𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌇𑌤𑍍𑌯𑍁𑌕𑍍𑌤𑌾𑌸𑍍𑌸𑍀𑌤𑌯𑌾 𑌘𑍋𑌰𑌂 𑌰𑌾𑌕𑍍𑌷𑌸𑍍𑌯𑌃 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾𑌃 ।
𑌕𑌾𑌶𑍍𑌚𑌿𑌜𑍍𑌜𑌗𑍍𑌮𑍁𑌸𑍍𑌤𑌦𑌾𑌖𑍍𑌯𑌾𑌤𑍁𑌂 𑌰𑌾𑌵𑌣𑌸𑍍𑌯 𑌤𑌰𑌸𑍍𑌵𑌿𑌨𑌃 ॥ 1 ॥
𑌤𑌤𑌃 𑌸𑍀𑌤𑌾𑌮𑍁𑌪𑌾𑌗𑌮𑍍𑌯 𑌰𑌾𑌕𑍍𑌷𑌸𑍍𑌯𑍋 𑌘𑍋𑌰𑌦𑌰𑍍𑌶𑌨𑌾𑌃 ।
𑌪𑍁𑌨𑌃 𑌪𑌰𑍁𑌷𑌮𑍇𑌕𑌾𑌰𑍍𑌥𑌮𑌨𑌰𑍍𑌥𑌾𑌰𑍍𑌥𑌮𑌥𑌾𑌬𑍍𑌰𑍁𑌵𑌨𑍍 ॥ 2 ॥
𑌅𑌦𑍍𑌯𑍇𑌦𑌾𑌨𑍀𑌂 𑌤𑌵𑌾𑌨𑌾𑌰𑍍𑌯𑍇 𑌸𑍀𑌤𑍇 𑌪𑌾𑌪𑌵𑌿𑌨𑌿𑌶𑍍𑌚𑌯𑍇 ।
𑌰𑌾𑌕𑍍𑌷𑌸𑍍𑌯𑍋 𑌭𑌕𑍍𑌷𑌯𑌿𑌷𑍍𑌯𑌂𑌤𑌿 𑌮𑌾𑌂𑌸𑌮𑍇𑌤𑌦𑍍𑌯𑌥𑌾𑌸𑍁𑌖𑌮𑍍 ॥ 3 ॥
𑌸𑍀𑌤𑌾𑌂 𑌤𑌾𑌭𑌿𑌰𑌨𑌾𑌰𑍍𑌯𑌾𑌭𑌿𑌰𑍍𑌦𑍃𑌷𑍍𑌟𑌵𑌾 𑌸𑌂𑌤𑌰𑍍𑌜𑌿𑌤𑌾𑌂 𑌤𑌦𑌾 ।
𑌰𑌾𑌕𑍍𑌷𑌸𑍀 𑌤𑍍𑌰𑌿𑌜𑌟𑌾 𑌵𑍃𑌦𑍍𑌧𑌾 𑌶𑌯𑌾𑌨𑌾 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 4 ॥
𑌆𑌤𑍍𑌮𑌾𑌨𑌂 𑌖𑌾𑌦𑌤𑌾𑌨𑌾𑌰𑍍𑌯𑌾 𑌨 𑌸𑍀𑌤𑌾𑌂 𑌭𑌕𑍍𑌷𑌯𑌿𑌷𑍍𑌯𑌥 ।
𑌜𑌨𑌕𑌸𑍍𑌯 𑌸𑍁𑌤𑌾𑌮𑌿𑌷𑍍𑌟𑌾𑌂 𑌸𑍍𑌨𑍁𑌷𑌾𑌂 𑌦𑌶𑌰𑌥𑌸𑍍𑌯 𑌚 ॥ 5 ॥
𑌸𑍍𑌵𑌪𑍍𑌨𑍋 𑌹𑍍𑌯𑌦𑍍𑌯 𑌮𑌯𑌾 𑌦𑍃𑌷𑍍𑌟𑍋 𑌦𑌾𑌰𑍁𑌣𑍋 𑌰𑍋𑌮𑌹𑌰𑍍𑌷𑌣𑌃 ।
