰𑌾𑌜𑌕𑍇 𑌧𑌨𑌂 𑌚𑌾𑌸𑍍𑌤𑌿 𑌨𑌾𑌸𑍍𑌤𑌿 𑌭𑌾𑌰𑍍𑌯𑌾 𑌪𑍍𑌯𑌰𑌾𑌜𑌕𑍇 ।
𑌇𑌦 𑌮𑌤𑍍𑌯𑌾𑌹𑌿𑌤𑌂 𑌚𑌾𑌨𑍍𑌯𑌤𑍍𑌕𑍁𑌤𑌸𑍍𑌸𑌤𑍍𑌯 𑌮𑌰𑌾𑌜𑌕𑍇 ॥ 11 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌕𑌾𑌰𑌯𑌂𑌤𑌿 𑌸𑌭𑌾𑌂 𑌨𑌰𑌾𑌃 ।
𑌉𑌦𑍍𑌯𑌾𑌨𑌾𑌨𑌿 𑌚 𑌰𑌮𑍍𑌯𑌾𑌣𑌿 𑌹𑍃𑌷𑍍𑌟𑌾𑌃 𑌪𑍁𑌣𑍍𑌯𑌗𑍃𑌹𑌾𑌣𑌿 𑌚 ॥ 12 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌯𑌜𑍍𑌞𑌶𑍀𑌲𑌾 𑌦𑍍𑌵𑌿𑌜𑌾𑌤𑌯𑌃 ।
𑌸𑌤𑍍𑌰𑌾𑌣𑍍𑌯𑌨𑍍𑌵𑌾𑌸𑌤𑍇 𑌦𑌾𑌂𑌤𑌾 𑌬𑍍𑌰𑌾𑌹𑍍𑌮𑌣𑌾 𑌸𑍍𑌸𑌂𑌶𑌿𑌤𑌵𑍍𑌰𑌤𑌾𑌃 ॥ 13 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌮𑌹𑌾𑌯𑌜𑍍𑌞𑍇𑌷𑍁 𑌯𑌜𑍍𑌵𑌨𑌃 ।
𑌬𑍍𑌰𑌾𑌹𑍍𑌮𑌣𑌾 𑌵𑌸𑍁𑌸𑌂𑌪𑌨𑍍𑌨𑌾 𑌵𑌿𑌸𑍃𑌜𑌂𑌤𑍍𑌯𑌾𑌪𑍍𑌤𑌦𑌕𑍍𑌷𑌿𑌣𑌾𑌃 ॥ 14 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌪𑍍𑌰𑌭𑍂𑌤𑌨𑌟𑌨𑌰𑍍𑌤𑌕𑌾𑌃 ।
𑌉𑌤𑍍𑌸𑌵𑌾𑌶𑍍𑌚 𑌸𑌮𑌾𑌜𑌾𑌶𑍍𑌚 𑌵𑌰𑍍𑌧𑌂𑌤𑍇 𑌰𑌾𑌷𑍍𑌟𑍍𑌰𑌵𑌰𑍍𑌧𑌨𑌾𑌃 ॥ 15 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌸𑌿𑌦𑍍𑌧𑌾𑌰𑍍𑌥𑌾 𑌵𑍍𑌯𑌵𑌹𑌾𑌰𑌿𑌣𑌃 ।
𑌕𑌥𑌾𑌭𑌿𑌰𑌨𑍁𑌰𑌜𑍍𑌯𑌂𑌤𑍇 𑌕𑌥𑌾𑌶𑍀𑌲𑌾𑌃 𑌕𑌥𑌾𑌪𑍍𑌰𑌿𑌯𑍈𑌃 ॥ 16 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌉𑌦𑍍𑌯𑌾𑌨𑌾𑌨𑌿 𑌸𑌮𑌾𑌗𑌤𑌾𑌃 ।
𑌸𑌾𑌯𑌾𑌹𑍍𑌨𑍇 𑌕𑍍𑌰𑍀𑌡𑌿𑌤𑍁𑌂 𑌯𑌾𑌂𑌤𑌿 𑌕𑍁𑌮𑌾𑌰𑍍𑌯𑍋 𑌹𑍇𑌮𑌭𑍂𑌷𑌿𑌤𑌾𑌃 ॥ 1𑍭 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌵𑌾𑌹𑌨𑍈 𑌶𑌶𑍀𑌘𑍍𑌰𑌗𑌾𑌮𑌿𑌭𑌿𑌃 ।
𑌨𑌰𑌾 𑌨𑌿𑌰𑍍𑌯𑌾𑌂𑌤𑍍𑌯𑌰𑌣𑍍𑌯𑌾𑌨𑌿 𑌨𑌾𑌰𑍀𑌭𑌿𑌸𑍍𑌸𑌹 𑌕𑌾𑌮𑌿𑌨𑌃 ॥ 1𑍮 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌧𑌨𑌵𑌂𑌤𑌸𑍍𑌸𑍁𑌰𑌕𑍍𑌷𑌿𑌤𑌾𑌃 ।
𑌶𑍇𑌰𑌤𑍇 𑌵𑌿𑌵𑍃𑌤𑌦𑍍𑌵𑌾𑌰𑌾𑌃 𑌕𑍃𑌷𑌿𑌗𑍋𑌰𑌕𑍍𑌷𑌜𑍀𑌵𑌿𑌨𑌃 ॥ 1𑍯 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌬𑌦𑍍𑌧𑌘𑌂𑌟𑌾𑌵𑌿𑌷𑌾𑌣𑌿𑌨𑌃 ।