𑌰𑌾𑌕𑍍𑌷𑌸𑌾𑌨𑌾𑌮𑌭𑌾𑌵𑌾𑌯 𑌭𑌰𑍍𑌤𑍁𑌰𑌸𑍍𑌯𑌾 𑌭𑌵𑌾𑌯 𑌚 ॥ 6 ॥
𑌏𑌵𑌮𑍁𑌕𑍍𑌤𑌾𑌸𑍍𑌤𑍍𑌰𑌿𑌜𑌟𑌯𑌾 𑌰𑌾𑌕𑍍𑌷𑌸𑍍𑌯𑌃 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾𑌃 ।
𑌸𑌰𑍍𑌵𑌾 𑌏𑌵𑌾𑌬𑍍𑌰𑍁𑌵𑌨𑍍𑌭𑍀𑌤𑌾𑌸𑍍𑌤𑍍𑌰𑌿𑌜𑌟𑌾𑌂 𑌤𑌾𑌮𑌿𑌦𑌂 𑌵𑌚𑌃 ॥ ॥
𑌕𑌥𑌯𑌸𑍍𑌵 𑌤𑍍𑌵𑌯𑌾 𑌦𑍃𑌷𑍍𑌟𑌃 𑌸𑍍𑌵𑌪𑍍𑌨𑍋𑌽𑌯𑌂 𑌕𑍀𑌦𑍃𑌶𑍋 𑌨𑌿𑌶𑌿 ।
𑌤𑌾𑌸𑌾𑌂 𑌶𑍍𑌰𑍁𑌤𑍍𑌵𑌾 𑌤𑍁 𑌵𑌚𑌨𑌂 𑌰𑌾𑌕𑍍𑌷𑌸𑍀𑌨𑌾𑌂 𑌮𑍁𑌖𑌾𑌚𑍍𑌯𑍁𑌤𑌮𑍍 ॥ ॥
𑌉𑌵𑌚 𑌵𑌚𑌨𑌂 𑌕𑌾𑌲𑍇 𑌤𑍍𑌰𑌿𑌜𑌟𑌾 𑌸𑍍𑌵𑌪𑍍𑌨𑌸𑌂𑌶𑍍𑌰𑌿𑌤𑌮𑍍 ।
𑌗𑌜𑌦𑌂𑌤𑌮𑌯𑍀𑌂 𑌦𑌿𑌵𑍍𑌯𑌾𑌂 𑌶𑌿𑌬𑌿𑌕𑌾𑌮𑌂𑌤𑌰𑌿𑌕𑍍𑌷𑌗𑌾𑌮𑍍 ॥ ॥
𑌯𑍁𑌕𑍍𑌤𑌾𑌂 𑌹𑌂𑌸𑌸𑌹𑌸𑍍𑌰𑍇𑌣 𑌸𑍍𑌵𑌯𑌮𑌾𑌸𑍍𑌥𑌾𑌯 𑌰𑌾𑌘𑌵𑌃 ।
𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌬𑌰𑌧𑌰𑍋 𑌲𑌕𑍍𑌷𑍍𑌮𑌣𑍇𑌨 𑌸𑌹𑌾𑌗𑌤𑌃 ॥ 10 ॥
𑌸𑍍𑌵𑌪𑍍𑌨𑍇 𑌚𑌾𑌦𑍍𑌯 𑌮𑌯𑌾 𑌦𑍃𑌷𑍍𑌟𑌾 𑌸𑍀𑌤𑌾 𑌶𑍁𑌕𑍍𑌲𑌾𑌂𑌬𑌰𑌾𑌵𑍃𑌤𑌾 ।
𑌸𑌾𑌗𑌰𑍇𑌣 𑌪𑌰𑌿𑌕𑍍𑌷𑌿𑌪𑍍𑌤𑌂 𑌶𑍍𑌵𑍇𑌤𑌂 𑌪𑌰𑍍𑌵𑌤𑌮𑌾𑌸𑍍𑌥𑌿𑌤𑌾 ॥ 11 ॥
𑌰𑌾𑌮𑍇𑌣 𑌸𑌂𑌗𑌤𑌾 𑌸𑍀𑌤𑌾 𑌭𑌾𑌸𑍍𑌕𑌰𑍇𑌣 𑌪𑍍𑌰𑌭𑌾 𑌯𑌥𑌾 ।
𑌰𑌾𑌘𑌵𑌶𑍍𑌚 𑌮𑌯𑌾 𑌦𑍃𑌷𑍍𑌟𑌶𑍍𑌚𑌤𑍁𑌰𑍍𑌦𑌷𑍍𑌟𑍍𑌰𑌂 𑌮𑌹𑌾𑌗𑌜𑌮𑍍 ॥ 12 ॥
𑌆𑌰𑍂𑌢 𑌶𑍍𑌶𑍈𑌲𑌸𑌂𑌕𑌾𑌶𑌂 𑌚𑌚𑌾𑌰 𑌸𑌹𑌲𑌕𑍍𑌷𑍍𑌮𑌣𑌃 ।
𑌤𑌤𑌸𑍍𑌤𑍌 𑌨𑌰𑌶𑌾𑌰𑍍𑌦𑍂𑌲𑍌 𑌦𑍀𑌪𑍍𑌯𑌮𑌾𑌨𑍌 𑌸𑍍𑌵𑌤𑍇𑌜𑌸𑌾 ॥ 13 ॥
𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌬𑌰𑌧𑌰𑍌 𑌜𑌾𑌨𑌕𑍀𑌂 𑌪𑌰𑍍𑌯𑍁𑌪𑌸𑍍𑌥𑌿𑌤𑍌 ।
𑌤𑌤𑌸𑍍𑌤𑌸𑍍𑌯 𑌨𑌗𑌸𑍍𑌯𑌾𑌗𑍍𑌰𑍇 𑌹𑍍𑌯𑌾𑌕𑌾𑌶𑌸𑍍𑌥𑌸𑍍𑌯 𑌦𑌂𑌤𑌿𑌨𑌃 ॥ 14 ॥
𑌭𑌰𑍍𑌤𑍍𑌰𑌾 𑌪𑌰𑌿𑌗𑍃𑌹𑍀𑌤𑌸𑍍𑌯 𑌜𑌾𑌨𑌕𑍀 𑌸𑍍𑌕𑌂𑌧𑌮𑌾𑌶𑍍𑌰𑌿𑌤𑌾 ।
𑌭𑌰𑍍𑌤𑍁𑌰𑌂𑌕𑌾𑌤𑍍𑌸𑌮𑍁𑌤𑍍𑌪𑌤𑍍𑌯 𑌤𑌤𑌃 𑌕𑌮𑌲𑌲𑍋𑌚𑌨𑌾 ॥ 15 ॥
𑌚𑌂𑌦𑍍𑌰𑌸𑍂𑌰𑍍𑌯𑍌 𑌮𑌯𑌾 𑌦𑍃𑌷𑍍𑌟𑌾 𑌪𑌾𑌣𑌿𑌨𑌾 𑌪𑌰𑌿𑌮𑌾𑌰𑍍𑌜𑌤𑍀 ।
𑌤𑌤𑌸𑍍𑌤𑌾𑌭𑍍𑌯𑌾𑌂 𑌕𑍁𑌮𑌾𑌰𑌾𑌭𑍍𑌯𑌾𑌮𑌾𑌸𑍍𑌥𑌿𑌤𑌃 𑌸 𑌗𑌜𑍋𑌤𑍍𑌤𑌮𑌃 ॥ 16 ॥
𑌸𑍀𑌤𑌯𑌾 𑌚 𑌵𑌿𑌶𑌾𑌲𑌾𑌕𑍍𑌷𑍍𑌯𑌾 𑌲𑌂𑌕𑌾𑌯𑌾 𑌉𑌪𑌰𑌿𑌸𑍍𑌥𑌿𑌤𑌃 ।
𑌪𑌾𑌂𑌡𑍁𑌰𑌰𑍍𑌷𑌭𑌯𑍁𑌕𑍍𑌤𑍇𑌨 𑌰𑌥𑍇𑌨𑌾𑌷𑍍𑌟𑌯𑍁𑌜𑌾 𑌸𑍍𑌵𑌯𑌮𑍍 ॥ 1 ॥
𑌇𑌹𑍋𑌪𑌯𑌾𑌤𑌃 𑌕𑌾𑌕𑍁𑌤𑍍𑌸𑍍𑌥 𑌸𑍍𑌸𑍀𑌤𑌯𑌾 𑌸𑌹 𑌭𑌾𑌰𑍍𑌯𑌯𑌾 ।
𑌲𑌕𑍍𑌷𑍍𑌮𑌣𑍇𑌨 𑌸𑌹 𑌭𑍍𑌰𑌾𑌤𑍍𑌰𑌾 𑌸𑍀𑌤𑌯𑌾 𑌸𑌹 𑌵𑍀𑌰𑍍𑌯𑌵𑌾𑌨𑍍 ॥ 1 ॥
𑌆𑌰𑍁𑌹𑍍𑌯 𑌪𑍁𑌷𑍍𑌪𑌕𑌂 𑌦𑌿𑌵𑍍𑌯𑌂 𑌵𑌿𑌮𑌾𑌨𑌂 𑌸𑍂𑌰𑍍𑌯𑌸𑌨𑍍𑌨𑌿𑌭𑌮𑍍 ।
𑌉𑌤𑍍𑌤𑌰𑌾𑌂 𑌦𑌿𑌶𑌮𑌾𑌲𑍋𑌕𑍍𑌯 𑌜𑌗𑌾𑌮 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 1 ॥
𑌏𑌵𑌂 𑌸𑍍𑌵𑌪𑍍𑌨𑍇 𑌮𑌯𑌾 𑌦𑍃𑌷𑍍𑌟𑍋 𑌰𑌾𑌮𑍋 𑌵𑌿𑌷𑍍𑌣𑍁𑌪𑌰𑌾𑌕𑍍𑌰𑌮𑌃 ।
𑌲𑌕𑍍𑌷𑍍𑌮𑌣𑍇𑌨 𑌸𑌹 𑌭𑍍𑌰𑌾𑌤𑍍𑌰𑌾 𑌸𑍀𑌤𑌯𑌾 𑌸𑌹 𑌰𑌾𑌘𑌵𑌃 ॥ 20 ॥
𑌨 𑌹𑌿 𑌰𑌾𑌮𑍋 𑌮𑌹𑌾𑌤𑍇𑌜𑌾𑌶𑍍𑌶𑌕𑍍𑌯𑍋 𑌜𑍇𑌤𑍁𑌂 𑌸𑍁𑌰𑌾𑌸𑍁𑌰𑍈𑌃 ।
𑌰𑌾𑌕𑍍𑌷𑌸𑍈𑌰𑍍𑌵𑌾𑌪𑌿 𑌚𑌾𑌨𑍍𑌯𑍈𑌰𑍍𑌵𑌾 𑌸𑍍𑌵𑌰𑍍𑌗𑌃 𑌪𑌾𑌪𑌜𑌨𑍈𑌰𑌿𑌵 ॥ 21 ॥
𑌰𑌾𑌵𑌣𑌶𑍍𑌚 𑌮𑌯𑌾 𑌦𑍃𑌷𑍍𑌟𑌃 𑌕𑍍𑌷𑌿𑌤𑍌 𑌤𑍈𑌲𑌸𑌮𑍁𑌕𑍍𑌷𑌿𑌤𑌃 ।
𑌰𑌕𑍍𑌤𑌵𑌾𑌸𑌾𑌃 𑌪𑌿𑌬𑌨𑍍𑌮𑌤𑍍𑌤𑌃 𑌕𑌰𑌵𑍀𑌰𑌕𑍃𑌤𑌸𑍍𑌰𑌜𑌃 ॥ 22 ॥
𑌵𑌿𑌮𑌾𑌨𑌾𑌤𑍍𑌪𑍁𑌷𑍍𑌪𑌕𑌾𑌦𑌦𑍍𑌯 𑌰𑌾𑌵𑌣𑌃 𑌪𑌤𑌿𑌤𑍋 𑌭𑍁𑌵𑌿 ।
𑌕𑍃𑌷𑍍𑌯𑌮𑌾𑌣𑌃 𑌸𑍍𑌤𑍍𑌰𑌿𑌯𑌾 𑌦𑍃𑌷𑍍𑌟𑍋 𑌮𑍁𑌂𑌡𑌃 𑌕𑍃𑌷𑍍𑌣𑌾𑌂𑌬𑌰𑌃 𑌪𑍁𑌨𑌃 ॥ 23 ॥
𑌰𑌥𑍇𑌨 𑌖𑌰𑌯𑍁𑌕𑍍𑌤𑍇𑌨 𑌰𑌕𑍍𑌤𑌮𑌾𑌲𑍍𑌯𑌾𑌨𑍁𑌲𑍇𑌪𑌨𑌃 ।
𑌪𑌿𑌪𑌂𑌸𑍍𑌤𑍈𑌲𑌂 𑌹𑌸𑌨𑍍𑌨𑍃𑌤𑍍𑌯𑌨𑍍 𑌭𑍍𑌰𑌾𑌂𑌤𑌚𑌿𑌤𑍍𑌤𑌾𑌕𑍁𑌲𑍇𑌂𑌦𑍍𑌰𑌿𑌯𑌃 ॥ 24 ॥
𑌗𑌰𑍍𑌦𑌭𑍇𑌨 𑌯𑌯𑍌 𑌶𑍀𑌘𑍍𑌰𑌂 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑌾𑌸𑍍𑌥𑌿𑌤𑌃 ।
𑌪𑍁𑌨𑌰𑍇𑌵 𑌮𑌯𑌾 𑌦𑍃𑌷𑍍𑌟𑍋 𑌰𑌾𑌵𑌣𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ॥ 25 ॥
𑌪𑌤𑌿𑌤𑍋𑌽 𑌵𑌾𑌕𑍍𑌚𑌿𑌰𑌾 𑌰𑌾 𑌭𑍂𑌮𑍌 𑌗𑌰𑍍𑌦𑌭𑌾𑌦𑍍𑌭𑌯𑌮𑍋𑌹𑌿𑌤𑌃 ।
𑌸𑌹𑌸𑍋𑌤𑍍𑌥𑌾𑌯 𑌸𑌂𑌭𑍍𑌰𑌾𑌂𑌤𑍋 𑌭𑌯𑌾𑌰𑍍𑌤𑍋 𑌮𑌦𑌵𑌿𑌹𑍍𑌵𑌲𑌃 ॥ 26 ॥
𑌉𑌨𑍍𑌮𑌤𑍍𑌤 𑌇𑌵 𑌦𑌿𑌗𑍍𑌵𑌾𑌸𑌾 𑌦𑍁𑌰𑍍𑌵𑌾𑌕𑍍𑌯𑌂 𑌪𑍍𑌰𑌲𑌪𑌨𑍍𑌬𑌹𑍁 ।
𑌦𑍁𑌰𑍍𑌗𑌂𑌧𑌂 𑌦𑍁𑌸𑍍𑌸𑌹𑌂 𑌘𑍋𑌰𑌂 𑌤𑌿𑌮𑌿𑌰𑌂 𑌨𑌰𑌕𑍋𑌪𑌮𑌮𑍍 ॥ 2 ॥
𑌮𑌲𑌪𑌂𑌕𑌂 𑌪𑍍𑌰𑌵𑌿𑌶𑍍𑌯𑌾𑌶𑍁 𑌮𑌗𑍍𑌨𑌸𑍍𑌤𑌤𑍍𑌰 𑌸 𑌰𑌾𑌵𑌣𑌃 ।
𑌕𑌂𑌠𑍇 𑌬𑌦𑍍𑌧𑍍𑌵𑌾 𑌦𑌶𑌗𑍍𑌰𑍀𑌵𑌂 𑌪𑍍𑌰𑌮𑌦𑌾 𑌰𑌕𑍍𑌤𑌵𑌾𑌸𑌿𑌨𑍀 ॥ 2 ॥
𑌕𑌾𑌲𑍀 𑌕𑌰𑍍𑌦𑌮𑌲𑌿𑌪𑍍𑌤𑌾𑌂𑌗𑍀 𑌦𑌿𑌶𑌂 𑌯𑌾𑌮𑍍𑌯𑌾𑌂 𑌪𑍍𑌰𑌕𑌰𑍍𑌷𑌤𑌿 ।
𑌏𑌵𑌂 𑌤𑌤𑍍𑌰 𑌮𑌯𑌾 𑌦𑍃𑌷𑍍𑌟𑌃 𑌕𑍁𑌂𑌭𑌕𑌰𑍍𑌣𑍋 𑌨𑌿𑌶𑌾𑌚𑌰𑌃 ॥ 2 ॥
𑌰𑌾𑌵𑌣𑌸𑍍𑌯 𑌸𑍁𑌤𑌾𑌸𑍍𑌸𑌰𑍍𑌵𑍇 𑌦𑍃𑌷𑍍𑌟𑌾𑌸𑍍𑌤𑍈𑌲𑌸𑌮𑍁𑌕𑍍𑌷𑌿𑌤𑌾𑌃 ।
𑌵𑌰𑌾𑌹𑍇𑌣 𑌦𑌶𑌗𑍍𑌰𑍀𑌵𑌶𑍍𑌶𑌿𑌂𑌶𑍁𑌮𑌾𑌰𑍇𑌣 𑌚𑍇𑌂𑌦𑍍𑌰𑌜𑌿𑌤𑍍 ॥ 30 ॥
𑌉𑌷𑍍𑌟𑍍𑌰𑍇𑌣 𑌕𑍁𑌂𑌭𑌕𑌰𑍍𑌣𑌶𑍍𑌚 𑌪𑍍𑌰𑌯𑌾𑌤𑌾 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ।
𑌏𑌕𑌸𑍍𑌤𑌤𑍍𑌰 𑌮𑌯𑌾 𑌦𑍃𑌷𑍍𑌟𑌃 𑌶𑍍𑌵𑍇𑌤𑌚𑍍𑌛𑌤𑍍𑌰𑍋 𑌵𑌿𑌭𑍀𑌷𑌣𑌃 ॥ 31 ॥
𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌬𑌰𑌧𑌰𑌃 𑌶𑍁𑌕𑍍𑌲𑌗𑌂𑌧𑌾𑌨𑍁𑌲𑍇𑌪𑌨𑌃 ।
𑌶𑌂𑌖𑌦𑍁𑌂𑌧𑍁𑌭𑌿𑌨𑌿𑌰𑍍𑌘𑍋𑌷𑍈𑌰𑍍𑌨𑍃𑌤𑍍𑌤𑌗𑍀𑌤𑍈𑌰𑌲𑌂𑌕𑍃𑌤𑌃 ॥ 32 ॥
𑌆𑌰𑍁𑌹𑍍𑌯 𑌶𑍈𑌲𑌸𑌂𑌕𑌾𑌶𑌂 𑌮𑍇𑌘𑌸𑍍𑌤𑌨𑌿𑌤𑌨𑌿𑌸𑍍𑌸𑍍𑌵𑌨𑌮𑍍 ।
𑌚𑌤𑍁𑌰𑍍𑌦𑌂𑌤𑌂 𑌗𑌜𑌂 𑌦𑌿𑌵𑍍𑌯𑌮𑌾𑌸𑍍𑌤𑍇 𑌤𑌤𑍍𑌰 𑌵𑌿𑌭𑍀𑌷𑌣𑌃 ॥ 33 ॥
𑌚𑌤𑍁𑌰𑍍𑌭𑌿𑌸𑍍𑌸𑌚𑌿𑌵𑍈𑌃 𑌸𑌾𑌰𑍍𑌥𑌂 𑌵𑍈𑌹𑌾𑌯𑌸𑌮𑍁𑌪𑌸𑍍𑌥𑌿𑌤𑌃 ।
𑌸𑌮𑌾𑌜𑌶𑍍𑌚 𑌮𑌯𑌾 𑌦𑍃𑌷𑍍𑌟𑍋 𑌗𑍀𑌤𑌵𑌾𑌦𑌿𑌤𑍍𑌰𑌨𑌿𑌃𑌸𑍍𑌵𑌨𑌃 ॥ 34 ॥
𑌪𑌿𑌬𑌤𑌾𑌂 𑌰𑌕𑍍𑌤𑌮𑌾𑌲𑍍𑌯𑌾𑌨𑌾𑌂 𑌰𑌕𑍍𑌷𑌸𑌾𑌂 𑌰𑌕𑍍𑌤𑌵𑌾𑌸𑌸𑌾𑌮𑍍 ।
𑌲𑌂𑌕𑌾 𑌚𑍇𑌯𑌂 𑌪𑍁𑌰𑍀 𑌰𑌮𑍍𑌯𑌾 𑌸𑌵𑌾𑌜𑌿𑌰𑌥𑌕𑍁𑌂𑌜𑌰𑌾𑌃 ॥ 35 ॥
𑌸𑌾𑌗𑌰𑍇 𑌪𑌤𑌿𑌤𑌾 𑌦𑍃𑌷𑍍𑌟𑌾 𑌭𑌗𑍍𑌨𑌗𑍋𑌪𑍁𑌰𑌤𑍋𑌰𑌣𑌾 ।
𑌲𑌂𑌕𑌾 𑌦𑍃𑌷𑍍𑌟𑌾 𑌮𑌯𑌾 𑌸𑍍𑌵𑌪𑍍𑌨𑍇 𑌰𑌾𑌵𑌣𑍇𑌨𑌾𑌭𑌿𑌰𑌕𑍍𑌷𑌿𑌤𑌾 ॥ 36 ॥
𑌦𑌗𑍍𑌧𑌾 𑌰𑌾𑌮𑌸𑍍𑌯 𑌦𑍂𑌤𑍇𑌨 𑌵𑌾𑌨𑌰𑍇𑌣 𑌤𑌰𑌸𑍍𑌵𑌿𑌨𑌾 ।
𑌪𑍀𑌤𑍍𑌵𑌾 𑌤𑍈𑌲𑌂 𑌪𑍍𑌰𑌨𑍃𑌤𑍍𑌤𑌾𑌶𑍍𑌚 𑌪𑍍𑌰𑌹𑌸𑌂𑌤𑍍𑌯𑍋 𑌮𑌹𑌾𑌸𑍍𑌵𑌨𑌾𑌃 ॥ 3 ॥
𑌲𑌂𑌕𑌾𑌯𑌾𑌂 𑌭𑌸𑍍𑌮𑌰𑍂𑌕𑍍𑌷𑌾𑌯𑌾𑌂 𑌸𑌰𑍍𑌵𑌾 𑌰𑌾𑌕𑍍𑌷𑌸𑌸𑍍𑌤𑍍𑌰𑌿𑌯𑌃 ।
𑌕𑍁𑌂𑌭𑌕𑌰𑍍𑌣𑌾𑌦𑌯𑌶𑍍𑌚𑍇𑌮𑍇 𑌸𑌰𑍍𑌵𑍇 𑌰𑌾𑌕𑍍𑌷𑌸𑌪𑍁𑌂𑌗𑌵𑌾𑌃 ॥ 3 ॥
𑌰𑌕𑍍𑌤𑌂 𑌨𑌿𑌵𑌸𑌨𑌂 𑌗𑍃𑌹𑍍𑌯 𑌪𑍍𑌰𑌵𑌿𑌷𑍍𑌟𑌾 𑌗𑍋𑌮𑌯𑌹𑍍𑌰𑌦𑍇 ।
𑌅𑌪𑌗𑌚𑍍𑌛𑌤 𑌨𑌶𑍍𑌯𑌧𑍍𑌵𑌂 𑌸𑍀𑌤𑌾𑌮𑌾𑌪𑍍𑌨𑍋𑌤𑌿 𑌰𑌾𑌘𑌵𑌃 ॥ 3 ॥
𑌘𑌾𑌤𑌯𑍇𑌤𑍍𑌪𑌰𑌮𑌾𑌮𑌰𑍍𑌷𑍀 𑌯𑍁𑌷𑍍𑌮𑌾𑌨𑍍𑌸𑌾𑌰𑍍𑌥𑌂 𑌹𑌿 𑌰𑌾𑌕𑍍𑌷𑌸𑍈𑌃 ।
𑌪𑍍𑌰𑌿𑌯𑌾𑌂 𑌬𑌹𑍁𑌮𑌤𑌾𑌂 𑌭𑌾𑌰𑍍𑌯𑌾𑌂 𑌵𑌨𑌵𑌾𑌸𑌮𑌨𑍁𑌵𑍍𑌰𑌤𑌾𑌮𑍍 ॥ 40 ॥
𑌭𑌰𑍍𑌤𑍍𑌸𑌿𑌤𑌾𑌂 𑌤𑌰𑍍𑌜𑌿𑌤𑌾𑌂 𑌵𑌾𑌪𑌿 𑌨𑌾𑌨𑍁𑌮𑌂𑌸𑍍𑌯𑌤𑌿 𑌰𑌾𑌘𑌵𑌃 ।
𑌤𑌦𑌲𑌂 𑌕𑍍𑌰𑍂𑌰𑌵𑌾𑌕𑍍𑌯𑍈𑌶𑍍𑌚 𑌸𑌾𑌂𑌤𑍍𑌵𑌮𑍇𑌵𑌾𑌭𑌿𑌧𑍀𑌯𑌤𑌾𑌮𑍍 ॥ 41 ॥
𑌅𑌭𑌿𑌯𑌾𑌚𑌾𑌮 𑌵𑍈𑌦𑍇𑌹𑍀𑌮𑍇𑌤𑌦𑍍𑌧𑌿 𑌮𑌮 𑌰𑍋𑌚𑌤𑍇 ।
𑌯𑌸𑍍𑌯𑌾𑌮𑍇𑌵𑌂𑌵𑌿𑌧𑌃 𑌸𑍍𑌵𑌪𑍍𑌨𑍋 𑌦𑍁𑌃𑌖𑌿𑌤𑌾𑌯𑌾𑌂 𑌪𑍍𑌰𑌦𑍃𑌶𑍍𑌯𑌤𑍇 ॥ 42 ॥
𑌸𑌾 𑌦𑍁𑌃𑌖𑍈𑌰𑍍𑌵𑌿𑌵𑌿𑌧𑍈𑌰𑍍𑌮𑍁𑌕𑍍𑌤𑌾 𑌪𑍍𑌰𑌿𑌯𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌨𑍁𑌤𑍍𑌤𑌮𑌮𑍍 ।
𑌭𑌰𑍍𑌤𑍍𑌸𑌿𑌤𑌾𑌮𑌪𑌿 𑌯𑌾𑌚𑌧𑍍𑌵𑌂 𑌰𑌾𑌕𑍍𑌷𑌸𑍍𑌯𑌃 𑌕𑌿𑌂 𑌵𑌿𑌵𑌕𑍍𑌷𑌯𑌾 ॥ 43 ॥
𑌰𑌾𑌘𑌵𑌾𑌦𑍍𑌧𑌿 𑌭𑌯𑌂 𑌘𑍋𑌰𑌂 𑌰𑌾𑌕𑍍𑌷𑌸𑌾𑌨𑌾𑌮𑍁𑌪𑌸𑍍𑌥𑌿𑌤𑌮𑍍 ।
𑌪𑍍𑌰𑌣𑌿𑌪𑌾𑌤𑌪𑍍𑌰𑌸𑌨𑍍𑌨𑌾 𑌹𑌿 𑌮𑍈𑌥𑌿𑌲𑍀 𑌜𑌨𑌕𑌾𑌤𑍍𑌮𑌜𑌾 ॥ 44 ॥
𑌅𑌲𑌮𑍇𑌷𑌾 𑌪𑌰𑌿𑌤𑍍𑌰𑌾𑌤𑍁𑌂 𑌰𑌾𑌕𑍍𑌷𑌸𑍍𑌯𑍋 𑌮𑌹𑌤𑍋 𑌭𑌯𑌾𑌤𑍍 ।
𑌅𑌪𑌿 𑌚𑌾𑌸𑍍𑌯𑌾 𑌵𑌿𑌶𑌾𑌲𑌾𑌕𑍍𑌷𑍍𑌯𑌾 𑌨 𑌕𑌿𑌂𑌚𑌿𑌦𑍁𑌪𑌲𑌕𑍍𑌷𑌯𑍇 ॥ 45 ॥