𑌅𑌟𑌂𑌤𑌿 𑌰𑌾𑌜𑌮𑌾𑌰𑍍𑌗𑍇𑌷𑍁 𑌕𑍁𑌂𑌜𑌰𑌾 𑌷𑌷𑍍𑌟𑌿𑌹𑌾𑌯𑌨𑌾𑌃 ॥ 20 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌶𑌰𑌾𑌨𑍍𑌸𑌂𑌤𑌤𑌮𑌸𑍍𑌯𑌤𑌾𑌮𑍍 ।
𑌶𑍍𑌰𑍂𑌯𑌤𑍇 𑌤𑌲𑌨𑌿𑌰𑍍𑌘𑍋𑌷 𑌇𑌷𑍍𑌵𑌸𑍍𑌤𑍍𑌰𑌾𑌣𑌾𑌮𑍁𑌪𑌾𑌸𑌨𑍇 ॥ 21 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌵𑌣𑌿𑌜𑍋 𑌦𑍂𑌰𑌗𑌾𑌮𑌿𑌨𑌃 ।
𑌗𑌚𑍍𑌛𑌂𑌤𑌿 𑌕𑍍𑌷𑍇𑌮𑌮𑌧𑍍𑌵𑌾𑌨𑌂 𑌬𑌹𑍁𑌪𑌣𑍍𑌯𑌸𑌮𑌾𑌚𑌿𑌤𑌾𑌃 ॥ 22 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌚𑌰𑌤𑍍𑌯𑍇𑌕𑌚𑌰𑍋 𑌵𑌶𑍀 ।
𑌭𑌾𑌵𑌯𑌨𑍍𑌨𑌾𑌤𑍍𑌮𑌨𑌾𑌽𑌤𑍍𑌮𑌾𑌨𑌂 𑌯𑌤𑍍𑌰 𑌸𑌾𑌯𑌂𑌗𑍃𑌹𑍋 𑌮𑍁𑌨𑌿𑌃 ॥ 23 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌯𑍋𑌗𑌕𑍍𑌷𑍇𑌮𑌂 𑌪𑍍𑌰𑌵𑌰𑍍𑌤𑌤𑍇 ।
𑌨𑌚𑌾𑌪𑍍𑌯𑌰𑌾𑌜𑌕𑍇 𑌸𑍇𑌨𑌾 𑌶𑌤𑍍𑌰𑍂𑌨𑍍𑌵𑌿𑌷𑌹𑌤𑍇 𑌯𑍁𑌧𑌿 ॥ 24 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌹𑍃𑌷𑍍𑌟𑍈𑌃 𑌪𑌰𑌮𑌵𑌾𑌜𑌿𑌭𑌿𑌃 ।
𑌨𑌰𑌾𑌸𑍍𑌸𑌂𑌯𑌾𑌂𑌤𑌿 𑌸𑌹𑌸𑌾 𑌰𑌥𑍈𑌶𑍍𑌚 𑌪𑌰𑌿𑌮𑌂𑌡𑌿𑌤𑌾𑌃 ॥ 25 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌨𑌰𑌾𑌶𑍍𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦𑌾𑌃 ।
𑌸𑌂𑌵𑌦𑌂𑌤𑍋𑌽𑌵𑌤𑌿𑌷𑍍𑌠𑌂𑌤𑍇 𑌵𑌨𑍇𑌷𑍂𑌪𑌵𑌨𑍇𑌷𑍁 𑌚 ॥ 26 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌮𑌾𑌲𑍍𑌯𑌮𑍋𑌦𑌕𑌦𑌕𑍍𑌷𑌿𑌣𑌾𑌃 ।
𑌦𑍇𑌵𑌤𑌾𑌭𑍍𑌯𑌰𑍍𑌚𑌨𑌾𑌰𑍍𑌥𑌾𑌯 𑌕𑌲𑍍𑌪𑍍𑌯𑌂𑌤𑍇 𑌨𑌿𑌯𑌤𑍈𑌰𑍍𑌜𑌨𑍈𑌃 ॥ 2𑍭 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌚𑌂𑌦𑌨𑌾𑌗𑌰𑍁𑌰𑍂𑌷𑌿𑌤𑌾𑌃 ।
𑌰𑌾𑌜𑌪𑍁𑌤𑍍𑌰𑌾 𑌵𑌿𑌰𑌾𑌜𑌂𑌤𑍇 𑌵𑌸𑌂𑌤 𑌇𑌵 𑌶𑌾𑌖𑌿𑌨𑌃 ॥ 2𑍮 ॥

𑌯𑌥𑌾 𑌹𑍍𑌯𑌨𑍁𑌦𑌕𑌾 𑌨𑌦𑍍𑌯𑌃 𑌯𑌥𑌾 𑌵𑌾𑌽𑌪𑍍𑌯𑌤𑍃𑌣𑌂 𑌵𑌨𑌮𑍍 ।
𑌅𑌗𑍋𑌪𑌾𑌲𑌾 𑌯𑌥𑌾 𑌗𑌾𑌵𑌸𑍍𑌤𑌥𑌾 𑌰𑌾𑌷𑍍𑌟𑍍𑌰𑌮𑌰𑌾𑌜𑌕𑌮𑍍 ॥ 2𑍯 ॥

𑌨𑌾𑌰𑌾𑌜𑌕𑍇 𑌜𑌨𑌪𑌦𑍇 𑌸𑍍𑌵𑌕𑌂 𑌭𑌵𑌤𑌿 𑌕𑌸𑍍𑌯𑌚𑌿𑌤𑍍 ।
𑌮𑌤𑍍𑌸𑍍𑌯𑌾 𑌇𑌵 𑌨𑌰𑌾 𑌨𑌿𑌤𑍍𑌯𑌂 𑌭𑌕𑍍𑌷𑌯𑌂𑌤𑌿 𑌪𑌰𑌸𑍍𑌪𑌰𑌮𑍍 ॥ 30 ॥

𑌯𑍇 𑌹𑌿 𑌸𑌂𑌭𑌿𑌨𑍍𑌨𑌮𑌰𑍍𑌯𑌾𑌦𑌾 𑌨𑌾𑌸𑍍𑌤𑌿𑌕𑌾𑌶𑍍𑌛𑌿𑌨𑍍𑌨𑌸𑌂𑌶𑌯𑌾𑌃 ।
𑌤𑍇𑌽𑌪𑌿 𑌭𑌾𑌵𑌾𑌯 𑌕𑌲𑍍𑌪𑌂𑌤𑍇 𑌰𑌾𑌜𑌦𑌂𑌡𑌨𑌿𑌪𑍀𑌡𑌿𑌤𑌾𑌃 ॥ 31 ॥

𑌯𑌥𑌾 𑌦𑍃𑌷𑍍𑌟𑌿 𑌶𑍍𑌶𑌰𑍀𑌰𑌸𑍍𑌯 𑌨𑌿𑌤𑍍𑌯𑌮𑍇𑌵 𑌪𑍍𑌰𑌵𑌰𑍍𑌤𑌤𑍇 ।
𑌤𑌥𑌾 𑌨𑌰𑍇𑌂𑌦𑍍𑌰𑍋 𑌰𑌾𑌷𑍍𑌟𑍍𑌰𑌸𑍍𑌯 𑌪𑍍𑌰𑌭𑌵𑌸𑍍𑌸𑌤𑍍𑌯𑌧𑌰𑍍𑌮𑌯𑍋𑌃 ॥ 32 ॥