𑌵𑌿𑌰𑍂𑌪𑌮𑌪𑌿 𑌚𑌾𑌂𑌗𑍇𑌷𑍁 𑌸𑍁𑌸𑍂𑌕𑍍𑌷𑍍𑌮𑌮𑌪𑌿 𑌲𑌕𑍍𑌷𑌣𑌮𑍍 ।
𑌛𑌾𑌯𑌾𑌵𑍈𑌗𑍁𑌣𑍍𑌯𑌮𑌾𑌤𑍍𑌰𑌂 𑌤𑍁 𑌶𑌂𑌕𑍇 𑌦𑍁𑌃𑌖𑌮𑍁𑌪𑌸𑍍𑌥𑌿𑌤𑌮𑍍 ॥ 46 ॥
𑌅𑌦𑍁𑌃𑌖𑌾𑌰𑍍𑌹𑌾𑌮𑌿𑌮𑌾𑌂 𑌦𑍇𑌵𑍀𑌂 𑌵𑍈𑌹𑌾𑌯𑌸𑌮𑍁𑌪𑌸𑍍𑌥𑌿𑌤𑌾𑌮𑍍 ।
𑌅𑌰𑍍𑌥𑌸𑌿𑌦𑍍𑌧𑌿𑌂 𑌤𑍁 𑌵𑍈𑌦𑍇𑌹𑍍𑌯𑌾𑌃 𑌪𑌶𑍍𑌯𑌾𑌮𑍍𑌯𑌹𑌮𑍁𑌪𑌸𑍍𑌥𑌿𑌤𑌾𑌮𑍍 ॥ 4 ॥
𑌰𑌾𑌕𑍍𑌷𑌸𑍇𑌂𑌦𑍍𑌰𑌵𑌿𑌨𑌾𑌶𑌂 𑌚 𑌵𑌿𑌜𑌯𑌂 𑌰𑌾𑌘𑌵𑌸𑍍𑌯 𑌚 ।
𑌨𑌿𑌮𑌿𑌤𑍍𑌤𑌭𑍂𑌤𑌮𑍇𑌤𑌤𑍍𑌤𑍁 𑌶𑍍𑌰𑍋𑌤𑍁𑌮𑌸𑍍𑌯𑌾 𑌮𑌹𑌤𑍍𑌪𑍍𑌰𑌿𑌯𑌮𑍍 ॥ 4 ॥
𑌦𑍃𑌶𑍍𑌯𑌤𑍇 𑌚 𑌸𑍍𑌫𑍁𑌰𑌚𑍍𑌚𑌕𑍍𑌷𑍁𑌃 𑌪𑌦𑍍𑌮𑌪𑌤𑍍𑌰𑌮𑌿𑌵𑌾𑌯𑌤𑌮𑍍 ।
𑌈𑌷𑌚𑍍𑌛 𑌹𑍃𑌷𑌿𑌤𑍋 𑌵𑌾𑌸𑍍𑌯𑌾 𑌦𑌕𑍍𑌷𑌿𑌣𑌾𑌯𑌾 𑌹𑍍𑌯𑌦𑌕𑍍𑌷𑌿𑌣𑌃 ॥ 4 ॥
𑌅𑌕𑌸𑍍𑌮𑌾𑌦𑍇𑌵 𑌵𑍈𑌦𑍇𑌹𑍍𑌯𑌾 𑌬𑌾𑌹𑍁𑌰𑍇𑌕𑌃 𑌪𑍍𑌰𑌕𑌂𑌪𑌤𑍇 ।
𑌕𑌰𑍇𑌣𑍁𑌹𑌸𑍍𑌤𑌪𑍍𑌰𑌤𑌿𑌮 𑌸𑍍𑌸𑌵𑍍𑌯𑌶𑍍𑌚𑍋𑌰𑍁𑌰𑌨𑍁𑌤𑍍𑌤𑌮𑌃 ॥ 50 ॥
𑌵𑍇𑌪𑌮𑌾𑌨𑌃 𑌸𑍂𑌚𑌯𑌤𑌿 𑌰𑌾𑌘𑌵𑌂 𑌪𑍁𑌰𑌤𑌃 𑌸𑍍𑌥𑌿𑌤𑌮𑍍 ।
𑌪𑌕𑍍𑌷𑍀 𑌚 𑌶𑌾𑌖𑌾𑌨𑌿𑌲𑌯𑌂 𑌪𑍍𑌰𑌵𑌿𑌷𑍍𑌟𑌃 𑌪𑍁𑌨𑌃 𑌪𑍁𑌨𑌶𑍍𑌚𑍋𑌤𑍍𑌤𑌮𑌸𑌾𑌂𑌤𑍍𑌵𑌵𑌾𑌦𑍀 ।
𑌸𑍁𑌸𑍍𑌵𑌾𑌗𑌤𑌾𑌂 𑌵𑌾𑌚𑌮𑍁𑌦𑍀𑌰𑌯𑌾𑌨𑌃 𑌪𑍁𑌨𑌃 𑌪𑍁𑌨𑌶𑍍𑌚𑍋𑌦𑌯𑌤𑍀𑌵 𑌹𑍃𑌷𑍍𑌟𑌃 ॥ 51 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ॥