𑌰𑌾𑌜𑌾 𑌸𑌤𑍍𑌯𑌂 𑌚 𑌧𑌰𑍍𑌮𑌶𑍍𑌚 𑌰𑌾𑌜𑌾 𑌕𑍁𑌲𑌵𑌤𑌾𑌂 𑌕𑍁𑌲𑌮𑍍 ।
𑌰𑌾𑌜𑌾 𑌮𑌾𑌤𑌾 𑌪𑌿𑌤𑌾 𑌚𑍈𑌵 𑌰𑌾𑌜𑌾 𑌹𑌿𑌤𑌕𑌰𑍋 𑌨𑍃𑌣𑌾𑌮𑍍 ॥ 33 ॥

𑌯𑌮𑍋 𑌵𑍈𑌶𑍍𑌰𑌵𑌣 𑌶𑍍𑌶𑌕𑍍𑌰𑌃 𑌵𑌰𑍁𑌣𑌶𑍍𑌚 𑌮𑌹𑌾𑌬𑌲𑌃 ।
𑌵𑌿𑌶𑍇𑌷𑍍𑌯𑌂𑌤𑍇 𑌨𑌰𑍇𑌂𑌦𑍍𑌰𑍇𑌣 𑌵𑍃𑌤𑍍𑌤𑍇𑌨 𑌮𑌹𑌤𑌾 𑌤𑌤𑌃 ॥ 34 ॥

𑌅𑌹𑍋 𑌤𑌮 𑌇𑌵𑍇𑌦𑌂 𑌸𑍍𑌯𑌾𑌨𑍍𑌨𑌪𑍍𑌰𑌜𑍍𑌞𑌾𑌯𑍇𑌤 𑌕𑌿𑌂𑌚𑌨 ।
𑌰𑌾𑌜𑌾 𑌚𑍇 𑌨𑍍𑌨 𑌭𑌵𑍇 𑌲𑍍𑌲𑍋𑌕𑍇 𑌵𑌿𑌭𑌜 𑌸𑌾𑌧𑍍𑌵𑌸𑌾𑌧𑍁𑌨𑍀 ॥ 35 ॥

𑌜𑍀𑌵𑌤𑍍𑌯𑌪𑌿 𑌮𑌹𑌾𑌰𑌾𑌜𑍇 𑌤𑌵𑍈𑌵 𑌵𑌚𑌨𑌂 𑌵𑌯𑌮𑍍 ।
𑌨𑌾𑌤𑌿𑌕𑍍𑌰𑌮𑌾𑌮𑌹𑍇 𑌸𑌰𑍍𑌵𑍇 𑌵𑍇𑌲𑌾𑌂 𑌪𑍍𑌰𑌾𑌪𑍍𑌯𑍇𑌵 𑌸𑌾𑌗𑌰𑌃 ॥ 36 ॥

𑌸 𑌨 𑌸𑍍𑌸𑌮𑍀𑌕𑍍𑌷𑍍𑌯 𑌦𑍍𑌵𑌿𑌜𑌵𑌰𑍍𑌯 𑌵𑍃𑌤𑍍𑌤𑌂 𑌨𑍃𑌪𑌂 𑌵𑌿𑌨𑌾 𑌰𑌾𑌜𑍍𑌯𑌮𑌰𑌣𑍍𑌯𑌭𑍂𑌤𑌮𑍍 ।
𑌕𑍁𑌮𑌾𑌰𑌮𑌿𑌕𑍍𑌷𑍍𑌵𑌾𑌕𑍁𑌸𑍁𑌤𑌂 𑌵𑌦𑌾𑌨𑍍𑌯𑌂 𑌤𑍍𑌵𑌮𑍇𑌵 𑌰𑌾𑌜𑌾𑌨𑌮𑌿𑌹𑌾𑌭𑌿𑌷𑌿𑌂𑌚 ॥ 3𑍭 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌸𑌪𑍍𑌤𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: